زوجي طلقني لانني حملت برنامج في هاتفي دون إذنه
 

السلام عليكم

ممكن تنصحوني

انا متزوجه صارلي 2سنتين وشي وعندي ولد وحامل في شهري الخامس

لااسف طلقني زوجي وانا حامل وسببه كان تافهه حملت برنامج بالتلفون

قالي منو قالج تحملينه قلت عادي برنامج عادي قالي ماوراج رجال تستاذنين منه قلت مادري ع كل شس بستاذن قالي انتي طالق صدمني هالبرنامج توني محملته ومافي اي شي ولا احد كتبلي،فيه شي

برنامج الاسك مي

واللحين صارلي شهر ببيت اهلي ماتصل ولا جاب ورقه ولا شي مادري بيطلق والا بيعلقني جذيه والا شسالفه

ياليت تساعدوني انا مابي اتطلق وعندي عيال عيالنا اللي بيضيعون بينا



تم تعديل العنوان ليتناسب مع مضمون الموضوع

رد : ممكن مساعدهه مشكله تافهه،وصلت للطلاق
 

استغفر الله معقوله على هالسبب التافهه
طيب هل طلقك شفهيا
هل اتصل فيه والدك
هل اتصلتي انتي
الله يهديه

رد : ممكن مساعدهه مشكله تافهه،وصلت للطلاق
 

لا حول ولا قوة الا بالله
معقول السبب البسيط ده يؤدي للطلاق
هي لعبه و ماذنب الاولاد
سامحه الله و هداكما

للقضية ابعاد كثيرة نرجو زيادة الايضاح

كم اعماركما كيف تزوجتو كيف هي حياتكما بعد الزواج علاقتك باهله و علاقته باهلك
كيفه في العمل و كيفك في البيت
هل هي اول مشكلة هل هو اول طلاق هل كان في مؤشرات للطلاق غير هذا الموقف

حدثينا اكثر ان رغبتي كي نكون معكي في الصورة

اادعو الله في هذا الوقت ان يهديكما و يردكما لبعضكما رداً جميلاً

رد : ممكن مساعدهه مشكله تافهه،وصلت للطلاق
 

لااا قالي وانا عنده في البيت بعدين شلت اغراضي وخليته يوديني

ثاتي يون اتصل ابوه وقال انه كلمته وهاوشته ماكو قايده

رد : ممكن مساعدهه مشكله تافهه،وصلت للطلاق
 

لااا قبل كنت ازعل عاادي ويراضيني

واهوا ولد عمي ومافي مشاكل بين اهله واهلي وماكو شي للايضاح هذا اللي صار بالضبط بس انا سوم شفته معصب رحت الغرفه الثانبه جاني قال تقعدين لين اخلص ماتسفهيني وقعد بعد ماطلق يفتش بجهازي وانا واثقه جهازي مافي شي وخليته براحته

رد : ممكن مساعدهه مشكله تافهه،وصلت للطلاق
 

اهوا عمره 24 وانا 22

وتزوجنا عادي واهوا اللي اخترني وقبل هالمره زعلت العام ولما ردني قلتله انت مو مجبور علي ماتبيني خلني قالي لا ابيج انتي ام ولدي وزوجتي

رد : ممكن مساعدهه مشكله تافهه،وصلت للطلاق
 

شنو اسباب زعلاتكم القديمه

رد : ممكن مساعدهه مشكله تافهه،وصلت للطلاق
 

اسباي تافهه جدا

ع مصرف ما مصرف

وعلي عدم مسوليته لي ولولده

رد : ممكن مساعدهه مشكله تافهه،وصلت للطلاق
 

اتصلي فيه وان شاءالله يطيح الحطب لا تروحين تاخذين اغراضج
واستخيري واكثري استغفار وطلعي صدقه

