|
وطنشنا..وأتطنشنا...شي جميل حقيقة!
بجد مادري وش أقول...
في كل مرة أكتب كنت أقول أبي أفضفض..أعرف مافي حلول.. اليوم أكتب عشان تعرفون بس أنو لمن كنت متوترة وقلقانة كل ماصارت خبطة مشكلة بوجهي.. كل مابغيتها تهجد تجي مشكلة ثانية تنهش بقلبي... رغم إن هذا مسار حياتي يعني مامن جديد ماتلوموني... أنا أعاشر رجل غريب يستلذ الفراق يستلذ المشاكل يستلذ الكراهية ينادي بحسن الخلق وبحسن الظن وحسن التعامل وهو مايطبق هذي الأمور مع شخصي الكريم الجميل اللي حسافة عليه من جد شهر رمضان كامل ماحسيت بلذته بسببه يعاملني كأني مو موجودة... وإلى يومكم كنت أختلق الفرح والهدوء رغم توتري ممشية أمور البيت زي الألف وأدخل الفرحة فيه بالغصب بس رغم كل اللي قدرت أسويه ماقدرت أشعر إني زوجة وبوجود زوج بحياتي طنشته وللحين هو مطنشني وأصلاً لو بحاول أتنازل ماقدرت شي هالمره خلاني صارمة مثله كنت أنتظر منه يلين يكلمني أقل شي يسلم علي لمن يدخل مو يدخل علي كأنه غنمة مدربيه رأسها! شهرين وأنا وياه في حالة صمت يمكن ميزته الآن هجد لكن هو بوادي وانا بوادي أنا مو هامني هو كشخص عادي طنشته بس هامني وضعي ابد مو حلوة أعيش بإحساس إني وحده عايفها زوجها! ياضيم قلبي بس جيت بس أعلمكم إن فيه ناس تطنش ويفيد معها وناس مهما طنشتي تزيد جفوة وقسوة ..وتمضي الحياة! للتذكير http://www.66n.com/forums/showthread.php?t=252009 |
رد : وطنشنا..وأتطنشنا...شي جميل حقيقة!
أتمنى فقط إذا أحد يفسر لي...
تعامله معي اللي واضح نفور... مايكلمني ولا يطلب مني شي ولا يسلم لكن.. العيد دخل وقسم عيديات على العيال... وعطاني عيديه محترمة... صراحة كنت مجهزة أنا بدوري هدية رغم إني كنت متردده جداً وكارهه أهديه بس قلت بعطيه زيه زي الأولاد مو شي خاص له... خذها بس ماأستخدمها للحين وهالشي متوقعته! لمن أطلب قيمة العيد مبلغ وقدره عطانيها كامله أنا أستغرب صراحة يعني فيه إنه يصرف علي بنفس أسلوب تعامله مو يعطيني القدر اللي أبي! صح إنه يدقق على صرفيتي ويطفشني بس يعطيني طلبي إلا ماندر لما يركبه عفريت! |
رد : وطنشنا..وأتطنشنا...شي جميل حقيقة!
الله يفرجها عليك ويطمن قلبك
خليك على نفس الخط , أنتي عرفتي اللي راح واللي بيجي تسلحي بالصبر والدعاء وبيجي يوم وتفرج , يقينك بربك يقرب هذا اليوم بإذن الله ومبروك العيديه الحلوة ههههه , شي يعوض شي , وكرمه المادي يغطي باقي عيوبه اللي عارفها وعارف صبرك عليه الحمدلله على النعم حبيبتي , وتذكريها إذا جا لك وسواس من الشيطان وذكرك بهمك عندك (بيت - وأولاد - وحياة مستورة - وراحة مادية) الحمدلله |
رد : وطنشنا..وأتطنشنا...شي جميل حقيقة!
الله يصبر قلبك والله مدري أيش أقولك لاكن الجئي لله تعالى بتجيك الراحه واليقين والصبر
أنا أنصحك بهذي الكلمات وانا احتاجها مثلك لاكن احيان اضعف وأبكي وانكسر بس ارجع للصلاة والعباده أزيد قوة وتحمل احيان بعض المشاكل مالها حل الا الانشغال عنها او تركها للزمن يحلها الله يجعل لك من كل ضيق مخرج ومن كل هم فرج |
رد : وطنشنا..وأتطنشنا...شي جميل حقيقة!
قال محمد ابن الحنفية
ليس بحكيم من لم يعاشر بالمعروف من لم يجد من معاشرته بدا حتى يجعل الله له فرجا |
رد : وطنشنا..وأتطنشنا...شي جميل حقيقة!
