|
زوجي همه الوحيد اخواته وطلباتهم
السلام عليكم ورحمة الله
انا اول مره اشارك ومادري سؤالي في مكانه الصحيح..بأقول مشكلتي وارجوكم اعطوني حل لاني تعبت وفكرت اهرب من البيت اكثر من مره انا متزوجه من 7 سنوات وعندي ولدين عندي اخوات كثار وزوجونا صغار ولسا ندرس بس عشان نخفف طبعا كنا عايشين بجحيم ببيت اهلي لا من امي ولا من ابوي.. تزوجت بس عشان اتخلص من حياة اهلي وللاسف زوجي همه الوحيد اخواته وطلباتهم لدرجة تقصيره علي وعلى اولادي بسببهم يعني اسبوعيا او كل اسبوعين يسافر ثلاث ايام عشان اخواته يغيرون جو مع العلم ان بعضهم متزوجات احيانا اروح معاهم بس اهون بعدها من الاهانات اللي اشوفها من زوجي بحقي وحق اولادي عشان اخواته بس يسبني ويلعني قدامهم واذا غلط في حق وحده منهم حتى لو مو غلطان يرجع يهين ويذل فيني بالساعات بس عشان يثبت لاخته انه ماراح يهينها قدامي نروح السوق يعطي اخواته فلوس وهم عندهم مكافأت الجامعه وانا مايعطيني شي يقول مفلس انتي تصبرين علي مو زي اخواتي هذا غير طلباتهم اللي ماتخلص من اكل مطاعم وملابس وكلها ثمنها غالي وانا بس عايشه عالتوفير يقول ماعندي شي وانا لي حق اكثر منهم هذا غير الذل اللي يجيني من اخواته من معاملته لي حتى لو يبغون غرض مني يتصلون بأخوهم يستأذنون منه ويدخلون بيتي وياخذون والغرض يخصني انا...وصلت لدرجه انه رايحين انا وياه مشوار بعيد وتتصل اخته تبي اكل من المطعم واصرت عليه ورجعني البيت عشان اكلها ...حاولت اكلمه يعدل ويوقف اخواته عند حدهم يقول هذي حياتنا مو عاجبتك بكيفك..واللي يتعبني اكثر انه مدرس وعنده وظيفتين غير التدريس ومتزوج وعنده اولاد ومو راضيين يخلونه يتفرغ لي ولاولادي..وعنده اثنين اخوانه متزوجين واحد مدرس والثاني مهندس وربي بس قاعدين ببيوتهم واذا طلعو طلعو مع زوجاتهم ...طيب وانا وحياتي الجحيم .. كل ماشكيت لاهلي قالو حافظي على بيتك واصبري وعندك اولاد بس خلاص طفح الكيل والله العظيم تعبت ابي اعيش مثل البنات ادري طولت عليكم ... ارجوووكم اعطوني حل تعباااانه تم تعديل العنوان ليتناسب مع الطرح |
رد : تكفوون اعطوني حل
بالنسبة للاهتمام والتمشيات والمصاريف
صادقي اخواته خليكي قريبة منهم اكثر منه .. اتفقي معهم عالطلعات ويصير هو المتطفل عليكم عشان يوديكم كلميهم كثير .. عطيهم اكثر مما تعطينه .. وحاولي يصير من كل قلبك و حاولي تستمتعين بوقتك معهم وتخلينهن يحبونك .. صدقيني من الغيرة بيلاحظ انهم مستغلينه وماخذين شي بزيادة .. وبيبعد عشان يبعدك عنهم بالنسبة للاهانات لازم تاخذين موقف وتكلمينه بهدوء انه شي مرفوض .. ولو يبي يصير له ولعائلته احترام قدام الناس ويبغى عياله يكبرون بجو صحي لازم يحترم امهم والله يصلح احوالك ويسخر لك زوجك |
رد : زوجي همه الوحيد اخواته وطلباتهم
مشكلتك ليست في أخواته .. مشكلتك الحقيقية مع زوجك
