هل خطيبتي تحبني فعلا ؟؟؟
 

السلام عليكم ورحمة الله وبركاته انا عضو جديد في هذا المنتدي
انا شاب متدين ولله الحمد عمري 30 عام خاطب بنت اصغر مني ب 4 سنين من اسرة محترمة ذات خلق ودين ( منقبة علي فكرة ) عن طريق شخص معرفة هي عجبتني بصراحة من اول مرة شفتها واعجبت بالتزامها وتمسكها بطاعة الله المشكلة اني ذي اي واحد خاطب بنت نفسه يتأكد انها بتحبه ومش بتفكر فغيره
انا شفتها ه مرات والمرة الاخيرة بعد تحايل مني لاني قلتلها اني نسيت شكلها فسألت واستأزنت اهلها وكشفتلي وشها وكان يوم عيد وده بعد تحايل مني
المهم انا عن نفسي حبتها لاخلاقها العالية معايا واحترامها ليا وبتعامل امي وابي معاملة كويسة وكمان بتكون مبسوطة لما اكون هناك عندهم
مع الوقت بدأت احاول اعبر عن حبي ليها بكلام حلو وقلتلها اني بحبها بس المشكلة انها مش بتبادلني نفس الكلام مفيش مرة قلتلها كلمة ذي بحبك مثلا او وحشتيني وقالتلي وانا كمان ( بس بصراحة بتكون مبسوطة لما بكلمها في التليفون ولو قعدت كذا يوم متصلش الاقيها تتصل وتسألني مش بتتصل ليه )
انا قلتلها الكلام ده كان ردها انها محرجة تكلمني كلام حب وكمان ان احنا لسة اجانب عن بعض وانها هتعوضني بعد كتب الكتاب ايه رأيكم في الكلام ده ؟؟؟ المهم انا اخر مزهقت لان الموضوع ده ضايقني جدااااا قلتلها انا مش هتكلم تاني اي كلام فيه حب الا بعد كتب الكتاب واتفقنا علي كده
المهم انا جيت فمرة بقولها اني بحب اسمع صوتك انتي كمان مش بتحبي تسمعي صوتي ؟ قعدت ساعة تهرب من الكلمة بحجة انها محرجة وانها ملتزمة بطاعة الله المهم انا اتخنقت جدااا وحلفت اني مش هكمل معاها الا لو اتأكدت فعلا انها بتحبني وده حقي المهم بعدها لاحظت انها بقت تتصل بيا اكتر وبقي كلامها معايا اكثر مرونة انا الصراحة اتعصبت عليها كتير وهي مفيش مرة قابلت العصبية بعصبية زيها هي بتستحملني فكل مرة
اكتر مرة اتنرفزت عليها لما بتقولي عادي انها تسلم علي ابن خالها او هو يسلم عليها فحدود الادب انا غيور جدا علي فكرة وبالاخص انها صارحتني
ان رقمها مع ولاد خالاتها لان هما ساعات يتصلوا بامها ولو امها تليفونها مثلا مقفول يتصلوا بيها هي وبترد انا اضايقت عليها جدا وقلتلها غيري رقمك ومينفعش كده قالت خلاص لو هتزعل مش هعرف حد رقمي بعد كده بس هي بتقول انها من زمان مش بتكلم اي حد غريب حتي لو كان قريبها ( وهي مش بتدي حد رقمها الا صاحبتها او خالتها او اخوالها او اعمامها ) المهم لاقيتها سمعت كلامي ولغت رقم من ارقامها كانت اديته لقرايبها وهتغير الرقم التاني عشان مزعلش وهي بتتكسف اوي علي فكرة وهما ناس صعايدة علي فكرة
هي كذا مرة تقولي لو انا مش عوزاك مكنتش وافقت عليك وانها رفضت شباب كتير ميسوريين ومتدينيين بس هي ارتاحتلي ايه رأيكم ؟؟؟؟ افيدوني الله يكرمكم هل هي بتحبني فعلا وهل هكون سعيد معاها ؟؟؟؟ وهل المفروض اضغط عليها انها متتعاملش نهائي مع حد حتي لو كان ابن خالتها ؟؟؟
انا بضايق جداااااااااااا لو حد من اولاد خالتها (شاب) سلم عليها بالاسم وهما متجوزين علي فكرة وهي بتقولي انها ملهاش زنب ان حد يسلم عليها و عشان صلة القرابة لازم ترد بس الكلام ده حصل قدامي مرة من جوايا اضايقت جدااا بس مبينتش
انا غيور جدا وهي بتقولي انا معملتش حاجة غلط انا بقولها لازم تراعي اني بغير عليكي بس هي مراعاة لاستمرار العلاقة بينا بتسمع كلامي بس بحس انها من جواها مش مقتنعة اوي
الله يهديكم ايه رأيكم البنت دي بتحبني ؟؟ انا سألتها كذا مرة تقولي عندك شك فكده عشان متزعلش بقولها لا معنديش طبعا
وايه حل مشكلة اني بقولها كلام مجاملات كتير وهي مش بترد بحماس او مش بتعرف تقول كلام حلو ؟؟
هل ده دليل انها لسة محبتنيش اوي ؟ وهي البنت لو حبت شاب فعلا حتي لو ملتزمة بتقوله كلام حلو زي بحبك مثلا او مقدرش اعيش من غيرك غصب عنها ؟؟
وهل فعلا ممكن بعد الجواز تكون باردة جنسيا ؟؟ وهل ممكن مترضنيش بسبب كسوفها الذائد؟؟
(للعلم انا خاطبها بقالي 6 شهور)

