زاد الجفا وتباعدت روحي عن روحه اكثر واكثر
 

السلام عليكم يا اغلى الناس
وحشتوني..
في الحقيقه فتحت الموضوع لاني مشتاقه لكم اكثر

ثانيا ودي تساعدوني بالحل ودائما فضلكم علي ماله حدود الله يكثر خيركم ويخليكم لي يارب


انا عند اهلي من بدايه رمضان واحنا جاين قالي زوجي بالطياره خلاص اجلسي عند اهلك لين لاصار البنلت عمرهم 3 سنوات وارجع
قلت ليش سلامات انا راح اصيف عند اهلي وارجع بيتي بناتك لازم يعيشون معك
سكت مارد علي طبعا هو يبي يفك البيت عشان يفتك من الاجار وبعد مصاريف بناته
وانا مرتاحه عند اهلي والله واختي وامي مايقصرون سايلين بناتي على كفوف الراحة ومساعديني فيهم الله يكثر خيرهم ويطولي بعمرهم ويرزق اختي الزوج الصالح
بس برضه ودي ارجع بيتي عشان يتعود على بناته ويعرف اشلون يصرف عليهم
ارسلي اللف ريال فالعيد عشان البنات قلت كثر الله خيرك وشكرته عشان يتشجع ويصرف عليهم وعشان يعرف اشلون يحبهم زي اولاده الثانين
المشكله ووحي كرهت روحه وصار يجيني منه نفور بسبب تعامله لي وجفاه
كلامنا ع الكيك كيف البنات ارد الحمدلله طيبين
كلمه ورد غطاها واحيانا ارد عليه عقب ساعات وحتى هو مايطول ويتكلم برسميه
احس بعدم الامان معه احسه واحد غريب عني تماما كنت اتوقع ان الاطفال بينا راح يصلحون الوضعيه ويربطونا عن بعض لكن هيهات
حتى بناته مايبيهم يعيشون عنده يبي يخلينا عند اهلي ومتى ماضربت براسه يسير عليهم وانتهى
والله عندي مصاريف مب هينه حقت الكوش والحليب غير كريماتهم وحق شورهم ملابس كل شوي اشتري لانهم يكبرون اخذهم ارقى مستشفيات مايشملها التامين
لانهم غالين علي وماجاوني برخيص عمري اعطيهم اهم شي صحتهم وسلامة عمرهم
وودي الصراحة بناتي يعيشون عند ابوهك عشان مايتعقدون او يحسون بنقص
في نفس الوقت خايفه ارجع بيتي لان الحياه بقربه ممله
مالي حقوق لا جسديه ولا معنويه صرت معه كني خويه ومع بعض زي سكن الطلاب
احيانا ودي اجامله واقول حبيبي بس في شي يمنعني لاني مو قادره اضحك ع نفسي
ولاهو ايضا قادر يقولي اي كلام طيب
واذا صار وقلت له حبيبي او مشتاقين وانا مو صادقه باحساسي للامانه بس احاول
يرد يقول كل عام وانتي بخير وينسحب من المحادثه
واندم واكرهه زياده
امس طول النهار ماكلمني الا تالي الليل
مامداني ارد ع كلامه خلاني واراح الواتس وانا اكلمه ع الكيك
قلت من الادب تخلص معي وبعدين اشبك واتس بكيفك
غير طبعا تطاول بنته علي اشعر انه مو قتدر يحميني حتى من نفسه

ابي مشورتكم ياغالين هل ارجع لبيتي بعد مايخلص الصيف واصبر عشان بناتي ولا اجلس عند اهلي
وملن يشوف طريقه دامه يهدد بالطلاق ع كل كبيره وصغيره
وفي حاله اذا قال اجلسي عند اهلك وش اسوي
بعد ابيكم تشوروا علي هل اشتري بيت وارفع عنه الاجار كمساعده وهو يصرف ع بناته ولا اخليه يتحمل مسؤوليته وطبعا انا ماراح اقصر ع بناتي
ياليت تساعدوني لحل مناسب
فديتكم

رد : زاد الجفا وتباعدت روحي عن روحه اكثر واكثر
 

اعتذر عن الاخطاء الإملائيه
اكتب ولا اشوف وش كتبت وشابكه جوال

رد : زاد الجفا وتباعدت روحي عن روحه اكثر واكثر
 

وعليكم السلام ورحمة الله

الله يعينك يالمسه أنا من رأيي انك تجلسين عند أهلك

استغليها فترة دعاء واستخارة في وضعك

وكثري استغفار لعل الله يُحدث بعد ذلك أمرا

الله يكتب لك اللي فيه الخير .