اي والله وضعه غريب! لو فعلا كان صادق باتهاماته لك و مو معتبرك انثى على الاقل يقسي عليك من ناحية المصرف مو فقط من الناحية المعنوية ...
اعتقد كل مالها توضح الفكرة ان كل هالزيطة والزبليطة اللي مسويها سابقا كان عشان يضمن انك ماتقتربي منه خييير شرر مثل اللي يبغي يكره شخص بنفسه! عشان يعوفه منه ومن نفسه وهو مايحس بالذنب لهالشي ! ،، الله يعيينك |
رد : وطنشنا..وأتطنشنا...شي جميل حقيقة!
عندما كنتي تبالغين بالاهتمام بزوجك ماذا كان يفعل معك هل يتغير للافضل
مثلا تقومين بسرعه عندما ياتي وتتلهفين للحديث معه وتقدمين لها الغداء ماذا كان يقول هل يبادلك الاهتمام في نفس اليوم على الاقل اذا كنتي تعاتبينه بكل هدوء هل يتغير للافضل عموما اجد من مواقفه لا يشعر بانك تحبينه او تهتمين لامره لذلك يتهمك بتلك الاتهامات فانشغالك وغموضك وهدوءك كلها اسباب تدفعه لذلك قد تكونين شخصيه قويه لا تبالين حتى لو زعل والدليل تطنيشك له شهرين ولكن هذه القوه ليست مرغوبه لانها زائده وتتعبك انتي قبل غيرك ادخلي اللين في حياتك ستزين الحياه ولن تجدي لكلمة مليت محل لا تنتظري يسعدك هو بل اسعدي نفسك معه بنفسك وبطريقه مختلفه تماما لا تنتظريه يفكر ويجد حل لمشاكلكم انتي حليها وتهني بزوجك لانه ولله الحمد تملكين الكثير من النعم ولكن ما زلت بضيق ونكد لانكم باختصار مطنشين لبعض ولكن الى متئ سيمل التطنيش منكم هههه امزح انتم بحاجه لحب وتقرب وفهم بعض اكثر وتغاضي وتجاهل بعض المشاكل اليوميه ليسير المركب أسال الله ان يمن عليكم براحة البال والاستقرار |
رد : وطنشنا..وأتطنشنا...شي جميل حقيقة!
سبحان الله ذكرتيني بأشخاص من اللي اخالطهم في الحياة العامة ، نفس نوعية زوجك ..
انا اسميهم القفل ، لاني اتخيل انه داخل دماغ الشخص منهم شكل قفل ، اللهم لا شماته الله يعافيهم ولا يبتلينا .. هالنوعية التعامل معها صعب ومتعب لأقصى درجات التعب ، لك بعضهم قلوبهم طيبه وعكس ما تظهر تصرفاتهم او كلامهم .. زوجك يوم اتهمك في موضوعك السابق مدري ليه احس انه ما يقصد يؤذيك بقدر انه يبي يلفت انتباهك لحاجه ، طبعا هالنوعية دائما ترمي الكلام قبل تفكر فيه ولاحظت ناس كثير من نفس نوعية زوجك سوو مثله ، لا ولا يعتذر لانه يشوف انه ما اخطأ .. حتى ان هالنوعيه من الرجال مؤذيه نفسها ومتعبه حالها من لا شئ ، لذلك لو عاش لحاله لا تستغربي اذا اختلق المشاكل بينه وبين نفسه .. صدقيني زوجك هذا فيه طيب كثير لكن طبعه يحب المقاشر والهواش ، والدليل انه اعطاك العيديه المحترمه وهذا دليل انه يعتذر منك لكن بطريقته ، وصدقيني لو تعيشي بعيده عنه كم يوم انه يمرض .. عموما انا ما عندي حل معين لكن هالنوعيه ما تعيشي معها الا بالحيله ، فانتي استخدمي معه الحيل في كل مره وبتنجحين .. وفقك الله … |
رد : وطنشنا..وأتطنشنا...شي جميل حقيقة!
ع فكره لا تنتظري يجيك يكلمك او يبادر ، انا افضل انك تبادري بالكلام ، لاني ما اعتقد يبادر ابدا لو تجلسوا عشر سنوات ، صدقيني هالنوعيه طبعها كذا
|
رد : وطنشنا..وأتطنشنا...شي جميل حقيقة!
اقتباس:
كنت بكتب اول رد لك مثل رد الأخ الراسي ومسحته تجاهلي تصرفاته حاولي تكسبينه وتتصرفين بعفويتك وتدلعي عليه صدقيني بينسى اذا في قلبه شي عليك الله يسخره لك |
رد : وطنشنا..وأتطنشنا...شي جميل حقيقة!
