زوجي رفض اعتذاري بعد خلاف خارج المنزل (حلت -الرد20)
 

السلام عليكم ورحمة الله وبركاته


مشكلتي بسيطة طلعنا انا وزوجي لمطعم وكان المطعم بإختياري

وكان في نفس اليوم مباراة كأس العالم يعني أمس ، وكان المطعم

فيه شاشات تعرض المباراة ، والبنات صراحة الله يهديهم كاشفين ويصايحون اذا جات هجمة

قال لي زوجي هذا المطعم اللي اخترتيه ، واستمر يتابع عند طاولة هالبنات وكانت فيه وحده تطالع

بزوجي وتتميلح ، رحت انا عند شاشة ثانية وناديت زوجي ، زوجي طالعني مستغرب قلت له يعني عاجبتك قلة الحيا هذي

زوجي قال يالله على البيت ومافيه عشا ، رجعنا البيت صلحت سحور وماقلت لزوجي ولما جا وشاف السحور
قال انا ولد الشغالة ليش ماناديتيني قلت له بقيت لك سحور ( للعلم زوجي معاه مرض مزمن ومايصوم غالباً) وراح تسحر عند اهله

هذا اللي صار كله امس

اليوم ماافطر معاي راح افطر مع اهله

على الساعه 12 صلحت شاي وبيتزا ورحت اعتذرت منه وماقبل اعتذاري

وراح اتسحر مع اهله ومايكلمني من امس


مين الغلطان فينا ؟

وهل كان واجب علي اعتذر ، ؟

(تم التعديل ليتناسب مع المضمون)

رد : زوجي رفض اعتذاري
 

الظاهر هو كان ناطر منج اعتذار بس لما شافت سويتي سحور وما ناديتيه حس ان مو هامج وعصب

اعتذري مرة ثانية واذا رفض تصرفي ولا كأن شي صار

كلميه عادي واذا حقر وما رد عليج ذيج الساعة رفعي الجام عدل ولا حتى تطالعين فيه

رد : زوجي رفض اعتذاري
 

صحيح اتوقع كان ينتظر اعتذار والمشكلة زوجي يزيد مع الاعتذار

انا اعتذرت اليوم عن اني ماناديته للسحور لأني في الموقف الأول مااشوف نفسي غلطت

هذا اللي بسويه لاني اذا اعتذرت لأحد وماقبل اعتذاري اطنش واعيش حياتي بس مدري ليش قلبي يعورني


الله يرزقك بالولد الصالح ياموهبة ، قريت موضوعك ياموهبة وماعرفت ارد عليك لأن تفكيري مشوش وقلبي يعورني

رد : زوجي رفض اعتذاري
 

جزاك الله خير على الدعاء الطيب

لا تحاتين بيلين ان شاء الله

رد : زوجي رفض اعتذاري
 

رد : زوجي رفض اعتذاري
 

ما اتوقع في زوجة في الدنيا تسوي سحور وما تكلم زوجها .. حقيقة صدمه

المعروف ان الزوجة تخبر زوجها أصلا ماذا يريد من سحور من تسحب عليه

كأنه على الهامش .. من حقه يسحب عليك ويروح عند امه حس بقيمتها ..

