|
أقتراحاتكم في هديه لـ أخوي وزوجته
السلام عليكم اخوي زواجه قريب ومحتاره ايش أجيب له هديه هو وزوجته ابي شي جديد وكشخه وغرييييب وحلو ومرتب وانيق وفخم وكل الصفات الزينه فيه :25: اتمنى اهديه هديه ما يتوقعها بيوم زي كذا الميزانيه مفتوحه ع الاخر انتو بس ابدعو بالافكار اياً كانت وكمان كيف اعطيه ؟ |
رد : أقتراحاتكم في هديه لـ أخوي وزوجته
وعليكم السلام ورحمة الله وبركاته ..
مرحباً أختي الصغيرة زهرة ، هو ماذا يحب على حسب مايهوى ، ذوقه ؟ لاتستطيعي أنتِ تشتري له هدية لايحبها ..انتبهي لهذا الأمر ! اهديه سفرة عالخارج هو وزوجته أسبوعين في ماليزيا .. جمع الله بينهما على خير وعقبالك ياحبيبة .. |
رد : أقتراحاتكم في هديه لـ أخوي وزوجته
وعليكم السلام ورحمة الله وبركاته.
هلا اقحوانة ... الله يتمم لكم على خير يارب نفس تفكيري هالايام برتب ميزانية لهدية اخوي ان شاء الله جات في بالي أفكار كثير بس لسه ما استقريت على شيء فكرت اجيب له طقم دوﻻب الحمام اللي من ايكيا تجيك طقم كامل بإكسسواراته مطلعين هالسنة موديلات ألوانها تطير العقل أو مسرح منزلي متكامل أو اي شيء يخص ديكور البيت أحب لما اهدي هدية تكون ثابتة في البيت و تكون كمان كمساعدة له صح انه ان شاء الله ما بيحتاج بس كذا شي حلو يجي من الأخت مثل اخواني اللي قبل كل هداياي لهم كانت ديكورات بيت و حسيتهم انبسطوا عليها و اذا طلعت معي أفكار برجع اكتب لك بالتوفيق لكم يارب |
رد : أقتراحاتكم في هديه لـ أخوي وزوجته
ياسلاام ليتك اخت زوجي يازهورة :)
ماشالله تبارك الله الف مبروووك زواجه ربي يسعدهم ويوفقهم الهدية: السفرة حلوة بس اتاكدي انهم اصلا مش حاجزين طب عشان تساعدينا قولي لنا ايش هواية اخوك .. ايش يحب؟ ونفس الشي زوجة اخوك .. ايش اكثر اهتمامتها ( اسالي اخوك اذا ماتدري) هذا بالنسبة للهدايا العينية اما الرمزية فاممكن تعملي لهم بروجتكر حلو وتختاري انتي الصور ( بالاتفاق اخت العروس) وتحطي لهم ابيات او كلام معبر من تاليفك ممكن تاخذي بعدين صورة الزفاف وتوديها لمحل يرسمها بالليزر على قطعه كرستال كبيرة |
رد : أقتراحاتكم في هديه لـ أخوي وزوجته
هلا الغالية زواج مبارك ربي يسعدهم ويتمم فرحتهم وعقبال ما نفرح بك حبيبتي .. أنا من رأي أم خالد شي له علاقة بأثاث البيت شي راقي أو محترم .. وإن كانوا يخططون للسفر بعد الزواج .. اشرطي على أخوك تكون التذاكر عليك بالدرجة الأولى أو هذي الدرجة المميزة لرجال الأعمال .. راح يرتاحون طول الرحلة ويتذكرونك ويقولوا ما قصرت معنا زهرة بهالكراسي :) |
رد : أقتراحاتكم في هديه لـ أخوي وزوجته
اقتباس:
ما ادري عنه وش يحب بالضبط بس هو من النوع اللي يقدر الهدايا ويحافظ عليها اخر مره اهديته ساعه وعلى كثر الساعات اللي عنده واللي جاته هدايا بعدها الا انه مسك في اللي جبتها وما عاد ينزلها من يده الي يومك ذا عشان كذا ابي له هديه مميزه السفره ما جات في بالي من قبل بس للأسف هما حاجزين ومخلصين من أول وينتظرون موعد الرحله واخواني ما تركوا لي شي اهديه كل واحد حاجز وش يجيب باقي انااا ،، فيس متقطع بكااا انا لو فكرت من بدري كان طلعت بافكار ولا تخطر على بال احد بس اللحين ما عندي وقت على ما اطلع بفكره ما يصير فيه وقت للتنفيذ |
