|
احترت بين كلام طليقتي عن رجوعها والقضايا المتلاحقة في المحاكم
السلام عليكم
طلبت الطلاق بعد مشاكل منها إهمال لي بالأشهر الاخيره وكانت غلطتي اني سكت وما صارحتها اب وقتها وظليت ساكت 3 شهور تقريبا وللاسف سكوتي خلاني انشحن وانفجرت مره ( ما غلطت ولا سبيت ) بس كان لوم شديد لها اليوم الثاني اكتشفت ان مشكلتنا طلعت بره البيت وزادت عصبيتي واتصلت فيها ورفضت ترجع البيت اب امر من ابوها. اتصلت اب ابوها وكان امعصب وقالي انها ما تبي اتكلمك ولا تبيك وسوو الي تبي. من القهر رميت ملابسها بره الغرفه لآني حسيت انها باعتني. انصدمت صدمة حياتي لآني احبها كثير وساعات احس انها كنها بنتي واهي عارفه هالكلام. حسيت انها طعنتني اب ظهري. بعدها بلش التشهير تبي اتركبني الغلط وكذب لدرجه ما توقعتها. حسيت انها مو زوجتي او مسحوره وزادت المشاكل صارت كذا مكالمه بينا وطلبت الطلاق وكانت اتكلمني جنها عادي عندها وان ماكو نصيب....الخ اكثر من 14 سنه نستهم وداست عليهم وعندنا 3 اولاد صدمتي فيها اتزيد يوم بعد يوم بعدها بلشت المخافر والمحاكم وانتوا عارفين ....... المحامين وتبلي ب كلام كذب وظلم. قالتلي اذا ما طلقت ترى بخلي المحامي يطلقني منك. حسيت ان خلاص ما بقى بينا شي حسيت اني في كابوس. وفعلا تم الطلاق بعد شهر من طلعتها بالبيت والحين قضيه ورا قضيه وانا لحد الحين ما رفعت ولا قضيه لان العشره ما أتهاون عليي اثناء فتره العده الاخيره سألتها تبين اتردين قالتلي ما اوعدك و ما ادري.....الخ بس ولا مره قالتلي لا ما ابي ارد كانت دايما تقولي انا متذبذبه انا محتاجه أهدى خلنا نهدى ومن هالكلام اذا سألت عنها او صحتها او ساعدتها كانت تبجي واتقولي لا اتقرب مني وساعات أتقبل...ماني عارف ليش حاليا صارلنا 5 شهور منفصلين والعيال عندها وأشوفهم ودي مو عن طريق المحكمه. صحتها كل مالها بالنازل وساعات احسها أتمثل ما ادري أهي مو عارفه شتسوي ولا هذا كيد النساء قبل فتره بسيطه قالتلي انها مالها ذنب بالقضايا ( تقصد ابوها السبب ) احس اني بين شد وجذب .....حب وكره من ضمن المكالمات كنت اقولها ان الناس كلها تقول انك عفتيني وردت عليي تقولي لا انا ما عفتك ومالك شغل اب كلام الناس. كان تقولي ممكن اتصل اذا صارت مشكله مع الاولاد. الي بقوله اني ساعات احسها أتقرب وساعات اتبعد للحين ماني مستوعب ان انفصلنا |
رد : طليقتي...احترت معاها
هل انت تحبها حقا وتريدها في حياتك.
