|
الوالده... وطلبها الغريب
السلام عليكم ورحمة الله وبركاته
كل عام وانتم بخير... بعد غياب طويل... حاب استشيركم بموضوع :) بندش بالموضوع من غير مقدمات :26::26: الوالده الله يطول بعمرها لنا من اسبوع اتصلت وقالت بغيتك بموضوع ,, طلبت منها تاجيله لاني عندي بعض المشاغل... أصرت وقالت اذا ما مريت اليوم مب راضيه عليك ولا بغيت أشوفك:25::25: حزتها حسيت انه في مصيبه لانه بطبعها أغيب عنها بالايام ما تسال عن هوى عن داري المهم سرت لها ويلست وياها بعد موشحه عريضه منها وعن البر وعن رضا الوالدين :o:o قالت بغيتك تيب حرمتك الثانيه وتسكنها ويانا (( هلت المصيبه على راسي )) ؟؟؟؟؟؟؟؟؟؟؟؟؟ حاولت أكون هادي وسالتها حق شنو تبغينها تسكن وياكم ؟؟ وزوجتي الاولى شنو وضعها ؟؟ وشلون بغيتيني أتفاهم وياها وبشنو أقنعها ؟؟؟ ردت ... أنا كبرت بسن ومريضه وبغيت من يداريني , وأنتوا كل واحد فيكم لاهي بحياته ,, انا وأبوك ناكل ونيلس بالبيت العود بروحنا .. زوجتي الاولى عندكم وبنتي 24 ساعه وياكم .. حزتها ردت بنبره وصوتها خرم اذوني (( أي حرمه تتكلم عنها 24 ساعه بدارها ,, ما تنزل الا اذا طلبنا منها ,, ولا تدري عنا بالاياام ,,, ودومها مريضه المهم أنها غسلت شراعها )) بيني وبين نفسي قلت فرصه وعذر عشان أطلعها من البيت وافتك من حنتها.. قلت لها مب مشكله انا باخذ لجين وردها بيتها وزوجتي الثانيه اذا طاعت (( 90% متاكد أنها موافقه)) بسكنها عندكم.. قالت لا :( بغيت تحرمنا من عيالك وأمهم مب قد المسؤليه ,, زوجتك الاولى تم عندنا ,,, ولكن زوجتك ثانيه تبني لها هني عدالنا تظل قريب منا ... يا جماعه حزتها ما عرفت أرد عليها أو أجادلها وبيني وبينكم حسيتها مليان صوب حرمتي الاولى المهم ثاني يوم علمت الوالد بالموضوع وناقشه المشكله انه طلع رايه من رايها وتم يقول لجين بنت اخوي وهذا بيتها ,, لكن احن بسن نحتاج من يدارينا .... طلبت منها تاجل الموضوع ولا تجيب طاريه لاحد لانه حرمتي تعبانه هالفتره من يومها وانا أفكر ومب عارف شلون أرضيها من غير ما أزعلها وتاخذ على خاطرها مني ,, يا جماعه شلون اقنعها تشل هالفكره من راسها ,,, لانها بتحطني بعوار راس أنا بغنى عنه |
رد : الوالده... وطلبها الغريب
حتى لو جبت الثانيه بتظل في دارها درءا للمشاكل
شكله الوالده زعلانه من زوجتك الاولى او مليانه منها وتبغى تكسر راسها باحضار زوجتك الثانيه في وسط البيت ختى تحصل الحريقه وفخار يكسر ببعض جهز نفسك لمشاكل مالها اول ولا اخر وحدث العاقل بما يعقل زوجتين تحطهم ببيت واحد ايش النتيجه؟ يمكن الوالده الله يحفظها تظن انه بحضور الزوجه الثانيه للبيت رح يحصل تنافس في مداراة والاهتمام بالجد والجده بدافع الغيره والتنافس على حب الجدين لكن هذا مارح يحصل كل وحده رح تسكر على نفسها الباب وتعيش بمملكتها وبعالمها استخير وشوف ايش اللي ترتاحله |
رد : الوالده... وطلبها الغريب
ينقل الى القسم الانسب
قسم العلاقات الاسرية والاجتماعية |
