|
بيتي ..واخت زوجي كل شوي تبي تشارك!
السلام عليكم ورحمة الله
جيت استشيركم بعد الاستخاره ارجو تنصفوني احترت المهم انا متزوجه من سنه وشهر.. انا ساكنه بمدينه واهل زوجي بمحافظة بعد ماتميت خمس شهور من الزواج اخت زوجي) تبي تكمل دراستها وتدرس ماستر بالمدينه (يومين بالأسبوع) ولان بيتهم برا المدينه سكنت عندي يومين من كل اسبوع وكنت رافضه مابيها عندي (ن كانت صاحبتي ايام الدراسه وبعد ماتملكت ع اخوها صار بيني وبينها مشاااكل وخليت العلاقه رسميه اخت زوج فقط) المهم زوجي اقنعني من هنا وغصبني من هنا وخلاها تجي لانه مايبي يزعل امه وابوه خصوصا اول طلب منهم بعد الزواج ومالهم الا بيته وتضايقت ورحت لاهلي ارتاح شوي لاني شارطه بيت مستقل محد يسكن معي فيه.. اخوي اقنعني وقال ارجعي كلها يومين بالاسبوع تحمليها وقلت ان سكت وتحملت الحين ممكن بعدين تتوظف وتسكن سكن دائم طول الاسبوع قال لااااا فرق انا شارط لك بيت مستقل ماتسكن اسبوع معك لا بس يومين عادي.. اقتنعت ورجعت لبيتي وتحملت لين انتهئ الترم.. بعدها هالشهر جاها ترسيم معلمه بمحافظه ثانيه وماحصلو نقل ينقلها من محافظتها (بيتهم) للمحافظه الثانيه (العمل) حصلو بس من مدينتنا (بيتي) للمحافظه الثانيه (العمل).. اهله قالو تجي عندك وقال ماينفع البيت ضيق وزوجتي ماترتاح وانا مارتاح وحتئ اختي ماترتاح امه زعلت عليه وقالت دور حل ولا لانت ولدي ولا اشوفكم.. زوجي قال لي مافيه حل الا تجي اختي عندي وتتحملين عشاني.. انا قلت لا هذا بيتي وحقي بالشرع وماتطيع امك بالظلم.. زعلت وأخذت اغراضي ورحت لاهلي لان مابي يجون وانا فيه واصير اتصرف تصرفات مجنونه لاني جربت الوضع بوجود اخته ايام دراستها جددددا متعب ولايطاق ومو مستعده اجربه اكثر.. لكم ان تتخيلون اسبوع تسكن معي وتستخدم اغراضي بالطبخ بالكوي بالغسيل وترجع معي بالويكند لان حتى اهلي برا االمدينه فتخيلوا دايم تكون معي الا بغرفه النوم ...................... اخوي وزوجي اليوم تقابلو عشان يحلون الموضوع زوجي قال لاخوي مابيدي حل هذي امي واخوي قال لو انا مكانك سويت مثلك ماوقف مع زوجتي ضد امي لا بحق ولاغيره محد يرضى.. اخوي جاب واسطه وبينقلونها بحركة النقل القادمه ( بحثت وحصلت ان اقرب حركة نقل راح تكون الفصل الدراسي الثاني) انا ماقدر ارجع بيتي واعيش معهااا يوميا .. افيدوني |
رد : بيتي ..واخت زوجي كل شوي تبي تشارك!
ينقل للقسم الأنسب |
رد : بيتي ..واخت زوجي كل شوي تبي تشارك!
انتي الخسرانة عمرنا مانندم من الطيب الا من الردى
اول الخسارة زوجك حشميها وقدريها من حشيمته الدنيا رايحة ومايبقى الا الذكرة الطيبة. الله يرزقها بزوج ويغنيها عنك وعن أمثالك. اخوها هو اولى بها يعني وين تروح اخته حطي نفسك مكان أخته وهذا أخوك ترضينها. الاخ عز والاخت مابدالها اخت لكن الزوجة فيه بدالها. توقعي يوم يرميك ويتمسك باخته أحسن النية. |
رد : بيتي ..واخت زوجي كل شوي تبي تشارك!
