|
الخوف من ولاده مبكره
مدري وين احط الموضوع بس اطلب من الادارة الغاليه وضع رابط في حاله تغير الموضوع الي قسم اخر
احبابي انا بالمستشفى امس كانت عندي مراجعة عاديه فحصتني الدكتورة فحص مهبلي حصلت الرقم مفتوح وفي طلقات انا ماحسيت لا بطلقه ولا شي وباقي ماعرف ايش هي الطلقه لاني ماجربت كان يجيني الم خفيف ويروح من امس محجوزة بالمستشفى يقلون وضعي مايسمح اروح البيت خوف من ولادة مبكرة وبعد يعطوني ابر اكتمال الرئة للاجنه في حاله ولاده قبل الاوان انا خايفه وباول اسبوع بالشهر السابع يعني مره بدري ع الولادة الدكاترة قالو راح نفعل مجهودنا واكثرر عشان لايكون في طلق الحين واذا وضعك استقر راح نفكك بعد 47 اذا استمر الوضع راح نحجزك لسلامتك وسلامة الاجنه انا بموت من الخوف ودخلت الابر بيديني ومو قادرة اكتب بس ابيكم تكملوون اجركم معي وتدعون لي الله يحفظ لي مابي ارحامي ويقر عيني بشوفتهم وان كان لابد من قدر الله وقدره اساله ان لا يبقينا لحظة واحدة وياخذ عمري معم هذا رجاي الاخير ادعوا لي ع قد ماتقدررن |
رد : عاجل !
ياما ناس انولدت بالسابع يا لمسه :) لا تخافي حبيبتي ... ان شاء الله تقومي بالسلامة وتشوفيهم بخير
بخصوص ألم الطلق ...هل بطنك كبير ومشدود كثير ؟ |
رد : عاجل !
وعليكم السلام ورحمة الله وبركاته ..
أسأل الله أن يطمئن قلبكِ أختي الكريمة .. لاتقلقي مادمتِ تحت رعاية الأطباء .. |
رد : عاجل !
باسم الله عليهم وعليج .. الله يهديج شو هالكلام؟!
الله يهونها عليج وان شاء الله ما فيكم الا العافية. |
رد : الخوف من ولاده مبكره
كفاك الله بما يشاء واقر عينك ..
؛؛ ؛؛ مكانه المناسب |
رد : الخوف من ولاده مبكره
سلامتك حبيبتي ما تشوفي شر
اسم الله عليج لا تقولي كذا هوني على حالك ترا اهم شي بهذي الساعات هي حالتك النفسية فلا تتوتري اكثر بافكار انتي بغنى عنها اكثري من الدعاء واقراي قران حتى تهدا نفسيتك واحمدي الله وتوكلي عليه مهما كانت النتيجة حبيبتي انا مريت بنفس وضعك تماماااااا الفرق اني كنت بالشهر الرابع وكان عندي ارتفاع بالضغط وتوتر مستمر وحملي بالتوام ايضا هذا سبب لي ولادة مبكرة بالشهر الرابع ونص لكن الحمدلله مع الابر والدعاء وبفضل الله ما ولدت بوقتها لكن تم حجزي لحد الولادة وفي بالشهر السابع ولدت و الحمدلله بناتي بخير ونعمة وما في اي شي وبكامل صحتهم ولله الحمد ما شاء الله ولا انا اخذت الابرة حق الرئة بالشهر الرابع فلا تخافي ما عليج شر ولا راح يصيبك باذن الله اي مكروة حتى لو ولدتي ربي يحميك ويحفظ لك اولادك يارب ويقر عينك بشوفتهم دعواتي لك حبيبتي وطمنيني عنك واي سؤال ان شاء الله اجاوبك دام لي تجربة نسخه عنك |
رد : الخوف من ولاده مبكره
الله يسعدكم يارب ولا يحرمني منكم
دوندرمه ريحتيني الله يوفقك يوم تقول سبقتيني التجربه انا في بدايه السابع يعني باقي ماخلصته وهذا مخوفني وبعد لما حجزوني خفت اكثررر من هنا لبكرة ان شاء الله اذا اسقر وضعي راح يفكوني واذا باقي ااخطر ماراح اطلع ادعوا لي الله يخليكم احب اولادي قلبي والله متعلق فهالمضغات تراهم عاشو معي وباحشائي حكيت لهم كثير وشاركوني بكل شي واكلمهم بكل وقت الصباح مع العلاج لقيت بطني راقدة بالعادة اذا صحيت من النوم يصحون معي قلبت الدنيا صياح بالمستشفى قلت والله ماسمعت دقات قلبهم لا افك كل الاسلاك لي بيدي قهروني حتى عروقي مو بارزة يقعدون يثقبون لين يلقون لهم عرق والحمدلله ع كل حال الله يكتب لي اجرهم |
