|
عدم مبالات زوجي وجفافة العاطفي
السلام عليكم ورحمة الله وبركاته
بكتب بالعاميه اسهل وتعرفون الاختبارات بكره ومخي مليان معلومات :27: المهم في قلبي كلام كثييير ونفسي افضفض لأحد لكن لو حكيت قالو لي ياسخف تفكيرك وهذا الي همك في الحياة، لكن حتى لو سخيف انا احتاج للعطف ولاحب كتبت لكم قبل مده عن حياتي مع زوجي وانه من البدايه هو جاف عاطفياً ولايعرف كيف يعطني الحب رغم اني علمته لكن مافلح تعليمي له ، بكره اختباري هههههه وفي قلبي كميه من المشاعر ولازم تطلع زوجي سافر رحلة عمل له ثلاث ايام الان ، قبل مايسافر وعدني انه بيحاكيني عبر الجوال او في برنامج المحادثه الواتس اب انا والله الى يومكم هذا وانا انتظر اتصاله ولااتصل كلمته واتس اب واعبر له عن اشتياقي << من جد مايستاهل طبعاً مارد علي اسلوبه بالتطنيش يزعجني عملاً بأني مارحت عند اهلي وانا بشقتي لحال المفروض يتصل علي كل يوم < معقول يعني مافكر انا ايش اعمل لحالي في الشقه هل انا احتاج شيء ...... يعني اذا هو مااتصل علي انا ابادر واتصل عليه احياناً مايرد < يقهرني الاسلوب هذا اعطيه مسج مايرد واجلس طبعاً مقهوره وافكر اقهره وارد الصاع بصاعين نفسي اكسر جوالي حتى اريح نفسي منه وممكن بعد انا اجوز عن طبعي ولا ادق عليه يناس انا مااصبر يوم لازم ادق احسه غباء فيني ودي اثقل شوي يمكن يحس لكن البلا مني واعطيته فوق حجمه واشوف كل اهتمامي هو مايستاهل مني اهتمام ، يعني سنه وانا اطلب سنه وانا اعلمه تعبت منه اذا طلبت منه جاملني يوم وبعدين كل الايام يرجع مثل اول نفسي بس يوم يعبر عن اهتامه لي قبل الااقول له عبر لي << ههه مدري فهمتو علي ولا لا المهم يااخواني ايش اسوي فيه ودي اسمع اراء الرجال وتفكيرهم وش يحسون فيه وطبعاً ماننحرم من اراء النسوان هنا |
رد : عدم مبالات زوجي وجفافة العاطفي
ذكرت الحل يا غند ثم قلت لا أقدر عليه !
إن استطعت فاقرئي كتابا اسمه لماذا يحب الرجل المرأة القوية بعض الرجال ينهكهم الالتصاق العاطفي ومنهم من يوقظ البعد مشاعره وفقك الله في امتحانك غدا وفتح عليك فتوح العارفين |
رد : عدم مبالات زوجي وجفافة العاطفي
الزوج بيحب الزوجه الثقيله مو اللي كل شوي راميه حالها عليه
بيحبو ياختي الرجال الثقيله اللي بتعمل قيمه لحالها ووزن بيحبو المنشغله عنهم مادام انه مسافر من 3 ايام وما فكر لا يتصل ولا يسئل طنشيه واثقلي عليه وانتبهي اذا اتصل لا تردي من اول مره ولا ثاني مره واذا رديتي وقالك مشغوله بشو قوليله كنت اعمل سكراب لجسمي او بدييكير لرجلي او اخذ شاور يعني سوالف حريم وبس يرجع من السفر ابتسمي ابتسامه من دون فرح خليه يعرف انك شايله عليه لانه ما عبرك لما كان مسافر استقبيله عادي جدا بس لبسه حلوة وميك اب خفيف وعشا مرتب والبيت نظيف وبعدين ياختي بدك حب وعاطفه روحي صلي ركعتين واسجدي وفرغي كل العواطف هناك عند رب العالمين هو اللي بيسمع شكوانا وهو اللي بيصبرنا وبيعطينا طاقه او اتصلي على صديقة وفضفضي لها او روحي عند اهلك واحضني امك او اخواتك المهم لا تعتمدي على عاطفتك على زوجك مشكلة الزوجه العربيه غير مستقله عاطفيا عن زوجها اذا غاب الدنيا انتهت واذا حضر الفرح حضر ليش ان شاء الله سعادتي بتنبع من نفسي مو من زوج او حدا ثاني اقترح عليك اقتراح علشان الشيطان اللي منكد عليك ومخليك مشغوله بزوجك روحي المطبخ واعملي كيكه او حلا سهل المهم انشغلي عنه الله يفرجها عليك امين |
