خيانة زوجي اماتت الثقه
 

السلام عليكم ورحمة الله وبركاته
انا في حيره من امري
حبيت استشير الاغضاء الكرام واخذ رايهم في موضوعي
انا متزوجه من شهرين ودايم يتكرر علي حلم ان زوجي يخونني واقوم ضايق صدري
وبعد تكرار الحلم كثرت الشكوك
في يوم راح نام وترك الجوال عندي دخلت الواتس ماوجدت شي دخلت الانستقرام وغيره من البرامج مالاحظت شي
وحطيت الجوال مكانه ' بعدين فكرت بالارقام ليش ما اشوف الارقام
نزلت بالقائمه وكلها اسماء عاديه ماتثير الشك
لما نزلت اخر شي حصلت رقم محفوظ بدون اسم " حطيته بالنمبر بوك طلع اسم بنت
وكان احد صفقني كف " اسم بنت اول مره اسمعه
فكرت اواجهه واساله وفكرت ان اذا واجهت بيصير شي مايحمد عقباه
استعذت بالله من الشيطان الرجيم ومسحت الرقم وهذا الكلام العصر
تقهوينا المغرب وانا نسيت الموضوع وزوجي مشجع لفريق الهلال شفنا مباراة وفرحنا بفوز الهلال وقرر يكافئني عشان الهلال فاز
طلع من البيت يجيب هديه وانا بانتظاره
دخلت الواتس حصلته متصل
ورجع ومر اليوم عادي باخر الليل تغيب زوجي قليلا وكان جواله عندي
تذكرت الرقم حبيت اتاكد اذا رجع او لا " دخلت جواله وتفاجأت ان الرقم رجع لقائمه الاسماء وانا ماسحته بيدي ومسجل بنفس اسم البنت
بدا قلبي يدق وركدت الجوال " وجا هو جلس جنبي
اخذت الجوال فتحت عالرقم وسالته بكل هدوء هذا رقم مين
هو ارتبك وقال ماعرررف ؟؟؟؟؟ وعلت نبرة صوته
قلت انا مسحته بنفسي والحين اشوفه رجع جوالك ' قال والله مادري ماعرف منين جا
قلت اوك انا بتاكد ب نفسي " دخلت الواتس من جواله وكتبت للبنت السلام عليكم '
ردت هي وقالت مبروك فوز الهلال بدون ماترد السلام عليكم وبكل ميانه" هو انصدم وخذا جواله من يدي وكتب لها من انتي من انتي لو سمحتي > هي بتفهم ان زوجته جنبه من سواله لها ماهي غبيه
قلت عطيني الجوال وعيا يعطيني وقلبت الدنيا ع راسه وصارت عاصفه وغيمه سوداء
وانا ساكنه ب مدينه ماعندي احد من اهلي او اهله ب غربه .
ثاني يوم اعتذر وحاول يراضيني جاني وحلف عالقران قدامي ان ماخاني ولا يعرفها وانا ك زوجه ذكيه ما ابي اهدم بيتي سويت نفسي مصدقه وقررت احتويه واجيبه ل صفي واخليه ينساها لو فعلا بينهم شي
بعد فتره لاحظت ان دخوله للواتس قل وانه انصدم من الي صار ومو مستعد يغامر ويرجع يكلمها ويخرب بيته عشان علاقه عابره
لاحظت ان لا سافرنا ونزلني عند اهلي وراح بعيد يدخل الواتس وهذاك اليوم كانت مو داخله هي وهو مو داخل وفجاه دخلو مع بعض باخر الليل
انا قرصني قلبي ودخلت عليه وانصدم اني مانمت يقولي احسبك نايمه مانمتي ونكدت عليه ليلته وانا ماعندي دليل كافي صعب عشان يبرر سبب غضبي وهو شك ان انا عرفت وقام يلاطفني بالواتس
وبعد مانكدت عليه راح نام
وثاني يوم اكلت بهذله منه لان نكدت عليه وانا بلعتها وسكت لان ماعلمته بالسبب الحقيقي الي خلاني انكد عليه بس بعد ماهزأني قلت له انا متضايقه لان صديقتي تطلقت لان رجله طلع راعي بنات وانا لو مكانها وصار معي نفس الشي بتطلق > دقيته بالكلام وهو فهم وسكت وماتكلم وقام يفكر
واليومين هذول حنا مسافرين لاهلي واهله ل ديره ثانيه ونزلني امس وشفته مادخل الواتس هو وهي من اربع ساعات رغم انه يدخل واتس بالساعه اكثر من مره
ورجع قلبي قرصني
ابي مشورتكم وايش اسوي لان مابي انصدم مره ثانيه

رد : خيانة زوجي اماتت الثقه
 

الوتس اب ليس الطريقة الوحيدة للتواصل.المشكلةتكمن في فقدانك الثقة لزوجك.صلي قيام الليل وادعي ان الله يبعده عن هالطريق وحثيه عالصوم.

