|
عدم اهتمام زوجتي بي يضايقني كثيرا
السلام عليكم ورحمة الله
اررجو المساعدة والرأي السديد انا رجل متزوج من ثمان سنوات وعندي اطفال وحياتي الزوجيه جيدة ولله الحمد اعيش مع زوجتي بمدينه بعيده عن اهلهاا وتزورهم كل فتره والثانيه من اسبوع تقريبا توفي والدها بعد معناته مع المرض وهي عند اهلها فترة العزاء كم المفروض تجلس عند اهلها ؟ اصبحت اشعر بضيق شديد لغيابها عني بالرغم انها لما كانت بجانبي لم اكن اشعر بمثل هذا متضايق كثيرا من اهمالها لي وعدم اهتمامها بي وسؤالها عني مع انها طلبت اطفالنا وارسلتهم لها قبل كم يووم وتريد ان تبقى هناك عند اهلها اكثر؟ هل يعقل ان تدخل لبرنامج الواتساب وتجدني متصلا ولا تسلم علي ولا تكلمني ولاتقول لي حتى كيف حالك؟ ماذا افعل معها ؟ تكلمت معها وبينت لها اني متضايق ولكن لاحياة لمن تنادي تم تعديل العنوان ليتناسب مع مضمون الموضوع |
رد : عدم اهتمام زوجتي بي يضايقني كثيرا
الله يهديك وهل هذا سبب للطلاق
وبعدين هي ممكن دخلت الوتس ترد ع رسايل صديقاتها معزينها وممكن ماانتبهت انك متصل خليها لما يخلص العزاء ونفسيها تكون احسن. ..شوف ايش ليبيا اهمالها وعدم اهتمامها وكمان هذه البرامج مثل الواتس خبرت كم من بيت وكم من اسرة والقصص تمتلئ بها المنتديات اذا لاحظت زوجتك من مدمني الوتس. ..احذف البرنامج وربي يسعدكم |
رد : عدم اهتمام زوجتي بي يضايقني كثيرا
<< وين زوجي يقرء
الله يعوضني بالجنه امين شوف اخوي وضع زوجتك طبيعي لانه لسه حزينه على وفاة والدها الله يرحمه امين اعطيها وقت ولا تعمل نكد ومشاكل معها طول بالك وتغافل وتجاوز عنها بس على شرط لا تطول ببيت اهلها يعني فتره اسبوع او اسبوعيين وترجع وانت بادر بالواتس وارسللها اشياء تصبرها محاظرات دينيه عن جزاء الصبر على البلاء |
رد : عدم اهتمام زوجتي بي يضايقني كثيرا
شكرا لتجاوبكم ..
الله يسعدكم والله العظيم محتاج فعلا للنصح والارشاد انا رجل متعلم ومثقف والحمدلله ولست بصفير السن او قاصر ولكن لااعلم ماهي مشكلتي مع زوجتي بالتحديد انا احبها والله لكن من النوع الكتوم والذي لايتكلم ولايعبر عن مشاعره الاحظ كل مرة تذهب بعيدا عني تجيني انواع الوساوس والافكار واختلق المشاكل ونفسي اجلس اوقف الدنيا واتكلم معها بس وحتى اولادنا ودي مايكونون معنا نفسي اكون انا وهي فقط في مكان معزول عن العالم واجلس اتكلم اناوهي في حياتنا .. امس قلت لها هالكلام تدرون وش قالت تقول تعال انت عندنا تغير جو واشوفك ؟ وشلون اجي لبيتهم وهم في فترةعزاء وعمتي باقي بالعدة ؟لا وتقول ابي اجلس عند اهلي بعد اخواتي واهلي موجودين من اسبوع ؟ ويمكن يجلسون اكثر ؟ طيب انا وش ذنبي بعد انحرم من زوجتي ومن عيالي؟ كم المفروض تجلس الزوجة في بيت اهلها بعد وفاة والدها ؟ كم فترة العزاء ؟ ماذا اتصرف ؟ اخر مرة كلمتها امس المغرب ؟ وكل مرة انا من يلدا بالسؤال والحديث معها ودخلت اكثر من مرة امس والقاها متصلة ولكن لاتكلمني ولاتسال عني ولاتسولف معي ؟ هل هذا هو مصيري لاني عبرت لها عن حبي لها وشوقي لها ورغبتي ان اسافر معها واني محتاج فعلا لوجودها بجانبي لماذا تنساني لوجودها عند اهلها ؟ ماذا افعل معها ؟ اشعر بداخلي برغبات عديدة للانتقام ولاهمالها ولهجرها واحيانا افكر اني اطلبها ترجع لبيتها خلاص عشان اشيل كل هالافكار من راسي والله تعبت اررجوكم ارشدوني ابليس يلعب براسي والله انا انسان مستقيم والحمدلله ولكن ماعندي اصدقاء او ناس اتكلم معاهم بالرغم من اني احل مشاكل كثبر من الناس لكن مشكلتي هذي تذبحني والله واحس بنار بصدري ماتنطفي من كم يوم وتقلب شديد بالمزاج مرات اكلمها نسولف مع بعض عادي خصوصا اني كنت مشغول بعملي والان انا في اجازة ومحتاج اقضي وقت مع زوجتي واولادي ولكن في هالوقت صارت الوفاة والتعدت عني زوجتي وخربت علي وعليها اجازتنا وبدل مانستمتع باجازتنا ونخرج ونروح مع بعض ونرتب حياتنا اصبحت في بيت اهلها وتطلب تبقى عندهم ؟ |
رد : عدم اهتمام زوجتي بي يضايقني كثيرا
اولا وفاة الوالد ليست مثل وفاة اي احد .. بدال ما تفكر في نفسك استغل الموقف واوقف جمبها هي المهم الحين حزنها والمها حاول تواسيها وتصبرها وتخفف عنها بالسؤال عنها عن صحتها و اذا تحتاج شي
خليلك موقف ينذكر مو تقول لك بكرة بعزا ابوي نكدت علي بمشاكل مالها معنى ويعني اسبوع والا اسبوعين بسيطة عدها اجازة .. انت قلت اهلها بمدينة ثانية غيرها تقعد شهر ثانيا هي مو ناسيتك هي تبي تشبع من اهلها وانت برضو مستفيد هالفترة عشان تتجدد علاقتكم شف قد ايش اشتقت لها .. شي ايجابي لو حصل لك الغي اجازتك واجلها اوقت ثاني |
رد : عدم اهتمام زوجتي بي يضايقني كثيرا
هذا ظرف طارئ وبيعدي
كم يوم صارلها عند اهلها؟؟ اذا هي ما تسال .انته اسال هي في امس الحاجة لوقفتك الاب يمثل للبنت مصدر الامان.وهي فقدت هالشي فانت بدال ماتعوضها قاعد تلومها روحلها وخفف عليها حزنها. |
رد : عدم اهتمام زوجتي بي يضايقني كثيرا
والله واسيتها ووقفت معها وخففت عنها وكل الاسبوع من وفاة والدها وانا اصبرها واذكرها بالله واقلها وش تعمل
وشلون نكدت عليها بمشاكل مالها معنى ؟ اذا زوجها ماله معنى ؟ من الي له معنى ؟ اسبوع كامل اليس كافي لها في فترة العزاء ؟ انا ماعندي مشكلة بوجودها عند اهلها لكن الي يضايقني اهمالها عني وعدم سؤالها عني من يسال عن الثاني اليس التواصل من الطرفين ؟ اذا كنت انا اسال عنها دايما في كل مرة ليش ماتسأل عني انا مثل ناسال عنها ؟ وش المفروض اعمل الحين ؟ اتركها عند اهلها ولا اطلبها خلاص ترجع لزوجها وبيتها والله مو عارف وش اسوي |
