اريد طبيب نفسي او معالج نفسي يساعدني
 

انا اختي من حوالي 6 شهور انفصلت عن جوزها بقرارها هيها (خلع) ومعاها 3 بنات منه
وبعدها بشويه ابتدت تتدين وبقت تحافظ علي صلاتها وتصلي كتير وتعيط كتير
وفي يوم حست انها هتموت وكانت عندنا في البيت واتصلت علي كل الناس وقالتلهم سامحوني وبلغت واحد انه يقول لجوزها انها مسامحاه ياريت هو يسامحها والحمد لله اليوم عدي علي خير واحساس الانقباض ده انتهي ورجعت شقتها
بعد كام يوم برضه مستمره في البكاء وقعدت فتره كده وبعد كده جت في يوم وكانت بتتصل بقرايبنا وتقولهم تحبوا ادعيلكوا بايه اي حاجه انتوا عوزينها ، الناس طلبت حاجات منها بس مفيش حاجه حصلت
واحنا ساعدنها عشان متضايقش لانها كانت بتحدد معاد اجابه الدعوه بانك مينفعش تشرطي علي ربنا لانه هو اللي بيختار وقت الاجابه اقتنعت وقالت انها كانت مفتونه
وبعدها بشويه بدأت تقول كلام تاني انها عرفت اسم الله الاعظم الذي اذا دعي به اجاب واذا سئل به اعطي مع العلم انه في الاحاديث الشريفه الرسول عليه الصلاه والسلام كان يعرفه بس مقالوش وحاجات تاني عرفتها ليها علاقه بالساعه المستجاب فيها الدعاء يوم الجمعه وفي الليل وليله القدر وعايزه تبلغ كل الناس بالكلام ده عشان يعبدوا ربنا ويدعوه في الوقت ده في ناس كانت بتصدق وناس لا وبدأت في انها تكتب الكلام ده في ورق وتوزعه وقالت هنزله علي اليوتيوب
في الوقت ده ماما قررت تجيبها عندنا وفضينا شقه في البيت وقعدت معانا بقت مركزه في صلاه كل واحد فينا وفي لبسي انا المهم ماما قالتلها ملكيش دعوه باختك قالتلها همنعها انها تروح الشغل وانا مبقتش اكلمها وكل كام يوم كانت بتعلق علي وانا مكنتش برد
وكانت بتخبط علينا كلنا في الفجر عشان نصلي فيه اللي بيصحي واللي مش بيصحي وكل يوم كان كده واخوي لما التزم شويه بالصلاة قالت شوفتوا خليتوا يلتزم
المهم ماما اول واحده بدأت تعارضها وقالتلها ملكيش دعوه بصلاتي مع العلم ان ماما ملتزمه جدا بالصلاه
وامتحانات ولادها جت وخلت بنتها متروحش امتحان عشان مش مذاكره وقالتلها مش مهم احنا خلاص في اخر الزمان والانجليزي والعلوم وكل الحاجات دي ملهاش لزمه
رحنا قلنلها خلاص تعالي نروح لدكتور نفسي واثبتي انه معندكيش مشكله الدكتور بعد ماسمع امي وسمعها وقالوا كل الكلام ده طلب منها انها تاخد دواء لم ترضي وحاول ان يقنعها بشتي الطرق مرضتش راح طلب من امي بعد ماخرجت هيها انها تحطلها الدواء في اي حاجه بس متكونش سخنه وانه مناقشهاش في اي حاجه بتقولها نسمع بس لانقول صح ولا غلط
ادناها الدوا مرتين وفي المره التالته كان في الايس كريم حسته انه مرضتش تكمله وبعد شويه جت وهيها متعصبه وكسرتلي حاجات من الاوضه لانه بنتها تقريبا سمعت انه احنا حطينا الدواء في الايس كريم وقالتلها بس وقالت كلام كتير انه ماما مش امها وانها بنت سيدنا محمد وضغطت عليها تحللها ال DNA