وشكرا لكم

رد : هل خطيبتي تحبني فعلا ؟؟؟
 

رد : هل خطيبتي تحبني فعلا ؟؟؟
 

يا اخي الله يهديك ..
البنت بتحبك موووووووووت .. و لكن دينها يمنعها من ذلك و يجب ان تحترم ذلك و تدعمه .. و لا تجرئها علي معصية الله عز و جل بل كن داعما لها في ذلك ..

اما موضوع ولاد خالتها .. و رقمها الذي معه .. فانا ليوجهة نظر في ذلك ..
ولاد الخالة اخوات لها و لكن اخوة منقوصة .. ما ينقصها هو الاتي :
- الا يخلو بها
- الا تكون علاقة صداقة .. دردشة و حكاوي و خروجات و مزاح و ضحك
- الا تظهر عليه الا بحجابها الكامل
- الا تكلمه الا لضرورة
- الا تسلم عليه باليد
- الا يناديها باسم دلع او تناديه باسم دلع
- الا تجالسهم في مجلس مختلط .. رجال و نساء .. بل تجلس مع النساء فقط بشكل منفصل وتستطيع ان تتحجج بنقابها او من اجل انهن ياخذن راحتهم في الكلام بعيدا عن الرجال ..

طالما التزمت بهذه الامور .. فابن الخالة اخ (ان كان محترم و ملتزم) و انا كرجل ليس من مصلحتي علي الاطلاق عزل زوجتي عن من يحبها .. فقد اموت يوما ما .. فمن يقف بجوار اهل بيتي و اسرتي .. او قد امرض مرضا شديدا فمن يقف بجواري انا شخصيا .. لماذا ارفض مساندة عائلة زوجتي (طالما محترمين) ؟؟
من المفروض ان اكون واثقا في زوجتي تماما .. و اولاد خالتها هي تعرفهم قبلي .. فلو كانت رأت منهم ما يسوء لكانت غيرت رقمها دون حتي ان اطلب انا منها ذلك
الحالة الوحيدة التي ممكن ان اطلب منها ان تغير رقمها هي لو ان اولاد خالتها لم يكونوا مقتنعين بالمحظورات التي ذكرت .. و يتصلون بها للدردشة .. فهنا فقط يجب عليها تغيير رقمها .. او اعطائهم رقم دائما مغلق حتي لا يغضبون منها و تتأثر علاقتهم بها ..