رد : عدم مبالات زوجي وجفافة العاطفي
اقتباس:
بالضبط انا فكرت ابتعد عنه لكن انقهر اذا مر علي اليوم ولا شفت منه اتصال اعرف بأن الرجل يحب المرأه القويه لكن مشكله فيني انا مااصبر بأذن الله سأقراء الكتاب |
رد : عدم مبالات زوجي وجفافة العاطفي
حبي لك متفائله واللة كلامك عين العقل
واعرف ان الرجال يحب الثقيل بس انا مااصبر اقول بنفسي ممكن تغير ليه مااسئل عنه وانصدم منه بسراحه انا دايم اعاتبه بس مانفع معه اوك انا مع اذا اتصل بطنشه << ترى انا كل اليوم انتظر يتصل حتى اطنشه ههههه المهم اي انا مشغوله الحين عندي مذاكره بس حتى وانا اذاكر مقهوه منه طبعاً فكرت بيني وبين نفسي وقلت هو مو مستاهل مني اي شي وعاطفتي وحناني بوفرها لأولادي ان شاء الله .:22: |
رد : عدم مبالات زوجي وجفافة العاطفي
احنا مانعرف زوجك وطبعه
ولا عمله شوفي هو ليش منشغل ؟ هل عمله متعب؟ وايش نوع رحلة العمل هذه!!؟؟ وهل هي صح عمل والا شو؟!! ووين ؟!! و كمان هل هو من زمان كذا والا طاريء؟!! مو شيء طبيعي ان زوج يترك زوجته 3 ايام لوحدها ولا يتصل؟!!! في شيء مو طبيعي؟!! كيف دينه؟! هل عنده خرابيط؟! اما انه عنده شيء شاغله او انه لامبالي بشكل كبيرررر اتاكدي من الاشيا الي قلتها لك و اذا اهمال فقط ازعلي منه اذا رجع وعاتبيه عتب بسيط اذا هو من الناس الي يفيد معه العتب واذا لا .. اذا اتصل او اذا رجع سوي نفسك منشغله ومبسوطه وهو راح يسالك ويجري وراك بس لازم انتي تحددين هو من اي نوع لان في ازواج الطناش يزيدهم ويبتعد عنك وفي العكس سنه زواج لساتكم جدد لازم تعرفين زوجك زين وتعرفين معدنه هالسنوات الاولى اكتشاف * قريت ردك بموضوع عن الكذب وانك شاكه ان سفره مو عمل انا اجزم ان سفره لليس عمل ومشغول مع الي انتي عارفه شوفي جوازه اذا رجع و قومي الدنيا عليه وخليه يحلل ولاعاد تتكرر بتسود عيشتك دامه بدا بهذا الطريق خيانات و حرام كثير شباب زي كذا انتبهي لنفسك قلبي معك الله يوفقك ويسعدك |
رد : عدم مبالات زوجي وجفافة العاطفي
حتى قبل قليل اتصلت على عمي ( ابو زوجي)
سلمت عليه وسئلني عن زوجي كيف حاله ؟! وبسراحه انا تلعثمت بالجواب ماادري ايش ارد عليه ربي يسامحني كذبت على عمي (وقلت طيب وبخير ) والله انا الان ماادري هو وينه ولااعرف اخباره هو مستمر بالتطنش وانا كذلك حرصت ان الااكلمه بتاتاً |
رد : عدم مبالات زوجي وجفافة العاطفي
شوفي اختي قانعة
