|
زوجي يطردني من منزلي بعد خلافاتنا (مستجدات الرد -28-31-51-53-54-117)
بسم الله الرحمن الرحيم
((زوجي يطردني من منزلي بعد خلافاتنا )) بدخل بالموضوع على طول واتمنى الكل يساعدني ب إبداء رأيه وياليت تفيدوني وتنصحوني .. أنا متزوجه من خمس سنوات والحين دخلت السنه السادسه وباختصار صارت معاي مشكله صغيره ف بداية زواجنا ووكانت هالمشكله السبب في انه الشك يدخل قلبه رغم برائتي وربي وحده عالم وشاهد .. بس بعدها عدت على خير وعشنا حياة طبيعيه فيها شوية مشاكل مثل اي زوجين .. بس الفتره الاخيره لاحظت انه كل ماصارت بينا هوشه ومشاداة بالكلام على طول يقول يلا شيلي ملابسك وبيت اهلك ومايعطيني اي فرصه ادافع عن نفسي .. واروح لاهلي واجلس اسبوع اسبوعين مرات شهر ويكون مطنش الين ابادر أنا برساله احاول اصلح الامور واحنن قلبه شوي وكانت هالطريقه احيان تصبط واحيان لا .. وكل مره على هالموال ،، اخر مره صارت بينا مشكله كبيره وتركني عند اهلي 3 شهور أنا وبنتي عمرها سنتين وكنت حامل وماكان يسأل ولا يصرف ولا شيء واهلو لما جاهم خبر صراحه وقفوا معاي واتفاهموا معاه وجاء ورجعني رغم أي ماكنت أبي ارجع له على طول بس قلت يلا ما يخالف عشان بنتي وعشاني كنت حامل مابي اصير حمل ثقيل على اهلي بعدما رجعت حسيت انه تغير شوي للأحسن وصار يعاملني افضل من قبل وانا بعد تغيرت وغيرت من نفسي واسلوبي وطريقتي وكان كل واحد فينا يحاول يرضي الثاني عشان نتجنب المشاكل .. بس للأسف قبل اسبوع صارت بينا مشكله وراح اقولها لكم ب التفصيل عشان احطكم ف الصوره وعلى اثرها تعطوني نصايحكم وارائكم... زوجي كان جالس على جواله وانا كنت ف الغرفه انيم بنتي الصغيره وبنتي الكبيره اللي عمرها سنتين كانت تلعب ف جوالي قبل لا تنام وتفتح طيور الجنه .. المهم سمعت صوته يناديني قلت وش فيه قال ليه ما يطلع عندي اخر ظهور لك قلت مدري يمكن الشبكه او معلق ولا شيء . قال هاتي جوالك اشوف اعطيته الجوال وجلس يفتش وكذا وولما جاء يرسل ب الواتس من جوالي ل جواله طلع له حظر .. قال ليه مسويتلي حظر ،، قلت مدري يمكن ب الغلط او يمكن البنت لما كانت تلعب ف جوالي لانها احيانا تدخل ع الواتس وتقعد تخربط .. قال لا تحطينها ف راس البنت .. انتي سويتي كذا عشان ما اشوف متى تدخلي ومتى تطلعي في الواتس .. قلت لا والله مو كذا وليه اعطيك حظر اصلا .. قال لا تبررين انتي وحده مالها امان ومدري ايش وحركات اللف والدوران هذي ماتمشي علي ان شاءالله لو كانت امي .. قلت ياابن الناس عيب عليك مسرع حكمت علي من راسك والله ماسويت شيء الحظر يمكن بالغلط ولا دريت عنه ،، قال يلا الحين شيلي اغراضك وملابسك وروحي بيت اهلك أنا انصدمت صراحه .. مأتوقعت عشان هالمشكله يطردني من البيت. .. حاولت معاه بس مافيه فايده وكأنه ماصدق لقاها فرصه عشان يطردني ،، لانه قال لي كلام جرحني حيل .. قال انتي وانتي وانا اصلا بتزوج وان شاءالله