منتدى عالم الأسرة والمجتمع - مسابقة للعناية بالشعر ...

منتدى عالم الأسرة والمجتمع (http://www.66n.com/forums/index.php)

- مملكة المرأة (http://www.66n.com/forums/forumdisplay.php?f=90)

- - مسابقة للعناية بالشعر ... (http://www.66n.com/forums/showthread.php?t=248792)

لاراH

25-12-2013 02:41 AM

مسابقة للعناية بالشعر ...

بنات كيفكم ؟؟
انا كان شعري مرره يجنن طول وكثر وعلى زواجي بكل غباء رحت صبغته
قلت بغير حطيت بلياج والقهر شعري انعدم مرررررررررره
قبل 3اسابيع تقريبا قصيت الصبغة كلها وجلست ابكي وابكي
لأنه قصر صار لكتوفي واول كان نهاية ظهري
بس ماعليا اهم شي يتعالج ..
دحين حابه اعمل انا وياكم جدول للعناية بالشعر
راح ابدأ ومن بكره بإستخدام زيت هيفاء خمسه نجووم يمدحووه مره كتير
ومره في الآسبوع بستخدم خلطة السدر
وهيا ..
1.. حطي بقدر مويه ع قد شعرك
2.. جيبي بصلة متوسطة وقطعيها 4انصاص وجيبي 4حبات ثوم وقطعيها وحطيهم بالموية
وخليه يغلي لين يصير لونه اصفر
3..شيليه من ع النار وصفيه وجيبي سدر تقريبا 3ملاعق كبيره واخلطيها مع المويه
4..حطي شوي زيت نارجين وشوي زيت زيتون وشوي زيت خروع
5.. حطيها ع شعرك ولفيه بكيس لمدة 5ساعات واغسليه
يلا حبايبي خلونا نسوي مسابقه ونشوف نهاية الشهر كل وحدة تقول كيف
صار شعرها
مين تبدأ معايا؟؟

*سر الحياة*

25-12-2013 03:49 AM

رد : مسابقة للعناية بالشعر ...

وعليكم السلام ورحمة الله وبركاته ..
مرحباً عزيزتي لارا ..
افعليها وأنا أشجعكِ لكن ابعديني عن الزيوت والخلطات وكمان بصل : ( : (
البلياج يعدم الشعر وحتى الصبغة مافي أحلى من الطبيعي دوماً ..
وأنصحكِ بالبسلم دوماً للشعر خذي بلسم من ايف روشيه وابتعدي عن الشامبو التي تُباع بالصيدلية لأنها ملئية بمواد سيئة تعدم الشعر ..
ايف روشيه فرنسية ونباتيه ..جميلة جداً ورائعة ..

أم خالد.

25-12-2013 10:22 AM

رد : مسابقة للعناية بالشعر ...

هﻻهﻻ لورا .

مسابقة حتة وحدة طيب فين الاثبات نصور شعورنا و نعرض :d

مرررة حبيت الفكرة و تحمست لها كأنك تقرين افكاري البارح كنت افكر اتكلم عن موضوع زي كذا

شعري الفترة هاذي معدوم و يبغاله كورس عناية جديدة : (

كله بسبة صبغه سويتها ع شوال كانت فاااتحه جدا بعدين ع الحج كان عندنا مناسبة و اضطريت ادكنه لانو نزلت ع الأطراف خﻻص

طبعا دحين اتعدمممم والحمد لله رب العالمين.

شوفي انا نظامي في الشعر شوي متعب فبقولك ياه اذا حابة حماس من قلب و جد

يوميا قبل النوم بزيته و الصباح اغسله و في الاسبوع مرتين اسوي خلطة السدر اللي قلتيها رووعه بصراحة

كنت زمان اسوي حنا و قرابيع كثير بس بعدين هجدت لما عرفت انها كلها نفس الفايدة بس تعب ع فاضي

شوفي تبي نصيحتي افضل زيت للشعر زيت النارجيل دفيه على النار مع فصات ثوم بعدين رجعيه للعلبة

و يكون استخدامك له بشكل يومي حتشوفي الفرق .

انا زمان كنت استخدمه و شعري يجنن مو بس انا كل اللي يستعملونه

حاليا انا استبدلته زيت نوع ثاني بجيبه من الهند حلو و حتى ريحته خفيفه اخف من اللي عندنا .

