السلا م عليكم
اخوتي اخواتي فقط في مشكلتي هاته بحاجة لتوجيه بارك الله فيكم

لي صديقة م انكر صفاتها الحلوة متدينه ومتخلقه وبرده ما انكر في اي موقف وحاجتي لها الاقي نفسي وحيده بحكم طبيعتها وانها م تعرف كيف تخفف عن الناس
صديقتي
عصبيه و الاعتذار للاسف فن لا تتقنه بحكم كرامتها

في اي موقف او حتى سوء تفاهم تبتعد ولا تناقش ويكانها مستعده للفراق ( بحكم طبيعتها )
وبحكم محبتي احاول ادارك الوضع وابرر واعذر ولكن ان اخطات في حقها قلت العذر والسموحه وللاسف ما يُقبل الا بعد تكبر وم ادري ايش يسمونه + لتفاهة السبب

سبق وتشاجرنا والخطا منها وانا ادري انه منها وبرده اسيبها يوم يومين ولا تجي ولا تبين انها غلطانه
احط ذي الكرامة بباب واتوجه لبابها واتناقش واحاول الطف الجو وبرده لا تعتذر ولكن تعود الحياة واحاول اتناسى وامشي الموضوع

ولكن للاسف كل مرة نفس الي قبلها

تشاجرنا قبل ايام بسبب تافه وربي م يستحق
( جلست ورائها وقلت للبنت الي معايا اساليها وش معنى ذي الكلمة ( اقصد الترجمه ) فقالت البنيه وليش م تساليها ؟
فرديت بمزح وادري انها تسمع: اخاف تصرخ بوجهي وم يصير وقتها خير )
بعد الحصة صديقتي حملت نفسها كالعادة وبدات تتعالى وتصد جربت اكلمها م نفع ابرر لها م نفع اعتذرت وبدره لا
وانتهى المساء بصد منها
لبكره لقيتها جايه لحقتها وحاولت الطف الجو واشوف وجهها متغير والكلمة بالغصب تطلع وخشمها طالع بجد حسيتها تذلني ولو كانت ما ادري وش فيها بعد
تراجعت وخليتها تكمل طريقها وبالنسبة لي انتهى كل شيئ ( وش ذنبي اتحمل نفسيتها الشينة وهي م تتحمل كلمة مني وكاني راميه نفسي عليها . ليييييييييييييييييييييييش وش ذنبي اني اراعيها احترمها ولا شكلي عطيتها فوووق حقها ومكانتها داخلي اجل وربي استاهل )

استشرت الوالده وقالت مهما صار م يجوز الهجر فوق ثلاث وانتي ادرى بوضعك
فالبارح ي الاحباب لقيتها جالسه مع وحده رحت وسلمت عليهم وجلست بعيد
اليوم برده لقيتها مع وحده قلت السلام وصباحكم خير وجلست بعيد ( اللقاء كان بسبب دراستنا سوا )
وفي المرتين الي فوق
البنت هازه خشمها وتتكبر ووووووو و ما عندها مبادرة لا للصلح او حتى الاعتذار او حتى تكون نهاية الصادقة مسك كما يقال

اظن والله اعلم وضحت موقفي
وحاليا قررت الفراق : هي بسبيل وانا بسبيل والعوض من الله
وللحين كل ما تذكرتها احس بالذل والاهانه

سؤالي : فهل كل ماااره اسلم واردد السلام حتى ما ادخل في وضع من هجر اخاه
او يكفي ما فعلت حفظا وتحفظا لي ولنفسي لاني وربي السلام بعد ذول المواقف استخسرته فيها
من ناحيتي انتهت الصداقة ولكن صافيه وخلاص وهي كاي وحده كانت ثم راحت
فما رايكم ؟
كيف احفظ كرامتي ونفسي من الاهانة وما ادخل في حكم من هجر اخاه ؟