ماعاد لك رجعه ل هالبيت وطز فيكي وف بناتك ماتهموني و و و .. وقال الحين الحين دقي على احد من اهلك يجي ياخذك والله ماتنامي هالليله ف بيتي ،، أنا صراحه انقهرت وقلت له حسبي الله ونعم الوكيل فيك ودقيت على ابوي وجاء اخذني من البيت وحلف ماعاد يرجعني له الا بشروط قويه .. هذا كل اللي صار والحين لي اسبوع عند اهلي .. وحبيت اضيف نقطه : يمكن تقولون هو قال هالكلام ف لحظة غضب او كان معصب ولا شيء بس احب اقول لكم بالعكس كان يكلمني بكل برود وبكل هدوء ولما كنت الم اغراضي ف الشنطه جلس يلعب مع البنات ويضحك معاهم ولا همه شيء ،، وهذي مو اول مره يطردني من البيت .. بس المره هذي حسيتها قويه ف حقي وعاهدت نفسي اطنشه واعيش حياتي ولا عاد ارسل له مثل كل مره واذل نفسي واترجاه يرجعني ،، ف ياليت تفيدوني ي جماعه لان اعصابي تعبانه أنا كنت متزوجه من قبل وهو بعد كان متزوج وطلق. ومعاه ولد ،، والحين أنا بين نارين ما ابي اتطلق للمره الثانيه والله صعبه علي وصعبه اكثر عشان بناتي الصغار ،، وكمان حسيت من كلامه انه خلاص يبي ينهي كل شيء بينا رغم أني قبل لا اطلع من بيتي قلت له رجاء طلقني لحد هنا وخلاص ماابي افرض نفسي عليك اكثر من كذا قال ابشري ولا يهمك قلت لا ابي الحين تطلق عشان اطلع من عندك وانا مقتنعه ان اللي بينا خلاص انتهى ،، قال طيب اصبري انتي الحين روحي لاهلك وبتشوفي .. هذا كل اللي صار ،، شورو علي ،،. ارجوكم أنا عمري 27 وهو 35 ((تم التعديل ليتناسب مع المضمون)) |
رد : أنا و زوجي المزاجي ..
وعليكم السلام ورحمة الله وبركاته ..
مرحباً أختي الكريمة .. لاحول ولا قوة إلا بالله .. الحمدلله بأن الوالد يعلم وضعكِ كله ولن تعودي إليه إلا بشروط ..أرى هذا الأفضل لحالتكِ .. للأسف زوجكِ من النوع الذي يشك جداً هداه ! هل كان من بداية الزواج وهل صار له أمراً جعله يكون بهذا الأسلوب وهو الشك بكِ ؟! جبر الله قلبكِ بكل ماتُحبين .. |
رد : أنا و زوجي المزاجي ..
بصراحه الغلط غلطش ليش سكتي له من البدايه وخليتي الشك يتمكن منه لانش مطلقه وخير ياطير بعد هو مطلق وما خاف من الطلاق انتي دسيتي راسش في التراب مثل النعامه خوفا من الطلاق حتى قريت موضوع لعضو في المنتدى ان بيتزوج مطلقه لان عينها مكسوره ومستسلمه وبعدين بالعقل ليه بتحضرينه عشان يشك فيش اكثر ويحاسبش وانتي تتجنبين المشاكل وليش طلعتي من بيتش استغرب من الحريم لمى زوجها يقول لمي اغراضش على طول تصير مطيعه وتلم اغراضها هاذا بيتش مثل ماهو بيته وبعد يبي يشرط يمكن يمنع عنش الموبايل والنت ويحبسش في البيت والسبب كله من سكوتش على شكوكه الي ما اخمدتيها في مهدها نار شكه كبرت طالته وبطولش انتي وعيالش زوجش للاسف شعر بضعفش وخوفش من تكرار مسالة الطلاق خليش قويه وعلميه درس ماينساه وانتي الي لازم تحط شروط ورضوه بعد خل يتادب ست سنين زواج وبعده يشك لسبب مثل ما قلتي بسيط خل ييوز عن امراضه ولا يتعالج