ماهو السبب الرئيسي في انفصالكم. ارسلها رسالة تذكرها بذكرياتكم الجميلة. وجس نبضها نصيحة هدو اللعب الحين.الحياة ليست حلبة مصارعة.والجأ الى الله. من طريقة كلامها في حد ضاغط عليها.وللاسف بعض الاهالي يسعون لتصعيد المشاكل لا احتوائها. |
رد : طليقتي...احترت معاها
قبل شهر قلتله اني للحين احبها واهي قالت انها للحين تحبني بس قالتلي ما اوعدك نرجع
شلون تحبني بس ما توعدتني ترجع ؟ خلافنا انها صارت مهمله مع بيتها في الأشهر الاخيره من السنه الي فاتت وغلطتي اني سكت وما كلمتها لان قبلها كانت مشكله كبيره وأثرت عل الأولاد ف حاولت أكتم غضبي لما انفجرت حاليا التواصل معاها مستحيل لان ابوها تدخل ويبي يمنعني من مكالمة أولادي بالقوه وتهاوشت معاه هوشه كبيره وللأسف انها أيدت ابوها بالبدايه وكنت اتصل بالاولاد وما كانت اتخليهم يردون وعقب كم يوم رديت اتصلت وردوا وحاليا أشوف واكلم الأولاد عادي الولد الكبير هو الوسيط بينا الحين |
رد : طليقتي...احترت معاها
معليش اخوي انت غلطان ماعرفت تحتوي مشاكل بيتك وش نوع الانفجار الي انفجرته عليها خلى ابوها يتدخل وعادي عندهم تطلق
اخي احد يهدم بيت علشان نظافه ولا ترتيب تقول بالاشهر الاخيره طيب هي مو اله 14سنه قايمه ببيتك وش فيها لو اتعبت وفترت همتها شوي هذي انسان تخيلو لو وحده زوجها قصر بالمصروف واغراض بيته اشهر بس بتصير جاحده لو انفجرت عليه وهو طول هالسنين يصرف عليها انت غلطت وساهمت بهدم بيتك وتشتت هالعيال ارجع وقابل ابوها امرها بايد ابوها مابيدها شي المسكينه |
رد : طليقتي...احترت معاها
هل الطلاق كان خلع ؟
هل المشكلة الكبيرة الي حصلت بينكم هي كانت سبب تغيرها و اهمالها ؟ |
رد : طليقتي...احترت معاها
هلا أختي
الاهمال ماهر بخصوص تنظيف او ترتيب البيت الإهمال كان شخصي معاي. ما عادت حتى تقولي شخبارك و شلون الدوام ومن هالكلام هذا سبب انفجاري عليها وقلتلها انتي اهملتي فيني لمدة 3 شهور وانا ساكت وحاولت ألمح لها اب طريقه غير مباشره وماكو فايده يا أختي وصلت مرحله ما أنام الا اب حبوب منومه وابات بره البيت واهي اكتفت بالسؤال مرتين. ما حسيتها كانت جديه ومهتمه فيني لما واجهتها اب هالكلام ما ردت وقامت تنكر الكلام وطلعت من البيت وظلت تبكي وانهارت لغاية اليوم الثاني لما وصل الخبر لأهلها وصار الي صار |
رد : طليقتي...احترت معاها
اقتباس:
نعم صحيح التغير والإهمال اهو الي سبب المشكله |
رد : طليقتي...احترت معاها
في ردك رقم 3 تحدتث عن مشكلة كبيرة في السابق اترث علي الاولاد وهذا الي خلاك تسكت عن اهمالها
شوطبيعة المشكلة الي حصلت , انت السبب فيها ؟ |
رد : طليقتي...احترت معاها
اقتباس:
المشكله الكبيره ان صار فيها حاله عصبيا جداً جداً مع الأولاد وواحد من الأولاد تأثر وصار فيه حاله خوف وكره المدرسه وكل ما كنت احاول أهديها كانت اتزيد....