|
انحرج من زوجي
صباح الخير
زي ما انتوا عافين انا مطلقه ومتزوجه من مطلق ولديه اثنين من اﻻبناء عندي مشكلة من فترة الملكة قلت يمكن اتغير بعد الزواج واللحين ليه سبعه الشهور ومازالت المشكلة مستمرة انحرج اقول لزوجي كﻻم حلو في الملكة كنت اكتب بالواتس بس في اﻻتصال احرج منه وهو قلي من الملكة انا ابغى حب ورومنسية وحنان بس عجزت في نفسي دايم احاول اقنع نفسي واتخيل مواقف حتى اتعود وافكر في ردود بس مافي فايدة دايم ارد عليه هﻻ وان شاء الله وطيب وخايفه يطفش مني مع انه يقولي كﻻم حلو بس احسه طفش ماعاد يقول زي اول مشكله ثانية احس زوجي متغير معي من بداية رمضان ما احسه قريب مني زي اول سرت افتقد زوجي اللي كان قبل رمضان وسرت افكر كثير في هالموضوع صار يقلقني وسرت اتمنى رمضان ينتهي استغفر الله ان قلت يمكن عشان الحمل وشكلي بس مو شرط عﻻقة ابغى احس زوجي قريب مني وصعب اكلمه في هالموضوع ﻻن الشئ اللي مايجي من خاطر ماله طعم |
رد : انحرج من زوجي
حبيبتي سبعه شهور كافيه انك تتعودين عليه لاتستحين وبنفس الوقت لاتستعجلين تسوين كل شي حبه حبه لحد مايروح منك الحياء وتثقفي ياقلبي من هذي الناحيه واعرفي كيف تجذبين زوجك والنت مليان بأكثر من نوع وطريقه حاولي تشبعينه قبل لايدور على غيرك مااخوفك ياقلبي بس هذي الحقيقه مين اللي مايحب يسمع الكلام الحلو والمفاجأت الجميله تراها والله لها دور كبير في حب الشخص لك وخاصة اذا كانت هذي المشاعرلزوجك وحبيبك صدقيني لواتبعتي معاه اللي قلت لك عليه ماراح يفارقك
وانتبهي وانتبهي عزيزتي تخلينه يمل منك بسبب الجفاء اللي حاصل بسببك والشيطان شاطر لاتخلين له مجال يبعدكم من بعض انزعي الحياء دام هذا زوجك وانتي مومتزوجه قريب سبعه شهور كافيه حبيبتي خلاص والله يوفقك يارب ويجعلكم قرة عين لبعض ويسعدكم دنيا واخره يااااارب |
رد : انحرج من زوجي
الله يجعل حياتكم سعادة ومودة ورحمة
|
رد : انحرج من زوجي
اقرأ بس ما اطبق و الليالي الرومانسية اللي اقرأ عنها احسها مالها داعي اذا مالها مناسبة
واللحين مع الحمل احس شكلي مو حلو وما اقدر البس اي مﻻبس وكل شويه تعبانه تمنيت اني اخرت الحمل شويه الله يتممه على خير وقبل فترة بسيطه حصل نقاش في موضوع وسألته انته مو مرتاح معايه سكت شويه بعدين قال ان شاء الله مرتاح |
رد : انحرج من زوجي
اسال الله العظيم في العشر الاواخر ان يحفظ لك زوجك من كل شر وان تتم ولادتك وتفرحووون بالاولاد ياااااااااااااارب وبعده عنك ممكن من تعب الصيام ولاتجعلي للشيطان طريق بينكم ...
