|
فطوري ليوم 18 .. ثريد، بيتزا، مناقيش
السلام عليكم ورحمة الله وبركاته .. اعتذر منكم عن التأخير في وضع مشاركتي .. بدخل في موضوعي على طول وببدأ بسم الله.. طبقنا اليومي هو الثريد .. كل يوم لازم يكون عالسفرة .. [IMG]http://im67.***********/3NyLf6.jpg[/IMG] المقادير والطريقة : نحتاج لحم + بصل + ثوم حسب الرغبة + حمص + طماط + بطاطا + جزر + اذا حبيتوا كوسا ملح + فلفل اسود + فلفل احمر اختياري + بهارات اللحم + كركم + زيت معجون طماطم وماء نحمر البصل في الزيت وبعد ما يذبل نضيف الثوم .. انا احب اضيف البهارات قبل ما احط اللحم .. لكن ممكن تضيفونه بعده .. نشوح اللحم ونضيف له الحمص ( نكون نقعناه في ماء ) .. نضيف الجزر والطماط ونشوحهم .. نضيف ملعقة او2 معجون طماطم .. نغمرهم بماء مغلي .. وعقب نضيف البطاطا عشان ما ينهرس .. ايضا اذا حبيتوا تضيفون كوسا .. نخليه يغلي على نار هاديه مع وضع الغطاء .. ونتأكد من مستوى الماء اذا نقص كثير نرد نضيف عليه .. هو يثقل لكن ما نريده يكوت ثقيل كثير عشان يضبط يوم نحط الخبز .. طبعا ينعمل مع خبز الرقاق لكن اللبناني بعد ينفع .. نقطع الخبز في ظرف التقديم ونبدأ نضيف المرق ونخلطهم .. ونضع اللحم والخضرة فوقه.. .......... [IMG]http://im85.***********/8CWN2h.jpg[/IMG] بيتزا الدجاج نحتاج : بصل فطر صدر دجاج مقطع صغير فلفل ملون .. اخضر اصفر احمر ملح .. فلفل .. بهارات الدجاج .. انا استخدمت نوع خاص بالدجاج المشوي حمرت البصل واضفت له الدجاج والبهارات وبعد ما استوى الدجاج تقريبا اضفت الفطر وشرائح الفلفل الملونة .. خليتهم عالنار شوي لكن ما انتظرتهم يذبلون .. فردت العجينة ووضعتها في صينينة الخبز .. مسحت الوجه بمعجون طماط مخفف بماء .. حطيت خلطة الدجاج عليها + جبن موتزريلا مبشور .. ودخلتها الفرن .. ..... مناقيش اللبنة والزعتر [IMG]http://im56.***********/5B4lPt.jpg[/IMG] قسمت الجينة وكورتهم .. خذيت كل كرة وفردتها وحطيت عليها لبنة ورشيت زعتر وزيت زيتون .. ودخلتهم الفرن .. بعد ما طلعتهم اضفت لهم خيار وطماط مقطعين وزيتون اسود .. ............. زعتر [IMG]http://im80.***********/JjIP30.jpg[/IMG] معمولين قبل بيوم .. نفس الطريقة بس استخدمت زعتر وزيت زيتون على الوجه.. ........... خلية النحل بشكل مختلف [IMG]http://im63.***********/b7fx46.jpg[/IMG] ما كان معي وقت فعملتهم بهذا الشكل .. الحشوة جبن كيري .. وبعد ما طلعتها من الفرن حطيت عليها عسل .. ....... هريس [IMG]http://im73.***********/zLsjB8.jpg[/IMG] ما اعرف اسويه.. ........ جلي .. كاسترد [IMG]http://im61.***********/gzmess.jpg[/IMG] ........ عصير الفيمتو .. الخبة [IMG]http://im78.***********/mBR2XM.jpg[/IMG] ...... طبعا ما لحقت اصور كل شيء .. ونحن بالعادة فطورنا بسيط وما نكثر من الاصناف .. وهذا اليوم بعد ما جهزت عجينتي وانا في الاساس ناوية اعمل فطاير لبنة .. انتبهت انه ما عندنا كمية تكفي .. فدورت شو الموجود واضطريت اعمل انواع مختلفة .. العجينة واحده .. وانا معتمدتها واستخدمها من سنين .. اخذتها من النت والله يجزي صاحبتها كل خير .. العجينة الذهبية للاخت هند : 3 كاسات وربع طحين م ك خميرة فورية م ك بكنج باودر 4 م ك حليب مجفف ذرة ملح ربع كاس زيت تقريبا ربع كوب سكر ماء .. تقريب كوبين تخلطين المواد الجافة اولا وبعدين الزيت وعقب تعجنين بالماء .. واستمري بالعجن على الاقل 10 دقايق .. هذه هي الاصلية لكن انا اقلل كمية السكر لانه العجينة طلعت حلوة اول مرة سويتها .. وخلاص صرت اعرف ازود طحين واعمل كمية اكبر .. وبس هذا كان فطورنا في يوم من الايام .. بما اني كنت مصورة اكلاتي قررت اشترك في المسابقة ... [IMG]http://im90.***********/BMvcpB.jpg[/IMG] [IMG]http://im90.***********/HHk7NU.jpg[/IMG] jyhjyhjyh jyhjyhjyh |
