خوف زوجتي من الجلوس وحدها في البيت مسبب لي مشاكل كبيرة
 

السلام عليكم ورحمة الله

الله يسعد مساكم وايامكم يارب ,

عنوان المووضووع عارف غريب hgh

لكن فعلاً انا في حيرة إلى امري واحتاج مشورتكم

انا متزوج منذ سنة تماماً .. عمري 25 احضر الآن ماجستير في التوجيه والإرشاد النفسي

و زوجتي عمرها 18 سنة بصف 2 ثانوي ..

انا ارى الدنيا بعين زوجتي .. وهي ترى الدنيا بعيني

اللهم لك الحمد تحبني وترضيني بكل بقدر ماتستطيع واذا اقترب عيد ميلادي

تبيع قِطع من ذهبها لكي تكرمني وتقدم لي اجمل وارقى واغلى الهدايا ..

وانا كذلك غير مقصر عليها ابداً .. مشكلة زوجتي تخاف من الجلوس في المنزل وحدها

مجرد لبسي للثوب على طوووول تلبس تبغى تروح بيت اهلها .. وهذا اثاره جداً سيئة

البيت يظل 6 ايام متّسخ وقذر اكرمكم الله , عنيدة جداً طلباتي متأخرة في تنفيذها , ملابسي

كوي وغسيل برا مشكلتي :




* البيت داااااااااااايم وصخ لأنها تخاف وتنرعب من الجلوس بالبيت بدوني واذا صرت انا موجود
اظل نص ساعة وانا اقول قومي رتبي قومي نظفي وتقول اوكي .. اوكي .. اوكي .. اوكي ..
ويطوووووووف الوقت ولا ماشوف ولا شي .. واذا جيت اروح انام تلحقني اقولها والمطبخ تقولي اخاف
اقولها ( قلت لك الف مرة قبل شوي قومي قومي ) ويبدأ مسلسل التبريرات و الوعود الخربوطيّة

* في الجماع تجيها الشهوة في الشهر ممكن مرة او مرتين وانا توي شاب ما تشبعني ابداً , هي ماترفض اذا طلبت لكن تتظاهر لي بالإستمتاع وهي مو خاشة جو تحاول ترضيني وهذا يسعجني ويحرجني ..


* وفي النهاية احب اقولكم خوفها من الجلوس في البيت وحدها مسبب مشاكل كبيرة وكثيرررررررررررررررررة
منها تأخري عن العمل , تم انذاري بالفصل , يتأخر تحضير الطعاام , الملابس X



والله عارف بتقولون فرق العمر و و و والله يشهد عارف اني لازم اصبر بس مشكلتي ابغى كل شي منتظم
ومكتمل ...




jyh

رد : حياتي نكد وتعب بسبب زوجتي الغالية نور عيني
 

اقترب من الاربعين وما زلت اموووت من الخوف اذا كنت لوحدي
فما بالك بابنة ال18
ما عليش وانا اختك لا تحسب انها تمثل او تكذب
ولا تستهين بمشاعر الخوف اللي تحس فيها
غصباً عنها

رد : خوف زوجتي من الجلوس وحدها في البيت مسبب لي مشاكل كبيرة
 

تم نقل الموضوع للقسم اﻷنسب

وعليكم السلام ورحمة الله وبركاته ..

زوجتك بعدها صغيرة .. ان شاءالله مع الوقت تتعلم تتحمل المسؤلية ..

انت ساعدها في شغل البيت .. ما بياخذ اكثر عن ساعة او ساعتين في اليوم خاصة انكم ساكنين لوحدكم وما عندكم عيال .. ولا تطلعون قبل ما تخلص على الاقل الاشغال المهمة .. وبتنعود ان شاءالله ..

رد : خوف زوجتي من الجلوس وحدها في البيت مسبب لي مشاكل كبيرة
 

ياقلبي صغنوووونه توها..مع الوقت واذا جاكم عيال بيختفي هالشي ان شاءالله ،،طيب استاجر شقه قريب من بيت اهلك او اهلها وريح راسك..واذا ع الشغل استاجرو شغاله مره كل اسبوع تجي من الصباح لليل تلمع لكم البيت تلميع وتكوي ملابسكم

رد : خوف زوجتي من الجلوس وحدها في البيت مسبب لي مشاكل كبيرة
 

* فارق العمر مناسب ..
* في العلاقة الخاصة .. جزاها الله خير ماقصرت تجاهل تصنعها هي تحاول ماتقصر ناحيتك ..
* نظافة البيت وترتيبه شيء اساسي .. محد يحب يجلس بالفوضى ..
لازم قبل ماتحط راسها للنوم تنظفه كله .. اجلس معاها وفهمها هذا الامر ..
* بالنسبة انها تبيع من ذهبها عشان تهديك .. زيد من مصروفها شوي .. أكيد مايكفيها ولا ماكان باعت من ذهبها ..