ي حبيبتي هدي اعصابك
اولا انا الحمدلله ماقصرت ودايم يجون عندي واحطهم ع راسي ثانيا هي بنفسها جابت المشاكل بيني وبينها ودخلت اخوها بينا وقطعت علاقه الصادقه واحترمتها احترام القرابه ثالثا جتني اختبار وقدرتها وحطيتها ع راسي وبعدها جت دراسه فضاؤه ماهي محتاجه لانها موظفه وانا كنت لسئ عروس من حقي افرح واتهنئ واخذ راحتي ومع ذلك تحملت مجبره والا المفروض امها وابوها رفضوا دراستها عشاننا!! الوظيفه اذا انا بنفسي ماخترت رغبات بعيده من حدها تختار!! معليش شويه حق ومنطق الواحد مايشوف مستقبله ع حساب غيره!! الواحد يحترم ويمشي مره مرتين لكن مب حلا!! والمفروض الواحد ينحرج مايتمادا!! والمفروض اذا انتي متزوجه مع اني ماعتقد تكونين عاذرتني!! |
رد : بيتي ..واخت زوجي كل شوي تبي تشارك!
اخيك اخذ عنك فكرة سيئة
زوجك اخذ عنك فكرة سيئة اهل زوجك اخذوا عنك فكرة سيئة كلها شهور معدودة و تُفرج وكان الاحرى بك أن تصبري و تكسبي زوجك و اهله و اخته |
رد : بيتي ..واخت زوجي كل شوي تبي تشارك!
وانا ماخذت عنهم فكره سيئه!! والا المفروض الواحد يجامل ويمشي ع حسابه وغيره يتمادا ويتعدا حدوده!!
داماس حبيبتي احذفي الموضوع من جد تنرفزت والحمدلله انه مانتقل الا متاخر والا بجد كان ششككتوني بنفسي!! اذا زوجي بنفسه متضايق عشاني وشايف وش كثر تحملت عشانه!! والحمدلله قربنا ع حلها باقي التنفيذ.. اشكركم جميعا حتى لما كان موضوعي معلق لان بجد خيره هههههه ربي يسعدكم اول واخر مشكله تواجهها والله يبعد عننا المشاكل!واياكم.. يحذف والسلام عليكم |
رد : بيتي ..واخت زوجي كل شوي تبي تشارك!
استشارة
الدنيا فانية ومافيها حد باقي لابد الابدين اصبري ولك الاجر وفعلا هي فترة تحمليها وتمشي ان شاء الله بالعكس استفيدي منها هالفترة وخلي اللقلوب تتصافى كا انقولك هالكلام بمثالية خاصة انكم كنتو صديقات تعوذي بالله من الشيطان وتذكري خيركم من يبدأ بالسلام وآخرتنا في قبر لعل فعلك يكون عمل صالح لك يونسك بعد عمر مديد ان شاء الله خوذي من اخلاق رسولنا الكريم وخلك انتِ الكريمة وادعي الله يصرف عنكم المشاكل ويهدي اخت زوجك ما تخلي الشيطان يوسوسلك انها عدوة وتكرهك هذا هو هدفه وهو داخل عليك من باب كبير جدا يخلي كل الناس توقف ضدك تعوذي بالله منه وكوني مسلمة بأن تعتبري هذا ابتلاء والله ينظر لك حبيبتي كيف تتصرفين وحتى لو اذاتك حاولي تتحملي عشان زوجك والحمد لله خوك لقى حل بس اشوي صبر وتفرج ان شاء الله استفيدي من المحن واجعليها محن تقربك الى الله اسمعي مقاطع عن الصفح ومسامحة الغير وصدقيني لما تقربي من ربي تكتشفي حياة جديدة تشفقي عاللي ينام وفي قلبه حقد او غل تحسيه مريض مافي اجمل من المسامحة اريح من اي وسادة في الكون الله يسهل امرك ان شاء الله كرري هذه الاية عند الخصام سواء مع زوجك او مع اهله( والقيت عليك محبة مني ولتصنع على عيني) الاستعاذة بالله من الشيطان الرجيم وفي مرات نتعرض لظروف مدة بسيطة لكن يبان فيها الشخص امام الله وعبيده فحاولي تاخذي المكان الصحيح ولا تقولي مستحخيل وكرامة و.......... وشوفي رسولنا عليه الصلاة والسلام هو قدوتنا |
رد : بيتي ..واخت زوجي كل شوي تبي تشارك!