رد : أقتراحاتكم في هديه لـ أخوي وزوجته
اقتباس:
هاذي مجوزه من امي قالت بتأثث لهم البيت اطقم الذهب والألماس والعطورات والسياره ورشاش الذهب بملحقاته وفستان العروسه والفندق مع الاستقبال اللي بيسوونه فيه كوووولهاااا محجوزه فكروا لي بغيرها |
رد : أقتراحاتكم في هديه لـ أخوي وزوجته
اقتباس:
اهم حاجه تكون شي عجيب لان لسا الأقارب بيجيبون لهم وما ابي شي مكرر |
رد : أقتراحاتكم في هديه لـ أخوي وزوجته
اقتباس:
راحت علي :( استاهل انا اللي كل يوم اقول بكره الاسبوع الجاي افكر لحد ما بقى شي اسويه |
رد : أقتراحاتكم في هديه لـ أخوي وزوجته
شكرررراً على ردكم حبيبات قلبي انتو ع فكره ابي هديه خاصه لكل واحد منهم مو كلهم نفس الهديه |
رد : أقتراحاتكم في هديه لـ أخوي وزوجته
مرحباً زهرة المشاكسة ..
خلاص انتهت الهدايا ، انتظر مولودهم لما يأتي :d وين كنتِ بالأكيد نائمة :21: لو ليس لديه كاميرا ، خذي كاميرا Canon EOS 6D جمييلة جداً ورائعة ، أو تورتة الزواج تختاري لهم شيء راقي .. أما زوجته ،طقم ذهب أبيض راقي أو ملون ، أو لحاف سرير تجدين أشكال راقية جداً جداً .. وإذا كان السفر بعد الزواج بأيام خذي لهم مطعم في فندق فطور وغداء وعشاء .. هذه أفكار خذي مايُناسبكِ .. |
رد : أقتراحاتكم في هديه لـ أخوي وزوجته
صعبتيها يازهرة
لفي على رقبتك شريطة وقولي لهم انا هديتي لكم برافقكم بشهر العسل :) :) خليني امخمخ شوي لعل وعسى تطلع معي فكرة هدية |
رد : أقتراحاتكم في هديه لـ أخوي وزوجته
[img]http://im65.***********/mi4Ao.jpg[/img]
زهرتي المشاكسة ، فيه دواليب خاصة للعبايات أشكالها روعة ..بمثل هذه الأشكال وتأتي متحركة .. لاتقولي موجودة :21: ياويلك مني .. : ) سما الله يسعدك عالصبح .. ..! |
رد : أقتراحاتكم في هديه لـ أخوي وزوجته
زهرتي لاتنسي نحن لنا نصيب من الهدية ، لأننا نُقدم إليكِ إقتراحات ههه
كم أحبكِ .. |
رد : أقتراحاتكم في هديه لـ أخوي وزوجته
هلا زهرة الحلوة
ربي يتمم لهم على خير وعقبالك ولكل العرايس الموجودة معنا في المنتدى شوفي خطر في بالي مممم مرايا طولية تجي بالوان متعددة ابيض او ذهبي او اسود هي مرايا وبنفس الوقت خزانه للاكسسواتات تشيل اكثر من 200 قطعة مختلفه ولكل شي مكان جدا روعة طبعا هذي هدية للعروس اما العريس ...... لسه ما وصلت لشي هههه ان شاءالله نفكر لك بشي حلو وما شاءالله ربي يخلي لكم الوالدة ويسعدها فيكم اذا عجبتك فكرتي احاول اجيب لك. صور .... |
رد : أقتراحاتكم في هديه لـ أخوي وزوجته
اقتباس:
أي حلوه فكرة الكاميرا والثانيه حقت الفندق لان بيقعدون كم يوم بعدين بيسافرون والقاتو ^_^ بس الذهب غيري بيجيب خلاص هو وخلصنا منه باقي البنت |
رد : أقتراحاتكم في هديه لـ أخوي وزوجته
اقتباس:
ههههههههههههههههههههههههه على طوووول يتبرون مني لو سويتها تخيلت شكلي :d |
رد : أقتراحاتكم في هديه لـ أخوي وزوجته
اقتباس:
لا هاذي مدري اذا عندهم او لا بسأل أمي واشوف |
رد : أقتراحاتكم في هديه لـ أخوي وزوجته
اقتباس:
طلع مو ب لله تبي نصيب خلاص ابشري بس وش تبون |
رد : أقتراحاتكم في هديه لـ أخوي وزوجته
اقتباس:
اي اعرفها حلوه مره وكمان بسأل امي اذا جابتها من ضمن الاثاث ولا لا مع اني ما اتوقع تنساها اممم طيب لو اجيب لها فساتين كثيييره واحطهم بعلبه أنيقه حلو ولا لا عاد تلبس ما تلبس كيفها اهم شي سويت اللي علي خلاص فكرت كثير ما في شي طلع معي غير الاشياء المعروفه |
رد : أقتراحاتكم في هديه لـ أخوي وزوجته
اقتباس:
لما أنتِ أغلقتيها من جميع الجوانب ..:21: الكاميرا خطيرة جداً .. تعالي بقربي أُريد أضربكِ .. |
رد : أقتراحاتكم في هديه لـ أخوي وزوجته
اقتباس:
جربي حبيبتي اعمليها .. |
رد : أقتراحاتكم في هديه لـ أخوي وزوجته
اقتباس:
اسألي ننتظركِ .. اقتباس:
نعم نريد نصيب من الهدية ، لأنه أنتِ ماشاء الله عليكِ مخلصة كل الهدايا وجالسين نفكر من أجلك .. ألا نستحق الهدية يابخيلة :d منتظرة هديتي أنا أولاً مالي دخل :21: بصراحة فكرة الفساتين ماعجبتني لاأعلم لما ، لأنه بالأكيد ماقصرت في شراء هذا الأمر ضمن جهازها .. |
رد : أقتراحاتكم في هديه لـ أخوي وزوجته
صجيتينا مميز مميز و اخرتها علبة بفساتين
ماعندك سالفة يا اما جيبي هدية عليها الكلام و ﻻ ارفعي يدك يابنت وﻻ اقولك انتظري مولودهم مرة وحده و جيبي له كتكات :d |
رد : أقتراحاتكم في هديه لـ أخوي وزوجته
خلاص ي سر انتي بس يتحدد موعد زواجك واجيب لك اطللق هديه وش تبين بعد ام خالد ه بالله وش اسوي مافييييي عصرت مخي ما طلعت بشي للحد اللي يئست ماباقي قدامي الا اخربط أي شي عندك افزعي لي |
رد : أقتراحاتكم في هديه لـ أخوي وزوجته
ليش تخربطين كلمي امك قولي لها ليه كل شي انتي تجيبينه
خلاص انا بجيب طاولة الطعام و احلفي عليها و يكفيها هي الأشياء الكثير اللي جابتها عاد سفر الطعام طلعت موديلات تجنننن خشي استقرام و شوفي شي مو صاحي اطقم روعة للسفر و صحون التقديم و أسعارها على الفين و انتي نازلة لو اني مكانك اجيب الهدية و اخليهم هم يغيرون مو انا امشي على هواهم شوفة عينك خلصت الأفكار وانتي احتديتي على علبة فساتين هدايا اطفال تريها الفساتين |
رد : أقتراحاتكم في هديه لـ أخوي وزوجته
م باقي الا على قولت ام سما احط شريطه واقولهم خذوني معكم طيب أمممم شرايكم أحط علبه فاضيه لكسرر الروتين هههه لا لا امزح طيييييب أجيب لهاااا .. وش اجيب لها والله ما عاد في شي اقول ذهب ويخب قسم طفشت يووه |
رد : أقتراحاتكم في هديه لـ أخوي وزوجته
انتي عارفه ي ام خالد اني ابي شي بنفس اليوم اعطيهم امي عادي بقول لها وبتوافق بس هما عارفين انها هي بتجيب كل شي ولما اجي داخله معها بشي بأنشطف اصير داخله عررض ذهب او ألماس وخلاص صح بلا تميز بلا هم اصلا م يستاهلون دايم مناشبيني بحياتي هالاثنين هه |
