|
خطيبتي باردة شي يطفشش زهقت
السلام عليكم
انا مملك من اشهر بسيطة جداً علاقتنا اشبة كـأننا اثنين من الشباب كلام رسمي مافي غزل مافي حنية مافي دلع كلامها جدا جدا قليل انا برضوا كلامي قليل بس مع الناس المقربين مني, اتكلم كثير لا هي خلقة كلامها قليل وصرت زييهاا بس للامانة ما قابلتها الا مقابلات بسيطة كنت اشوفها غير وكلامها حلو بس ودي ازورها كثير لكن ما حسيت في تجاوب منها او ودها تقابلني عشان اقدر اقولها اقابلك اوقات اتحسف اني تعجلت في موضوع الزواج , اشتغل ولله بالشقة ومال امي نفس احس حماسي للزواج خف صارت علاقتي معها روتين سلام عليكم وكيف الحال ما احس نفسي مرتبط بشريكة حياتي وكم مرة صارحتها تقولي طبع فيني كلامي قليل وفيها خجل زايد يطفششش كرهت حتى الخجل , انا نااااقص اخاف تصيير علاقتنا كذا حتى بعد الزواااج اخ بس صار يراودني تفكير افسخ الخطوبة لاكن اتعوذ من الشيطان ما ابي اكسر فرحة امي وابوي ممكن مشكلتي كنت متخيل ايام الملكة دلع وحب واهتمام وحنان ههههههه طبعا صرت اكلمها بعد كتابة العقد قبل مافي اي شي |
رد : خطيبتي باردة شي يطفشش زهقت
بدري على الطفش
البنت خجوله وانت إنسان غريب عليها لسى ماتعودت عليك ولاتعرفك فراح تخجل منك بس مع الوقت وبعد الزواج راح تتغير وتصير تتكلم وتتكلم لغايه ما تتطفش وانت كمان حاول تفتح معها مواضيع عامه وكلمها عن يومك وايش سويت فيه واسالها عن يومها صدقني راح تتغير وبعد الزواج لا تجئ تشتكي وتقول زوجتي كثيره الكلام وحنانه وماتسكت ومو بس انت خذ لك لفه في القسم راح تلاقي كثير من الشباب زيك |
رد : خطيبتي باردة شي يطفشش زهقت
تكلمت معاها في اي موضوع يجي ع بالك لكن تردد علي بقدر الملح ع الطعام
كلامها معدود جداً ابي اسمع منها سوالف طويلة مفتوحة ترد ع قد كلامي واقل ما يمكن اعطيتها كل ابيها منها من حب واهتمام ولكن مافي مقابل منها هذا الشي صار يضايق وصرت بارد زيها ما اختلفنا بعد الزواج نقول تتغير وطيب وايام الملكة ليش يصير فيها كذا ؟ الكتاب من عناونه شكرا لك |
رد : خطيبتي باردة شي يطفشش زهقت
أولاً ألف مبروك والله يتمم لك على خير
ثانياً طول بالك شوي كثير اللي يشتكون زيك إلإحتمالات كثير منها إن البنت خجوله _ مو متقبلتك _ تسمع نصايح إللي يقولون لها إثقلي _ هاذا طبعها فعلاً مهمتك إنت تعرف هي ليه كذا معك ولاتكون مندفع كثير أكثر البنات يتضايقون لأنكم يالرجال الله يهديكم عجولين تبون بسرعه حب ولما تزورون زوجاتكم تطلبون أشياء لسه بدري عليها يعني الواحد يتدرج شوي شوي ولايصير مندفع عطها فرصه تعرفك وتحبك لاتستعجل عليها أما تلغي الزواج عشان كذا لأ مالك حق أوكي مخاوفك بمحلها بس أصبر شوي والله يوفقك |
رد : خطيبتي باردة شي يطفشش زهقت
عاادي وضعها بس اذا كانت خجوله بزياده يعتمد عليك انت تقدر تطلعها من خجلها ابدأ احكيلها اش صار معاك ف يومك وخلها تندمج بالسالفه يعني مو توجه* لها اسئله حترد ع قد السؤال اكيد..وطول بالك لاتبدي لها تضجرك من سكوتها اوتقول لها ليه ماتسولفي او يلا سولفي كذا حتى لو كان عندها سالفه حتضيعها..
