|
زوجي مبتعد عني لتعلقه بامرأة اخرى من قبل زواجنا (حلت بالرد 65)
السلام عليكم كيف الحال
بدش بالموضوع على طول انا متزوجه من 7 شهور وحطيت كم موضوع قبل انه ريلي مايقرب صوبي الا نادر جدا كلمته كم مره وحاولت اتقرب منه وشكيت انه فيه عين سحر او ضعف بس نفى كل هذه الامور وقالي بقولج عقب وبين انه العيب ليس مني وانا بالعكس ماعلي قصور من كل النواحي بالاضافه الى اني الحمدلله اقوم بكل واجباتي من طبخ وغسيل وامور البيت واتعدل له واعامله بلطف وصابره على هجرانه هو يعاملني معامله طيبه واحسه يحبني من تصرفاته بس كأنه شي يمسكه ومايخليه يجامعني لمحت له كثير عن رغبتي بالانجاب وكنت اصيح وكان يتأثر ويقول ان شاء الله خير بعد الصبر والمعاناه عرفت السبب وليتني عرفت قبل الزواج .. قلبي تقطع و دموعي جفت من الصدمه الكبرى ريلي بعد ضغط شديد صارحني انه كان يحب وحده واهله رفضوها وهو لا زال قلبه متعلق فيها وعلى امل انه ياخذها فقال لي هذا السبب انه مايقدر يقرب مني بسبب القهر والضيق علما انه مايكرهني بالعكس قال لي اعزج و اودج وانتي الاساس والاولى ومكانج عالعين والراس بس ناوي اذا الامور تيسرت ياخذ الثانيه اللي هي حبيبة قلبه حسبي الله ونعم الوكيل وقال اذا اخذتها الامور بتتعدل ونفسيته بتصير احسن وهي ماراح تسكن معاي وماراح يقصر معاي ابد اللي لها بيكون لي بعد هو حبها بشده قبل لايحبني بس اهله رفضوا رغم اصراره بس اهله وقفوا ضده وقلبو الدنيا عليه ودورو له وحده ثانيه لتكون الضحيه وللاسف صرت هي انا انا مظلومه حرمني كل هذه الايام لانه مقهور على اللي يحبها طول هالايام يدعي ربه انها تكون من نصيبه واهله يوافقون وانا الغبيه اللي عشت دور الضحيه والحمدلله مو ناقصتي جمال ولا اخلاق ودين والف واحد تمناني لما ريلي فاتحني بالموضوع فتحت معاه موضوع الطلاق وتم يحن ويحاول اني اغير رايي وقال مستحيل اطلقج هالشي مايرضيني وتم ساعات يراضيني ويوعدني انه بيعوضني ايام الحرمان ومايريد يطلقني بس حسيت شي في داخلي انكسر ساعدوني شو اسوي .. انا مطلقه من قبل كنت مالجه و تطلقت ،، عقب تزوجت زوجي ما اتخيل اكون مطلقه مرتين اريد اعيش حياة طبيعيه مع زوجي واحمل ويكون عندي اطفال اخاف اذا تطلقت اندم واحس بالوحده مثل ماحسيت بطلاقي الاول واخاف اتم على ذمته اتعب نفسيا وانقهر و قلبه يميل للي يحبها اكثر حسبي الله ونعم الوكيل لاحول ولا قوة الا بالله تم تعديل العنوان ليتناسب مع مضمون الموضوع |
رد : حسبي الله ونعم الوكيل .. مظلومه وقلبي محروق
صراحه شيء يقهر ويحرق القلب ،،
ما أدري ايش اقولك أختي ،، حسيت بقهر وانا أقرا موضوعك مالك غير تلجأي لرب العالمين وتدعي ان ربي يصرف قلبه عن هالبنت وان شاءالله ربي مارح يخيب ظنك لأنك مالك ذنب ،، الله يهدي سرك ويجبر بخاطرك ،، |
رد : حسبي الله ونعم الوكيل .. مظلومه وقلبي محروق
لو هالبنت تتزوج بأقرب وقت يكون أفضل
بس مدام زوجك صارحك انه بياخذها في حال أهلها وافقوا معناته البنت للحين تنتظره وماعندها أي مشكله ،، |