|
رد : بيتي ..واخت زوجي كل شوي تبي تشارك!
|
رد : بيتي ..واخت زوجي كل شوي تبي تشارك!
ي قلبي تسلمين
كان ودي اخذ واعطي معك وافصل لك شخصيتها وشخصيتي وايش اللي مضايقني بالضبط وايش اللي كنت خايفه منه.. بس الحمدلله حاليا شبه انحل،، لكن لفتي انتباهي لشي مهم وهو بجد انا حابه اناقشها واشوف احنا وين بنوصل وليه يصير كذا.. انا من مشاكل الملكه وانا قلبي مب متطمن لكن ماتجرات اني افك الملكه باعتبار لاصار زوجي رجال ماراح يكون فيه مشاكل لكن بجد المشاكل ماشيه ومدري متى توقف،، الله يعين كل اللي ابيه منها او من غيرها يكفون عني سطح علاقاتك تسلم يريحون ويرتاحون لان انا ماتحمل اقتحام الخصوصيه وبعز فرحتي!! اكرر شكري لكم واتمنئ يحذف الموضوع |
رد : بيتي ..واخت زوجي كل شوي تبي تشارك!
الله عليك يا أونا
احببتك هنا كثيراً |
رد : بيتي ..واخت زوجي كل شوي تبي تشارك!
مين خطبك ﻷخوها ؟
هل كان لها يد في خطبتك ﻷخوها؟ إذا كانت هي اللي اقترحتك ﻷخوها فالمفروض تحفظين لها الجميل يوم جمعتك مع اخوها اللي تشيشينه ضدها اليوم . سبحان الله |
رد : بيتي ..واخت زوجي كل شوي تبي تشارك!
مسكينه اللي تتزوج وتعتبر انها ملكت الرجل وخلاص المفروض ينسى اهله
ماتدري ان اللي يربطه فيها كلمة ويفصلها عنه كلمة ومايدوم له الإ اهله من ام واب واخوان عندي بحياتي نوعين من زوجات الأخوان زوجة اخويا الكبير تنحط ع الجرح يبرا ذوق وأدب وثقافة واحترام وحتى مع اختلاف وجهات النظر ماتطلع منها الكلمة الغلط او التصرف اللي ينحسب عليها والعائلة كلها شايلتها على راسها لدرجة خطبنا اختها الثانية لأخويا الصغير وفي المقابل زوجة اخويا الثاني بنت عمي الله لايوريكم لا ادب ولا احترام ولا تربية وانسانة الله يهديها بس ... الخلاصة العائلة كلها جدااا رسمية معاها واحنا البنات في شبه قطيعة معها يااختي انتي تفرضي اسلوبك عليها وبحكمتك تقدري تمشي امور كثيره بالبيت كثير عائلات يعيشوا مع بعض في فترات معينة مافي شي يدوم العمر كله.... بكرة النهار هادي بتصير عمة اولادك حاولي تكسبيها بالمعروف واذا ماقدرتي اكفيها شرك وعيشي حياتك الله يهدي سركم ويحنن قلوبكم على بعض * |
رد : بيتي ..واخت زوجي كل شوي تبي تشارك!