الله يعظم أجرك ويجزاك الجنة على صبرك
أمس فكرت فيك بما إني متابعتك من زمان وتمنينت أنه وضعك تعدّل بالعيد لكن لعل نتيجة صبرك خير مشكلة زوجك خاصة فيه هو التقصر والنفسية الشينة والتفكير والنظرة السلبية منه وفيه ولأنك زوجته بيسقط كل شي فيه عليك وأنتِ ما بيدك إلا تتحاشينه وتطنشينه وياكثرررر الرجال اللي مثله أناني ماهمه إلا نفسه الله يكون في عونك . |
رد : وطنشنا..وأتطنشنا...شي جميل حقيقة!
الله يفرج همك قريت مشكلتك الاولى تاثرت مدى صبرك وتحملك لسخافاته ومشاكله
زوجك نكدي بس الي مستغربته كيف تعايشتي طول هالسننين ماعتقد هذا الطبع استجد عليك عامليه بنفس طريقة اول اعتبريه طفل لا تاخذيه بكلامه ممكن الضغط النفسي زاد عليك وتبين ردة فعل منه بس خلاص هو تعود ع اسلوبك وطريقتك الي مثله مايدرك انك تنازلتي طول هالسنين ولايدرك انه زادت عليك الضغوط النفسيه والمسؤليات ادراكه محدود مايفهم الا مصلحته وبس اناني بالدرجة الاولى ومع ذلك لا يسعد نفسه انا اعتبره عدو نفسه وعدو سعادته الي تقدرين تسوينه للتعايش معاه طريقة وحدة تتطببي ع نفسك بنفسك ع قد المشكله الي تحصل تاخذي يوم يومين او حتى اسبوع تستعيدي قواك وترجعي تعامليه زي ماكانه صار شي وتسولفي وتتكلمي حتلاقيه ف البداية يصد عشان ع باله فخ لتصفية حسابك وهو مايبي هذا الشي بعد مايحس بالامان انتي قولي الي ف خاطرك سواءا سمعك وفهمك او لا قوليله ترا قاعده امشيك بمزاجي ولا يكون اني متقبله الكلام الي قلته واذا عدته ردة فعلي حتكون غير وبتحاسب ع كلامك منت مجنون عشان ترمي كلامك من راسك وتعيش حياتك من غير لا احد يحاسبك انت انسان بالغ عاقل راشد محاسب قولي له هالكلام ف قمة البرود والهدوء واذا بدا يعصب قولي انا بس اقولك اسمعني ماقاعده اناقشك وسكتبه لان الي مثله حيلته خذوهم بالصوت لا يغلبونا الله يفرجها عليك ويجزيك اجر صبرك بس حاولو تخففو الهواش والتشاحن امام الاطفال عشان مايتعقدو |
رد : وطنشنا..وأتطنشنا...شي جميل حقيقة!
اقتباس:
الحمدلله على النعم بس يختي أنا مهدده مو حاسة بأمان هنا الفرق والله إني ادعي ليل ونهار لكن هذي قسمة ربي لي أنا باقية بنفس الخط واليوم أقنع نفسي أقول ليش متحسفة بالوقت اللي يمر وحنا كذا..أعتبريه ميت وإنك أرمله بس المشكلة إذا نطق الميت وقام يهاوش هنا رعب هههههههههه والله لو يظل على سكوته وعدم الكلام معي والتجريح والتهديد أنا رااضية اصلاً الجفا بعد الجفا عاادي! |
رد : وطنشنا..وأتطنشنا...شي جميل حقيقة!
اقتباس:
أصلاً لي كم يوم كل مافكرت فيه أغير تفكيري واحاول أفكر بإيجابية وشي يطرد أي سلبية بحياتي أحاول أطنش فعلياً أعتقد أني قادرة فعلاً إني أكون هادية واتقبل وضعي مهما كان مزري وقادرة أمشي حياتي براحة بال والتفت لنفسي وأولادي... أنا فقط يوترني الكلام إذا جته حالة العصبية والتذمر والهواش وقلة أدبه معي تخليني مشوشة وخايفة من ردة فعله... |
رد : وطنشنا..وأتطنشنا...شي جميل حقيقة!