بالنسبة للشامبو ايش تحطي لشعرك ايت نوع

انا عاد لسسسه البارح جايبه ويلاا بغير عن شامبوي القديم

ريحته تجنن و غير كدا قالوا لي دا اخف شامبو ع الشعر

اممممم بلسم مااااااا احب وﻻ احط لشعري لانو بيكسر الشعره و يسبب تقصف

و حمام زيت بستخدم يوميا بعد الشامبو لانو يعمل مفعول البلسم و افود منه للشعرة

و بس يا ستي دا نظامي مؤقتا لين يتعدل شعري و بعدها ابداا ارتاح شوي من الزيت ..

قوليلي انتي كم مرة تحطي زيت و قد ايش تخليه و ايش هو زيت هيفا اول مرة اسمع به

ندى_1406

25-12-2013 05:55 PM

رد : مسابقة للعناية بالشعر ...

أخ بس هالشعر بلشه نظل نعتني ونهتم فيه وناخذ فيتامينات ومدري وشو والحمدلله الين يرد عافيته ويالله نحمل ونجيب نونو ويطيح كل الشعر الي جلسنا نربي فيه طول هالسنوات :d

اساسا اكثر شي يعدم الشعر الصبغات الفاتحه

المهم انا أكتشفت أن مش كل شي بيناسب شعري بيناسب غيري والعكس يعني زي زيت النارجيل ناسب أم خالد بس أنا طيح شعري مره
السدر برضو مانفعني بشي
الزيت الوحيد الي ناسب شعري وعمل نتيجه زيت الزيتون كوب زيت اصلي منقوع فيه حبة فلفل رومي لمدة اسبوعين بعدين اصفي الزيت واستخدمه مرتين بالاسبوع نص ساعه فقط لو طولت تساقط شعري
طبعاً مع اكل السلطات يومياً واخذ حديد ومكمل غذائي غير كذا ماينفع معاي حاجه

بس نرجع ونقول اللهم لك الحمد دام للصحه والعافيه موجوده وان شاءالله برجع لزيوت انا لما يخلص البرد الحين مافيني

دوندرمه

25-12-2013 06:42 PM

رد : مسابقة للعناية بالشعر ...

اهلا فيك اختي
ما شاء الله مسابقتك حلوة وهدفها احلى
لكن انا اعذروني حاليا مشغولة عن هالانشطة هههههه:d

وحشة روحي

25-12-2013 10:38 PM

رد : مسابقة للعناية بالشعر ...

يعطيك العافيه
في عضوه الله يجزاها خير نسيت معرفها ذكرت
زيت دابر أملا مع زيت براشوت استخدمته
إحسن شيء في شعري الحمدلله وقف التساقط تقريبا أقل من شهر توقف
أحيانا أحاول اسحب بيدي عشان أشووف يطيح شعري.أولا والحمدلله وقف نهائيا
إن شاء الله استخدم منتجات إيف روشيه أحب منتاجاتهم مثل ماقالت الأخت سر رائعة

لاراH

26-12-2013 07:26 AM

رد : مسابقة للعناية بالشعر ...

اقتباس:

المشاركة الأصلية كتبت بواسطة *سر الحياة* (المشاركة 3000077)

ههههههه شكلك زيي انا كنت اكره الزيوت بس بعد ماقصيت شعري
من القهر نفسي اي شي يطوله
جزاك الله خير ان شاءالله بجربه

لاراH

26-12-2013 07:33 AM

رد : مسابقة للعناية بالشعر ...

اقتباس:

المشاركة الأصلية كتبت بواسطة أم خالد. (المشاركة 3000174)

خليتها مسابقة عشان تتحمسو وتحمسوني
شوفي حبيبتي انا استخدمت زيت النارجين مع الثوم مرتين
واستخدمت السدر مررره وحدة
بس نظامي دا الاسبوع احط زيت زيتون وزيت سمسم فقط
والشامبو لسا مااشتريت امس وحدة من صحباتي قالتلي على شامبو
البلسم ماعمري استخدمته بس بستخدم اللي قالتلي عليه سر الله يحفظها
وبشتري فيتامينات للشعر استخدمت قبل كدا بس مانفعت مره قلت بغير النوع
بروح الصيدلي ويعطيني فيتامينات للشعر
زيت هيفاء طال عمرك الكل يمدحة يوقف التساقط خلال الخمس ايام الآولى
ويطول خلال 12يوم الاولى يبان الفرق
لسا مااساخدمته بس بجربه واقولكم النتائج

لاراH

26-12-2013 07:43 AM

رد : مسابقة للعناية بالشعر ...

اقتباس:

المشاركة الأصلية كتبت بواسطة دوندرمه (المشاركة 3000277)

اهلا فيك اختي
ما شاء الله مسابقتك حلوة وهدفها احلى
لكن انا اعذروني حاليا مشغولة عن هالانشطة هههههه:d

نستناك تشاركينا مافي مفر هههههههههههه

لاراH

26-12-2013 07:49 AM

رد : مسابقة للعناية بالشعر ...

