|
مشكلتي مع ام زوجي
السلام عليكم ورحمة الله وبركاته كيف اقوي من شخصيتي واضع حدود بيني وبين اهله , بما اني اسكن مع اهل زوجي في نفس البيت أمه بالرغم على انها طيبة إلا انها قوية ولازم يكون عندها خبر بكل شي يسير في البيت او مع عيالها ومو اقصد بأنو زوجي يقول لها كل شي عننا بالقصد , بس هو بسلامة نية يتكلم , وهي تسحب الكلام منو مو من غباء زوجي او عباطتو شي ثاني مثال ( بنتها تدرس في الجامعه بس في مدينه غير عن اهلها , مره ونحنا سمرانين قالت افتكر مره غبت وماحضرت , استغربت الام وقاطعتها وقالت متى دا , وليش غبتي ؟ وليش ماقلتي لي , كذا ماتقولي لأمك وبنتها ترد عليها بأنو عادي عدت سنه وانتهت وكان غياب عادي , وسكتنا الا انها رجعت فتحت الموضوع تاني الا تبغى تعرف ايش سبب الغياب وليش ماخبرتها .!!! مواقف زي كده تبين لي كيف ام زوجي , وغيرها من المواقف وسرت اعرف طبعها كيف تقريبا كم مره احس انها تجبرني على اشياء ما ابغاها أو تحطني قدام الأمر الواقع .! أو تحرجني , او تسوي حركات قاصدتها وبعدين تبرر وكأنها ماسوت شي .!! مثال ( كنت في قسمي وغرفتي مسدوحه والوقت متأخر ( بما انو صالتهم ومكان جلوسهم قريبه من غرفتي , انا اسمع اصواتهم دايما ) , ولقيت الشغاله تدق عليا الباب , وانا وقتها كنت عجزانة اقوم وافتح الباب , وطنشت ومارديت , وسمعت امه قالت للشغاله هيا ادخلي , وفعلا اتفاجئت بالشغاله تدخل قسمي وهيا تنادي عليا وراحت صالتي وخرجت انا استنكرت واستغربت حركتها , في الصباح لمن صحيت , فتحت الموضوع هيا وتقول لي انتي كنت تكنسي في بيتك قلت لها لا والله كيف اكنس وانا ماعندي مكنسة , ضحكت وقالت , كأني سمعتك تكنسي فقلت للشغاله ادخلي ودخلي لها اغراضها يمكن ماسمعت عشانها تكنس .!! ومره وانا عند اهلي ( اتفاجئت بأنها دخلت بنات اخواتها لقسمي بدون ما اعرف ..!! ( قسمي يتكون من غرفه نوم وحمام الله يعزكم , وغرفة ملابس مفتوحة , وصاله صغيره ومطبخ تحضيري صغير , يفصل عن صالتهم ومكان جلوسهم وسهرتهم واكلهم , باب خشب زي السحاب وتقريبا كل شي في قسمي مفتوح على بعضه !! ) ومره كنا في عزيمه مع صحباتها, اخدتني معاها , ولبست انا فستان لونو اسود , وهي لبست فستان سكري طول السهره بان عليها الزعل وتقول انها ندمت ولبست سكري لو لبست هي اسود .!؟!! واقربها ( كنت في عزيمة لبنتهم ( بما اني عروسه جديده واول مره اجتمع بأهل زوجي كلهم في عزيمه كبيرة, في نهايه السهره جات واعطتني وجه اخيراً وكلمتني بصوت عالي قدام الحضور واقاربها , فلانه رايحه , قلت لها ايوة خلاص قالت : مين بيوديكي قلت لها السواق , قالت خلاص طيب ولفت وجهها عني وقالت لوحده صحبتها , مع عيلتها خلاص روحي مع حرمه ولدي هيا بتوصلك , وكملت كلامها معايا , ايش نوع سيارتك , انا مع الصدمه بان على وجهي الاستغراب وانكسسفت مره , قلت لها نوع السياره وقلت لها بأنها كبيره وتشيل لأن العدد كبير ( بدون ما استوعب ) استغربت كيف تبغاني اوصل ناس ماعرفهم والوقت متأخر مره وكانوا عيلتين .!! طيب على الاقل تكلمني بالاول وتستأذني مو تفجعني كده ! بس الحرمه كانت ذوق وحست بيا انو انحرجت واعتذرت , وكانت ام زوجي تصر على الحرمه وكأنها هي اللي بتوصلها , انا وقتها جاملتها وماعارضت انو اوصل الحرمه .!! وغيرها وغيرها من المواقف , اللي تخليني اكون متخوفه منها بعد الموقف الأخير , قلت لأاخواتي انها مو سهلة بالمرة وماينقدر عليها !! الا وحده زيها او اشطر منها قلقانه انو في المستقبل بتسير بيننا مشاكل بتأثر بيننا وبين علاقتي مع زوجي مع العلم انو ما ابغى زوجي يدخل ويكون في النار بيني او بين امه ( لأني جربتو في موضوع مع امو وقال لي بطريقة غير مباشره انو ممكن يكون فيها زعل , وانه ماله دخل , فغسلت يدي منو ) , انا بطبعي طيبة ومسالمه بس اخاف اقلب عليها وابدأ اشتغلها في الازرق والاحمر والمستنيل على عينو ههههههه من جد كيف احط حدود بيني