كنك اتصل بانزين عل نار وصار انفصال لمدة شهر بتحريض واضح من اهلها وبعدها رجعنا ورحنا الاستشاري نفسي وكل واحد قال الي عنده وللأسف قالت للدكتور اني انا السبب وعقب ما قعد معاي قالها اني مو سبب انفلات أعصابها ونكدها حسب ادعائها وبدلا الدكتور رحنا ل 3 دكاتره وكلهم قالوا ان المشاكل معاي عاديه وما تتسبب الطلاق. عل كلام الدكاترة ان فيها اكتئاب قديم لان أمها متوفيه من أهي صغيره ولو اتلاحظون في البدايه قلت ساعات احس انها جنها بنتي بس الغريبه ان صارت فجأة عصبيه وما أتحمل وللأسف انها ما التزمت في نصايح الطبيب وطنشت وهذا كان سبب ثاني اني كنت ساكت وكاتم لما انفجرت عليها قلتلها اني ملتزمه بلي قاله الطبيب قالت لا واهنيه زاد غضبي وقلتلها انتي لو حريصه عل بيتك جان التزمتي اب كلام الدكتور + موضوع الإهمال طبعا انا حسيت خروجها من البيت كان هروب من المشاكل الي اهي سببها يا جماعه انا مو هذا موضوعي موضوعي حاليا الي كتبته في اول مشاركه هل انتوا شايفين انها ندمانه وتبي ترجع بس اتكابر؟ ولا لعب بالاعصاب؟ ولا انتقام؟ تردد؟ تبي أترد بس بعد فتره؟ جزاكم الله خير |
رد : طليقتي...احترت معاها
اقطع الاتصال وتوجه لربك وشوف ان كان عندها اهتمام بالرجعه بترجع بعد فتره
|
رد : طليقتي...احترت معاها
انا أشوف انك ما تتواصل معها بعد الطلاق خليها
تفكر وتعرف هل هي تبيك وتحتاجك وتعرف قيمتك وتعرف غلطها لكن تواصلك معها يجعلها في حيره ابتعد حتي تتصل هي فيك ،، والله اعلم |
رد : طليقتي...احترت معاها
اقتباس:
من الأحداث الي ذكرتها ما بين معاكي شي؟ الاتصال صارله اسبوع مقطوع احس اني فقدت الثقه اب كل الناس بعد هالطعنه والمشاكل |
رد : طليقتي...احترت معاها
اقتباس:
الف شكر يا اختي |
رد : طليقتي...احترت معاها
[COLOR="black"لا حول ولاقوة الا بالله
الله يفرج همك ويلم شملك..انا اكثر شي قاهرني عيالكم شنو ذنبهم.. انت مفكر انهم مرتاحين؟ مفكر انهم ينامون زين؟ انا متأكده انهم عايشين بحالة قلق وخوف..يفكرون ليل ونهار ..خايفين لاتنفصلو.. علشان عيالك ضحي كثييير وحاول تلم شمل اسرتك من جديد.. زوجتك محتاجه شي واحد..قرب منها خليها تصارحك تعاتبك..يمكن قلبها ملياااااان كانت تحترم مشاعرك طول هالسنين وفجئه انفجرت وطلعت اللي بقلبها بتصرفاتها اللي ماكانت عاجبتك.. نصيحه للمتزوجين خصصو يوم بالاسبوع بعد ماينامو العيال اجلسو ويا بعض وتصارحو بهدووء كل واحد يقول شنو التصرف اللي ضايقه من الطرف الثاني ..كل اسبوع مو تجمعو حق سنين وفجئه تنفجرو والضحيه العيال، استعين بالله وراجع علاقتك بربك خلي زوجتك ترتاح شويات وبعدين خذها للبحر ( وخلي العيال عند جدهم ) ولاتناقشها سولف واضحك ولا كأن شي صار بس علشان تحس بالامان بعدها قربها منك خليها تفضفض واذا تكلمت لاتقاطعها واذا بكت لاتسكتها خليها تقول اللي بخاطرها واذا خلصت انسى اللي قالته حتى لو كان فيه ظلم لك وقولها انا آسف..قولها بحب ومن قلب.. بس قبل هذا كله روح المكتبه وخذ اي كتاب يفيدها بعلاقتكم وارسله مع ولدك وخليها ترتاح فتره علشان تعرف تقرر وبعدها سو اللي قلتلك عليه.. لازم تجتهد علشان عيالك حتى لو تضطر تكلم استشاريه اسريه تساعدك بعد الله وبشرنا عنك ..واعذرني بس بجد انا مقهووووره العيال كاسرين خاطري[/COLOR] |
رد : طليقتي...احترت معاها
كلامك ذكرني بمحاضرة اسمها طرق لابواب السماء حاول تبحث عنها فالنت للداعية بدر المشيري اذا الذاكرة ما خانتني.
|
رد : طليقتي...احترت معاها
هل لو اتصلت عليها وقلتلها بمر اخذك نتمشى وبرجعك بيت اهلك ثاني راح تمانع.