|
رد : زوجي يطردني من منزلي بعد خلافاتنا
سر الحياه كان شكاك بزياده ف بداية حياتنا الزوجيه
وانا حاولت بشتى الطرق ابعد هالشك من قلبه والحمدلله ربي وفقني لاني واثقه ومتأكده أني ماسويت شيء وهو بنفسه بعد حس بهالشي .. اختي كوكي .. أنا ماعمري بينت له أني خايفه من الطلاق بس اسلوبي معاه ف كل مشكله تصير أني اسكت وقت مايتكلم ويغلط عليه ولا ارد عليه واطنشه لأن هذا اسلوبي عشان اتجنب تكبر السالفه لانه انسان عنيد ،، وكان عدة مرات يجي هو لعندي ويعتذر هذا طبعا لما نتزاعل ف البيت بدون طرد بس لما يطردني وأقول له هذا بيتي وماراح اطلع منه وكذا يهدد ويتوعد ويحلف ايمان مااجلس ف بيته ولا انام لدرجة احس كرامتي ف الأرض عشان كذا اطلع .. هو نظامه إذا تزاعلنا وماصار طرد يجي يعتذر مني بطريقه غير مباشره بس إذا طردني يخليني عند اهلي ب شهر شهرين وماعاد يسأل ولا يصرف .. والحين ماابي يتكرر نفس الموال اللي صار قبل 5 شهور لما طردني وتركني 3 شهور مادرى عني ابي تنصحوني ايش اسوي هالفتره. الانتظار يوجع .. يعني مدام مستغني عني وماعاد يبغاني ف حياته ليه مايطلق وخلاص |
رد : زوجي يطردني من منزلي بعد خلافاتنا
يمكن زوجش يحب يكسر الروتين بالبعد عنش وبعده يرجع العاشق الولهان خليه يصرف عن عياله وما يتناسى واجباته انا مثل ما قلتش اطلبي رضوه واشرطي شروط اذا يبي يزعل هو يترك البيت
|
رد : زوجي يطردني من منزلي بعد خلافاتنا
كوكي هو الفتره الاخيره صارت عليه ضغوطات ف العمل
وبنفس الوقت فتح له مشروع صغير وشارف ع الانتهاء بس بقت له شغله صغيره ماتوفق فيها للحين وصار يرجع البيت ويجلس يحسب ع الورق راقام وحسابات وخساير وطول الوقت يفكر .. وصرت لما اطلبه اغراض للبيت او للبنات يقول طلبات طلبات فلوس فلوس .. رغم انها شغلات ضروريه ف قلت يمكن كل هذي الضغوطات خلته على قولتك يكسر الروتين بالبعد .. بس أنا وش ذنبي |
رد : زوجي يطردني من منزلي بعد خلافاتنا
ما يطلق لأنه هو نفسه مو عارف شو بدو
متصور أنه راح يتكرر سيناريو كل مرة وبتكلميه وترجعي لحالك أتركيه الى أن يجي بنفسه وابوك يفرض عليه شروطكم . |
رد : زوجي يطردني من منزلي بعد خلافاتنا
كنت اتمنى تفاعل ونصائح اكثر لمشكلتي بس . . .
الحمدلله على كل حال |
رد : زوجي يطردني من منزلي بعد خلافاتنا
انتي غلطتي انك طلعتي من بيتك
حتا لث طردك خلص هو حر يخبص شث ما بدو هادا بيتك و ازا مو حابب يتواجد معك بنفس المان يصطفل يطلع وين ما بدو بما انو ما بدك الطلاق فاختصارا للوقت و حرق الاعصاب رجعي ع بيتك و عيشي كانو هو مو موجود بحياتك احسن ما تضلي عند اهلك و انتي مو حابة تطلقي قولي لاهلك انو زوجك مريض و اتصل يترجاكي ترجعي يعني شي انو تبيني لاهلك انو هو حاببك ترجعي بس في ظروف بتمنعو من انو يجي ياخدك |
رد : زوجي يطردني من منزلي بعد خلافاتنا
سهر الشام زوجي مو من النوع اللي ممكن يتقبل مني هالحركه ..