دعي عنك الانفعال وتصرف الأنانية ولتعلمي أن زوجك ليس ملكك فقط بل لأمه ولأخته لأهله حق أيضا ! لا أنكر أنكِ تريدين الخصوصية والاستقلالية يطمح لها كل شخص لكن اجعلي هذا الحديث نصب عينيك : ( من فرج عن مؤمن كربة من كرب الدنيا فرج الله عنه كربه من كرب يوم القيامة ) ، جاملي لوجه الله . بالمناسبة المدة لا تزيد عن ثلاثة أشهر أتهدمين بيتك لسبب كهذا ! الافراط في تملك العلاقات أمر ليس محمود . |
رد : بيتي ..واخت زوجي كل شوي تبي تشارك!
وفاء
ايوه هي وهذا اللي مخليني استغرب هل هي كانت تبي اخوها يتزوج عشان تلقئ بيت تجي فيه!! والا لاني حليوه تبي تضمن!! وانا ماعاديتها ولاشي ولافكرت اشيش اخوها بيوم حتى لما تمشكلنا ماعلمته نهائيا لكن هي راحت ودخلته بيننا وجاء يناقشني ورفضت ورجعت ودخلته ووقتها تكلمت عن كل اللي بينا.. ي حبيبتي مالها فضل علي ولا لي فضل ع اخوها نهائيا هذا النصيب جمعنا،، وهي كانت معي سنه وحاولت تتقرب مني كثير وخطبتني!! لكن مايعني انها تجي تسكن ع الفاضي والمليان وب اول سنه زواج،، معليششششش اذا هذا كان غرضها من الزواج ي ليت محد عطاها وجه وقبل اقتراحها!! وانا كل اللي طلبته خصوصيه واستقلالية بالبيت لاقطع علاقالت ولاشي لكن اذا كانو من النوع اللي اما امشي ع مزاجنا او نعاديك فهذي مشكلتهم مب مشكلتي.. وشرط استقلاليه السكن كان بالملكه قبل نتمشكل وقبل دراستها وقبل كل شي لان هذي ابسط حقوقي حتى مع اي ناس مب شرط هذول هذا شرطي من قبل اوافق واخوها وافق !! انا ماجبرتهم ع شي انا كنت واضحه |
رد : بيتي ..واخت زوجي كل شوي تبي تشارك!
ساندرا جده اذا انتي تعتقدين بزواجك كذا ف انا لا!!
لكن هذا مايعني اني اجامل واضغط ع نفسي واضيع بدايه حياتي اللي المفروض تكون حلوه عشان تكمل مستقبلها!! بكره هي بتتزوج وبتغيش حياتها وبتعرف وش كثر كان تحملي بتحس!! واما انتم واهلك مدري وش طبيعتكم لكن ممكن تكونون من النوعيه اللي. مصيري مثلنا والا نعاديك وهذي مشكلتكم مب مشكلتها ولازم تعرفون ان كل وحده وشخصيتها وتحملها |
رد : بيتي ..واخت زوجي كل شوي تبي تشارك!
يمام البراري
هالكلام انا بنفسي قلته من كم شهر لما كانت تدرس!! بعد الدراسه وش صار!! وظيفه!! ونهايتها يعني!! وتخلص هي وتتزوج ويجي غيرها وكل شوي القئ هالرد ابدا مب معقول اما انتم مثاليين بزياده او انكم ماجربتو نهائيا |
رد : بيتي ..واخت زوجي كل شوي تبي تشارك!