قولها اشتقت المس ايدك وسولف معك.عطيها من الكلام اللي يذوب الصخر. اذا وافقت خذلها هدية حلوة واكتب في بطاقة كل الكلام الحلو اللي فقلبك تجاهها. المراة ماذا تريد من الرجل غير الحنية والعطف والحنان.اقسى امراة في الدنيا ستذوب من احلى كلمة واحن لمسة. هي بس ماخذه على خاطرها منك. |
رد : طليقتي...احترت معاها
ارجوك يا اخي اذا كلمتها لا تقولها ارجعك عشان العيال.قولها لاني ابيك والغرفة صارة سودة بدونك.رجعها لانك تبيها هي وبعدين العيال.
ابدا بخطوة جدية.ان يريدا اصلاحا يوفق الله بينهما(). ايام وبيدخل علينا شهر رمضان المبارك.ومافي زوجة ماتريد تكون فبيتها |
رد : طليقتي...احترت معاها
كلامكم صحيح بس لازم أشوف منها خطوه ايجابيه للرجوع وللأسف ما كان خطوه ايجابيه او حتى اعتذار
كنت لما أكلمها بالعقل عن المشاكل الي بينا كانت تبكي حييل وتترجاني ما اكمل الكلام واتقولي انا تعبانه وبسكر الخط احس ثقتي فيها بدت تنعدم اب سبب المشاكل الي بعد الطلاق كلامي معاها ان نرجع للبعض ك اولويه مو علشان اليهال. انا ضد فكرة الرجوع علشان اليهال بس ضغط اهلها عليها كبير انها اتكابر يمكن من مبدأ التأديب انا خلال حياتي معاها ولا مره ضربتها او غلطت على اهلها او فضلت أهلي عليها الي قاهرتي ان زوجتي ممتازه اب دوامها وحياتها الاجتماعية مع الأقارب ومعاي انا مهمله بعد الطلاق الاول لما رحنا الاستشاري الأسري خله كل واحد فينا يكتب النقاط الي يبيها من الثاني وفعلا كل واحد كتب واثنيناتنا رضينا عل هالنقاط لكن للأسف لما انفجرت عليها قالتلي انت سويت الي انا ابيه وانا ما قدرت أسوي كل الي انت تبيه ومنها الاهتمام. اب ذمتكم شي ما يقهر للعلم ابوها طلب يشوفني لكن رفضت لان مو حلوه لزوجتي أقول لابوها هل هالكلام وأبوها كبير وعصبي عل اقل الأسباب. قام ابوها قالها شفتي لو يبيج جان جاني البيت انا قلتلها انا ما كنت بروح لان بنكونين في موقف محرج وانا كنت احاول الم الموضوع من البدايه بس تدخل اهلها اهو الي دمر كل شي مثل الطلقه الاولى لكن للأسف ما اتعضت |
رد : طليقتي...احترت معاها
بالنسبه للأطفال ف ما قصرت لا اهي و اهلها
بعد اسبوع من خروجها من البيت ( ليس الطلاق ) بلشت إجراءات المحاكم ابنداء بالحضانه وغيره فترة العده كلها ضرب وتبلي و تشهير وكذب عند الاقارب والمحاكم |
رد : طليقتي...احترت معاها
قلت راجعتوا عند دكتور و ما التزمت بكلامه
يعني دكتور نفسي ؟ هل زوجتك تاخد ادوية نفسية ؟ |
رد : احترت بين كلام طليقتي عن رجوعها والقضايا المتلاحقة في المحاكم
وعليكم السلام ورحمة الله وبركاته ..
