|
أختي المطلقة ترفض الزواج تماما
السلام عليكم ورحمة الله حبيت اعرض عليكم هذا الموضوع اللي متعبني لاني احب اختي واتمنى لها السعاده الموضوع ان اختي تزوجت مريض نفسي ( عرفنا بعد الزواج انه ياخذ حبوب نفسيه ) + كان على علاقه مع اكثر من بنت ( اختي كشفته بعد الزواج ) + اللي عرفته منها انه يمشي على راي ابوة على العمياني والاهم انه كان يمد يده (ضرب قوي ) و هي تصرف على نفسها من الفلوس اللي شايلينها لها للزمن .. اختي انسانه واعيه وصبوره وضحكتها ماتفارقها والاهم ان هذا الانسان كان اول علاقه لها .. السبب اللي خلاها تتحمل طليقها هو خوفها على امي من كلام الناس وماخبرتنا بشي الا بعد الطلاق .. بعد فترة من زواجها امي توفت وحصل بينها وبين طليقها مشكله والسبب الورث !!! :21: كبرت السالفه واهله تدخلوا ووصلت لضرب مبرح بعدها خبرت اهله بالبنات وعلاقته معاهم والصرف واشياء ثانيه واهله وقفوا في صفه وانه شاب والمفروض تتحمله وكلام كثير هي رجعت البيت وحصل الطلاق :29: بعد الطلاق طليقها صار يشوه سمعتها بين الناس على انها (فلتانه ومالها احد يلمها) .. بعد اسبوعين من الطلاق تزوج هو .. اما اختي تغيرت 100% صارت متحمله مسؤوليه نفسها ( توظفت) وقطعت علاقتها مع كل صاحباتها وماصارت تختلط بالناس ابد وابتعدت عننا .. صارت ماتتحمل وتخاف من الصوت العالي .. ماتثق في احد ابدا و كرهت الرجال كلهم .. من طلاقها ( قبل 3 سنوات ) لهذا اليوم جاها خطاب كثير اغلبهم شباب ماتزوجوا وهي رافضه الفكره تماما .. اذا جاها عزابي قالت مابي واحد ماتزوج ويصير يعايرني .. واذا جاها متزوج قالت مابي معدد .. واذا جاها مطلق قالت مابي اكون الحرمة اللي يعاند طليقته فيها .. مارح اجبرها على الزواج بس اخاف عليها خاصه ان كلنا متزوجين.. اختي صارت قايمة بدور الرجال في حياتها ومن كلامها عرفت انها تفكر تربي اطفال من الميتم وماعاد تبي تتزوج ابدا .. وفاة امي وطلاقها اثروا عليها لدرجة كبيره .. ودي اساعدها بس مااعرف كيف .. ساعدوني |
رد : أختي المطلقة ترفض الزواج تماما
شكلها تعقدت
من الرجال ما تلام اللي شافته صعب تتحمله الله يعوضها خير منه |
رد : أختي المطلقة ترفض الزواج تماما
الله يكتبلها الخير
اجلس معها خليها تفضفض وتطالع كل الوج الي بداخلها بعدها اقنعها باهمية الزواج وان الي صار معها ما بصير بين كل الازواج في كثير رجال فيهم خير وحرام ترفض الخاطبين بدون سبب على الاقل تستخير بس هي تطلب من رب العالمين الخير وان شاء الله الله بيرزقها الزوج الصالح |
رد : أختي المطلقة ترفض الزواج تماما
استشر أخصائي نفسي ولا تتخبط كثيرا
وجزاك الله خير على احساسك بأختك الله يجعل مساعيك في موازين حسناتك |
رد : أختي المطلقة ترفض الزواج تماما
ماتنلام بس لازم ماتضيع هالفرص خليها تدخل الموقع وحنا بنساعدها كلنا مرينا بالطلاق ومرارته
|
رد : أختي المطلقة ترفض الزواج تماما
هلا بك ..