روحت انا للدكتور وقلتله علي اللي حصل قالي انه عندها ضلالات وكتبلي دوا تاني وشطب علي اللي عدي وقال لازم تاخده لاما هتدخل المستشفي اول مره تاخد الدوا ماما عملتها كوكتيل وادتهولها وقالتلها خدي اشربي شربت وقامت من النوم في الفجر بتزعق جامد وبتقول بتدوني دوا مجانين وعايزه تشوف الدوا عشان تشوف بتاع ايه وكسرت زجاج اوضتي عشان تدخل عندي وتاخد الدوا وانا ليه اخين عايشين في البيت نزلوا علي الصوت وقعدت تشتم واحد فيهم بطريقه مش طريقتها خالص عشان ضايقها والتاني قعدها غصب وهيها بتقول عملتوا فيه ايه عايزين تموتوني
بس وبعد كده ابتدت بقي تزعل من كل حد فينا مره واللي تزعل منه تقولها هفضحك وتفضل تزعق وتقول كلام عنه عشان تسمع الجيران وبقت تقول علينا ........ وجبنا ناس خالي وابن عمي عشان يهدوها قالت عليهم نفس الكلام فقالولها خلاص تعالي نروح لدكتور تاني لو مش مش يعرف ربنا زي مابتقولي واتفقوا معاها انها هتاخد الدوا لو طلب منها ده قالت ماشي خدتوا مره
وماما دخلت تكلمها تاني يوم فبتحط ايديها علي السرير ومتعرفش انه فيه فلوس جوه الكيس ده قالتها ايه ده انتي عايزه تسرقيني مع العلم انه ماما من زمان وهيها بتشلها الفلوس واختي خدتها منها وقالتلها انتي حراميه وراحت ودت الفلوس في البنك
وراحت عند عمي فحست انه احنا قلنا لكل الناس عنها انها مجنونه وبالذات مرات اخوي وماما فبتقولهم كلام وحش خالص في الشارع واحنا مش بنرد عليها
لحد ماجيت من كام يوم وقلتلها عايزه اتكلم معاكي تقولي لا يا...... انا هفضحك واخليكي متتجوزيش واخليكي تلجأي لربنا كده وتعيطيله وتبقي منكسره عشان انا اقولك صلي ومتصليش مع العلم برضه انه كنت ببقي مصليه ولما كانت تسئلني كنت اقولها ملكيش دعوه لاني برفض الاسلوب ده المهم اصريت عليها كذا مره اني اتكلم معاها لحد لما بصقت علي وسبتها ومشيت
وفي نفس اليوم جاتلي وهيها بتزعق فيه وبتقولي مش عايزه تتكلمي معاي رحت قولتلها اه بس من غير مانغلط في بعض واتناقشنا كتير في الحاجات اللي بتضايقها مننا وعندها سوء ظن فظيع كل حاجه بتفسرها غلط جدا وموصلناش لحاجه غير اني طلبت منها انه كل اللي انتي عايزاه هعمله هترجعلك فلوسك اللي هيها سلفتها لاخواتي وبتقول عليهم دلوقتي حراميه عشان مش معاهم دلوقتي وبجد دي مش اخلاقها
المهم جت في اخر اليوم وفضلت تعيطلي وتقولي انها بتحبني جدا زي بناتها وحكتلي علي كل حاجه تعباها وانه صحيح بتسمع اصوات من جواها وانه الاصوات دي اصوات الانبياء وبيضحكوا معاها وسيدنا محمد قالها انه هيها اتخلقت من نطفته هو والسيده عائشه وان النطفه دي من 1400 سنه والمعجزه حصلت وبقت في رحم ماما واتناقشنا انا وهيها واتفقنا انه التحليل لما يظهر هيبين انه اذا كانت امها ولا لا ولو ظهر انه امها هتروح للدكتور معاي بس قالتلي ده بيني وبينك ولو طلعت مش بنتها انا معاها في كل حاجه هيها عايزاها