لاتنسوني من الدعاء .. |
رد : انحرج من زوجي
ليه صعب عليكي الكلام
حتى الكلمه الحلوه صدقه بس هذي وساوس شيطان اكسريها |
رد : انحرج من زوجي
اختي الكريمه
انصحك قولي كل الكلام وتشجعي لانه الان ستجدين لكلماتك اذن صاغيه فيما بعد لن تجدي تلك الاذن بل يهز رأسه فقط وهو اصلا ليس معك شجعي نفسك بنفسك هذه الايام الجميله لا تتكرر الا نادر |
رد : انحرج من زوجي
انت الان افتقدتي زوجك في رمضان !!! يعني تغير عليك ماصار يقول كلام مثل اول ،،وبناء عليه حز بخاطرك هالشيء
طيب هو مفتقدك دائماً!! يعني يتمنى منك كلام حلو لكن يفتقده كل الاوقات مو في رمضان بس ،، وبناءً عليه ممكن هالشيء حاز بخاطره دائماً =لذلك هو تغير عليك نصيحه تغيري هالايام قبل لاتضيع منك كل الفرص ،، استغلي ليله العيد بما انه مناسبه قريبه حاولي تغيرين فيها من نفسك وتفرحيه بكلام وافعال ماتخطر بباله ،، افتحي باب مشاعرك له وعبري له بشي ماقد سمعه منك |
رد : انحرج من زوجي
طيب سؤال موجه للرجال خاصة ومانستغني عن رد البنات
هل الليالي الرومانسبة تعني لكم الكثير |
رد : انحرج من زوجي
اكيد الموضوع في بدايته بيكون محرج وصعب
الشي مابيكون دفعة وحده وبالتدريج تنحل الامور _ اولاًابتدي من كلمه صغيره وخفيفة على لسانك مثل ( حبيبي ) غيري اسمه بالجوال واكتبي ( حبيبي) اذا بتصحينه او بتنادينه لاتنادينه بأسمة قول حبيبي وبعد ماتتعودي على هذه الكلمه غيريها الى حياتي وعمر وروحي وهاكذا وحبه حبه وبيتعود لسانك على الكلام الحلو والمعسول اتفقنا ياعسوله ؛) |
رد : انحرج من زوجي
اقتباس:
لكن اتصدقين هل بالفعل الرجال هذا الكلام يعني لهم شي اتوقع الاغلب ولا على باله هذا رايي |
رد : انحرج من زوجي
اقتباس:
أعرف رجل شخصيا يبحث عن زوجة أخرى لأجل أن زوجته جافة مع ان يمدح أخلاقها .. حقيقة وبصراحة الحياة لا تطاق مع زوجة جافة لأنه لا يشعر الرجل انها أنثى |
رد : انحرج من زوجي
اقتباس:
أختي الكريمة لا نبحث في الزواج إلا عن العاطفة المُستدامة والمتوازنة بين الزوجية , والتي تُحقق كماً هائلا من الطمأنينة والسكينة في بيت الزوجية , فما فائدة التقصير العاطفي لمدة شهر من الزوجين ثم المفاجأة بليلة رومنسية !! وما فائدة الغزارة العاطفية لمدة شهرين ثم تبدأ تقل وتقل وتقل لأنه لا يوجد مقابل من الزوجين !! العاطفة ليست خاصة بأوقات معينة أو ليالي بعينها , العاطفة نهجُ حياة . أن تكون الأمور مُستدامة ومتوازنة يعني ذلك ( التركيز و السيطرة ) فمتى ما كانت هناك ليلة رومنسية كانت تجديدا ومفاجأة سارة , ومتى ما قلت العاطفة أحس بها أحدهما فيتدارك الوضع , العاطفة يا أختي الكريمة خط إنتاج من الزوج والزوجة , فمتى ما ضعُف أحدهما سيؤثر على الآخر , ولا ننكر أن المرأة هي بنك العاطفة , وعليها يُعول في هذا الزمان لأسباب كثيرة , زوجكِ لم يقصر معكِ بشهادتكِ , وبدأ يقل خط إنتاجه العاطفي , والسبب معلوم كذلك , نصيحةٌ لكِ لا تجعلي خط إنتاجه يتوقف , فأنتِ تعلمين السبب ويمنعكِ الحياء , فلا تجعلي الحياء يجعل من زوجكِ باحثا عن العاطفة سواء بطريق شرعي أو غير شرعي ثم تندمي ندما كبيراً , ابدأي بتدرج , رسالة , كلمة واحدة , قبلة سريعة , حُضن قبل خروجه من البيت , أطعميه بيدكِ , وهو سيساعدكِ بتقبله , لأنه طلب ذلك الرجل يُحب المرأة الحيية التي توظف الحياء لتملِك قلبه , لا لتزيده هماً أو تجعله محتاراً.. وفقكِ الباري .. |
رد : انحرج من زوجي