رد : حسبي الله ونعم الوكيل .. مظلومه وقلبي محروق
والله موقف محير
لكن ألزمي الدعآء بإخلاص الله يريح بالك يارب |
رد : حسبي الله ونعم الوكيل .. مظلومه وقلبي محروق
الصبر يا حبيبتي
ما فيه حل غير الصبر والدعاء ومن ساعه لساعه فرج سبحان الله ما بتعرفي بكره شو راح يصير القلوب بيد الرحمن يقلبها كيفما شاء الحين مو حابك بكره مع الصبر والدعاء الله راح يسخره لك ان شاء الله الله يفرجها عليك امين واستخيري الله في كل امور حياتك وحاولي روحي استشاريه اسريه تساعدك |
رد : حسبي الله ونعم الوكيل .. مظلومه وقلبي محروق
لم افهم عزيزتي
ما الذي سيجعل اهله يلين موقفهم بعد زواجه منك ما اعرف كيف انصحك لكن على حسب زوجك اما ان تفتحي نقاش جاد و انك لست مجرد تصبيرة او وقف و ليكن ذا موقف رجولي معك او استدري دموعه و عيشي جو كآبة او قولي له بخبر اهلك و اتحسب عليهم بأن جعلوك ضحية او جسي نبضه انك راح تخبرين اهلك.فانت لست تجربة ووقف |
رد : حسبي الله ونعم الوكيل .. مظلومه وقلبي محروق
لا حول ولا قوه الا بالله
اذا هو مايجيك اجل بعد زواجه وش بيصير ادعي ربك واستخيري مالك الا الله وإذا شفتيه ابكي وتحسبي عليه |
رد : حسبي الله ونعم الوكيل .. مظلومه وقلبي محروق
وجود اخري لن يمنعه عنك
زوجك يعاني من مشكلة و اخترع هذه القصة ليصرفك عن المشكلة الاساسية قلتي انه لم يتم الدخول الي الان بصفة كاملة و حاول و لم ينجح قولي له ياتتزوج و نعيش حياة طبيعية يا اما طلقني اشوف نصيبي مع غيرك و شوفي ردة فعله |
رد : حسبي الله ونعم الوكيل .. مظلومه وقلبي محروق
الله يربط على قلبك ويصبرك ويكتب لك الخير
عورتي قلبي عليك الله يكون بعونك اصور انه هذي قصة ويحاول يداري على حاله اصبري وادعي الله يصلح لكم الحال |
رد : حسبي الله ونعم الوكيل .. مظلومه وقلبي محروق
اسمعي مني وانا اختك
خذي حقك بيدك ولا تسكتين تراه رجال موب حرمه تنغصب امسكي امه وقولي لها اللي قال لك مثل ما غصبوه ان كان صادق يعدلونه لا يظلمك |
رد : زوجي مبتعد عني لتعلقه بامرأة اخرى من قبل زواجنا
الله يعينك ويصبرك
الصراحة الجي الى الله بالدعاء والاستغفار وعليك بكل قوة تنسيه ماضيه واذا لم تستطعين اجلسي معاه وضعي حدا لحقوقك |
رد : زوجي مبتعد عني لتعلقه بامرأة اخرى من قبل زواجنا
حبه ليس سبب لهجرك مطلقاً ولم أقتنع بهذا
السبب ولو كان صحيحاً لحرم التعدد فالرجل سيميل لواحده ويظلم الأخرى!!! وطبيعة الرجل ليست مثل الأنثى فلا يشترط للزواج أن يحب الزوجة ويستطيع أن يقوم بالعلاقة دون حب ولا مشكلة لديه في ذلك .. |
رد : زوجي مبتعد عني لتعلقه بامرأة اخرى من قبل زواجنا
زوجي قال من القهر وحرقة قلبه مو قادر يجيني هل هذا عذر !! او احتمال يكون فيه شي مسوينه له