مش عارفه بقي اللي بعمله ده صح ولا غلط اني استني معاها وفي خلال الاسبوع الباقي علي ظهور نتيجه التحليل اعمل معاها ايه واعمل مع نفسي ايه كمان لاني تعبت لاني شايفاها كده
واعمل ايه مع اخواتي اللي طول الوقت بيتشتموا هما وماما وبتقال عليهم قذرين وحراميه و.......
مع العلم اني اختي ذكيه جدا وكانت لما تدخل اي حوار لازم تقنع اللي قدامها باي حاجه حتي لو غلط بس قدرتها دي قلت كتير وكمان تفكيرها بقي غير منطقي وكله سوء ظن
ساعدوني

رد : اريد طبيب نفسي او معالج نفسي يساعدني
 

ارجوكم ساعدوني انا خلاص تعبت ومش قادره اشوف اختي كده يااااااااارب خليك معاي

رد : اريد طبيب نفسي او معالج نفسي يساعدني
 

ﻻ حول ولا قوة إلا بالله


اختك بحاجة لعلاج فوري حاولي تودونها لشيخ هي تثق فيه يقرأ عليها

وينصحها ولا تستسلموا لضغوطاتها وسيطرتها


كانوا اقوياء امامها


الله يشفيها يارب

رد : اريد طبيب نفسي او معالج نفسي يساعدني
 

اتعرضت علي 3 شيوخ وقرأوا قرءان عليها وقالوا مفيش اي حاجه وهيها كمان بتشغل قرءان كتير وبتقرأ كمان
وانا متأكده انه معندهاش حاجه مش ملبوسه يعني هيها مريضه نفسيه وانا محتاجه طبيب نفسي يساعدها ويساعدني انا مش قادره استحمل وحاسه اني الموت اهون علي من اني اشوف اختي كده هيها فعلا شخصيتها قويه بس بحس انه مفيش اضعف منها انا مش عارفه الصح انه تروح مستشفي ولا نستني تحليل DNA وماما كمان تعبت خالص بس انا بحاول ابعدها عنها لانها مش بتسمح لحد يدخل عندها غيري وعلي طول بريح ماما واديها امل

ومحتاجه كمان تدعولنا كتير

رد : اريد طبيب نفسي او معالج نفسي يساعدني
 

كيف مافيها شيء

وهي كذا حالها مو طبيعي ابحثواا عن شيخ متمكن من اللي مثل حالة اختك

ويمكن يفيدونك الإخوان اللي هنا

اهم شيء انتم لا تيتسلمون لضغوطها لأنها مو طبيعيه


الله يشفيها يا رب

رد : اريد طبيب نفسي او معالج نفسي يساعدني
 

امييييييييييييييييييين يارب وياريت اي حد يقدر يساعدني واي كان اللي عندها مريضه نفسيه او محتاجه شيخ احنا مستعدين نعمله بس تكون كويسه يااااااارب

رد : اريد طبيب نفسي او معالج نفسي يساعدني
 

اختي الفاضله اختك فيها مرض تفسي انا متاكده من هذا الشيء 100%
لازم لازم تذهبوا بها لطبيب نفسي ولازم تاكل العلاج هي الان تحت سيطرة المرض فلا تستطيع التحكم بتصرفاتها ولا افعالها

اذا لم تذهبوا بها الى طبيب ولم تتناول الادويه فلا اتوقع ابدا ان تتحسن حالتها

مهما استمرتم بالنقاش معها لن تصلو الى نتيجه لانها تحت تاثير المرض

وعلى فكره الادويه النفسيه تاخذ وقت على الاقل شهر حتى تتحسن لانها مواد كميائيه بالمخ والدواء يوازنها فتاخذ وقت

رد : اريد طبيب نفسي او معالج نفسي يساعدني
 

الي فيها مرض معروف وهو الذهان والذهان هو اضطراب عقلي وتنقسم اعراضه الى قسمين

الاول / الهلاوس السمعيه وهو انها تسمع اصوات تكلمها وانتم لا تسمعون هده الاصوات فقط هي تسمع هذه الاصوات تسمع اصوات تكلمها

