|
اتطلق ؟ ((مشكلة محلولة في الرد 33))
السلام عليكم
اعتقد عرفتوا اللي صار معي من المصون زوجي وحابة اقول اشياء اولها : اني ماتكلمت عن زوجي عند اخته اللي هي بعمري انا ماكنت اكلم اخته إلا عن هدية ابهديها له ولا طريت شين فيه ورب الكعبة اني ماتكلمت عنه بأي شيء كنت متفقه ان اخته تطلب الهدية وانا ادفع قيمتها وهي تستلمها في بيتهم عشان مايعرف ومادخلت هنا الا بنية اني ادور طريقة تقديم هدية مع اني مادخلت المنتدى من مدة واكتشفت كلامه وللأسف ان خالتي الله لايسامحها موهمتنا انها ماتسمع وسمعها ضعيف واساسا كنا بعيدين عنها وقت كلامي عنه كيف جابت هالكلام ككله وسوت مشكلة بين اهلي امي وابوي واخواني وعيال خالتي وتكلمت فيني بكلام ماقلته وسببت حزازيات وخلت امي تضربني زوجي عرف من اخته اني ماقلت شي وحلفت له ان هذا اللي صار وطلعت له الهدية اللي كنت بعطيه كنت متأكدة أن بعد الهدية ككل شي بيتعدل وبنصير احسن من اول بككثير بس حسبي الله عليها انا مقهورة لأن قبل ماتزوجه خالتي ززي امي وتعطيني مثل ماتعطي بناتها وتحن علي ليه تغيرت وليه اتهمتني اني مابرفض رجال زين إلا لأن وراي شي ليه زوجتني ولدها دامني راعية علاقات والحين تبي تخرب بينا ألوم زوججي كثير لأنه عارفني وعارف اني موب من هالنوع ألومه لأنه جاب لي غرض بأيام الملكة مايتعدى 100 ريال وسخخيف بس لأني ابيه جابه وحبيت له راسه وفرحت فيه اقدر اي شيء يسويه عشان انا احب اللي يقدرني ألومه لأن خالتي قالت لي كلام عنه انه رجع يدخن وانها شافت وشافت وانه جاها يبي يخطب وحدة يحبها بس مااهتميت وعطيتها على جوها لأني اعرفه وهو موب غريب علي عشان اصدق اي شيء ينقال عنه وهو للأسف صدق بدون مايتأكد مني وما الومه لأنه مسكين وامه دايما ساحبه عليه وعاش اكثر ايامه بغير بيت اهله ولا حس بحنان امه ماتقربت منه الا بعد ماتزوج وصار يجلس معها وياخذ رايها دايما كأنه يقول حتى انا عندي ام انا في بيت ابوي وابوي متحسف انه غصبني وماسمع مني وخلا اللي مايسوى يتكلم عني انا برقبة ابوي اذا رجعني له بدون ما ابي وقلت له هالكلام وخخاف وهو كل يوم يدق ويرسل اخرها امس لأن امس صارلنا سنة بالتمام متزوجين وكأنها عمر ماحسيت الا بالقرف والقهر وتأنيب الضمير وكأني بحرب افكر واخطط وابحث عشان نصير طبيعين وهو ولا على باله انا كررهته احس مابيه وامي تقول ارجعي له تصير بين المتزوجين كثير واختي تقول انه طيب ارجعي جربي يومين وطنشيهم وقال لأبوي ماراح نجلس بالرياض وبينقل بنفس الشركة لفرع ثاني بجدة مابي اخذ راي احد يعرفني ابيكم محايدين انتم تعرفون ككل شيء كل يوم اصيح منقهرة من اللي صار وانا مالي ذنب انصحوني انا ضايعة |
رد : اتطلق ؟
لا تتطلقين
|
رد : اتطلق ؟
نسيت اقول ان امي ضربتني لأنه قال لها اني باقي بنت
وامي تشوفه سوى عمل جبار انه تحملني وايضا عرف كل مواضيعي هنا وسبب لي مشكلة وكأنه مسك علي شيء اني تكلمت بأمورنا الخاصة وغير كذا حلمي بالبليغ قالي ليه تحلمين فيه !! |
رد : اتطلق ؟
مشاكل سوء التفاهم ومشاكل الحما والأخت وغيره كلها مشاكل عادية وتصير بكل البيوت ..