انتي بنفسك قلتي شي موب طبيعي وانا بسراحه تعبت مدري ايش اقول رغم ان عندي احساس بشي ثاني وسفر زوجي مو لشغل ابداً لكن انا الان مشيت على كلامه وصدقته واذا هو جاء راح اكتشف الامور بنفسي هو قال لي بسافر مؤتمر والمأتمر داخل السعوديه قبل يوم السفر كنت وبالصدفه لقيت درج جوازاتنا مفتوح استغربت ؟ فتحت الدرج لقيت جوازي موجود وجواز زوجي لأ هنا بديت اشك في لامر وطبعاً ماقمت وصارخت عليه بالعكس كنت هاديه وعدت عليه سؤالي سبب سفرك لمؤتمر صح قال اي وسألت ليه وحق ايش وبأيش تستفيد ...، واخر شي قلت له جوازك اختفى من الدرج مااهتم وقال اي يمكن ضاع وهنا بديت اشك فيه ولااحس معاه بالامان مع اني في نفس الوقت كنت واثقه في من بدايه زواجنا الان احس كل شي بينا تكسر معاد هو نفسه الي تزوجته هو طبعاً من البدايه جاف عاطفياً ومايعبر عن حبه لي ابداً ، لكن كان صادق معي ولا يكذب كان طيب ولايزعل علي ويحاول دايم يرضيني لكن الحين وبالاشهر الثلاث الاخيره صار يكذب وانا صرت مااثق فيه . |
رد : عدم مبالات زوجي وجفافة العاطفي
لاقانعه هو مايخوني وانا متأكده هو يسافر يتمشى لكن اعرفه بعيد هو عن الخيانه
|
رد : عدم مبالات زوجي وجفافة العاطفي
ان شاءالله انه يكون مايخون
بس ليش يكذب ويسافر خارج السعوديه وهو قايل لك انه داخل السعوديه وعمل!!! الحقيقه مررره وانتي الحين معمية بالحب تأكدي لا تتهمينه قبل تتاكدين اول شيء لو كان مافي شيء شاغله ليش مايتصل!!! هذا شيء مو طبيعي ثاني شيء ليش يكذب ومايخبر احد وليش اخذ الجواز ولو تمشيه ليش ماقالك!! اذا رجع شوفي جوازه لأي بلد و شوي ملابسه وجسمه اذا فيه علامات و شوفي معاملته واشتياقة لك راح تعرفين كل شيء وجواله وارقامه وفتشي شنطته لازم تلقين دليل واقري عن علاما الزوج الخائن وانصحك انك تكبرين الموضوع وتوقفينه عند حده الحين لانه راح يكبر الموضوع كثير سمعت عن شباب كذا وكيف صلاته ودينه؟؟ هل يصلي؟؟ |
رد : عدم مبالات زوجي وجفافة العاطفي
ياقانعه انا مو عارفه هو ليه يعمل كذا
انا جيت هنا حتى تخبروني هذا امر طبيعي ولا لاء انا مقهوره منه وبسراح بديت اكرهه < من جد مااحس بالحب تجاها لاني اعطيه حبي وهو مايبادلني نفس الشعور رغم ان بداء حبي يتلاشى واحس اني بعيش معه بس كذا يعني اسم اننا متزوجين هين سالفه وين سافر انا بكتشفها اذا جاء لكن همي هو ليه معي جاف عاطفياً مايحس الى الان اتوقع انه بيتصل علي لكن مايفكر فيني افكر يااختي قانعه ارسل له رساله مطوله عتاب ايش رايك او اتركه بحالة ! وانا والله حتى المذاكره ماذاكرت من قهر مافيني والله اذا بس فتحت الكتاب تجيني الغصه وابكي من فعايله |
رد : عدم مبالات زوجي وجفافة العاطفي
من واقع تجربة .. زوجك لايحب الالتصاق ويشعر بالاختناق اذا كثر الاهتمام
لذلك اتركيه وسوف يعود لك وكله شوق وابعدي عنك الوساوس والافكار السوداء واذا كان يخونك فهذا شيء بينه وبين الله وهو الذي سوف يحاسبه لاتجعلي حياتك جحيما بسبب افكارك اهتمي بنفسك واشغلي وقتك بمايفيدك واذا عاد اليك لاتعاتبيه ابدا وكأن شيئا لم يكون سوف يشعر بالندم على تقصيره ويعتذر لك موفقة ان شاء الله |
رد : عدم مبالات زوجي وجفافة العاطفي
