|
ولدي وبنت اخته تصرف غريب
السلام عليكم
بنات انا في مصيبه وورطه وشي ماتوقعته يصير ابداا ولدي برمضان بيتم ال 4 سنوات وعنده بنات اخته توأم بنفس عمره اكبر منه بس بشهر قبل ثلاث شهور تقريبا دقت علي بنت زوجي ام البنات قالت لقيت ولدك وبناتي بالحوش يلعبون وفاصخين ملابسهم وللامانه ولدك ماله شغل لاني سمعت البنات يقولون له فصخ ملابسك وضربت بناتي قدامه وطردته طبعا انا استخفيت دخل علي ومسكته وهاوشته وتكلمت معاه ليش كذا قال ماما مو انا هم قالو نبي نشوف عيبك ونتسابق بدون سروال عشان نركض بسرعه المهم انا ماضربتها لاني شفت وجهه خايف يوم شاف البنات انضربو قدامه قبل فتره كذا شهر كانو عندي يلعبون بالغرفه حقت الالعاب فجاه اختفى صوتهم دخلت ع مصيبه لقيت وحده من البنات نايمه وولدي ماسك قلم وجالس يحط لها من تحت وماعليها ملابس طبعا ولدي مافصخ بس البنت كانت منزله ملابسها لما صرخت قال ماما انا مافصخت هي قالت انت دكتور وعطني ابره وكنت بعطيها ابره ابوه كان موجود وسمع صراخي ودخل وضربهم ضرب وبالذات ولدي لانه يقول خفت لو انه ضر البنت او لاقدر الله صار شي الزبده ولدي خاف وصاح لين قال امين والبنت بعد خافت من الضرب واتوقعت الموضوع انتهى ع كذا اليوم جالسين يلعبون كلهم الثلاثه في ثانيه وحده فقدت ولدي والبنت وادورهم ماهم بالبيت الا اتذكر انهم ماطلعو من الغرفه وفيه دولاب عبايات وافتحه الا الاقي ولدي والبنت وكلهم فاصخين من تحت وعليهم بس البلايز وكانت ام البنات فيه وضربت بناتها واخذتهم انا ضربته بس ع خفيف وحبسته بالغرفه للحين كمل ساعتين محبوس فتحت الباب عليه وجلسته ع الكرسي قلت ماراح اطلعك لين تقول لي من قالك تفصخ ومن شايف يشيل ملابسه طبعا من اليوم يصيح يقول انا فصخت عشان بنشوف عيبنا وهم قالو عيبك غيرنا ومو حلو وقالو نبي نشوفه يابنات بنجن والله بكيت من القهر مو عارفه اتصرف والموضوع مو سهل وماادري وش الحل الحين كيف اتصرف من اليوم يطلع ويبوس يدي وراسي ويقول اسف ومااعيدها وجهه صار ازرق من الصياح بس كل مااعتذر قلت مابي اكلمك ارجع للغرفه ولدي مايشوف تلفزيون عنده ايبود واحمله العاب وتحت اشرافي من ناحيتي انا وابوه ولا عمره شاف موقف مو زين سالت بنت زوجي بناتك شايفين شي وتحلف ماشافو شي مع العلم مااثق فيها مو لاني برمي اللوم عليها بس لانها معطيتهم اجهزه ويفتحون نت بدون ماتتابعهم انا قلت لها لاعاد يجون عندي عشان يحسون ان فيه شي غلط وولدي ماعاد بخليه يطلع للعب عطوني رايكم راسي بينفجر من التفكير |
رد : ولدي وبنت اخته تصرف غريب
دامك محافظة على ولدك وعارفه انه برئ فردة فعلك من ضرب وغيره مبالغ فيها جداً
وخليتيه يركز عالموضوع .. وكمان بنت زوجك ردة فعلها بصراحة تزيد الطين بله خذي ولدك في حظنك وفهميه بالطيب واقنعيه ان محد يكشف عيبه قدام احد مين ما كان وارفعي منه وقوليله الجانب الجميل في الموضوع انه تصير بطل وقوي ومحترم و... و ... وكل الابطال كذا محد يشوف عيبهم شجعيه ولا تخوفينه أبداً أو ترهبينه .. انت جربتي هذا الطريق من ضرب وزعل خلاص كفاية وحركاته باين جهل وجات رمية بدون رامي وكمان البنات جات فكرة غبية والفضول ومايسوي.. |
