|
يوم كنت طفل مؤدب ما كنت محبوب كثير بالعايله
السلام عليكم
للاسف البعض مننا قبل ولازال الى الان يربي عياله تربيه خاطئه ويفضلون الولد الجريء والوقح على الولد المحترم ومثلكم عارف الولد الصغير ينتهج له خط بالبدايه يا انه يكون محترم او يكون صايع وضايع ويشوف ردة فعل اللي حوله ان لقى تشجيع استمر على وضعه وصار طبع وخلق فيه مستقبلاً بس ايش الحاصل للاسف عندنا لما الولد يكون محترم ويصلي ومؤدب ومتفوق ما يصير محبوب عند الغالبيه من العائله ، صحيح يمدحونه مرات وبس وينتهي الموضوع ولو نجح بتفوق محد درى عنه بس يقولون ماشاءالله اما لو كان الولد راعي مشاكل ولسانه بذيء يصير محبوب ويخطف الانظار حتى لو كان كسلان وفاشل وان نجح لو بنسبه ضعيفه يعطونه هدايا ! انا شخصيا لما كنت طفل 5 سنوات تقريبا عانيت من هالشي حتى عمي كان يعلمني بعض الكلمات البذيئه علشان يفتخر فيني عند اصحابه !! واذكر مره للاسف كان عمي يكلم حرمه بالتلفون بينهم صداقه المهم يقول لي تعال كلمها وانا صغير 5 سنين وكنت استحي وبعد محاولاتهم الفاشله في اقناعي جا ولد جيرانا مثل عمري وتكلم معها والكل ضحك وانبسط من هالولد !! انا كإنسان ما تبون ثقتي بالمبادىء تتزلزل ؟! طبعاً تعب نفسياً من هالعالم الغريب وكدت اتأثر بس غيري قد يتأثر فربوا عيالكم صح فهمتوا :) |
رد : يوم كنت طفل مؤدب ما كنت محبوب كثير بالعايله
وعليكم السلام ورحمة الله وبركاته
اخي الكريم كلامك صحيح فجيل الكبار مليئون بالاخطاء ويربون الصغار بطريقة عاطفية خاليه من المنهجيه فبارك الله فيك والمثال في الحقيقة الذي طرحته يكشف عن جانب نفسي حساس وعميق في طفولتك انت متعب جدا وتعيش صراعات داخليه اود ان اطرح عليك سؤالا هل تحب نفسك وراضٍ عنها؟ وهل انت تعيش السلام الداخلي |
رد : يوم كنت طفل مؤدب ما كنت محبوب كثير بالعايله
اقتباس:
تراني طبيعي ومافيني الا العافيه :) وراضي عن نفسي تمام الرضا واطمح اطورها ومن غير غرور لاني ادري اني انا صحيح لاني كنت اقرأ كتب كثيره وانا صغير وعارف اني صح وهم خطأ لهذا السبب ما هموني بس الصراع يعني اغلب الناس غلط وانا صح هذا الشي اللي يتعب عمومًا انا كاتب الموضوع علشان اللي مثل حالي يحتاطون وما يهتمون باكثر الناس ويشكون بنفسهم والسبب اللي خلاني اكتب اليوم وانا امشي اسمع اثنين شباب يسولفون عن ولدهم اللي عمره 3 سنين وهم مفتخرين بوقاحته وقلة ادبه ومع ذلك يحبونه !! قلت بقلبي هالنوعيه للحين موجوده المفروض انقرضوا :) |
رد : يوم كنت طفل مؤدب ما كنت محبوب كثير بالعايله
ماشاء الله تبارك الرحمن هذا شيء جميل
نعم نحن بحاجه لتوعيه فشكرا جدا لك وخصوصا المجتمع من حولك لا بد ان لك اصدقاء كثر جدا و يدركون مالديك من نصح فحاول بقدر الامكان انتنصحهم وتبذر فيهم باللين والكلملا الطيب اسأل الله لك التوفيق |
رد : يوم كنت طفل مؤدب ما كنت محبوب كثير بالعايله
اقتباس:
|
رد : يوم كنت طفل مؤدب ما كنت محبوب كثير بالعايله
جزاك الله خير صراحه لو وحده ولدها اتلفظ بلفظ فيه سب او شتم و هي فرحانه و لا تقولي شفتي ايث يقول الله يسعده :17: اقولها في وجهها بيكبر و انتي فرحانه بقلة ادبه << تشجعيه لكن عموما بقولك انا طفولتي فيها تشجيع للمواهب الفذة المؤدبه ما شاء الله بس ما كنت اغار لووول :25::26: |
رد : يوم كنت طفل مؤدب ما كنت محبوب كثير بالعايله
صح كلامك بس ترا ما انقرضو الحين بالعكس زادو وصار الي يستنكرهم هو الغريب جاي من كوكب اخر ،،
اما عن العالم صار غريب وسامج همه المظاهر والشكليات في اخر الزمان يكون القابض ع دينه كالقابض ع الجمر الله يصلح الحال والاحوال |
