|
متخوف من تربية الابناء وهمهم وهم توهم ما انولدوا
السلام عليكم
يا اخواني مقبل عالزواج بعد 10 شهور ان شاءالله واحب الاطفال ولكن اتخوف من المسؤوليه واحس بهم من الحين مو متخيل نفسي مع زوجتي وابنائي والخدامه وازعاجهم بالشقه او بالسياره مهموم من من تربيتهم ورعايتهم وروحات الطبيب تالي الليل كنت اتمنى اني ساكن مع ابي وامي علشان هم يربون الاولاد بس وظيفتي تبعد عن اهلي 8 ساعات يعني مضطر اسكن مستقل بشقه ايجار مع زوجتي وابنائي اللي ما جو بعد :) اهلي ما قصروا معي ( الله يجزاهم خير ويرزقني برهم ) وهم شايلين عني كل شي فصرت متعود ما اعمل شي بنفسي انا شخصيًا يعتمد علي بس بالاشياء الكبيره ووقت الحاجه اعجبكم بس ان حسيت ان في احد ممكن يشيل عني ويمشي الامور سلمته القياده يعني احتاج اتمرن عالمسؤوليه والروحات والمراجعات ولو ما احبها استغفر الله افكر ما اجيب عيال لهالسبب واعيش مرتاح طبعًا هذا كلام والواقع غير بعد الزواج ان شاءالله يجون العيال ونعقل بس ابي نصايح من الحين ماني ناطر المشكله لين تصير ثم اقط الحمل كله عالمرا او نطفش اثنين يعني انصحوني شسوي ؟ واحد فيكم واجه او حس بهذي المشكله ؟* |
رد : متخوف من تربية الابناء وهمهم وهم توهم ما انولدوا
يا اخواني ابي نصايح
ما ابي احد يقول لي لا تتزوج لانك مو قد المسؤوليه ومن هالكلام اللي يغث ابي نصايح عمليه انا بمشكله وما اجامل نفسي وابي حل مديت يدي لكم وابي مساعده والا بمشيها عالبركه والتوفيق من الله* |
رد : متخوف من تربية الابناء وهمهم وهم توهم ما انولدوا
اتعرف اخي الكريم
يجب اولا ان تعترف ان هذا العيب فيك عدم تحمل المسؤولية موجود فقولك انا اتحمل المسؤليات الكبيرة لكن وقت احد يشيل القيادة اخليه و في نفس الوقت مستصعب مسؤولية الاطفال الكبيرة وفي نفس الوقت تقول هذا كلام و الواقع غير و لا تفهموني غلط هنا اخي الكريم لم تعرف او تعترف بموطن الخلل حتى يكون بعدها البحث عن حلول و افكار عموما لا اعرف قصة الذهاب للمستشفى اخر الليل لا يحدث ذلك بشكل دوري و مستمر كما تتخيل و لو شعرت ان الطفل متعب و عليه عوارض الحاجة للطبيب يذهب به قبلا الطفل الرضيع بداية ولادته يحتاج تطعيمات ثم متابعة كل شهر و تطعيمات مجدولة لوقايته متباعدة و بينها 3اشهر تقريبا و حري بنا ان نهتم على تربيتهم على القيم و الاخلاق عوضا عن التفكر بالمشاوير و التكسل عن ذلك |
رد : متخوف من تربية الابناء وهمهم وهم توهم ما انولدوا
بالعكس يعجبني اعترافك
شوف الموضوع بيكون بالتدريج يعني اول شي عود نفسك بمسءوليه الزوجه ودها لمشاويرها تمشى معاها اشتر اغراض بيتك ودها جبها عقب لما تحمل ودها لمراجعاتها والطبيب وغيره ولما يجون الحلوين الا انت متعود وخالص الله يوفقك |
رد : متخوف من تربية الابناء وهمهم وهم توهم ما انولدوا
أنا أقترح عليك تروح لمعالج نفسي تشرح له وضعك
تدري وش مشكلتك تسبق الاحدااااااااااااااااااااااااث تتخيل مشكلة و تبرر لنفسك و تطلع نفسك منها و تحاول تحصر المشاكل فقط جد ما استهبل يااخي ريح مخك مخك ما يوقف من التفكير السلبي تراني عادتك اخوي و أنصحك لوجه الله |
رد : متخوف من تربية الابناء وهمهم وهم توهم ما انولدوا
وعليكم السلام ورحمة الله وبركاته ..