اقتباس:
هو بسبب وضعه معي إنه ماقربني من أشهر طويلة قام يذب ممكن شك أو فقط عشان يربطني ويشغل فكري إن هالشي سبب غنه كاره يجيني أو يعطيني حقي بس على مين هالكلام ربي ماشفناه بالعقل عرفناه! لأنه لو متأكد 1% مو شي سهل أو عادي يسكت عنه! صراحة أنا توقعت يحس إنه سوا مصيبة وبيحاول يرقع فيما بعد توقعت يحس إن الكلمة قوية وظلم لي وبيحس على دمه ويخاف ربي وبيحاول يلين معي الحاصل على حجم وضخامة التهمة إلا إنه أول مره يعاملني بهجران تام بالشكل هذا ومطول بعد ماظنتي بيفك! |
رد : وطنشنا..وأتطنشنا...شي جميل حقيقة!
اقتباس:
كلامك حلو مثلك بس مو لي أنا يختي أنا أم اللين أنا حتى لو زعلت زعلي زعلة طفل بس تضحك له ينسى أنا معودته مهما زعلنا أقرب إذا شد معودته أرخي صح أعطي ردة فعل وأبين زعلي ووجهة نظري بس ماأبعد معودته العيد بالذات مهما كان بينا لأننا عمرنا مافكينا ههههههه أقول معودته أسلم عليه وأضمه حتى لو القلوب بعاد هالسنة أصلاً يوم دخل قمطت...سلم على العيال وأنا متنحة خفت اسلم مايعطيني وجه وأصلاً قسم بالله أنا مهما زعلني لو بقلبي عليه أحاول أتغاضى إلا هالمره حقدت عليه ماقدرت أغفر له ماقدرت ألين أحس سكرها بوجهي شي مو بيدي الله لايحطكم مكاني |
رد : وطنشنا..وأتطنشنا...شي جميل حقيقة!
اقتباس:
سبحان الله على إنه إنسان واعي ومثقف ودارس حرب نفسية وماشابه ورغم إنه مدير ناجح إلا إنه ببساطة مايعرف يتعامل معي ولا يعرف يفهمني ولا يعرف يعيش حياته كأنه أنخلق يدور على النكد والله إنه خربط حياته بيده ولو هو المتأثر الوحيد كان حقه وجزاه بس أنا وعيالي مالنا ذنب أنا أخطي وأظلم بس والله مايمر شوي وقت إلا وأحس بالذنب وأناقش وافهم وأتفهم حتى لو مو مقتنعه بس هو أبداً يخطي زي ماقلت ومايحس بخطاه والمصيبة الحوار مفقود تماماً على قد مايمسك جواله ويبربر ساعه ويصدع برأسنا يعيد ويزيد في الكلام بس أبد مو معطي حياته معي أهميه والحوار عنده مايتعدى الاوامر والتوجيه مو أخذ وعطا وتفاهم زوجي طيب وإذا طاب لي يصير مافيه منه بس مصيبته مايطول معي راكد حده يومين بالكثير بعد والمصيبة أنا أتحايل عليه زي ماتقول واجيه يمين يسار بس إذا قفلت معه والله ولا شي ينفع معه وأنا بصراحة تقفل معي إذا شفته كذا وأمل واسحب عليه لحد مايهجد أز يفتح ربي عليناjyf اقتباس:
أحاول اسأل على خفيف بس واضح مقفل معي فأخاف أتمادى يجرحني واللي فيني مكفيني... بصراحة حسيته مزاجي أوقات مايرد واوقات لو مسجت له إني بطلع يرد حسيته متذبذب أنا بعطيه شوية وقت لحد مايهدا أكثر واقدر أتعامل معه الله يعين...yyy |
رد : وطنشنا..وأتطنشنا...شي جميل حقيقة!
اقتباس:
عموماً أنا كذا مرتاحة بس الله يطامنه باسمه يارب ويكمل هاجد كذا مع إنه إذا مر من عندي رعععب بس معليش أهون من لسانه |
رد : وطنشنا..وأتطنشنا...شي جميل حقيقة!
اقتباس:
أختصرتي وضعه الله يهديه ويجزاك الجنة ولا يحرمني دعوات الطيبين أمثالك يارب..dgn |
رد : وطنشنا..وأتطنشنا...شي جميل حقيقة!