الثاني / الضلالات وهو انها تعتقد اعتقادات غير منطقيه مثل قولها انها بنت النبي عليه السلام

اختك في حاله مرضيه واضحه واتوقع ان لم تاكل الدواء ان يزيد الوضع لديها ارجوا ان تتصرفو بسرعه ولا تقولو لها كلامك صح ولا غلط لا تناقشوها

رد : اريد طبيب نفسي او معالج نفسي يساعدني
 

رد : اريد طبيب نفسي او معالج نفسي يساعدني
 

ارجوا ان تطمنيننا على حال اختك .. اتمنى لها الشفاء العاجل

رد : اريد طبيب نفسي او معالج نفسي يساعدني
 

في حال رفضت تاكل العلاج لازم تدخلوها مستشفى نفسي مو عشان حالتها خطيره لا بس عشان يجبروها انها تاكل الدواء لانها لو رفضت تاكل الدواء وما دخلتوها المستشفى راح تستمر المشاكل وحتتعب هي وتتعبو انتم كمان

يعني لا تدخلوها المستشفى الا لما ترفض تاكل الدواء تماما لانه مافيه حل ثاني للاسف لازم تاكل الدواء


مشكله بعض المرضى النفسيين انه ما يكون عنده استبصار بحالته المرضيه يعني ما يصدق انه مريض فيرفض ياكل العلاج وما يتحسن ابدا وتتدهور حالته المرضيه فلذلك يدخلوهم المستشفى النفسي مو لانهم خطيرين ومجانين ندخلهم المستشفى لا هذا كلام كله خطا لكن يدخلونهم عشان يرغمونهم ويجبرونهم انهم ياكلون الدواء وفي بعض الحالات اذا رفض المريض النفسي انه ياكل العلاج حتى داخل المستشفى يعطونه الدواء بشكل ابر بالقوه للاسف هذي هي الطريقه الوحيده الناجحه مع المريض لانه لو ما اكل العلاج راح تتدهور حالته بشكل فظيع للاسف

المشكله الرئيسيه في علاج المرضى النفسيين مثل حاله اختك هو فقد الاستبصار يعني يرفض ياكل الدواء اصلا ولازم تراعى نفسيه المريض النفسي واقصد فيها اختك ولا تقولو لها اي كلام جارح ابدا لان اللي يصير مو بارادتها

رد : اريد طبيب نفسي او معالج نفسي يساعدني
 

الرسالة الأصلية كتبت بواسطة*sara salem*

في حال رفضت تاكل العلاج لازم تدخلوها مستشفى نفسي مو عشان حالتها خطيره لا بس عشان يجبروها انها تاكل الدواء لانها لو رفضت تاكل الدواء وما دخلتوها المستشفى راح تستمر المشاكل وحتتعب هي وتتعبو انتم كمان*

يعني لا تدخلوها المستشفى الا لما ترفض تاكل الدواء تماما لانه مافيه حل ثاني للاسف لازم تاكل الدواء


مشكله بعض المرضى النفسيين انه ما يكون عنده استبصار بحالته المرضيه يعني ما يصدق انه مريض فيرفض ياكل العلاج وما يتحسن ابدا وتتدهور حالته المرضيه فلذلك يدخلوهم المستشفى النفسي مو لانهم خطيرين ومجانين ندخلهم المستشفى لا هذا كلام كله خطا لكن يدخلونهم عشان يرغمونهم ويجبرونهم انهم ياكلون الدواء وفي بعض الحالات اذا رفض المريض النفسي انه ياكل العلاج حتى داخل المستشفى يعطونه الدواء بشكل ابر بالقوه للاسف هذي هي الطريقه الوحيده الناجحه مع المريض لانه لو ما اكل العلاج راح تتدهور حالته بشكل فظيع للاسف

