|
لا أجد كلمة شكر من زوجي مهما فعلت
السلام عليكم ..
موضوعي مو مشكله ولكن ابي استفيد من خبرتكم .. زوجي لو اجيب الدنيا بين ايديه مافيه امل ينطق كلمة شكرا ودايم اذكره مثلا سويت شي حلو اقول فيه ناس ماقالوا كلمه حلوه تفرحني والا شكله ماعجبهم .. يرد باابتسامه بس والا يستهزي بضحك.. اقرب موقف .. جو عندي اهله وقمت بااكرامهم فوق طاقتي .. وحتى من ناحيته هو جعلته مثلك الملك كله عشان ابيه يفرح وينبسط مني راحوا اهله وجلست ثلاث ايام مانطق بكلمه سالته قلت استغربت منك توقعت بيفرحك هذا الشي قال انا مبسوط منك بس مو لازم اشكرك هذا طبعي والله حطمني اتمنى اشوف مشاعره خاصه بعد الجهد ..hfh افتوني بتجاربكم وخبرتكم كيف اقدر اغير هالصفه فيه ..؟؟؟ تم تعديل العنوان ليتناسب مع مضمون الموضوع |
رد : زوجي وموضوع الشكر ..!!
لاتسنين شكر من اي انسان الشكر لله وحده ولاعد تسألينة سوي اللي تبينه وبما يرضي الله
واجرك على رب الكريم |
رد : زوجي وموضوع الشكر ..!!
شكل زوجك من النوع الثقيل يخاف بمدحك تخربين علية . اعملي مايملية عليك ضميرك لاتنتطرين جزاء ولا شكورا
|
رد : زوجي وموضوع الشكر ..!!
اقتباس:
يهدي بالك بعد التعب .. لكن عسى ربي يهديه .. مشكوره ع الرد غاليتي |
رد : زوجي وموضوع الشكر ..!!
اقتباس:
لكن بجد متعب مافيه امل تشوفي الفرحه بعينه .. شكرا اختي ماقصرتي |
رد : زوجي وموضوع الشكر ..!!
ينقل الى القسم الانسب
قسم المتزوجين |
رد : زوجي وموضوع الشكر ..!!
اجلسي معاه وصارحيه انك بحاجة لشكر وتقدير وهذا من حقك
قوليله لو استمريت بالطريقة هذه ماراح تخليني اتحمس لتقديم شي مرة ثانيه تحفيزك مهم عندي كي استمر واقدم الافضل وذكريه من لايشكر الناس لايشكر الله |
رد : لا أجد كلمة شكر من زوجي مهما فعلت
مثلك يفرحني الامتنان و الشكر
لا يشكر الله من لا يشكر الناس عارفة لو قدملي احد ماء مستحيل اعدي الموقف دون شكره و الدعاء له , حتي لو الي قدمته لي بنتي انتي خلي الشكر و الدعاء علي لسانك دائما , الله يحفظك ’ يعطيك العافية , مشكور و ما قصرت هو حيقتدي بك لا شعوريا و يصير يقلدك , لما تجي تلقائيا افضل مو حلوة تطلبيها و اذا ما حس اجرك علي الله , تظل الكلمة الطيبة صدقة hth |
رد : لا أجد كلمة شكر من زوجي مهما فعلت
يمكن الشكر عنده بالافعال
يعني يردها لك بمواقف |
رد : لا أجد كلمة شكر من زوجي مهما فعلت
جزاكن الله خير ..
المصارحه حاولت ولكن مافاد يقول مو لازم اصلا هذا واجب قلت واجب افعل الواجب لكن الزيادات انا من عندي واحب اشوف فرحتك وتقديرك *قال هذا اسلوبي .. قلت بس انا احب عشان يكون تحفيز لي قال خلاص مشكوره كانه يستهزئ .. ومن ناحيتي انا شكور لو يجيب زبادي اقوله شكرا اقوله ع اشياء بسيطه وجربت اوقف مااشكره مانفع معاه .. يعني زياده على ان اسلوبه جاف .. زياده مايشكر ابد |
رد : لا أجد كلمة شكر من زوجي مهما فعلت
هل جربت اسلوب المزاح؟
وضعي كان يشبه وضعك ولكن ليس بنفس الحدة اعتمدت اسلوب مضحك والحقيقة اعطى ثماره فتغير الوضع مثلا: بعد الغدا كنت اقول: سلم دياتك يا فلانة (انا) والله الغدا بيعقد او مثلا كنت انظر لنفسي في المرآة واقول: ما شاء الله قمر مرة بعد مرة اعتاد على هذه التعليقات وبدا بابداء اعجابه وشكره. بالتوفيق ان شاء الله |
رد : لا أجد كلمة شكر من زوجي مهما فعلت
اقتباس:
فعلا الاسلوب دا مجرب jyjy |
رد : لا أجد كلمة شكر من زوجي مهما فعلت
ههههههه.