رد : هل خطيبتي تحبني فعلا ؟؟؟
 

اما بالنسبة لخوفك من برودها الجنسي بعد الزواج ..
فصفات خطيبتك (ادام الله بينكما الخير ) تجعلك تحبها .. بل تعشقها حتي النخاع ..
و من يحب بصدق .. يعشق كل ما يمت لحبيبه بصلة .. تعشق شكل عينيها (و ان لم تكن جميلة ) تعشق شكل انفها .. تعشق شكل اسنانها .. اصابعها .. و هكذا .. تعشق كل هذا (و ان لم يكن جميلا في اعين الاخرين) لانه يخصها .. فقط لانه يخصها ..
و هذا سيحدث ايضا في كيفية ممارستها للعلاقة الخاصة .. فستعشق طريقتها .. لانها طريقة حبيبتك الغالية .. فالمحب يمارس العلاقة الخاصة لانها ستكون مع حبيبته .. يحب العلاقة الخاصة لانها ستكون معها ..

صدقني .. انت لم تحبها بعد ..

رد : هل خطيبتي تحبني فعلا ؟؟؟
 

واضح انها تحبك
بعدين اخي الفاضل
كثير من البنات احتكاكهم بالرجال قليل أو معدوم
وخلال فترة قصيرة تقولها اولي لي بحببك "دا كلام" أنا لو منها حعمل زي

لكن زي ما أولت هي بتحبك اوي ودا واضح جدا من كلامك

ربنا يخليكم لبعض

رد : هل خطيبتي تحبني فعلا ؟؟؟
 

شكرا لكم علي ردودكم متشكر اوي همسة فرح ومتشكر اوي رجل حليم بس احب ابين حاجة انا لاخت همسة فرح انا مش بجاملها والله انا بقولها احساس انا فعلا حاسه بس انا قصدي لو هي مش قادرة تقول كلام حلو عالاقل تقولي كلام مجاملة زي وحشتني مثلا زي انت منورنا خلي بالك من نفسك ................. الخ مش اكتر
وبخصوص الاخ( رجل حليم) متشكر طبعا عالاهتمام بس فيه نقط عاوز اوضحها انا بقولها بلاش تكلمي قرايبك غير المحارم ليه ؟؟ ده من باب الغيرة مش من باب عدم الثقة بيها والغيرة دليل الحب صح ولالا ؟؟ وكماان هي ملتزمة بالاداب الشرعية طبعا بس انا مش واثق فالطرف التاني لاني معرفوش وبعدين اصلا اي حد عموما لو بيحب واحدة هيغير عليها جدا
انا معاك ان الغيرة الذايدة مش كويسة برده بس انا من حقي اكون كل حياتها وده شئ ميزعلهاش انا الحمد لله واثق اني بحبها
بس ال مخليني محتار هل هي بتحبني اوي زي مبحبها ؟؟ و اسف ايه دليلك انها بتحبني موووووووووووووووووت ؟؟

رد : هل خطيبتي تحبني فعلا ؟؟؟
 

يا أخي الله يصلح حااك
الشيطان سوا له كرسي في مخك ومتربع عليه وجالس يوسوس لك
إنت مستسلم لوساوسه.
خطيبتك مؤدبة وعاقلة وتراعي الله وتحبك وماتبغى تخسرك..
هي بين نارين ،، كيف تجاريك في كلام الحب وانتوا لسة ما ملكتوا،،،،، وبين أنه نفسها تعبر عن مشاعرها لكنها ممتنعة استحابة ﻷمر الله.... مع إنه الصحيح المفرةض مايكون بينكم كلام إلا في الضرورة هذا شرع ربنا ووتجب علينا الوقوف عند حدود الله،،،
لا تمكن ابليس أكثر مما تمكن منك ﻷن همه التفريق.

رد : هل خطيبتي تحبني فعلا ؟؟؟
 

انها تنفذ كل طلباتك .. بتخاف علي زعلك .. بتحاول تتقرب منك و ترضيك .. بتتصل بيك كتيررررر
و كل هذا دلائل انها بتحبك ..