رد : ثريد، بيتزا، مناقيش .. فطوري ليوم 18
ماشاءالله تبارك الرحمن
الأكل بيشهي مع الصباح ذا تسلم يدك دامااس .. |
رد : ثريد، بيتزا، مناقيش .. فطوري ليوم 18
ماشاء سفرة اكثر من رائعة وكل طبق اشهى من اللي قبلو
بالعافية يا رب وغرامي المعجنات والبيتزا على دجاج روعة شكلها بيفتح النفس تسلم الايادي اللي عملت هالاصناف رمضان كريم احترامي |
رد : ثريد، بيتزا، مناقيش .. فطوري ليوم 18
jyjyjyjyjyjy
ما شاء الله ,, ابدعتي ربي يسلم يدك ويحرمها من النار شكل الاطباق ,,, يجوع ههههههه ما شاء الله عليكfdgrg |
رد : فطوري ليوم 18 .. ثريد، بيتزا، مناقيش
ياسلاااااااام ماشاء الله عليك سفره عامرة وشهيه وأطباق لذيذه
jyjyjyjyjyjy تسلم يدك وعليكم بالعافيه يارب fdgrg البيتزا والمناقيش والجلي شكلهم يشهوووووو جاني الجوع ههههdfh والثريد عمري ماعملته ونفسي من زمان اجربه ومنظره يفتح النفس jk ماقصرتي دموسه حبيبتيdgndgn |
رد : فطوري ليوم 18 .. ثريد، بيتزا، مناقيش
ماشاء الله تبارك الله
أكلاتك جدا اكثر من روعه bht وسفره تفتح النفس عليكم بالعافيه داااماس |
رد : فطوري ليوم 18 .. ثريد، بيتزا، مناقيش
ماشاء الله
تسلم الايادي .. وعليكم بٲلف عافية الصراحة اطباقك تفتح النفس واعجبني جدا الثريد واحبه لكن نادرا مانسويه .. (والثريد هو. الطعام الذي كان يحبه رسولنا محمد صلى الله عليه وسلم) وانتي استخدمتي القرصان الجاهزة فيه . |
رد : فطوري ليوم 18 .. ثريد، بيتزا، مناقيش
يمممممي لزيز
تسلم يدك |
رد : ثريد، بيتزا، مناقيش .. فطوري ليوم 18
اقتباس:
نورتي موضوعي .. شكرا لك |
رد : ثريد، بيتزا، مناقيش .. فطوري ليوم 18
اقتباس:
والبيتزا فعلا كان لذيييذ .. بس سفرتي ما تجي شيء جنب ابداعاتك ماشاءالله عليك هههه شكرا لك على الرد .. نورتييي |
رد : ثريد، بيتزا، مناقيش .. فطوري ليوم 18
اقتباس:
هههه خلصنا صيام يلا تفضلي عالسفرة .. شكرا لك حياتي.. |
رد : فطوري ليوم 18 .. ثريد، بيتزا، مناقيش
اقتباس:
اهليييين ندوشة الغالية الثريد الصراحة ماما تضبطه عدل بس انا اعمله ثقيل شوي احب المرق يكون ثقيل بس هو المفروض يكون اخف .. بس طعمه حلووووو وايد مع اني ما اكله عالفطور بس لازم اذوق منه ههه.. شكرا لك حبيبتي |
رد : فطوري ليوم 18 .. ثريد، بيتزا، مناقيش
اقتباس:
شكرا لك حبيبتي.. |
رد : فطوري ليوم 18 .. ثريد، بيتزا، مناقيش
اقتباس:
عليه الصلاة والسلام .. هلا حبيبتي سلامه .. الله يسلمك ويعافيك .. نحن عاد يوميا في رمضان لازم ثريد ... امم والخبز لا مو جاهز .. عندنا وحدة من قريباتي الله يجزيها الخير تخبزه بكميات طبعا قبل رمضان بفترة .. وتوزعه علينا .. والكمية تكفينا الشهر كله ... مو كل الناس تقدر تسويه لكن حريم الاوليات يسوونه .. شكرا لك حبيبتي اسعدني مرورك |
رد : فطوري ليوم 18 .. ثريد، بيتزا، مناقيش
اقتباس:
شكرا لك على مرورك اللذييذ |
رد : فطوري ليوم 18 .. ثريد، بيتزا، مناقيش
ٰ ماشاءاللہ اشتهيت بيتزآ ان شاءاللہ أسويها .. هنا وعافيہ ♡ ٰ |
| الساعة الآن 02:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©