اقتباس:
بالضبط هو شايف نفسه إنه مو مرتاح وعايش بنكد وإنه له فضل علي! طيب وانا؟؟ المشكلة كل مشاكلنا بسببه خاصة السنوات الأخيرة والله أجزم إنها 80% بسببه والابقي مني إذا رديت على إستفزازه أو رديت بمثل تصرفاته وكلامه... أنا هذا أسلوبي معه... يزعل..يتكلم..يسب... أرد بوجهة نظري بإختصار...وحسب المشكلة ممكن ماأرد أنسحب شوي...أنشغل...أصد بس حتى تهدأ الأوضاع... وتلاقيني راجعه كنه ماصار شي... بس إذا سامعه كلام قوي يسم البدن أخذ موقف لكم يوم بس اللي صار معي الآن ردة فعل من كلمته ماقدرت أتجاهلها... عندي له كلام كثير يهز جبال بس لو تكلمت الحين فأنا بفجر بركان غضبه من جديد مافيني أتحمل أي كلمة أو حرف منه في مثل هالوضع أبي الموضوع يهدأ مو حابة جو بيت كله رعود وبروق كلامي الحين ماراح يأثر أنتظر فرصة مناسبة عشان أحكي ومو مهتمة تماماً أحكي معه لأنه مهما قلت مايفهم..ومايتغير شي |
رد : وطنشنا..وأتطنشنا...شي جميل حقيقة!
الله يفرجها عليك ويهدي بالك
|
رد : وطنشنا..وأتطنشنا...شي جميل حقيقة!
فيه أمر عرفته من البارح وأحس رأسي بينفجر....
كلمتني البارح حماتي وأنا عارفة وضعها مع زوجها سيئ مثل وضعي بس الفرق انها فالتها وجريئة يعني ممكن تكسر كلمته ممكن تطنشه ممكن تواجهه وماعندها فيه....المهم حكت موقف لها مع زوجها وانها وياه من 5 شهور مايكلمون بعض بسبب خلاف وان زوجها هددها بالطلاق عشان شي تافه وان اولادها وقفوا بوجهه يدافعون وهم رجال وانها من يومها وهي بغرفة وهو بغرفة وانها ماعاد لها اي علاقة فيه حتى ماتخليه يصرف عليها وتطلع وتروح وتنام برا مافكرت فيه وخذت راحتها... قعدت افكر... زوجي لاول مرة قبل شهرين صار يتعامل معي بنفس الاسلوب وصار يطلب مني انام بغرفة بروحي ولمن رفضت لان لي حق بغرفتي انام فيها صار ينام تحت ويرجع يصر انو مافيه مكان ثاني تنامين فيه وانا مطنشه وقعد وقت طويل يمكن شهر ينام تحت والحين زي ماانا حكيت لاكلام ولا سلام معي.... يعني ايش! زوجي الهيبة الواثق الشخصية اللي يمشي على زنده ثور مو بس تيس ( إمعه)!!! يطبق حياة الآخرين في حياته؟؟ يعاملني بما هو مفروض يوجه لوحده غيري! ماأعتقد المسألة صدفة زوجي قبل شهر من خلافنا لمن كنت مصدعه وحبيت انام بغرفة بروحي ومستأذنه وحاطه خبر عنده لاني ماكنت احتمل احد ينام معي ويفتح الباب ويسوي ازعاج عصب وليش وعشان ايش ووش صار مني ومو حلوة قدام الاولاد حتى انه فتح علي الساعة 3 الفجر يقول حركتك مو حلوة واذا احد مضايقك مالي دخل وكررها علي لليوم اللي بعده وكان زعلان يجي الحين يتصرف زي ماقلت قبل ويرفض انام معه!! وفهمت من حماتي ان اخت ازواجنا لها علاقة في المشكلة وهي تكره حريم اخوانها ومقاطعتنا كلنا.. فأنا كنت دايم اقول لكم اسلوب زوجي كأن أحد يحرضه علي فقمت اشك انها لها علاقة بتشويش مخ زوجي علي ماابي اظلمها بس انا كذا قمت أفكر... والله من أمس أحس رأسي بينفجر ماابي حياتي تستمر كذا زي حماتي ماابي زوجي يأخذ أي شخص سيئ قدوة له يطبق تصرفاتهم علي... لو مكاني كيف بتفكرون وتتصرفون! |
رد : وطنشنا..وأتطنشنا...شي جميل حقيقة!
اشغلي وقت بوجوده بالاستغفار والله سبحانه وتعالى يحلها من فوق
اكثري من الاستغفار مع كل نفس تتنفسينه وانتي على يقين ان الله سيغير لك الحال للاحسن كوني جاده بالاستغفار ولا تطلبين من الله الصبر ولكن اطلبي ان يغير لك الحال للافضل |
رد : وطنشنا..وأتطنشنا...شي جميل حقيقة!
الدعاء ثم الدعاء ثم الدعاء
اسأل الله لك راحة البال .. الله يسخره لك . |
| الساعة الآن 12:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©