اصلا انا اللحين اللي مابقدر اتقبل قربه صوبي مره ثانيه عطيته فرصه لعقب رمضان فقط انه يعدل وضعه معاي لو ماتعدل بطلب الطلاق بس الحين ماني قادره اشوفه واتكلم معاه مادري شسوي في كل لحظه ودقيقه اتحسب على هذيج البنت علما انها على حد قوله ملتزمه وخلوقه اي التزام اللي يخليها تتواصل مع واحد متزوج ولو كانت تحبه حبيت اوضح لكم شي انه اهله غير موافقين عليها حتى هذه اللحظه لكنه يدعي ان الله يسخر له قلب امه وابوه عشان يوافقون وهو عايش على هذا الامل واذا وافقوا بياخذها ماشفتوه كيف متعلق فيها وانها غيرت حياته للافضل !! ونفس الوقت لا يريد ان يفرط فيني ! اناني بمعنى الكلمه بس انا بدعي ربي وانا مظلومه ان الله يحرق قلبها مثل ماحرقت قلبي ويبعدها عنه نهائياً وايد خايفه من الطلاق ذقت الالم مره واخاف اجربه مره ثانيه اللي كبري عندهم عيال و والوقت يمضي .. عمري 26 واخاف ينقلب علي بعد زواجه منها على الرغم من وعوده وكلامه ويقول خلي الايام تثبت لج لكن للاسف لا استطيع ان اثق |
رد : زوجي مبتعد عني لتعلقه بامرأة اخرى من قبل زواجنا
أذكر مرة كتبتي انه قالك الله يسامح الي كانت السبب
ماسألتيه مين يقصد ؟ |
رد : زوجي مبتعد عني لتعلقه بامرأة اخرى من قبل زواجنا
اختي لا تظلمي وانتي مظلومة
بدل ما تدعي عليها بدون ذنب ادعي الله يبعدها عنك ويبعث لها نصيب تنسى زوجك فيه مو ذنبها صدقيني الي يصير فيك حاولي تكثري من الدعاء لنفسك وزوجك ولها وحاولي تحسني علاقتك مع زوجك ربي يسخره لك ويهديه |
رد : زوجي مبتعد عني لتعلقه بامرأة اخرى من قبل زواجنا
طيب بالفعل حاولي من غير مايدري تسألي امه او اخته بطريقه غير مباشره
يمكن قصه ومألفها يغطي على نفسه .. |
رد : زوجي مبتعد عني لتعلقه بامرأة اخرى من قبل زواجنا
اخترعي قصه.واذا تعرفين اسم حبيبته بيكون احسن
روحي لامه وقوليلها فلان امس كان يحلم وينادي باسم مراة واذكري اسمها.وكانه في المنام يريد يتزوجها.وافهمي من امه القصه. شي ثاني هو مارضى بالقضاء والقدر للاسف.وخلاكي احتياط في حياته. الموضوع بيده يا انه يرصى بنصيبه ومايظلمك وينساها او انه ينساك ويرجع لها.انتي لستي لعبه متى ما ارادها جاء وتسلى معها. |
رد : زوجي مبتعد عني لتعلقه بامرأة اخرى من قبل زواجنا
السلام عليكم ,, أسأل الله أن يربط على قلبك ,, حب أخرى لا يمنع من أن يقرب منكِ .. !! أعتقد أن هناك سببا أقوى من قصة الحب .. !! أو شيئا فوق طاقته .. !! أو رُغما عنه .. !! أسأل الله أن يفرج همكِ وهم كل مهموم .. |
رد : زوجي مبتعد عني لتعلقه بامرأة اخرى من قبل زواجنا
SABINE66
للاسف كان يقصد اهله بالسبب امه وابوه لانهم حرموه من اللي يحبها حسبي الله عليهم هو وحبيبته دوندرمه مو ذنبها !!!! قسما بالله ودي اسبها بس ماسكه نفسي مو ذنبها انها جليلة الحيا تتواصل مع واحد متزوج هي لين هذه اللحظه تتواصل معاه على امل يرتبطون عسى عينها ماتشوفه لو هي تخاف الله اولا ماكلمت ريال مايحل لها وفوق هذا عرفت انه تزوج ماتركته ولازالت تتواصل وياه انا اقول بس حسبي الله عليها وعسى الله يروايها وبخصوص الموضوع هذا مو تأليف انا سألت اخته وتأكدت واخته عصبت وايد على اخوها وقالت انه الموضوع بينهم انتهى وهو وعدهم لكن شكله حن او هي حسبي الله عليها رجعت تتواصل وياه ايام ملجتنا لانه اول ايام الملجه كان غير ، فجأه حاله انقلب بعد كم شهر من الملجه حسبي الله ونعم الوكيل |