رد : خيانة زوجي اماتت الثقه
 

اليوم تكرر نفس الشي وانا تعبت من المراقبه زوجي مو لم الواتس اب مشغول بشي ثاني

رد : خيانة زوجي اماتت الثقه
 

نصيحتي لك ابعدي عن المراقبه
لان الرجال اذا في راسه شي بيسويه والله
وبدون ماتدرين ..
لذلك المراقبه بس تبي تخلي نفسيتك زفت
وتكرهينه وهو يمكن ماله في هالامور تصير مجرد
شكوك.

الزمي الدعاء والاستغفار والله ان تشوفين نتيجه
ومن تجربه يااختي .

اسال الله ان يبعده عن بنات الحرام ويرزقه غض البصر
ويصلح حالكم ويوفقكم ويولف بين قلوبكم .

رد : خيانة زوجي اماتت الثقه
 

انا اعرف حساب البنت بالانستقرام وتو دخلت علي بالتويتر وسوت لايك على احد تغريداتي والي يقهر انها حاطه صوره شخصيه انا حاطتها باحد البرامج
ما ادري وش افهم من حركتها هذي

رد : خيانة زوجي اماتت الثقه
 

كيف يعني البنت تدري انك زوجته؟؟؟؟

رد : خيانة زوجي اماتت الثقه
 

يوم دريت انها تتواصل معاه ارسلت لها سب من رقمي وهددتها تبعد عن زوجي وقرت ولا ردت علي
وبعد فتره عطتني بلوك بس اكيد حافظه رقمي بجهازها واطلع عندها بالبرامج الثانيه
وايه تدري انه متزوج

رد : خيانة زوجي اماتت الثقه
 

حسبنا الله ونعم الوكيل الله ينتصر لك ياغاليه
انا نصيحتي كنت احسبها مجرد شكوك

لكن ان شاء الله يدخلون المستشارين ويفيدونك

رد : خيانة زوجي اماتت الثقه
 

الله يهديه ويسخره لك
لكن المراقبة ماهي حل محد غيرك رح يتعب الرجل اذا بيعمل شي غلط مصيره ربي بيكشفه
حبل الكذب قصير

رد : خيانة زوجي اماتت الثقه
 

اول شي ابدئي بالحلول البسيطة اقري ملفات ناعمة الهاشمي وشوفي بوصله الشخصيات ونمط زوجك وشوفي التعامل مع هذا النمط كيف
ولا تحاولين تصارحينه بشكوكك بالعكس بيني ثقتك له
وحاولي تسحبينه منها بدون مايحس اما هي اتركيها ولاترسلين لها سب ولا تخلينها في بالك انا بصراحه استغرب من فكره ملاحقه المرأة يااختي اللي خانك زوجك هي انسانه مالها شغل فيك و ماخانتك خذي زوجك منها وانتهينا
وزوجك لاعاد تجيبين له سيرتها لأن ممكن بحركاتك هذي يتعلق فيها أكثر وأكثر والحمدالله أنها وحده سهل تتخلصين منها
ربي يوفقك ويسعدك

رد : خيانة زوجي اماتت الثقه
 

انا مو جالسه افتح الموضوع وسويت نفسي صدقته وسكرنا عالسيره بس مو فاهمه السبب الي يخليه متعلق فيها ويتواصل معها؟

رد : خيانة زوجي اماتت الثقه
 

الشكوى لله وحده

رد : خيانة زوجي اماتت الثقه
 

هو معطيها بلوك بالواتس اب واذا صار برا البيت اشوف دخولهم يصير نفس الشي
بالمره الاولى قلبت الدنيا والبيت على راسه
والمره الثانيه دقيته بالكلام
فكرت وقلت اذا تكررت للمره الثالثه برسل لها هي رساله واخوفها من رب العباد وانصحها تبعد عن زوجي
وهذا اخر حل لان لو تكرر اكثر من كذا مارح اقدر اعيش معه ببيت واحد انا كل شي عندي ولا الخيانه

وللمعلوميه طلعت متزوجه وعندها بنت ..

رد : خيانة زوجي اماتت الثقه
 

رد : خيانة زوجي اماتت الثقه
 

أظن يعرفها من قبل ما يتزوجش

رد : خيانة زوجي اماتت الثقه
 

واضح انه يعرفها من قبل زواجهم

و بعضهم ياخد العلاقة من باب الصداقة و الفضفضة و ما يشوفها خيانة بمعناها الي نعرفه

طريقة ردها عليك لما القيت السلام تاكد ذلك ( ما قالت لا حياتي و لا عمري علي طول باركت له بفوز فريقه)