وبارك الله فيكم

المشاركة الأصلية كتبت بواسطة السلام السلام ~ (المشاركة 2991948) ايه والله صدقتي ي اختي الغاليه استنزاف تام وقهرني بعد هذه الصداقه تصرفها كذا لا احترام او حتى مراعاة لما كان بينا يؤسفني والله النهايه تكون بهذي الطريقة لا تقديس للاخوة او الصداقة او حتى الزماله ع العموم تجربه وتعلمت والحمد لله ما جات بشيئ اكبر وللاسف تعدد الصحبة والصداقات م اقدر ولا استطيع فمادام الوضع راح يكون فيه تحفظ فالثقه راح تقل وما راح ارتاح لذلك قراري هو مواصلة هذا المشوار وحدي وبوحدتي واظنه افضل لي بارك الله فيك ع ردك الطيب وسرعه استجابتك شاكره لكِ اختي الغاليه

أختي الطيبة .. لاتجعلي هذا النوع يؤثر على ثقتكِ بالأخرين إياكِ ..بالعكس يوجد أصدقاء حقيقيون فليس كل صديق هو صديق .. وثقي بأن هذه الحياة تجارب ..وتعلمي أن لاتُسلمي قلبكِ لأي أحد .. فرق بين الصديق الذي أعطيه أسراري والذي اعتبره صداقة عادية .. والصديق الحقيقي هو الذي يعرف قيمة الحب في الله .. رزقكِ الله صداقة تُقربكِ لله ..

اتركيها سلمي عليها وبس الصداقات يفترض تكون فسحه من الشجارات والمشاكل العائليه مهب هم جديد

وعليكم السلام ورحمة الله وبركاته عزيزتي إنتي سويتي اللي عليكي بادرتي بالصلح وتلطيف الأجواء مع أن الأمر تافه ولايستحق لكن تقدر تقولي كذا نفسيتها وزي ماقلتي العوض من الله ونصيحة لاعادي بجد تورينها إنك لاحقتها وراكضة وراها خلاص ودي ترجع من نفسها الله يحيها غير كذا لأ بعدين ما أحس الهجر له دخل بالموضوع صادفني موقف زي موقفك تقريبا وافترقنا وانا غير مأسوفة عليها لكن أخدت درس الحمدلله موفقة عزيزتي

المشاركة الأصلية كتبت بواسطة السلام السلام ~ (المشاركة 2992567) الاخوة والاخوات اوافيكم بالجديد اليوم التقينا وبالفعل م تكلمت معها ولا سويت اي شي واخذت مكاني عادي ع الساعة 10 بالضبط جات وحدة من الزميلات واشوفها تدز فيها وقالت : خلاص يكفي لعب عيال اهي جاتك اتصالحوا وانتهى رديت وقلت : منو قال احنا م نكلم بعض ولكن من ناحيتي صايفة وسبق وسلمت عليها قبل ايام فردت الصديقه : ابد ماقد سويتها بنبرة حاده تجاهلتها وم رديت وقررت انسحب ولكن البنيه الاخرى مسكتني وقالت خلينا نطلع ونتفاهم طلعنا الصديقة فقط تضحك وم ادري وش تحس بعد ونفسيتي كانت زفت وبعد محاولات من الي تبينا نتصالح بديت اتكلم وفرغت حزتي فيها سياق الكلام ( شكلك تبيني اعتذر لك عن خطاك فيني ع العموم انتي جرححتيني كثير وبسببك نفسيتي تازمت وكل ما ضحكت واو ابتسمت معاك اخاف لبكرة نتضارب وتسويلي مشكله ليش اطباعك كذا ليش تعامليني بطريقة احس نفسي ذليله معقوله الي تحبينهم كذا مكانتهم عندك تذليهم وترخصينهم وسكت فردت وحاولت تحط الحق بسبب الموقف التافه الي قلت لكم عنه فوق و قالت ليش ما قلتيلي انك قلتي كذا انا فهمتها غلط فرديت وليش انتي بغيتي تسمعي وبعدين انا جيتك زي ..............ابرر لك واعتذر وانتي الي حامله نفسك ومب راضيه تسمعي اش اسويلك يعني ؟ كرامتك عاليه اجل انا كرامتي على قولتك ذليتها لاجل صداقتك ) وختمت المقابله بـ اظن كذا وانتهى + خذيلك ذا الاسبوع راحة لك ولي ولكن خلي السلام بينا حتى م ندخل باللي هجر اخاه واظفت جمله م ادري اساسا ليش قلتها ( زي مافي مليار مني في مليار منك ) ولكنها قالت بس انا م تكلمت و ابيك لوحدك بكلام ( بنبرة حادة فيها شويه تحسر ) بس مو بذا الاسبوع فقلت لها حياكِ باي وقت وباي كلام ومع السلامه وحملت نفسي ومشيت وانتهت المقابله حاليا انا حطيت صداقتنا بين ايديها وش تبي يصير بيصير ان شاء الله ومستعده لاي شي ولاي قرار ولكن بيني وبينكم لو اشوفها اعتذرت وتمسكت بذي الصداقه راح تكون لها فرصه ولكن ان تكبرت وتعالت وشافت نفسها وان كرامتها م تسمح العوض من الله وراح اوافيكم بكلامها يوم نلتقي ومازلت بانتظار ارشاداتكم