خصوصا انه أخذ مني مفاتيح البيت وماخلاني اخذ كروت التطعيم حق بناتي ،، بنتي الصغيره عمرها 4 شهور وعندها تطعيمة هالشهر البارح خليت ابوي يتصل عليه وطلب منه يجيب كرت التطعيم قال ان شاءالله بس ماجابه ولا شيء .. هو من النوع اللي يحب يقرر كل شيء بمزاجه وبالوقت اللي يحب هو .. مايعجبه اي احد يفرض عليه شيء او يعطيه اوامر انسان مزاجي وصارم .. |
رد : زوجي يطردني من منزلي بعد خلافاتنا
أختي الكريمة ..
هل صارت أحداث حقيقية ليجعله يشك بهذه الصورة ..أو حدث معين في حياته ؟! والدكِ ماهي شروطه ليضمن حقكِ ؟! |
رد : زوجي يطردني من منزلي بعد خلافاتنا
اقتباس:
انتى غلطى انك خرجتى من البيت .. انتى نفسك تقولى طردنى من بيتى .. المفروض ماتخرجيش من البيت حتى لو هو طلب .. قوليله ده بيت بنتى وانتى اللى تطلع .. شوفى . اديكى خرجتى من البيت وهو لا حايتادب ولا حايجيلك زاحف .. انتى اللى حاتجرى وراه .. التفكير الغريب عند الست انها لو خرجت هو حايتادب والواقع انها هى اللى بتتادب . خلاص خرجتى يبقى مانتصليش بيه ولا تحنى مهما حصل لغاية ماييجى يسال هو . ده ان جه .. نصيحه لكل زوجه .. لاتتركى بيتك مهما كان لان ده مش حايؤدبه . |
رد : زوجي يطردني من منزلي بعد خلافاتنا
سر الحياه نعم صارت مواقف حقيقيه تخليه يشك
بس ماكان لها اي اساس من الصحه يعني كانت ب الاخير مجرد شكوك لا اكثر .. اخوي رؤوف الله ماكنت ابي اطلع ابدا من بيتي وحاولت اروح لغرفتي عشان تهدا الامور شوي بعد النقاش والمشاداه اللي صارت بينا بس للأسف كان كل شوي يناديني ويقول انتي ماعندك كرامه انتي خلاص اتعودتي ع المذله ولا وش قصتك انتي .. وكل شوي يتصل على امي ويقول لها تعالوا شيلوها من البيت احسن مااتهور وامد ايدي .. يعني ماترك لي اي مجال للتفاهم معاه .. |
رد : زوجي يطردني من منزلي بعد خلافاتنا
المفرواض خليتيه هو يوديكي بيت اهلك
الله يسخره لك |
رد : زوجي يطردني من منزلي بعد خلافاتنا
اقتباس:
وأقصد كذلك أحداث سيئة مرت به هل حصل ذلك ؟! |
رد : زوجي يطردني من منزلي بعد خلافاتنا
مرات يعتذر بس بطريقه غير مباشره
ومرات يكابر وينهي الموضوع بعدما نتصالح وماعاد يناقشني فيه ابد.. بالنسبه للمواقف السيئه مافهمت مثل ايش ب الضبط بس فيه عدة مواقف صارت كانت تخص طليقته لانها فجأه صارت تطالب ب ابنها وتبغاه ييعيش عندها وهو كان يتضايق كثير من هالشي .. |
رد : زوجي يطردني من منزلي بعد خلافاتنا
اقتباس:
ولو مكتوب لك حياة مع زوجك بترجعي له ... لكن ترجعي بكرامتك غير عن لما ترجعي وهو فاكر انه يقدر يذلك أكثر وأكثر . |
رد : زوجي يطردني من منزلي بعد خلافاتنا
اقتباس:
خلاص مادام هو السبب فى خروجك يبقى ماتتصليش ولا توسطى حد .. كان مفروض هو اللى يوصلك لانه حايقولك زى ماخرجتى لوحدك .. ارجعى لوحدك .. هو المشكله مش محتاجه ده كله .. ثم واتس اب ايه اللى لحس عقلكم ده .. اديله الامان ولا تستخدمى التليفون الا فى المكالمات الضروريه .. جوزك شكاك وانتى جزء من هذا الشك .. فاعطيه الامان .. ثم انتى بترخصى نفسك بطريقه غريبه .. لازم يكون عندى كرامه واحافظ عليها .. بتصرفاتى اخلى اللى قدامى يحترمنى ويثق فيى .. هو مطمئن من تمسكك بيه وبالبيت علشان كده بيهين براحته .. انتظرى ببيتك ودعى الكبار يتصرفوا ولو رجعتى ابقى اقفلى ام التليفون اللى جايب مشاكل ده |