رد : الخوف من ولاده مبكره
حبايبي انتم اكثر شي تجتمعون بقسم المتزوجين عشان كذا تعودت اكتب هناك
كلموني خايفه |
رد : الخوف من ولاده مبكره
لمسة لا تخافين
توكلي على الله وربي لن يخيبك اشغلي نفسك غاليتي ، |
رد : الخوف من ولاده مبكره
يارب فاكهة ذبحني الخوف حتى ندمت اني سويت مراجعة بس اهلي يقلون خيرة
مافي شي سهل والله بهالحياة لا زواج ولا طلاق ولا رزق كل شي اصبح صعب اذكر ام زوجي تقول كنا نحمل نروح نحش البلاد بدون ولدد ارجع ومعي بيبي تولد نفسها بنفسها وثاني يًوم تشتغل ماشاء الله الحين سكر حمل وخرابيط وولادة مبكرة والله ماكنت اعرف هالامور يارب اتمم لي حملي ع خير وفرحتي بشوفتهم انك ع كل شي قدير |
رد : الخوف من ولاده مبكره
لا تخافين فديتج
على قولة بيتا يا كثرهم السبعاوية ربج كريم يا لمسة اعطاج اياهم وحفظهم وقادر على اتمام حملهم ارتاحي يالغالية |
رد : الخوف من ولاده مبكره
يارب حبيبتي فاكهه
لنهايه السابع ممكن يافاكهة بس انا بالبدايه بدري مره ذبحتني ذا الابر ودي اروح بيتنا هذا وانا ماكنت اسوي مجهود اشلون لو تحركت الحين عطوني حبه عشان انام ماسوت لي شي دايخه بدون نوم والصباح وقت ابغى انام يجون الدكاترة تنزل بعض المويا بس ماعرف هل السائل لي يسبح فيه الجنين ولا عادي وكميه قليله اجمل ماصار في هذه الحادثه ان زوجي امس يوم عرف الخبر مانام ويوم صحيت لقيته قدام عيني خايف علي ولا عياله المهم ان مشاعره تحركت يارب سخره لي واتمم لي حملي ع خير وارزق كل محرومه ووفق رواد هالمنتدى لما تحبه وترضاه واجمعني بكم بالجنه اذا مت لا تزعلون بس ادعولي بالرحمه ع امل لقياكم بدار الخلود فلا الموت ماني متشائمة بس الموت لا محالا وانا اتمنى من ربي اذا قدر لعيالي فراق هالدنيا ياخذني معهم ماراح اموت بغربه الروح مثل ماعشت بدنيتي |
رد : الخوف من ولاده مبكره
الف لابأس عليك يالمسة أن شاء الله بتقومي بالسلامة أنت واولادك توني من كم يوم جيتي ببالي وتمنيت أعرف أخبارك
ربي يقومك بالسلامه يارب انت مره قلقانه وخايفة لا حبيبتي توكلي على رب العالمين بإذن الله مافيكم غير العافية توني قريب التقيت مع وحده جايبه بنتها بنهاية السادس وعاشت وصحتها ايش زينها بكره بتقرئي كلامك هذا وبشوفي قد ايش انت مبالغة بخوفك ربي يطول بعمرك بطاعته وتشوفي اولادك عرسان يارب الله لايحرمك منهم يارب ويجعلهم قرة عين لك ولابوهم اللهم امين طمنينا عليك يالغالية |
رد : الخوف من ولاده مبكره
اقتباس:
يا اختي يا حبيبتي لا تفكري بهذي الطريقة كل حبوب الدنيا الحين لا راح تنفعك ولا راح تساعدك تنامي غمضي عينك واقراي ايات ولا تفكري بشي تلقي نفسك رحتي بسابع نومه ان شاء الله عاد الصبح تبدا جولات الاطباء بين الغرف وما تقدري تغمضي عينك ثانية هههه قلت لك عايشة نفس التجربة ونفس الافكار والحمدلله الحين عدت ثلاث سنين ما شاء الله ونفكر نعيد تجربة الحمل هههههههه لمسة اقولك على شي يخليك تتطمني ان شاء الله عيالك بخير وحتى لو ربي كتب لك الولادة اليوم عيالك ان شاء الله راح يكونوا بخير بمشيئة الله كم وزن عيالك كل واحد منهم ---- لاتجاوبي خليه لك الجواب انا اقولك وزن بناتي الي ولدتهم في بداية الشهر السابع بس اولا خلينا اقولك ان انا كان عندي مشاكل صحية ثانية غير الولادة المبكرة :30: كان وزن البنت الكبيرة 1985 غرام تقريبااااااا والثانية كان وزنها 900 غرام الاولى عطوني اياها بنفس اليوم والثانية خلوهابالحضانة لمدة ثلاث اسابيع والحمدلله الان هم بخير وبصحة كاملة وبنشاط ولله الحمد ولا راح ادخلهم الروضة :17::17: هههههههههههه بنتي الصغيرة الحين صحت وانا اكتب عنها فديتها وفديت كشتهااااااا ههههههههه يا لله روحي ارقدي وطمنيني عنك بالي مشغول عليك والله امس بنص الليل دخلت بس عشان اشوف اخبارك ربي يطمن قلبك ويجبر بخاطرك ولا يضيع لك تعب |
رد : الخوف من ولاده مبكره
لاتنسين مع كل طلقه ادع و الله يتمم لش على خير وتقرعينش وتفرحين بكتاكيتك
|
رد : الخوف من ولاده مبكره
لمسه توكلي على الله ولاتخافين
انا كنت حامل بتوأم واخذت ابر اكتمال الرئه للاجنه وكان معي الضغط مرتفع وولدت بالسابع والحمدلله بخير وعافيه تفائلي بالخير واستودعي نفسك واولادك من لاتضيع ودائعه اهم شي ارتاحي واكثري من الاستغفار والحوقله والذكر بصفه عامه وقراءة القرآن وتصدقي وان شاءالله تبشرينا بالاخبار الحلوه. |
رد : الخوف من ولاده مبكره
صحيح لمسة
ترا اغلب التوائم تولد في السابع فلا تخافي وتشيلي هم ربي معك ويسر لك ان شاء الله |
رد : الخوف من ولاده مبكره
ندى كتبت لك اكثر من رد وطار
هههه سامحيني الصفحة معلقة عندي من امس وشابكه من الجوال الله يسعدك مثل ماتحاولي تسعديني ولك الاجر بالدعاء لي يالغاليه والله ثم والله بفصل الله ثم دعائكم ربي استجاب لحملي |
رد : الخوف من ولاده مبكره
دوندورمه ياروحي انتي احب اسلوب تحفزي الثقه عندي وانا دايم اطلب من زوجي اقوله قل والله انه بيصير كذا
احب هالاسلوب يبعد عني الخوف والقلق الله يحفظ لك بناتك من كل شر انا يالغاليه معرف كم وزنهم بالضبط اتوقع قرابه ااكيلو قبل فترة وبكره ان شاء الله راح يصلحون لي سونارر واعلمك باذن الله ابي اسالك يالغلا هل بدايه السابع فيها خطر ولا نهايته افضل لاني متخوفه واتمنى يعدي هالشهر بلاسم حالتي النفسيه والله اني خاصه مع زوجي احاول امشي عشان مصلحتي واعرف اذا كدر علي راح اتعب صرت امشي له كل شي والحمدلله الوالده مو مقصرة معي بشي الله يحفظها تطبخ لي لنفسها وتعتني باكلي خاصا مع سكر الحمل يعني مرتاحه في بيت اهلي تجيني افكار وساويس بس احاول اطردها عشان ماتجيني انقباضات بالرحم وكثير سمعت حوامل مثل ماتفضلتي ولدن بالسابع بس لي مخوفني اني باول اسبوع بالسابع مو نهايته لانهم قالو بالمستشفى اسبوع عن اسبوع يفرق وكل ما تاخر الجنين في بطن امه كل مازادت فرصته اكثرر وكله بيد الله طبعا ولد زوجي انولد بالسادس وعاش باعجوبه بس المسكين بكليه وحدة ومخه شوي ناقص وعنده صعوبه بالكلام لكن الله اراد انه يعيش رغم انه انولد بظروف صعبه |
رد : الخوف من ولاده مبكره