رد : ولدي وبنت اخته تصرف غريب
لربما هولاء الاطفال ينامون في غرفة الام والاب ويشاهدون كل حاجه
تصير مع الوالدين لربما انتبهووا وشكرا |
رد : ولدي وبنت اخته تصرف غريب
انا يهمني احل الموضوع واعرف ايش السبب اللي يخليه يكرر التصرف
ولدي يلعب مع بنات اختي وفيه اللي بعمره وفيه اكبر منه ولاعمره صلح كذا بس مع بنات اخته وهذي ثالث مره مابي احط اللوم عليهم لكن لو كانو هم السبب لازم ابعد ولدي عنهم ابوه ماعرف لسه ولو عرف راح يذبحه ضرب لانه مايبي بنات بنته يصير لهم شي معاه حق انا بعد يهمني امرهم ويهمني ولدي كلهم اطفال مايعرفون ايش الموضوع بكى كثير كثير ناديته واعطيته عشاه ودخلته ينام بدون ماسامحته نام وهو خايف مره ماادري صح تصرفي او غلط البنات عندنا ع طول وانا قلت لاعاد يجون عندي وولدي مايروح لهم المشكله لايمكن يستمر الوضع انهم مايتقابلون بس الكم يوم ذي ايش اقوله ليش مااخليه يروح اخاف اذكره بغلطه ويزيد وخصوصا انه عنيد جداا ومايمشي معاه القوه |
رد : ولدي وبنت اخته تصرف غريب
حزنت عليه وانتي تقولي وجهه ازرق من البكا وانحبس 4 ساعات ونام وهو مرعوب على فضول يواجه كل الاطفال ...
صحيح انه تصرف البنات غلط وصحيح انه طاعته لهم تعني انه اقتراحهم عجبه لكن تصرفك تجاه غلطته خلاه يكررها .. من اول مرة مافهمتيه ليش هذا غلط ولا عرف ليش لازم ما يعيدها . اول شي روحي هللا واحضنيه وبوسيه حتى لو كان نايم ... بلاش يظل طول الليل يحلم كوابيس بكره اقعدي معاه وفهميه انه العيب شيء خاص فيه وشيء مهم وحلو ولازم يحافظ عليه ونستعمله بس بالاشياء اللي ربنا خلقه عشانها مو للعب ... مثل فمنا او اذننا .. ليش ربنا خلق لنا فمنا ؟؟ بيقول لك ابنك عشان ناكل فيه ونتكلم فيه ... اساليه ينفع نسوي فمنا لعبة ونغز فيه الابره؟؟ كيف راح نتكلم فيه وناكل فيه لو عملناه لعبه ويمكن يتوسخ لما نكشفه ينفع نفتح فمنا ونتم ماشيين وفمنا مفتوح ؟؟؟ احنا نفتحه بس لما نتكلم ولما ناكل ولما نخلص نغسل .. والعيب نفس الشي نلبس ةنغطيه وما نكشفه الا لما نستعمله وقوليله انا زعلت من بنات اختك لانهم ما حافظوا على عيبهم ولانهم قالوا لك تكشف عيبك وعقابهم انهم ما يلعبوا معك .. لانك انت ولد شاطر وما تسوي مثلهم .. وانا امبارح زعلت منك لانك سمعتهم وطعتهم وما طعتني واطلبي منه وعد يحافظ على عيبه من الناس الغريبين والله يعينك يمكن تضطري تشرحي له انه الكل غريب بالنسبة للعيب ما عدا الام والزوجة ... ما بدنا هالموقف يخليه يتعقد من الجنس بالمستقبل وفرصة تشرحي له حتى يحرص من التحرش . |
رد : ولدي وبنت اخته تصرف غريب
انا من خوفي عليه حبسته وهو انقهر مره بالذات اخوه اصغر منه كان يلعب وهو عشيته ولبسته بجامته ونومته غصب