رد : ممكن مساعدهه مشكله تافهه،وصلت للطلاق
 

خذيت اغراضي كلها قبل

واتصلت فيه مارد علي ودزيتلع واتس اب ولا رد

رد : ممكن مساعدهه مشكله تافهه،وصلت للطلاق
 

لو بيطلق رسمي كان ارسل ورقتك
استني او دخلي احد
ابوك معقوله ماكلمه

رد : ممكن مساعدهه مشكله تافهه،وصلت للطلاق
 

مادري بس مو جنه الحامل ماتتطلق الا بعد الولاده

ابوي كلمه اول ماجابني وقاله شنو هالسبب قاله برنامج قاله شالسبب التافهه في احد يطلق عشان هالسبب قال اي انا

وطلع

رد : ممكن مساعدهه مشكله تافهه،وصلت للطلاق
 

ما زلتما في مقتبل العمر و بداية الحياة الزوجية
استهدي بالله و صلي و اقنطي لربك
ما حصل شئ لكل ذلك الفعل

ما دومتي شارية توكلي علي الله و حاولي تاني
عشان اولادك و حملك الزعل مش حلو عشانك

كلميه و افتحي له قلبك و ما دام لا يريدك علي الانترنت فا افعلي لحين توافر الثقةالكاملة تجاههك

لا تؤاخذيه بغيرته و خوفه عليكي فنحن نسمع كل يوم عن الاف الحوادث بسبب الانترنت
فتعالي علي نفسك و لا تشتركي في مواقع التواصل الاجتماعي طالما انه لا يريد

حاولي ان تقتربي منه اكثر و ان تجعليه يشاركك في كل شئ
عندها ستفعلي امامه كل شئ و سيكون راضياً و موافقاً

محاولاتك لا تعني ضعفك لكن تعني تمسكك ببيتك و حياتك
كوني صبورة لحين رجوع المياة لمجاريها بعدها اختاري الوقت المناسب لاخباره بأنمرة من ذات المرات لن يكون هناك رجوع
فلا تجعلو لحظة غضب تضيع سنوات عِشرة و تهدد حياة اطفال

اطفالكم اهم شئ في حياتكم لهم من المأكل من المشرب من الخروجات من الانترنت اهم من كل ما سواهم

رد : ممكن مساعدهه مشكله تافهه،وصلت للطلاق
 

هل هو من اﻷساس مانعك من تحميل أي برنامج من غير إذنه وانت خالفت أمره؟

رد : ممكن مساعدهه مشكله تافهه،وصلت للطلاق
 

ادري وقلتله هالكلام قلت له مشاكل تصير بين اي متزوجين ماتوصل ااسالفه للطلاق

وبعدين مشاكلنا ليش تدخل الولد فيها عفت الولد وماسالت عنه

عقب يومين جا واخذ الولد ساعه ورده بعدين اول يوم رمضان اخذ الولد بعد
بس عقب شنو عقب 20 يوم وعقب ماقلت له المشكله بيني وبينك ماتسال عن ولدك اهني خذاه شوي ورده

رد : ممكن مساعدهه مشكله تافهه،وصلت للطلاق
 

لا مامنع منعني من الانستغرام وتركته سنه كامله

وبعدين حايلته عليه وخلاني ارد للانستغرام وعادي وبنفس اليوم كنت اوربه صور ع الانستغرام ونضحك عادي فجاه شاف رابط الاسك وعصب

رد : ممكن مساعدهه مشكله تافهه،وصلت للطلاق
 

الله يهديه
هل هو شكاك

رد : ممكن مساعدهه مشكله تافهه،وصلت للطلاق
 

الله يكتب لك اللي فيه الخير ،،اكثري من الاستغفار

رد : ممكن مساعدهه مشكله تافهه،وصلت للطلاق
 

لا مو شكاك ابد

رد : ممكن مساعدهه مشكله تافهه،وصلت للطلاق
 

يبي الفكه منك برمضان ولانك حامل
باختصار
يتلكك

رد : ممكن مساعدهه مشكله تافهه،وصلت للطلاق
 

اعتقد انه السبب من التطبيق نفسه،، تأكدي انه التطبيق خالي من الشبهات قبل لا تنزلينه على تلفونج.

