مترددة بسبب كثرة شك زوجي بي
 

زوجي مريض نفسي فيه وسواس قد حصل طلاق الاانه لم يقع وانا عمري 35 لي سنه متزوجه وجاه الوسواس على حظي كان متزوج قبل وطلق ولم يكن مرضه السبب ولقد تعبت مع وسوسته جلس اخر مره شهرين ماحصل شي امس قام يقول انتي تلمسيني تشوفين نمت اولا هبلني وراح غرفه ثانيه يوم جا اليوم جاي منهبل ليه حركاتك قلت ماخذت علاج قام مسك يدي خفت منه قلت بعد بيضرب قلت بروح لاهلي رفض قال ان رحتي بطلقك لاني كنت بجيب اخوي ومارحت جلست وهو راح الغرفه ونام وش رايكم لي سنه انا وياه على هالحال تعبت انهي الموضوع لاني كلما قلت بروح قال لارحتي خوذي اغراضك كله لاوطال لسانه يقولي عجوز انتي مشكله بالاربعين عمره بس ماشره عليه بس لاصار طبيعي يكون حبوب مره معي بس تعبت مع حالته

(تم التعديل ليتناسب مع المضمون)

رد : تردد
 

زوجك لازم يتعالج عشان ترتاحين

رد : تردد
 

هو حاليا ياكل علاج بس قعد شهرين تمام ورجع امس على حاله اخاف اقعد طول عمري على هالوضع وهو مل عادي اتطلق

رد : ترددة بسبب كثرة شك زوجي بي
 

رد : ترددة بسبب كثرة شك زوجي بي
 

اعتقد الي فيه مو وسواس بس اتوقع اظطراب ثنائي القطب لاني اكتشفت انه ياكل حبوب قريت عنها كلها نفسيه يقولي عشان الحراره والعضلات ومره قالي دمتور يقول فيك بي دي يوم بحثت طلع رمز للاظطراب المهم اني اغلب السنه احسبه محسود جايه شي اخرتها عرفته انه يبي طبيب ووصف له علاج تحسن مده اشهر الاانه اصبح ضعيف بالفراش والحين رجع لوسوسته الغير منطقيه هو وده اني اطلب الطلاق يقول من عرفتك جاني الوسواس وزاد امسقام يقولي عجوز راسك شيب هههه الله يخلف واختي تهاوشني تقول اتركيه شتبين فيه وطا راسك ومن هالحكي راسي انتفخ ودي اتركه بس كبرت بتزوج شايب ثاني الله اعلم ودي هو يطلقني رسمي وخلاص ننهيها كلنا مترددين

رد : مترددة بسبب كثرة شك زوجي بي
 

حاولي تركزي على علاجه وانتظامه فيه وتستعيني بطبيب نفسي يتكلم معاه ويوجهك للطريقة الأنسب للتعامل معاه . الأدوية لحالها مو حل أبدا .

اذا الظروف وطبيعة شخصية زوجك ما تسمح لما سبق فبرأيي أن تطلبي أنتي الطلاق وتتركيه
وبرأيي أن الزواج من رجل كبير بالعمر أو معدد ويكون سليم أفضل من رجل مريض . خاصة مرض الوسوسه مزعج للزوجة جدا لأنه يمسها بشكل مباشر وكل فشة الخلق تطلع على راسها .

وانتبهي من الحمل يا أختي .

رد : مترددة بسبب كثرة شك زوجي بي
 

كثير فكرت اتركه بس يرجع هو طبيعي واهون وعلى هالحال بس ان جته الحاله مره ثانيه بتركه الله يقويني عجزت اقرر الله يكتب مافيه الخير ساعدوني ابي اقرر وماندم

رد : مترددة بسبب كثرة شك زوجي بي
 

اكتبي الاسباب التي تجعلك متردده في طلب الطلاق اي ماذا بعد الطلاق
واكتبي الاسباب التي تجعلك متمسكه به اي ايجابياته
واخيرا الاسباب التي تهوجس لك بالطلاق

وقارني بينهم ايهم الاهم

واكتبيها الان في المنتدئ ليتمكنوا من مساعدتك في اتخاذ القرار

رد : مترددة بسبب كثرة شك زوجي بي
 

ميزته انه مطلق وعياله عند زوجته ممكن يجيبهم وضعه المادي زين بس احيان يبخل يقول ابي ابني بيت مايبي اجار هادي بس هالفتره متغير طال لسانه صاير يغلط على جلس فتره كان تعبان نفسيا موسوس وراح طبيب وتحسن بس صار ينام وتفوته الصلوات يعني كثير تفوته المغرب عمره مناسب 42 انا35 وصلت مرحله ياس من وضعه تعبت اراعيه اخر مره يبي يمد يده لاني مارديت على اسالته الغبيه ولاجاوبت مايقتنع تعبت نفسيا تزوجت قبل سنه كلها نكد صبرت يمكن تتحسن حالته تحسنت ورجع بيستمر كذا

رد : مترددة بسبب كثرة شك زوجي بي
 

اختي كيف عرفتي انه لما كان مع زوجته كان طبيعي

و المرض جاه بعد زواجه منك ؟

عادة المرض النفسي يرافق المصاب به منذ شبابه

رد : مترددة بسبب كثرة شك زوجي بي
 

مع الاخت سابين
جايز هذا سبب طلاقه الاولي
اختي ان كانت تجيه انتكاسات بفترات متباعده اصبري
لكن ان كان معظم الوقت كذا استخيري والله يسهل لك