مرحباً بك أيها الأستاذ الكريم .. أسأل الله أن يلم شملكم والسعادة تحفكم دوماً .. أولاً / عشرة 14 سنة هل تهون عليكما ؟! ثانياً / بينكما 3 أطفال .. ثالثاً / بالنسبة للكلام الذي خرج منها ، لاأنكر بأنه مؤلم لكن أعذرها والتمس العذر فالغضب دوماً عصا حمقاء تضل صاحبها عن الطريق .. رابعاً / زوجتك ليس من النوع السيء والمفروض أن تعرفها جيداً لأنها عشرة 14 سنة أيها الأستاذ الكريم .. خامساً / أنت تعلم جيداً الضغط الذي تعرضت له .. سادساً / أرجعها ، أرجعها وقبل أن ترجعان اتفقان وصراحا بعضكما بكل شيء بحيث أن تضعا شروط تمشون عليها في حياتكم المقبلة لتكون أفضل مما سبق ومملؤة بالإحترام والسلام والحب .. سابعاً / لو اضظر الأمر بأن تراجع دكتورة نفسية سلوكية وليس مختصة بالأدوية ، فكون عوناً لها .. الذي تقدمه لها الآن ستراه مستقبلاً ويعود على حياتكما بأن تكون أفضل .. وننتظر الأخبار السعيدة .. |
رد : طليقتي...احترت معاها
اقتباس:
|
رد : احترت بين كلام طليقتي عن رجوعها والقضايا المتلاحقة في المحاكم
مانصحك تستعجل ،انا بنوته ومطلقه ومريت بهالتجربه
احيان تكون فيه اسباب مانقدر نصرح فيها، مانبي نجرح الطرف الثاني اسباب تجبرنا نتخلى عن اللي نحبهم غصبن علينا وتصدق ليومك مايدري عن الاسباب..ويفكر انها عين.. جمعتها بقلبي كم شهر ..واخر شي صارت مشكله بسييييطه .. كأني كنت انتظرها ..وطلبت الطلاق واصريت عليه..مع انه فالبدايه كنا عايشين احلا ايامنا من تصرف زوجتك مبين انها تبييك بس فيه سبب يخليها محتاره يمكن تكون حاسه بالذنب اتجاهك لانها ماتقدر تعطيك حقوقك وتقوم بواجباتك.. او اي سبب ثاني خليها كم يوم ترتاااح ..تفكر ..تفقدك..تراجع نفسها.. اعطيها فرصه هي تتصل خليها ولاتزعجها لابرسايل ولا اتصالات انشغل بالدعاء والاستخاره سبحانه مسخر الاسباب، على كل شيء قدير ..هذا اللي عندي والله اعلم.. والله يجمع بينكم ويلم شملكم ... |
رد : احترت بين كلام طليقتي عن رجوعها والقضايا المتلاحقة في المحاكم
ابتعد
لتعرف تفكر وتقرر ولتعرف أي جرم جنته على نفسها وأطفالها !! اتركها تعرف معنى فقدك , بدون سماع صوتك ولا رؤيتك |
رد : احترت بين كلام طليقتي عن رجوعها والقضايا المتلاحقة في المحاكم
راح امشي عل نصيحتكم والله يكتب الي فيه الخير
الف شكرًا يا اخوان ويا اخوات |
رد : احترت بين كلام طليقتي عن رجوعها والقضايا المتلاحقة في المحاكم
اخي بينكم طلقتين يعني باقي واحدة
ليست المشكلة في رجوعها لانه يبدو انها تميل الي الرجوع , لكن كيف سيكون الوضع بعد رجوعها سالتك اذا كانت تاخد ادوية , لانها تؤثر علي المزاج و قد تكون سبب صدها عنك عالج سبب المشكلة حتي لا تجد نفسك في الوضع السابق معها |
رد : احترت بين كلام طليقتي عن رجوعها والقضايا المتلاحقة في المحاكم
انا حاليا داخل بالأسبوع الثالث من الانقطاع مع طليقتي وحدث كم شغله
1- قاعده اتوصل رسايل عن طريق الاطفال اثناء زيارتهم الأسبوعية لي انها زارت المستشفى مع شرح مفصل ومطول اب حالتها. 2- صارت كم شغله كنت طالبهم منها كانت ترفضهم تنفيذهم بالسابق قبل وبعد الطلاق مباشرة 3- وصلني كلام من الأقارب انها حالتها صحيه من سئ الى أسوء لمجرد أنهم شافوا وجهها بس شنو تحليلكم يا اخوان و أخوات ؟ |
رد : احترت بين كلام طليقتي عن رجوعها والقضايا المتلاحقة في المحاكم