قلتي ما لقيت اي محادثة بينهم تدل علي شكل العلاقة الي كانت بينهم , حتي اتصالات قليلة و هذا ياكد كلامي
فكري في مشكلتك من هذا المنطلق يمكن تتوصلي للطريقة الي تبعديه عنها
لان كل تصرفاتك الحالية تدفعه ليها و تتحسسه بحاجته لها

طبعا كلامي في حالة شايفة زوجك جيد و ما يتعوض

رد : خيانة زوجي اماتت الثقه
 

انا البارح بس عرفت انها متزوجه هالشي صدمني وحاليا ما اخليه يحس بشي واعامله بكل احترام وادب وزوجي مايطلع لاستراحات ولا يطلع برا البيت
قبل فتره كنت افكر اني اجلس عند اهلي اسبوع انام عندهم من باب تغيير الجو ' بس خفت يرجعها بغيابي ويتعود عليها اكثر وشلت الفكره من راسي

رد : خيانة زوجي اماتت الثقه
 

مافي شي يقهر من كل الموضوع الا كذبه علي وانا كاشفته وما وهو طول الوقت يقول انا سيدا واكره الكذب والكذابين وانا اصدقائي يكلمون من ورا زوجاتهم وان هم مو كفو
واخرتها طلع هو مثلهم

رد : خيانة زوجي اماتت الثقه
 

الله يفرجها عليك امين

رد : خيانة زوجي اماتت الثقه
 

نصيحه مني يا اختي لا تراقبي لا تراقبي لا تراقبي وربي راح تذوبين من التعب والالم والقهر وشعور مؤلم جدا راح يجيك كل مره يعصر قلبك ويجيب لك خنقه وكتمه ودك تكسرين كل شي قدامك وهو ودك تقتلينه وانتي تتحسرين على نفسك ليه عملت فيني كذا انصحك من كل قلبي انتي واجهتيه حلو انا مريت بنفس هالمشكله وكنت عروس لا تسوي نفس اللي سويته عذبت نفسي سنه كامله من البكي والالم .

ولا تدخلي أي حد بينك وبين زوجك .. كلميه وقولي له ابيك بموضوع مهم اجلسي معاه ويكون هادي وقولي كل اللي بقلبك رتبي كلام متسلسل وخاصه اذا كان زوجك من النوع اللي يتفهم انتي تعرفي طبيعته من غير عصبيه وصراخ وبكي بعد ما تكملين قولي له انا نسيت كل شي وامسحي رقم البنت كوني انتي الأقوى لا تخلي وحده ضعيفه نفس تضعفك انتي الان في مصدر القوة انت الأقوى هو زوجك وانصحك لا تفتعلي مشاكل ولا تغلبيه بسبب حقدك من هالسالفه وربي انتي الوحيده اللي راح تتعبي يحتاج الموضوع قوه بس اذا تبين زوجك وبيتك حاولي وحاولي وحاولي اكسبيه في صفك .وخبريه انه يحترم رغبتك وينسى هالبنت ويسوي لها حظر وانك واثقه فيه وانه هنا تبدون حياه جديده وصفحه جديده وانه أي مشكله تقوي العلاقه ما تضعفها وبيني له حسن نيتك وثقتك فيه واتركيه لله اعملي واجباتك واذا كان يخونك ربنا راح يفضحه قدامك الا اذا شفتي شي بعيونك او شفتي انه تمادى او غلط بحقك اصحك تسامحين او تطوفين بسهوله من حقك يحترمك .

والله يوفقك بس احب اقولك انا رغم كل الألم دعيت ربي ليل نهار يهديني اللي فيه الخير والصلاح واحس ربي مسح على قلبي من هالموضوع وتجاوزته .

رد : خيانة زوجي اماتت الثقه
 

قبل شوي طلعنا مشوار وقلت له ان في شغله صارت وانا مستغربه منه " قال ايش صار
قلت له ان الوقحه مسويه مفضله لتغريداتي بالتويتر وحاطه صوره من تصويري خلفيه لحسابها بالتويتر
بشوف رده فعله
وريته قال هذي فلانه؟ قلت ايه وتحسبني ماني كاشفتها انا كاشفتها وبفهم هي وش تبي مني وليش تحط لي مفضله لتغريداتي
قال هذي مريضه
قلت ااي يقهر طلعت متزوجه > انا وضحت له اني اعرف عنها كل شي وهو ماسالتي كيف عرفتي ولا تعمق وبنفس الوقت قلت له انا واثقه فيك ومستحيل اشك واذا انا شكيت بالماضي هذي طفوله مني انت زوجي وتوؤم روحي وسكتنا علئ كذا

رد : خيانة زوجي اماتت الثقه
 

والله بهالوقت كل الرجال خونه الا من هدا الله

انصحك طنشي الموضوع

رد : خيانة زوجي اماتت الثقه
 

بس صراحه شي يقهر يخون ويكلم وأسكت واطنش
ليش تزوج اجل لو هي أتكلم قوم عليها القيامة
لا حول ولا قوة الا بالله