|
تعرفت على إمرأة وتود مساعدتي بأول راتب لها
السلام عليكم ورحمة الله وبركاته
مساء الخير تعرفت على امرأه اجتماعيه تريد مساعدتي وضعها المادي عادي قريب بتتوظف وقالتلي اول راتب أعطيك تبي تساعدني عشان ارجع مهر زوجي وقالتلي عطيني رقم الحساب وإنتي مالك دخل مدري احترت أنا رحمتها لان راتبها ضعيف |
رد : تعرفت على إمرأة وتود مساعدتي بأول راتب لها
وعليكم السلام ورحمة الله وبركاته
طيب عزيزتي روح متفائلة إيش مشكلتك بالضبط مع المهر وترجيعه ؟ |
رد : تعرفت على إمرأة وتود مساعدتي بأول راتب لها
أهلين غاليتي روح المساء
الف شكر لك على تعديل العنوان أختي زوجي معلقني اكثر من سبع شهور وماراح يطلق الا اذا رجعته له وكمان فلوس المهر طار توقعت بعد زواجي من زوجي بعيش سعيده وماحسبت حساب المستقبل المراه قالت لي بساعدك بثلاث رواتب انا رفضت قلت وش ذنبك ماتتهنين براتبك هي متزوجة ولها شهرين أنا بصراحه مستحيه منها ومتردده |
رد : تعرفت على إمرأة وتود مساعدتي بأول راتب لها
عزيزتي روح أهلك مايقدروا يساعدوك ؟ إنتي ماتشتغلي صح ؟
لإنه أحس شوي صعبة تاخذي من غريبة فهمتي علي |
رد : تعرفت على إمرأة وتود مساعدتي بأول راتب لها
روح حبيبتي أنا استقلت خلاص
اطفالي راحو عند أبوهم ورحت معاهم في بيت الوالد الله يرحمه عشان أتفرغ لهم خايفه عليهم من الضياع. روح فهمت عليك وإذا بتعطيني اعتبرها سلف اذا على مساعدة اهلى موضوع الخلاص والتسديد ببطول وانا ابي انهي موضوعي مع زوجي لأني بنتقل عند اطفالي ربي يحفظهم |
رد : تعرفت على إمرأة وتود مساعدتي بأول راتب لها
روح عزيزتي
كم صار لك تعرفين هالحرمة؟؟ وكيف هي اوضاعها المادية ؟ |
رد : تعرفت على إمرأة وتود مساعدتي بأول راتب لها
اقتباس:
في مكان عام كنت جالسه جنبها وجلست اقلب الجوال ابي أتعلم فيه لأنه جديد وسألتها عن بعض البرامج وعلمتني عليه ودخلنا في مواضيع الزواج وسالتني وسألتها عن الوضع الاجتماعي وضعها المادي بصراحه مدري بس لاحظت على البنت كريمه مررره ما شاء الله |
رد : تعرفت على إمرأة وتود مساعدتي بأول راتب لها
وعليكم السلام ورحمة الله وبركاته ..
مرحباً أُختي الكريمة ، لاتقبلي منها أبداً ، للأسف ياروح مشكلتكِ بأن تثقين وتصدقين أي أحد من أول مقابلة وهذا الأمر خطأ ..والكثير حذرك من هذا ..! أنتِ البارحة عرفتيها كيف تأخذين منها مبلغ فوق العشرين ألف .. انتبهي ياحبيبة ، لاأريد أقطع عنكِ هذا الرزق لكن في نفس الوقت ليس كل من عرفناه نرمي عليه قلوبنا وهمومنا ياروح ..! وفقكِ الله لكل خير .. والأولى أن تأخذي من أهلكِ لأنهم أضمن لكِ أما الغريبة وعرفتيها البارحة لا ..! |
رد : تعرفت على إمرأة وتود مساعدتي بأول راتب لها
ان شالله أخذ نصيحتك بعين الإعتبار
سر ارجوك مو بيدي غصب عني اطلع اللي بقلبي ٌ |
رد : تعرفت على إمرأة وتود مساعدتي بأول راتب لها
اقتباس:
والله أعلم رُغماً عنكِ ، اكتبي هُنا فضفضي لنا ، لاتنسي عملكِ السابق كيف صادفتِ بشر ! أرجوكِ أنتِ لاتفتحي قلبكِ لأي أحد ، تسلمين من المشاكل وأنتِ بغنى عنها في هذا الوقت الحالي ، لاأُريد أهبط من نفسيتكِ وأقلل منها لكن المؤمن لايلدغ من حجر مرتين ياحبيبة .. وفقكِ الله لكل خير وأعتذر على قسوتي في الحديث ، لولا حبي وخوفكِ لما أخبرتُكِ ..! سامحيني .. |