اقتباس:
وبسراحه كيفه وانا تركته بحاله لكن همي هو ليه مو مهتم فيني تاركني لايسأل ولايخبرني عن حاله اوك انا بترك الاتصاق وببعد عنه وهذا تفكير من زمان لكن انا مااعرف ابتعد لان حتى لو ابتعدت انا عنه هو مراح يبادر بشي يعني بنعيش مع بعض بدون هتمام من كل طرف وخوفي بعد سنين اذا عاتبته وبجاب ويقول انتي السبب |
رد : عدم مبالات زوجي وجفافة العاطفي
اقتباس:
صحيح الصبر مُر لكن نهايته حلوة أصبري عليه توددي اليه اذا رجع من سفره فاجئيه بحفلة بسيطة ولوك جميل راح يحس بتقصيره ويلوم نفسه ويتغير |
رد : عدم مبالات زوجي وجفافة العاطفي
اقتباس:
من اول زواجنا وانا دئم افاجأه بأشياء هو ميتوقعاه ابدا بحياته وانا اعطيت واعطيت الى الان مستعده اعطيه كل الحب لكن هو ايش بالمقابل يعطيني اشوفه بداء يطنش على اتفه الاسباب طيب هو ايش يضره لو دق علي وسأل ايش يضره لو ارسل لي مسج وقال ( اشتقت لك ) |
رد : عدم مبالات زوجي وجفافة العاطفي
والله يااختي لازم تحلين المشكله الاساسيه
عشان تتمتعين بزوجك وبمشاعره وحبه وكل شيء اذا عنده خيانات و اشياء محرمه شاغلته عنك مستحييييل يصفى لك لازم تحلين المشاكل الاساسيه اذا في تقصير بدينه او خيانات او محرمات حاولي تحلينها بعدين بيصير لك زي ماتحبين واذا هو مقصر لاتعطينه شيء و لاتبذلين اكثر من واجباتك فقططط اما انك تعطين وتعطين وتعطين وهو مايبادلك ماعطيتيه فرصه يفكر او يبادر قومي بواجباتك فقط واذا اعطاك اعطيه طنش طنشي و صارحيه و قوليله الاشياء الي تضايقك منه شفت حالات كذا كثيره لا تتعبين نفس اذا باله مو معك ماراح يشوف شيء منك كانه معمي عنك صحيه فوقيه ومارديتي على موضوع الصلاه والدين؟! و كم عمرك؟ ابغالك الخير والله نتألم شوي و نرتاح بعدين احسن مانعمي عيوننا عن الحقيقه و نطيخ بعدها بحفره مالها قرار الموضوع مو بسيط و موضوع مشاعر واهتمام زي ماتضنين |
رد : عدم مبالات زوجي وجفافة العاطفي
شكلك متزوجة جديد .. مع الوقت لحالك رح تخف مشاعرك تجاهو .. زوجي متل زوجك و حاليا مشاعري تجاهو راح منها الحب بقي منها المودة و انو هو زوجي و ابو ابني
|
رد : عدم مبالات زوجي وجفافة العاطفي
قانعة انا عارفه بفعلتة هذه هو ايش يقصد
هو يحاول يقهرني ويستمتع اذا شافني زعلانه وشايله بخاطري عنه رغم انه مسافر ويعرف ان وراي امتحان بس سبحان الله يحب ينكد علي حتى لو كان بعيد هو الحين عنده العناد ويبيني انا اتصل عليه لكن حتى انا بعند مثله واشوف ايش قد غلاتي عنده دينه والله اذا كان صاحي يصلي بس اذا نايم مايصحى لصلاة اناعمر 23 سنه سهر الشام اي لي سنه متزوجه وبالضبط مثل ماقلتي احس ان الحب الي في جواتي بداء يتلاشى الله يعينك ويعين جميع المسلمين |
رد : عدم مبالات زوجي وجفافة العاطفي
طبعاً كتب له رسالة عتاب مطوله
كتبت كل الكبت الي بقلبي كتبت له واناابكي كتبت كل شي ولااحد يجي يلومني انا تعبت معه نفسياً خلاص الي يصير يصير حاولت اتصل عليه حتى اكمل كلامي صوتياً لكن للأسف طنشني انا مأتصلت عليه علشان حبي له لابالكعس حتى اثبت لنفسي بأني انسانه كريمه وهو انسان لأيم . |