اما مشاهدته للمباراة في وسط النساء طبعا أنا مستبعد ان هذا الأمر في أرض

الحرمين انتم في بلاد فيها اختلاط سافر ..أصلا كيف رضي زوجك يجرح صومه

بالقعود معهم , هذه من حقك تزعلين عليه

رد : زوجي رفض اعتذاري
 

تعلميها قاعده بحياتك
اذا اخطأتي انت اعتذري مره وحده وبعدها طنشي وانشغلي عنه ومارسي حياتك طبيعي
واذا هو اللي اخطأ لا تعتذري وانتظريه لين يعتذر هو
طريقة الرجل بالاعتذار يا حبيبتي بتختلف عنا مو زينا
الرجل بيعتذر بطرق غير مباشرة
يعني ناداكي تشوفي التلفزيون معاه هذا اعتذار
سئلك عن اهلك وشو اخبارهم هذا اعتذار
عمل علاقه معك بالفراش هذا اعتذار
عزمك على مطعم بره هذا اعتذار
شرالك هديه او ايس كريم او أي شي وهو راجع من بره هذا اعتذار
ما دام اعتذرتي وما قبل طنشي ولا تسئلي
واليوم نظفي بيتك وجهزي الفطور والسحور وكوني متشيكة وتكلمي بمواضيع ثانية غير موضوع المشكله اللي صارت
طبعا لا تنسي تحكيلو يالله نتحسر مع بعض ويالله نفطر مع بعض
مارسي حياتك طبيعي ولا كانه فيه شي
وانشغلي عنه لحتى يرضى لحاله
لا تنسي الابتسامه والصمت والغموض
واستعيني بالله وحافظي على سورة البقره والاستغفار والدعاء
الله يسخره لك امين

رد : زوجي رفض اعتذاري
 

المشكله مو معطيني مجال ولاحتى يطالع فيني

الله يجزاك خير اختي دوندرمه ويرزقك من حيث لاتحتسبي .

رد : زوجي رفض اعتذاري
 

اخوي المباراه كانت في الليل يعني ماكان صايم وهو اساساً مايصوم

بالنسبه للسحور انا فعلاً اخطأت واعتذرت عن خطأي وعشان كذا كتبت الموضوع .

الله يجزاك خير ويرزقك من حيث لاتحتسب اخي .

رد : زوجي رفض اعتذاري
 

انا اصلاً كل يوم انظف البيت واصلح فطور لكن هو مايجلس معاي نهائي

واليوم من قبل الفطور اخذ بنتي وراح يفطر عند اهله ، وانا افطرت لوحدي


الحمدلله اختم كل يوم جزء واليوم اكثرت من الاستغفار وحسيت براحه

الله يجزاك خير متفائله ويفرج همك ويرزقك من حيث لاتحتسبي .

رد : زوجي رفض اعتذاري
 

مشكلة بسيطة ان شاء الله و حلها سهل لا تزعجي نفسك
من ناحية انك غلطتي فانتي غلطتي لكن ممكن طريقة الاعتذار ما عجبته فشوفيلك طريقة اعتذار اخرى
صلحيله سهرة حلوة في الليل و تزيني بأحلى زينتك اللي يحبها و كلميه بهدوء و ان شاء الله يلين
الرجال بشكل عام أسهل من الفكرة اللي ماخذينها عنه ممكن بأي شيء بسيط يرضى و ينسى لكن المهم الوحدة
تعرف شو يحب زوجها و تعمله له

رد : زوجي رفض اعتذاري
 

بزوجي وتتميلح ، رحت انا عند شاشة ثانية وناديت زوجي ، زوجي طالعني مستغرب قلت له يعني عاجبتك قلة الحيا هذي

زوجي قال يالله على البيت ومافيه عشا ، رجعنا البيت صلحت سحور وماقلت لزوجي ولما جا وشاف السحور
قال انا ولد الشغالة ليش ماناديتيني قلت له بقيت لك سحور ( للعلم زوجي معاه مرض مزمن ومايصوم غالباً) وراح تسحر عند اهله

هذا اللي صار كله امس

___

صراحة انتي الغلطانه
لسبب هو وداك للمطعم وباختيارك ومتحمس ،حب انك تقدرين هالشي
الامر الثاني حتى لو حركات البنات مو عاجبتك ليش تقولين له أعجبتك قلة الادب :/
كان في أسلوب افضل ،البنات صراخهم مزعج ، احس وجودنا بذاك المكان يعطي الناس عنا صوره مو كويسه
الامر الأخير في زوجه تتسحر وما تعلم زوجها :/
طبعا ترا المشكلة مو من سيء واحد حصلت
تجمعت سالفة المطعم مع السحور
فكبرت برأسه ،لذلك اصبري ، طولي بالك
وان رجع اليوم للبيت سويله شي يحبه ،وحاولي تكسرين حاجز الخلاف

وتعاملت معاه طبيعي ،ارسلي في الواتس اب مقاطع عاديه والا مضحكة
مو شرط اعتذار
اذا رجع استقبله عند الباب يعني منتظره حضورك

