|
مساعدة: عمود في غرفة النوم محيرني !
السلام عليكم
حبيت اتساعدوني في حيرتي .............. واتمنى انكم ماتبخلون علي بأذواقكم :p :o :mad: غرفه نومي طويله وفيه بالنص تقريبا و على الجنب بشوي عامود هذا العامود محيرني ماني عارفه شنو اسوي فيه .................. هل عندكم افكار ................... للي عنده افكار ارجو انه مايبخل علي لاني صج متضايقه منه |
ضعي رفوف من الزجاج ترتكز على العمود والحائط و زينها بالصور العائلية
|
مشكور(ه) سهر الليل بس العامود بوسط الغرفه مافي يمه طوفه اصير اسوي فكرتج؟ لان بصراحه عجبتني فكره حلوه
|
|
حلووووووووووة فكرة الاخت اللي قبلي :)
بس اني عندي فكرة مختلفة تماما ممكن انك تجيبي اوراق شجر متسلق صناعية و و تلفي بها العمود بشكل متناسق و بعدين تجيبي ورود مناسبة لالوان الغرفة و تسيبي مساحات متباينة فيها تضعي في وسطها صور عرسك و صور اولادك اذا قد عندك اولاد او اذا عندك مثلا قطعة قماش مطرزة حق فستان من فساتين عرسك اللي البعض يسوونها شال كبير او يغطوا بها لعروسة تلفيها ع العمود و برضة تحطي صورة حلوة لك انتي و هو صورة العرس او الخطوبة او حتى حق شهر العسل اذا عجبتك الفكرة ردي عليا و ابقولك ايش تسوي كمان يا حلوة عندي فكرة تكميلية احلي بكثييييييييييييير :d |
تصدقين احسبه زوجك اللي باط جبدج
لكن الحمد لله جت سليمه عامود بوسط الغرفه مممممممممم فكرت الارفف حلوه بس للافضل تكون نجاره يعني خشبيه وتضعي عليها تحف شموع وسلامتك |
قرة عينه فكرتها حلوة .. و ممكن انك تجيبي اضوية ناعمة جدا ( صغيرة ) و تلفيها على العمود ..
|
توقعت أنه زوجك مش العامود ...
والفكره الأولى حلوه كثير ... ومادام شهدت عليها الأخت الحبيبه وحيده يعني تأكدي أن الفكره روووووعه وذوق في ذوق .. |
(((تصدقين احسبه زوجك اللي باط جبدج
لكن الحمد لله جت سليمه عامود بوسط الغرفه)))وأنا بعد نفس كلام الأخت((دبدوبه)) حسبة زوجك :p أعذريني ماعطيتك فكره :( لأن الأخوات ماقصرو معك...الله يعطيهم العافيه .... والله يوفقك :) .... أختك :الممدوحه |
انا برأيي ان تقوموا بعمل رسمة . . على العامود . . و ان يرسمها فنان متخصص . .
مثلا ان يرسم اوراق شجر ملتفة . . مع ورود صغيرة . . بلون اثاث غرفة النوم . . و راح احاول ابحث عن صورة توضيحية . . و ان شاء الله القى . . |
وااااااااااو فكرة دهن العود مرررررررررررة خطيررررررررررة ..
مشكورة اختي الهنووف لثقتك الكبيرة .. ;) و اضيف اذا كنت تحبين الزرع الطبيعي .. جيبي هذا الزرع الي يتسلق على الحائط .. تحياتــــــــــــي |
شوفي ياقلبي تاخذين مقاس المسافة إلي بين العامود والطوفة إلي أقرب له استغليها بإنج تييبين كبت أرفف حلو متناسق مع غرفة نومج وتحطين فيه إلي تبينه ممكن تسوينه ركن خاص بأغراض زوجج مثلا يعني شهادات أخذها بمراحل الدراسة كؤووس فاز فيها إذا كان يلعب كرة مثلا هدايا يعتز فيها يعني وشموع إلي يريحج وإذا ما عرفتي أخذي راي نجار يسوي غرف نوم راح يسويلج الكبت أو الأرفف على لون غرفتج وبطريقة تحسينها جنه مع الأثاث إن شاءالله أكون فدتج
وسلام :) |
ماشاءالله .......... كل عضوات المنتدى ذوقهم راقي وحلو :)
بصراحه ما خليتوا شي يذكر أفكاركم كلها حلوه وسهله التنفيذ .............. ممكن بعد ترخيم أو تعتيق هذا العمود الي جانب الافكار اللي إنذكرت |
أنا في رأي :)
بما أن العمود في وسط الغرفة تحطي عليه ستائر من الشيفون الكلاسيكي وتقسمين الغرفة قسمين قسم للسرير ويكون القسم الداخلي ويكون اللون غامق يعطي جو رومانسي ؟؟؟ والقسم الخارجي يكون لون أفتح وتحطي كرسيين مع طاولة رومنسية وشموع والله يهنيك أختكم بلوشية |
اخر كلام اهدمىالعمود وريحى بالك
الوحش صعيدى جد |
ههههههههههههههههههههههههههههه.. الوحش ريحك من الموضوع كله بصراحه ذبحني من الضحك ...
والأخت دهن العود ترا فكرتها روووووووووووووووووووووووووووووووووووووووووووعه ... والشكل أضمنيه أنه بيكون روعه .. والأخت الحبيبه .. وحيده ... كلمه الحق لازم تنقال ... وهذا أقل ماأقوله فيك ... |
وحش اضحك الله سنك ..
بس فكرة مش بطالة .. |
يعطيكم الف الف عافيه بصراحه كل افكاركم روعه
بس الفكره الي شدتني بصراحه هههههههههههه فكره الوحش خوووووووش فكره |
اقتباس:
تخيلتها بتطلع مره حلوه بلوشيه كلك ذوووووووووق |
مشكورين على الرد
بس المشكله هيى انه العامود مو بالنص بالنص لا صاير على جنب والفراغ الي بينه وبين الطوفه مجرد متر او متر ونص فماتصير فكرتكم الي أقسم الغرفه قسمين مع انها خوش فكره وحلوه بس لو في غيرها افضل |
الاخت صدى انا لدي اقتراح اخر
ان تضعي عمود اخر مقابل له وذلك على شكل قوس جبسي ناعم وبذلك تكوني قسمتي الغرفة قسمين ثم تقومين باعادة طلاء الغرفة كلها بدهان تعتيق اما القوس فيكون دهانه على شكل ترخيم متناسب مع دهان الغرفة هذا رايي ارجو ان يكون اعجبك مع تمنياتي ان لايكون العمود هو زوجك وشكرا |
:p انا اقترح تطلعون حبل من عند الدريشه الطوفه وتربطونه بالعامود ويصير منشر لثيبابكم يالله من فضلك غرفه نوم ومنشر :p |
اختي اذا العمود باط جبدج مثل ماقلتي مالج الا حل واحد
ترفعون قضية على المهندس اللي صمم غرفة النوم والمقاول اللي بناهااا تحياتي |
تدرون ماكو الا امشي على حلكم انشر هدومي واروح ارفع قضيه ماكو الا هالحل
ومشكورين :) |
اذا كان هدم العمود لا يؤثر في باقي البناء ..
فتوكلي على الله .. تحياتــــــــــــي |
صراحة افكار كلها حلوة وومكن تسوين العامود من البللورالملون والمطعم باشكال ورسومات او ان يكون الزجاج مخرم من الداخل او يكون مرآةمن الجوانب الاربعة .
|
| الساعة الآن 10:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