اقتباس:
و بعدين !!؟ المشكلة مش في رجوعها , انما في الوضع بعد الرجوع في كل الي قلته ما في شيئ يستدعي طلبها للطلاق و اصرارها عليه ما عدا الحالة النفسية فب ذا كانت عندها اكتئاب او تعاني من تراكمات , لازم تعرفوا الاسباب و تعالجوها او ما راح يتغير شيئ بعد رجوعها يعني فترة و ترجع ريما لعادتها القديمة و الوضع لا يحتمل طلاق ثالث |
رد : احترت بين كلام طليقتي عن رجوعها والقضايا المتلاحقة في المحاكم
الله يهدي سركم ويكتب لكن كل خير ابتعدوا فتره عن بعض ولاتتسرع ابد هالمواضيع جدااااا صعبه ووالله مافي حرمه تبي هدم بيتها ابد وحط لي اخيك المسلم الف عذر كيف زوج وزوجه وبينهم عشره وعمر ريح وروق وتكلم معاها وخليها تهدي اكيد عندها شي وربي يكتب لكم كل خير ويهون عليكم
|
رد : احترت بين كلام طليقتي عن رجوعها والقضايا المتلاحقة في المحاكم
للعلم اهي تقول للأطفال تفاصيل ذهابها للمستشفى واهي عارفه ومتأكده انهم. حتى من غير ما أتقولهم وصلوا ل أبوكم الخبر. يعني اب طريقه غير مباشره
كلامكم صحيح ماكو إشارات ايجابيه اذا صار رجعه نفسيتها تعبانه لانها ماتبي اتساعد نفسها ومو راضيه احد يساعدها. بعد الطلاق الاول قالها الاستشاري انها أاماري جلد الذات وماني عارف اذا هالشي للحين موجود ولا لا والله احس ان كلام الحب الأبدي طلع كله كلام فاضي وخرافات ما عمري خنتها او ضربتها او غلطت عل اهلها او غلطت عليها وآخر شي تطعني اب ظهري اب هالسهوله :( معقوله الظروف النفسيه أتخلي الزوجه تترك زوجها انا ما أنكر ان عندها أمراض نسائيه ويمكن اثرت عليها زياده بس مو لدرجه هدم البيت والبلاوي الي يت وراها |
رد : احترت بين كلام طليقتي عن رجوعها والقضايا المتلاحقة في المحاكم
تجاهل اشاراتها الان
و اصبر حتي تصرح برغبتها في الرجوع و حسبما وصفك لحالتها لن يطول الامر وقتها راح يكون موقفك قوي نوعا ما صارحها بان الرجوع الي الوضع السابق لا يفيد اذا لم تتغير سبل العلاج متوفرة اذا اخلصت النية و اكيد تكون استفادت من تجربة الطلاق و هذا في صالحك استعن ايضا بالرقية الشرعية |
رد : احترت بين كلام طليقتي عن رجوعها والقضايا المتلاحقة في المحاكم
هي ماحاولت تدق عليك لتصل لحل لمشكلتها
شكلها عندها مرض نفسي او عين او حسد لازم ترقي حالها لمده شهر ع الاقل بس انت خليك مبتعد احسن والله اعلم |
رد : احترت بين كلام طليقتي عن رجوعها والقضايا المتلاحقة في المحاكم
خليها تروح لشيخ يقراء عليها احس فيها شي ومدام عندكم اطفال حاول وربي يساعدك يااااارب
|
رد : احترت بين كلام طليقتي عن رجوعها والقضايا المتلاحقة في المحاكم
والله يا أخواتي اغلب المقربين لي قالولي نفس كلامكم
عطه فرصه اتفكر واتراجع نفسها واتعالج مشاكلها من بداية المشاكل وانا انصحها اتروح لشيخ يقرا عليها تقول لا انا بعالج نفسي اب نفسي جنها خايفه وماتبي تقتنع ان ممكن عمل او سحر انا سألت وحده اتعالج بالقرآن وتعطي زيوت معينه سألتني اذا زوجتي فيها تكيسات بالرحم قلتلها نعم فيها وكل سنتين اتشيله ويرجع لها وقالتلي عيل زوجتك ساقينها شي وسبحان قبل خروجها من البيت اب يوم كنا انفكر متى موعد انسوي العمليه (هذي المره الرابعه ) قلتلها اتصلي بالمعالجة ورفضت للأسف |
رد : احترت بين كلام طليقتي عن رجوعها والقضايا المتلاحقة في المحاكم
انا خايف اهي تبي ترجع وانا ارفض