الذي لم تكسبيه حتى الآن ولا تجيدين التصرف معه.. |
رد : زوجي همه الوحيد اخواته وطلباتهم
انا لو منك راح اضبط علاقتي مع خواته
واي شيئ ابيه بخليه عن طريقهم دام يسمع كلامهم |
رد : زوجي همه الوحيد اخواته وطلباتهم
لا تزبطي علاقتك بأخواته
بالعكس قللي علاقتك فيهم و احصريها في الواجب و لا تسكتي ع الاهانه و اللي زي زوجك سلاحك معاه اطفاله لانه بيكون اكيد معلق فيهم فدايما تكلمي بإسمهم و الله يوفقك حبيبتي |
رد : زوجي همه الوحيد اخواته وطلباتهم
بالنسبة لتحليلي البسيط
هو انسان خدوم و عاطفي و منفتح لذلك ما عنده خصوصية العلاقه بينك و بينه بس بالعكس يخدم الكل و اللي مثل كذا مُستغل يا عزيزتي للأسف سواء من اصدقاء او اهل لك كل الحق في انك تتنفذ طلباتك لكن اطلبيها في الوقت المناسب و انفصلي انتي عن عائلته الا في المناسبات و الضرورات بكذا يعرف انه عنده بيت ثاني و يحس انه له التزامات معاك منفصله عن اهله و ربي يوفقك حبيبتي في حياتك شوية صبر و تعرفي كيف مخة يمشي لكن الاهانة لا تفوتيها ابدا مستحيل ترضين بسهولة و لا تكوني سببها كذلك !! اتمنى لك التوفيق و السعاده |
رد : زوجي همه الوحيد اخواته وطلباتهم
اقتباس:
أؤيد كلام اختي الكريمةعاشقة القهوة |
رد : زوجي همه الوحيد اخواته وطلباتهم
تسلموووون ربي يعطيكم ماتتمنون جميعا بس اللي يقولون زبطي علاقتك في اخواته انا بحياتي ماأذيتهم وبالعكس دايما اشتري لهم اللي يبون وافاجئهم واحيانا انا اكلم اخوهم عشان يطلعو معانا بس دايما تجي في وجهي الشغلات اللي اشتريها مايشكروني عليها بالعكس ينتقدون مع اني مو ملزومه فيهم واذا طلعنا سوا نطلع ونرجع وهو يسبني قدامهم وهم يستانسو جدا لدرجه ان الكبيره تطالع فيه نظره احتقار وتضحك وهو يشرشح فيني توصل المواصيل انه حتى بالمطعم ينسى نفسه ويحط الاكل كله قدامهم وربي ان احيانا ادخل واخرج ماكلت شي لاني مافي شي قدامي ومايلاحظ نهائي خصوصا اذا الطاوله كبيره والله العظيم صرت اطلبه اي شي عن طريق رساله جوال حتى لو جالسين مع بعض لان طلباتي دوم مرفوضه قدامهم..وحده من اخواته تلاحظ اللي قاعد يصير ودايم تحاول تتصرف عشان ماتحسسني بالاهانه بس الباقيين لا ...كرهت الطلعات معاهم ....واللي يقول انفصلي عن اهله بس في المناسبات انا اغلب اشغالي مايقضيها لي الا ابوه ولو مو ابوه كان عشت ارمله واولادي ايتام وهو مشغول بوظائفه واخواته....حاولت اكلمه مليون مره يضبط معاي يوم وبعدها يرجع وكثرت المشاكل خصوصا عشان سفر اخواته وربي اللحين كملت سنه وست شهور وحده من اخواته وهي تسافر اسبوعيا معاه انا قررت اروح معاه بس تعبت جدا من السفر وعندي ولدين اشقياء جدا وهو مايساعدني خصوصا قدامهم توصل المواصيل انه مره يروح يشيل عن اخته بنتها الوحيده من الدرج وانا امشي جنبها ولدي الصغير شايلته ومعاي شنطه اغراضه وولدي الكبير ماسكته بيدي ويادوب يمشي مو الحق يمسك عني واحد من الاولاد واخته تمسك بنتها....اعذروني عالاطاله وربي مخنوقه واحس كل شي مسدود قدامي لا منه ولا من اخواته ولا من اهلي