وبينها وافهمها انها مالها سلطة عليا , ومو كل شي لازم تعرفه عني !! , ولمن اقول لها لأ يعني لأ , مو تجبرني بطريقتها على اني اخرج معاها وقت ماتبغى .!! وكيف اقوي من شخصيتي سواءً معاها او مع الكل , حتى زوجي ( مالهم امان الرقاله , ما ابغى اطبطب عليه كل شويا ) اخاف اجاملها واسكت ويتراكم كل شي عليا وانضغط ويجي يوم وانفجر ( دايما انا اسوي كده ) ( لأني شايفه حال اخواتي كده .!! ) ابغى من البداية اكون واضحة معاها , احسها مو قايمتني من ارضي , يمكن مستصغرتني , او يمكن ماهضمتني أغلبية الناس كده ( يستصغروني او مايتوقعوا اني اسوي كده , يمكن عشان شكلي يبين اصغر او عشان هاديه بس انا اكون هادية مع الناس اللي ماعرفهم او يمكن طريقتي او اسلوبي غلط !! ) من جد ابغى اتغير للأفضل وللأحسن بإذن الله في تقوية الشخصية , ابغى اتعلم فنون الردود كيف اتصرف واتعامل في مواقف محرجه وكده نصايحكم والله يجزاكم خير |
رد : مشكلتي مع ام زوجي
وعليكم السلام ورحمة الله وبركاته ..
ماشاء الله تبارك الله عليك أختي الكريمة أجمل شيء مافعلتيه بعدم إخبار زوجكِ كي لاتزيد المشاكل .. كم عمر والداته حفظها الله ؟! وهل مكوثكِ مدى الحياة ؟! وفقك الله لكل خير .. |
رد : مشكلتي مع ام زوجي
اقتباس:
سُقيا تابعت بعض ردودك هنا ماشاءالله عليكي انتِ عاقلة عاقلة مره وبزيادة كمان يعني احس بالك طويل وتصبري لحد مايمل الصبر منك , يا ليتني زيك :) بس انا عندي لكل شي حدود :18::) ماشاءالله تبارك الله على امه , تعجبني تحسيها من جد شباب , مهتمه في نفسها تبان اصغر من عمرها بس هالفتره لاحظت , قلت بقص شعري قصت شعرها , وبتخلي لون شعرها زي لون شعري سارت تلبس فساتين ناعمة في البيت وتغير من شعرها يعني مفرود مرفوع بما ان البيت سيراميك البس شباشب ( مدري ايش تسموها :d ) ناعمه ودلع في البيت راحت اشترت من نفس المحل زييي لمن نكون رايحين عزيمة , انا اكون مخلصه وجالسه استناها تقوم هيا توقف قدام عمي ( ابو زوجي ) وتتدلع كيف ايش رأيك حلوه .؟!! قلت يمكن تغار حتى اخواتي نبهوني على هالشيء , بس ماشاءالله عليها مايحتاج لها مو مقصره على نفسها ابداً , مهتمه في نفسها واناقتها متجدده لا طبعا ان شاءالله مو دايم , سكنتي معاهم مؤقته لحد مايستقر زوجي وينقل لوظيفة في نفس المدينة وظيفتو في مدينه تانية :21: ويوفقك ربي يسعدك |
رد : مشكلتي مع ام زوجي
اقتباس:
أختي الكريمة ، شخصيتها من النوع الذي يغار عفكرة الكثير يعاني من هذا الأمر ..! والحمدلله مكوثكِ معهم مؤقت وهذا الأمر كفيل بأن يجعلكِ تتحملين .. مادامت لم تؤذيك بكلمة ولا بتصرف لاتبالي ، تعلمي فن التجاهل واللامبالاة هذا الأمر يسعدكِ جداً .. أعلم بأنه هذا الأمر صعب في البداية لكن مع التعود ستكوني أكثر قوة على مواجهة الموقف .. مثلاً عندما تقصين شعركِ المرة المقبلة قولي لها ياعمتي هيا مارأيكِ تذهبي بقصي معي شعركِ : ) بهذا الأسلوب تكسبيها .. الحمدلله بأن عمتكِ لايوجد فيها شيء مقلق واحمدي الله .. وامدحيها أما زوجكِ لاتشعريها بأستياء ، تعلمت شيء في حياتي كلما أشعر حولي بنقاط ضعي واستيائي يدخلون عليّ من هذا الباب ويزيدوني هما وألما .. لاتحاولي تشعريها بهذا الأمر بالعكس بالإبتسامة والمجاملة الجميلة تتخطيء .. والأهم لاتحاولي أن تخبري زوجكِ بأي شيء يزعجكِ من والداته ، للأسف هذا الأمر سيفتح لكِ أبواب لاتنتهي .. وفقكِ الله لكل خير .. أما حدي هو في هذه الدنيا هو الوصول إلى الجنة فقط الإنسان عندما ينظر لمصائب غيره تهون مصيبته مهما كانت والحمدلله .. |
رد : مشكلتي مع ام زوجي
اقتباس:
بس كده بتزيد و بتتمادى في تصرفاتها وانا اذا اتجاهلت وطنشت مره , مرتين , ثلاثه , مو يعني للأبد نعم هي ام زوجي وكبيره واقدرها واراعيها واحترمها وعلى عيني وراسي, غير كذه مالها شي عندي ما ابغى اكلف على نفسي شي ماينطاق , او اصبر او استحمل هالشيء مرفوض مرفوض عندي ابغاها تعرف , انو مو بكيفها تدخل لقسمي بدون ماتقول ليا , انا حرمه ومتزوجه ولي خصوصياتي ابغاها تعرف , كيف تقدرني وتحترمني شويا , ابغاها تعرف انو في حدود وخطوط حمرا عندي مايحق لها تتعداها ابداً ؟! او تجبرني على شي كيف اوضح هالشيء لها .؟!! اميين ياحبيبتي ربي يرزقك ويرزقني ويرزق الجميع الجنة بغير حاسب ان شاءالله , |
رد : مشكلتي مع ام زوجي
كلما كانت السكين ناعمه ككلما كانت حاده وتجرح
وتكون سهلة التقطيع اسمك وموضوعكييدل على شخصيتك وان لكل شي حدود تغار منك ولكن باناقه جميله اقتربي منها امدحيها بحدود هي فتره وتعدي وتنتقلي لقرب عمل زوجك هي تتفاخر فيكي امام الناس فلا تخذليها |
رد : مشكلتي مع ام زوجي
اقتباس:
إذا كان يوجد مفتاح أقفليه وهي ستعلم شيء فشيء دون أن تتخطى مايخصكِ .. |
رد : مشكلتي مع ام زوجي
اقتباس:
هذه أم يانعومة فهي تعلم وافعلي بالكلام .. |
رد : مشكلتي مع ام زوجي
اقتباس:
مفارق :21: نفس كلام اختي :) دايما امدحها في كل شيء حتى عند زوجي والله قدام اهلي كمان انا اتعودت واتربيت اكون ذوق ومراعية , سرت اخفف من لبسي ومااتكشخ كثير قدامها حتى سرت اجلس معاها بعض الاحيان وشعري ندي , تقولي لفيتي شعرك اقولها لا والله , تقول ليا كأنك لفيتيه بالفير , وسارت تسوي زيي .!! اساعدها في البيت , انزل معاها المطبخ , بعض الاحيان اغسل المواعين واشيل وارفع وبناتها جالسين من جد انا بكون معاها عادي واعتبرها زي امي والله وما ابخل عليها بشي بمعلومه جمالية او أي شي يتعلق بالازياء او المكياج او الجمال او طبخة جديده على طول بقول لها و آخد برأيها ولو حتى مجاملة واهديها بين فتره وفتره هي وابو زوجي هدايا ودايما اذكرهم بكل خير , بس هيا بتصرفاتها بتخليني انفر منها واخاف واكون حريصة معاها قلقانة هالشيء يزيد ويتفاقم وتكبر المشكلة ويمكن سكني مع اهله تكون سنة سنتين الله اعلم .!! يعني اصبر طول هالفترة :21: |
رد : مشكلتي مع ام زوجي
اقتباس:
ايوة في قفل فكرت في دي الفكرة , بعض الاحيان يغيب زوجي عني اسابيع هالمره لي الان شهر واسبوعين ماشفته, بسبب طبيعة عمله وبعض الاحيان اروح لمدينه اهلي واجلس عندهم لحد هو مايجي وياخذني , فكرت اخذ المفتاح معايا المره الجاية بس هالحركة بيستنكرها زوجي يمكن اكثر من امه .!! بس ان شاءالله راح اطبقها المره الجاية واشوف رده الفعل |
رد : مشكلتي مع ام زوجي
انتي ليش حاطتها في بالك !
شايله هم شيء ما راح يحصل هاذي بس وسوسات و فضاوة منك الحرمة مبسوطة منك و مفتخرة فيك على طول عقلك اشتغل انها غيرانه و و و ﻻ ﻻ هدي مو كذا تشغلين عقلك هي حابه تستفيد منك و انتي قد تكوني عاجبتها لذلك هي بتقلدك من غير ما تحس قولي لنفسك الحمدلله هي بتستفيد مني و ان شالله اخذ الاجر و صفي النيه بقولك شي ... ما دام بتقلدك هذا يدل انها ضعيفه و هينه وربي لو كانت مقويه ما كان شفتي منها التقليد فالله يرضى عليك اهجدي كذا و ﻻ يروح بالك بعيييييد ولو شفتيها سوت ما سوت بالعكس عشان تاخذي اجر زي ما نصحتك مفارق .. امدحيها كثييير و ﻻ تبالغي في مساعدتها و بناتها موجودات |
رد : مشكلتي مع ام زوجي
مثل ما قالت العزيزة أم خالد لا تركزي بتصرفاتها كثير لا تتدققي بكل حركة تقوم بها .. لأنكِ ستتعبين بشكل أكبر عامليها كمعاملتك لأمك وامدحي كل جديد تقوم به .. ولا تجامليها كثيرا بمساعدتك إن لم تكن باقتناع منكِ .. طالما إنتي بالقسم اقفلي الباب .. والمفتاح معك إن طلعتي .. أنا كنت مثلك كذا .. لكن صرت بتصرفاتي أستقل أكثر .. |
رد : مشكلتي مع ام زوجي
لي عوده للتعليق
|
رد : مشكلتي مع ام زوجي
موضوعش بسيط
عادي حماتش وتنافسش :26: فتره وبتعدي |
رد : مشكلتي مع ام زوجي
اقتباس:
حماتك عسل يا ريت كل الحموات مثلها امدحيها و اظهري اعجابك فيها و انتي كسبتيها خصوصا انه اقامتك معها لفترة محدودة |
رد : مشكلتي مع ام زوجي
إذا على موضوع انها تغار منك وتقلدك في لبسك وتكشخ مثلك و و ..