المشاركة الأصلية كتبت بواسطة السلام السلام ~ (المشاركة 2993876) سر الحياة الحبيبة والله لست ادري بما اجيبك لحد الساعة الامور ماشيه زي ما هي والبنيه م اعتذرت وما جات حتى (هههههه) والله م ادري وش فيني نفسيتي متغيره واحس حالي تعبانه وفيني ضيقه حتى صرت اسال نفسي ليش وش فيها ؟ حقا انه فراق هذه الصديقه أثر في بشكل كبير احس نفسي من جد حبيتها وعندها مكانه عاليه وخاصه '' طبعا ذا الكلام بيني وبين نفسي'' ع الواقع مسويه نفسي ولا هامني حضورها او غيابها لكن بالفعل اتحسر ع الي فات وعليها بعد (تصدقون فكرت اروح اكلمها انا نفسي حايره وشلون فكرت حتى ) اظن شكلي هااويه عذاب لروحي الله يجبر بعقلي وقلبي بس يارب خيرة الامور

المشاركة الأصلية كتبت بواسطة السلام السلام ~ (المشاركة 2993884) يا سر الغاليه ولما اخذ بخاطري منك ِ وانتِ تعلمين فأرجوكِ قولي ما شئتِ مشكلتي ورقة مملوءة بمجموعة جمل متتاليه يختلف التريب بختلاف المعزة والمكانة وصعب اني امحي واشطب ليس ضعفا ولكن املا في تحسن الامور وهي ليست صديقة شهر او شهرين لي معها 3 سنوات ولي صديقة اخرى عندنا 8 سنوات يعني اظنك فهمتيني واظن كذلك يا سر ان التعود حتمي >> يمكن ابرر ولكن هذا هو واقعي بالفعل بس ههههههههههه تدرين وش الجانب الايجابي ؟ اصبحت عندي بعض الخبره في التعامل مع العصبيه