|
رد : زوجي همه الوحيد اخواته وطلباتهم
استعيني بالصبر والصلاة
أكثري من الصدقة والإستغفار أوصيك ب الدعاء الدعاء الدعاء وتحري أوقات اﻹجابة |
رد : زوجي همه الوحيد اخواته وطلباتهم
اختي الغاليه
انتي السبب نعم ليش عمك يقضي اغراضكم قولي له ما قصرت يا عمي بس ابغاك تكلم ولدك جزاك الله عننا خير !! و انتي انفصلي انفصال تااام عن اخواته الافي المناسبات لا مطاعم و لا غيرة اذا انتي ما سألتي و لا طالبتي كلهم بيعتقدون انك مبسوطة ؟؟ حقك طالبي فيه و لا تتنازلي زوجك مسؤول عنك و عن اولاده و رققي قلبه ناحية اولاده اشعريه بحجم حاجتهم له مثل ما قلت لك زوجك طيب بس مُستغل |
رد : زوجي همه الوحيد اخواته وطلباتهم
مشكورين وجزاكم ربي الف خير ان شالله بأطبق كلامك عاشقة القهوه ولايهونون الباقيين وان شالله خير...
|
رد : زوجي همه الوحيد اخواته وطلباتهم
كلمي والده
|
رد : زوجي همه الوحيد اخواته وطلباتهم
امه عايشه؟
|
رد : زوجي همه الوحيد اخواته وطلباتهم
ايش الشي اللي انتي تعطينة واخواته مايعطونه!!!
احرميه لحد ما يعرف اولوياته |
رد : زوجي همه الوحيد اخواته وطلباتهم
حاولي تكسبين قلبه عشان يلبي طلباتك
ولازم توقفينه عند حده في السب قدام أهله |
رد : زوجي همه الوحيد اخواته وطلباتهم
امه عايشه وشكيت لها الحال بس ماسبيت في بناتها حطيت اللوم على زوجي تفاجأت انها تقول بيودي بناتي ويهتم فيهم غصبا عنك قلت طيب يعدل بيني وبينهم انا بعد زوجته قالت هو عندك اطلبيه اللي تبغين ماحد منعك ..هي طيبه معاي جدا بس بناتها وولدها خط احمر ماتبيني اعارض على شي ..وكلمته اكثر من مره بخصوص السب قدام اهله ويوعدني يتغير وبس نجتمع ينسى كل شي
|
رد : زوجي همه الوحيد اخواته وطلباتهم
ريهام
أنت أخبرتيه عن وضعكم ببيت أهلك ؟! |
رد : زوجي همه الوحيد اخواته وطلباتهم
تصدقين زوجك زي زوج أختي أفنى عمره في خدمة أخواته متزوجات وغير متزوجات وعياله وزوجته خارجين من نطاق تفكيره تماما في اي شيء لدرجة حتى الألعاب يشتريها لعيال أخواته وينسى عياله وفوق هذا كله تزوج عليها.... النتيجة ........ الآن عيال أختي رجال الله يحفظهم لكن الهوة اللي بينهم وبين أبوهم سحيقة تخيلي لايحبون يجلسون معاه ولايهرجون معاه يستجدي القعدة معاهم لكنهم رافضينه تماما هدم في نفوسهم كل محبة له اليوم اللي مو عندهم يفرحون وبقوة طبعا بالنسبة لأختي قفلت قلبها تماما عنه ولا عاد يهمها جا ولا راح زيه زي أي حاجة مالها قيمة عندها الله المستعان أتمنى ياريهام ماتوصلي لحالة أختي وتعالجين هذا الأمر من بدري لأن تراكمات السنين مستحيل تروح مهما حاولتي الله يعينك .