رد : هل خطيبتي تحبني فعلا ؟؟؟
 

رد : هل خطيبتي تحبني فعلا ؟؟؟
 

امين اخت مبتعثة سعودية شكرا لكي عالرد شكرا اخت مكلومة فعلا ممكن تكون وساوس شيطان & شكرا اخ رجل حليم
امين اخ متفائل احترم ارائكم جميعا شكرا لكم علي الردود ربنا يكرمكم

رد : هل خطيبتي تحبني فعلا ؟؟؟
 

رد : هل خطيبتي تحبني فعلا ؟؟؟
 

وعليكم السلام ورحمة الله وبركآته .. لو لم تكن تحبك لم توآفق عليك .. ولم تجآري غيرتكِ .. ولم تغير رقمهآ لأجلك .. !!
المسأله انهآ بنت خجوله وعلى خُلق ودين والله اعلم اسأل الله لهآ الثبآت .. وانت لابُد ان تُرآعي حيآئهآ .. وأن تُقدّر مشآعرهآ الحبيسه دآخلهآ .. مع الوقت ستعتآد عليك وبعد القِرآن (الملكه) إن شآءالله ستجدهآ اكثر شجآعه وجُرأة في مشآعرهآ .. ايضآ لاتحآول خنقهآ بغيرتك تستطيع ان تُخبرهآ بمشآعرك بدون غضب او تشّنج لاتنفّرهآ منك .. وكُن اكثر مرووونه .. ولاتستعجل الامور .. اسأل الله ان يوفق بينكمآ وان يُتمم زوآجكمآ على خير

رد : هل خطيبتي تحبني فعلا ؟؟؟
 

شكرا جزيلا ام الدانة & شكرا جزيلا همومكم تؤلمني بس هي الصراحة لغت رقم وفيه رقم لسة مترردة تغيره ولا لا ههههههههههههههههههههه لسة مغيرتوش انا ساعات الصراحة بحس اني بظلمها بس برجع الين تاني معاها بشد وبرخي
بس هي امبارح اتصلت بيا وقالت مش بتسآأل ليه حسيت فعلا اني بحبها
بارك الله فيكم

رد : هل خطيبتي تحبني فعلا ؟؟؟
 

فعلاً تذكرت فارس مها وأنا أقرأ موضوعك!

حقيقي أنا مش فاهمة لزومها ايه الصربعة اللي انتو فيها دي؟!!!!

استمر حضرتك في اللي انتا بتعملو .. وفي الآخر هي اللي هتتخنق منك وتقفلها معاك!!



نقطة أود أن أسأل عنها.

فهمت أن عمرها 26 سنة .. هل تدرس أو تعمل؟ .. هل تخرج من البيت؟ .. كيف تتنقل (سيارة خاصة أم مواصلات عامة أو تاكسي) .. هل تذهب للسوق أو السوبر ماركت مثلاً؟ .. هل تتحمل جزءاً ما من مسوؤلية أسرتها؟

إجمالاً كيف هي تفاصيل يومها العادية؟!

رد : هل خطيبتي تحبني فعلا ؟؟؟
 

لالا معلشي اخت مهرة حكاية فارس مها تختلف عن ظروفي اجمالا وتفصيلا اولا هو كاتب كتابه عليها
ثانيا هي بنت صغيرة 18 سنة
ثالثا انا مش عارف هو سنه كام بصراحة
رابعا واضح ان البنت مش مقتنعة اوي بيه او بتتلكك والله اعلم لاني مريت سابقا بتجربة مع الاقارب شبيهة شوية بس لحقت نفسي فالوقت المناسب والحمد لله ( البنت حاسة اني هقيض حريتها وهتحكم فيها وكده وبتتلكك عشان تنهي الموضوع ) وكنت اكبر منها ب 7 سنين فارق السن احيانا بيكون مشكلة فعلا بس عموما ربنا يوفقهم
اما بخصوص خطيبتي فهي مدرسة فمدارس اطفال وابتدائي جنب بيتهم بس هي من البيت للمدرسة وساعات بتجيب طلبات للبيت طبعا بس مش بتخرج الا لما تعرفني وساعات بتروح لقرايبها وكده يعني بس بتروح بدري

رد : هل خطيبتي تحبني فعلا ؟؟؟
 

رد : هل خطيبتي تحبني فعلا ؟؟؟
 

رد : هل خطيبتي تحبني فعلا ؟؟؟
 

ربنا يهديكم لبعض انسانة ملتزمة بتحبك مش معنى انها مش بتقول كلام حب وغرام يبقا مش بتحبك او بتحب غيرك لا حيائها يمنعها طبعا تعتبر خايفة منك انت اجنبى بالنسبة ليها واما الغيرة الزايدة ياريت تهدأ شوية لان الغيرة دى بتودى ورا الشمس وربنا يستر بس حلو انك تغير على شريكة حياتك بس خففها شوية لما انت بتغير كدة عليها قبل الجواز اومال لما تتجوزو هتعمل ايه غيرتك دى هتزيد اكتر من كدة خفف من غيرتك شوية عشان الحياة تبقا لذيذة وحلوة وتكون النفسية والبال رايقين وربنا يتمم عليكم بخير ويرزقكم بالذرية الصالحة امين يارب العالمين