المشكله الرئيسيه في علاج المرضى النفسيين مثل حاله اختك هو فقد الاستبصار يعني يرفض ياكل الدواء اصلا ولازم تراعى نفسيه
المريض النفسي واقصد فيها اختك ولا تقولو لها اي كلام جارح ابدا لان اللي يصير مو بارادتها



كﻻم سليم
لابد ان ترخل مصحه حتى تلزمها باخذ الدواء
لان العائله لا استطيع الزمها بدواء او السيطرة علي تصرفاتها

مسكين الام راحت تنفذ امرها وكأن البنت طبيعية

الله يشفيها ويشفي كل مبتلي


،،،

رد : اريد طبيب نفسي او معالج نفسي يساعدني
 

انا فعلا متأكده من كل الكلام ده وعارفه انها مريضه نفسيه وعندها مشكله كبيره حتي لو قدرت اهديها ومش بتتعصب علي اخواتي وامي زي الاول بس مش عارفه اقنعها ازاي بده حاولت معاها وبحاول بس بتغير كلامها علي طول وبتقولي روحي صلي او شوفي مشاكلك انتي ايه حد يقولي اقنعها ازاي بصراحه حل المستشفي ده صعب قوي وهيها مش هتستحمل انه نعمل معاها كده ومش قدامي غير اني استني تحليل ال DNA بس حالها صعبان علي قوي انها مش عارفه تفكر وبتقولي كلام بالشكل ده ومصدقه انه في حد بيضحك معاها وسوء الظن ده كل حاجه بتفسرها بطريقه تجنن وبترهقني خالص لحد ما اهديها بس وبرضه مش بتكون مقتنعه بتسكت بس
ادعولنا ربنا يفك كربنا ياااااااااااارب

رد : اريد طبيب نفسي او معالج نفسي يساعدني
 

صعب علينا اننا نسيبها في المستشفي انا مش عارفه اعمل ايه يارب خليك معانا يارب

رد : اريد طبيب نفسي او معالج نفسي يساعدني
 

طيب اذا كنتوا ما تبغو تدخلوها المستشفى اقنعوها تاكل الدواء باي طريقه جربوا اكثر من طريقه اشرحو لها انها تعاني من افكار تضايقها وانها اذا اكلت الدواء راح ترتاح الله يفرجها عليكم

رد : اريد طبيب نفسي او معالج نفسي يساعدني
 

السلام عليكم
أختي الكريمة ، أختك أصيبت بانهيار عصبي قوي ، مثل والدي و أخي ، والدي شفي و الحمد لله أما أخي هو في طور العلاج و هو في تحسن مستمر

أنصحك قبل كل شيء أن لا تجزعي و لا تخافي أنت و أهلك خاصة أثناء النوبات العصبية
اختارو الطبيب بعناية
بالنسبة للأدوية دسوها في الطعام بعد تفتيتها إذا كانت أقراص ـأو مع العصير إذا كانت سوائل

و اعلمي أختي الكريمة أن أختك في حاجة ماسة لوقوفكم معها و لا تحاولو ان تفهموها بأنها مريضة و عاملوها بشكل عادي
و حاولوا منعها من الخروج من البيت قدر المستطاع

اعلمي انت و اهلك أن الامراض العصبية ليست كباقي الامراض ، فهي تتطلب زمن طويل للشفاء فعليكم بالصبر
و أطمئنك أختي الكريمة أختك ستشفى بإذن الله إذا تناولت أدويتها كما ينبغي

أما بخصوص المصلحة أن لا أنصح بها إلا إذا لم تتمكنوا من التحكم فيها أو آذت نفسها كثيرا ، و اعلمي ان المصلحة ليست بفندق 5 نجوم