|
رد : زوجي همه الوحيد اخواته وطلباتهم
انا ماخبرته عن وضعي ببيت اهلي بس الاكيد يلاحظ انهم مايسألون عني ومايزوروني غير بالمناسبات واكثر من مره غلط بحقي وبحياتي مارحت بيت اهلي زعلانه او تدخل احد من اهلي استنجدت بأهلي اكثر من مره بس لاحياة لمن تنادي
|
رد : زوجي همه الوحيد اخواته وطلباتهم
انا بصراحه ماحبه نهائي خصوصا السنين الاخيره وربي صرت افكر انتقم منه بس خايفه على اولادي وبيت اهلي مستحيل ارجع له
|
رد : زوجي همه الوحيد اخواته وطلباتهم
الله يفرجها عليكي يارب
حبيبتي مازكرتي بموضوعك ازا زوجك ولدهم الوحيد ولا في ابناء غيره عندهم لأنه ازا زوجك وحيد اهله بين بنات حاولي تركزي على هالنقطة وتدوري على حلول وكيفية التعايش مع الزوج الوحيد لأهله وتستشيري وتقرأي اكتر عن كيفية التعامل معه لأنه بالغالب الوحيدين بيكونوا هيك بيكونوا اهله متملكينه و بيعتبروا الزوجة دخيلة عليهم او عدو الهم |
رد : زوجي همه الوحيد اخواته وطلباتهم
اول مره اعرف ان رجل فيه خير في اخواته وامه وسيكون مقصر او مهمل لزوجته
حقا لا تلوميني دائما يقولون تزوجي من فيه خير في اهله لانه سيكرمك وسيكون نعم الرجال ولكن اختي ما الذي يقدمه لك زوجك اكتبي ايجابياته اذا تفضلتي ولماذا يسبك ويهينك امامهم ما السبب اكتبي موقف واحد بالتفصيل لنعرف الاسباب لتتفهمي مشكلتك جيدا وتعيشي بسلام ورضا على الاقل ببيتك بما ان العيشه عند اهلك مستحيله أسال الله ان يسعدكم ويوفقكم |
رد : زوجي همه الوحيد اخواته وطلباتهم
اقتباس:
أختي الكريمة ريهام ، بمثل ماذكرت الأخت الكريمة توته .. إذا زوجكِ هو الولد الوحيد تظل دوماً مسؤولية عليه ، حاولي أن تتقربي إليهن ، مفتاح زوجكِ هو التقرب من أخواته . وأنتِ قلتِ بأن عمتكِ قريبة منكِ حاولي التقرب منها بهدف الإصلاح .. وفقكِ الله لكل خير .. |
رد : زوجي همه الوحيد اخواته وطلباتهم
اقتباس:
وأجيبي على أسئلة الأخت الكريمة الدانة ؟! |
رد : زوجي همه الوحيد اخواته وطلباتهم
زوجي مو وحيد اهله ذكرت ان عنده اثنين من الاخوان غيره ومستقرين ببيوتهم ومع زوجاتهم ..تسألوني عن ايجابياته اول سنتين من الزواج كنا عايشين بمنطقه بعيده عن اهله وكنت وقتها اسعد امراءه وربي كريم ويحترمني وبعدها نقلنا عند اهله وانقلب الوضع جحيم صبرت لحد قبل سنتين ماكنت اتكلم لان اخوانه كانو بالجامعه بس اللحين اخوانه تخرجو وتزوجو وفتحو بيوت وحياتهم احسن من حياتي مو المفروض يتساعدون كلهم سوى...واخوات زوجي انا جدا طيبه معاهم ومهما اسوي مايبون يحتكون فيه وحده منهم علاقتي جدا رائعه وكأنها فعلا اختي وعمتي ام زوجي طيبه وتحبني واي موقف من ولدها توقفه عند حده بس تصرفات بناتها وسفرياتهم ماتبيني اعارض عليها لو يسافرون مره كل شهرين او ثلاث ممكن بس كل اسبوع او اسبوعين ظلم لي خصوصا ان زوجي مايفضى لي بأيام الاسبوع نهائي ...وللمعلوميه اخو زوجي انفصل عن زوجته قبل سنتين واللحين تزوج والسبب اخواته..وزوجي كان متزوج قبلي وانفصل وبرضو السبب اخواته وهو اعترف لي بهالشئ من اول مشكله واجهتني مع اخواته ...
