|
زوجة خالي تغار مني / مستجدات 12
السلام عليكم و رحمة الله و بركاتة
انا بس ودي افضفض و كذا ,hmt زوجة خالي احسها تغار مني لدرجة ان حلمي اشتري جيتار ولقيته و قلت بعد كم اسبوع اشتريه وكنت مره فرحانه ودي اصرخ من الفرحه لان حلمي تحقق ولمست جيتار و هي كانت معي و في اليوم الثاني راحت لسوق مع امي و راحت جابت نفس الجيتار اللي شلته و قالت لامي انا جايبته هديه لزوجي و قالت هذا الجيتار اللي فلانة نفسها فيه امي وقتها انقهرت و لما امي قالت لي كذا قلت عادي بس اهم شيء مو نفس نوع الجيتار اللي اباه و مره وريتها صوره لجهاز ابا اشتريه قالت تبي تجيب زيه فعلا تصرفاتها تقهر و تناديني انزل لها و اجيها اغسل مواعينها بس علشان انها في اول -حمل لا تقول حامل و كذا- امي ارسلتني اجيب قدر لنا عندها قالت لي زين انك جيتي و قالت تعالي اغسلية جيت ابي اغسله ( وقتها امها كانت موجوده ) جت امها اخذته مني وهي جت قالت يمه ليه م خليتيها تغسلة امها قالت فلانة تغسله هااااااااه و ناظرت في وجه زوجة خالي شفت فيها الحقد و الكره شكلي ابي اعلم عليها جدتي لا تقولوا عيب هي عمرها 20 يعني اكبر مني بسنه لما اجي عندها احس اني مثقفه اكثر منها |
رد : زوجة خالي
ايش حكايتكم مع الجيتار بنتي مجننتني تبغى قيتار
وإنتي ومرت خالك كلكم صغار ومو ناضجين !!! وإذا قلدتك فهي تشوفك مثال لها وقدوة المفروض تفرحي وإذا كان يضايقك الموضوع لا تقولي شي قدامها اقضي حوائجك بالسر وليش تبغي تشتكي لجدتك !! انتبهي لاتخربي بيت الحرمه مضايقه منها اقطعي نفسك من بيتها ويادار مادخلك شر |
رد : زوجة خالي
الله يصلح حالك أجل أمنية حياتك جيتار... ترى انت انسانة مكلفة وستحاسبين على ماتفعلين ولاأظنك تجهلين حكم الموسيقى !!
|
رد : زوجة خالي
السبب اللي يخليني بس ودي اعلم جدتي لاني احس انا الزوجة مو بنت اخت زوجها كل شيء انا اسويه
|
رد : زوجة خالي
اقتباس:
|
رد : زوجة خالي
اقتباس:
|
رد : زوجة خالي
طيب خليك ببيتكم وش يوديك بيتها
ولا بغتي تشتري شيء لا تقولي لحد وانزلي انتي وامك وبس وابعدي عن هذي الحركات الطفوليه ( قالت عني غارت مني) لا تزعجين راسك بهذا السخافات |
رد : زوجة خالي
يمكن يتهيأ لك لو زوجة أخوك نقول ممكن تغار أما زوجة خالك قوية شوي
بعدين حبيبتي حنا برمضان وامنية حياتك خليها العتق من النار ربي يصلح حالك |
رد : زوجة خالي
الرسول عليه الصلاة والسلام أمر المسلمين ان ابتلوا
بمعصية أن يستتروا ولا يجاهروا بها فكل أمة محمد معافا إلا المجاهرون والعياذ بالله ... جيتار وجاهرتي بالمعصية فقلدتك تلك وجلبته لأسرتها وقد يبقى سنين يدندنون عليه حتى ولو لم يفقهوا في العزف شيئاً وأنت تحملين في ذنوب هؤلاء البشر ..هي وزوجها وان انجبوا أطفال .. وان اتوهم ضيوف وزوار.. الله يتولاك برحمته يا أختي ويهديك وكلها ليال وستهل العشر فالحقي بالركب حتى تفوزي بالجنة واستمتعي بأجمل الألحان والنغمات الموسيقية هناك .. وحققي كل أمانيك ولا تتخلي عن أمنية .. هدانا الله وإياك وأدخلنا فسيح جناته.. نصيحة لك الجنة عظيمة ولا تستحق أن تخسريها مقابل ذنب انت في غنى عنه.. ولا تنظري لمعصيتك بل انظري لعظم من عصيتي وابحثي عن صحبة صالحة تذكرك بالله وتعينك على عبادته بدل بقاءك في مراقبة زوجة خالك .. |
رد : زوجة خالي تغار مني
يابنتي لاتحتكين فيها وخلاص روحي مع امك واسرارك لاتقوليها لاحد مشكلتك عاديه الله يسعدك
|
رد : زوجة خالي تغار مني
ماأشوف فيه مشكله تستاهل
تقدرين تتركينها ف حالها و ماتحتكين فيها و تريحي راسك |
فضفضه
السلام عليكم و رحمة الله و بركاته