رد : عدم اهتمام زوجتي بي يضايقني كثيرا
الله يرحم والدها ويغفر له
يا اخي موت شخص عزيز على الانسان من اصعب ابتلاء لا تدقق على تصرفاتها العزاء متعب بالاضافة للحزن على فراقه صحيح هي سنه الكون بس مو سهل الله يحفظلك والديك حط حالك محلها بتكون انسان طبيعي بهيك موقف اهمالها مو بايدها التمسلها عذر ولا تدخل الشيطان بيناتكم قالتاك تعال روح لها او جيبها اسبوع عندك ورجعها لامها من شان توقف معها بالعدة .... وسع صدرك شوف شو بريحها واعمله لان حتى لو رجعتها لعندكم بضلها تعبانه وحزنانه وجودها بين اهلها بيخفف عنها لان مصيبتهم وحدة |
رد : عدم اهتمام زوجتي بي يضايقني كثيرا
بما إنك في إجازة، ليش ما تسافر للمدينة اللي هي فيها؟ فيه مشكلة؟ مو شرط تنزل ببيت أهلها، بس ع الأقل تزورهم وتشوفها وتشوف أولادك.
ومعليش يعني، بس إنت مو قادر تتحمل أسبوع واحد؟ وتفكر تتنتقم وتهجرها؟؟!! البنت أبوها متوفّي! |
رد : عدم اهتمام زوجتي بي يضايقني كثيرا
صار لها اسبوع .. وانا دايما اسال عنها والله لكن الي مستغربه هو ليش تشوفني متصل امامها اكثر من ثلاث مرات ولاحتى تقول لي سلام او كيف حالك ؟ ليش اذا انا مابديت وسالت ماتسال هي ؟ انا مالي قيمة واحترام عندها ؟ ليش انا في اخر القائمة وماتتتذكرني وتسال عني ولاعشانها عند اهلها ؟
الاب يمثل مصدر الامان لو كان حي والبنت غير متزوجة ولكن اذا صار ابوها ميت وهي متزوجة فالامان عند زوجها مو عند ابوها صح ولالا ؟ |
رد : عدم اهتمام زوجتي بي يضايقني كثيرا
انا احتاج انا متعلم انا مثقف
لحظة حبيبي ماذا عن ام اطفالك؟ افضل شيء تعمله انك تخليها عند اهلها.. كيف؟ قلت لي كيف؟ المرأة في هالحالات بحاجة الى من يتعاطف معاها الى من تبكي معها بحاجة الى فضفضة الى حضن دافيء تدري جرب خليك قريب من اهلها...جالسهم ساعدهم ساندهم... اذا عاداتكم تسمح بات عندهم اذا كلمتها خليها هي اللي تتكلم انت بس اسمع تعاطف انسى نفسك لفترة بسيطة قلها اشتقت لك .... ابليس لا يسعده شيء اكثر من الطلاق فاستعذ بالله منه... |
رد : عدم اهتمام زوجتي بي يضايقني كثيرا
اخي الفاضل
مقدرين شوقك وحبك لها لكن قدر نفسيتها وتعوذ من الشيطان مره وحده خطر على بالك الطلاق كلها ايام قلائل وتكون عندك مافيها شي اذا رحت انت عند أهلها وتواسي والدتها لاتصير حساس بالزياده خليك اكثر حكمه الله يهديك |
رد : عدم اهتمام زوجتي بي يضايقني كثيرا
اقتباس:
الاب مكانته كبيره ما بتقل بمجرد انها صارت بذمة رجل ثاني وبيضل له مكانه خاصة ان شاء الله بكره وقت تكبر بنتك وتتزوج بتشوف كم انت مهم عندها وزوجها ما بعوضها عن ابوها |
رد : عدم اهتمام زوجتي بي يضايقني كثيرا
زوجتكك تقريبا مثل زوجي