واما تبون مثال للسب والاهانه بقولكم موقفين وانتو احكمو.. كنا مسافرين سوا واتصل على اخته قال البسو العبايه انا اجاي بنطلع وجت اخته قالت لي فقمت اتجهز واغير ملابس اولادي فجاءه جاء ودخل الشقه والله العظيم دخل عليه الغرفه مثل المجنون ويلعن ويسب يقول وين عبايتك وربي ان اخواته بالصاله ولاوحده لابسه ويطالعون بمسلسل بكيت وقتها من القهر....الموقف الثاني كان عند اهله عشا وجاء طلب فنجال و راحت اخته تجيب وتأخرت جدا بس جت رفع صوته عليها وزعلت مالقى حل يرضيها فيه غير انه يلف عليه والله يكرمكم يتفل في وجهي عشان وبدووون اي سبب واخته هذي اصغر منه بسنييييين ..في ظلم واجحاف اكثر..وعلى فكره انا مو ساكته عالوضع دايم مشاكل في مشاكل حتى النوم صرنا انا بغرفه وهو بغرفه ابي حقوقي وهو مايبي يتنازل انا بالصراحه صرت احط اللوم على اهلي لو هو يعرف ان وراي اهل مابيسكتون عن حقي كان ماتصرف بهالطرق.... اعذرووني عليكم كثيييير |
رد : زوجي همه الوحيد اخواته وطلباتهم
الباب اللي يجيك منه ريح سده واستريح
شكل بينكم ميانه زايدة يااختي خلي علاقتك تأدية واجبات معهم مو اكثر لاتخلينهم يعرفون وش اللي يستفزك لاهم ولازوجك اذا حالوا انت ابتسمي وخليك ساكته لاتتكلمين اما زوجك تقربي منه واحترميه عشان يحترمك ولو غلط عليك وضحي زعلك بس بدون ماتغلطين عليه ولاتجيبين سيرة اهله قدامه لا بخير ولا بشر بعدين انت فكري ليش زوجك يحب يسافر معهم ومايمل منهم ، هم خواته عارفين شخصيته عدل وعارفين كيف يدخلون لقلبة وياخذون اللي يبون انت شوفي بوصله الشخصيات لناعمه الهاشمي اعرفي شخصيه زوجك عشان تدخلين لقلبة وزوجك لايعرف شي عن اهلك ولا مشاكلهم لاتوضحين ان ماوراك سند بالعكس امدحي اهلك |
رد : زوجي همه الوحيد اخواته وطلباتهم
بيني له زعلك إذا أخطا عليك
وخليك رسمية مع خواته إلا اللي تشوفينها طيبة معك وأمه من حقها تشوف بناتها مبسوطات وشيء طبيعي إنها ترضى بسفرياتهم وأحمدي ربك إنها طيبة وتوقفه عند حده |
رد : زوجي همه الوحيد اخواته وطلباتهم
اختي الكريمه وضعك صعب
ولكن مع كل عسر يسر بإذن الله الان ماذا تفعلين فكري جيدا في مصلحتك ان حصل لك مثل ما حصل لزوجته السابقه فمصيرك بيت اهلك وهذا جحيم اكبر بنظري بالنسبه لوضعك معاهم ومجتمعك انا هنا اوضح لك حجم معاناتك في حال حاولتي تدخلين في معركه مع اخواته لانهم متمكين من زوجك ولن تستطيعي السيطره عليه او تغيريه للافضل الا اذا دخلتي في مخاطره اكبر وقد تحتاجين الئ وقت اكثر ليرتاح لك وليضمن بانك لا تعادين اخوته وبانك تحبينهم جميعا والا سيعاديك ويظن بانك عدوة العائله ولم الشمل ولكن لديك ابنائه من صلبه قد يفعل شي من اجلهم لماذا لا تستخدمين هذا الكرت |