رد : زوجي طلقني لانني حملت برنامج في هاتفي دون إذنه
 

مافي شي التطبيق خواته بعد حاطينه
شلون يبي الفكه ليش ؟؟

رد : زوجي طلقني لانني حملت برنامج في هاتفي دون إذنه
 

التطبيق مافيه شي انا محملته وحتى مو فعال زي الانستغرام وتويتر والوتس
الله يهديه

رد : زوجي طلقني لانني حملت برنامج في هاتفي دون إذنه
 

اللحين شنو اسووووووي مابي الطلاق يتم
ويضيعون عيالنا بينا بس بعرف ليش ماجاب ورقه ولا شي

الحامل عادي توصلها ورقه

ممكن يكوت التاخير لان حامل

رد : زوجي طلقني لانني حملت برنامج في هاتفي دون إذنه
 

اختي الحامل عدتها حتى تضع حملها... يعني انتي الحين في العده لين تولدين...


غير ابوه... امه و اخواته شو موقفهم؟


الموقف فعلا ما يستاهل هالموضوع كله... و ممكن يكون تراكمات سابقه... انتي قلتي كنتي تزعلين و يراضيج.... كثرة الزعل تضر ما تنفع..

الموضوع يحتاج تدخل رجل رشيد... يجلس معه... يفهم منه شو اللي خلاه يطلق بالضبط و شو ناوي... و الافضل لو هذا الرجل يذكره ان المرأه ممكن تولد في اي لحظه و وقتها تكون بينونه صغرى..

رد : زوجي طلقني لانني حملت برنامج في هاتفي دون إذنه
 

ماقالو شي عادي قالوووو انه احناركلمناه وماكو فايده

بس شلون عده بدون ورقه ولا شي ماعطاني ورقه بس لفظ قاله

وصارلنا شهر حاليا

رد : زوجي طلقني لانني حملت برنامج في هاتفي دون إذنه
 

أذا كان زوجك طلقك بسبب برنامج

زوج يعاني من مرض اسمه الشك .. والعيشه معى هاذي النوعيه تكون صعبه
ولاكن عليكي الان بـ الاتي
اذا يريد ان يرجعك لازم يكون في شروط
وابحثي عن شرط يخليه يفكر فيه قبل الطلاق مثل يكون ي العقد في مؤخر

ولاكن الان لاتتواصلي معاه ويكون ولي امرك هو الوسيط بينكم
يجب ان يعلم انو انتي لكي قيمه
يجيب ان يتعلم احترام العشرة

الله يهدي سركم .. ويصلح احوالكم

رد : زوجي طلقني لانني حملت برنامج في هاتفي دون إذنه
 

يااختي سواء جاب ورقة او لا فالطلاق وقع وانت الان بالعده واذا وضعت مولودك وقتها تكوني خلصتي عدتك وماترجعين له الابعقد جديد ومهر جديد

وصراحه الزوج الي يطلق علشان سبب تافهه فهو زوج غير مبالي ومش متحمل المسؤوليه
يمكن زوجك لانه عمره لسه صغير كل واحد وله تفكير معين في ناس تنضج متاخر

الله يصلحه يبغاله درس يعلمه ان الزواج مو لعبه مافي احد يصلح بينكم ويوعيه؟؟

رد : زوجي طلقني لانني حملت برنامج في هاتفي دون إذنه
 

اكيد اذا جا ييبي يرد بحط شروط ورضوه بعد عشان ينقرص ومايكون الامر سهل يالتسبه ياجر قبل لا يطبق يفكر

انا اللي مضايقني انه بينا عيال واهوا ادري ماعنده مسؤليه ولا شي بس مصيره بينضج والله مادري اذا فيه احد من طرف اهله يصلح والا

رد : زوجي طلقني لانني حملت برنامج في هاتفي دون إذنه
 

بما أن أبوك عمه خليه يصلح بينكم شكلهم أهله مش مره مهتمين بالموضوع

رد : ممكن مساعدهه مشكله تافهه،وصلت للطلاق
 

عزيزتي ..

من قالج إن التقصير في الإنفاق وعدم تحمل مسؤوليتج ومسؤولية ولدكم تعتبر مشاكل تافهة؟!!