رد : زاد الجفا وتباعدت روحي عن روحه اكثر واكثر
 

طبعا لازم ترجعي ع البيت لا تستسلمي مو حبا فيه بس لازم يعرف انو بنات الناس مو لعبة عندو بيتزوج و بخلف و بعدا بيرمي المسوولية .. رجعي ع بيتك و خلي اختك تجي لعندك وقت بكون دور زوجتو الاولى
حتى قليلو ازا بدك لا تجي ابدا لعندي المهم تقعدي ببيتك ت تخليه يتحمل مسووليتك و مسوولية بناتو غصب عنو

رد : زاد الجفا وتباعدت روحي عن روحه اكثر واكثر
 

مشكوره اختي همس
وسهر الشام
انا فعلا مرتاحه عند اهلي الحمدلله
اختي ماتقدر تجيني اهلي في مدينه وانا في مدينه
وخايفه ع بناتي يكبرون بدون اب وكانهم ايتام
هذا لي كاسر ظهري
ومدري الصراحة ايش الحل اخاف بعد ارجع وتزيد مشاكل ويتعقدون البنات
انا محتاره مع العلم حتى اهلي مايبوني ارجع
لكن اذا قرر اجلس عند اهلي مستحيل اقعد ع ذمته وكنه متزوجني مسيار
يا نتفق نعيش مع بعض حياه طيبه كريمه لاجل خاطر عيون هالبنات يا كلن بطريقه والله يعيني اربي بناتي
بناتي اسم الله عليهم شخصيتهم قويه اذا مثلا خاصمتهم بالمزح يصيحون بوجهي مايخافون
مابي تضعف اي وحده فيهم بسبب مشاكلنا مابي بناتي يذقون لي ذقته
ومدلعتهم على الاخر واهلي معتنين فيهم بشكل زاد عن الحد الطبيعي الحمدلله
من فضل ربي امي فديت روحها فيها وسوسه تعقيم الرضاعت حقتهم تقوم الفجر تعقم وشعارها الجسم السليم في العقل السليم
والحمدلله بفضل الله ثم دعواتكم اليوم سويت لهم تحليل دم كنترول حق ست شهور كانت عندهم انيميا وراحت ياربي لك الحمد مؤمنه انهم هديه الرحمان وربي راح يتم عليهم صحتهم وعافيتهم

رد : زاد الجفا وتباعدت روحي عن روحه اكثر واكثر
 

ان شاء الله

رد : زاد الجفا وتباعدت روحي عن روحه اكثر واكثر
 

ياحبيبتي يالمسه الله يصبرك على مصيبتك ويكتب لك الاجر على بلواك
لي عودة هنامره ثانيه

رد : زاد الجفا وتباعدت روحي عن روحه اكثر واكثر
 

حبيبتي ليش ما تجربين ترجعين شهر او شهر او ثلاثة وتشوفين وضعك النفسي والجسدي وشنو يستجد معاك ومع زوجك وبعدها تقدرين تقررين بناءا على رجعتك اما انك من الحين ومن قعدتك عند اهلك بتقرري عدم الرجوع وتنهي كل شي فالذنب كله بيكون عليك ،، الزميه ينفق عليكم انتي زوجته وهذول بناته لكم الحق بالسكن والمصروف واناي مو مجبورة تكوني مسؤولة عنكم الا بحاال الشديد القووي ....

اعطيه فرصه اخيرة وشوفي وضعك واذا تقدرين تصارحينه بشكل اخير عشان ترسوا على بر اذن اجلسي معاه بوقت نوم الاطفال وصارحيه باسلووب هادئ جدا وخليك باااردة ولا تعصبي وشوفي شنوو يقول وبشنوو يفكررر ،، وحتى حقوقك الزوجية اسئليه عنها ! تناقشي معاه بكل ااخيارات وشنو بيصير على بناتك لو لا سمح الله حصل افتراق ؟! او ان شاء الله استمرار ..

رد : زاد الجفا وتباعدت روحي عن روحه اكثر واكثر
 

أقول لك شغلة.. كل ماقرا لك أقول ما شاء الله تبارك الرحمن
على حب اهلك الشديد لبناتك انتي في نعمة كبيرررررة .. تخيلي زوجك يهددك يأخذ البنات ويخليهم عند أهله .. كذا نحاسة مثل بعض الازواج
يعني نعمة ان بناتك لك ولاهلك بالكامل ولهم حرية التصرف ... ومانصحك بالطلاق خليك مثل ماقال وارتاحي من مسؤوليته وان شاء الله ترزقين باطفال اخرين وعيشي مع امك و اهلك والله في نظري الحياة كذا حلوة
مو كل وحدة عايشة مع زوج مرتاحة لكن ربي رازقك باهل مثل العسل واستمتعي معاهم