بالعاده اذا دخلته غصب يرد علي ويعاند ويرفض ينام ويجلس يصيح اليوم مارد علي عيونه كلها خوف قال لاتقولي ل بابا يجي ويضربني بالعقال وانا نايم ولارديت عليه قلت اصلا انا وياك متخاصمين نام ولاتكلمني نمت جنبه ع السرير قال ماما شغلي نور الجوال بشوف وجهك شغلته وعيونه حمراء قلت يالله سم بالله ونام عشر دقايق ونام بدون كلام بعدها بساعه دخلت عليه ويتقلب وشكله متوتر مره مابي اعقده ولا ابي اخليه بدون عقاب خايفه يتكرر الموقف وضايعه مااعرف احل الموضوع المرات اللي قبل كذا قلت له هذا حقك انت ومااحد يشوفه وشوف انا وبابا واخوانك والشغاله مانطلع عيبنا عند احد ولانبدل ملابسنا قدام الناس وحسيته فاهم علي وقال حاضر ومااعيدها وكررها وهذي الثالثه ولو مالقيت حل الموضوع بيتعقد وبيتكرر اكثر من كذا ومو كل مره تسلم الجره المره مع البنات بكره الله يستر لو احد استغله انتظر رايكم بنات ابي حلول كيف اقنعه انه لاتطيع احد وكيف اتعامل مع البنات وهم دايم عندنا |
رد : ولدي وبنت اخته تصرف غريب
لا تملي من تكرار كلامك عليه
حتى لو المرة الماضية اقتنع بكلامك ورجع ابفضول والبنات طغوه فمع التكرار بيقتنع والله صغير على الضرب بالعقال اشرحيله بالمثال اللي قلته لك عن الفم .. بتصير الصورة بذهنه اوضح ان شاء الله ومافيها شي ان تخففي لعبه مع البنات . ولما يلعبوا يكوونوا بنفس الغرفة عندك وادعيله ..دعاء الام مستجاب .. وحصنيه بالمعوذات كل صباح واستودعيه عند الله الله يحفظه لك .. شكله ذكي الله يحميه |
رد : ولدي وبنت اخته تصرف غريب
الان تناسي الي حصل و لا ترجعي تكلميه في الموضوع عشان ينسي هو ايضا
في هذه السن بعض تصرفاتهم طبيعية يبدأوا يكتشفوا في جسمهم حتي فصخ الملابس طبيعي , لا حظي لما تجي تغيري لهم بعد ما يقلعوا يرفضوا يلبسوا و يهربوا منك رافضين يلبسوا و فرحانين بحالهم لا تخلوهم يلعبوا في اماكن مغلقة ’يطلعوا العابهم و يلعبوا في الحوش او في اي مكان مفتوح تمروا عليه و هي تنتبه لبناتها كيف النت مفتوح بدون مراقبة هذا تهاون و واضح انها غير مسؤولة |
رد : ولدي وبنت اخته تصرف غريب
قبل شوي ارسلت لي تقول انها لقت بجهاز بناتها احد باحث باليوتيوب بكلمه وصخه وطبعا بناتها مايعرفون يكتبون
تقول انها اكتشفت انه ولد اخوها اللي بالابتدائي كاتبها وباحث وطالع له مقطع وان المقطع ينحفظ تلقائي بالجهاز وانه يمكن بناتي شافوه ويمكن لا ماشافوها هي قالت لي هالكلام لانها تعرف اني جداا عصبيه وقالت بالله هدي عليه ومارح يعيدوها اذا انحرمو من بعض وانه لاعاد تضربينه ترى ماله ذنب انا اللي قاهرني كيف ماله ذنب وانا كم مره مبهته انه مايخلع قدام احد غيري ابد وحتى بابا قايله له مايشوفك ولا يغير لك لبسك بس انا ابدل ملابسك وبس الدكتور يكشف عليك لو كنت تعبانه واكون جنبك وهو ذكي جداا وعنيد بنفس الوقت الحاجه اللي مااحد يبررها له يموت ولاينفذها هو عنده جهاز ايبود وممنوع يمسكه كثير بس كم ساعه وعلى الالعاب اللي انا احملها والعب معاها فيها ويجلس دايم يناقشني ليش انتي تنامين بالغرفه وجوالك معاك وانا انام بدون جوالي على كثر مااعطيه ردود ابي اقنعه الا انه شايف نفسه مظلوم ومايقتنع بردودي عشان كذا هالموضوع متعبني لانه ماراح يبطل هالحركه الا اذا اقتنع تماما انها غلط ايش اصلح اذا صحى الصباح اعامله عادي ولا بحنان اكثر تعويض عن اليوم ولا اقسي معاه عشان مايفكر اني نسيت غلطته وجهوني الله يخلي لكم ماعطاكم |