اختي الكريمه استشاره
الحكم على موضوعك صعب بالنسبه للمعطيات والتفاصيل المذكوره لا احد يعلم لاي مدى بينكم مشاكل اعني اخت زوجك وكيف انطباعك عنك او تعاملها معك نعم انتي تقولين اشترطي بيت مستقل من قبل وهذا حقك لا يختلف عليه اثنين ولكن غاليتي انظري الى الضغط الذي يعاني منه زوجك امه جنته تجبره ان يطيعها واعلم ان ذلك على حسابك ولكن حبيبتي اين وقفتك مع زوجك اين الفضل بينكم نعم اختي تفضلي ولن ينسى زوجك هذا الموقف منك ولا تقولي بانه فوق طاقتك لانه بيدك انتي ان تشتري راحتك او تبيعي كل شي وتخسري نعم اختي ماذا بعد المشاكل اؤكد لك لن يبالي احد بشعورك ولا بقهرك بانك تحتاجين لخصوصيه في بيتك ولكن شاءت الاقدار ان تحرمي منها لفترة مؤقته وليس العمر كله بإذن الله وكل شي يتعوض غاليتي من ادوات واثاث ومطبخ وووو ولكن وجودك مع زوجك في سرير واحد وانتي معه مرتاحة البال وشعيده بتقديم المساعده ونيتك كسب الاجر قدر الاستطاعه اجزم لك بان ذلك لن يضيع عند رب العباد فقط حدثي نفسك وتخلصي من كل فكره سلبيه بانهم تدخلوا في حياتك وبانهم انتصروا عليك واقتحموا مملكتك بل قولي اسعدت نفسي وزوجي وصبرت وساصبر ولن ينتهي العالم لو سكنت اخت زوجي معي بل تصرفت بحكمه تصب لمصلحتي قبل كل شي فكم من زوجه رغم العز عاشت مع زوج في بيت صغير ومع جميع العائله وخلافات وضيييق شديد الا انها فرجت من عند الله وسكنت بعدها في اجمل البيوت ومع ابنائها واكرمها زوجها لصبرها الجميل اسأل الله ان يريح قلبك ويطمنه |
رد : بيتي ..واخت زوجي كل شوي تبي تشارك!
اقتباس:
انا قلتلك عندي زوجة اخ اكثر من اخت وزوجة اخ بتمووووت على ماتتملك اخويا ومو طايله من كلامك زوجك ماراح يطلعها من بيته لعيونك واخوك ايدّه على قراره عشان كدا كوني حكيمه وخليها تجلس برضاك مو تجي غصبآ عنك |
رد : بيتي ..واخت زوجي كل شوي تبي تشارك!
خافو الله باللي يستشيركم ولاتاخذونه هجوم وتتخيلوني مرت اخوكم حطو انفسكم مكان اللي يستشير وبعدها ردوا.. الحمدلله ان الموضؤع انحل والا بجد كنتو بتحيروني وتشككووني باخلاقي،، واتمنئ المشرفين يحذفونه باسرع وقت لان ماعاد ارجو فايده بالعكس بيجيب مشكله ثانيه
|
رد : بيتي ..واخت زوجي كل شوي تبي تشارك!
الدانه حبيبتي كلامك صح لكن متعب وش الاهم الراحه النفسيه والامابعد عن زوجي والمشاكل ماراح تخلص ولو بيدي شي رجعت الايام ولاتملكت وخليت اخوها لها اذا الوحده بتخطب لاخوها وتدور مصلحتها ليه تخطب وتغث بنت الناس!! الوحده تطلع معززه مكرمه ماهي بنت شوارع عشان احد يتصدق عليها بخطبة!!! ولاطحت بكبد اهلي عشان يكون لاحد فضل خطبني من بين اللي خطبوني استخرت ووافقت!! لكن مايعني تكون ثالث شركاء الزواج وتعيش بينا!!
|
رد : بيتي ..واخت زوجي كل شوي تبي تشارك!
الحمدلله
دام انحلت نحمد الله الله يبعد عنكم المشاكل للابد ويسعدكم |
رد : بيتي ..واخت زوجي كل شوي تبي تشارك!
ساندرا زوجي ماجابها ولاراح يجيبها غصب لان مثل ماقلت انحلت!! ليه لاني ماطلبت الا حقي البسيط اللي اشترطته ايام الملكه!! والرجال هو اللي يلتزم بالوعود مب يقول امي اختي زوجتي وبالعكس انا اقترحت خلووول ماقلت ارميها بالشارع
|
رد : بيتي ..واخت زوجي كل شوي تبي تشارك!