لازم لما تجلسي معاها .. تبددي كل الافكار الي بعقلها من انه الرجال في هالزمن كلهم حقون مشاكل .. وماعاد فيه الزين .. والانسانه تعيش لنفسها وبس .. وهذا قدري ونصيبي وماراح اتزوج واربي اولاد من الميتم .. هذه الاشياء كلها انتي اذا جلستي معاها .. قولي لها دائما .. ترا صوتك يوصل لعقلها الباطن .. ان طليقك المفترض مايسرق منك جمال حياتك .. شوفي كيف الاجنبيات او النساء القويات .. تعيش حياتها ومايهمها طليقها خلاص انتهى بالنسبه لها .. لكن ما اضيع فرحة عمري وزهرة شبابي عشانه .. قولي لها مهما الانسان ربى ايتام مافيه زي الولد الي من لحمك ودمك ! وذكريها انه ماضاع شيء من العمر انا اتعجب من الرجال او النساء الي الواحد فيهم يوصل 30 او 35 او حتى 40 ويفكر ان الحياه انتهت او خلصت اجمل سنين العمر .. ما اعرف كم عمر اختك لكن اعتقد صغيره بالعمر .. انا باقولك نصيحه واحده تفيدك كثير .. دائما اذا تكلمتي لا تعتقدي ان الانسان الاخر مايسمعك او مايستوعب كلامك .. مهما ظهرت لك من علامات الطناش او المكابره او العناد .. تأكدي ان صوتك يوصل للعقل وتاكدي ان اختك تتمنى الي يقويها ويحس فيها .. جد والله زي ماقالت ( مكلومه ) احساسك فيها شيء عظيييييييييم .. الله يوفقك عليه ويرزقك كل ماتتمني اي والله .. نصيحتي لك تكلمي مع اختك باستمرار صوتك يوصل لاعماقها تأكدي من هالشيء .. وتاخد القوه من كلامك .. احيانا الانسان يكون في موقف يحس ان الدنيا ضباب وتايه وضايع ومو عارف شيء .. لكن يسمع صوت يرشده او يشوف يد تنمد له .. وهذا شيء كبير وكلنا في حاجته في وقت من الاوقات .. الله يوفق اختك ويوفقكم جميعا .. |
رد : أختي المطلقة ترفض الزواج تماما
جزاكم الله خير لكل اللي ردوا علي .. الله لايحرمكم الاجر والعافيه
اتكلم مع اختي وتفضفضلي بحكم ان مالها اخوات .. هي عندها مشكله مع الزواج بحد ذاته انه اذا على الاطفال فيه اطفال كثير محتاجين بيوت واهل ( تربينا ايتام الاب من الطفوله وقبل كم سنه توفت امي) وفي كل الحالات الرجال مالهم امان ومجرد ( وجع راس) واذا ذكرتها انه مافيه افضل من الحب مع الزوج والاهتمام او الاطفال اللي تنجبهم تقول *امي ربتنا وحدها والحمدلله * اذكرها ان احنا اخوانها متزوجين وزوجاتنا مرتاحين والحمدلله مابيننا مشاكل بس احسها مقفله قلبها (ماتثق في احد وماعندها استعداد تضحي لاي انسان غريب) اخاف اتركها ويفوت الزمن وتلومني او تلوم نفسها ** عمرها 24 سنه ** |
رد : أختي المطلقة ترفض الزواج تماما
مثل ماتوقعت صغيرهـ ..
شوفي خيتي لا تقلقي انا رأيي انها مسألة وقت .. قريب بتحس بالوحده وبتشوف ان العمر لسى قدامها .. وبتوصل من نفسها لمرحلة اتزان .. لكن زي ماذكر الكل هنا هي ماتنلام وتعرضت لصدمـه في عمر صغير .. بس راح توعى وتعرف ان الحياه جميييييييله .. وهي ماجربت نقطه من الحياه .. |
رد : أختي المطلقة ترفض الزواج تماما
جزاك الله خير على حرصك على أختك
انا عنيت مثلها وكنت افكر نفس تفكيرها ... وكنت وأثقه أن ربي راح يعوضني خير في اي شئ زواج او غير الان لي ما يقارب السنه متزوجه من رجل معدد معها 2 وانا الثالثه لكن لا يهمني ذالك الله المسخر العباد التوفيق من الله مو من عند الشاب ولا المعدد ولا المطلق لزم تناقش كل فكره مع اختك على حده وتفككه له دقني اختك تعاني ومحتاجه تفضفض ولا تزعل منها إذا أنفعلت عليك |
رد : أختي المطلقة ترفض الزواج تماما
الموضوع مرتبط بايمان الانسان بالقضاء والقدر الزواج غير مسؤول عن امثال هذا الرجل فهؤلاء الرجال لا يمثلون الا انفسهم.دائما بعد الليل ياتي النهار وماحدث لها هو الليل فالتتفائل وتنتظر النهار.من منا لم يعاني ولكن الحياة تستمر .ولا نقف عند حدث ترك بصمة سوداء في قلوبنا.فالحياة فيها الابيض والاسود.اختك تحتاج لمعالج نفسي لكي تتخطى ماحدث.
|
رد : أختي المطلقة ترفض الزواج تماما
لا تتركين اختك ابدا
حاولي معها و قولي طليقك حاله من الحالات و مو كل الرجال سوا مثل الحريم مو كلهم سوا المرض النفسي خطير و يسبب عدوانيه شوفيه يضرب ضرب قوي نصيحة لا تتركين اختك هي محتاجة لكم بس ما تبين او توضح و تعتقد وظيفتها كل شيء بالحياة عشان عمرها صغير هي بأمان بمجرد ما تكبر و تصير بالثلاثين بيقل عدد الخطاب الله يوفقك و يخلي قلبك على اختك |
رد : أختي المطلقة ترفض الزواج تماما
وعليكم السلام ورحمة الله وبركاته ..