رد : ولدي وبنت اخته تصرف غريب
لا تشدي عليه اكثر
مثل ما قالت لك سابين هذا فضول طبيعي عند كل الاطفال وارجعي لردي الاول .الطريقة اللي قلت لك عليها راح تقنعه باذن الله . انا عارفه انه ما راح يطيعك الا بتبرير وتوضيح يقتنع فيه ومثل ما قالو لك تكبير الموضوع راح يخليه يركز عليه اكثر هو بمرحلة عمرية تحتاجي تنتبهي عليه شوي وهو مع البنات وتاخذي احتياطك وشوي ويكبر وتروح مرحلة الفضول هذي ويصير يخجل بدون ما انتي توجههيه توكلي على الله ونامي وبكره عامليه عادي . لا حنان زيادة ولا قسوة ... صفحة وانطوت ويوم وانتهى ولو رجع كلمك او حسيتي انه لسه الموضوع بباله اشرحي له بهدوء وعاتبيه ليه ما سمع كلامك وبوسيه .. نوعيه طفلك ذكي وعنيد وعاطفي وحساس الله يحميه ويحفظه .. لا تنسي الدعاء له |
رد : ولدي وبنت اخته تصرف غريب
فعلا موضوع حساس بهذا العمر
ولا يمكن التعامل معه بالشدة والضرب هناك العديد من النظريات التي تثبت أن الطفل بهذا العمر يدرك الاختلاف بين الجنسين ويكون له فضول لمعرفة الكثير لكن إن حصل التوجيه والإشراف عليه لن يتطور الموضوع معه لذلك كوني لينة معه أقنعيه بإجاباتك عليه طمنينا شو صار معاك اليوم |
رد : ولدي وبنت اخته تصرف غريب
قام من النوم وعادي يلعب بس باين مو ناسي الموضوع من نظراته وعيونه
يحاول يثبت لي انه يسمع كلامي ويتقرب لي جاب شنطه لي قال ماما ريحتها حلوه عشان حقتك ولدي ذكي وماينسى بسهوله راح يجي العصر وبيطلب انه يروح يلعب مع بنات اخته ايش ارد عليه ؟؟ وابوه اذا جاء وعرف بالقصه كيف افهمه انه مايضربه هل اتكلم معاه اليوم واقوله انه لاتوري احد عيبك ولا تشيل ملابسك ولا كيف افهمه اصلا ان ذا غلط؟ |
رد : ولدي وبنت اخته تصرف غريب
اقتباس:
هل تقدري تقنعيه أنه الضرب بهذه الحالة يضر وما يفيد ؟؟ لو ما راح يقتنع فماله داعي تتبرعي بذكر الموضوع لأبوه ... ولو عرف من حد ثاني قوليله أنا عاقبته وضربته وقاعده أعالج الموضوع بطرق ثانية ... لو فشلت بقولك تتدخل .. خليك خيارنا القوي اللي نلجأ له لو رجع عادها وما أتوقع بيعيدها ... بالنسبة للولد لما يطلب يلعب مع البنات قولي له أنا وأمهم عاقبناهم لأنهم يشيلوا ملابسهم ويطلبوا منك تشيلها .. لو شافك هادية وانتي تتكلمي ممكن يتجرأ ويسألك الأسئلة اللي تدور بباله .. جاوبيه بهدوء وأعطيه أمثله عشان يفهم ويقتنع . لما يرجعوا يلعبوا مع بعض سواء هذولي البنات أو غيرهم ضروري ومفروض حتى لو الأولاد بريئين أنه يتراقبوا وما يلعبوا بمكان مغلق ولا لوحدهم . وانتهى الموضوع ... فترة سنة أو سنتين تراقبيهم خلال الللعب لأنه ممكن يجرحوا أنفسهم وممكن يحرقوا المكان ..مو بس موضوع عيب وملابس ... ما يجوز يكونوا بمكان مغلق لوحدهم . لما يكبر شوي هو لحاله بيطلع من هذي المرحلة . |