رد : زاد الجفا وتباعدت روحي عن روحه اكثر واكثر
 

الله يهدي زوجك ويصلح احوالكم ويسخره لك ويسعد ويجفظلك بناتك واهلك يارب

ويفرج همنا وهمك

رد : زاد الجفا وتباعدت روحي عن روحه اكثر واكثر
 

ام مريمي
ترا هو بالنقاش ماتاخدين منه لا حق ولا باطل جوابه الصمت وحتى مو يطالع فيني يطالع بالتلفزيون لانه ماعنده الشجاعة يواجهني حتى بنظراته
لو اتكلم مثلا عن حقوقي بالفراش اسفه ع التوضيح يخرص وماعاد يتكلم
واذا الحيت يقول ان شاء الله ان شاء الله يصير خير
طبعه غريب ممل وصمته مشمئز

جوري الحمدلله بالنسبه لاهلي ياربي لك الحمد امي تعشق بناتي اختي ماسكه جوري عشان جوري فرفوشه اسم الله عليها حتى تنومها بغرفتها وتقول هذه بنتي انا مو بنتك
وبناتي مدلعات عند كل اهلي حتى جدتي العجيز تموت عليهم وتعوذهم يطولي بعمرها
بس هل جلوسي عندهم شي صح يعني معقوله اجلس سنين والبنات يعيشوا متفرقين عن ابوهم ولو اني ادري انه مب نافعهم بشي بدليل يوم كانو عنده ماكان يلاعبهم
بس ودي يعيشوا وسط ام واب بدون مشاكل

رد : زاد الجفا وتباعدت روحي عن روحه اكثر واكثر
 

الله يفرج همك وهم كل مهموم
يا عزيزتي لعلك اقول لعلك من الأخوات اللي يكلمون ازواجهم بأسلوب جاف حتى لو في حقوقك اللين مطلوب والدلع ايضا تدللي عليه بعض ال جال يجيبه الدلال
اعذريني على صراحتي انا ماتزوجت باقي لكن مرت عليه قصص أكدت لي وجود فئة من النساء تطالب بحقوقها بعصبية وجفاف
ف يعند الزوج ويمعن في الظلم عقابا لها. وقد لا تكوني عصبية لكن تطالبينه بجفاف وعبوس فيقابلها الزوج بالصمت او بالاهمال

لا أعلم عن وضعك شيء لكن أحببت تنبيهك لهذي النقطة التي تغفل الكثيرات عنها فتشتكي احداهن
وبعد البحث نجد ان اسلوبها هو السيء وليس الزوج وهي ليست منتبهه لاسلوبها فتنتبه بعد التنبيه عليها

اقول البعض وليس الكل وان شاء الله لست منهن لكن احببت تنبيهك لعلها نقطة غفلتي عنها فأكسب أجر تذكيرك وتنبيهك
نقطة اخيرة اقرأي عن أنماط الرجال واعرفي نمط زوجك وطرق التعامل معه فهذه طريقة نفعت الكثيرات لتجاوز مشاكلهن

اعانك الله ووفقك لا تخرجي من بيتك لعله اسلوب ضغط لتطلبي الطلاق وتكون جات منك
اجلسي انتي وبناتك في بيته لين يفرجها ربك وادعي واستغفري

رد : زاد الجفا وتباعدت روحي عن روحه اكثر واكثر
 

فاطمه مشكوره يالغاليه ع ردك
لاحرمك ربي الاجر
بالنسبه لزوجي استخدمت معه الدلع مانفع معه يعتبره ضعف
والجفاف مانفع معه لاعرفت لنمطه ولا تركيبته
انسان غريب الاطوار يعتبر الاعتراف باي شي ضعف
ويمكن مايحبني لانه لو قدم لي الحب والاهتمام ماكان هذا حالي وحاله
مايبادر بالعلاقه الا اذكر اول ايام الزواج وهالشي حطمني كثير
كثير مرات اسال نفسي ليه تزوجني وش دوري بحياته
كل ما اساله سؤال اضيع اكثر واكثر غموضه مشمئز يعني مو ذاك الغموض لي يخليك تكتشفينه بالعكس يجيب القرف والهم
ياماتمنيت ان اتزوج رجل كل شي بحياتي ربما قريب من شخصيه حليم لي كتب موضوع الجحوذ في زوجته بس اقل درجة ماحب المبالغه وان كان في الحب والتضحيه
احسني عايشه مع رجل من كوكب ماله اسم ابد ماحس معه بالامان
مع العلم اني حبيته حب شديد بس الان تغير كل شي
عمري ماحسيت بانوثتي معه احس اني رجال يمكن لاني اصرف من جيبي ومستقله عنه ماديا
هو بعد يقولي رجال رغم شكلي قمه في الانوثه لكن هو وصلي هالفكره وزرعها بنفسيتي
انا يهمني بناتي وهالدنيا بكيرها ماتهمني واولهم هو
ابي وجود ابوهم بحياته خايفه من الطلاق ياذيهم
خايفه يقلون ياماما ليه جبتينا وحرصتي انك تحملي وانتي وابونا ع وشك الانهيار
اشياء كثيره تخوفني مابيهم يحسوا بالنقص لو ابيع الغالي والنفيس

