|
مشاكل أمي وأبوي .
بسم الله الرحمن الرحيم ، والصلاة والسلام على أشرف الأنبياء والمرسلين ، ورمضان مبارك على كل فردٍ منكم . أنا البنت الكبرى في العائلة .. إخوتي صغار .. المشكلة بين أمي وأبوي ممتدة بجذور من بداية زواجهم .. آخر مشكلة حصلت بينهم قبل رمضان .. وأمي وقتها فكرت إنها تأخذ اخوتي وتخليني بما إني الكبيرة عند ابوي وتجلس عند أهلها .. لين كلمتها وأقنعتها وكلمت الوالد من الجانب الآخر . المشكلة كل من أمي وأبوي مخطئين بوجهة نظري .. وكل منهما يكابر .. وكل مهما شايل على الآخر مثل الجبل على قلبه .. ولا يتصارحون فيما بينهم أبدًا .. آخر مشكلة كانت هي القاصمة .. لأن أمي قامت بطرد أبوي من البيت .. مع سباب وشتائم .. والسبب جدًا تافهة .. لأن الوالد أحيانًا يدخّل أصدقاؤه داخل البيت بدون مايعطينا خبر نرتب البيت وهذاك اليوم كان عندنا عزيمة وسوا أبوي هالحركة ، وراحت أمي تركتنا بوسط العزيمة وطلعت من البيت ، و طردته من البيت بعدها ورجعت هي وجلسنا حول الأسبوع ، حاولت أصلح بين الطرفين قدر المستطاع ، أبوي يقول بوقت العزيمة الي مسويها تقوم وتطلع وتخليني ؟ يعني قصدها إني لا أعزم أحد ؟ ، قلت أنا شايلة البيت وقتها وعادي ماصار شيء ، لكنه مقتنع بهالفكرة .. وأمي كلما كلمتها تفتح لي مشاكلها من بداية زواجهم لين الحين وتذكر أشياء عفى عليها الزمن .. كلا الطرفين مقصرين بحقوق بعض .. أمي ماعادت تشتغل في البيت من فترة طويلة .. وأبوي إنسان عنيد ماله إلا رأيه .. البارح صار بينهم مشادّة .. وأمي تقول إني بأروح لأهلي خلاص .. أنا حاولت أصلح ولا قدرت ، وش باقي لي من حلول ؟ .. حقيقة تعبت من محاولة إصلاحهم وطول يومي حاطة يدي على قلبي وأتابع تصرفات هذا حتى مايغلط وتصير مشكلة من جديد ... وشكرا |
رد : مشاكل أمي وأبوي .
سوي أفلام انتي واخوانك انكم صرتو نفسيات بسبب المشاكل
كلو اظافركم قدامهم ......شدو شعوركم ....خليكم انطوائين .....قارنو بينكم وبين عيال خالاتكم وعماتكم قدامهم.......صايحو في نص الليل ....انتي صيحي لااااماما لا بابا .... والله اتكلم جد ولاامزح لأن لمن يشوفون آثار مشاكلهم عليكم بيتراجعون وكل واحد بيقول الا عيالي |
رد : مشاكل أمي وأبوي .
السلام عليكم علياء
كم عمرك و عمر والديك و مدة زواجهما و لي عودة امشاء الله |
رد : مشاكل أمي وأبوي .
[SIZE="4"]
اقتباس:
البارح ذكّرتها بإخواني ووش بيصير فيهم .. وتبينهم يتعبون نفسيًا على مشاكل بسيطة غيرك يتمناها ... قالت ماعليه موب حاسين إننا متزاعلين لارحنا لبيت أهلي لأنهم بيلهون مع الصغار هناك... قلت بيلهون أسبوع أسبوعين بالكثير وبعدين ؟ .. ماكملت النقاش معي |
رد : مشاكل أمي وأبوي .
اقتباس:
|
رد : مشاكل أمي وأبوي .
ينقل الى القسم الانسب
قسم العلاقات الاسرية والاجتماعية |
رد : مشاكل أمي وأبوي .