فغيرتها محمودة هي ماحقدت عليك .. لكنها حبت منك بعض الامور وعملت زيها .. وفي النهاية هي أم زوجك واللي تعمله راح يكون لزوجها .. يعني شي ماراح يأثر على حياتك الشخصية .. بخصوص انها تدخل الغرفة أو تسمح لأي حد بالدخول .. هاذي معاك حق فيها .. طول ما انتي في الغرفة قفليها عشان مايدخلون فجأة وانتي فيها .. وإذا انتي غير موجودة خليها مفتوحة مع الاحتفاظ بأمورك الخاصة في مكان لا تستطيع الوصول له ( لو خايفة مثلا أنها تفتش في اغراضك الشخصية مثل قمصان النوم وغيره) والأغراض العادية عليها بالعافية خليها تشوفها .. مع إني ما اعتقد انها في نيتها هالشي.. وممكن لما يجي زوجك تقنعيه ان الخادمة مرة دخلت غرفتك فانتي خايفة انها تدخل في غير وجودك فالأفضل انك تقفليها وأعطي أم زوجك نسخة من المفتاح قوليلها لو احتجتي شي من الغرفة هي تحت أمرك .. اكسبيها ياحبيبتي .. والله هي طيبة .. وتصرفاتها عادية بالنسبة لأي أمرأة في عمرها .. بس إنتي شيليها من بالك ولا تركزي على كل كلمة تقولها وكل تصرف تسويه .. |
رد : مشكلتي مع ام زوجي
تصرفات ام زوجك عاديه مدام ماسببت لك مشاكل
وبالنسبه لقسمك قفليه بالمفتاح مجرد ماتخرجي من البيت هذي من خصوصياتك |
رد : مشكلتي مع ام زوجي
حسيت انك متضايقة لأنها تفرض عليكي امور و تفاجأك بيها موضوعك هين :d المُداراة على وضع حدود بأعذار حسب قدرتك و استطاعتك <<< لا تتكلفي و لا تنأي بنفسك عنهم نهائيا :25: ايضا مما علمني الوقت :11: <<< صعب في وضع أي وحده انها تدخل نفسها في صراع مع ام زوجها او اخواته :30: لكن زوجك المفروض يواجه :11: اذا وصل الأمر لغلط في حقك او لمجرد ان حياتك اصبحت مسلوبة منك و ممنوحه لهم :30: كل الأمور في الحياة محتاجه لضبط و موازنة عشان الكل يكون مبسوط و راضي :17: |
رد : مشكلتي مع ام زوجي
اقتباس:
شويا شويا عليا ي ام خالد :) والله شغلت عقلي بقد ما اقدر وقلت لنفسي بما انك فاضية ي نعومه استقعدي لأم زوجك :) :) وحاولت اطنش في البداية واجامل بس الى متى .؟! هي تغار بكيفها .!! مع اني احاول اكون معاها عادي في لبسي وشكلي واقول في نفسي حرام يمكن عشان عمي موجود فتغير هي بزيادة فراعيت هالشيء و يشهد الله انو ماحمل لها الا كل خير في قلبي انا ماوسوست على قولك من فراغ , تصرفاتها خلتني مليون مره افكر واحلل يعني افهم من كلامكم انا ابالغ في مشكلتي , اصلا فين المشكلة !! فضاوة عادي تدخل لغرفتي وقت ماتحب وتدخل أي احد سواءً كنت موجوده او لا .! عادي اذا اقولها لا والله كان نفسي اليوم اجي معآكي بس المرة الجاية ان شاءالله , روحي وانبسطي وهي تحرجني وتحطني قدام الأمر الواقع قدام زوجي وابو زوجي وبناتها ومحدده لي ساعه معينه اكون جاهزه فيها كأن مالي رأي في الموضوع .! عادي لمن اقول لها ي خالتي والله مقدر اتصور ولدك مايرضى ومحلفني , تسكتني وتقول ليا طيب ماعليكي عادي وتنادي فلانه وعلانه وتصورني صورة وفديو وعادي لمن اكتشف انو صوري عند بنتها تصورني وانا مدري وهما عارفين انو ولدهم مايرضى ابداً احد يصورني اكتشفت هالشيء بالصدفه .! عادي لمن اكلمها في موضوع او اعزمها على عزيمة من ناحية اهلي تطنشني وتغير الموضوع وماترد عليا وما اعرف اذا هي بتجي او لا الا من عند اختي .!! واكيد عادي لمن اتفق معاها ومع بناتها (مثلا نروح للصالون او سوق ) اتفاجأ اليوم الثاني انهم راحوا بدون مدري ,!! وعادي لمن توصف قدام زوجي البنات , بنت فلانه النحيفة , او الدبة ولا الطويله او الرشيقة بنت صاحب ابوك حلوة , جميلة , ماتت , ولدت حيه ترزق , وبنتها تمدح صوت صحبتها الجميل :) وتسمعنا صوتها الشجي ..! واكيد عادي , لمن تعرف انو انا وزوجي خارجين من البيت , تجلس زوجي وتقهويه وتعطيه من الحلا واذا جاملناها شوية , صبت الفنجان