|
الله لايجعلني من الشامتين
السلام والرحمه
من الصبح وانا فيني رعشه وضاربتني نفضه موب عارفه اللي سمعته صح او غلط ذياب يقول ابويه يبانا الليله عنده سالفه بيخبرنا والريم الحين مع ريلها وذياب وخليفه ي البيت واختي الكبيره بتيي عقب المغرب ان شالله دقيت على الريم اقولها شو السآآلفه لو طراطيش كلام قالت موب متاكده بس اللي سمعته انه متزوج من ست شهور بعربيه عايشه هي واهلها في بانكوك قلتلها والله لو الخبر صح لارتكب جريمه في حقه خلي يسويها بس الاجتماع بعد صلاه العشاء دقيت على سالم قالي مايقدر ينزل بوظبي مرتبط بدوامه .. المهم دعواتكم انه كلام ريم كله غلط هاللي اباه والله لايجعلني من الشامتين .. |
رد : الله لايجعلني من الشامتين
سمي الله و استعيذي بالله من الشيطان الرجيم،،،،
ترتكبي جريمة في مين،،،لم أفهم أختي!!! هدي و ان شاء الله ما في إلا الخير،،، الله يسمعكم سماع الخير و لا يوريكم مكروه،،، |
رد : الله لايجعلني من الشامتين
اقتباس:
انا بس اتاكد من الخبر مابا ارتكب جريمه بس ماراح يصير خير .. الحين اسالهم في الصاله اقولهم شو السالفه يقولون الخبر عند ابويه موب موب متاكدين اتصل في ابويه عشان اعرف مايرد .. ماتقولين لي من وين بي الخير |
رد : الله لايجعلني من الشامتين
طيب اهم شي ماتنفعلي وخبرينا .. حنا معاك خيتي
|
رد : الله لايجعلني من الشامتين
اقتباس:
بتريا لين عقب صلاه العشاء ؟؟ الله يصبرني بس واجوف اخرتها |
رد : الله لايجعلني من الشامتين
وعليكم السلام ورحمة الله وبركاته
هل تقصدين أن أباك متزوج ؟ وهل هذا ما تخشينه ؟ |
رد : الله لايجعلني من الشامتين
اقتباس:
لما تعرفي الموضوع اللي حاب الوالد يكلمكم فيه،،،ساعتها لكل حادث حديث،،، لا داعي لتسبيق الأحداث،،،تبثي نفسك،،، و حطي في بالك كل الاحتمالات و جهزي نفسك لكل شي و أهم شي حطي في بالك أنو هذا أبوك و ربي سبحانه و تعالى أقرن عبادتو بطاعة الوالدين و الاحسان اليهما،،، فما يسوى تنفعلي و تتهوري في التصرف على أبوك،،، ربي يهدي سرك،،،و يفرج أمورك،،، |
رد : الله لايجعلني من الشامتين
سالم يقولي بحاول اجييك الليله بس موب حلوة اكون معكم وابوك ماقالي احضر
يعني موقفي راح يكون بايخ قلتله انت ريلي وواجب عليك تكون معاي قالي هداي بس تعرفي المووضوع وبعدين يحق لك تحكمي لاتظلمي ابوك من الحين انا موب عارفه ليش مايرد عليا يعني عارف نفسه مسوي الغلط من جي مايرد عليا موب من العاده مايرد دايما يرد عليا من اول اتصال .. |
رد : الله لايجعلني من الشامتين
اقتباس:
اذا صدق كلامها والله ليخسر عياله كلهم .. |
رد : الله لايجعلني من الشامتين
اقتباس:
المشكله انه الامور كلها بخير بس مثل الخبر يخرب مسير حياتنا لا والله مااترك هالموضوع يخرب علينا حياتنا ويكدر مزاجنا .. |
رد : الله لايجعلني من الشامتين
;;
;; مكانه المناسب |
رد : الله لايجعلني من الشامتين
انا بطلع من هالمكان وبطلع من البيت احس بخنقه بشي صاك على صدري بشل خليفه وبسير افهمة انه مايتعاطف مع ابويه واخليه على يقين انه تصرف ابوه غلط في غلط في حال صدق الكلام وامي لو كانت حيه مابتقبل بهالكلام
كل شي جدامي مخربط موب عارفه كيف افصل فيه ومااقدر اجوف اي شي استودعكم الله في هاللحظه |
رد : الله لايجعلني من الشامتين
سبحان الله امك متوفاة رحمها الله ومن الحق الرجل يجد زوجة تكون سكن وحصن له مما يغضب الله ثم كيف يا اختى تقولى بسوى جريمة فى حق ابوك اين انتى من قول الحق سبحانه وتعالى وبالوالدين احسانا ولا تقل لهم آف ولا تنهرهما وقل لهم قول كريم |
رد : الله لايجعلني من الشامتين
دوبي فهمت الموضوع
ياروضة الله يهديك ويصلحك أول شي برأيي سالم ماله داعي تدخلينه في مشاكلكم العائلية خاصة مع والدك الله يحفظه،، ثانيا وهو اﻷهم والدك إن كان تزوج فهذا حق شرعي له ،، ومالك حق تعارضينه،، من العقوق الوقوف بوجه أحد الوالدين في حال رغبته بالزواج،، ومن البر إعانته على حاجاته..والزواج حاجة فطرية ماتشبعها غير الزوجة،، يعني مهما مﻷتوا حياة الوالد وأشغلتم فراغه،، ولا أحد فيكم يقدر يحل مكان الزوجة ويسد فراغها. |
رد : الله لايجعلني من الشامتين
طبعا ابوك له حق يتزوج ويختار انتي نفسك اخترتي الي تبغينه
ثانيا مب حلوة تدخلين خطيبك بمشاكلكم |
رد : الله لايجعلني من الشامتين
الخبر صحيح
مااقدر اتكلم بالتفاصيل الحين بطلع دبي عند سالم الشخص الوحيد اللي محتاجتله هو سالم المهم يليت ماتتريوني واذا حابين تغلقون الموضوع مرخوصين لاني موب قادره ارد على اي شخص تطمنوا ماتكلمت معاه بولا كلمه بالرغم من محاولاته في تلطيف الجو ربي يحفظكم |
رد : الله لايجعلني من الشامتين
يغلق..............
|
| الساعة الآن 11:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©