السلام عليكم ,, :) حتى لو سوو أفلام , لن يُجدي ذلك نفعا ,, وإن نفع سيكون وقتيا ولن يحل المشكلة من جذورها ..وسيعمل مثل البنج فقط ,, الترسبات هذه التي تجثم على القلب لسنوات طويلة , تجعل العناد سمة بارزة , لأن كل واحد يظن أنه قد استنفذ كافة خياراته , وهو يدور حول نفسه فقط :) ويكرر نفس الحلول دائما , هم بحاجة فعلا لشيء يجعلهم يستفيقون من سكرتهم هذه , ولكن سيبقى الأثر ولن يذهب بسهولة .. المرحلة التي وصل لها والداكِ تحتاج تدخل مُصلح اجتماعي أو أخصائي أُسري متمكن , لأن المشكلة ليست سطحية , فأكثري من الدعاء لهم وأبعدي إخوتكِ الصغار حال شجار الوالدين , وحتى تُقنعين والديكِ بالذهاب لأخصائي أسري ستواجهين صعوبة كبيرة , لكن اعرفي مفاتِح قلوبهما , ونقطة ضعفهما , واستغليها جيدا للإقناع , يبدو أنكِ رُبان السفينة , وأنتِ فعلا أهل لذلكِ , أثابكِ الله , وألان قلب والديكِ على بعض موفقة ومُسددة |
رد : مشاكل أمي وأبوي .
اقتباس:
اقتباس:
|
رد : مشاكل أمي وأبوي .
اقتباس:
عندما قرأت بداية الموضوع شككت في أن عمر أباكِ في بحر الخمسينات ,, وقرأت عمره في رد آخر . استعيضي بعد الله بشخص حكيم , له قَبول عند والدكِ خاصةً .. ثم أن والدكِ من النوع الذي لا يٌحب التصريح ولا يؤثر فيه , لذلك تُجدي الإيحاءات معه كثيرا .. أعانكِ الباري |
رد : مشاكل أمي وأبوي .
اقتباس:
|
رد : مشاكل أمي وأبوي .
ممكن مثل ما ذكرتي ان والدلتك تمر بهالمرحلة غير انها بهالوقت وبالنسبة لها ان خلاص كفت ووفت وصبرت كل هالسنين ومو ملزومة تصبر اكثر ...
وانا معاك الغلط من الطرفين ! ،، اتذكر امي وابوي بنفس اعمارهم تقريبا بدأت المشاكل تطفح على السطح ، كنت انا المقربة واخوتي كبار اللي متزوج واللي مبتعث ،، فعلا تحسين نفسك بين شد وجذب .. احد طرقي واللي لحد الان استخدمها ،، اترك كل واحد براحته في مكان يعني ابدا لا تجمعينهم واقترحي عليهم التفرق بالغرف يعني مو بالنوم لا مجرد حاليااا لحتى تهدأ النفوس وبعدها روحي لكل واحد وامدحي بالثاني عنده وحتى لو قال شي سلبي برري مثلا امي مضغوطة وتحس نفسها متعبة من اخواني والبيت بس تحبك وتعزك هي قالت لي هالكلام ( تحرك المشاعر حتى وان لم تبن عليه ) .. انتقلي لوالدتك وبعد قولي كلام يرضي والدتك على لسان والدك! لان دامهم مو قادرين يصارحون بعض فلك المهمة هالشي كنت اسويه ويوم يومين يتراجعون ويلين القلب ... الطريقة الاخرى ،، اذا مافاد اجمعيهم اثنينهم وابكي! طلعي اللي بقلبك هم مو حابين يتصارحون اذن انتيي صارحيهم ،، بيني لهم تعبك وخوفك ونفسيتك المتعبة وشلون تفكرين بشكل دائم بمسألة انفصالهم وتشتت عائلتكم وتأثيره حتى على اخوانك .. ايضا استعملتها لما خلاص حسيت ان فعلا الامر جدي ولا ازيدك قعدت اهدد اني بسوي بنفسي شي خخخخخ عاد انا كنت شوي اصغر منك بس تعبت لعب دور الانسانة الكبيرة الفاهمه اللي تحل امورهم .. الطريقة الاخيرة ،، تنصحينهم وتجين لهم بطريقة دينية واتوقع ان بهالعمر يكون هالمسار اكثر اقناع للطرفين ،، فمثلا تقولين لوالده ثواب اللي يبتدي السلام .. او رضا الزوج بالاسلام لوالدتك .. حاولي تقدمين هدايا لكل طرف باسم الثاني .. واخر حل ،، اذا استعصت الامور تدخلين شخص حكيم ومقرب للعائلة وتتركينهم يحلون امورهم بانفسهم وتقللي الضغط على نفسك ... الله يعينك ويهديهم ويسخرهم لبعض وترجع المياه لمجاريها ان شاء الله |
رد : مشاكل أمي وأبوي .
اقتباس:
اقتباس:
اقتباس:
الله يسعدك على هالرد . |
رد : مشاكل أمي وأبوي .