جفاف على قولت أختي اخوي كذا ما يشكر ولا يقول يعطيك العافية حتى مع زوجته زوجته تقول عادي اذا جيت اتغدا او اتقهوا أقول له كثر الله خيرك يا فلان عادي يرد عليها خيرنا وخيرك تقول صار العكس |
رد : لا أجد كلمة شكر من زوجي مهما فعلت
مرجانه & ديمه
بجرب اطول فيها مع انه ع قولتك لو بمدح نفسي يقول يجيب مثل بااستهزاء معناته انه انتي اللي تمدحين اكيد بتعجبين نفسك .. اسلوبه يحاول يهز الثقه توق .. ضحكتيني يعني مافيه امل مع الاشكال |
رد : لا أجد كلمة شكر من زوجي مهما فعلت
حبيبتي زوجي كان زي زوجك
والمشكله انا متعودة على اخواني لو اجيب لهم كاسة مويه يشكروني وانصدمت من زوجي لكن مرا كان عندي عمو وسويت له اكل وسلم على راسي وشكرني للصبح جلست اسبوع فرحانهfdgrg من بعدها تعلم ههههههههه ونفس طريقة marjanah تنفع كثير من جد ماادري ليه يبخلوا بالشكر مايدروا ان كلمة شكرا تعطينيا دافع للعطاء اكثر hfh |
رد : لا أجد كلمة شكر من زوجي مهما فعلت
والله يا فوفو طريقة مرجانه ممتازة ،، هههههه يتراوى لي معظمنه يشتكي من هالحال مالك الا هالاسلوب استخدمته ونفع ... ولما قالك هذا مو اسلوبي وطريقتي فصدقيه حبيبتي وماعتقد يكون قاصد ما يشكرك وانما هذا كطبع اشوفه عند المعظم واولهم زوجي ولما سالته يقولي على بالكم احنا مثلكم ؟ ليش ما عطاني وجهه ، ليش ما اكلني بيده ، ليش ماشكرني يعني ما اعجبه ،، يقول احنا مو ببالنه هالكلام انا عاجبني واحبه بس ما يجي بباللي اقوله! من غير قصد يعني ...
|
رد : لا أجد كلمة شكر من زوجي مهما فعلت
اقتباس:
ماعليكي امدحي نفسك وتدللي او اتفقي مع واحد من اخوانك يمدحك ويشكرك ممكن يغار khh اسأليني انا عن طبع الرجال تعاملت مع 12 اخ وكنت ممشيتهم على كيفي باسلوبي hgh بس زوجي عانيت معاه |
رد : لا أجد كلمة شكر من زوجي مهما فعلت
ام مريمي .. ملك .. مرجانه
جزاكم الله الجنه الله يسخر لكم ازواجكم ومن تحبون يااااارب من جد افدتوني .. وبجرب معاه ..الله يهديه .. ملك ضحكتيني لما قلتي ماعليك منه بحاول والله مع اني لما يرمي كلمة اتحطم اقول في نفسي ﻻيش مو شايف جمالي وما يحس بدلعي لكن بسوي اللي قلتوه وبزيد الثقه حبتين ونشوف الله يهديه |
رد : لا أجد كلمة شكر من زوجي مهما فعلت
وعليكم السلام ورحمة الله وبركاته ..
مرحباً أختي الكريمة ، أحياناً يكون السبب المكان الذي هو فيه تعود على الجفاء .. أنتِ من تجعليه يكون مثلكِ ، لو فعل لكِ شيء قوليها من أعماق قلبكِ شكراً زوجي الحنون وهكذا ، بعد فترة سيكون مثلكِ .. فقط تحتاجين صبر ، لاتحاولي الوقوف وتكوني مثله .. أُمنياتي لكِ بحياة مليئة بالإحترام والحب والسلام .. |
| الساعة الآن 11:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©