نفس الطباع ابي اعرف وش تفسير هذا احببببببه .... بسس اكرررررررهه هالتصرفات ووتخليني احقد عليه دايم عشان كذا يتعكر مزاجي لما اكون معه لانه عااادي وضعه مو حاس بتقصير اهم شي عنده الناحيه الماديه مايقصر بشي ماشاء الله لكن معنويا ذابحني |
رد : عدم اهتمام زوجتي بي يضايقني كثيرا
وش هالانانية
البنت أبوها متوفي وأنت ماتفكر الا بنفسك ليه ما أرسلت ليه مااتصلت ومن قال الاب أمان فقط للي ماتزوجت وبعدين هي بمدينه غير مدينتهم من حق أهلها عليها الان توقف معاهم ويواسون بعض نعم الان دورك في السؤال والاطمئنان ولاتطلب منها أي مبادرة لأنها هي اللي فقدت أبوها مو أنت هي اللي محتاجة المواساة والسؤال عنها مو أنت واسبوع مو كثير روح لها واجلس معاهم بنفس المدينه وواسيها وواسي أهلها بدل هالوسواس اللي ماله مبرر |
رد : عدم اهتمام زوجتي بي يضايقني كثيرا
توقف مع امها بالعدة ؟
كيف يعني اخليها عند امها اربع شهور ؟ سؤالي كم المفروض تجلس عند اهلها ؟ مااقدر اسافر لهم للمدينه الي هم فيها لانهم بقرية صغيرة وماقدر اجلس عندهم لان البيت وقت عزاء ولافي مكان ولايوجد لي اقارب هناك .. انا متضايق من داخلي ومو عارف ايش اسوي وقاعد استشيركم فلا تزيدون همي ابي رأي احد يرشدني للصواب الحين مو احد يلومني انا قاعد اقول لكم على مشكلتي ابي رايكم اسئلتي هي كم بالعرف وبالمجتمع المفروض تجلس الزوجة في بيت اهلها بعد وفاة والدها ؟ هل انا مخطأ في تصرفي معها ؟ هل اطلبها ترجع لبيتها ولا اخليها على راحتها ؟ ماذا اعمل حتى انساها اذا بخليها هناك ؟اذا بجلس افكر فيها وابليس يوسوس في راسي ! |
رد : عدم اهتمام زوجتي بي يضايقني كثيرا
اخي الكريم
هل من عادتها تطنيشك دائما و عدم الاهتمام بك او هذا الظرف لاحظت ذلك مصدر الامان الذي تقول انه مات....هو مات رحمه الله.و ليس انمحت ذكراه و انعدمت الأحاسيس التي تكنها له..اسبوع متوفي و انت متضايق ما تتصل لك خلال فترة العزاء نعم المفروض انت تتصل و تعذرها الف عذر لانشغالها بحزنها يالله ذا ابوها ؟ انت كيف علاقتك بوالديك؟ |
رد : عدم اهتمام زوجتي بي يضايقني كثيرا
الله يهديك
ابوها ماله اسبوع من توفى و تبيها ترجع طبيعي معك اكيد ماله نفس في شيء الصراحة انت المفروض اللي توقف معها في هذه المرحلة صدقني أي مشكلة الان او عدم تقدير لحاله الحزن بيأثر سلبا على حياتك و بتشوفك اناني لانك تبيها ترجع طبيعي على طول و كنا اللي مات ولد الجيران تخيل انك في موقفها و هي تتصرف معك نفس تصرفك معها و شوف شعورك بعدين تقول انك ما تبين مشاعرك لها كيف تبيها تفهم انك مشتاق لها او انها تهمك ؟؟؟؟ |
رد : عدم اهتمام زوجتي بي يضايقني كثيرا
اخي وقت عزا الوالد وقت حساس قدر وضعها وحزنها