الثاني والثالث , اقول لها بنمشي عشان لانتأخر تقول لسا الوقت بدري او زوجك قاعد يتقهوى .!! وعادي لمن اقول لها محتاجه وحده تجيني في البيت ( كوافيرة ) بما اني جديده في مدينتهم , تسوي نفسها ماتعرف , ولمن اجيب ارقامهم , تسألني من فين جبتهم , اقولها دورت وبحثت وسألت تقولي طيب , يلا خذي رقم فلانه شاطرة ورقم علانه ممتازه .!! انا مدري اذا كنت ابالغ او ما يحق لي احرص منها .! انا كل اللي طلبته , ابغى احط حدود بينها وبين اهله, واعرف كيف اتعامل معاها بدون ما اغلط عليها او ازعلها , ابى اتعلم كيف اعرف ارد عليها .؟؟ ابى اتعلم كيف اقوي من شخصيتي , لأني احسها مستصغرتني والله ماعمري لها قلت لااا وتقول لي طيب براحتك بسهولة , واذا قالتها يبان الزعل عليها بسرعه وفي اليوم الثاني تدقني بكلامها صح انا في بيتها بس برضو ابغى استقل عن اهل زوجي لي حياتي ولي خصوصياتي ولي طباعي غير عنها |
رد : مشكلتي مع ام زوجي
اقتباس:
لي عودة .. |
رد : مشكلتي مع ام زوجي
انا لو مكانك قالت بنروح المكان الفلاني وحتي لو قدام الكل وانا ماابغي اخرج
اعتذر منها واقولها المرة الجايه ان شاء الله مالي نفس او مانمت او تعبانه او اي عذر واروح غرفتي ع طول مااترك فرصه للمجادله وبالنسبه للتصوير ضروري زوجك يعرف قبل يشوفها بالصدفه ويسبب لك مشاكل وبعدين ماحيصدقك انك مانك راضيه |
رد : مشكلتي مع ام زوجي
اقتباس:
والله ماسرت اركز في تصرفاتها إلا بعد آخر موقف انا في بيت اهلي دحين , وهي زعلانه مني حتى لو ماقالت لي بشكل مباشر ؟ ليشششش ؟ مدري !! ولمن شفتها في العزيمه ’ والله يا انها همشتني ومطنشتني قدام الناس واهلها بما انها اول عزيمة احضرها من طرف اهلها .! وماكان في احد معايا من اهلي حسيت بالوحشة وكنت اتمنى ارجع بسرعه لأنها جلستني لحالي مع بنات ماعرفهم , ووسار موقف بسيط مايضحك بالمره اللي معي ضحكوا عليا !! ما افتكرتني الا في النهاية لمن قالت لي اوصل صحبتها وعيلتها .!! بعدها جلست افكر في تصرفاتها معايا واحللها .!! واهلي استنكروا تصرفها ! لا ما اجاملها كثير او اعرض عليها مساعدتي , ادري اخاف تتعود على هالشيء غير كذا البيت في شغاله ولله الحمد , بس انا اقول مافيها شي مره او مرتين كيف استقليتي بتصرفاتك عن اهل زوجي .؟ وضحي لي اختي اذا ممكن |
رد : مشكلتي مع ام زوجي
اقتباس:
:) حسيت انو ظالمتها وافتريت عليها , لساني تعب من مدحها بس بالمعقول , اهديها بعض الاحيان هي وابو زوجي انا بحاول اكسبها , بس هي مو مخليتني ولا حتى انا زي العسل معاها :25: بطول فتره اقامتي عندهم , للآن مانقل زوجي وللآن مابنى يعني الموضوع مطول ومأزمني نفسياً :21: |
رد : مشكلتي مع ام زوجي
اقتباس:
العيشة مع اهل الزوج = انعدام الخصوصية ما تقدري تحطي راسك براسها ’راح تكوني اتني الخسرانة قلنا لك سايريها ما دام بقاءك معاها مؤقت الي يقدر يفرض عليهم احترامك هو زوجك اذا هو ما طلع بايده انتي ما تفتحي علي نفسك جبهة صعب تحاربي فيها وحدك او اجلسي عند اهلك الفترة الي يكون زوجك غير موجود ممكن يخليها تحس انك ما نك مرتاحة و تغير اسلوبها معك |
رد : مشكلتي مع ام زوجي
اقتباس:
اقتباس:
الله يعديها على خير :) |
رد : مشكلتي مع ام زوجي
اقتباس:
ام الدانة بالعكس انا ما اغار او انقهر لانها تحاول تقلدني بالعكس دا شي يفرحني :22: مع انها ماشاءالله عليها ولا ابغى اتنافس معاها مره مو في بالي هالشيء حتى بناتها ما ابخل عليهم بشيء اللي اعرفه اقوله لمن يسألوني او اعطيهم من اشيائي وانا للحق ما انككرت قلت انها طيبة بس حركاتها تخليني متخوفه واجلس افكر انا عشان ابغى اتجنب معاها المشاكل مستقبلا , ا هي ماتخليني على راحتي ابداً جات فتره كنت مريضة بالانفلونزا وجلست معي شهر وحالتي حالة جلست فتره في قسمي ما اطلع لهم بعدها جاني زوجي قال لي امي تسأل اذا رايحه العزيمه قلت لها لا والله مقدر تعبانه مره ثانية , مع اني من قبل اتعذرت لها , خرجت وقلت اسلم عليهم وجلست شوية , غابت فتره وبعدين جاتني قدام الكل وقالت ام فلانه تسلم عليكي وسألت عنك اذا بتروحي او لا , وقلت لها الا هي سارت طيبة وراح تجي العزيمة والله وقتها حسيت كأني انصفقت , حتى زوجي استغرب وقالت لي الساعه 6 خليكي جاهزه قمت لاشعوريا وانا حاسة بقهر :30: زوجي يعطي للشغاله راتب اضافي اذا نضفت قسمي , والشغاله ماترضى تدخل لوحدها الا وام زوجي معاها .!! تقول عشانها تخاف لو شيء انسرق او ضاع ما اتهم الشغالة .! اذا ماكنت موجوده اذا كنت موجوده , تنضف عادي وبعض الاحيان ما اخليها تنضف لأنها شغالتها وماترضى عليها لأنها ماسكة البيت كله طبخ تنضيف غسيل كوي كل شي على الشغالة كم مره اشتكت الشغاله بتعب تتجنن ام زوجي وتخليها ترتاح , اخاف يسير في الشغاله شي او تشتكي من كثر الشغل , واتحط اللوم فيا احس صعبة اني اعطيها مفتاح لغرفتي راح افتح على نفسي باب انا في غنى عنه |
رد : مشكلتي مع ام زوجي
اقتباس:
زوجي رافعته للمشاكل الكبيرة ( لاسمح الله ) :25::) وكمان انا بوضح لزوجي بطريقه غير مباشره او عن طريق المزح او الضحك انو هالشيء يضايقني من تصرفات اهله , اول مره اشوفهم واجتمع بيهم كلهم بعد زواجي بيوم ( عزمني ابو زوجي على العشى في مطعم مع اهله ) وكانت عندي صور لي بجوالي بوريها لأم زوجي , قام زوجي حاول يضيع الموضوع بس على مين :) وطلبت تشوف الصور واعطيتها جوالي , وطولت وهي تشوف الصور بعدين ورتني صوره قالت من اللي فوق السرير , طالعنا في الجوال انا وزوجي وانحرجنا الصورة كانت محرجة شويه بعدها عرفت ليش زوجي حاول انو مايخليني اعطيها جوالي , لقيتها ماشاءالله تتمشي في جوالي وتقلب الصور على راحتها .!! وعلق جوالي وطفى , وقالت لولدها يالطيف عينك حاره بس عشان مامسك جوالها .!! وانا بحاول اوزن في الاخير انا بشوف الشي اللي يناسبني ويريحني :) |
رد : مشكلتي مع ام زوجي
اقتباس:
اقتباس:
لو احد صورني , بكاميرته او جواله , او احد محتفظ بصوري :21: وهالشيء مخوفني ومسبب لي قلق حاولت معاها كثير اعارض على شي ما ابغاه برضو مافي فايده , حتى في الأكل .!!!:d |
رد : مشكلتي مع ام زوجي
اقتباس:
بس ابغاها تخليني على راحتي واتنفس براحتي ان شاءالله انا ما راح اسبب مشاكل , بس برضو مصرة على موقفي وكلامي وراح احاول بكل طريقة اوضح لها واوضح لزوجي الاشياء اللي ماتعجبني وتضايقني :18: وحتى لو استخدمت الكيد واشتغل من تحت لتحت :):25: اثنين من اخواتي معجبه فيهم بسبب قوة شخصيتهم , لو عاشرتهم وشافتهم كانت قالت من جد ( يالطيف ) :) بس هي شكلها تحب قوة الشخصية , بس تبشر :):25: وحده منهم نبهتني في البداية وقالت لي ي نعومه نصيحة من اختك , لاتعودي ام زوجك تاخدك في كل مكان معاها وفي كل مناسبة , والله وقسم بالله ما ابالغ لو قلت اغلبية ملابسي وفساتيني السهره شافوها عليا في اول شهرين :21: ومناسباتها ماتخلص اجتماعية هي بكثيييييييير وصحباتها كثار في كل مكان وفعلا سمعت لها وجيت مره قلت لها لا مابدي اروح , ماعجبها ردي وتصر وتزن :) وانا دا اللي بسويه مره اجلس في قسمي ومرة عند اهلي وهو مو معارض هالشيء , بس احس الام مو عاجبها دا الشيء ماسارت تكلمني زي اول , لمن شفتها الاسبوع اللي فات , قالت لي طولتي , واسكتي عمك زعلان منك الله يعينني :21: |
رد : مشكلتي مع ام زوجي
حاسة فيك لاني عشت مع اهل الزوج
و ام الزوج تجيها يمين تجيك شمال عشان هيك قلت لك سايري افضل مادام راح تتنتقلي ما فادني معاها غير التطنيش و المسايرة و اذن من طين و أذن من عجين |
رد : مشكلتي مع ام زوجي
مكانه الانسب ..