رد : خوف زوجتي من الجلوس وحدها في البيت مسبب لي مشاكل كبيرة
 

يا اخوي تصرفات زوجتك طبيعية جدا مقارنة بعمرها سواء بالخوف او بالجنس

بعض من هن في عمرها ما فكروا بالزواج اصلا

انت خذت فتاة صغيرة نسبيا ولا زم تراعي هذا الامر لغاية ما تكبر شوي وتنضج

رد : خوف زوجتي من الجلوس وحدها في البيت مسبب لي مشاكل كبيرة
 

عمرها صغير ، الخوف طبيعي ، وعدم الانسجام في الجماع أيضاً طبيعي

ممكن تجيب شغالة بالساعة في ايام العطلة

ولابد تصبر عليها لأنها صغيرة ومو فاهمة الحياة الزوجية .

رد : خوف زوجتي من الجلوس وحدها في البيت مسبب لي مشاكل كبيرة
 

جيب لها شغاله تكسب عصفورين بحجر. منها البيت يضل نضيف وثانيا الخدامه تضل معاها فيروح الخوف انها تضل لحالها.

رد : خوف زوجتي من الجلوس وحدها في البيت مسبب لي مشاكل كبيرة
 

طبيعي تخاف تخيل وحده متعوده على بيت اهلها ماعمرها قعدت بالبيت لوحدها فجاه تتركها بشقه لوحدها عند ناس غرب اصلا انت شلون تتطمن لبنت صغيره لوحدها يحترق البيت يلتمس سلك يدخل حرامي يدق احد للباب اي شي
جيب لها شغاله واذا بيت اهلها قريب مافي مشكلها ودها وارجع اخذها واقعد معها اكيد انت مو برى البيت دايم
فتره لاجابت عيال بونسونها انا شخص لاقعد بروحه يختف لكن مع الوقت الواحد يتعود
اصبر عليها شوي
وليه تبيع ذهبها ترى بيعه الذهب شي كبير للمره لا اخوي زيد مصروفها خلها تصوف منه وامنعها من بيعه ذهبها

رد : حياتي نكد وتعب بسبب زوجتي الغالية نور عيني
 

الله يبعد عنك الخوف ولا تنسي صلاة الليل jyjy

رد : خوف زوجتي من الجلوس وحدها في البيت مسبب لي مشاكل كبيرة
 

شقتي من الوالد الله يطول بعمره ( عمارة الوالد وكل واحد من اخواني له شقة لكن زوجتي تتخيل حاجات )
فكرة الشغالة رافضها تماماً بنت لساتها ورد تو بدري تعتمد عالشغالة خوفي تعتمد عليها مع باقي العمر

شكراً اختي الكريمة

رد : خوف زوجتي من الجلوس وحدها في البيت مسبب لي مشاكل كبيرة
 

ماشاء الله مرورك اسعدني و فتح ببالي شغلات كنت غافل عنها
الله يسعدك

رد : خوف زوجتي من الجلوس وحدها في البيت مسبب لي مشاكل كبيرة
 

شاكر لك مرورك الكريم اخي الغالي

ومالنا الا الصبر jyh

رد : خوف زوجتي من الجلوس وحدها في البيت مسبب لي مشاكل كبيرة
 

والصبر مفتاح الفرج القريب بإذن الله

شاكر مرورك jyh

رد : خوف زوجتي من الجلوس وحدها في البيت مسبب لي مشاكل كبيرة
 

فكرة الخدامة غير متقبلها , مامعها عيال ولا بيت كبير

المعاناة في العناد وهذا يعود لصغر سنها

رد : خوف زوجتي من الجلوس وحدها في البيت مسبب لي مشاكل كبيرة
 

اوديها وارجعها بيت اهلها لكن صعبة اذا جيت البيت ترجع معاي تغسل ؟ ولا تكوي ؟ ولا تطبخ ..

وانا عملي متعب جداً بعد عودتي الى المنزل بساعتين انام وابغاها تجلس معاي شوي لكن يبقى الشغل مركون

لحين اشعار اخر jye


وفكرة بيع ذهبها زعلت منها وشريت لها بداله .. ومصروفها بسم الله ماشاء الله ماظن بنت بهالعمر تاخذ

مصروف 1400 لكن بعض الاحيان تشتري لي هدية اغلى من مصروفها وتضطر تجيب سعره ..