وزورها وخلها تتعود عليك |
رد : خطيبتي باردة شي يطفشش زهقت
استخير .. و الفترة هذه عشان تشوفوا حالكم مناسبين لبعض و لا لا ؟
يا تتقبلها كذا .. او لا تفكر بتغييرها .. |
رد : خطيبتي باردة شي يطفشش زهقت
اذا قصدك على كلام الحنية و الغزل الخ فشي طبيعي انها ما راح تبادر و راح تخجل بادر انت يا عيوني، اما لقل كلامها ممكن طبعها كذا فعلا او خجل ما راح تعرف هالشي الا اذا منتوا على بعض و ممكن تطول فترة الملكه اذا هالشي مرة مضايقك و شي اساسي عندك عشان تعرف طبعها و انتم للحين في السيف سايد ..
|
رد : خطيبتي باردة شي يطفشش زهقت
الزم الدعاء ان الله يألف بينكم،
طيب انت اسألها وش شريتي وش جهزتي للعرس وش باقي لك من تجهيزات البنات همهم هالفترة التجهيزات ويحبون يتكلمون بهذه المو اضيع بهالفترة، تكلم معها بخصوص تحضيرات العرس واطلب رأيها وأعطها رأيك، أقصد افتح موضوع يلامس شغاف قلبها وشوف مدى تجاوبها، |
رد : خطيبتي باردة شي يطفشش زهقت
اخوي كانت هذي مشكلتهايام خطبته البنت تستحي وقليل كلامها بعد الزواج العكس الله يهنيهم
|
رد : خطيبتي باردة شي يطفشش زهقت
هي تستمتع بكلامك لكن لا تبين لك .. فاقطع واثقل حتى تشتاق لكلامك
ولا تعود كما كنت بل تتدرج لأبعد حد .. الركادة زينة في بداية الحياة الزوجية بدلا أن تسكب نهمك مرة واحدة واصبر عليها ربما عمرها صغير والأيام كفيلة بأن تحولها الى متحدث رسمي |
رد : خطيبتي باردة شي يطفشش زهقت
انا مع فك الخطوبه مدامكم بالبدايه
|
رد : خطيبتي باردة شي يطفشش زهقت
اقتباس:
|
رد : خطيبتي باردة شي يطفشش زهقت
اقتباس:
أهون من يطلقها بعد العرس وإلا |
رد : خطيبتي باردة شي يطفشش زهقت
صديقتي كلامها كثير ودوشتتي ... ولما يكلمها خطيبها تتكلم بطريقة تنرفز كلمة وتقفل وهزائته قالت له انت عطلتني عن دراستي
بس وربي شخصيتها روعة ..في بنات كدا ما يعرفون يتكلمون في الجوال خاصة مع الجنس الخشن ههه .. تعوذ من الشيطان ومع الايام بتنسد اذنك من كثرة سوالفها |
رد : خطيبتي باردة شي يطفشش زهقت
عزيزي اختي مملكه من ثلاث شهور على واحد اخذته من شدة حبه له اخذته غصب على اهلي ونشبت فيهم لين وافقوا
المهم اختي خجوله جداً تقول لما يكلمني اخاف واو استحي يسمع صوتي واختصر الكلام قد مااقدر واذا قال لها صباح الخير تقول استحي اقول صباح النور مع ذالك هي تعشقه بس طبيعي هذا دليل على انوثتها والخجل لابد منه انت تخيل انها طول عمرها واهلها يعلوموها الحياء والخجل من اي رجل غير محارمها وفجاءه صار الوضع عادي اكيد الخجل بيكون معاها انت اصبر عليها وترا الطلاق ابد مو حل الحياه الزوجيه فيها مشاكل كثير والطلاق اخر الحلول |
رد : خطيبتي باردة شي يطفشش زهقت