|
رد : مشكلتي مع ام زوجي
شوفي دامك في بيت الناس ما معاك الا تسايري وتمشي
وضعك ماله حلول جذرية ... مثلاً قسمك لو قلت لك غيري الباب السحاب وحطي باب ثاني ينقفل ... انت ممكن ترتاحي لكن راحة مؤقتة وراح يدخل الشيطان بينك وبينها وراح تفسر وتؤل وتبدا حرب عن حق وحقيق... المناسبات والخرجات كلمه وحده قوليها مافيني اروح واسحبي نفسك او غيري الموضوع اووتبسمي وهي تعيد وتزيد ولما يجي الوقت الموعود اطلعيلها وانت مو متجهزه وان سألتك قوليلها انا مو اخر شي قلته لك ما ابغى اروح!! لا تجلسي حاكره نفسك وتفكري فيها قصدها ولا مو قصدها وتتعبي قلبك ... انا اشوفها وحده تحب تسيطر على حياتها ولا حظي انت اللي في بيتها مش العكس عشان نقول ممشيتك على كيفها... واخر نصيحة اقولها لك من تجربة ... اذا حياتك انت وزوجك ماشيه تمام والادمي متعلق فيك ومايحب يزعلك ولك بصمة واضحة على حياتكم الزوجية كل امورك مع اهله تتعدل لانهم يخافو يوقعوا مع ولدهم ويخسروه وعلى فكره الحريم مافي ادهى منهم ... ومن نظره يعرفوا الحرمه اللي مكوشه على كل شي في حياتها من شخصيتها من لبسها حتى من كلامها ويهابوها كثير لان عينهم على ولدهم في النهايه ومايبغو مشاكل معاه هذا اذا كانو هم والمشاكل حبايب .... وفي اهل لما يشوفوها سعيده مع زوجها ويسمع منها يدعولها لانهم يبغو لها زي مايبغو لبناتهم ... المهم اسسي حياتك مع زوجك وبقية الناس محطات مؤقته في حياتك ... |
رد : مشكلتي مع ام زوجي
اقتباس:
اقتباس:
ماني معاك و الله شوفي كانت عندي رؤية عشان حياتي ما تصير ملآهي كُنت ابغى زوجي يسندني لأن الأم ما تزعل من ولدها ابدا لكن تزعل من مرت ولدها فلذلك <<< لو قدرتي تفاهمي معاه لو ما تبغى المشوار هذا مع ام زوجك قولي و الله شاورت ( ) و قاللي ما تروحي :17: <<< المهم هو يدعمك و مثل لما تقهوية <<< المفروض هو يحسم الأمر و يقول و الله ورانا مشوار يا أمي و مثل لما تذكر البنات أمامه <<< المفروض من نفسه :11: يكون حسيس و يغير الموضوع عشان خآطرك ادعيلي معاكي :d |
رد : مشكلتي مع ام زوجي
هلا حبيبتي ،،ام زوجك بالنسبه لكثير غيرها حسب ما اسمع تعتبر عسل،،اللي فهمته من كلامك انو هذي طبيعتها عجوز ملقوفه مع الكل واكبر دليل حركتها مع بنتها لما غابت،،اقولك شي:مع كل موقف تسويه تخيلي لو انها امك اللي مسويته وتعاملي معها من الباب،،تخيلي امك اللي ترسل الشغاله تدخل عليك بلا استئذان وتخيلي لو كانت امك اللي قالتلك روحي مع بنتي توصلك بطريقها،،،صدقيني مع الايام تقتنعين انها ام ويمكن تعاملك من باب انك صغيره ومثل عيالها،،ترا القديمات ماعندهم زينا استئذان وذوق ووو مايعرفون هالاشياء بفطرتهم يتعاملون مع البشر،،معليش تغااااضي واكتفي بابتسامه ،،ومره ثانيه انتي خوذي كل احتياطاتك قفلي بابك اذا دخلتي..اذا فرضت عليك شي اعتذري بأدب وهكذا،،اتمنى من الله انه يسخرها لك..ولاتنسين حبيبتي الدنيا دواره وبيوم من الايام بتكونين مكانها وياسرع هاليوم الدنيا تررركض
|
رد : مشكلتي مع ام زوجي
اقتباس:
انا سكني معاهم يمكن يطول , ومو معقول افوت لها واضغط على نفسي طول هالفترة .!! راح اتعب نفسياً , تصرفاتها معايا الان مخوفتني ممكن تتمادى في تصرفاتها أكثر .!! |
رد : مشكلتي مع ام زوجي
اقتباس:
مرحباً أختي الكريمة .. ولما تتوقعي الأسوأ منها هداكِ الله ؟! الآن تصرفاتها مريها ولا تفكري بماذا ستعمل في المستقبل خذي الأمر من باب حسن الظن .. لاتتوقعي حدوث المشاكل معها .. نعومة احمدي الله عمتكِ طيبة وانتبهي لو كثرت المشاكل بينكما ثقي بأن علاقتكِ مع زوجكِ ستتأثر .. وفقكِ الله .. |