مرحباً بك أيها الأستاذ الفاضـل .. تعلّم من الآن كيف تُدير شؤونك وحدك أنت ..عشر شهور كافية جداً بأن تجعلك انسان ترتقي للأفضـل ، فعندما تتعلم فن الإدارة ستكون هذه المخاوف كلها أوهام .. وفقك الله لكل خير .. |
رد : متخوف من تربية الابناء وهمهم وهم توهم ما انولدوا
هل تعتقد بأنك ستتحمل كامل المسؤليه ؟!
_ ليس وحدك من يتحمل مسؤليه ابنائه انت وزوجتك تتشاركون بتربيه ابنائكم بأذن الله _ ضع في ذهنك افكار ايجابيه انك قادر بأن تفتح بيت وتكون لك اسرة ( ام ، اب ، ابناء ) أليس ذلك جميلاً ؟! وجود الابناء في حياتك سعادة وليس هم . |
رد : متخوف من تربية الابناء وهمهم وهم توهم ما انولدوا
الله يرزقك الذرية الصالحه الأطفال تُولد معاهم عآطفه تخليك تفز من عز نومك و انت تضحك عشانهم :22: لا تخاف قبلها بتكون رحت و جيت للمستشفى كثيييير مراجعات و قلق عشان يُولد بالسلآمة ان شاء الله :15: اتوقع ماهي من ضمن تحمل المسئوليات و لآ ضمن المسئوليات الشآقه << الأطفال فقط بحاجه لقلب رحيم |
رد : متخوف من تربية الابناء وهمهم وهم توهم ما انولدوا
بدوي العيال مايجون مره وحده
السنه الاولى طفل خفيف لطيف بعد كم سنه طفل ثاني وبعد كم سنه طفل ثالث ... يعني بالتدريج المسؤوليه مو زواج من هنا وسياره مليانه اطفال من هنا ريح اعصابك وخليك ريلاكس وبعدين ياخي تتكلم وكأنك بتغير وتلبس وتروش وتمَرض وتسهر عليهم .... الله يخليلهم امهم بس عارف مع كل الأفكار السلبية اللي في راسك مستغربه انك بتتزوج ترى الحياة حلوه بشقاوتها |
رد : متخوف من تربية الابناء وهمهم وهم توهم ما انولدوا
مٍْْـٍْْ♡̷̴̬̩̃̊ـٍْْنٍْْ طلعنا على الدنيا
والرجل بالنسبه لنا مصدر امان ،، مٍْْـٍْْ♡̷̴̬̩̃̊ـٍْْنٍْْ خلال تحمله لمسؤولية بيته وعياله ! والرجل أإأذأإأ فقد هاذي الميزه ،،، راح يواجه مشااااكل كثيييره !! خلي موضوع ود وجيب ومشاوير الطبيب تالي الليل!! شلون راح تربي عيالك !!! شلون بكره يواجهوون الحياه !! تبيهم يطلعون اتكالييين !! واحدهم مايقوم مٍْْـٍْْ♡̷̴̬̩̃̊ـٍْْنٍْْ مكانه!! شلون بينفعونك أإأذأإأ بلغت مٍْْـٍْْ♡̷̴̬̩̃̊ـٍْْنٍْْ العمر عتيا !!! << أإأذأإأ شايف نفسك كلش كلش موقادر تتحمل مسؤوليه بيتك ومشاويره !! مٍْْـٍْْ♡̷̴̬̩̃̊ـٍْْنٍْْ الـפــيْنَّ قدم على سايق يقوم بهالمهمه وانت اشبع نوم !!! ادري [*~*> ردي. قاسي ،، بس تاكد اخوي الزوج عديم المسؤوليه مشاكله كثيييره وماتنتهي !!!! |
رد : متخوف من تربية الابناء وهمهم وهم توهم ما انولدوا
لا تجيبهم ورا بعض ..