رد : الوالده... وطلبها الغريب
ابو خليفه عوداً حميداً
طمنا عن لجين والبنوته ان شاءالله بخيير استخر الله |
رد : الوالده... وطلبها الغريب
بس اسأل أمك وأبوك .. هم يضمنون الزوجة الثانية راح تداريهم وتجلس معهم طول الوقت ؟؟ إن كانت زوجتك الثانية من النوع اللي مالها نفس طويل مع الكبار .. راح تجلس يوم يومين ثلاثة وبالأخير راح تظل بغرفتها .. |
رد : الوالده... وطلبها الغريب
حمدلله ع السلامة بو خليفة
ما اقول غير الله ييسر امرك |
رد : الوالده... وطلبها الغريب
عشان توضح الصوره لاني احس انكم فهمتوا انها بغتها تسكن وياهم ... هي طلبت مني ابني لها عدالهم بمعنى تكون جريبه منهم وتكون دش وتطلع بسهوله عندهم ,,, وانا ادري أنه الوالده نوعاً ما مب شايله هم زوجتي الاولى لانها تدري بطبعها ,, للعلم زوجتي الثانيه تزور أهلي بين فتره وفتره ,, بعض الزيارات تمر بسلام ,, ولكن الاغلب الاولى ما تنزل بذات اذا درت انه ثانيه تحت ... علاقة الوالده بزوجتي الاولى بالفتره الاخيره تعتبر متوتره لابعد حد ,, |
رد : الوالده... وطلبها الغريب
اقتباس:
هي حاليا بالمستفى من قبل العيد وسبب مشاكل الضغط والحمل |
رد : الوالده... وطلبها الغريب
اقتباس:
ما تشوف انه ظلم أن تكون زوجتك الثانية ببيت مستقل ولجين بجناح محكومة بنزلتها وطلعتها وحريتها مقيدة .. حتى لو كانت هي ما تحب تطلع كثير من جناحها لكن المرات القليلة اللي ممكن تنزل فيهم بتكون مو براحتها وممكن الصدام مع زوجتك الثانية بنسبة 80% وانت تعرف تماما شنو يعني البيت المستقل للجين وكم نفسها فيه ... وما دام انها تم بجناحها ومالها تأثير أو وجود بحياة والديك ربي يحفظهم معناها ما فرقت سواء هي ببيتها أو بيتهم . واذا على العيال تقدر أن تخصص لهم كل يوم ساعتين مثل فرض الصلاة حق لهم يرحوا العيال مع مربيتهم والخادمة ياخذهم السواق ويشوفونهم ويشبعوا منهم ولو تحب أنت او لجين يروحوا معاهم يكون حلو . لجين يا أخ بوخليفة مريضة ... مريضة ضغط يوصلها للمستشفى كثير أحيان .. مو مرض خفيف ... أي احد عنده أحد مريض ضغط أو سكر يراعوا مرضه وما يقولون له اخبار مزعجة وما يوتروا أعصابه ويراعوا نفسيته ... وفوق مرضها حملت مرتين ورا بعض وهي والده قيصريه ... غير وفاة أبوها اللي يا دوب مرعليها سنة .. غير وضعها مع أمها .. وتقول انها من قبل العيد بالمستشفى بسبب الضغط ..يعني سمعت او شافت شي رفع ضغطها وقهرها مدري !!! انت يهمك أنه أم عيالك تعيش الى أن يكبروا وتربيهم هي وللا لأ ؟؟ أعرفك ما شاء الله عند دبلوماسي وتقدر تقنع الوالدة بالي تبيه ... باقي تكون النية موجوده . الله يوفقكم ويهديكم ويشفيها ويقومها سالمة حبيبة قلبي وتجيب لك خليفة :) ... سلم لي عليها لو سمحت .. صدق مشتاقة لها حيل |
رد : الوالده... وطلبها الغريب
اقتباس:
|
رد : الوالده... وطلبها الغريب
امك لا تراعي مشاعر لوجين وتريد الانتقام