استشاره حبيبتي
اذا نفسيتك تتعب من وجودها اكيد هذا بياثر على حياتكم ككل بالعكس حبيبتي فضفضي لكن زوجك لاحظي مقدر شعورك وحقك الشرعي لكن امه بتغضب عليه وبتخاصمه وهو خايف من ربه اولا وامه اكيد تعز عليه الله يسامح الاخوات او الامهات اذا كانوا سبب في الخلافات الزوجيه لان اهم شي اصلاح ذات البين وانا اتمنى تكونين اذكى من الجميع ما تخسرين زوجك بسبب ضغوطات اهله عليه وهل موضوع الانفصال بسيط اختي طبعا لا المتضرر الاكبر المرأه للاسف في هذا المجتمع واعلم ان موضوعك انحل ولكن النقاش بشكل عام حتى يستفيد من لديه نفس المشاكل الله يوفقك |
رد : بيتي ..واخت زوجي كل شوي تبي تشارك!
اقتباس:
والحمدلله انو الموضوع انحل.... الله يوفقك يارب ويجمع بينكم على خير واعتذر بشدة لو قسيت عليك بكلامي بدون قصد |
رد : بيتي ..واخت زوجي كل شوي تبي تشارك!
انا افكر بالانفصال جديا لان مشكلتي مانتهت ع هالشي وخلاص انا تعبت كل فتره والثانيه اخته تحطني بمشكله وامه ساكته وادري ليش يدور انها هي خطبتنا لبعض ونحمد ربنا ونفرش لها الارض ورد!!!!! استغرب من العائلات اللي كذا اللي ماتقول هذا صح وهذا غلط هذا حق وهذا باطل!! وفيه رد هنا نفس الكلام انها خطبتكم لبعض ردي لها المعروف والله شي مقرف ولو اعرف ان فيه ناس كذا كان ماوافقت الا بخطوبة الخطابات تعطينها الفلوس وخلصنا،، اما بانشب لكم ولي فضل سلامات!! والشرهه ع اللي عدك كبيره وخذ منك كلام!!
وفعلا ي الدانه فتره دراستها مشاااكل بسبب نفسيتي الله يعين |
رد : بيتي ..واخت زوجي كل شوي تبي تشارك!
انفعاليه لاني تنرفزت الموضوع متعبني نفسيا وماهي اول مشكله اواجهها بسبب اخته،، لو اقولكم ان اخته ماعرفتها الا باخر سنه جامعيه وهي اللي اضافتني مسن وتعرفت علي وكانت تقول صديقاتي مايدومؤن معي وعرفت الحين ليه!!
|
رد : بيتي ..واخت زوجي كل شوي تبي تشارك!
لا حول ولا قوة الا بالله
اختي لا تتخذي القرار الان واضح من ردودك كيف نفسيتك الله يجبر بخاطرك اصبري قليلا وفكري في الموضوع اكثر وابحثي عن حلول ما موقف زوجك هل يعلم بانك ترغبين بالانفصال |
رد : بيتي ..واخت زوجي كل شوي تبي تشارك!
حبيبتي اول شي لازم تهدي عشان تقدري تفكري
بعدين انتي ذكرتي اخته الثانية ايش علاقتها بموضوعكم افهمي شخصيات اخواته اكيد بتلاقي مدخل لكن المهم في تعاملك مع اي شخص (هذا الشي تعلمته من زوجة اخويا ولها الفضل بعد الله) ماتخلي احد يمسك عليك اي غلط سواء قول او فعل لأنك ماتدري بكره ايش يصير يمكن الله يصلح بينكم لكت ماراح ينسون غلطك والله اني حاسه فيك انا احاول اكسب زوجة اخويا مع انو مافي امل بس عشان الجو العائلي مايصير فيه مشاحنات ونصيحة اذا زوجك كويس ورجال ينشرى اتعوذي من بليس ولاتفكري بالطلاق نهائيااااا |
رد : بيتي ..واخت زوجي كل شوي تبي تشارك!
اقتباس:
بالتوفيق |
| الساعة الآن 05:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©