المشاكل و الكذب والتبلي والتشهير الي جاني منها ومن اهلها ( اخر مره قبل 3 أسابيع ) قاعد يخليني انفر منها ومن اهلها اكثر وأكثر. احس اني ما اقدر اثق فيها مره ثانيه خروج من بيتي الى بيت اهلها تفضيل اهلها المستمر علييي مخافر و محاكم من اول خروجها من البيت حتى بالمحكمة قالت اني طلقت من غير رضاها والصحيح اني اهي ضغطت علييي وغيره ساعات أقول لا اهي ولا اهلها خافوا من الله شلون برجع لها؟ شلون اثق فيها مره ثانيه؟ شلون رضوا المحامي يكذب اني لا اصرف وانا مقتدر ؟ لما قلتلها شلون المحامي يقول هالكلام ؟ قالتلي هذا كلام محامين مالك شغل فيه. طيب نفسيا الواحد ما ينفر؟ الفتره الاخيره قالت راح يجي اليوم واتعرف اني مالي شغل بالقضايا والمحاكم ( قصدها ابوها اهو السبب ) اقل شي محتاج انها تقسم بالقرآن علشان اصدق الثقه شبه معدومه |
رد : احترت بين كلام طليقتي عن رجوعها والقضايا المتلاحقة في المحاكم
اخوي الي في عين او سحر مابيقول ياهلا في الشيخ بيتهرب اكيد وانا معك ان الواحد طبيعي ينفر بعد هالامور لانها مو طبيعيه تسير في الحياة الاسرية وساعات الزن اقوووووووى سحر وربي انا اقول استخير وروق والله يجعلك تختار الي في الخير ووكل امرك لله ولو بتحاول عسى ربي يصلحها لنفسها ولك ولي اولادكم المشاكل يروح فيها الاطفال الله المستعان بس وانا حاسه فيك لان بعد ماطليقي دخلني محاكم وتهجموا علينا بتصرفات والكلام حاول يرجعني بس طلع اكبؤ كداب وماقدرت اصدقه ابد بس انا اشتخرت ورتحت مارجع لان مو رجال الصراحه بس انااقول حاول لجل اطفالك واستخيررررررررررررر وربي يختار لكم الخير يارب ويعوضك عوض الصابرين
|
رد : احترت بين كلام طليقتي عن رجوعها والقضايا المتلاحقة في المحاكم
تعوذ من ابليس اخي
لما بدات هي تلين و بان ندمها الشيطان بدا يكبر في راسك اخطاءها عشان يقطع عليكم طريق الصلح هي في حكم المريض الي ما يلام علي تصرفاته و قالت لك اهلي مو انا و بعدين مين مننا ما جرح و انجرح من شريك حياته و هذي حياتنا ماشية انت عندك اولاد في يوم راح يرجعولك و راح يلوموك انه امه حاولت ترجع و انت صديتها يمكن الي صار كان خيرة و يخدم علاقتكم في المستقبل المهم ارجعوا تابعوا عند مختصين و حلوا سبب المشكلة و داوموا علي الرقية الشرعية |
رد : احترت بين كلام طليقتي عن رجوعها والقضايا المتلاحقة في المحاكم
مشكورين يا اخوات
الله المستعان |
رد : احترت بين كلام طليقتي عن رجوعها والقضايا المتلاحقة في المحاكم
اخوي اصبر ولا تستسلم لوسوسة الشيطان
الحين هي بدات تتحسن بدليل روحتها للطبيب معناته هي تحاول تصلح مشاكلها وتحاول ترجع احسن من الاول والخطوه الاولى لابد ان تبدا بنفسها بدون ضغوط من تحد الله يصلح اهلها المفروض يقفون جنبها ويساعدنكم ﻻ لحل مشاكلهم الله يفرج همك ويسر امرك -- |
رد : احترت بين كلام طليقتي عن رجوعها والقضايا المتلاحقة في المحاكم
هي اول مره تروح طبيب لو اول خطوه مررررره كويسه وانها تبغى تتغير وساعدها ان تبين ان تبغى ترجع بس تكمل الكورسات مع الطبيب وتتحسن معرف اشوف كدا وكمان لا تندفع مره قبل لاتشوف خطوات ايجابية منها ومعليه الحب الابدي هو لمن كل مين يتحمل التاني ويساعده في مشاكله كدا يجي الحب ويستمر ولساتكم صغار
|
| الساعة الآن 10:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©