تعلم انه عندها سكر وضغط ولا احد يعجبه تربية زوجة ابنهم لاولادها وهذه طبيعة البشر وليس امك فقط هي تعلم عشق وحب لوجين لان يكون لها منزل مستقل فاحبة تقهرها بان تبني لضرتها لا اعلم ما حاجتهم لان تكون الضره قريبه منهم هل سيخففون من الخدم وتكون زوجتك الثانيه خادمه لهم وهي طبعا سترفض رفضا قاطعا قل لهم ان بنيت منزل فسأبني اثنان للعدل امام رب العالمين واحد للوجين وواحده للزوجة الثانيه لا يلعبو معك على وتر انو لن نرضى عنك قل لهم رضا الله اولا والعدل ثانيا وتربية الاولاد لا تخف عندكم خدم ومربيات في المنزل انت استقل بلوجين وسوف ترا العجب من الحب والمعامله والدلال وووووووووووووو والضغظ رح يختفي ان شاء الله والسكر يخف معدله ننتظر قدوم خليفه قريبا ان شاء الله |
رد : الوالده... وطلبها الغريب
الله يشفي لجين ويقومها بالسلامة
مسكينة ..الله يكون بعونها .. ماأحد يقدر ظروفها .. بعدين الأطباء ينصحون الوالدة قيصري ماتحمل ورى بعض (خطر على صحتها) فحرام عليكم وهي بهالوضع تزيدون قهرها يكفي أن مالها بيت وصابرة .. بعدين شرعاً .. مو من حق أحد يتحكم فيها تنزل أو لا .. هي حرة .. وأنت وأخوانك وأخواتك اللي واجب عليكم دايم تكونون حول أمكم وتنزلون عندها أنا أشوف إذا تبغى تبر أمك تطلع عنها لجين ببيت مستقل حتى لا تستاثم فيها وهي يتيمة وعقوبة من يتسلط على اليتيم أعظم عند الله والله الله بأمك ..ودها مكه وجب لها هدايا وكل يوم تقهوى عندها .. لكن تكون لجين بحالها ودراستها وأطفالها وماأحد يتدخل فيها إلا أنت أما أهلك مالهم دخل بحياتها..وبنتها تكون عندها وهي تربيها مع مساعدة المربيات.. كلنا بالبداية ماكنا نتحمل المسؤولية لكن بالتدريب تعودنا .. وأرجو أنك تتفنن في إسعاد لجين مرة قرأت قصتها وأقسم بالله تقطع قلبي عليها الله يصبرها ويعوضها ببر عيالها |
رد : الوالده... وطلبها الغريب
اخ ابو خليفه لايعلم عن القيصري وتعبه الا مجرب انا جربت القيصريه وانا مافيني ضغط ولله الحمد بس صار ضغط بالحمل عندي وتعبت جداً
وحملت بعدها علطول وكان انر متعب جسدياً ونفسياً فمابالك بلجينوهي تعبانه جسدياً ونفسياً قبل الحمل نصيحه اذا كان مافي قلبك حب لهالمسكينه اكسب اجر في معاملتها بالحسنى وانت مثل ماتدور رضا والدينك مسؤول امام الله عن العدل بين زوجاتك بالعكس لجين اذا استقلت ببيتها وانت حسستها بأنوثتها واعطيتها ثقه بنفسها بتشوف كيف تتحسن جتى بتلتهي بعيالها عن سالفة امها وانت ايضا حاول بذكائك تستميلها وتخليها تدور رضاك وتهتم بالبيت عشانك وعشان عيالها وعشانه مملكتها لوحدها. |
رد : الوالده... وطلبها الغريب
اقتباس:
ما فيها شي لو عطيتها اللي خاطرها فيه يا ابن الحلال كرمال ضغطها ما يرتفع حتى لو ما كنت انت مقتنع فيه كثير ... يطلع لها تدلل شوي اللي مثلها عند أهلهم قاعدين من اول الحمل وتوحمت بزوجي واشتهيت مدري وشو .. وامهم وأبوهم واخوانهم يجيبوا ويودو وشنو تبين وآمري :26: أرسلت لك رد بتفصيل أكثر |
رد : الوالده... وطلبها الغريب
أمك ثم امك ثم أمك ..