لاشي يكسر البنت مثل وفاه والدها وطلبها البقاء عند اهلها طبيعي كثيرات يظلون شهر او اسبوعين وضعك طبيعي اخي |
رد : عدم اهتمام زوجتي بي يضايقني كثيرا
خلها اسبوع ثاني وخلاله لمح لها انك اشتقت لها
لكن بدون ماتعاتبها ابدا على عدم سؤالها حتى بعد ماترجع واتوقع لو تحجز يومين بس نهايه هالاسبوع حتى لو بقرية يومين مابتضرك لو جيت على نفسك وعملت موقف تذكره لك زوجتك اجلس معاها هناك وشوف وش طلبات أهلها وبعدها اعرض عليها ترجع معك المدينه |
رد : عدم اهتمام زوجتي بي يضايقني كثيرا
لساني عاجز الصراحة
اخوي هذااا ابوها الي متوفي فكر فيها وفي حاجتها طيب انت لما ترسل لها مو ترد عليك خلاص يعني مقدرتك ومحترمتك يمكن لما تدخل على الواتس تدخل تقرا الرسايل الي توصل لها يمكن حد غيرها ماسك جوالها يمكن ويمكن على طول تفكر بالطلاق والي مر فقط اسبوع اجل لو تاخرت اسبوعين شنو تسوي هذاااااااا ابوهاااااااا كسر ظهرها الحين سندها وامانهاااااااااا راح الله يرحمه ويحسن اليه ويصبرها فكر في بناتك شوي وانتي تعرف شنو يعني اابوها مات انا لله وانا اليه لراجعون |
رد : عدم اهتمام زوجتي بي يضايقني كثيرا
http://www.youtube.com/watch?v=Qxm5cK3g9I0
مسكينات النسوان الله يكتب اجرهن امين |
رد : عدم اهتمام زوجتي بي يضايقني كثيرا
اقتباس:
هنا المصيبة انها لاتتكلم ولاتسأل هي لازم انا الي اسأل ؟ ولازم انا الي اكلم ؟ اذا بينت لها اني متضايق او زعلان المفروض تسأل عني وتاخذ بخاطري مو تطنشني صح ولالا ؟ انا والله ماافكر في نفسي ولا ابي منها شي هالحين .. ابي انساها في هالفترةالصعبه بس مو قادر واحس اني تعبت افكر فيها وهي ولا تسأل .. على فكرة اطفالنا اول ثلاث ايام من العزاء كانوا عندي عشان ظروفها وكانت كل يوم تسال عنهم قبل يومين ارسلت لها الاطفال ولامظت الفرق فعلا .. قبل كانت تسال عني وعنهم والحين بعدما اخذت اطفالها عندها تشوفني متصل اكثر من مرة على الانترنت ولا حتى تسأل كيف حالك وش اخبارك ليش انا الي لازم ابدا في كل شي من يوم اعرفها وهي كذا .. والله تعبت .. اهوانها واخواتها راحوا من بيت اهلها وسافروا وبعضهم راح ورجع وهي لها اسبوع جالسه وتبي تجلس اكثر بعد ؟ ليش طيب وزوجها ياكل تبن يعني ؟ وربي مو محتاج منها شي احتاجها معنويا بس لان عندي وقت فرراغ واجازة من العمل وحبيتها تكون بقربي غلطان يعني ؟ |
رد : عدم اهتمام زوجتي بي يضايقني كثيرا
يموت عز البنت لامات ابوها