رد : زوجي همه الوحيد اخواته وطلباتهم
اختي اود التوضيح بشأن ابنائك ان لا تستخدميه لزيادة المشاكل او الخلافات
بل شد انتباهه للاهتمام به وعدم التقصير معهم والتقرب منهم اكثر واكثر في كل الاحوال لا للمزيد من المشاكل لانك ذكرتي بانك لا تسكتين له والمشاكل مستمره ومشتعله ولكن اسالي نفسك رضيتي يتفرغ لهم ام لم ترضي شئتي ام أبيتي سيستمر معهم مثلما يريد اذا ما الفائده تعانين انتي وغيرك سعيد حاولي قدر الاستطاعه ان تسعدي معه وتكتشفي مواضع ضعفه لان اي انسان مهما كانت شخصيته قويه وعنيد الا انه يضعف عند شخص واحد فابحثي من هذا الشخص ربما تكون امه حاولي معها هي اكثر من زوجك ولكن باللين والطيب مثلا اهماله لابنائه وتقربي منها كثير حتئ تراك الونيس لها والشخص المحب سترين كل خير بإذن الله ولا تيأسي |
رد : زوجي همه الوحيد اخواته وطلباتهم
اختي انتي عشتي مع زوجك فترة لا باس بها كانت حياتكم مع بعض حلوة
تقدري تاسسي عليها لبداية جديدة الي بيعملوا زوجك استعراض عضلات امام اهله ’اذن احرميه من المتعة الي لاقيها في اهانتك امامهم لا تزورينهم في الوقت الي يكون فيه موجود عندهم ’روحيلهم في غير وقت بلاه السفر الي كله اهانات مثل ما قالت عاشقة افصلي حياتك عن حياتهم لكن من غير ما تعاديهم , مو من صالحك تسوء العلاقة بينك و بينهم خلي علاقتك معاهم طيبة وفي نفس الوقت رسمية جيد تكون العلاقة بين الاخوة طيبة و من حقهم اخوهم يحسن اليهم و دائما عبري لزوجك انك معجبة في علاقته مع اخوته و تتمني تكون علاقة اولادك مع بعضهم مثلهم اشتغلي علي تصحيح علاقة مع زوجك دون ان تطعني في علاقته بأهله عشان يتقبل منك و يحاول يوازن يا ريت تكلمينا عن حياتكم مع بعض في بيتكم بعيد عن اهله يعني كيف يتعامل معاكم ؟ يعتذر عن اهانتك و لا يهتم ,يعني يحاول يراضيك او ما تفرق معه ؟ |
رد : زوجي همه الوحيد اخواته وطلباتهم
اعتقد المشكلة عندك
أولاً/ انت قلتي انك تزوجتي عشان تهربين من مشاكل أهلك .. وغالباً اللي تفكيرها كذا تكون حياتها الزوجية فيها مشاكل ثانياً/ احس إن علاقة زوجك باخواته جداً طبيعية بس عشانك في بيت أهلك كنتي فاقدة الاهتمام فتشوفين وضع زوجك مع أخوته غريب . ثالثاً / سبب اهانته لك ..الظاهر والله اعلم إنك مقصرة معه من الناحية العاطفية والجنسية .. وهذا الشيء وارد رابعاً / ينقصك الخبرة في فن التعامل مع الرجل . |
رد : زوجي همه الوحيد اخواته وطلباتهم