رد : زوجي يطردني من منزلي بعد خلافاتنا
اسمح لي أخ رؤوف لكن تجاوبها مع شكوكه الغير منطقية يخليه يتمادى أكثر بدل ما تخليه يهدى . يظن أنها كانت فعلا تسوي شي غلط ويتأكد أنه شكوكه صح فيصير يراقب ويشك أكثر وأكثر
اسألني أنا :) |
رد : زوجي يطردني من منزلي بعد خلافاتنا
اقتباس:
جايز ياحاجه بس لما يقعد يمسك تليفونى ويفتش فيه يبقى فيه حاجه غلط فى علاقتهم .. عندها حاجات من زمان خليته فاقد الثقه .. صح هى مش قاصده والموقف ده لم تتسبب قيه انما نسد باب الذرائع .. فى هاجس عند الرجال ان المرأه طبيعتها الخيانه . زى القطط .. تاكل وتنكر .. اكيد معاكى ان الدفاع المقنع يزيل الشكوك ولكن تظل تلك الآقه فيه لكل موقف يقابله .. |
رد : زوجي يطردني من منزلي بعد خلافاتنا
اقتباس:
وهي الله يهديها قلبها طيب ومو حابه تطلق مرة ثانية فتدوس على كرامتها وتتودد له حتى ترجع مع أنها مو غلطانه . والنتيجة شو؟ صار يشك أكثر ... وكل ما تنازلت راح يشك أكثر عندي منه يا حج ... ابني الله يرضى عليه اشترالي تليفون ذكي اخر موديل وثمنه مبلغ محترم . استغليت كل ميزاته ونزلت الايميل والواتس وسكايب وكل حاجة ... عاوزه أطلع ثمنه ههههههههه كل ما يعطي بيب علامة وصول ايميل أو رسالة أو مسج يبدأ زوجي يتململ ويتمتم ...لازم أخلي جهازي عالصامت مثله وكل الناس تشتكي منه ليه ما يرد عليهم ... ياخي ما بدي أكون مثلك :29: قلت له الجهاز عندك فتش فيه متل ما بدك ... والأولاد أنت شايفهم لما يعوزوا يتصلوا يستعملوا جهازي ... مفتوح أرض مشاع للكل حتى أخوه لما زارنا وأخوي كمان .. يعني لو في منطق مش معقول حستعمله لعلاقاتي الغرامية ...أكيد ححط باسوورد وللا أروح أقابلهم شخصي أفيد لي ومحدش يعرف . بس المنطق معدوم مع ناس مريضة بالشك ومهلوسه... يشوف نفسه متفضل ومتكرم عليها لأنه لاممها ببيته وساتر عليها ... ويخلف عليه أنه ساكت وما مد يده ... لازمه وقفة رجال |
رد : زوجي يطردني من منزلي بعد خلافاتنا
اخواني المشكله لما ادافع نفسي ما يسمع مني
مهما كان معاي الحق.. واحيانا يكون عارف ان هو الغلطان بس مايبين ابدا ويحاول قدر المستطاع يحط كل الغلط فيني .. انسان جدا صعب وكل كلمه والثانيه يهدد انه يتزوج وانه يبغا انسانه على مزاجه ،، تعبت معاه بس فيه شغله أنا خايفه منها لما قلت له خلاص طلقني وخلينا ننهي كل شيء مدام مو واثق فيني قال ما يخالف راح اسويها بطريقتي وفي الوقت اللي اقرر أنا .. هالجمله ماراحت عن بالي ما ادري ايش يقصد حسبي الله ونعم الوكيل بس |
رد : زوجي يطردني من منزلي بعد خلافاتنا
زوجك بس يخوفك يا بريئة ... يلعب بأعصابك
شوفي هذا الموضوع وتعلمي تفكير الرجال كيف :) http://www.66n.com/forums/showthread...56#post3005456 |
رد : زوجي يطردني من منزلي بعد خلافاتنا
والله ياريت اختي بيتا يطلع كلامك صح
ياريت يكون الشغله لعب اعصاب وبس مو شيء ثاني .. |
رد : زوجي يطردني من منزلي بعد خلافاتنا
اقتباس:
انتي غلطتي ؟ عملتي شي غلط ؟ اذا ما غلطتي فهي واحده من ثنتين ... إما هو قاصد يطلق فعلا وبهذي الحالة تخلصي من واحد يشك فيكي وانتي بريئة لدرجة أنه يطلق ..هذا ما ينشرى ولا يتحسف عليه أو يكون فعلا يلعب بأعصابك وبرضه ما يستاهل تشيلي همه وتشغلي بالك فيه انتي عارفه نفسك فليش تظلميها ؟؟ مو كافي اللي ظلموها .. ريحي بالك وشوفي حالك واطلعي واقعدي مع أهلك وانبسطي معاهم ..تلاقيهم شايلين هم زعلك . |
رد : زوجي يطردني من منزلي بعد خلافاتنا
الله كريم ..
حسبي الله وكفى |
رد : زوجي يطردني من منزلي بعد خلافاتنا
أي نعم .. توكلتي على كريم وعظيم وعادل سبحانه ...
الله يوفقك ويصلح أحوالك |
رد : زوجي يطردني من منزلي بعد خلافاتنا
أنا شاكره تفاعلكم معي .. وان شاءالله انها خيره من رب العالمين ..
اليوم كلمني ابوي وقال احتمال يكلم زوجي هالأسبوع ويخليه يجي للبيت ويتفاهم معاه على كل شيء .. قال لي خليكي متوقعه كل شي والي كاتبه الله راح يصير.. خايفه كثير ومتوتره .. دعواتكم ربي يفرجها اللهم بشرني ب الخير كما بشرت عبدك زكريا ب يحي امممين يارب .. |
رد : زوجي يطردني من منزلي بعد خلافاتنا
الله معاش بس احس انش ضعيفه واستسهل يظلمش بحجه تافهه ما تستاهل يخرب بيته لاجلها
|
رد : زوجي يطردني من منزلي بعد خلافاتنا
نسيت اسالش طعمتي اطفالش ترى خطر عليهم لا تسكتين حرااااام الا حق الاطفال
|
رد : زوجي يطردني من منزلي بعد خلافاتنا
الا الحين ما جاب لي كروت التطعيم ..
بنتي الصغيره تطعيمتها هالشهر مع ان ابوي كلمه بس مدري ليه هالحركات .. |
رد : زوجي يطردني من منزلي بعد خلافاتنا
أنثى حبيبتي..
ذكرتيني بموضوع لارا في نفس القسم. تريدين رأيي؟ .. لا تجعلي والدكِ يتصل به ولا شي. يعني اللي خلاه يتصل بأمكِ ويقول لها (تعالوا شيلوها من البيت أحسن ما أتهور وأمد ايدي) .. فهذا يخبرنا أنه لا يحترم الكبار ولا يتعامل بالأدب والأصول .. وخوفي ـ إن اتصل والدكِ به ـ أن يرد عليه بطريقة غير لائقة أو يتطاول عليه هو الآخر. كما قالت لكِ بيتا ما دمتِ لم تخطئي في شيء فقري عيناً ولا تفعلي شيئاً .. ووالدكِ بارك الله في عمره ليؤجل شروطه حتى يرى مبادرة من زوجكِ .. فحينها ستكونون أنتم في موقف قوة وستكون للشروط معناها بالفعل. أسأل الله أن يكتب لكِ الخير. |
رد : زوجي يطردني من منزلي بعد خلافاتنا
وبالنسبة لكروت التطعيم .. فلا أدري هل يمكن أن يتم استخراج بدل فاقد منها مثلا؟
اذهبي إلى المركز أو العيادة التي تطعمين فيها البنتين وأخبريهم أنكِ فقدتِ الكرتين .. غالب ظني أن هناك نسخة من التطعيمات في ملفيهما. |
رد : زوجي يطردني من منزلي بعد خلافاتنا
زوجك يتلكك عشان تطلبي الطلاق
الزواج آحترام ورحمة |
رد : زوجي يطردني من منزلي بعد خلافاتنا
طيب مدام يتلكك .. أنا قبل لا اطلع من بيتي طلبت يطلقني
وقلت له خلاص يلا طلقني وفكني من هالموال وطلبت اكثر من مره ليه ما استغل الفرصه وقتها وطلق على طول ؟ هذا اللي محيرني شوي .. |
رد : زوجي يطردني من منزلي بعد خلافاتنا
لو يبي يطلقك كان طلقك يوم طلبتي منه .. يوم المشكلة نفسها يعني لسه النفوس ثايره .. وانتي طلبتي الطلاق وهذا بالعادة يستفز الرجل للطلاق لكنه ما طلق .