اقتباس:
|
رد : انحرج من زوجي
معليش الصيام امأثر فيني
اختي زوجك طلب منك واضح جدا ان وصل لمرحله يفتقد فيها لانسانه تشعره بالحب والود الرجال يختلفون هناك من لا يحب الكلام بل يرغب فقط بالافعال ومنهم من لا يريد شموع وورد وحركات غريبه ومنهم من يرغب بشده للحنان وزوجك منهم فاعطيه هذا الحنان تدريجيا على فكره سبع شهور كثير كثير المفروض ما عندك ذرة حياء هههه امزح لكن جد تخلصي من الخجل السلبي هذا نصيحه واعطي زوجك مثل ما اتحبين تأخذين بالتوفيق |
رد : انحرج من زوجي
انا مو مرره مافي بس نادر وارتبك واقعد افكر اقول كذا واﻻ ﻻ
بحاول وان شاء الله يتغير الوضع بعد رمضان |
رد : انحرج من زوجي
اقتباس:
أختي المُباركة , لأنكِ شُجاعةٌ , اكسري الحاجز الآن :) .. وابتعدي عن ( سوف أتغير بعد ) فإنها لن تجعلكِ تتقدمين وليس هذا من صالحكِ أساساً هي مُجرد الخطوة الأولى ثم يهون الباقي ,, ولا تضعي اعتباراً لردة فعله لأنه قد يكون بارداً , ويظن أنها كالعادة خطوة للأمام ثم أكثر منها للخلف , لكن مع استمرارك سيرجع من تحبين أكثر عاطفةُ .. موفقة .. |
رد : انحرج من زوجي
اقتباس:
... |
رد : انحرج من زوجي
نرجسية ،، زوجك مممن متغير او تعمد التغير عشان يشوف رده فعلك او يحثك على تغير الامور اللي مو عاجبه فيك ... يعني تخيلي انتوا قاعدين بعكس الموقف؟ يعني انتي مالية عليه كلمات حب و رومنسية لكن هو مايرد الا بكلمات باردة ؟! شنو بيكون ردك او مشكلتك بهالوضع؟ ،، زوجي غير رومنسي او زوجي لا يهتم بي! ...
عودي نفسك وخليها تطلع من القلب! هذا زوجك حلالك اذا ما سمع كلام حب وغزل ورومنسية الحين متى بيسمعها؟ لما تجيبي الاولاد وتنشغلي فيهم والله لما يجي يصارحك بهالشي ؟ ،،، تعالي لي له بعد الفطور او حتى لما يرجع من شغله وتأملي بوجهه وطبيعي كرد فعل بيستغرب فاذا سأل شفيك ؟ قولي له ببساطة وابتسامة حلوة بس احبك ... وبتشوفين شلون بيتغير 180 درجة .... هالشي من حقه كما هو من حقك ،، فلا تحرميه حتى ما يحرمك وهو مو داري انك خجلانه ! ممكن على باله ما تحبينه ،،، وربي يسخركم ويهديكم لبعض ويديم محبتكم يااارب سالفة الحمل ما تمنع كل هذا وبالعكس شكلك بيصيبر حلووو وثقي بنفسك وحتى فيه ملابس نوم خاصة للحوامل وشكلك يطلع كيووت و مغري ،،، والليالي الرومنسية دام انك للحين ماعندك اولاد وعندك فراغ وومساحة اذن ما المانع ؟! الوقت اللي تحصلين فيه فرصة خليها مفاجأة له واعملي له ليلة حلوة مزينة بالورد او حتى شموع وفيها مساج خفيف يعني مو شرط الرومنسية تكون شي جنسي بحت .. فيه اشيا بسيطة تسوينها ولكن تعتبر رومنسية وتبين حبك لزوجك وتغنيك عن الكلمات ،،، حاولي بين كل فترة وفترة تكتبين رسالة بخط يدك بورقة معطرة عن مدى حبك واشتياقك لزوجك ،، مدى تقديرك واحترامك له وخليها تحت وسادته اذا رجع يقرأها مع وردة من ذوقك او حتى ياسمين،،، هذا شي بسيط ولكن ايضا رومنسي |
رد : انحرج من زوجي
لازم تصيرين راعية حركات مع زوجك وجريئه هو حلالك تري وابعدي عن فكرة انه ممكن ياخذ عني فكره غلط لو انا جريئه معه