رد : زوجي مبتعد عني لتعلقه بامرأة اخرى من قبل زواجنا
الله يسرلك ويكتبلك الخير
تاكدي رب العالمين لانك مظلومة رح ينصرك ويعوضك خير الله يعينك ويصبرك صبر جميل وبالله مستعان بنات ناس صارو لعبة ودواء ليحلو مشاكلهم حسبي الله على قلة نخوة والضمير |
رد : زوجي مبتعد عني لتعلقه بامرأة اخرى من قبل زواجنا
فعلا فعلا حسيت بقهررك وكلامك صحيح ! انسانة ماتستحي الحين واحد تزوج وتعرفين اهله مستحيل يوافقون خلاص خليه الله يوفثه مع زوجته ودام تحبينه بتحبين له الخير!! ادعي له وحثيه على محبة زوجته ولا تخلينه يظلمها مو تزيدين وتخلينه يبتعد عنها ويظلمها كل هالشهور !! انانية بحتة منهم اثنينهم ولو بيدس انجان اتصل لها ولا اروح لها اعطيها جم كلمة محترمة ...
اما هو لا قهر ولا حزن وكآبة تمنعه يتقرب منك ! مثال ،، احدى قريباتي بعد طلاقها اتضح ان زوجها كان يحب وحده قبلها ومثلك اهله مارضوا وعادي مشى حياته معاها كم شهر وكان يصير بينهم كل شي رغم ان بنهاية الايام اعترف لها بحبه للبنت وانه للحين متواصلين فقررت الزوجة الطلاق وبعدها عرفت بحملها فزوجها لما عرف رجعها على طوول وخلص انهى موضوعه مع البنت وبحسب كلامها هي اللي ملاحقته ... زوجك لا تمهليه لبعد الشهر الفضيل ،، فاذا كان راغب فيك ياهلا ومسهلا ووجود الحبيبة مو هو اللي يسهل حدوث هالامور! عليه يقرر من الحين ويا اما يعطيك حقك او يسرحك باحسان ويخليك تشوفين حياتك ويا اختي 26 للحين صغيرة لا تفكرين بهالشي ... ماقول الا لاحول ولاقوة الا بالله على هالزمن المقلوب ،، الله يعينه شنو بيصير بالسنوات الجاية .. |
رد : زوجي مبتعد عني لتعلقه بامرأة اخرى من قبل زواجنا
بصراحه زوجك اناني ،،اجلسي معاه جلسه جادّه وخيريه بينك وبينها ..الا اذا انتي راضيه بالضره هذا شي ثاني،،قدامك حلين انك تخيرينه واذا اختارها تنسحبين من حياته ،،او تجلسين معاه وتصبرين على كونك زوجه ثانيه..
|
رد : زوجي مبتعد عني لتعلقه بامرأة اخرى من قبل زواجنا
انا متأكده مليون بالميه انها هي تلاحقه،،،
|
رد : زوجي مبتعد عني لتعلقه بامرأة اخرى من قبل زواجنا
شوفي يا قلبي
لا تطلبي الطلاق ولا شي.. إنت اللي الحين في موضع القووووه مو هذيك.. انتي اللي بيدك إنك تخليها تموت من القهر وتبتعد عن زوجك.. الحين خلينا نفكر مع بعض زوجك يقضي أكثر الوقت معك ولا معاها؟؟ أكيييد معك.. وزوجك يقدر يعاشرها ولا لأ؟! أكيد لأ.. هاي كلها أمور في صالحك لازم توظفيها لمصصصصلحتك.. طلب الطلاق ماراح يفيدك بشي.. سوى إنك انسحبتي من معركة أسرتك بكل هدوووء وتركتي لهذيك المجال إنها تفوز بزوجك! وهذا أمر لا ترضيه أبداً أبداً طيب إيش الحل؟ الحل إنك تعتبري نفسك في لعبه وقاعدة تلعبيها بمزاااج: يعني لازم شغلي تفكيره عنها بعدة وسائل: -ما يكون عنده وقت فراغ ( روحات جيات زيارات لأهلك و لأهله بشكل مستمر) - إنك تتزيني له وتطلبي منه بطريقة غير مباشره هذاك الموضوع. يعني شوية حركات اغراء. - انك ما تجيبي سيرتها ابدا وتنسي انه قاللك شي عنها. - انك تحاولي تجمعي أكبر كمية من المعلومات عنها من خلال رقم تلفونها، اسمها اسم ابوها اذا تشتغل ومن هالأمور. وبعدها بتبدأي تنفيذ الجزء الثاني: - إنك توريه إنها مو ملاك مثل ما هو متصور.. وانها راعية تلفونات مع شباب وإن أي وحده محترمه ما تقبل على نفسها تكلم واحد متزوج وهذا يدل على أنها من بيئة عديمة المستوى. - وأنها لو كانت بنت ناس ما كان أهله رفضوا تزويجه منها.. وهذا يدل على أن البنت مو مستوى.. وتسأليه باستخفاف مالقيت إلا هالبنت .. ومن هالمستوى! هذه كلها أمور بتهز من صورتها في نفسه.. وبعدها طبعا بتكلمي أبوها وبتقوليله بنتك تكلم زوجي وتلاحقه وزوجي من قادر يهرب منها وخلي بنتك تلم نفسها وإلا أنا بفظحها بطريقتي.. وما في أي رح يرضى على بنته أكيد.. عزيزتي اسمحيلي طولت عليك.. ولكن معركتك هذه رااابحه بإذن الله بس يبيلها صبر.. واللي لاحظته من كلامك إن زوجك يحبك ومتمسك فيك.. فحاولي إنك تستغلي الموضوع لصالحك وبذكاءك.. خصوصاً إن أهله معاك على الخط.. أهم شي إنك لا تكوني كئيبه في البيت فيضطر يهرب منك إليها،،، خليكي مرحه ومبتسمه واسقطيها من حساباتك تماماً. الله يوفقك |
رد : زوجي مبتعد عني لتعلقه بامرأة اخرى من قبل زواجنا
نصيحه من مجربه
إنفصلت مرتين و أهلي إللي طلقوني إلى اليوم يعايروني نصيحه نار زوجك و لا جنة أهلك لا تفكرين بالإنفصال نهائيا حاولي تحتوينه قد ماتقدرين هذا بيتك حافظي عليه بإيديك و أسنانك |
رد : زوجي مبتعد عني لتعلقه بامرأة اخرى من قبل زواجنا
يزاكم الله خير على الردود استفدت من كل حرف اشكر وقفتكم معاي
انا كنت وايد منفعله وفكرت بالطلاق بس صليت استخاره وحسيت اني لازم ما استسلم وما اخلي هذيج جليلة الحيا تاخذ مني زوجي ولو انه طاح من عيني ومشاعري تأثرت بس طول ما انا موجوده بحرق لهذيج قلبها ومابسكت عن حقي وبحافظ على بيتي انا متوكله على رب العالمين وادعيه بكل وقت ولاني مظلومه راح يكون معاي وهذا املي فيه مابخليني بهالوقت الصعب وعسى ان تكرهوا شيئا وهو خيرا لكم وبخصوص اهله اكيد مابيوافقون عليها وهو يثق بمعجزات الدعاء ويدعي انهم يوافقون لكن مب على كيفه .. الله سبحانه عادل ماراح يظلمني مع هذيج بواقة الرياييل بس شو اسوي الحين كيف اعامله انا اريد اتعبه نفسيا مثل ماعذبني نفسيا 7 شهور وانا عروس من يومين وانا اعتبره مو موجود في البيت ولا احط عيني بعينه بس اشغل وقتي و اسوي رياضه واقرى قرآن وغيره .. ولا اصيح قدامه وابين ضعفي وحسيت تعب نفسيا يلحقني من غرفه لغرفه وانا مسوية له طاف و كأنه غير موجود ويكلمني اريد عليه بدون نفس وباختصار هالشي صحيح ؟ احس ماقدر ارجع على طبيعتي عالاقل اسبوع جذي بعامله |
رد : زوجي مبتعد عني لتعلقه بامرأة اخرى من قبل زواجنا