كررها اشرف البشر النبي محمد صلى الله عليه وسلم لاتستهين في الجنه اللي تحت ريولها ... |
رد : الوالده... وطلبها الغريب
تدخل ماله معنى من الوالده
مع احترامي |
رد : الوالده... وطلبها الغريب
بو خليفة الله يرضى عليك ويقر عينك بخليفة قريب إن شاء الله.
ارجع لحكم رب العالمين في مثل هالأمور وأنا اختك .. وشوف شو يقول .. والحق ما ينزعل منه. الوالدة والوالد الله يبارك في عمرهم يا رب بس ولا وحدة من زوجاتك مكلفة تداريهم. ومع احترامي .. أنت نفسك كزوج مب من حقك تطلب منهن هالطلب .. فكيف الوالدة الله يصلحها تطلبه؟!!!! يعني هي ما قدرت تلزمكم انتو عيالها بالتفرغ لها ولابوكم شوي وسلمت أمرها لله وقالت (كل واحد فيكم لاهي بحياته) .. وتبا تحكم على حرمتك تعيش حذالها وتداريها؟!!! وفوق هذا بيت مستقل ويديد لزوجتك الثانية؟!! أنا ما كنت أدري إن لجين خاطرها تستقل في بيت بروحها .. لكن حتى لو ما كانت طلبت منك هالطلب ما يصير تبني بيت لوحدة ووحدة لا. نقطة ثانية بخصوص عدم تحمسك لبناء بيت خاص بلجين على أساس إنك بتكون متطمن على بنتك والنونو اللي ياي إن شاء الله تحت نظر الوالدة وهي اللي بتداريهم .. يا أخي الله يهديك ترا الوالدة بروحها تشتكي انها كبرت في السن ومريضة وتبا من يداريها .. فكيف بتقدر تحط بالها على عيالك؟!! بعدين اسمح لي بسؤال .. تقول إن لجين ما بتقدر تتحمل مسؤولية اليهال. ممكن أعرف شو هي المسؤوليات اللي لجين ما بتقدر عليها والوالدة هي اللي بتقدر عليها؟! |
رد : الوالده... وطلبها الغريب
السلام عليكم
الوالدة مالها حق تطلب هالطلب والاولى عيالها بناتها واولادها هم اللي يراعونها مو حريم ولدها وضرات بعد !! فيه حل وسط برأيي وهو ان البيت اللي راح تبينه عدالهم مثل ماتقول امك بكون للجين منها هي تستقر وخصوصا هي محتاجه مكان اكبر لوجود الاطفال ومنها اولادك داخلين طالعين على امك وزوجتك الثانية هي اللي تجلس في الجناح في نفس البيت وبما ان لجين ماتجي دايم لبيت اهلك فاليوم اللي تجيهم فيه ماتنزل الثانية من جناحها وخلصنا ..وبكذا انت ضربت عصفورين في حجر رضيت امك ورضيت زوجاتك الثنتين .. |
رد : الوالده... وطلبها الغريب
مع قلب الماما
|
رد : الوالده... وطلبها الغريب
عادي جدا حط لها بيت خاص فيها
وين المشكلة :25: |
رد : الوالده... وطلبها الغريب
والله لاصرت حامل موب فاضيه اداري احد .. يالله اقوم بشؤؤن طفلي وزوجي بعد اروح اداري امه وابوه
اللحين انا حامل ومالي خلق احد ، حتى زوجي مالي خلقه ولا حتى الاطفال والحمدلله مافيني لا ضغط ولا سويت عمليه الحامل تحتاج من يداريها ويخفف عنها مو فاضيه تداري خلق الله .. طيب .. زوجات اخوانك وينهم ؟ انت وضعك صعب كون عندك زوجتين |
رد : الوالده... وطلبها الغريب
الله يسامحها امك
تذكرني بام زوجي الله يعفو عنها |
رد : الوالده... وطلبها الغريب
مشكورين وما قصرتوا نوعاً ما فكرت بطريقه اتوقع باذن الله ترضيها وتناسب ظروفي...