هو شايف خوفك ورعبك من الانفصال وقاعد يستغل الموضوع لأقصى درجة . انتي حبيبتي متضايقة ببيت أهلك ؟؟ مضايقينك بشيء أهلك أو مو قادرين على مصروفكم ؟ اذا مرتاحه عندهم انتظروا هو يتصل وانسي هذا الرجل واعتبريه مسافر مدة 6 اشهر ... وحطي ببالك انك بتنسي موضوعه تماما الى أن يرجع من السفر وبعدها تبدئي تفكري فيه . |
رد : زوجي يطردني من منزلي بعد خلافاتنا
ربي يفرج همك
المفروض لما قالك دقي على اهلك يجو ياخذوك قولي له ماتبيني انت وديني شي ثاني لايتصل ابوك ولا شي هو مارح يطلق ولايبي يطلق خليه لين يتصل هو لاتتصلي ولاترسلي ولاشي لا انت ولا اهلك والاهالسيناريو رح يتكرر كل مارجعتي بيتك وكل ماصارت مشكله توكلي على رب العالمين وعليك بالدعاء واللجوء لله فقط بيده كل أمورك ووحده القادر على رد زوجك اليك رداً جميلاً |
رد : زوجي يطردني من منزلي بعد خلافاتنا
مرحبا خاله بيتا ،، بالعكس أنا مرتاحه بيت اهلي وهم ابدا مو مقصرين
معاي بشي والماما تحب بناتي كثير بس أنا متوتره وعايشه ب قلق لأني مو عارفه على ايش ناوي زوجي .. وما راح اخبي عليكم تعلقي بزوجي رغم كل شيء ولا اعلم السبب .. عندي فوبيا من الطلاق لدرجة ما اقدر اوصفها تذوقت مرارة الطلاق ب زواجي الأول والحين ما أبي يتكرر معاي هالشي أكيد اي وحده مجربه او مرت ب تجربتي راح تتفهم هالشي ،، أختي ندى صراحه لما طردني عرض علي انه يوصلني لبيت أهلي بس أنا رفضت من كثر القهر .. مره من المرات صارت مشكله كالعاده وطردني وقال أنا بوصلك ولما نزلت وفتحت باب السياره منعني اركب جنبه وقال اركبي وراء ،، وقتها حسيت ب أهانه و ذل وقهر من هالتصرف .. زوجي فيه صفات ايجابيه وحلوه بس عيبه المكابره والعناد وسوء تدبيره للأمور وقت المشاكل |
رد : زوجي يطردني من منزلي بعد خلافاتنا
اقتباس:
نفس رأي بيتا و الله يهدي زوجك |
رد : زوجي يطردني من منزلي بعد خلافاتنا
اختي مهره الوالد لما اتصل عشان موضوع كرت التطعيم زوجي مارد عليه وكنت متوقعه مايرد
ف راح ابوي ارسل له رساله انه يجيب الكروت ف اقرب وقت .. بعدما ارسلها على طول زوجي اتصل وقال ان شاءالله بجيبهم .. |
| الساعة الآن 05:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©