رد : اريد طبيب نفسي او معالج نفسي يساعدني
 

تحليل DNA لا حيقنعها تأخدالدواء و لا حيجبرها تروح المستشفي

اختك لازم تاخد العلاج عشان تستقر حالتها

مريض الفصام اذا لم يلتزم بأخد العلاج يصبح خطير علي من حوله

و منهم الي ارتكبوا جرائم في اقرب الناس لهم

لا تتهاونوا يا تاخد الدواء يا تدخل المستشفي

رد : اريد طبيب نفسي او معالج نفسي يساعدني
 

هنحاول وربنا رحيم وهيعملنا اللي فيه الخير

رد : اريد طبيب نفسي او معالج نفسي يساعدني
 

اريد ان اركز على نقطة مهمة و هي أن لا تظهروا لها أنها مريضة أبدا و عاملوها معاملة عادية وراقبوها ثم راقبوها
لان بعد الناس المقربين لها عليها، قد يزيد أو يطيل في مرضها

و لا تدعي مرض أختك يأثر عليك فتمرضي أنت الاخرى ، أو على أهلك

رد : اريد طبيب نفسي او معالج نفسي يساعدني
 

شكرا ليكوا كلكم وهنعمل كده ان شاء الله

رد : اريد طبيب نفسي او معالج نفسي يساعدني
 

الله يشفيها
في حد من العيله مريض نفسي ؟؟
اعتقد اختش مرت بظروف صعبه مع زوجها السابق وهذي الظروق انهكتها نفسيا وعصبيا
محتاجه لحد يسمع لها وتفضفض مع العلاج النفسي والعصبي

رد : اريد طبيب نفسي او معالج نفسي يساعدني
 

صحيح هذا الكلام
الله يشفيها ويعافيها امين

رد : اريد طبيب نفسي او معالج نفسي يساعدني
 

الله يكون بعونكم ويساعدها ويشفيها يارب ويرزقكم الاجر وان شاء الله فتره وبتعدي يارب وترجع احسن من اول بس عليكم بدعاء والصدقة بنية ربنا يرفع البلاء عنها وربنا كريم

رد : اريد طبيب نفسي او معالج نفسي يساعدني
 

للمعلومية فقط

اختك وكل مريض بامراض نفسيه قد تستغربون لماذا اصابها المرض فجأة

المصاب بمرض نفسي يكون عنده استعداد للاصابه بالمرض النفسي منذ ولادته ولكن المرض لا يظهر الا اذا تعرض الشخص لضغوط نفسية مثل الطلاق فقدان الوظيفة الخ

هذه الضغوط النفسية تحفز ظهور المرض
وفي حاله اختك يبدو انها تعرضت لضغط نفسي شديد لانفصالها عن زوجها
هذا الضغط النفسي حفز وساعد على ظهور المرض
اما سبب قابيلتها للاصابه في المرض فهو خلل في الجينات يسبب هذا الخلل نقص افراز مواد كيميائية في الدماغ فيؤدي الى اختلال عمليه التفكير ولذلك تحدث الضلالات والافكار غير المنطقية

وفائدة الادوية النفسية انها تنظم افراز هذه المواد الكيميائية في المخ

وسبب تاخر مفعول الدواء وانه لا يبدا مفعوله الا بعد اسبوع او اسبوعين انه الدواء لا يصل بسهوله الى المخ حيث ان المخ تركيبته معقده وامتصاص المواد التي في الدواء والتي تزيد افراز المواد الكيميائية التي تتحكم في التفكير يحتاج الى وقت حتى يصل الى انسجه الخلايا في المخ

واخيرا اقول سبحان الذي علم الانسان مالم يعلم

في الماضي قبل 100 سنه تقريبا كان المصاب بمرض نفسي تتدهور حالته ويقفلون عليه في غرفه ولا يتحسن ويضل طول عمره مريض حتى يصل الحال به ان الناس يعتبرونه مجنون لتطور المرض وتدهور حالته وتضيع حياته كلها بسبب هذا المرض ولكن اكتشاف اطباء الامراض النفسيه لهذاه الادويه بفضل الله انقذ حياه كثيرين من مرضى الامراض النفسيه والعقليه فالحمدلله على نعمه