رد : تعرفت على إمرأة وتود مساعدتي بأول راتب لها
اممم هذا اللي بغيت أوصله من أسالتي انتبهي ياقلبي
مو كل إنسان نقابله هو محل ثقة وأمان ماتدري كيف لا قدر الله مابي أحط بذمتي ممكن تبتزك مقابل المال أو شيء آخر حطي فبالك سيناريو من هالنوع الله يفرج همك ياقلبي ويوسع عليك من رزقه وحاولي تشوفين أحد من العائلة أعمام عمات أخوال خالات |
رد : تعرفت على إمرأة وتود مساعدتي بأول راتب لها
اقتباس:
روح حبيبتي المفروض اخوي من أمي يساعدني لانه مقتدر ماديا لكنه رفض المساعده ما أقول الا الله يسخره لي اقتباس:
منطقه ثانيه. حسيت هدفها تكوين صداقات يعني ماشاء الله اجتماعيه في نفس الوقت أنا محسنه الظن فيها حتى أصرت اليوم تدعيني على عشاء واجيب عيالي تبي تشوفهم هي ماعندها اطفال واعتذرت منها أختي سر صدقيني مو هالدرجه غشيمه بس راح اعمل بنصيحتك وما أخذ منها شي |
رد : تعرفت على إمرأة وتود مساعدتي بأول راتب لها
هلا بك /
طيب هالحرمه يوم بتعطيك المبلغ قالت لك سلف ولا ماتبغاه متنازله عنه ولا ايش بالضبط ماوضحتي هالنقطه وبعدين لو صار واخذتي المبلغ .. لا تكتبي لا ورقه ولا تسجلو مقطع صوتي للاتفاق ولا اي شي ماشي وتاخذيها منها انتم لحالكم مافيه شهود !!! لان هالشي يعملك مشكله قانونيه .. عشان لا سمح الله ماتقلب بعدين وتقول ابغى حقي ولا اشتكي وتعملك قلق والورقه ياخذوآ فيها بشكل قانوني حتى لو هي بخط يد وحده فيكم وفيها توقيعكم والتسجيل الصوتي او رسالة جوال وكمان لو فيه شهود .. وممكن هيا عشان ماتضيق على حالها البنت .. ممكن تدخل جميعيه بـ 20 الف مثلا مع خصم 2000 ريال من الراتب شهريا افضل ماتعطيك الراتب كامل ولمدة 3 اشهر او راتبها كامل اول شهر .. واخوك اذا مستكثر المبلغ يدخل جمعيه ويساعدك .. |
رد : تعرفت على إمرأة وتود مساعدتي بأول راتب لها
[QUOTE=ابو عقيل الهاشمي;3032662]هلا بك /
طيب هالحرمه يوم بتعطيك المبلغ قالت لك سلف ولا ماتبغاه متنازله عنه ولا ايش بالضبط ماوضحتي هالنقطه وبعدين لو صار واخذتي المبلغ .. لا تكتبي لا ورقه ولا تسجلو مقطع صوتي للاتفاق ولا اي شي ماشي وتاخذيها منها انتم لحالكم مافيه شهود !!! لان هالشي يعملك مشكله قانونيه .. عشان لا سمح الله ماتقلب بعدين وتقول ابغى حقي ولا اشتكي وتعملك قلق والورقه ياخذوآ فيها بشكل قانوني حتى لو هي بخط يد وحده فيكم وفيها توقيعكم والتسجيل الصوتي او رسالة جوال وكمان لو فيه شهود .. وممكن هيا عشان ماتضيق على حالها البنت .. ممكن تدخل جميعيه بـ 20 الف مثلا مع خصم 2000 ريال من الراتب شهريا افضل ماتعطيك الراتب كامل ولمدة 3 اشهر او راتبها كامل اول شهر .. واخوك اذا مستكثر المبلغ يدخل جمعيه ويساعدك .. [/QUOTE هلا اخوي تصدق نسيت بس اللي اذكره قالتلي الناس لبعضها وقبل مااروح رفعت صوتها عطيني رقم الحساب أنا لو باخذ منها بعتبرها دين علي هي ماقصرت بصراحه ماحد يسوي سواتها حتى لو قالتلي سلف بس انا ماحب أثقل عليها وش ذنبها المسكينة ماتتهنا براتبها الضعيفه |
رد : تعرفت على إمرأة وتود مساعدتي بأول راتب لها
ما اعرف بس ترا الي يقول الناس لبعضها مو شرط مايبغى فلوسه ..