انتي مشكلتك الأساسية ما انحلت ولهذا السبب أي مشكلة عادية تمر عليكم تصير كبيرة فلازم تحلي المشكلة الأساسية بالأول .. بالرغم من الأسى اللي بالقلب الحين لكني أحس أنك حبيتيه ولو ما بينكم مشاكل كنتِ فرحتي أنه زوج لك . يعني هو شاري وانتي شاريه ..باقي تحلوا مشكلتكم حتى تمشي المركب صح طولتها وهي قصيرة :) قصدي اطلبي منه بينك وبينه أن تتعالجي عند مختص شرط لرجوعك . |
رد : اتطلق ؟
اطلبي منه يحجز لج عند دكتورة نفسية
يا لمى ياحبيبتي..وضعج مو طبيعي للأسف زوجج مو متفهم حالتج النفسية..لأنه مو عارف قوة حجم التراكمات النفسية اللي تضر بالإنسان ومثله كثيييير..بسبب الجهل وعدم المعرفة زوجج يحبج كثير..وانتي مازلتِ غاليه عنده روحي له واطلبي مساعدته وخلج واضحه وشفافه له..اظهري له كل اللي بقلبج من ألم وحزن وهم وكسر..وشوفي شنو ردة فعله أمه..خالتج لاتلومينها..قلبها على ولدها..تشوفه تعبان ومو مرتاح وتهيأ لها إنج قلتي هالكلام روحي لها وخبريها إنها فهمت الموضوع خطأ..وخلي إخته توضحه لهم اللي صار وخلج حبوبه معاها..ولينه حتى لو زعلتِ من تصرفاتها ماعليه..أغلب البيوت جذي..الخاله والجنه والغيرة لمى خلج قويه..وساعديه علشان تحلون موضوعكم الأساسي لاتبجين وتسببين له الإرباك..البداية بتكون صعبة بس وبعدها بترتاحون ربي يوفقكم..ويغير حالكم إلى أحسن حال |
رد : اتطلق ؟
لا تتطلقين وأعطو بعضكم فرصة
واعتبرو ما حصل دروس لكم في قادم الأيام |
رد : اتطلق ؟
-بشكل سريع على أمل العودة لموضوعك إن سنحت لي الفرصة..
-أقولها لك بكل صدق: استبعدي الطلاق تماماً من موضوعك.. |
رد : اتطلق ؟
اقتباس:
بس الحين احس اني كارهته ونافرة منه تكلم علي يا بيتا عند امي وقال لها اني متحملها واني باقي ماجامعتها وامي ماتدري عن السبب وهو متناسي وضربتني عنده بيتا ماعمري قلت له ابعد عني قلت له سوي اللي تبي بسرعه ولاتقرب من وجهي لو قرب مني دايركت امسك تنفسي واحس اني بختنق وكنت اقوله دايم خل نروح وابحث عن دكاتره كويسين لكن هو رافض اخرها يوم جاه الحادث وعدني انه لما يطيب بنروح لكنه سحب علي وانا طفشت ماراح اخسر شيء ابداً وخالتي تقوله تزوج بنت الفلاني لو تزوج مليون مايهمني وهو عارف هالشي ولو انه يهمني بيتزوج عشان بس يقهرني وتدرين يابيتا انه يشك فيني ويبحث وراي بعد ما اترك اي جهاز امسكه وجوالي يفتحه ويفتش حتى الاسماء ومره شاف رقم مطعم والمطعم بإسم رجل وجلس يحقق مين هذا بيتا انا كنت اقولها تعال ندخل المنتدى عشان يمكن يساعدوننا لكنه رفض وقالي يكذبون عليك لاتصدقين ويوم دخل بس دخل يبي يعرف وش انا كاتبه هو يعاملني كأني طفلة بكل شي موب قادر يعاملني كأني طفلة بهذا الموضوع ؟ انا كنت اقول انه طيب ولو مابينا مشاكل كان الحين احنا اسعد اثنين بس بعد اللي سواه فيني مايعرف الطيب ابداً وهو غيروه اصدقائه قبل هو ماكان كذا بس لما تغير مكان مكتبه وصار يجلس مع ناس حيوانيين ودخل بقروبهم بالواتس وصاروا يرسلون اشياء بايخة تغير كثير علي |
رد : اتطلق ؟
اقتباس:
وأنا متأكدة لو انحلت مشكلتكم الأساسية بيرجع أطيب من أول . ترى حرمان زوجك منك بهالطريقة له تأثير كبير على نفسيته وعلى شخصيته كلها مهما ظن أنه يقدر يتحمل وكابر . برأيي أنك تظلي متفاهمه مع والدك واسمعي منه وتكلمي معاه ... قولي لوالدك عن مخاوفك وعن أصحابه الجدد وتأثيرهم ... شوفوا لكم طريقة تضمني فيها أنه فعلا ينقل عمله وأنه يبدأ علاجك ... هذولي شرطين يبدأ بتنفيذهم قبل ترجعي وخاصة العلاج لو تقدري تكمليه قبل ترجعي أو عالأقل تمشي فيه فترة .. قولي لوالدك نفسيتي تعبت وأحتاج مختص أسري عشان مشاكلنا الحالية .. مو ضروري تقولي له على اللي صار زمان .. صحيح انه مشكلتكم الحالية مو مقنعه أنك تحتاجي لها مستشار أسري لكن لو والدك شاف أن زوجك متفق معاك بخصوص العلاج ويأيدك بقوة أتوقع بيوافق والدك تبدئي وانتي عنده . وانتبهي من موضوع الحمل الى أن تستقر أموركم ... خذي مانع الى أن تشوفي أنكم تفاهمتوا وتأقلمتوا مع بعض . الله يوفقك حبيبتي .. حاسه فيك وبحرقتك :) |
رد : اتطلق ؟
بعيد عن العاطفه
الرجال إذا ماعطيته حقه منج..بتشوفين النكد والهم منه حتى طريقتج غلط لما تقولي له تعال سو كل شي بسرعه.. ماراح يقدر..ببساطه لأنج سكن له وراحه..لما تكونين مرتاحه ومتقبلته بيقبل عليج أما إذا شافج متوتره..ماراح يقدر حتى لو حاول!! فهميه إنج ماراح تقدرين تساعدين نفسج بروحج..وتحتاجين استشارية متخصصه وقولي له كل شي بيتم بسريه..لا أهلي بيدرون ولا أهلك..خلنا نحل المشكلة ونرتاح بعون الله |
رد : اتطلق ؟
اسفه النت جدا سيء بالزور قدرت ادخل
|
رد : اتطلق ؟
اقتباس:
يكتب لنا اللي في الخير مهما كان شكرا امل |
رد : اتطلق ؟
وغير كذا يا امل احنا ماوضحنا لأحد ان بيننا مشاكل
انا موهمتهم اني اسعد وحده وهو بعد |
رد : اتطلق ؟
اقتباس:
|
رد : اتطلق ؟
اقتباس:
اقتباس:
|
رد : اتطلق ؟
انا ما احبه اخاف عليه عشان احنا ببيت واحد وزي اي احد قريب مني
|
رد : اتطلق ؟
اقتباس:
ترى لما أقول لك أنه الحرمان له تأثير نفسي على زوجك وعلى شخصيته وتعامله معاك فأنا ما ألومك وأعرف انه غصب عنك لكني أشرح لك حالته حتى تعذريه . شايفه الضغط النفسي اللي انتي فيه ؟؟؟؟ الضغط اللي هو تحته أضعاف اللي تحسين فيه . ومع انه غلطان برفضه لعلاجك وعدم تقديره لحجم مشكلتك لكنه جبار اللي قادر يسايرك للان .. وصدقيني أنك تحبيه وتكابري وباين حبك له بحروفك حرف حرف وبيت بيت وزنقة زنقة |
رد : اتطلق ؟
أكيد لا يا لمى مالو داعي الطلاق
ومع حبي لك ترا كل اللي في المشاكل سببه واحد حقه الشرعي |
رد : اتطلق ؟
لمى زوجك يحببببك مافي داعي للطلاق ابدا،،،وعصبيته هذي عشان حقه الشرعي زي ماقالوا الاعضاء اعرف انه غصبا عنك اللي قاعد يصير لذلك دامه يبغاك ترجعي جاتك فرصه تفرضي شروطك اللي هيا روحتك للطبيبة نفسيه او طبيب وبعده عن اصحابه السيئين
|
رد : اتطلق ؟
وصدقت خاله بيتا<<والله احبك ياخاله واحب رجاحه عقلك ماشاءالله،،،،انت تحبيه لو فتشتي داخل نفسك بتلاقي انه كلامنا صحيح
|
رد : اتطلق ؟
كلمت مع اختي قبل امس وجلست تقولي لو ابوي يتوفى بعد عمر طويل