هني المشكلة لما يحملوك انتي البنت الصغيرة حتى وان كنتي بالغه وفاهمه ولكن تبقين ابنتهم طفلتهم! ،، جربي معاهم سالفة الهدايا وسالفة ان فلان ييقولي يحبك يعزك والخ !! جربي مع والدك اسلوب المحبة وان فلانة تقول مشتاقة وماقدر على البعد ... انا هالطريقة جربتها لما الوالد الله يطول بعمره هو اللي زعلاااااان وماسح الدنياا ،،
طبعا الحين وصلوا لاعمار تتجاوز الخمسينات ماشاء الله ،، لازال فيه بعض وقليل جدا من الحده و لكن تجيهم من الجانب الديني فيرخون شوي ويتراجعون ... شوفي انا مرة سألت والدتي ليش ماتقولين للوالد اللي مضايقك يعني مثل والدتك تجيه مفاجئ واستفزاز ههههه بس مادري احسها من صغطها بعد كل هالسنين فيكون والدي مو فاهم وجهه النظر ! تقولي اذا سألني عن الموضوع بقووله! انزين الشخص المعلومة واصله له معكوسة شلون بيسأل ؟؟ فهمتي فحتى اهلك هذا اللي صاير بينهم كل واحد مو قاعد يوصل اللي يضايقة باسلوب يفهمه الاخر .. سالفة البكاء ،، اي والله نفعت مع التهديد طبعا وحالة الانهيار لان فعلا وصلوني لهالحالة .. رده الفعل الاولية بكاء والدتي وحزن والدي .. بالاضافة الى ذكري لاعز اشخاص على قلبهم وهي جداتي وهن متوفيات الله يرحمهم وجبت السالفة باسلوب وطريقة وسيناريو انا عارفة انه راح يتأثرون منها ! ،، حاولوا يقلبون الموضوع ان متحملين عشان الاطفال فببساطة كنت اقول احنا امانة عندكم من الله والمفترص حفظها بكل النواحي .. ولا تخافين حبيبتي ان شاء الله ما راح توصل للانفصال لان باين انهم مو جاديين مجرد فشة خلق على قولتهم ،،،، لا توتري نفسك ولاتضغطي عليها لان كل هذا بياثر عليك بعض الاحيان يحتاجون ينتركون يحلون الامور بنفسهم ويتحملون مسؤولية تصرفاتهم مع بعض .. |
رد : مشاكل أمي وأبوي .
اقتباس:
حياكِ الله , نحن هنا نساعد بعض بحول الله وقوته ,, سأحاول أشرح فكرتي شرحا مُختصرا .. ما تفعليه أنتي للإصلاح حاليا كلها دوافع ذاتية لكِ وخارجية لوالديكِ , وهذه الطريقة تنجح مرة وتفشل أخرى , ويكون تأثيرها مُتقطِعا , لذلك الإيحاءات لوالدكِ خصوصا تجعل له مجالا واسِعا للتفكير العاطفي ,, وفي الغالب أن الرجل كُلما تقدم في العُمر كلما بدأت عاطفته في الخروج أكثر, فيُحِس بأنه بدأ يتغير, لذلك يحاولون جاهدين تأخير هذا التغيير , فبعضهم قد يبدأ معه بداية الخمسينات , وبعضهم بداية الستينات وبعضهم أكثر من ذلك , وبعض ينزِع الله الرحمة من قلبه نسأل الله العافية ,, كُل ما عليكِ هو الإيحاء لوالدكِ ( بطريقة غير مباشرة تستثيري فيها دوافعه الذاتية لينطلق منها) وليس لأنكِ تُريدين أو أن أمكِ تُريد , هذا ما أقصده :) يعني إذا كان جالس يوما في الصالة احملي أخوكِ الصغير وامشي بعيد عنه وكأنكِ لم تريه واذكري لأخوكِ جملة يسمعها أو يسمع منها قليلا .. مثلا يا حظ فلانة , ( قريبة لكِ لا مشاكل بين والداها ) , أو أي عبارة تجعل من ردة فعله شيئين : الأول / المبادرة والسؤال .. يعني يقول لكِ ليش ياحظ فلانة , قولي معليش ما كان قصدي وإذا أصر أخبريه وتأثري أمامه وقومي بسرعة لغرفتكِ .. فقط .. وكرري هالموقف مرتين 3 , 4 .. لتحريك عقله اللاواعي قليلا , ولكي يجلس مع نفسه قليلا لتصفية حياته ونخلها .. وبإذن ستتغير حياتكم مع الزمن .. الثاني / الصمت والسكوت , ولن يطول معه هذا الأمر ليبحث هو بنفسه ويعرف الخلل ويبعثه على السؤال .. |
رد : مشاكل أمي وأبوي .