أعملوا تنظيم للنسل .. إذا شايل همهم لهالدرجة خل بينهم فارق كبير ، 5 سنوات مثلا .. يكون واحد بالبيت وواحد بالمدرسة وقت النهار .. وباقي الوقت فرق كبير بينهم ماراح يصير ازعاج بالسيارة وغيره .. إذا كلش كلش عطهم منوم بالسيارة عشان تريح مخك.. :29: مو لازم تنتظر آخر الليل عشان توديهم المستشفى .. وترا المرض يجي أي وقت مش شرط آخر الليل .. إذا مو قد المسؤولية لا تتزوج:25: .. |
رد : متخوف من تربية الابناء وهمهم وهم توهم ما انولدوا
اقتباس:
اعرف واثق اني قد المسؤوليه واكثر بس مشكلتي تربيت واهلي يسوون عني كل شي الله يرحمهم دنيا واخره فهذا الموضوع لا اقل ولا اكثر |
رد : متخوف من تربية الابناء وهمهم وهم توهم ما انولدوا
اقتباس:
هذا اللي بيصير ان شاءالله |
رد : متخوف من تربية الابناء وهمهم وهم توهم ما انولدوا
اقتباس:
مخي مرتاح ولله الحمد لا توصين بس هذا مو تفكير سلبي كثر ما هو حقيقه ليه انتظر المشاكل لين تتراكم وتكبر |
رد : متخوف من تربية الابناء وهمهم وهم توهم ما انولدوا
اقتباس:
هذا اللي راح ابدأ فيه بإذن الله |
رد : متخوف من تربية الابناء وهمهم وهم توهم ما انولدوا
اقتباس:
|
رد : متخوف من تربية الابناء وهمهم وهم توهم ما انولدوا
اقتباس:
عارف هالعاطفه ومتأمل خير واتوقع لها دور كبير بس للاسف البعض ما تتولد له هالعاطفه |
رد : متخوف من تربية الابناء وهمهم وهم توهم ما انولدوا
اقتباس:
بس بصراحه لما اتخيل نفسي بسياره وزوجتي وعيالي والخدامه وبكي الاطفال يجيني شعور ضيقه ودبلة كبد مع اني احبهم ولما اتخيل مراجعات المستشفى بالليل يجيني اكتئاب :) ترى ما فيني الا العافيه بس بالنت اكتب واكبر افكار لاني بدرسها من جميع الجوانب والا اقدر ادبر اموري بفضل الله |
رد : متخوف من تربية الابناء وهمهم وهم توهم ما انولدوا
اقتباس:
الله يغفر لهم وابشرك عيالي راح يعتمدون على نفسهم لاني ما راح اسوي لهم شي ( مالي خلق ) بس اوجههم راح يصيرون شقرديه وانا اعتمد عليهم واريح هذي خطتي |
رد : متخوف من تربية الابناء وهمهم وهم توهم ما انولدوا
اقتباس:
اكيد تنظيم النسل مهم وابشرك قد المسؤوليه بدليل اني ابحث عن حلول |
رد : متخوف من تربية الابناء وهمهم وهم توهم ما انولدوا
اقتباس:
وازعاج اطفالك بالسياره تصبح بلسم على قلبك |
رد : متخوف من تربية الابناء وهمهم وهم توهم ما انولدوا
أخي لا تخاف لن اكسر مجدايفك ... تربية الابناء تحمل المسؤليتهم تاتي تباعاً اي بالتدريج سوف تتعود عليها بل سوف يصبح ذلك من ضمن أولياتك ... فلا يوجد رجل ينزل من بطن امة عالم ... ولا اخيفك سراً حينما تزوجت في بداية أول ايام زواجي كنت لا اجيد شراء المقاضي أو المفاصلة مع البائعة كيف اذن بتربية الابناء لكن مع الزمن اصبحت ماهر مرواغ مع البائعة والحمد لله اسعى دائماً للفضل مع تربية الابناء ... الزمن وحدة كفيل بتعليمك
|
رد : متخوف من تربية الابناء وهمهم وهم توهم ما انولدوا
اعرف رجال الله يهديهم يخلي حرمتة وعيالة برحون باللميوزينات او جايب سواق
|
| الساعة الآن 11:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©