|
ايش الأفضل برأيكم؟
السلام عليكم
أزعجتكم بالأسئلة،، عذراً اممم خطيبي أعطانا خيارين لوقت الزوج بسبب ظروف عمله هذولي هم الأنسب: الاول: بعد 5 شهور تقريبا الثاني: بعد ثمان أشهر ايش اختار؟ ما عندي خوات أكبر مني :/ ما أعرف كم تاخذ التجهيزات والأشياء وكذا... اممم محتارة بين الوقتين.. القريب حلو لأني بخلص من الهواجيس بسرعة وارتاح لإني انسانة اشيل هم بشكل كبييييير ومبالغ مرات < اعترف :( الثاني والأبعد، راح يكون أروق وبسوي شغلي واجهز نفسي ع رواق وما راح يكون فيه ضغط |
رد : ايش الأفضل برأيكم؟
ماشاء الله كلا الفترتين كافيه للتجهيز حسب توقعاتي
لكن الامر يرجع ايضا لظروفك هل انتي تدرسين ام لاء! ان كنتي تدرسين فالأفضل بعد ثمان اشهر عشان العطله الطويله وان كنت موظفه ايضا انظري هل سيناسبك أخذ اجازه كافيه خلال هذا الشهر والتجهيز اعتقد اذا عندك سياره مستعده توديع وتجيبك ماراح يطول الجهاز واحب انبه اذا زواجك فيه تصوير وكوشه ومن هذا القبيل بادري بحجزها فور تحديد موعد الزواج،حتى ماترتفع عليك الاسعار اذا بدأت تقترب مواسم الزوجات مع العطل وكذا وحتى فستان زواجك ابدأي فيه المشاغل تأخذ أكثر بوقت المواسم والزحمه والله يوفقك ويسخر لك ويتمم عليك |
رد : ايش الأفضل برأيكم؟
اقتباس:
ايوه انا موظفة ونظام دوامي يسمح لي اخذ الاجازة بوقت اللي ابغاه ان شاء الله شهر 8 ايوه اروق واريح لي نفسيا من ناحية التجهيز بس بعده بيجي رمضان بسرعة.. ما ابغى اتزوج وانكرف ع طول برمضان :/ مدري انا انسانة ما اعرف اقرر بالأشياء المصيرية والصعبة كذا كل اللي اسويه حاليا اني صايرة متوترة ع طول واصيح من اسخف موقف!!! امم بالنسبة للزواج اهله يبغون شيء مختصر وصغير رغم اني ما اقتنعت تماماً وابغى شيء كبيييير هي مرة بالعمر :/ شكرا حبيبتي |
رد : ايش الأفضل برأيكم؟
وعليكم السلام ورحمة الله وبركاته ’’
أسأل الله أن يُبارك لكِ يادانا .. أولاً : الوقت كافي للتجهيز .. مادمتِ من النوع القلق ..حاولي أن يكون قريب .. بالنسبة للدوام بالأكيد يعطوكِ عالأقل إجازة أليس كذلك ؟! وقبل كل هذا التخطيط مهم لو خططتي جيداً ستعرفي أنتِ دون مشورة كيف تختاري الوقت المناسب لكِ .. وفقك الله لكل خير ... |
رد : ايش الأفضل برأيكم؟
انا اقول بشهر ثمانية بس بداية 8 .. اما شهر 5 لازم من الحين تخلصين امورك وترتاحين .. واذا تقدرين تأخذين اجازه من دوامك انا انصحك بشر 7 تتزوجين وتاخذين اجازة وتشبكينها بالعطلة الصيفية ..