لكن بغيت أرد على بعض الخوات.. أم حسن الله يحفظج ترى لجين ما عندها سكري كافي علينا ضغط ومشاكله ,,, بعد الله يهداج الوالده الله يحفظها مب لهدرجه ودها تتنتقم من لجين لو هي ما تحبها كان من زمان تصرفت وياها . الاخت الكريمه المرمر باجي شوي وتقولين عني مجرم حرب ... الاخت الكريمه مهره .. بالنسبه لسؤالج بعطيج مثال بسيط واحكمي على اساسه باجي الاشياء قبل فتره سالتها غلا شنو الحليب اللي تشربه ؟؟؟ تمت ساكته وقالت مادري اتريا بسال المربيه بالله عليج شلون ام ما تدري شنو من حليب تشرب بنتها ,, أنا ما أنكر هي وايد متعلقه فيها وانا مابيها تغسل ملابسها ولا تغير لها ولكن في أساسيات واجب عليها تكون على علم فيها ولجين عندها مشاكل ضغط يعني ممكن فجاه تفقد وعيها غير أنها اذا زعلانه أو معصبه من احد بكل بساطه تلاقينها ما تظهر من حجرتها وتم راقده ,,, يعني بالله عليج هذه لو كانت بروحها بالبيت شنو بيكون وضعهم على الاقل هني عندج الوالد لازم يطلع عندهم ,, الوالده مثلاً شارطه على المربيه أنه كل يوم لازم تنزلها تحت ساعات تقضي اليوم كامل تحت ولا تفكر لجين تنزل تشوفها .. |
رد : الوالده... وطلبها الغريب
يا جماعه الخير أول مره اسمع وأعرف أنه مب شرط أنه الاهل أحد يسكن وياهم من عيالهم ,,, عيل ان شاء الله من يداريهم وهم كبار مب الواجب على عيالهم على الاقل واحد منهم يتم وياهم بالبيت هذا العرف عندنا ,,, عندنا الكبير يتم ويا أهله واذا كانت ظروفه ما تسمح واحد غيره من العيال...
وبعدين الوالده مب محتاجه منها تخدمها لا لا أبد هي محتاجه منها تدخل عليهم تسولف وياهم لقدر الله تعبوا يكون احد جريب منهم وبعدين هم المساكين كانوا متوقعين هالشيء من لجين بحكم أنها بنتهم ولكن والعياذ بالله طلعت :25: صاروا يتجنبون نزلتها لهم لانها لابد تنتهي بمشكله بذات ويا الوالده .. |
رد : الوالده... وطلبها الغريب
اقتباس:
100% صح ما اشوف الوالدة غلطت بطلبها هذا الله يعينك |
رد : الوالده... وطلبها الغريب
ابو خليفه انت قلتها العيال مو حريم العيال
يعني الله لا يهينك هذي مسئولياتك تداريهم وتنتبه لهم وتفرغ نفسك لهاشي وتعلم عيالك بعد وتكلم أخوانك في حال عندك أخوان وتسوون جدول كل يوم على واحد يقعد معاهم ويشوف مصالحهم واحتياجاتهم بنفسه أما بنات الناس الأهم شرع الله ما يجبرهم على مسئوليات أهل الزوج.. وبالنسبة للبيت ... لازم العدل .. تحط لذي ولذي وكل وحده عدد الغرف على حسب احتياجها وعيالها أما السكن مع الأهل فهذا بيت غير شرعي والله يشفي كل مريض ويعافي كل مبتلى |
رد : الوالده... وطلبها الغريب
[QUOTE=العـ/الفريد/ـقد;2976561]ابو خليفه انت قلتها العيال مو حريم العيال