نعم انت زوجها ولك معزتك ومقدارك لكن لاتحاول تمحي معزه ابوها بقلبها لانه مات ! ابي اسألك سؤال اذا جتك انفلونزا هل نفسيتك ومزاجك واهتمامك بزوجتك يكون نفسه لما تكون صحيح ومتعافي؟ هل بتتقبل منها اذا جلست تلوم فيك ليش مهملها بهالفتره وتتمشكل معك وتفكر بالطلاق منك لانك مو معبرها؟ معليش يااخي انت تشعر بفراغ ومع الاسف مو متصور حجم الالم اللي تمر فيه زوجتك اكاد اجزم ان والديك كلهم على قيد الحياه والا لو كنت جربت فراق الاب والام كان عذرتها هي الان تواجه ظرف علئلي وبحاجه عائلتها اكثر منك لانهم كلهم مصابون بالفقد واسأل الله ان يجبر كسرهم بدل منت جالس وحاقد عليها وتعد عده للانتقام قوم روح لهم واوقف معاهم واسيهم واقضي حوائج زوجتك وعيالك لان الكل مشغول روح وزورها كل يوم مو شرط تبات عندهم صدقني ومن واقع تجربه زوجتك الان مكسوره وفاقده الامان وقفتك معها تعني لها الكثير بعكس لما تكون بعيد عنها ! لما توفي والدي زوجي ماحضر الصلاه عليه لظرف غير طارئ الى الان وبعد مرور حوالي سنتين ماغفرتها له والله.. هذا ابوي عيوني اللي اشوف فيها ومصدر اماني من انخلقت ايوه زوجي واحبه وعلى راسي بس بعد ابوي احبه فكر بهالمنطق وبتعذرها .. |
رد : عدم اهتمام زوجتي بي يضايقني كثيرا
اقتباس:
|
رد : عدم اهتمام زوجتي بي يضايقني كثيرا
اقتباس:
|
رد : عدم اهتمام زوجتي بي يضايقني كثيرا
اقتباس:
والله هالموقف تكرر معي مع زوجتي كثير مرات عندما تروح لاهلها وكم بينت لها وذكرت لها ماعندي مانع تحلس مع اهلها قد ماتبي لكن تسال عني وتحسسني اني لازلت موجود في قلبها وعقلها ! |
رد : عدم اهتمام زوجتي بي يضايقني كثيرا
اقتباس:
عزيتها وعزيت اهلها وارسلت واتصلت وكل شي تبيه عندها ؟ وحتى اطفالها طلبتهم وارسلتهم لها ومع مل هذا لازلت مقصر معها ؟ الاب نعم امان للبنت لكن اذا تزوجت زوجها هو امانها اما والدها واهلها لهم كل التقدير بس لو صار للزوجة اعتداء وهي على ذمة زوجها مثلا ؟ من بيلومون ابوها ولازوجها ؟ دوري موجود بالسؤال عنها لكن مادورها هي وهي وسط اهلها وعائلتها وزوجها بعيد عنها ماتفكر فيه او تسال عنه ؟ حي ام ميت ؟ مريض ام معافى ؟ كيف مسوي ؟ ليش دايما طرف واحد هو المسئول ؟ |
رد : عدم اهتمام زوجتي بي يضايقني كثيرا
اقتباس:
نعم لاحظت من عادتها التطنيش وعدم السؤال اذا كانت عند اهلها دايما يتكرر هالشيء منها وكل مرة انبهها لهالشيء ولافائدة من سنووووات والله عاذرها ومقدر هالشيء لكن الى متى؟ شهر شهرين سنه سنتين ؟ علاقتي مع والدي عاديه مثل اي انسان مع والديه |
رد : عدم اهتمام زوجتي بي يضايقني كثيرا
اقتباس:
المشكله مني ولامنها هي ؟ وشلون عدم تقدير ؟ عدم تقدير لاني طلبت منها تتذكرني مثل ماهي عند اهلها ؟ مابيها ترجع طبيعي ابيها تحس بس تحس بوجود احد يفكر فيها ومشتاق لها وتصرفي معها اشوفه طبيعي وتصرف اي زوج يحب زوجته انا ماغلطت بشي ومقدر ظروفها لكن داخليا منكسر من موقفها معي هل وفاة والدها سبب مبرر عشان تنسى زوجها ؟ |
رد : عدم اهتمام زوجتي بي يضايقني كثيرا
اقتباس:
بس من بيقدر وضعي انا ؟ يمكن اني اغار من اهلها وبقائها عندهم لذلك اتصرف كذا بالرغم لو اني مشغول بعملي او دراستي كان يمكن اتناساها شوي المصيبة اني فاضي هالفتره وباجازة ومو متعود اكون وحدي وهذا سبب المشكلة .. اختي كم المفروض تبقى عند اهلها ؟ اسبوع او عشرة ايام اليست فترة كافيه ؟ ماسبب البقاء الان بعد انتهاء العزاء ؟ اليس الاجدر ان تعود لبيتها وزوجها وحياتها ؟ اليس الافضل ان تحمي زوجها من ابليس وافكاره ياناس انا غلطان بشي ارجوكم انصحوني والله تعبت |
رد : عدم اهتمام زوجتي بي يضايقني كثيرا
وربي الرجال حكاااايه ثااانيه
يعني علشان انها تزوجت خلاص تنسى ابوهاااا ؟؟؟؟!!! انت شكلك من النوع اللي تغار من اهلها يعني كل كلامك اذا كانت عند اهلها تنسى وتطنش يعني تغار منهم وماتحب انها تفرح او تحزن معهم طيب انت ماعندك حياه ؟؟؟يعني انت اجازه طيب اطلع لاهلك اطلع مع اصحابك مو جالس تدقق بس هي شسوت ووش قالت !! وتلوم الحرمه اللي يرحمها ليه ماتت ذا الوقت وبعدين انت تقول انها تشوفني متصل بالواتس وماتكلمني ...طيب شدراك انها تششوووفك ؟؟؟يمكن مادخلت على اسمك علشان تعررف ...والا بس تبغى تصيد عليها الزله ؟؟!! وحط ببالك انها بتعزي اللي يعزونها ... او يمكن احد العيال ماسك الجوال وكثير امي تصير معها نحسبها حاقرتنا لما نكلمها ونشوفها اون لاين يطلع اخوي الصغير ماسك الجوال تحبها وتشتاق لها ماااقلنا شي زوجتك وحقك بس قدر ششوي لاتصير اناني يعني انت بعد فكر هل لو رجعت لك البيت بيصير مزاجها فله وبتضحك لك ؟؟ هذا ابووووووووووو ابوووووو مو جارتهم !!! حتى لو رجعت البيت بتصير متضايقه و بتظل حزيه واصلا بيكثر الحزن لانها بتفكر بأهلها وامها حرررام عليك وربي رحمتها اقلب الايه طيب ...بالمستقبل وانت مت بعد عمر طويل وجاو بناتك يعزون ويبون يبقون مع امهم اللي هي زوجتك وكل وحده زوجها يتحلطم و يكتب بالمنتدى شوفو زوجتي وبطلقها ....والله بس التفكير يقهر اسفه اذا عصبت بس ارحمو من في الارض يرحمكم من في السماء |
رد : عدم اهتمام زوجتي بي يضايقني كثيرا
اقتباس:
وماعاتبتها على عدم سؤالها بس مجروح من داخلي ونار بصدري يشعلها ابليس وكل شوي يقول شفها نسيتك وهي عند اهلها وبعدما ارسلت لها اولادها مابتتذكرك اصلا وعندها اخوانها واخواتها واقاربها وشلون اجلس عندهم وهم في وقت صعب ولافي مكان يمكن اجلس فيه اهلها ماهم محتاجيني بشي وهل لازم اعرض انا عليها ولاهي تقول اجيك طيب عي تطلب انها تجلس اكثر عند اهلها ؟ الى متى طيب ؟ |
رد : عدم اهتمام زوجتي بي يضايقني كثيرا
نعم وفاة والدها سبب ومبرر لتنسى زوجها ولاتقارن بينك وبين اطفالكم
وانصحك اذا بتعاتبها عاتبها على كل المواقف الا هالموقف لأنها بجد معذورة |