رد : ولدي وبنت اخته تصرف غريب
اقتباس:
ياختي لو صار فيه شي والله لتبكين بدل الدموع دم .. وأم البنات ياتنتبه لبناتها وتعلمهم بأدب يا بلاش من العنا ذا.. |
رد : ولدي وبنت اخته تصرف غريب
اكبر غلط بهالمواضيع الظرب لان الأطفال بهالعمر مش متعمدين يعملوا شي غلط ولاهم فاهمين أصلا ان الوضع غلط
وضربه يخليه يفقد الثقة فيك وما عاد يقولك شي او يصارحك باي موضوع يضايقه وحتى لو تكرر هالتصرف من البنات مارح يجي يقولك لانه خايف تضربيه خديه بالحب والحنان واكسبي ثقته وحسسيه بالأمان علشان تكوني مستودع سره وما يخبي عليك شي أما بالنسبة للبنات كلمي أمهم ماتضربهم وتحاول تعرف أيش السبب من ورى تصرفاتهم لان تعمدهم أنهم يتخبو ويعملو كذا دليل أن الموضوع ورآه شي اكبر قد يكون أحد يطلب منهم يشيلو ملابسهم لاقدر الله أو أنهم يشوفوا أحد الموضوع كبير ولازم الام ما تسكت عنه البنات وضعهم أخطر من وضع أبنك ولا رح يصارحوا أمهم الا اذا شعروا بالأمان معها |
رد : ولدي وبنت اخته تصرف غريب
بنات تدمرت نفسيتي ماعاد اتحمل
تخيلو عقب ذيك المره ماعاد تكلمت مع ولدي ولاقلت له شي اليوم جت بنت اخته وقالت بلعب عندكم وسمحت لها وقعدو يلعبون بالحوش والشغاله معاهم بس ناديتها تفتح للبقاله والاهي داخله تركض قالت مدام فصخو ملابسهم ولدي ياناس يلعب مع الكل واجتماعي عمره ماصلح هالحركات تعبت ماني عارفه كيف احل هالمشكله ماعاد ابي اشوف هالبنات في بيتي والمصيبه زوجي جدهم ولايمكن اطردهم ماراح يرضى وانا ولدي الضحيه دخل ابوه وضربه وهي مااحد ضربها قال روحي لبيتكم وراحت وولدي اكل ضرب لين ذبل في يد ابوه من كثر ماصاح نام ع الكنب انا وش في يدي عشان اصلحه تعذبت من هالموضوع |
رد : ولدي وبنت اخته تصرف غريب
اقتباس:
قولي له ليش تفصخ ملابسك مو حراام ورب العالمين بيحاسبك وبيزعل منك العورة ما بصير حدا يشوفها غيرك وبس انا وقت نضفلك ..... قولي له شوف ابوك بيفصخ ملابسه قدام حدا او بيطلع هيك على حوش شوف انا والخدامه ما بنفصخ قدام حدا ليش لانه حرام وررب العالمين بيحاسبنا واي حدا بيفصخ ملابسه او بيطلب منك تفصخ هذا واحد قليل ادب ورب العالمين بيزعل منه ويحاسبه يوم القيامه ويدخله النار انت بدك تصير قليل ادب و تدخل النار واللعب والواحد فاصخ شئ حلو لاء مو حلو مقرف وقولي له مثال خالة بيتا لان ما شاء الله مبين ذكي ما بيمشي معه الا الاقناع العقلي وخليه يوعدك انه ما يعيدها وقولي له اذا طلبو منك البنات تعمل هيك تعالي فورا قول لي وجيبيله لعبه لانه وعدك يصير شطور وخليكي حنونه عليه لان وقت يجو بنات اخته م بيلعب معهم هيك لان بيخاف يفقد حنانك ويصير منوذ وشددي على ام البنات كثير تذمري منها وخلي زوجك يحكي مع بنته تشدد عليهم ما بصير هالكلام وانتي كل ما يجو بيتك ويطلبو يفصخو اتصلي فيها وقوليلها بناتك جننيها من تذمر كيفها بنتك رجعت ترضع منك الله يحفظهم لك ويباركلك فيهم ويعينك على تربيتهم |
| الساعة الآن 11:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©