كوكو الله يسعدك انتي وجمانه ويطولي بعمركم يارب
|
رد : الخوف من ولاده مبكره
هلا وغلا صباح الخير حبيبتي شلونك اليوم
عسى قدرتي تنامي وين انتي الحين لسه في المستشفى ولا ارخصوك شوفي حبيبتي حالة عن حالة تفرق انا ولدت في بداية السابع لان صار في خطورة على حياة بناتي ولو متاخر يوم كان الله العالم عشان هالشكل اضطروا ان يعملوا لي عملية في بداية السابع والحمدلله والشكر له على كل حال حبيبتي الاعمار بيد الله - فتوكلي على الله وادعي الله يحفظهم لك ولا تسوي كذا بحالك انسي فكرة الموت اطرديها من راسك ترا تعبي نفس كبهذا الكلام وعلى فكرة في ناس تحب تولد في السابع ولا ان تولد في الثامن ما ادري ليه بس يعتقدوا ان في الثامن خطورة اكثر من السابع مع اني مو مقتنعه بس شوفي الفرق يعني كل ما تجي براسك الافكار سواء خوفا على عيالك او بسبب زوجك ومشاكلك معاه تعوذي وسمي واقراي ايات حاولي تسمعي قران كثير يريح الاعصاب بهذي الفترة ركزي على سلامة عيالك من خلال نفسيتك تذكري كل ما تعبتي حالك بالتفكير تضري نفسك لا قدر الله ******* كل شي يتاجل التفكير ما را حيحل لك مشكلة لا راح يعقد عليك حالتك اجلي التفكير وما تدري عسى يوم تولدي تنحل كل مشاكلك اهتمي بصحتك صحتك وبس ربي يسر لك ويجبر بخاطرك يا الغالية |
رد : الخوف من ولاده مبكره
صحيح
ان الله قدر لك الولادة لا تنسي تدعين ان الله يصلح لك حالك مع زوجك ويسخره لك ولعيالك بما يرض الله تعالى ادعي ترا هذي فترة الملائكة تكون قريبة منك وابواب السماء مفتوحة للدعاء وان ذكرتيني بدعوة اكون لك من الشاكرين ربي يسر لك ويرزقك ساعة سهلة يارب |
رد : الخوف من ولاده مبكره
صباح الخير يا غناتي
ادعي لك وادعي لكل من كلمني كلمه بدون لا يدري عني وعد مني ادعي لكم كلكم عشان تصل الدعوة ابشري ولايهمك ربي يحفظ لك بناتك والحمدلله انك شفتيهم سالمين انا باقيه بالمستشفى مدري متى يفكوني الا اذا تاكدوا مافي طلقات امس خلصت ثاني ابرة حقت الرئة والحين اخذ ابرة تقولي حقت طبيب بيطري هههه ياكبرها تمنع الطلق اذا استقر وضعي من هنا لبكره ان شاء الله بعد السونار ممكن اطلع اذا الطلقات مستمرة راح يحجزوني مافي شي ذابحني يادندورمه غير الجوع الاكل بدون ملح بدون بهرات يالله بعد وحدة بالليل احس ودي اطلع ادور لي كبسه حاشي هههه من كثر الجوع اكل اي شي بالليل يعطيك اللف عافيه ماتقصرين والله ريحني كلامك الله يوفقك وين ماقبلتي وجهك ويسهل امرك باوفيكم بالاخبار اول باول |
رد : الخوف من ولاده مبكره
حبيبتي
تفائلي النفسية اهم شي حبيبي قللي توترك واضحكي وتوكلي على الله لاتخافي ياحلوة اتنين من صحباتي ولدو باخر السادس وماشالله اولادهم باتم الصحة ومن اذكى الاطفال ماشالله تبارك الله ارقيهم يوميا وادعيه سبحانه ونحن معاك بندعي لك بتمام الحمل باذن الله وتشوفيهم بحضنك بصحة وعافيه ياارب |
رد : الخوف من ولاده مبكره
مساء الخيرر لموس كيف حالك ام كرش