السلام عليكم
لماذا الرجل عندما يريد الزواج يختار بنت العائلة المحافظة ويود انه يكون اول رجل في حياتها وما عمرها كلمت احد وخجولة كثير وما ترفع عينها في احد وفجأة بعد يوم من العقد تكسر حيائها وتنسى تربيتها باسم زوجي حبيبي بين يوم وليلة اخي البنت التي تتكلم ولا تخجل ومن اول ايام الخطبة حبيبي وحياتي تأكد ان هناك احد قبلك كسر حياءها انت احمد ربك صبح ومساء على نعمة زوجتك المبادرة اخي من الرجل لو تخلصت من حيائها الطبيعي تخاف من ردت فعلك انك تقول جريئة وما تستحي ؟؟؟؟؟؟؟؟؟؟؟ بادر انت بالكلام دون ان تنتضر منها الرد كلمها لوقت اطول ولا تطلب منها ان تتكلم فقط تكلم في مواضيع عديدة اخبرها كيف تحب زوجتك ان تكون وكانك تخبر صديقك لا هي اي صاحبها واسالها كيف تحب ان يكون زوجها بصفة الغائب اذا رفضت الكلام قل اعرف انك مستحية لهذا انا اسال وانت تجيبين مع الوقت رح تلاقي نفسها تتكلم دون ما تشعر |
رد : خطيبتي باردة شي يطفشش زهقت
كلام الاخت ريتاج على حق
الحياء شعبة من شعب الايمان لا تفرط فيها و احنا بنات الإيل هيك بس قلوبنا مليانة حب و عشق |
رد : خطيبتي باردة شي يطفشش زهقت
طيب ابعتلها رسالة رومانسية وشوف شو بترد عليك
|
رد : خطيبتي باردة شي يطفشش زهقت
طيب انت بادر .. انا هذي كانت مشكلتي
كنت انا استحي و زوجي كمان خجول و للحين العقده ما فكت اذا انت ما تبادر لا تتهمها لانه معروف الرجال هو الي يبدا بكل شيء و بدايت الارتباط دايم البنت تجيها نصايح لا تبدين يشك فيك انت مهد و هي اذا عن حيا تحاول تغلب على خجلها |
رد : خطيبتي باردة شي يطفشش زهقت
اولاً : اعتذر عن تأخيري بالرد لإنشغالي راح ارد رد عام .
ثانياً : اشكركم جميعاً ماشاءلله عليكم استفد كثير البعض التمست فية الحكمة والقليل لو وفر عن نفسة الكلام افضل . ثالثاً : الله يسعدكم جميعاً دنيا واخرة ويسهل اموركم . رابعاُ : بحاول اغير من طبعها وبطول بالي لان في اشياء حلوه فيها تخليني اصبر كثير عليها . |
رد : خطيبتي باردة شي يطفشش زهقت
اخوي تعوذ من ابليس ولازم تتعود على شي اسمه صبر ولاتكون ملول وعجول الله يهديك وبعدين تندم والله العالم زوجتك نفس حالتي لمازوجي بدأ يكلمني بعد الملكه يعلم الله كنت استحي واعترف ماكنت اعرف اتكلم معاه ابداهو اول شخص دخل بحياتي وكان يبي لي وقت اتعود عليه و اكيد بتفرق مع زوجتك لماتتكلم مع اهلها ومعاك وشي طبيعي تكون كذا كل البيوت تربي بناتها على الحياء والخجل مستحيل بين يوم وليله تكسرهذا الحاجز
وزوجتك واضح انها في قمة التربيه ماشاء الله ..الله يسعدكم ويجمعكم على خير |
رد : خطيبتي باردة شي يطفشش زهقت
دامها مب في بيتك طبيعي ما بتتكلم وبتحس بخجل تجاهك.