رد : أقتراحاتكم في هديه لـ أخوي وزوجته
اقتباس:
أخبرينا الآن ماذا حددتِ لأخيكِ هدية ممّا عُرض أمامكِ ؟! اعقلي يامشاكسة .. زوجة أخيكِ خذي لها أسورة من داماس فيه أشكال روعة .. |
رد : أقتراحاتكم في هديه لـ أخوي وزوجته
طيب انا قررت خلاص اخوي بجيب له الكاميرا وهي بجيب لها تشكيلة ذهب وساعات والاشياء اللي لهم الاثنين وورد بالفلوس وشفت فكرة درع على شكل ورقة تقويم فيها تاريخ زواجهم مع تغليف مرتب بالاضافه للقاتوو واذا شفت شي ثاني ممكن اضيفه |
رد : أقتراحاتكم في هديه لـ أخوي وزوجته
اقتباس:
لاتُكثرين هدايا ولا تأخذي درع ولا تضيفي شيء يكفي ياكريمة : ) وزوجته إما أن تأتي لها بأسورة من داماس أو ساعة واحد راقية لانُريد هذا الكرم الزائد .. الهدايا لما تكون كثيرة ليست جميلة .. والكيكة فقط يوم الزواج .. عقبالك يازهرة المشاكسة ، لانريد تفكري .. |
رد : أقتراحاتكم في هديه لـ أخوي وزوجته
ييي ي سر
انتي لو تشوفين الهدايا اللي يجيبونها عندنا للعرسان كان انصفق مخك لو تعطينها فقير يصير غني من وراها يعني لما اجيب انا شي واحد اطلع اقل شي فيهم بالاضافه لانه اخوي وزوجته يعني يستاهلون اممم اي اكيد الكيكه ليوم الزواج وبروح بكره ان شاء الله احجزها * تبين تضربيني هاه والله لو انك عندي لنقلبها حرب احب اللعبه ذي اسويها انا واختي اوقات لحد ما ندوخ من التعب |
رد : أقتراحاتكم في هديه لـ أخوي وزوجته
وعليكم السلام ورحمة الله وبركاته ..
مرحباً زهرتي المشاكسة .. قبل أسبوع كنت أُشاهد بعض التصاميم ولفتتني مكتبة رااااائعة جداً وراقية وخطر على بالي أنتِ .. خذي لأخوك منها وافعلي بمثل هذا التصميم لاتقولي لايحب القرآءة : ( [img]http://im68.***********/gAsmJ.jpg[/img] |
رد : أقتراحاتكم في هديه لـ أخوي وزوجته
واااااااااووو رووووعه شكلهااااااا مره خطييييير شكلي بسويها انا ويصطفل هو لاني تقريبا خلصت باقي التغليف وبعض الاشياء البسيطه |
رد : أقتراحاتكم في هديه لـ أخوي وزوجته
الحمدلله فيه شيء عجبك يازهرتي المشاكسة حيرتينا معاكِ !
أتعلمي لو ماعجبتكِ لأخذت ضربة مني الآن :21: |
رد : أقتراحاتكم في هديه لـ أخوي وزوجته
اختي هديتي من اخي الله يسعده ايام شبكتي
كانت عبارة عن حرفي بالورد وتحت الحرف صحن ذهب هذا الصحن كله عطورات وعلبه ذهبية عود هي هدية فخمة وحلوة وعجبتني الفكرة مثل كذا يمكن تعجبك http://www.m5zn.com/image.php?&img=3d4180bf9650c52.jpg |
رد : أقتراحاتكم في هديه لـ أخوي وزوجته
اقصد صحن ذهبي ورود وفيه ايضا حرفي مثل الصورة تماما فقط يضيف اليه صحن تحت الحرف ويعبي الصحن بماتحبين انا كانت عطورات صراحة احب العطورات جدا
|
رد : أقتراحاتكم في هديه لـ أخوي وزوجته
اي ي سر مو انا من الخوف قلت حلوه لاني عارفه انو خلاص بتهفيني بأقرب شي هههههه ألماسه يا جميله فكرتك حلوووه وبإذن الله اذا مداني سويتها شكرا لكم كلكم |
| الساعة الآن 03:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©