للاسف البنت ماعرف غير اسمها واسم القبيله وهم ساكنين في منطقه بعيده عنا
كيف باخذ معلومات عنها و اوصل لها واللي عرفته انه ابوها كبير بالسن ومريض شو راح يسوي المسكين وهي اخوانها صارو اصدقاء زوجي ماشاءالله هو اللي قال هالشي ماعرف كيف اوصل لها |
رد : زوجي مبتعد عني لتعلقه بامرأة اخرى من قبل زواجنا
اقتباس:
تعرفين كيد الحريم و عنادهم مجرد ماتكلمينها و تحس إنك خايفه منها و خايفه على بيتك بتعاند أكثر و تتقرب من زوجك أكثر و أكثر عشان تقهرك غير كذا بتعلمه و يحقد عليك إنتبهي لا تتهورين خليك بعيونه المره العاقله الهاديه إللي ماتفكر تضر أحد مع الوقت بيحن عليك و الدليل مو عاجبه صدك هالأيام الله يسخره لك يارب |
رد : زوجي مبتعد عني لتعلقه بامرأة اخرى من قبل زواجنا
اقتباس:
خطواتك للحين تعتبر جيده ، خليه يجري وراك وانتي لا تجرين وراه ولا تجرين ورا ذيك البنت وحسسيه انك مو موهمته في الموضوع وحسسيه بقيمتك ، وقتها بيجري وراك وبينساها ان شاء الله . |
رد : زوجي مبتعد عني لتعلقه بامرأة اخرى من قبل زواجنا
ان شاء الله
اشكركم على الافاده وبكمل طريقتي في الصد بس بخصوص حبيبته انا قلبي محترق قلت مب انا اللي بكلمها بخلي حد يهددها وتخيلو ابو زوجي هدد اخوانها من قبل عشان يقطعون علاقتهم في زوجي بس هذه الحيه اللي تسوي عمرها تقيه وتخاف الله ما تابت وتمت تتواصل معاه ولو كانت فعلا تخاف الله جان غيرت رقمها وقطعت التواصل معاه خصوصا انه متزوج هل فكرتي بأني اخلي احد ثاني يهددهم من اقاربي فكره ناجحه ؟ واذا ما تابوا بخليه يتصرف معاهم |
رد : زوجي مبتعد عني لتعلقه بامرأة اخرى من قبل زواجنا
لا لا تكلمينها
انتي استميليه من صوبج وحاولي انج تكرهينه فيها اول شي خليه يوكض وراج وبعدين دلعيه ودلليه وعقب قولي ان اللي تكلم واحد ممكت تكلم الف في وحدة كلمت رجل متزوج وهو اللي قط نفسه عليها وهو اللي لاحقها بس اهي ما منعته سبحان الله الدنيا دارت عليها وزوجها حاليا يحب غيرها |
رد : زوجي مبتعد عني لتعلقه بامرأة اخرى من قبل زواجنا
اختي انشغلي بنفسك وزوجك واتركي البنت بحالها
هي وربها يحاسبها لا تدعي عليها ولا تسعي وراها خطواتك مع زوجك الى الان جيدة لكن سعيك ورا البنت خطاااااا لا تهتمي لامرها وانسيها حتى تقدري تنسي زوجك وجودهااا الله يصلح لك الحال ويسر امورك |
رد : زوجي مبتعد عني لتعلقه بامرأة اخرى من قبل زواجنا
انزين اذا تمت تلاحق ريلي
وبتخليه يتزوجها والمشكله هو يحبها حب ويقنعني انه ياخذها ويدعي ربه انه اهله يوافقون انا شو اسوي تبوني اسكت عن هالشي و اخليها وهي حسبي الله عليها ما استسلمت ماقدر اتخيل انهم الحين يكلمون بعض وعلى تواصل لازم اوقفها عند حدها |
رد : زوجي مبتعد عني لتعلقه بامرأة اخرى من قبل زواجنا
تتوقعين اهل البنت يدرون عنها ؟
|
رد : زوجي مبتعد عني لتعلقه بامرأة اخرى من قبل زواجنا
شوفي حبيبتي الرجال يمكن يحب مليون وحدة بوقت واحد