رد : عدم اهتمام زوجتي بي يضايقني كثيرا
اقتباس:
|
رد : عدم اهتمام زوجتي بي يضايقني كثيرا
اقتباس:
|
رد : عدم اهتمام زوجتي بي يضايقني كثيرا
اقتباس:
انا مقدر وضعها ولكن ماذا عن وضعي انا ؟ |
رد : عدم اهتمام زوجتي بي يضايقني كثيرا
اقتباس:
متاكد انها تشوفني لانها اكثر من ثلاث مرات في يومين وفي اوقات مختلفة |
رد : عدم اهتمام زوجتي بي يضايقني كثيرا
اقتباس:
وفاة والدها سبب لتنسى زوجها وش هالمنطق ؟ وشلون وليش ؟ وليش مااقارن بيني وبين اطفالنا ؟ معذورة ماقلنا شيء طيب وزوجها وش وضعه ؟ وش المفروض يسوي ؟ ينساها ولا يطنشها ولا يكذب على نفسه ويجلس يجاملها وهو من داخله يموت قهر.؟ |
رد : عدم اهتمام زوجتي بي يضايقني كثيرا
اخي الكريم ،، تعوذ من ابليس وابعده عنك ... واضب على قراءة سورة يس وآية الكرسي مع المعوذات فهي تبعد الوساوس ...
ماعليه اعذرها وتقبل منها وكون معاها ،، كل انسان اذا مر بضيق وخصوصا الوفاة لشخص قريب لنا وبالخصوص نحن النساء يكون متنفسنا عند اهالينه وتحس بضيق لدرجة انها ماتبغي تكلم أحد تبغي فقط تسمع دعاء، تسمع سور من القرآن الكريم شي يخفف عليها ... رده فعلها ان كانت الاولى او فقط اثناء زيارتها لبيت اهلها فانا اقولك طبييييعية جدااا ،، تبغي تشبع منهم ، تبغي تكون كلها لاهلها فانت اعتبرها مسااحة خاصة بها وبك .. منها انته تغيير جو وتطلع من الروتين وتفكر بنفسك شوي تدلع نفسك ، حتى لو تسافر لك يومين ،، وليش ما يكون عندك اصدقاء او اقرباء؟! انت اعزمهم على سفره او سهرة بسيطة منها تجتمع بالناس تغيرر روتينك وتستمتع وماتخلي لابليس الرجيم اي فرصة .. وهي ايضاا تغير روتينها وترجع لك انسانة ملييئة بالشوق والمحبة .. نصيحتي لك حاليا ،، اتركها جم يوم لاتعاتب ولا تزعل .. مجرد ارسل رسالة بسييييطة للاطمئان عليها والتسليم ... كون على غير عادتك من الاتصالات وراح تشوفها هي اللي تبادر لان اصلا ماعتقد ببالها شي او انها تتعمد التطنيش ... بعد هالجم يوم اطلب منها الرجوع لحاجتك لها ولاتضغط عليها واوعدها انك تخليها تروح لبيت اهلها كل اسبوع لحتى تتطمن على والدتها وبجذي بتحصل على مرادك وبنفس الوقت تفرح زوجتك انك مقدر الحالة اللي هم فيها حاليا .. اخي الكريم ،، الاحظ بكلامك انك تحب زوجتك وتحترمها والسبب الوحيد لاحاسيسك هو الفراغ فقط .. تحتاج تملئه بتجمعات رجالية مع الاصدقاء ، ابني لنفسك علاقات مع زملائك اقربائك وكون انت المبادر وراح يرد لك بالمثل .. حسس زوجتك ان لها مساحتك الخاصة وله مساحتها ومو لازم الاتصالات الدائمة مهما يكون الواحد يحتاج لوقت لنفسه .. الله يوفقكم ويسخركم لبعض ويهدي لكم ابنائكم ان شاء الله |
| الساعة الآن 09:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©