ادري اني متاخرة بس كل عام و انتم و احبائكم بخير تذكرون موضوعي ( زوجة خالي تغار مني ) احسها زادت حركاتها عن اول مو قصة غيره احساها غيره ممزوجه بحقد و كره ما ادري من وين جاي ما أذكر عمري سويت لها شيء انقهر لما افكر بكل حاجة تسويها لدرجه مره سوت شيء ما عمري راح اسامحها فيه خلوني اكتب لكم بعض الاحداث . كان وقت رمضان كنت ناويه اشتري فستان للعيد و رحت السوق و معي اخوي راكان (اسم مستعار ) و زوجت خالي خلوني اسميها ريم المهم رحت السوق و ادور في الفساتين و جتني ريم تقول عجلي علينا انا ما احب اطول في السوق كل شوي تجيني و تعلق ع الفستان اللي ابغاه المهم قلت ماني لاقيه شيء و هذي تزن ع راسي و هي بس تبي تروح لمطعم بس مشتهية اكله الاخت و قبل 3 ساعات مفطرين و المهم قلت خلوني امشي لسوق مع امي احسن لي ، ريم راحت عند اهلها و ارتحت منها و رحت لسوق ما جبت فستان جبت لبس ثاني ، بعد كم يوم رحنى عند جدتي و بعد كم يوم جاء خالي و معه ريم وريتها اللبس حقي و امي معي قالت مو حلو لبسك لونه قاتم (هذي حركاتها بس تعلق ) قلت لها عاجبني بس كنت ابي اجيب لبس ثاني و هي ريم اشترت فستان تبي تضايقني كأنها تقول اي شيء تجيبيه اجيبه اذكرها اول تكره زوجة خالي بس وش اللي قلبها علي ما ادري ، و جاء العيد و جت بنت خالتي و هي صديقتي الروح بروح كنا جالسين نسولف جتنا ريم تقول لبنت خالتي حواجبك حلوه ما شاء الله انتي سويتيها ؟ قالت بنت خالتي ايوه . قالت لها ريم ياليت فلانه تسوي زيك تقصدني قالت لها بنت خالتي حواجبها عاجبتني زي ما هي ( مافيه اجمل من عالم يفهمك ) قلت لريم حواجبي و عاجبتني و بكيفي جتني بنت خالتي تقول لي تريها تبي تقارن بينا علشان تخلينا نغار من بعض . المهم فيه حاجات كثيرة تنرفزني منها لدرجة انها تتريق علي عند اي احد و لا عليها بس انا ما اخليها . فيه احداث اذا تبوني اكمل ابشروا |
رد : فضفضه
اذا صحيح ماتحبك مابتروح من الاساس معك لسوق
ليه طلبتي منهاتذهب معك اذا كنتي تشعرين بأنها حقوده ! لاتسيئي الظن يمكن هي شخصيتها ماتعرف تجامل وتعطيك بالوجهه وهذا مايعني انها حاقده عليك |
رد : زوجة خالي تغار مني
تم دمج الموضوعين لترابط المحتوى
|
رد : فضفضه
اقتباس:
والله انها ما تعطي بالوجه بس تسوي فيني كذا و الله ان فيها خبث مو طبيعي بس الله يفكني من شرها |
رد : زوجة خالي تغار مني / مستجدات 12
يا حبيبتي بتعرفي شو تعملي مش انتي بتقولي لما عرفت انو لما بدك تشتري فستان راحت شرت وانتي بدلتي
كان قلتي لها يييي انا ما جبت فستان لانو الكل يعرف انو موضة الفساتين راحت وسار لازم نغير يعني انتي حاولي انتي تغيزيها باسلوب راقي وبس مثلا لما قالت عن حواجبك بتقدري تقولي اه ويا ريت كمان انتي تعملي زيها لانو انتي كمان مومناسبينك قصتهم زي هيك .انا عندي بنت عمي والله من الغيرة والحقد تعمل هيك بس عمرها ما وصلت قيمتي ومكانتي |
رد : زوجة خالي تغار مني / مستجدات 12
معقولة عمرك 19 ؟
بأي صف يا قمر ؟ |
رد : زوجة خالي تغار مني / مستجدات 12
اقتباس:
|
رد : زوجة خالي تغار مني / مستجدات 12
اقتباس:
تخرجة من الثانوية |
رد : زوجة خالي تغار مني / مستجدات 12
اقتباس:
|
رد : زوجة خالي تغار مني / مستجدات 12
ماشوفها تغار ابد
واذا شرت الجيتار يمكن جازلها انا احيانا يعجبني شيء مع احد اروح اشتريه اما سالفة بتعلمين جدتك عليها !! ليه طيب شسوت هي ؟؟ ليش تسببين مشاكل بدون سبب ؟ واذا مالك خلق تغسلين المواعين اعتذري |
رد : زوجة خالي تغار مني / مستجدات 12
تحتاجين أنتِ وهي للنضج فهذه أمور جداً تافهه
حاولي حبيبتي تتغافلي عن بعض الأمور وتقدمي الظن الحسن ومافيها شيء لو أشترت شيء شبيه لما عندك أحبي لها ماتحبي لنفسك هذه أمور صغيرة لازم تكبري عقلك خلاص أنتِ صرتي ماشاء الله في عمر وحدة تتحمل المسؤولية وهذه تصرفات أطفال فأعذريني |
| الساعة الآن 02:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©