المشاركة الأصلية كتبت بواسطة السلام السلام ~ (المشاركة 2993892) مشاء الله وربي يحفظ لك الغوالي ي سر وعوضكِ ربي خيرا والله يرحم صديقتك ويسكنها فسيح جناته اقسي ي سر لاني حقا احس ماني فاهمه حالي وانا متعوده احكم عقلي اللحين بديت احس العاطفة اشتغلت وبتركيز عالي هههه طبيعتها ي سر طبيعه مختلفه بين الشفافية والوضوح للغموض واللا مبالاة ( زي الامواج غير مستقرة ع حال ) هند هي هند بسيطة وعصبيه م تعرف تواسي او تتدعم () بسبب انها م تدري وش تقول تصرفاتها دفشة بحكم انها البنت الوحيده ( عندها اخوان 13 سنة و 27 سنة ) بس وربي قلبها طيب فاهمه الكرامه باسلوب خاطئ و لا تقوى ع الاعتذار طوال وجودنا مع بعض يتقارب طرحنا ولكنها شديدة جدا وعنيده بخصوص قيمها او ما تراه صائبا حتى لو كان عكس ذلك نتناقش ونتجادل وباللين يطيب خاطرها وتترك وتنتهي احيانا او غالبا عند الخلاف لا تواجه فقط تكتفي بالهروب و تنتهي المشكله بذهابي انا لذلك يئست منها قبل 4 او 3 شهور اذكر اني قلت لها (( هند احس انه نهايتنا الفراق ذا العالم وبدات اتكلم ..................... حتى لمحتها تخفي دمعاتها وقالت كلام عجيب شكلك تبينا نتفارق ليش تتفائلين بالحياة وما تتفائلين اننا راح نظل سوا ووو..... )) حسيت اني اعني لها اشياء كثيرة زي ما هي تعني لي رايت عمقها وحبها وارتحت ماااااااااااااااره بس حاليا بديت اشك انه كل هذا كان مجامله او يمكن لا يمكن تكابر ويمكن لا (( تائهة ي سر الغاليه وربي تايهه )) العوض من الله

هل حاولتي أن تعرفي عنها لما هكذا تتعامل معكِ ؟! هل حصل معها موقف معين ؟!

المشاركة الأصلية كتبت بواسطة السلام السلام ~ (المشاركة 2993898) تقصدين موقف يمكن اُهينت فيه من قبل ؟ بعد تعارفنا ما قد صار لها موقف زي كذا لكن قبل م اتعرف عليها كانت فتاة مشاكسه قليلا تُصاحب من هب ودب وعندها لا حصر من الصديقات ثم التزمت وبدات تتعمق بالدين ثم بعدها بمده كان لقائنا احيانا تقول اول مااره احس الصداقه كذا انتي تعامليني باسلوب اول ماااره احسه انا صرت مكشوفه وكل وش بداخلي انتي خابريته فكرة الرسائل طيبه وزينه بس احس ما اقدر ويمكن اقدر !! شكلي صار عندي تحسس لمفهوم الكرامة والاعتذار :d السلام السلام له معنى عميق عندي يا سر الغاليه

hghjfghdfdgfs .q

المشاركة الأصلية كتبت بواسطة السلام السلام ~ (المشاركة 2994079) سر يا سر صباحكم روح ريحان ابشرك بخير يا غاليتي الحمد لله تريثت وما راسلتها وجات الاستجابه منها بعد طلعت الروح امس ع الساعه 12 باليل طبعا ههه ارسلت صديقتي مسج هذا الصباح شفته واحترت تقصد م تقصد ولا وش الحكايه المهم فتحت الفيس بعدها لقيت رساله منها كانت بسياق التالي لو دريتك تبيني اعتذر كنت اعتذرت واشرتيت لك كتاب حق الاعتذار بعد وما توقعتك كذ وووو............................ بس راح اسرع و اقولك عذرا وانا اسفه قبل ما يوسس لي ابليس الحمد لله قلتلها ترى لو تطنشيني بعدين ما راح يصير خير وقد اعذر من انذر ي شيخة حرام عليك وربي حسيت حالي بنت او انثى او ما ادري المهم قلبي ماااااره وجعني وختمت كلامها بصوره لبنتين يحملون معنى جميل حقا فرحتُ باعتذارها جدا وسعيده انها بادرت والحمد لله مُغير الاحوال شكرا للغاليه سر ع متابعتها وكلامها جزاكِ ربي خيرا وترى لك دعوة خالصه وتستاهلين اكثر