رد : عدم مبالات زوجي وجفافة العاطفي
الله يفرج همك عزيزتي حاسه فيك بس انصحك لا تقعدي لوحدك يوم يسافر روحي عند اهلك تنشغلي عنه شوي
|
رد : عدم مبالات زوجي وجفافة العاطفي
وينك شو صار معك اتصل عليك او لا
|
رد : عدم مبالات زوجي وجفافة العاطفي
كويس انك ارسلتي
نكدي عليه وعاتبيه الدنيا ماتمشي كذا لازم يفهم ايش الي يقهرك وياخذ بخاطرك على العموم انتي بتكتشفينه مع الوقت بس خليك قويه و اطلبي الله وألجئي له خلي حب الله ف قلبك اكبر من حب أي مخلوق ساعتها بترتاحين وتعرفين السعاده واطلعي من حالة الحب والهيام للمرحله الي بعدها التقييم قيمي زوجك وشوفي قد ايش هو كويس وقايم بواجباته وكيف دينه واخلاقه وابدأي معه بالدين لانه اساس كل شيء ساعتها بيعرف حقوقك و يسعدك ويهنيك |
رد : عدم مبالات زوجي وجفافة العاطفي
اقتباس:
وزوجي كلمني عدة مرات وطنشته ارسل لي مسج (وخبرني سبب غيابه ) لكن قلبي متحامل عليه ولاصدقته |
رد : عدم مبالات زوجي وجفافة العاطفي
مثل ماتوقعت ياقانعه ضنوني طلعت صحيحة 100٪ اكتشفت الان اين هو سافر
لكن الى الان لم اخبره بمعرفتي اكتفيت فقط بالتلميح دون التصريح احس نفسي بس اتكلم واقول له انا اكتشفت امرك وماني غبيه تضحك علي بكلمتين او انك تستغفلني وتسافر بدون ماتخبرني ونفسي اقوله عن سبب سفره وليه ، لكن مدري كيف اتصرف مع اني موب خايفه منه ولا شي ، وغيره اخذت الايباد تبعه وبحثت في زر البحت على المواقع الي فتحها من قبل لقيته يبحث عن فتياة الليل هنا عاد ماقدرت اتحكم بأعصابي هو الان خارج المنزل لكن انا ماعندي دليل ان هو زنا ولاعندي دليل هل اتى حقيقه بفتيات الليل او لا ام كان مجرد بحث فقط هنا احتاجكم وبقوه تكفون دلوني ماذا علي ان افعل ! |
رد : عدم مبالات زوجي وجفافة العاطفي
لكن الغريب في الموضوع انه اصبح يعاملني معامله جداً رائعه
رجع زوجي الاول طيب وحنون معي واذا طلبت منه اي شي يلبي طلبي ولايرضى يزعلني |
رد : عدم مبالات زوجي وجفافة العاطفي
اقتباس:
عندما يقترب من زوجته عاطفياً و يعيش معها لحظات الحب و العطاء يصل لدرجة الخوف من الذوبان في شخصية الزوجة فيبتعد عنها ليشعر بمساحة من الحرية الشخصية إذا تركته الزوجة و شأنه لم تضغط عليه فإنه يعود إليها سريعاً كما كان و إن ظلت تلاحقه و تطالبه و تسأله أين أنت و تقلل من حريته تزيد مدة بعده عنها و لا يشعر بالحرية التي يحتاجها ليعود . ربما هو أراد شيئاً من الحرية و ظن أنكِ ستنشغلين بامتحاناتك . لكن للأسف أنت انشغلتي به و البحث خلفه بلا فائدة لدرجة أنك سمحتي لغيرك أن يأخذ صورة سيئة عن زوجكِ و أنه انسان خائن و يبحث عن فتيات الليل . تخيلي لو أنه قرأ ما كتبتيه عنه في موضوعكِ هذا .. ماذا ستكون ردة فعله .. ؟! قارني الآن بينكِ و بينه من الذي أساء إلى الآخر حقيقة ؟! |
رد : عدم مبالات زوجي وجفافة العاطفي
هو فعلاً بحث عن ارقامهم !