تلحلحي وتشجعي لا تجي وحده بكلمه تفر راسه وتقلب كيانه الامر بسسسسيط وابسط مم تتوقعي عامليه زي الطفل بالكلام مثلآ(افطرت بيبي،،،ايش فيه حبيبي متضايق،،،ايش رايك ياعمري بكاسة شاي،،اذا رجع من مشوار بوسي راسه واهمسيله تو البيت مانور البيت بدونك ظلام،،حياتي قبلك ولا شي،،لا تبعد عني مااحب بعدك،،،انت كوم والدنيا بكبرها كوم،،،)ومن هالكلام الحنين وعوديه ع الضمات ضميه قبل النوم ضميه فجاة من وراء ضهره بشكل سريع العبي بشعره وهو جالس ع الكنبه قدامك ارفعي رجله بحضنك ودلكيها وافركي اصابعه،،يعني تشطري شووي وطبقي كل يوم حركه ع الاقل وبيصير زي الطفل عندك واكثر ،،لا تتوتري وتنقلي التوتر لجو البيت كله ،،استمتعي بحياتك وانبسطي وسهلي الامور،،،،بالنسبه لليالي الرومانسسسيه والله تفرررق. عند الرجال اهم شي الاسلوب،،اسمعي مني هالنصيحه روحي نكتار قبل العيد وقولي للبائعه ابي كريمات وشموع لليله رومانسيه وخذي منها والله راح تسيطري عليه بهالليله وتبهريه وتخدري احاسيسه،،،ع فكره انا حامل بعد بالشهر الثامن ورحت نكتار وجهزت للعيد لليله حلوه بسم الله علي والبس واتشيك قصير وطويل لزوجي وكل شي ومتاثرت بالعكس زاد اهتمامي بنفسي خوف اني اتعود وهو يتعود ع الاهمال،،،تقولي متغير من بداية رمضان يمكن الحمل مأثر عليك او تمرو بفترة ركود عادي كل الازواج يمرو بفترة ركود شهر او اثنين بعدين ترجع الامور عادي بس الشاطره والذكيه هي الي تجدد وتطور نفسها عشان تعرف تتعامل مع هالركود لاان هالفترات بتكرر كثيرررر،،،، كمان لا تبيني ان اهتمامك بنفسك واسلوبك عشانه لا بيني انه عادي هالطبع فيكي وانك تحبي تدلعي نفسك وتدلعيه معاكي لاانه حلالك انا هاذا رائيي بدون تعقيد الامور اتمني من الله يهدي سرك ويوفقك بحياتك❤️ |
رد : انحرج من زوجي
ان شاء الله بحاول ويارب مو مثل كل مره اقرأ واتحمس وبعدين ترجع حليمه لعادتها القديمة
الليالي الخاصة ما اقدر اﻻ اذ العيال رتحوا ﻻمهم ىن غرفتي ضيقه ولو انها اكثر شئ شايله همها ومتوترة منها يمكن البداية صعبة شكرا للجميع عالنصائح والدعوات |
رد : انحرج من زوجي
مرة قالت لي دكتورتي اللي بالجامعة لما عرفت اني مثل حالتك
قولي الحين بالبداية قبل ما تمر الايام وتصعب عليك وبالفعل كلامها يرن باذني الى الان بعدها زميلة بالجامعة قالت لي : مو احنا نقول لبعض يا حياتي ويا عمري وما نستحي هو الاولى يسمع هالكلام مو صديقاتنا ووالله ان الكلمة المعسولة تقلب نفسية الرجل فوق تحت وتخليه تحت جناحك ويبي الدفا منك تشجعي ولا تحرمينه وانت اول المستفيدين ترا |
رد : انحرج من زوجي
اعطتينا مشكلتك وبنفس الوقت اعطيتينا الحل
تقولي زوجك طلب منك الرومنسيه والاشياء دي وانتي جافه معاه بلا تردد انصحك تبعدين الحياء اللي بينك وبين زوجك وتعمليله ليالي رومنسيه وسمعيه كلام حب قبل يطير منك ويتعود على برودك وجفافك لان الرجال بسرعه يدور للبديل ماعندهم مشكله هههههههههههههههههه المهم توكلي عالى الله ومو شرط يكون هناك مناسبه صلحي ليله حمراء من الحين ابداءي لاتاجلي شي دامه متغير عليك الله يسعدكم |
رد : انحرج من زوجي
نرجسسيه يا اختي لا تبدائي تحطي الحجج والاعذار اعقليها وتوكلي
كلام شوك 11،،،ميه بالميه صح انتي الي بتستفيدي الليالي الرومانسيه ليش صعبه😳😳لا صعبه ولا شي انتي الي مسوي حاجز الصعوبه بنفسك،،بعدين مو بس تولعي شموع وعطور وقميص وبس ،،لا ،،،😜😜الاسلوب اهم يعني تدلعي عليه وتدلعيه وتحطي فواكه توكليه بيدك ومساج مو تتوتري وماتسوي شي الجو الرومانسي لحاله مايكفي اسلوبك انتي هو المهم،،،تقولي غرفتك ضيقه ولازم الاولاد عند امهم ،،،ياليل،،،لا يا حبيبي مو لازم يكون البيت فاضي او الغرفه واسعه ،،،شوفي انا عندي ولد وبنتين مجهزه غرفتهم بكل شي لهم تلفزيون العاب مساحه للتلوين دائما هم فيهم واذا دخلت غرفتي هما عارفين انه ممنوع ندخل لماما ،،احيانا اسحب زوجي بنص اليوم او بعد العشاء او باي وقت مو شرط يكون الليل واولع شمع وفواحه ،،،الخ،،،ياقلبي لا تحسي هالشي صعب والله سهل بس انتي اكسري الحاجز الي جواكي وهو بيشجعك اكيد اخلقي الاجواء خلقه ببيتك ،،😍😍،،وبعدين بس يرتاح زوجك وتشبعيه رومانسيه وعاطفه بتشوفي نفسيته كيف تصير ومعاملته ودلاله لك يعني صح انتي الي بتستفيدي الله يوفقك يااااارب🌹 |