محد بيخدمك من اخواني وكل واحد بيكون منشغل ولا يعاملني سيء وكلامها صح للأسف وكلمت زوجي وقلت له برجع بشرط نروح المستشفى وتترك اصدقائك وهو وافق ويقولي قدمت طلب نقل لفرع ثاني وقالي بنروح مستشفى في جدة ولا ما اقدر كلمت ابوي اني برجع بس نروح دكتورة عشان اخر مشكلة وقال مايحتاج لكن اصريت عليه وقلت له يكلم فهد ونروح هنا في الرياض وجاني وقالي بكره اروح لمركز مطمئنه يحجز ولا يدق عليهم يحجز وهذا اللي صار مع اني مافرحت لكن كلام اختي صدق والله يكتب اللي فيه الخير حلمت اني امشي بصحراء ومعي برميل حليب كبير ودخلت بيت بوسط الصحراء من اربع جدران وسقف بس وفيه رجال وحرمه كبار بالعمر ججدا ومنسدحين في السرير سلمت عليهم وعطيتهم الحليب واخذت طفل صغير وحاولت ارضعه من صدري بس ماكان ينزل حليب جلست ادعي ربي ينزل حليب عشان البيبي جوعان ونزل حليب شوي وفرحت وحاولت ينزل اككثر وخلص الحلم فيه احد يعرف يفسر ؟ |
رد : اتطلق ؟
أتمنى لك السعادة
وليتك تطلبين من الإشراف حذف كلام اختك لأنه ليس من صالحك أن يقرأه زوجك الزوج عندما لا يجد لزوجته عزوة وسند لا يحترمها بالقدر الكافي وأطلب حذف كلامي هذا أيضا حتى لا يضرها بشئ |
رد : اتطلق ؟
اقتباس:
|
رد : اتطلق ؟
اقتباس:
|
رد : اتطلق ؟
لمى بغض النظر عن كل مايضغط عليك وبصدق بدون مكابرة ماذا تريدين؟
اقتباس:
|
رد : اتطلق ؟
اقتباس:
ولملمي الأمور مع زوجك بسرعة.. |
رد : اتطلق ؟
اقتباس:
اما هو عادي يجيني بيت اهلي |
رد : اتطلق ؟
اقتباس:
-واستدعي زوجك لبيت أهلك.. واجلسي معه.. وقومي معه بحل النقاط العالقة بينكما.. -دعيه يتحدث معك بصراحة.. وتحدثي معه بصراحة.. -وضحي له جديتك في الحل ورغبتك في مساعدته.. -افعلي هذا الليلة يا لمى.. |
رد : اتطلق ؟
مشكلته مايتناقش يسلك بس
ولا يكلمني كأني طفلة عنده كيف بتفاهم معه ؟ |
رد : اتطلق ؟
الله يصلح حالكم وويسر اموركم
|
رد : اتطلق ؟
حبيبتي انتي اعطيني رابط القصه حقتك لان الي استنتجته فيك خوف من الجماع وانا كنت مثلك وتوني تعودت الحمدلله ومشت حياتي لاني كنت بتطلق الا شعره
|
رد : اتطلق ؟
اقتباس:
هذا اول موضوع كتبته وفيه رابط موضوع لأختي واقدر اتوصل معك بطريقة خاصة ؟ فيه اشياء ابي اعرف عنها |
رد : اتطلق ؟
رجعت لبيت زوجي الحمد لله
وخالتي كانت جالسة في البيت ماتبي اجي :D بس ابو زوجي هو اللي وقفها عند حدها وقالها ترجع بصراحة ماتوقعت لا انا ولا زوجي ان ابوه بيتدخل حتى زوجي انصدم وزوجي كلمني انه مايقدر يروح جده لأن الإجارات غالية هناك ومو على كل حاله ينقلوه وإن شاء الله اجي ابشركم ان كل شيء تمام بيننا وماراح اخلي احد يتدخل بحياتنا واخيراً ادعو لأختي أن ربي يرزقها وتحمل ويتتم حملها على خير |
رد : اتطلق ؟
رجاء ماتقفلوا الموضوع قبل ما اتواصل مع ( اتفائل )
|
رد : اتطلق ؟
|
رد : اتطلق ؟
مبروك لك ,, وعقبال بقية البشائر
|
رد : اتطلق ؟
اقتباس:
يغلق و ينسخ لقسم المشاكل المحلولة |
| الساعة الآن 11:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©