السلام عليك اختي ريهام كلنا هنا زي اخواتك وحاسين فيك الاخوات ماشالله ماقصروا اعطوك حلول ممتازه لخصيها وامشي عليها بالنسبه لي انصحك انك تكوني جدا رسميه مع علاقتك في خواته وحاولي تكون علاقتك فيهم جيده عندما تقابليهم ثاني شي حاولي اي مشوار يطلعه مع خواته لاتروحين معاه لانك فقط بتعرضين نفسك للهم والمشاكل ثالث شي لما يكون زوجك طالع مشوار مع اخواته وجا يسالك ادا جايه او لاء قولي لاء ماني جايه ابغى اجلس عشان عندي شغلات بنفسي اهتم بنفسي وادلعها واعمل استرخاء وات الله معاكم حبيبي مع الكلام اللي كله دلع ورومسيه رابعا حاولي تمدحي زوجك كثييييييييييييييييييييييييييييييير الرجل يحب المدح حتى قدام خواته ادا عصب عليك سوي نفسك عادي وابتسمي واجلسي جنبه وقولي محلاك وانت معصب ربي يخليلي هالرجوله ومدح زايد وكم كلمه حلوه بدلع صدقيني راح شوي شوي يتغير يصير زي الحمل الوديع الرجل زي الطفل يحب الدلال خامسا دلعي نفسك قدامه وحسسيه دايما ان عندك اسرار حتى لما تطبخي ويعجبه الاكل وسالك عن الطريقه قولي سر حبيبي خليكي واثقه منيعرف اسرارك وسر تغيرك ويصير بيدك اتمنى افتدك واتمنالك حياة سعيده نفسك قدامه ومن جمالك واهتمي بلبسك ومنظرك وعلاقاتك بصديقاتك قدامه يعني حسسيه ان لك مجتمعك وعلاقاتك الخاصه صدقيني راح ينشغل فيك ويقلل من تصرفاته السيئه معاك امام خواته ولا تنسي اهم شي يحبه الرجل عفوا الجنس وكل شي يخص غرفة النوم اعمليله ليالي رومنسيه من فتره لفتره نيمي الاولاد بدري ادا طلع بيوم مع اخواته ارسليله رساله قولي لاتتاخر محضره لك مفاجاءه حلوه حطي شموع وسوي اكلات حلوه وهيك شغلات وبس صدقيني راح يتحسن معاك ويتغير ويصير يركض وراك عشان يعرف اسرارك وسبب اهتمامك اولا بنفسك ثانيا هدوءك ورومنسيتك له امام اهله وخواته اتمنى افتدك تمياتي لك بحياة سعيده |
رد : زوجي همه الوحيد اخواته وطلباتهم
زوجي يعتذر احيانا بس بيني وبينه مستحيل هالشي قدام اهله وسبق وذكرت انه مقصر في مصاريفنا مع ان دخله كبير والرواتب تروح لاخواته وسفرياتهم ولا خوانه المتزوجين يعني الكل عايش من خيره الا انا واولادي يقول اصبري لين تفرج..
واللي تقول علاقة زوجي بأخواته طبيعيه لاني افتقد هالشئ لا اختي مافي احد عايش مثلي لا اخواته مع ازواجهم ولا اخواتي ولا صحباتي .. واذا تشوفين انا مقصره انا فعلا السنه الاخيره صرنا متزوجين عالورق فقط عايشين بييت واحد لايعرف اخباري ولا اعرف عنه شي من سؤ تعامله معاي.. بس من اول ماتزوجت لحد هالفتره وانا مو مقصره نهائي معاه لا بلبس ولا بأكل ولا بحقه الشرعي ....وزوجي انا بنفسي سمعته يشكي الحال لصاحبه ويعترف بظلم اخواته واهله لي بس مايبي يعترف بهالشي قدامي.. |
رد : زوجي همه الوحيد اخواته وطلباتهم
اقتباس:
|
رد : زوجي همه الوحيد اخواته وطلباتهم
يمنع فتح موضوعين بنفس المحتوى
يغلق |
| الساعة الآن 10:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©