رد : انحرج من زوجي
تشكراااتي بحاول وان شاء الله اجي ابشركم اني تغيرت
كﻻمكم اعجبني بس زي ماقلتي اﻻساوب هو اهم شئ اﻻدارة لو سمحتوا ليش ما اقدر ارسل رسايل خاصة |
رد : انحرج من زوجي
انا نفسك ولي سنه متزوجه .. الي فتره قريبه كان بيننا حاجز كبير
و انا اكثر منك لانه حتى زوجي يبغى لكنه يستحي و للحين سرنا عادي مع بعض .. و نتناقش فالامور الخاصه بدون احراج في كم عقد ما تجاوزتها بس عندي امل اني اقدر .. الله ييسرلك ولي و للجميع |
رد : انحرج من زوجي
اشعر بانك كثيرة التفكير في ردة فعله وطريقة كلامك وهل اسلوبك مناسب ام لا
هل تخجلين منه هو شخصيا ام تخجلين من كلام الحب والمعسول نفسه ولم تجربي ذلك مع احد من صديقاتك اهلك اي جافه بطبعك ام تخجلين من اسلوبك وثقتك بنفسك ضعيفه اختي الكريمه الكلام الرومانسي مهم بين الزوجين وخاصة في بداية زواجكما فالرجل كلام الحب والكلام الرقيق يثيره وهذا سيعود عليك انتي بالفائده اما يتقرب منك اكثر اما يمتعك اكثر واكثر وانتدام ذلك بالطبع لن يجعل هناك اي توافق وسيظل هو بعيد لانه لا يجد فيك شي يثيره واكيد حتى العلاقه بينكم جافه جدا طالما انتي ما زلتي في هذه المرحله التي تبدأ اساسا في المخطوبه لماذا تحرمين نفسك من ذلك بكثرة التردد والتراجع من المحاولات يا اختي عندما تذكرينها عشر مرات تختلف تماما عن اول مره وهكذا الى الامام ولا تتراجعي بل اكتسبي خبره واستمري وستسير الامور تلقائيا الى ما هو اكبر من ذلك ومن كلام يريده الرجل وخاصه زوجك متعطش لذلك وقد يشعر بالملل من خجلك فكري في كلامي جيدا وبشرينا بتقدمك الله يوفقك |
رد : انحرج من زوجي
السلام عليكم اختى اسأل الله ان يتمم حملك على خير ويسعدكم ويرزقكم طاعة سبحانه المشكلة يا اختى ليست فى الليالى الرومانسية ولكن المشكلة الكبرى ان حيائك وخجلك لن يفهمه زوجك هكذا بل سيفهمه عدم تقبل وعدم سعادة وانك عندما قارنتى بينه وبين طليقك رجحت كفة طليقك من كل النواحى وهذ يظهر على صمتك وسكوتك وعدم تعبيرك له عن اى مشاعر هذه هى المشكلة لذا يجب من سرعة التحرك ولا مانع من ابداء الحياء والخجل منه ولكن وانت تتحدثى له بدلع وحب ولكن صمت وفقط هذا سيحدث شرخ يصعب يعالج استعيذى بالله من الشيطان وتقربى من زوجك واسعديه كما يسعى هو لاسعادك لا يوجد شىء اسمه خجل بين الازواج انتم شىء واحد يفضى لك وتفضى له |
رد : انحرج من زوجي
أختي الحب والعاطفه مو في ليالي رومانسيه او كلام حلو
الحب التقى روحين تعاملي مع من حولك بحب على اختلاف صلتهم بك انتي محضوضه لان زوجك صارحك بطلبه وحاجته فلا تتكاسلِ عن أشباعه أختي الحب سلوك 1- إذا بتعدتي عنه بزياره لاهلك اتصلي للاطمتئنا عليه 2- اساليه دائما عن حاجاته 3- أشعريه دائما بأنه أغلى ما عندك بكلام وافعال تذكريه دائما في المناسبات الأن قدمي له هديه قولي له هذي عديه مني لك وفقك الله |
| الساعة الآن 02:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©