رد : يوم كنت طفل مؤدب ما كنت محبوب كثير بالعايله
اقتباس:
تلقين الغالبيه يحب البنت الملسونه اللي سوالفها سوالف عجوز يعني تفنن بتخريب الاطفال واذا كبروا يبونهم يكونون محترمين !! ما يصير |
رد : يوم كنت طفل مؤدب ما كنت محبوب كثير بالعايله
اقتباس:
|
رد : يوم كنت طفل مؤدب ما كنت محبوب كثير بالعايله
يا ريت وقفت على الوقاحه وطولت اللسان اشوف اباء يحرضون اطفالهم على الام يقوله اضربها وسوي فيها وتعبها كانهم في معركه ويبي ينتصر من خلال ولده والنتيجه الطفل طلع ما يحترم امه وبيعامل زوجته بنفس الطريقه ما يعرف الاب ان قدوه لابناءه وماخذ السالفه مزح
|
رد : يوم كنت طفل مؤدب ما كنت محبوب كثير بالعايله
شفت عينه من هالناس بس لما يكبروا عيالهم يجو يشتكوا عند الناس ؟؟؟؟طيب انتم الي علمتوهم وربيتوهم كذا وهم صغار يضحكوا ومبسوطين فيهم ولما يكبروا ويتعودوا على قلة الأدب والأحترام يزعلوا ويندبو حظهم
الحمدلله بمجتمعنا الطفل والولد المؤدب هو الي يفتخر فيه ويحبوه الناس خاصة لو كان يحافظ على صلاته هذا الكل يحبه بلا استثناء |
رد : يوم كنت طفل مؤدب ما كنت محبوب كثير بالعايله
للاسف
يتعلم الطفل السب ويفرحً اهله به لا وانجليزي كمان قال ثقافة ؟؟ مالقت تعلمو الا السب الانجليزي مو كافي العربي الله يستر علينا |
رد : يوم كنت طفل مؤدب ما كنت محبوب كثير بالعايله
اقتباس:
|
رد : يوم كنت طفل مؤدب ما كنت محبوب كثير بالعايله
اقتباس:
من زرع حصد |
رد : يوم كنت طفل مؤدب ما كنت محبوب كثير بالعايله
اقتباس:
|
رد : يوم كنت طفل مؤدب ما كنت محبوب كثير بالعايله
معاك حق
واشوف تصوير فيديو لبنات صغار بقمه الجراه اذا من الحين تترقص وتتمايل وتمد البوز وش بتسوي لاكبرت الطفوله غير مو اعلمهم قله الادب واقول كيوت عقب ابيهم محتشمين ومودبين بصراحه مو عاجبتني موضه المنشدات الصغيرات او موديلات التصوير بنات بعشر سنوات واكبر يغنون قدام جمهور رجال ونساء و يتمايلون ويرقصون وش نوع التربيه الي نبي نوصلها للجيل |
رد : يوم كنت طفل مؤدب ما كنت محبوب كثير بالعايله
اقتباس:
انا اشوف البنت ماصخه اذا كانت تتكلم كأنها عجوز |
رد : يوم كنت طفل مؤدب ما كنت محبوب كثير بالعايله
اقتباس:
من جد . صحيح |
رد : يوم كنت طفل مؤدب ما كنت محبوب كثير بالعايله
تصدق اخوي بدوي حساس ..
مره كنا في عزيمه .. واب ترك اولاده وراح .. شوي الا سمعت صوت صرخه قويه باين طالعه من الم .. واخرج برا . لقيت ولد فوق ولد والي فوق يمسك راس الي تحته ويضربو بالارض .. تخيل قدر الالم . والي تحت يصرخ . والي فوق يعيد الكره . والاحظ الولد الي فوق يضرب راس الي تحت ويناظر براسه يشوف نزل الدم ولا باقي .. قمت فرقتهم قلت له حبيبي ليه تضرب راسه كذ1 انت ماتستحي على وجهك ؟ كنت معصب .. قام قالي لا تصرخ عليا لأن ابويا قالي اذا احد غلط عليك او ضربك امسك راسه واضربه ولا تتركه اليييين تشوف الدم !! بالله هذي وصيه .. ؟ المشكله والله الاب منصب وعلم وشهادات .. بس التفكير شوي ضارب .. حلو الطفل مايترك حقه .. لكن ابدا مو لهالطريقه المعاقه .. شكرا على الموضوع .. |
رد : يوم كنت طفل مؤدب ما كنت محبوب كثير بالعايله
اقتباس:
لا يعجبني ذلك أبدا |
رد : يوم كنت طفل مؤدب ما كنت محبوب كثير بالعايله
اقتباس:
اذكر ايضا بالابتدائي كانت معانا بنت لسانها طويل.تقول بابا يقول اي وحدة تغلط علي ارد عليها الصاع صاعين واحدى قريباتي ابنها دايما يسب و يسخر على جدته و امه.و احيانا يضحكان و عندهم انه خفيف دم و كيووت |
| الساعة الآن 05:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©