والله يصلح مابينكم

رد : زوجي رفض اعتذاري بعد خلاف خارج المنزل
 

يابنت الحلال الغيرة اللي مو بمحلها مدمرة،
الرجال منشغل بالمباراة تلقينه مو داري عن البنات،،وانت حاطة البنات ببالك وجالسة تحرقي قلبك،
بدليل استغرابه لما غيرت المكان،،كأنه يقول انا بوادي وانت بواد ثاني،

انت ف بالك اذا غيرت المكان ماراح يشوف البنات؟!!!
البنات بكل مكان بالتلفاز والشارع والنت وووو،،،،
لكن المهم هو قلبه وعقله مع مين،،

الله يصلح حالكم وحالنا.

رد : زوجي رفض اعتذاري
 

كل اللي قلته صلحته ومارضى ومازال يأكل عند اهله


الله يجزاك خير ويرزقك من حيث لاتحتسب.

رد : زوجي رفض اعتذاري
 

طيب انا غلطت وعارفه خطأي وكل ابن آدم خطاء الغريب انه مايقبل أسفي


والله كل اللي قلتيه صلحته لكن احس زوجي يبي يكسرني

امس ودينا بنتي للمستشفى وبعدها وديناها الملاهي توقعت خلاص طاح الحطب وكنت ببشركم

لكن بعد ماطلعنا من الملاهي مر مطعم واخذ عشا له هو وأهله

صعبت علي نفسي اعتذر مره ثانيه انا لما غلطت المره الأولى اعتذرت.


الله يجزاك خير ابتسامه ويرزقك من حيث لاتحتسبي

رد : زوجي رفض اعتذاري بعد خلاف خارج المنزل
 

والله مو المشكله في الغيره ولاغيرت المكان عشان كذا

المكان اصلاً كان شبهه وشي مقزز واحنا بشهر فضيل حتى زوجي يقول ماتوقعت فيه بنات كذا

آمين الله يصلح الحال ويجزاك خير ويرزقك من حيث لاتحتسبي .

رد : زوجي رفض اعتذاري
 

الله يهديه ويصلح قلبه
خليك ضابطه نفسك ،ولاتنفعلين

خليك على عادتك ،بالفطور احسبيه
وبالسحور قبل تحطينه دقي عليه

وان سوى حركة منا والا منا قصده يستفزك او يبي يطلع زعلك منه
طنشي واستغفري وتوضائي تهدين

اعتذرت مره كفائه ،وهو مرده بيرجع بس خلي تعاملك معاه زين


الله يصلح مابينكم ويسعدكم

رد : زوجي رفض اعتذاري بعد خلاف خارج المنزل
 

الله يجزاك خير ابتسامه ويجعل الابتسامه ماتفارقك

الحمدلله مع الإستغفار هدأت نفسي كثير .

رد : زوجي رفض اعتذاري بعد خلاف خارج المنزل
 

الله يفرج همك

هو بالعاده ادا زعلتيه واعتدرتي كدا طريقته معاك مايرضى منك ويصير ياكل عند اهله ؟؟

رد : زوجي رفض اعتذاري بعد خلاف خارج المنزل
 

وفاء لا اول مره يسويها لأني غلطت وماناديته للسحور

الحمدلله انحلت مشكلتي بفضل ربي .

رد : زوجي رفض اعتذاري بعد خلاف خارج المنزل
 

الحمد لله
الف مبروك
الله يهنيكم
يارب
المره الجايه اظبطي اعصابك وعدي للعشره قبل أي تصرف او أي انفعال
الله يفرج همك ويشرح صدرك ويهدي بالك امين

رد : زوجي رفض اعتذاري بعد خلاف خارج المنزل
 

الله يبارك فيك متفائلة

زوجي وداني نفس المطعم وقال لو تسوين موقف كذا والا كذا راح ارميك من الشباك والا الدرج ماقيه طلعه من الباب khh

والحمدلله المطعم كان فاضي تماماً ومالقينا طلبنا وطلعنا مع الباب :d

،

الله يسعدك متفائله وكل من رد علي في الموضوع وجعلنا الله واياكم ممن يوفق لقيام ليلة القدر


hhn

رد : زوجي رفض اعتذاري بعد خلاف خارج المنزل