رد : هل خطيبتي تحبني فعلا ؟؟؟
 

أولاً أنت فاهم طبعاً أنها غير ملزمة بأن تستأذن منك أو تعلمك بخروجها .. وأن تصرفها معك على هذا النحو في هذه المرحلة (قبل عقد القران) هو بادرة لطيفة ورسالة غير مباشرة يفترض أن تجيب عن السؤال الذي يدور في رأسك.

على كل حال .. هدفي من السؤال هو أن البنت مش محبوسة في البيت .. هي في النهاية تخرج وبالتأكيد تتعامل أحياناً مع الرجال .. سواء في عملها مع أولياء الأمور .. أو عندما تشتري طلبات البيت كما قلت .. لذلك لا أرى منطقاً في طلبك أن تنقطع تماماً عن أبناء خالتها وأقاربها الشباب .. يعني مش منطق تروح تشتري طلبات من السوبر ماركت وتدفع للكاشير الذي ربما يكون رجلاً أو تتكلم مع ولي أمر طالب أو طالبة .. ثم تمنعها من رد السلام على ابن خالتها ...... ولو كنت مش واثق في ابن خالتها فكيف تثق في ولي الأمر أو البائع؟!!

ما دامت العلاقة والكلام كله في حدود الأدب والاحترام فمافيش داعي للتحبيك .... وأؤيد هنا كلام الأخ رجل حليم تماماً.


موفق أخي الفاضل.

رد : هل خطيبتي تحبني فعلا ؟؟؟
 

بخصوص الاخت سر الحياة شكرا علي الرد بس انا مش متسلط ولا حاجة بالعكس & شكرا ام الدانة بس هي مش هتخاف علي مستقبلها معايا ان شاء الله & شكرا نونة محمد علي ردك ربنا يعزك
شكرا اخت مهرة علي ردودك اما بخصوص اولياء الامور سألتها قالت انها بتتكلم مع الامهات بس ولوحد طلب رقم تليفونها مش بترضي الا لو لام الولد او البنت بس
يا جماعة والله انا بعمل كل ده لسببين :
اولا: اني طبعا بغير عليها
اما ثانيا : انا عاوز اعرف احتويها وتتأثر بيا والحمد لله نجحت فكده والا بقي لو هي مصرة تمشي ورا دماغها يبقي مش عاوزاني بس الحمد لله هي بتقتنع بكلامي وبنتفاهم وانا ان شاء الله هتعلم اتفاهم معاها ومستخدمش اسلوب العصبية الا فاضيق الحدود والله الموفق

رد : هل خطيبتي تحبني فعلا ؟؟؟
 

لا تفرض أسلوبك ورأيك عليها دعها تعبر عن حبها لك بطريقتها لا بطريقتك،، أعطها حريتها..
كل انسان له شخصيته وأسلوبه
إذا لم تعبر عن حبها بأسلوبك أو كما تريد أنت هذا ليس معناه أنها لا تحبك.

رد : هل خطيبتي تحبني فعلا ؟؟؟
 

حلو انك حابب تحتويها.. بس الاحتواء مش معناه انك تحاصرها وتمنعها من انها تمارس أمور بسيطة وطبيعية.. ورغبتك انها تتأثر بيك مش معناه انك تتغاضى عن رغبتها وهي عاوزة ايه.. واساساً تأثرها بيك هيكون أحلى لو كان من نفسها وبقناعتها.. مش بطلب منك.

أما انك تقول انها لو مشت ورا دماغها يبقى مش عاوزاك فأعتقد ان دي تحبيكة تانية.. ومش مطلوب منها تمحي دماغها خالص عشان تثبت لك انها عايزاك.


بشويش يا بطل ;)


وربنا يوفقك.

رد : هل خطيبتي تحبني فعلا ؟؟؟