شاكر لك مرورك اختي الكريمة

رد : خوف زوجتي من الجلوس وحدها في البيت مسبب لي مشاكل كبيرة
 

مسكينة الحرمة
عاملة نظافة من زواجها لاخر عمرها
معليش اصبر عليها و حاول تنظف معاها بعد ما تستريح
او مثلا لا توسخ مكانك.نظف الحمام بعد استحمامك
اغسل صحنك او ارفعه بعد الوجبة.لا تعبث بترتيب الملابس المرتبة
امور بسيطة تحدث فرقا
وحددوا يوما للتنظيف العميق انت و هي
لمدة 3 ساعات فقط..يوم الجمعة او السبت مثلا.

رد : خوف زوجتي من الجلوس وحدها في البيت مسبب لي مشاكل كبيرة
 

سؤال اخي الكريم
زوجتك تدرس؟؟
ماذا تفعل اذا رجعت و اين تذهب
فهي ربما ينتهي دوامها قبلك

رد : خوف زوجتي من الجلوس وحدها في البيت مسبب لي مشاكل كبيرة
 

اذا ماتبغى تجيب شغاله مرة بالاسبوع انت وهيا نظفوا البيت تنضيف عميق وبكذا يخف عليها الترتيب بايام الاسبوع

رد : خوف زوجتي من الجلوس وحدها في البيت مسبب لي مشاكل كبيرة
 

مو هي أول وحدة تتزوج 18 سنة
أنا تزوجت صح مو بعمرها أكبر بكثيرلكن كنت جدًا خوافة من الحرامية و الجن
و بمدينة بعيدة عن أهلي و زوجي دوامه شفتات .. يعني مرات يجي ليل
لكن ما أعطاني وجه أبدًا و دوامه مرة متشددين فيه على طول فصل يعني ماعنده وقت للدلع لو بتدلع
و تعودت .. أشغل قرآن و الجوال عند راسي عشان لو احتجته في حال الطواريء
و كانت في عمارتي جارة زوجها نفس دوام زوجي و عمرها 18 سنة !!
لكن ما أزعجت زوجها
أنت شد عليها شوي ..
الحرمة يا أخوي إذا تعودت تطلع من بيتها و الله لو معها كومة بزران ماراح تقعد لك
تأخذهم و تطلع
و الحرمة لو ما تعودت ع النظافة من بدري صدقني بتكبر و هذا حالها
الحين ماعندها لا أطفال و لا شيء
والله عيب بيتها يكون وسخ كذا
ساعد و عاون و تلطف بالقول و في نفس الوقت شد عليها ..
الشدة و الحزم من أساليب التربية
و الرجل مسؤول عن إصلاح أهل بيته بما فيهم أو أولهم .. زوجته

يقول الدكتور جاسم المطوع في أحد مقالاته : "
الله يوفقكم و يعينكم

رد : خوف زوجتي من الجلوس وحدها في البيت مسبب لي مشاكل كبيرة
 

أنا تزوجت عمري 19 ..
وكان نظام عمل زوجي المناوبات مرات صبح ومرات ليل ..
وكانو أهل زوجي يسافرون وأنا أبقى بالبيت بروحي ..
واهلي بديرة ثانية مقدر أروح لهم ..
وكان عادي الحمد لله .. يمكن أنا بطبعي مب خوافة ..
لكن أكيد يفرق بين شخص وشخص ..
أخت زوجي عمرها 37 وتموت خوف ..
بناتي تأثروا بعماتهم من ناحية الخوف ..
وانا جدا مزعوجة أنهم تأثروا بهالصفة لأنه محد بيتعب إلا هم ..
وجالسة أحاول معاهم أعلمهم على الثقة بالله الشجاعة والقوة وعدم الخوف..

بالنسبة لنظافة البيت وترتيبه وتراكم الملابس وغيره..
18 سنة عاقلة وواعية وتزوجت وهي عارفة بمسؤوليتها ..
شد عليها شوي ..
مثلا قبل موعد عملك بساعتين قول لها الخيار لك .. إما تنظفين البيت ألحين وأوديك عند اهلك لما اروح الدوام .. أو خلي البيت مثل ماهو الحين وبعد ما أخرج تجلسي تنظفيه ..

رد : خوف زوجتي من الجلوس وحدها في البيت مسبب لي مشاكل كبيرة
 

ممكن بدل لتروح لأهلها .. وحده من خواتها تجلس معاها
منها تتعود على قعدة البيت .. ومنها تكمل شغله وتحس بمسؤوليتها اكثر

ومع الايام بيروح الخوف

الله يسهل اموركم

رد : خوف زوجتي من الجلوس وحدها في البيت مسبب لي مشاكل كبيرة
 

مع كلام ام الدانه صحيح كله