وفي الاخير لك حرية الاختيار شوفي امورك والانسب لك وترى صدقيني اي وقت مايهم اهم شيء التوفيق .. الله يتمم امورم على خير ومبروك حبيبتي مقدما والله يجمع ماببنكم بالخير |
رد : ايش الأفضل برأيكم؟
مع سر الحياة
موفقة ان شاء الله |
رد : ايش الأفضل برأيكم؟
انا احسك تصعبي اﻻمور وما اشوفها تفرق ﻻ تفكري كثير اخذي قرارك وانهي امرك وخﻻص
ربي يوفقك |
رد : ايش الأفضل برأيكم؟
بس على فكره لو عندك امور كثيره بعقلك وتخطيط ... ومشاريع ... اشك انه يمديك تخلصيها خلال 4 اشهر تقريبا ؟
ولو جاهزه وامورك تمام ومرتاحه عشان ماتكوني مرهقه .. خليها بحدود 5 اشهر .. انتي شوفي الي يناسبك بعيد عن اي ضغوطات وتفكير غير منطقي .. انتي اسالي نفسك باربعه اشهر يمديني استعد فعلا ويجي الزواج وانا مرتاحه ؟ ربي يوفقك والله .. مادوختينا بالاسئله اعتبر انها مفيده وبوقتها ومحيره .. يعني معك حق تسأليها خيتي danaa11 وقولي لنا عشان الفضول بس متى ان شاء الله ربي يوفقك وتقرري .. ^_^ .. |
رد : ايش الأفضل برأيكم؟
اقترح الا تطول فترة الملكة اكثر من 6 اشهر . واعتقد 5 شهور كافية جدا للتجهيز
اذا كان ظروف عملك تسمح بذلك وظروفة |
رد : ايش الأفضل برأيكم؟
يعتمد على ظروفكم وكل ما قصرت المده قلت المشاكل وهذا شي ملاحظ
|
رد : ايش الأفضل برأيكم؟
انا اشوف خمسة شهور كافية
يكفيك تجهزين بشهرين وروقي 3 شهور |
رد : ايش الأفضل برأيكم؟
الله يسعدكم جميعا
بصراحة أحتاج أحل مشاكل بشرتي اللي قلت لكم عليها من قبل وهذا الشيء اللي ممكن ياخذ وقت، وبالمقابل ممكن ما يجيب معها العلاج أي نتيجة! لذلك أنا مترددة بالوقت عشان العلاج أكثر من تجهيزات اللبس وكذا لأن اللبس من جد استغرب من اللي يجلسون بالأشهر يجهزون له! الصعوبة راح تنحصر بفستان الزواج وفستان الملكة وتجهيزات القاعة وهذي ممكن أضغط ع نفسي فيها بس مشاكل بشرتي مدري قد ايش راح تجلس! والدكتورة تقول حسب استجابة جسمك.. ما أعرف بالضبط وممكن ما تستفيدي! :/ |
رد : ايش الأفضل برأيكم؟
اذا عندك مشكله بالجسم اخري العرس 8 شهور انسب لك
|
رد : ايش الأفضل برأيكم؟
اقتباس:
مثل ماذا مشاكل البشرة ..؟! |
رد : ايش الأفضل برأيكم؟
اقتباس:
|
رد : ايش الأفضل برأيكم؟
اقتباس:
التشققات التي تقولي عنها بعد الريجيم يحتاجها رياضة شد ..لاتجعلي أحد يستغل مالكِ وتؤجلي الزواج لذلك ويُعتبر مدة لابأس فيها لحل جزء كبير من المشكلة .. وكوني واثقة من نفسكِ ..وفيه مشكلة مشابهة إقرأيها واستفيدي من ردود الأعضاء .. ووفقكِ الله لكل خير .. |
رد : ايش الأفضل برأيكم؟
اقتباس:
لكن للأسف ظهرت التشققات، رغم أني نحفت ببطئ! بس بشرتي للأسف حساسة جدا وجسمي الحمدلله مشدود ما عدا الصدر آمين الله يسمع منك كل الشكر حبيبتي |
رد : ايش الأفضل برأيكم؟
اقتباس:
البشرة تتحس كثيراً من التفكير..عندما تتزوجي ستذهب هذه المشاكل وخاصة البشرة وحب الشباب ولو كانت من النوع الدهني ..سهل التعامل ويوجد تمارين خاصة له ..مارسيها وضعي ثقتكِ بالله ثم بنفسكِ أنتِ .. وأسعدكِ الله .. |
رد : ايش الأفضل برأيكم؟
اقتباس:
أقصد كل جسمي والدليل تأثره بالتشققات رغم ممارسة الرياضة والنزول البطيء |
رد : ايش الأفضل برأيكم؟
اذا محتاجة وقت انك تشتغلي على نفسك او تسوي شيء معين فيكون المتاخر
اذا لا شيء يكون المتقدم طبعا لازم الاستخارة وربي يوفقك |
رد : ايش الأفضل برأيكم؟
اقتباس:
الله يسعدك شاااكرة لك |
| الساعة الآن 05:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©