مرحباً بك أيها الأستاذ الكريم ، ماشاء الله تبارك الله أسأل الله أن يُكثر من أمثالك أيها الرجل لخوفك على أختك ونعم الرجل أنت .. قبل أن ترتبط فلا بد أن تتخلص من الأثر السيء الذي كان بسبب الطلاق لأنها لو تزوجت ستعيش لاقدر الله فيه معاناة مع الآثار القديمة .. هل فكرت بأن تذهب بها لإستشارية أسرية نفسيه ؟! سيساعدها الأمر كثيراً بحيث تفضفض وتخرج كل الألم الذي بداخلها .. إياك أن تغصبها على شيء لاتُريده ، هي الآن بحاجة لوقفتك الحقيقية معاها ونزع كل الأفكار السيئة .. وعمرها صغير والحياة الجميلة أمامها ، أسأل الله أن يشرح صدرها ويُبدل كل حزنها فرحاً .. |
رد : أختي المطلقة ترفض الزواج تماما
اذا ماعندها اطفال من طلقيها اقنعيها تتزوج
واذا عندها اطفال تربي اطفالها لوحدها بدون ماتجيب لهم زوج ام |
رد : أختي المطلقة ترفض الزواج تماما
بصراحة ماألومها
مايحس بالنار إلا وآطيها |
رد : أختي المطلقة ترفض الزواج تماما
لازم تراجع دكتور نفسي
ولازم تقنعوها ان مو كل الرجال سيئين والله يوفقها |
رد : أختي المطلقة ترفض الزواج تماما
لعلها فتره وتعدي
تو جرحها ما طاب المفروض يكون بنت قريبه منها تقنعها وتصحح نظرتها وتخفف عليها |
رد : أختي المطلقة ترفض الزواج تماما
اخوي من خلال كلامك ووصفك للحاله الي هي وصلت لها من اليآس اصبحت تعاني من الاكتئاب ... وطبيعي تصاب بالاكتئاب نتيجة الحياه او العاصفه التي كانت تضرب بها يمين ويسار اخوي نصيحه اختك تحتاج لجلسات عند طبيب نفسي او اخصائية اجتماعيه مو اي شخص يروح طبيب نفسي يعني مريض عقلي لا اخوي المرض النفسي زي اي مرض وله علاج اختك لديها افكار متراكمه وتحتاج لشخص صاحب قدرة حتى يستطيع ان يستخرج مشكلتها من جذورها ومثل ماحكيت لك يبي لها جلسات ومو شرط احد يعرف بالجلسات فقط انت وهي وان كنت بالرياض مستعده ادلك على من يساعدكم ويخرجها من ماهي فيه |
رد : أختي المطلقة ترفض الزواج تماما
والله أنا وحده تزوجت زواج ممتاز والحمدلله
ولو حصل فراق ما أفكر أتزوج أبداً لأن أكتشفت أن السعاده جد جد مو بالزواج والرجل والمره ممكن تكون سعيده بنجاح أو مشروع أو هدف أو حتى طفل تربيه ويطلع شي ترفع فيه راسها الحل أنك تقعد معاها تعرف السبب أولاً قد يكون مثل ماقالوا الناس تعقدت وقد يكون شيّ ثاني أنت أفهم السبب أولاً وقول لها شتبين؟ شنو تحلمين تسوين فحياتج؟ ليش الحل بس يكون زواج؟ ترا ممكن تأسس نفسها بمشروع أو شي ناجح أو منصب وتكون أسعد أنسانه فالوجود أدعمها عاطفياً ومعنوياً المره تحب تتكلم وتفضفض خلها تفضفض لك بدون ما تحكم عليها شوف مطالبها وأحلامها.. ترآ الرجال أغلبهم يحرقون القلب للأسف مب يمكن لو عاشت لحالها تكون أسعد؟ من تبتلش بقصه ثانيه وعوار قلب؟ يااارب يسعد قلبها و يجعل لها الخير وين ماكان ويسعدك أنت بعد نادر أن نلقى أخ يهتم بمشاعر أخته .. الله يخليك لها ويخليها لك |
رد : أختي المطلقة ترفض الزواج تماما
الله يعينها اللي شافته مو شويه
لو ترضى تروح طبيب نفسي افضل لها |
رد : أختي المطلقة ترفض الزواج تماما
ماألومها
اذا انا ماجربت الزواج وتعقدت من الرجال من اللي اشوفه واسمعه وهي خرجت من تجربة مريره الله يعينها |
| الساعة الآن 01:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©