انا والله العظم عمري ماشكيت فيه ابداً حتى ارجعي للمشاركاتي السابقه كيف رديت على الاخت قانعه انا قلت هو بعيد عن الخيانه ، انا اعرفه من معاشرتي معه طيلة هذه السنه وانا والله ثم والله انني لم ابحث وراه حتى اكشف هو خاني ولا لا لكن سبحان الله من الهمني فجأه انا لااعلم ومصدرمه حقيقه حتى لما انظر في وجهه ابكي صمتاً وبداخلي غصه كلام نفسي اصارحه في هذا . جاوبي يااختي هند لماذا هو بحث عن ارقام الفتيات ؟؟. |
رد : عدم مبالات زوجي وجفافة العاطفي
حبيبتي
اطلبي استشاره مع الاخ رجل الرجال او الاخوان ابو عقيل وغيرهم لازم تحطين حد للموضوع من اول مره عشان مايتكرر انا عارفه انه صعب و منتي مصدقه لكن هذا الي صار وهو عارف انك عارفه فلا تسكتين |
رد : عدم مبالات زوجي وجفافة العاطفي
اقتباس:
أختي غند ربما أنتِ مخطئة و الشيطان يوسوس لكِ وربما هو بحث عنهم فعلاً من باب الفضول أو نزوة أو شهوة تعلمين أن البشر قاصرون و أن كل ابن آدم خطاء و النفس أمارة بالسوء و الشيطان يوسوس للإنسان و مع وجود كل هذا فزوجكِ ليس بريء لأنه عصى الله و انساق وراء هذه الخطوة من خطوات الشيطان .. لكن يحسب له أنه توقف و لم يتمادى و عصمه الله من الزنا فإن كنتِ متأكدة أنه فعل ذلك و بحث عن فتيات الليل ( كما أسميتهم ) فيجب ان تركزي على ما ستفعلين أنتِ من واجبكِ كمسلمة أن تقطعي الطريق على الشيطان و توقظي زوجكِ من غفلته و تبعديه عن المعصية و تعينيه على الطاعة .. 1- أنا مع المصارحة في هذه الأمور ليس من منطلق الإتهام و التوبيخ و إنما من باب إنكار المنكر و النصيحة بأسلوب هادئ و يتخلله المدح و الاعتراف بالفضل . 2- افهمي شخصيته و أشبعي حواسه بمعنى أظهري مواهبكِ و ذكائكِ شاركيه اهتماماته و بادليه الحب الغير مشروط و أظهري له جمال روحكِ و أبدعي في الفراش .. اقنعيه بأفعالكِ أنكِ المرأة الوحيدة المتوافقة معه و القادرة أن تقدم له ما لن يجده عند غيرك من النساء حينها لن يستطيع أن يستغني عنكِ . بالتوفيق |
| الساعة الآن 12:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©