رد : مشكلتي مع ام زوجي
اقتباس:
هذا الأسلوب خطأ تظل هي أم زوجك يانعومة ..! أنا قلت لكِ اسمعي للشنقيطي سيهون الله عليكِ بخصوص هذا الأمر وله مقاطع بخصوص أم الزوج وستهدأ نفسكِ ..! قوة الشخصية تفقد هيبتنا إذا تطاولنا عالأخرين بدون حق وكانوا أكبر منا سناً .. كوني الأرقى والأفضل .. |
رد : مشكلتي مع ام زوجي
اقتباس:
من جد احسها هي عرفت كيف شخصيتي , وعارفه اني من النوع اللي يستحي واجي على نفسي بعض الاحيان و ما اقول لا لأنها مره قالت لي انتي طبعك كذا وكذا , واحسها برضو خلاص ماتحترمني بعض الأحيان فسارت عادي مثلا انها تضربني مثال للفشل قدامي وقدام بناتها , او تتكلم قدام زوجي عن بنات , مع انها ماكانت كده في البداية .!! اخاف تحسب خلاص انا ساكنة في بيتها معناته تتحكم وتحركني زي ماتبغى , وبحكم اللي شايفته مع ناس واخواتي كانوا ساكنين في البداية مع أهل ازواجهم , شفت كيف حياتهم كانت صعبة ولاتطاق لحد ما استقلوا لحالهم وانا شايفة نفسي قاعده امر في البدايات والمراحل اللي مروا فيها , وعارفة انو غلط اقيس حياتي واقارنها بحياة غيري , بس ما انلام والله :) حياتي مع زوجي تعتبر ان شاءالله تمام صح مايحب يزعلني وفي نفس الوقت احسه ما يحب امه تزعل و يلمح لي , وحتى لو كان على حسابي , انا طبعا ما ابغاه يتعود على هالشيء وفي الاخير اسوي الشيء اللي يرضي امه حتى لو كان هالشيء يضايقني , والله يرضى عليكم انا ما اقصد انه مايبر أمه و ابوه أو مايهتم فيهم او يكون ضدهم , انا بعض الأحيان انبهه انه سوا غلط مع اهله في كذا وكذا . مثال : زي لمن اقول له ما فيا اروح مع مامتك العزيمة اليوم , يقول لي طيب بس ممكن انها تزعل ويكررها لي ! وهي من ناحية داهية داهية لماحه ودقاقه في الكلام , يعني تعطيني بالكلام وماتقصر :) انا ابغاها تعرف من البداية اذا طاوعتها مره ومرتين , ما اطاوعها كل مره .!! ومو كل مره اجي على نفسي واضغطها واجامل , كيف ااوصل لها دا الشيء بدون مشاكل وحروب :) |
رد : مشكلتي مع ام زوجي
اقتباس:
صحيح فعلاردودك مثاليه !! لا تهاجمي قبل ما تتفهمي موقفها ؟ انسانه تًُقتحم خصوصيتها و انتي عيشي مع اهل زوج ما تدرين مين يدخل غرفتك و ما تعرفين متى تتدبسين في مشوار و ما تدرين يجيك الكيد من فين !!! و بعدين جاوبي اصابعك مو مثل بعض ليش تظني ام الزوج مثاليه ؟؟ و اذا ماهي مثاليه ،، مين يظمن لمرت الولد حقها ؟؟؟ ليش المشايخ ما يتكلموا في حقوق الزوجه من اهل زوجها ؟؟؟ هل لا سمح الله الزوجه مسخرتهم ليها يعني و لا ايش ؟؟ |
رد : مشكلتي مع ام زوجي
اقتباس:
مرحباً أختي الكريمة .. لن أناقش معكِ ، إذا كانت ردودي مثالية لستِ بحاجة للنظر إليها .. أم زوجها ليس مشابهة لمن رأيتها في حياتكِ ياأختي الكريمة .. الإنسان يخاف الله في الأخرين وفي تصرفاته .. كلنا محاسبون .. لاأريد تردي عليّ لأني لستُ بحاجة لردكِ ، هداكِ الله ... الكل قال بأن تسايرها وشوفي من الرد الأول أوراق ـ أم خالد وووووو الكثير .. لما تفعل شيء ليهز الأخت الكريمة .. وشوفي ردي سابقاً عندما قلنا لها أققلي الباب الحاجز بالمفتاح وهي ستتفهم هذا الأمر ..! نحن لسنا أولى من أم الزوج ..! وفقكِ الله .. |
| الساعة الآن 03:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©