بعض الناس يقولك الناس لبعضها بس الفلوس ترجع يعني .. ^_^ ( ومن حقه ) لكن زي ماقلت لك انتبهي من حكاية الكمبياله يسموها او اي ورقه تنكتب بين طرفين .. ترا مشاكلها الحين كثيررررره .. وفيها استغلال وتصيد مو طبيعي .. الله يكفيك الشر .. والدنيا خلتنا نخاف ونحذر .. ولا الخير بأمة محمد صل الله عليه واله وسلم موجود .. بس انا اقولك تحذير ولا بنت الناس ممكن طيبه وحابه تسوي خير .... ياما ناس يبدووووك على انفسهم سبحان الله ..... طيب شوفي مالنا غنى عن اهل الخير والصلاح بهالدنيا . انتي مبلغك ترا مو شي يعني عادي .. وماشاء الله فيه ناس يخرجوآ فلوس لهم من زكاه وغيره خذي الي يفك ازمتك .. وخاصه لو كان عمل خير انه يريحك ويسترك .. بجد شوفي بمنطقتك تقدري تتواصلي بستر وسريه وتطلبي وصوري مثلا الورقه الي تثبت الانفصال او شي او ورقه من المحكمه وحتى لو مافيه ورقه .. بجد افتكر رمضان الماضي واحد حالته متوسطه / مطلع زكاة ماله 40 الف ماشاء الله قالي خذها اعطيها امام المسجد تبعكم .. انا اقولك حلول .. لو الموضوع صعب عليك ومو متقبلته براحتك .. |
رد : تعرفت على إمرأة وتود مساعدتي بأول راتب لها
ممم حسيت البنت كلامها زي العسل ونفس الوقت حسيتها طيبه
انا ماراح أخذ منها لآني حسيت وضعها المادي مو مره ونفس الوقت قريب بتتوظف براتب ثلاثة الآف البنت كسرت خاطري وحابه تفزع لي حتى لو دين ما تقصر بس قصدي مابي أكلف عليها لا طبعا الموضوع مو متقبلته بس انا مصدومه من اخوي وضعه المادي ممتاز ومايساعدني ماديا الا بمصلحه متضايقه من تصرفاته اذا ماوصلته على الشي اللي يبيه ينسحب يعني لازم مقابل الله المستعان |
رد : تعرفت على إمرأة وتود مساعدتي بأول راتب لها
ليه تركتي الوظيفه كان امداك جمعتي مبلغ كويس
|
رد : تعرفت على إمرأة وتود مساعدتي بأول راتب لها
روح متى تتعلمي من الي انتي فيه
!!!!!!!! اتركي عنك طيبة ولا حنونه ولا كريمة بهذا الزمن للاسف مافي احد يساعد احد لله في الله اخوك الي هو اخوك ما ساعدك بتساعدك وحدة ما عرفتيها الا امس وماعندها شي انتي مو محتاجة صدقة ولا اصلا يحق لك فيها ولا تقولي دين وسلف الي بيتسلف لازم يسدد السلف وانتي لا شغل ولا دخل من وين ترجعي لها فلوسها احذفي رقمها والله. يجزاها الخير الي تبي تساعدك لكن احذفي الرقم وخلاص الدنيا صارت تخوف والواحد لازم ما يصدق كل كلمة يسمعها |
رد : تعرفت على إمرأة وتود مساعدتي بأول راتب لها
مبتعثه ياروحي
الحمدلله جمعت مبلغ 5 الآف من وظيفة الصباح واشتريت حاجيات تلزمني وأهديت الماما ربي يحفظها وتقضيت للبيت اللي انتقلت فيه وبقى معي مبلغ بسيط الحمدلله على كل حال |
رد : تعرفت على إمرأة وتود مساعدتي بأول راتب لها
كان ماتركتي الوظيفه الا انتي مسدده مهر زوجك
باقي الامور ملحوق عليها |
رد : تعرفت على إمرأة وتود مساعدتي بأول راتب لها
دودي ان شالله اخذ بنصيحتك وما أخذ من احد شي
ابشري جزاك الله كل خير حبيبتي |
رد : تعرفت على إمرأة وتود مساعدتي بأول راتب لها
دودي نسيت اذكر لك الحمدلله الضمان الاجتماعي يمشي لي ودخلت اطفالي معي للأبد ان شالله
|
رد : تعرفت على إمرأة وتود مساعدتي بأول راتب لها
الله يسهل عليك ويفرج لك
|
رد : تعرفت على إمرأة وتود مساعدتي بأول راتب لها
اقتباس:
اقتباس:
ماراحوا قلبي يحترق عليهم حتى مديرتي في العمل أيدتني وبقوه بترك الوظيفه والالتحاق معهم الحمدلله مرتاحه نفسيا حتى طمنت أمي علي والحمدلله راضيه عني تمام الرضى |
رد : تعرفت على إمرأة وتود مساعدتي بأول راتب لها
مبتعثه يالغلا
اللهم امين جزاك الله خير ولك بالمثل |
رد : تعرفت على إمرأة وتود مساعدتي بأول راتب لها
بالنسبة لأخوك الله يهديه ويصلحه ويحنن قلبه عليك
حاولي أن تتوددي له بهدية او كلام طيب او حاولي يتوسط أهلك لديه والدتك او والدك ويشرحون وضعك وعديه بتسديد الدين إن أراد |
رد : تعرفت على إمرأة وتود مساعدتي بأول راتب لها
روح المساء
اللهم امين ان شاء الله يحنن قلبه علي. في أشياء كثيره والله اني اتودد له بالكلمه الطيبه حتى أمس قلتله ان شاء الله اهديكم كلكم اخواني كل واحد له هديه خاصه له ربي يسعد قلبك على الداعوات الحلوه مثلك ي غاليه |
رد : تعرفت على إمرأة وتود مساعدتي بأول راتب لها
وعليكم السلام ورحمة الله وبركاته ..
الحمدلله بأنكِ تراجعتِ ، سعدتُ كثيراً أخاف عليكِ جداً فلو شعرتِ بقسوة سامحيني ، اعلمي بأني أحبكِ ولا أحب أحد يمسك أنتِ أختي .. جبر الله قلبكِ بكل ماتُحبين .. |
رد : تعرفت على إمرأة وتود مساعدتي بأول راتب لها
بالعكس سر ياحبوبه لم اشعر بقسوة كلامك قط
اسلوبك راقي ماشاء الله في جميع ردودك مع العضوات حتى معي انا مالي غنى عن آرائكم الحكيمة حتى لو قسيتو علي ربي يحفظك ويخليك لغواليك ويتمم أمورك على خير يارب |
رد : تعرفت على إمرأة وتود مساعدتي بأول راتب لها
انصحكي يا اختي الكريمة لا تأخذين من غريبة مهما حدث ومهما كانت اخلاقها و لأنها يمكن تذلك او تتمنن وانتي في غنى عن هذا الشيء،
وزي ما قلتي ان لها ظروفها الخاصة هيا متزوجة من شهرين وما تدرين عن ظروفها وظروف زوجها ويمكن تكون محتاجة راتبها اكثر منك، ع العموم اذا كان لكي اخوات او اخوان متوظفين فحاولي انهم ياخذو تمويل وتعطي زوجك الي اصلن ماله حق ياخذ المهر بس الله المستعان والله يفرج همك ويتكتب لكي الطيب |
رد : تعرفت على إمرأة وتود مساعدتي بأول راتب لها
ابن مكه
خلاص قررت ما أخذ منها شي في البدايه كنت متردده وبعد استشارتكم تراجعت زوجي انسان متحجر والدليل يطالب بفلوسه هو قالي ايام زواجي بعد ماطلبت الطلاق بتنازل عن المهر وبعدين سمعته عند اقاربه سيئة من ناحية سوء الخلق وأساء معاملته لي الله يعين جزاك الله خير اخي الكريم ولك بالمثل |
رد : تعرفت على إمرأة وتود مساعدتي بأول راتب لها
كوني غامضة فلا يعرف من حولك اي شيء عنك
امور مثل هذه لا تقال لشخص تعرفتي عليه في ساعات ولو شهور |
رد : تعرفت على إمرأة وتود مساعدتي بأول راتب لها
ان شاء الله
ما أخفي عليك فرحت بمعرفتها لأني كنت أتمنى صديقه مخلصه وتكون طيبه ولحد الآن ماتواصلت معها أخذت بنصيحتكم لأنها في البدايه عرضت علي تعطيني ورفضت وبشده وفي قرارة نفسي محتاره ومتردده |
رد : تعرفت على إمرأة وتود مساعدتي بأول راتب لها
[align=center][/align]أطالب الإشراف باإغلاق الموضوع
في ميزان حسناتكم يارب ما أنسى معروفكم معي جزاكم الله خير |
رد : تعرفت على إمرأة وتود مساعدتي بأول راتب لها
يغلق............
|
| الساعة الآن 03:27 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©