أول شي لايجي في بالك أنه هجره لك بسببها ثاني شي لاتسكتين على خيانته لك وتواصله معها لأن ياقلبي الرجال مو عاطفيين نفسنا ولاهم مخلصين نفسنا اليوم يكلمها وبكره يكلم عشره غيرها بعدين شيليها من بالك ماعليك منها وصدقيني الزمن دوار كل اللي بتسويه بتلاقيه في دنياها قبل آخرتها خليك مطمئنة ومرتاحة حبيبتي مريت بتجربه انتهت بالفشل بس الحين قاعده أشوفه ينهار واشوف البنات اللي يعرفهم وانا اعرف اغلبهم بعد ينهارون وربي فضح أمرهم من دون مايكون لي دخل اصبري وكل شي بتشوفينه بعيونك |
رد : زوجي مبتعد عني لتعلقه بامرأة اخرى من قبل زواجنا
يمشي مع إخوانها وأصدقاؤه ماشاء الله هؤلاء الاخوان كيف عادي عندهم علاقته باختهم!!!! وأما ما يعلموا؟؟
مو حلوة في حقهم الله يفرج همك |
رد : زوجي مبتعد عني لتعلقه بامرأة اخرى من قبل زواجنا
ريفان والله ما ادري
اللي اعرفه ابو زوجي هدد اخوانها يقطعون علاقتهم بريلي مادري هم عندهم علم باختهم ولا لاء ؟؟؟ بكل حال هو عرفها من تويتر يعني هم اكيد عرفوا بهالقصه الا اذا مألفه على راسهم شي ثاني الله اعلم جروح المشكله انه حبها قبل لايعرفني ويخطبني عشان جي يكلمها ويخوني ويبرر لي انه لو ماكان يعرفها قبل زواجنا مستحيل يسويها ! بس الرياييل ما منهم امان المشكله الكبرى انه انسان ملتزم دينيا اكيد انا متأكده ان الله بياخذ الحق منها والله يعوضج خير بوفارديا مادري شو سالفتهم انا مستغربه بس حتى الحين مب متأكده 100٪ اذا عندهم علم بتواصلها وياه حتى هذه اللحظه |
رد : زوجي مبتعد عني لتعلقه بامرأة اخرى من قبل زواجنا
معركتك مع زوجك مو مع هذيك البنت !
إن كلمتيها أو هددتيها شنو بتستفيدين؟ إن راحت بيجي غيرها لأن المشكلة فـ زوجك حبوبة ! الرجل إذا مايبي يكلم لو يجونا بنات الأنس والجن ماراح يكلمهم فركزي علية خطواتك معاه جيده بستثناء الردود بنفسيه ردي عادي بس بـ رسمية كلمه ورد غطاها لاتنسين الدعاء |
رد : زوجي مبتعد عني لتعلقه بامرأة اخرى من قبل زواجنا
اذا تعرفين البنت بعينها
دوري لها نصيب كويس وخليهم يتقدمون لها وحده كان زوجها كذا يحب وحده ويكلمها وهدايا وموظفها بعد اقصد حبيبته عرفت زوجته ًسوت سالفه الحاصل قالها احترمي نفسك ولا تقولين في حبيبتي شي!!! وهزء زوجته عشان الحب الحاصل دورت لها خطيب وارسلته عن طريق خطابه وكذا وتزوجت وانتهو |
رد : زوجي مبتعد عني لتعلقه بامرأة اخرى من قبل زواجنا
over love
ما اظن انه ممكن يسويها مره ثانيه لانه هذيج حبها قبل مايعرفني وتمت في قلبه وبخاطره وعلى قولته لو ماكان يعرفها مستحيل يفكر ياخذ علي ! حسبي الله ونعم الوكيل حاليا ردودي رسميه ومب بنفسيه خايسه بس بجمود ،، الله المستعان ابتسامة جذابة اللي يحبها هذه حضرتها ترفض الخطاطيب يعني اسم الله عليها بتموت ماتقدر تاخذ غير ريلي ورافضه الزواج وان شاء الله تعنس طول ما انها في انتظار ريلي وهي ماعرفها بس ريلي قال انها ترفض كل اللي تقدموا لها وصدق تحبه مالت حاسه انها قاصه عليه مشكلته ريلي طيب |
| الساعة الآن 01:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©