حركات منسدحه زي الاميرة و يخدمونك من الوريد الى الوريد :d تدرين عاد يوم قريت موضوعك على بالي السادس طلعتي بالسابع ماشاءالله بالله من ايش خايفه من حتتة وﻻدة :) طيب انا ولدت بنتي في الشهر الخامس و شوفيها زي الحصان ماشاءالله :d ﻻ تهتمين من الناحية هاذي لأن الطب تقدم كثير و صاروا يلحقون على الأجنة الخدج بفضل الله بس اهم شي نفسيتك يابنت الحﻻل ﻻزم تقرين قرآن تهدين بالك وصي احد يجيب لك كم كتاب مريح تقرينها وانتي على السرير مافيه زي القراءة تهدي الأعصاب و قراءة القرآن الكريم قبلها كلها حطي في بالك انك في مرحلة جميلة من حياتك ما حتتكرر الا بعد كم سنة ان شاءالله و استغلي جمالها في الإستمتاع بها و دللي نفسك قددد ما تقدرين بتقولين كيف اقولك رقدة المستشفى أكبر فرصة اقل شي انك تختلين بنفسك و تكثرين من الأدعية والأذكار براااحه ﻻ تفكرين أفكار مو زينة هدي نفسك قد ما يطلع معك عشان القمورين يطلعون هاديين المزاج فكري في اللي محتاجين دعوات و اكتبي اسمائهم و ادعيلهم واحد واحد مرة من المرات صديقتي كانت بالثامن حجزوها المستشفى عشان المشيمة نازلة زرتها و اعطيتها كتاب تقراه كانت نفسيتها محبطة و بس تصيح لان ظروفها مثلك ما حملت الا بعد سنين لما ولدت جيتها صارت تدعيلي تقول شكرا على الكتاب اللي عطيتيني صرت اقراه و انشغلت فيه عن البكاء و التفكير و الحمدلله عدى الشهر الثامن و ولدت طبيعي يعني الزبدة وصي لك اليوم على كم كتاب تقرينهم و استرخيييي و ﻻ تنسيني من دعواتك تكفين قولي يالله انك تبلغها اللي تبي : ( الله يفرج همك يا حبيبتي و يجعلك ساعه طيبة |
رد : الخوف من ولاده مبكره
الله يرزقك الصحة ويرزق اولادك الصحة والسلامة انا اختى انجبت بالثامن ببدايته ونجى بفضل من ربي لان كان بحالة جد حرجة لان. وضل بالحضانة مدة شهرين. والان ما شاء الله عليه في الرابعة من عمره. لا تخافي السابع كثير انجبو فيه واولادهم معهم ربي ما بينساك وبيضل معك دايما ادعيه وبيجيبك
الله يفرحك باطفالك ويرزقك برهم |
رد : الخوف من ولاده مبكره
ام سما
ام خالد روز مشكوين ياحبايبي ع مسنتدكم لي الله لا يحرمكم الاجر ع فكرة ام خالد وانتي تقولين ادعيلي دعيت لك ورددت نفس ااجمله الله يرزقك لي تببن تبون ادعوا لكم تعالوا كل يوم لا تفكوني لين اولد بالسلامه هههه جدا ارتاح لكلامكم والحمد لله اليوم شالو ابرة تخفيف الطلق وقالو بكره بنشوف وضعك وبعد المويا لي طلعت مني مو حق كيس الجنين الحمدلله باقي فحص بيطلع بكره ان شاء الله هل في انفكشن بالرحم ولا لا وبعد عندي سونار اذا كملت هالشهر بسلام حتى لو اولد باخر السابع يعتبر ممتاز بس الحين بدري ابي اسالك ام خالد كيف بنتك انولدت بالخامس وعاشت الله يحفظها ايش كانت ظروفك لو ماعليك كلافه من باب الفائدة |
رد : الخوف من ولاده مبكره
يارب الله يطمن قلبك يالمسه وتطمنيا يااااارب
|
رد : الخوف من ولاده مبكره
ابشري حبيبتي ندى
الله لا يحرمني منكم |
رد : الخوف من ولاده مبكره
لمسة لا تفكري كثير وبطريقة سلبية وكيف يكون الوضع
لا بالعكس ادعيلهم وادعي لنفسك ولزوجك والله واياك دعواتي ترافقك |
رد : الخوف من ولاده مبكره
تسلمين رغدة الله يوفقك
انتم بعد لا تنسوني من دعائكم |
رد : الخوف من ولاده مبكره
ربي يتمم لك على خير
؛؛ ؛؛ المعذره مكانه المناسب |
رد : الخوف من ولاده مبكره
اقتباس:
صار عندي نزيف للمشيمة و كان النزيف داخلي مما سبب لي اغماء واخذوني على الطواريء بعد الكشف و السونار تبين ان كيس المشيمة بح اضطروا يعملوا لي قيصرية و طلعوا البنت حطوها في الحضانة صح كان وضعها صعب شوي و ما كان احد متوقع لها حياة حتى الدكتور لما كنت اكلمه كان يحاول يواسيني انوا الاجر من ربنا لأن على كﻻمه هاذي اول حالة تجيهم لكن سبحان من يحيي العظام و هي رميم فضلت أربع شهور في الحضانة و في السنتين الأولى مراجعات مستمرة الين الحمد لله انتهت من مشاكلها الصحية و الحين حاطة عيني على ولد اخوي مدري كيف اجيبه بس بضمن مستقبلها قبل الولد الولد خلاص حجزنا عند اهل النمسا جماعة طيبين و حلوين و طعمين :d كيف السالفه حلوة .. :26: جا دورك يلاا ما قلتي لي وش قريتي كتاب ... سويتي لك ورد وﻻ باقي عطينا هروجك دامك متسدحه و فاضيه :d |
رد : الخوف من ولاده مبكره
أم خالد http://www.66n.com/forums/images/icons/tongue3.gif
ربي يحمي لك خالد واخته ما شاء الله والله سوالفك حلوة ههههههههههههه ضحكت ضحك ربي يسعدك الا على طاري الحجز دامك حجزتي للولد وبقت البنت سهلة هذي مثل ما قدرتي تحجزي للولد عروسة من اخر البلاد ولد اخوك مو قادرة تحجزيه وهو عندك لاه خاب ظني فيك يا الله احجزيه بسرعة قبل ما انا اسعى واحجزه لبناتي :25: على علمك عندي عروستين ربي يحميهم لي ويقر عيني فيهم ولازم اطمن عليهم :d:d http://www.66n.com/forums/images/icons/tongue3.gif http://www.66n.com/forums/images/icons/tongue3.gif http://www.66n.com/forums/images/icons/tongue3.gif |
رد : الخوف من ولاده مبكره
السلام عليكم ورحمه الله وبركاته
كيف حالك اليوم حبيبتي لموسة طمنيني عنك عسى نتيجة فحوصاتك مطمئنة ان شاء الله اقتباس:
عسى ربي يجزاك عن كل حرف باضعاف مضاعفة طمينني عسى فحوصاتك اليوم احسن |
رد : الخوف من ولاده مبكره
فديتك ام خالد اضحك الله سنك
والله يحفظها لك يارب بغيت اسالك يالغلا انا الان بالاسبوع 25 يعني كم المفروض وزن ااجنين واحد عندي 900 والثاني 800 وشوي هل هذا طبيعي ؟؟ |
رد : الخوف من ولاده مبكره
دوندورمه سويت حبيبتي سونار اليوم
معناه عشان سونار التوام واعضائه لكن الحمدلله الامور زينه بس سالفه الوزن قالقتني وباقي للحين ما سمحوا لي اطلع والله طفشت لكن الله يكتب لي اجرهم يارب انا حملت بعشرة رمضان ابيكم تحسبوا معي بليز ترى دوخوني يعني الان انا حامل في ست شهور وست ايام مايعتبر 25 اسبوع |
رد : الخوف من ولاده مبكره
هاا حبيبتي
ربي يحميهم لك ان شاءالله حبيبتي لاحقه ان شاءالله على البيت اجلسي بفراشك وخلي الاطباء يدروا بالهم عليك وعلى عيالك شنو عندك بالبيت مستعجله عليه هناك منسدحة بالفراش وهنا وبعد ههههه ربي يقومك بالسلامة ويحميكم انتي وعيالك ما اعرف بالتاريخ الهجري :29: كان ساعدتك بالحساب بشوف التقويم الميلادي كم يوافقه ان شاءالله وارد عليج ربي يكتب لك الاجر مضاعف ولا يضيع لك تعب قولوا امين امين يارب العالمين تصبحين على خير حبيبتي نشوفك ان شاءالله الصبح |
رد : الخوف من ولاده مبكره
امين يالغاليه
|
رد : الخوف من ولاده مبكره
مساء الخير .. شلونك اليوم
شخبارك عساك بخير |
| الساعة الآن 11:02 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©