رد : مترددة بسبب كثرة شك زوجي بي
 

رد : تردد
 

ربما حالته تحتاج لوقت طويل حتى يشفى بإذن الله
أسأل الله أن يشفيه وأن يسعدكما

رد : مترددة بسبب كثرة شك زوجي بي
 

نعرف زوجته من بعيد لو في شي كان عرفنا لانه يقرب لنا يعني كان مو موسوس بس اتوقع كان فيه مرض نفسي يمكن خفيف وزاد معي لانه من اخذته ياكل ادويه يقول عشان حراره وخرابيط يمكن مشت على زوجته وانا بان مرضه او زاد لانه اي شي يخله يوسوس

رد : مترددة بسبب كثرة شك زوجي بي
 

تصدقون بديت اوسوس اخاف يسوي فيني شي لانه اخر مره مسك يدي بقوه كان يبي يضربني بس بعد لاني تريقت على كلامه وسؤاله يقولي لي تلمسيني وانا نايم وش عندك قلت يمكن اتقلب لمستك عادي تصير هو يشك اني اراقبه نام اولا الله يستر ويشرح صدره ويشفيه ويبعده عني ان كان فيه شر لي

رد : مترددة بسبب كثرة شك زوجي بي
 

رد : مترددة بسبب كثرة شك زوجي بي
 

والله اول الامر كان يصير حبوب شوي يقلب ويسال وش هذا وليه وكذا فتره رحلت لاهلي اخر شي وصفه له الطبيب علاج تقريبا نفع بس ممكن ينتكس بالنسبه للصلاه مايحرص مره يحب ينام كثير بس اذا كان صاحي يروح يصلي بالمسجد

احباط
 

سبق وذكرت عن حال رزوجي انه موسوس وشكاك المهم صارت السالفه انه من زمان صار له حادث اثر على راسه
المشكله ياكل حبوب كلها نفسيه ويقولي انها حقت العضلات جسمه يشد وفيه حراراه لاكلها تنظمه المهم قعد شهرين لاخر مشكله هادي المهم غير علاجه الدكتور لعدم توفره حاليا وصار زوجي ضعيف جنسيا اكثر من شهر يقولي هو حد مايتعود الجسم عليه للحين يتعود له عشر سنين ياكل الحبوب المهم صار موقف لها رحت مستوصف وقام يهاوش ليه مادخلته معي وحسيته توتر قلت جته حالته الممرضه احسها خافت المهم طلع ورجعنا طار بالسياره قلت بنسوي حادث جا الليل وعاد سالفه الدكتوره وقام يسوي حركات مو طبيعي انا مارديت جاني احباط ونمت قلت سالفته مطوله وش مقعدني عنده وتعقدت وجاني اكتئاب هو من بكرى يقول تهاوش بالعمل قلت ليه بس تهوش انتبه لتصرفك وقعد طول اليوم منسدح بالفراش وكسلان وساكت من بكرى رجع عادي بس مشكلته الجنسيه فيه ضعف من اول يعني احس لازم محاولات بس الحين احسه خلاص مادري شسوي احيان ارحمه احيان اقول مادري وش بيسوي بعدين تعبت اقول وش مصبرني كاني مزوجه شايب علما اني كبيره طقيت 35 يعني اتوقع لو حصل طلاق بتزوج كبير واحتمال صغير الله اعلم hfh

رد : احباط
 

المشكله قبل الزواج بدت معاه او بعده
كم سنه متزوجه
كم طفل عندك
كم عمره

رد : مترددة بسبب كثرة شك زوجي بي
 

رد : مترددة بسبب كثرة شك زوجي بي
 

اختي الحبيبة ،، لك حل سهل ويكشف لك كل الامور ..
ابحثي عن دكتور شاطر ومعروف بشغله واخذي موعد لزوجك وروحي معاه،، خلي الدكتر يعاينه ويعمل فحوصات وبناءا عليه راح تعرفين التشخيص الصحيح لحالته ..
الامراض النفسية تتشاببهه ببعض الاوصاف ولكن الطبيب المختص والشاطر هو اللي يقدر يوصل للتحليل الصحيح..
كثير من الحالات تكون مدموجة بحالة نفسية او مرضية اخرى يعني ماتكون فيه حالة واحده من جذي تشوفين بعض الحركات الغريبة وردود فعل عكسية ..

حالة زوجك لها علاج اذا انتي وهو التزمتوا به والتزمتوا بمقابلة الطبيب كما يوصف لكم لان حالته بحاجة لمتابعه لحتى توصل لدرجة النجاح ،، الموضوع يحتاج صبر ومواصلة فانتي فكري هل تقدرين تصبرين وتواصلين مع زوجك او للا ؟! ة

رد : مترددة بسبب كثرة شك زوجي بي
 

زوجي شكله مل من الحبوب والادويه عاد يجي منها اعراض الي يسمن والي يضعف كل شوي له عرض افكر يمل ويتركها بعدين مادري شيصير اول يروح استراحته تركها احسه متهاوش شي مسويه فكرت كثير اتركه بس اقول وش يصيراتزوج شايب بعدين اقول مابه زود هو

رد : مترددة بسبب كثرة شك زوجي بي
 

لازم ياخذ العلاج

رد : مترددة بسبب كثرة شك زوجي بي
 

الله يفرج همك ويشفيه