يعني الله لا يهينك هذي مسئولياتك تداريهم وتنتبه لهم وتفرغ نفسك لهاشي وتعلم عيالك بعد وتكلم أخوانك في حال عندك أخوان وتسوون جدول كل يوم على واحد يقعد معاهم ويشوف مصالحهم واحتياجاتهم بنفسه أما بنات الناس الأهم شرع الله ما يجبرهم على مسئوليات أهل الزوج.. وبالنسبة للبيت ... لازم العدل .. تحط لذي ولذي وكل وحده عدد الغرف على حسب احتياجها وعيالها أما السكن مع الأهل فهذا بيت غير شرعي لحظه شلون مسؤولياتي ؟؟؟ يعني تبغيني ايلس بالبيت وأداريهم وأهتم فيهم صحيح واجب عليا اهتم فيهم لكن بالعقل أنا رجل وأغلب بكون خارج المنزل من بيقضي مشاغلي والتزاماتي أتوقع وبالعقل هذا واجب الزوجه اللي تعرف الاصول زوجتي الاولى ساكنه بجناح كانه بيت مب قاصر عليها شيء ,, |
رد : الوالده... وطلبها الغريب
اقتباس:
|
رد : الوالده... وطلبها الغريب
اقتباس:
انت لاحظت اندماجها مع والدتك واتفاقهم مع بعض خلال زياراتها لها لكن الوضع راح يختلف لما يصير التواصل يومي ويكون في امور كثير لازم تتنازل عنها لوالدتك على انها هي صاحبة البيت والامر الناهي فيه . راح تحتاج زوجتك الثانية حكمة وهدوء كبير حتى تقدر تحتوي الوالدة .. موضوع مرض لجين فيه نقطة تظل تخطر ببالي اذا تسمح لي أسال :) لما كانت لجين بيت أبوها هل كانت تتعرض لهذي النوبات من شدة المرض ؟ ... أستذكر الان وصفك لحرص والدها على رضاها وطريقته بالهدوؤ المبالغ فيه وأربط بين طريقته وبين مرضها ..اتوقع هذا هو سبب طريقته معها . |
رد : الوالده... وطلبها الغريب
اقتباس:
يمكن لو لجين شافت نفسها مسؤولة بجد عن بنتها تنتبه أكثر لكل أمورها. |
رد : الوالده... وطلبها الغريب
اقتباس:
وحتى من تزوجنا ما كان يرتفع ويسبب لها مشاكل مثل لحين الا عقب :25: |
رد : الوالده... وطلبها الغريب
شورك طيب يااخويه
بسسسس عيل توكل على الله .. ترى وجود الثانيه مع الاولى صعبه واايد تحت سقف واحد وخص انه لجين مريضه طول الوقت الله يشفيها موب من مصلحه خليفه واخته يتربون تحت نظر الخدم ... وتحمل ياخوي حد يوزك على امك او يستهين من قدرها ترى امك جنتك ونارك ... ربي يهدي سرك |
رد : الوالده... وطلبها الغريب
اقتباس:
ممكن يكون سبب لكن ابد مجرد تفكير اني تنازل عن المربيه او حتى الخدم ضياع بالكامل لبيتي يا بنت الحلال خليها على ربج تذكرت واحد من ربع كان يقول اتنازل عن حرمتي ولا اتنازل عن البشكاره :25: |
رد : الوالده... وطلبها الغريب
اقتباس:
في مجال تاخذ لها لابتوب عالمستشفى حتى أقدر أتواصل معها ؟؟ أكيد الحين محتاجة احد يسمع لها |
رد : الوالده... وطلبها الغريب
اقتباس:
ما أتوقع فيه مجال وسبب بعلمج فيه عقب ماحد يروح باله لبعيد سبب صحي ترى:25: |
رد : الوالده... وطلبها الغريب
اقتباس:
ولكن تبغين صج اول مره أدري أو أول مره اسمع بالرمسه هذي انه مب من حق الاهل يطلبون من عيالهم وحريمهم يعيشون وياهم ,, عيل الله يطول بعمر البشاكير عيل شنو فايدة الحرمه مب عارف اذا ما تعين ريلها على بر اهله |
رد : الوالده... وطلبها الغريب
اقتباس:
صدمتها وشكها بحبك لها كان كبير جدا ... تذكر يوم كلمتك عمتك عن عروستك الجديدة وانتو بالسيارة وكيف نزلت دموعها بسكات . مدري اذا نقدر نسمي اللي عندها دلع لأنها اكتسبته من بيئتها وهيك أغلب بنات العيله .. وحتى لو كانت دلوعه لكنها برضه تكتم وتتحمل كثير .. كرلمتها ما تسمح لها تشتكي والمفروض حبيبها يحس فيها بدون ما تقول . |
رد : الوالده... وطلبها الغريب
شرعا يقال انه حرمة الابن عير مازمة باهله
لكن شخصيا بعرفنا زوجة الابن ملزمة باهله وخاصة زوجة البكر ملزمة تعجز اهل زوجها وتراعيهم وحتى تحممهم وتاكلهم اذا لزم الامر بعيدا عن العرف والشرع لجين غير قادرة على هذه المهمة ولا حتى على الجلوس معاهم بسبب التوترات السابقة يمكن الثانية عندها الامكانية او الرغبة لذا اتفق مع قلب الماما افضل حل البيت الجديد يكون للجين والثانية تسكن بالجناح واعتقد هي من اول كانت حابة تسكن هناك ولجين هليها بالبيت الجديد والعيال بيكونو من هنا لهنا قريب ... الله يشفيها ويقومها بالسلامة ويوفقكم |
رد : الوالده... وطلبها الغريب
اقتباس:
أحيانا كثير زوجي يطلب مني أتواصل مع خواته بالنيابه عنه لكني أرفض ... صح أنا أتواصل معاهم عن نفسي وما أقطعهم لكن هذا ما ينوب عن أخوها ولا حرمتك تنوب عنك ... أهلك يبون يسولفون معاك أكثر منها .. هي لو غابت وللا حضرت واحد أو شبه الواحد :) لكن انت ولدهم اللي يشتاقون له . وهذا الحلو بالعوايل اللي عندهم عيال كثير لأن يتفقوا العيال بينهم وبين بعض كل يوم واحد منهم يزور الأهل ساعة أو اثنين واحد الصبح وواحد المسا على حسب عددهم ... وتنحل المسألة وما يحتاجوا زوجة ولدهم ... في ناس يحتاج الأهل خدمة مثل طبخ وغسل وغيره وهذا تقوم فيه بنتهم أو تكرم فيه زوجة ولدهم من باب حسن تبعلها وحسن أخلاقها . |
رد : الوالده... وطلبها الغريب
اقتباس:
والاهل بحقلهم يشرطون على عيالهم مانباك تطلع من البيت وفي اهل يقولون لعيالهم انتم بكيفكم بس حسب اطلاعي على موضوعك امك ماقصرت والله وقامت بالواجب واخدمت زوجتك وراعت لكن شو حصلت من حرمتك ؟؟ سلامتك مابدخل بهالتفاصيل اللي انت اخبر فيها منا .. ولو انها مارتاحت للثانيه ماقالتلك هاتها عندنا .. هي بعمر تبا عيالها حولها لاتلومها بعد مافي اغلى من ولد الولد .. يعني ممن غلاة عياللك امك متشفقه على وجودهم معاها .. والله يعطيها طوله العمر والصحه وتقوم بتربيتهم .. |
| الساعة الآن 04:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©