اقتباس:
وصحيح ، هي بحول الله مجرّد فشّة خلق .. لكن فشّة خلق متعبة صراحة .. لأنك ماتعلمين ماهيّة الموضوع بالضبط ، تخبّط في ردات الفعل والأمور .. اقتباس:
وننتظر بقيّة الإخوة إن كان لهم إضافات .. أنا ما أتيت هنا إلا لأني أحتاج أسمع من أطراف لها خبرة وتجارب زواج وأبناء .. و دعواتكم لنا في هذا الشهر الفضيل الله لا يفجعكم بما تكرهون ... |
رد : مشاكل أمي وأبوي .
الله يغرج همك ويكتب لك اﻷجر
|
رد : مشاكل أمي وأبوي .
ياحياتي الله يسعدك ويعوضك بالزوج اللي يقدرك إن شاء الله أجرك مايضيع عند رب العالمين والله يهدي أمك وابوك ويجمع بينهم على خير .
|
رد : مشاكل أمي وأبوي .
السلام عليكم علياء،
أسفة تاخرت لرد عليك، بس امبارح اجاني ضيوف على الفطور و ما كان عندي علم بقدومهم، المهم، اللي فهمت أنو والديك رزقوا بك بعد 10 سنوات من الزواج, شئ أخر انا اتفق معاك بخصوص أنه مشاكلهم تافهة و هدا لا علاقة له بفترة اليأس، لانه هذي حالهم من زمان هم عاجيهم هذا الوضع لانه لو ما كان هيك كانوا اطلقوا من زمان لان أمك الله يحفظها ليك شخصية قوية و أبوك عنيد و لا مبالي، و هم مرتاحين لوجودك فانت اطفائي العائلة، فأمك طلعت لانها مطمنه لوجودك في البيت، و لهيك بذها تروح لاهلها و تخليك معه و انت مقطعة نفسك عشانهم و هم بأنانيتهم و لا حاسين فيك أو في اخواتك الحل أنك يا تكلمي حدا كبير و حكيم من العيلة ليتدخل أو انك تطنشينهم و شوفي مستقبلك الدراسي و المهني و الشخصي، لانه هذا بس اللي ينفعك، اخواتك حاولي تحتويهم و لو اني ما أحبذ أنك تكوني أم بديلة، لان هدا بيقتل فيك طفولتك ايه طفولتك لانك بهدي المسؤوليات ما عشتيها أبدا الحكي معاهم ما بيجيب نتيجة لانهم ما يستحون منكم اسفة اني حكيت معك هيك بس أنا بتعصبني مشاكل الاباء اللي يدخلوا فيها الابناء دون احساس أو خجل و الله يكون بعونك و السلام |
رد : مشاكل أمي وأبوي .
اقتباس:
اقتباس:
اقتباس:
|
رد : مشاكل أمي وأبوي .
ما شاء الله عليكي
لسا كنت ناوية أحكيلك حسد لانو انا نفس الشي كانو اهلي وحسينا انو عين وسارت ماما تقرا قران في البيت وتقرا على الماء وتشربنا اياه والمشاكل خفت كتير انتي جربي تقري على ماء ولما أحد منهم يطلب منك تعطينهم اياه |
رد : مشاكل أمي وأبوي .
الله يرضى عليك حبيبتي و الله يحفظك و يحفظ بيتك و هلك و كل حبايبك
فعلا الان اتضح انه الحل بالرقيا و ان شاء الله خبر و وما عليكم شر |
رد : مشاكل أمي وأبوي .
الله يعينك ذكرتيني بنفسي لما اصالح بين ابوي وامي
وقلبي تشتت بينهن مرات اقول لمي ابوي يقول سامحيه بعد ما تعطيني سلسله شكاوي قديمة وجديدة مدري ةش اقول اقول لها سامحيه ومواعظ دينيه وارجع عند الوالد واقول له خلاص سامحها بعد ما يعطني سلسله شكاوي ولا وافقوا يتراضوا وانا الوسيط كلن يقول خلاص مسامحك يجلسون ينظرون فيه يعرفوا اني كذبت واا واحد منهن طلب السماح هههههههه بس خلافاتهم بسيطه ما تصل للطلاق او الطلوع برا الله لا يحرمني منهم ويجمع والديك علي خير ويصلح حالهن |
| الساعة الآن 04:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©