اقتباس:

المشاركة الأصلية كتبت بواسطة ندى_1406 (المشاركة 3000252)

ع قولك يالغالية بس الوحدة تولد ينعدم شعرها اخخخ يالقهر بس الحمدلله
الزيت والفلفل معروف يساقط الشعر مررره اختي استخدمته مرره ساقط شعرها
انا من النوع اللي اكره الزيوت يعني من يوم اتزوجت ماحطيت بشعري شي ابدا اتخيلي
زمان قبل اتزوج كنت ع الحنا كل اسبوع يوم الجمعه احط بس شعري كان يجنن
وبستخدم الزيوت دحين وبشوف اش اكتر شي يفيدني
ايه والله الحمدلله ع الصحه والعافيه

لاراH

26-12-2013 07:54 AM

رد : مسابقة للعناية بالشعر ...

اقتباس:

المشاركة الأصلية كتبت بواسطة روح متفائلة (المشاركة 3000362)

يعافيك ربي حبيبتي ..
ماشاءالله الله يجزاها خير اهم شي يوقف التساقط ينحل كل شي
انا بنت عمي تستخدم دابر املا ماشاءالله ياشعرها يجنن
بس بصراحه اكره ريحته عندي ثوم وبصل ولا دابر

وحشة روحي

26-12-2013 02:51 PM

رد : مسابقة للعناية بالشعر ...

اقتباس:

المشاركة الأصلية كتبت بواسطة لاراH (المشاركة 3000493)

أي الحمدلله صار أفضل من كثر العنايه
ويه حبيبتي ماحب ريحة الثوم والبصل يوضح أحس في الشعر
بس الزيت احط مع الشامبؤ ليمون عشان يختفي بمجرد غسله واستشوار ه يروح
بعدكدا احط عطر من ديور وبخور مايطلع اثر أبدا

مجاهدة النفس

31-12-2013 03:22 PM

رد : مسابقة للعناية بالشعر ...

أهلا بك لارا والله هذا الموضوع كان شغل بالي من فترة لانه بدأ شعري يتساقط بكثرة
ولاحظت أن بمقدمة الرأس بدأ يصلع شعري بالوسط قولي هل ممكن خلطتك تنفع معي
أم الخلطة تنفع للطول فقط
أريد خلطة للتي بدأ شعرها يصلع ويتساقط بكثرة
الله يجازيكم خيرا شكرا لك اختي لارا على الموضوع المفيد

لاراH

01-01-2014 02:36 AM

رد : مسابقة للعناية بالشعر ...

اقتباس:

المشاركة الأصلية كتبت بواسطة مجاهدة النفس (المشاركة 3002174)

خلطة الثوم مع زيت الزيتون مررررررره حلوووه لتكثير الشعر وانباته
بعد تجربتي طبعا نبت شعر من قدام مره ماشاءالله واضح
افرمي الثوم وسخني زيت زيتون ع النار وحطي معاه الثوم تسخين بس وحطيه
ع شعرك لمدة 5ساعات واغسلي شعرك 3مرات في الاسبوع حطيها وراح تدعيلي

دوندرمه

01-01-2014 03:26 AM

رد : مسابقة للعناية بالشعر ...

اقتباس:

المشاركة الأصلية كتبت بواسطة لاراH (المشاركة 3002311)

خلطة حلوة :25:
لكن خبرينيمن فضلك عن الريحة كيف
هل بعد ما تغسلي الشعر من هالخلطة تروح اثار الثوم من الشعر ولا يبقى

انا قبل فترة قرات عن مممم طريقة الثوم للشعر ايضا قريبة منها لكن نسيتها الان
وكان همي الريحة كيف اتخلص منها

وسؤال ثاني
هل لها تاثير على طبيعة الشعر وتغذيته

لاراH

01-01-2014 06:12 PM

رد : مسابقة للعناية بالشعر ...

اقتباس:

المشاركة الأصلية كتبت بواسطة دوندرمه (المشاركة 3002322)

شوفي حبيبتي بعد ماتغسلي شعرك عطريه وبخريه تروح الريحه ..
تخلي الشعر مره حلو تغذيه وتكثره وتنبت شعر في الأماكن اللي بدأت تصلع من التساقط

doody2009

04-01-2014 11:47 AM

رد : مسابقة للعناية بالشعر ...

زيت الخردل جميل

الساعة الآن 05:42 AM.