قبل الزواج كنت ما اتكلم كثير وشخصيه جاده ماحب المزح. لكن الحين صرت مرحه اتكلم وايد. لانك متحمس للزواج ماعندك صبر.صدقني كل شي بيجي في وقته |
رد : خطيبتي باردة شي يطفشش زهقت
نوعية التواصل مهمه
فيه اشخاص كثيرون الكلام سريعون .. كلامهم عميق.. ناس كلامهم سطحي وناس مقلون فالكلام لايحبون الاكثار منه .. والخ الخ اذا هذا مو مهم فالزواج كمعيار.. عيل ايش المهم؟؟ تخيل بكره تصير مشكله ما.. وتجون تبون تخططون وتفكرون مع بعض .. تلاقي نوعية التواصل بينكم شبه معدومه؟! أعرف وحده ماتحب تتكلم فالتفاصيل وقليلة كلام ونوعاً ما خياليه .. يعني المنطق عندها عليه السلام.. وزوجها منطقي بشكل كبير ويحب يتكلم كثير وماعنده مشكله يقعد بالساعات يتكلم عن موضوع عميق وكله تفاصيل .. وهي كثير تعبانه منه وهو تعبان منها ما اقول لك مافي حب بينهم.. لا فيه لكن هي حساسه وهو صريح جداً واحيانا يجرحها بكلام مايقصده ولكن لان طبعه الصراحه وهو يتملل من زعلها الدايم ويقول تكبر الامور.. وتعقدها وتزعل بسرعه انا ماعندي اي مشكله فالتواصل مع هذا الشخص واقعد معاه ممكن يومين نهذر :) ولما يقول لي كلمه من كلماته الصريحه مازعل ويمكن ارد عليه بنفس القوه وعااااادي جداً لاني نفس شخصيته والتواصل بيننا ممكن هذا اهم شي فالزواج يكون التواصل جيد بين الزوجين لازم تعرف وتتاكد أن هذا الخجل الي فيها مو خجل انها عروس ولكن طبع وبعدها كيفك استخير وشوف نفسك تقدر تكمل ولالا لان احيانا بعض الاهل يخوفون بناتهم .. لازم تستحين ولازم ماتتكلمين بيفهم انج جريئه والخ الخ فانت لازم تتاكد جيداً من ان هذي فعلاً شخصيتها المفروض وقت الخطوبه تكون هاايم فيها ماتقدر تترك التلفون انا اتذكر زوجي كان يعاني مني من هالشيّ عالرغم من اني ابو الهذره كلها ومب من النوع الخجول ابداً .. لكن امي كانت تخوفني وتشككني في اتصالات زوجي الكثيره كان تقريباً مايترك التلفون حتى وانا نايمه معاي عالخط كانت تقول لي يمكن يشك فيج .. وانتي ماخذه راحتج معاه لو انفصلتوا بتتحسفين كلام غريب عجيب يا أمي :) ولكن مالومخا لانها خايفه علي ولكن الحمدلله انا لاني صريحه صارحت زوجي بالكلام الي امي قالته كله والي قالوه لي بنات عمي وخواتي .. وهو وضح لي الامور كلها وقال انا لاني احبج اتصل دايم ومن هالكلام وانا زوجج ليش ماتكونين جريئه معاي؟؟ والخ الخ.. وجزاها الله خير بنت خالي قالت لي كل وحده وزوجها غير والرجل اذا استحيتي منه ممكن يفهم انج بارده او مو متقبلته وراح ينفر! لا تسمعين كلام الحريم ومن يومها وانا مطنشه لكل حرمه :) واتعامل مع مشاكلي معاه بنفسي واصارحه بالضبط بشعوري وماشين تمام!! فاحتمال تكون زوجتك حد مكلمها موصيهاا تاكد قبل ما تقرر بالاول! واذا ماتقدر تتقبلها احسن تنفصل لان بعدين راح تظلمها جد جد بعد الزواج اذا كان هالمووضوع ينفرك منها بهالطريقه و ممكن تروح تدور هالمواصفات بغيرها!! ليش؟ من الاول.. اختار وحده ما تقدر تشيل عينك عنها وتكون فعلا نصفك الثاني للحين اذكر كلمه زوجي يوم قال.. آنا مشترط على امي شرووط كثيره.. وقالت تبيها منزله من السما؟ قلت ايه عشان ما اشوف غيرها ولا اخونها وتملى عيني لكن قبل ماتتخذ الخطوه صارحهااا تماماً بكل شي.. قول لها علاقتنا بارده وغي عن ماتوقعت وانا ابي شريكه حياه .. تشاركني كل اموري واحس بوجودها .. انتي شخصيتك غير عني صارحها لان يمكن يطلع سوء تفاهم وتنحل المشكله |
رد : خطيبتي باردة شي يطفشش زهقت
اسمح لي اخوي اقول انه واضح انت الي تطفش
واحد يتصل ع خطيبته ويقولها بس كيفك ايش اخبارك فقط ترى الشراره تبدأ منك دلعها سولف معاها كثيييير حتى تتعود وتتجرأ عليك المرأه الي ماتعودت تناقش الغريب صعب تتأقلم مع زوجها بسهوله ومتأكده لو انها جريئه كان انت تخوفت منها ومن جرأتها .... |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©