ممكن تفصلين أكثر في هذه النقطة؟

رد : زوجي طلقني لانني حملت برنامج في هاتفي دون إذنه
 

والله ابوي يقول ماتوقع يطلق بس تهديد يمكن بيعلمج درس

شلون افصل اكثر مافهمت

رد : زوجي طلقني لانني حملت برنامج في هاتفي دون إذنه
 

هل يصرف عليك
يوديك يجيبك يهتم فيك
ومن هالامور

رد : زوجي طلقني لانني حملت برنامج في هاتفي دون إذنه
 

اي ساعات يودي يجيب ساعات لا اي يهتم بس مو دايم يعتي ساعات مواعيد طبيب مايهتم لها

رد : زوجي طلقني لانني حملت برنامج في هاتفي دون إذنه
 

شنووووو اسووووي اللحين مو متقبله فكره الطلاق 😭

رد : زوجي طلقني لانني حملت برنامج في هاتفي دون إذنه
 

اختي لو طلقك زوجك هل تنتهي الحياة ..
انا لا احث على الطلاق .. ولاكن لمى تقولين لو طلقني ايش اسوي ...
ولاكن ..
الرجل لاشاف زوجته بدون شخصيه يتمادا اكثر فا اكثر
الان نحن في شهر رمضان .. صلي الوتر وادعي الله عز وجل
للزوجك ولك ...

رد : زوجي طلقني لانني حملت برنامج في هاتفي دون إذنه
 

الله يهديه ويصلح ما بينكم
والطلاق مب زين اذا في عيال
الله يهديه زوجك. استغفري وادعي ربج فاوقات استجابه الدعاء وكثري منه..

رد : زوجي طلقني لانني حملت برنامج في هاتفي دون إذنه
 

زوجك من النوع الغيور عليك جدا والاسباب المشاكل السابقة الي ذكرتيها
المفروض تكونين منتبهه وماتعيدين نفس الغلطات السابقه لكن عدم سماع كلام زوجك وتكرار الغلط حسبما يراه هو سبب الطلاق .. يمكن زوجك عنده فكره سيئة عن البرنامج او مايبي احد يسالك او اي شيء من هالقبيل وعلى العموم .. رمضان كريم وفرصتك للاعتذار بطريقة ذكية حتى تكسبي رضا زوجك وتبعدي ابليس عنكم في رمضان .. لاتنتظري زوجك يرجعك رايي ان تحاولي تتواصلين معاه باي طريقة وتعتذرين منه وتطلبين منه يرجعك ولا غير كذا انتي تنتظرين المشاكل ..
شكرا لك

رد : زوجي طلقني لانني حملت برنامج في هاتفي دون إذنه
 

شوك الله يهديك ردودك بكل المواضيع بايخه ومالها داعي مدري ليه كلها تحريض !

،،
عموما انتي في العده ومتي ماوضعتي حملك خلاص مايقدر يرجعك الا بعقد ومهر جديدين >> سادته عشان يدري ان الطلاق مو لعبه
ويقدر يرجعك بكلمة راجعتك او بجماع واشياء اخري
الله يصلحه ويهديه
وما اعتقد بيطلق انا اقول سالفتك زي سالفه وحده بالغلط سوت فولو لصديق زوجها سوي فيها زيك وبالنهايه قال انا ماكنت جاد لكن كنت ابيه درس قوي لك
يمكن زوجك كذا ؟

رد : زوجي طلقني لانني حملت برنامج في هاتفي دون إذنه
 

اتوقع السبب عمر زوجك للحين صغير
اشوف اللي يتزوجون بالعمر هذا يحسون نفسهم مقيدين وفقدوا حريتهم
واللي مايعجبه الوضع الجديد ومسئولية الزواج تلقينه بسرعه يطلق
عندي قريب كذا زوجوه بدري وكل يوم يهددها بالطلاق
خلي أحد من اهلك يتدخل ويحل المشكله زوجك باقي صغير ومحتاج توجيه