مع العلم في حريم مطلقات وربوا بناتهم احسن تربيه ووصلوهم ارقى المناصب
بنت خال امي مطلقه وربت ولدها وبنتها احسن تربيه ووصلتهم لمناصب مايحلم فيها اي انسان
الولد الان دكتور في الجامعة والبنت مهندسه في ارامكو
بس لي عشته انا في غياب ابوي عقدني وخوفني

رد : زاد الجفا وتباعدت روحي عن روحه اكثر واكثر
 

الله المستعان
وزوجته الأولى كيف وضعه معاها نفس حالك ولا أردى؟

رد : زاد الجفا وتباعدت روحي عن روحه اكثر واكثر
 

طبعا الأفضل لك حاليا طالما لا تفكرين بالزواج من جديد ؛ البقاء في بيت زوجك حتى يكبرون البنات تحت عينه
لمصلحتهم هم ومصلحته

إن كبرت البنات بعيد عنه لن يكون هناك محبه وتعلق منه لهم

رد : زاد الجفا وتباعدت روحي عن روحه اكثر واكثر
 

فاطمه هو متفق مع زوجته الاولى ومتفاهمين كثير
وهالشي شغل تفكيري ليه تزوج عليها وش كان ناقصه
اشياء كثيره بحياته عجزت افهمها

سماء العداله لايمكن اتزوج من جديد واجيب رجل غريب لبناتي
بناتي الله يحفظهم كل شي بدنيتي
وعشان كذا ودي ارجع بيتي عشان البنات يتعودون عليه

رد : زاد الجفا وتباعدت روحي عن روحه اكثر واكثر
 

في البداية اختي من مواضيعك السابقه حسيت انك مو فاهمه زوجك عدل ، عشان كذا ركزي ع النقطه هذي
و حبيبتي بناتك يحتاجون أب
زي ما أنت الحين يوم ضاقت بك الدنيا لقيتي سندك واهلك
اذا زوجك فيه أمل يتعدل ارجعي عشان خاطر عيون بناتك
و عشان بناتك يتربون في جو اسرة سليم بين ام واب
انت يمكن زوجك كان مقصر معك واهلك مو مقصرين وغير كذا مرتاحه ولاقيه اللي يخدمك
عشان كذا مترددة
ارجعي بيتك بشرط هو اللي يدفع لك الاجار او يشتريه هو لا يدري عنك وعن فلوسك ، خليها للكماليات بس
وقدمي ع شغاله تساعدك ع البنوتات العمر من 6 شهور الى سنتين متعب مرا ع طفل واحد كيف اثنين الله يحفظهم لك

رد : زاد الجفا وتباعدت روحي عن روحه اكثر واكثر
 

جروح وربي البيت بحياتي ماكنت متمردة
مو مساله اهلي مريحيني وهو لا عشان كذا اتمرد ماني من هالنوع ابد
صبرت عليه سنين لو اتمرد كان عذبته
انا قلبي طيب جدا ولاهو مدح فيني بس لو يبتسم بوجهي احد فرحت من قلبي وفتحت له مجلس قلبي
هذا طبعي من يوم وعيت ع الدنيا
حبيبتي انا حاطه في بالي اني برجع ان شاء الله وفعلا ابي بناتي يتربون في وسط سليم بس بدون اضطرابات نفسيه بيني وبينه انا حتى مدري عنه يمكن هو مايبينا نرجع
بس ع قولك عشان بناتي والله
بالنسبه للشغاله انا اخاف منهم ومن بلاويهم
الوحيده لي اثق فيها هي شغاله اهلي ومعنا من سنين يعني زي اختنا وقلت لها تعالي تقول ماتقدر تفارق امي بتموت
ان شاء الله ربي يساعدني انا ودي بوحده تجيني بالنهار بدون مبيت
جزاك الله خير

رد : زاد الجفا وتباعدت روحي عن روحه اكثر واكثر
 

اقولكم كيف برنامجي مع بناتي وانا في بيتي لحالي
ارضعهم كل 4 ساعات بالنهار من بعد العصر اقوم انظف البيت واغسل ملابسهم ووممكن اطبخ اي شي خفيف
اروشهم من بعد العشاء واعطيهم رضاعة النوم وبكذا اكون خلصت نظافه البيت ومع بناتي وننام سوا
لين اليوم الثاني وهكذا
عودتهم ع الشور بالليل لانه يرخيهم وينامون نوم متواصل الحمدلله

رد : زاد الجفا وتباعدت روحي عن روحه اكثر واكثر
 

ياقلبي قريتي كلامي غلط
انا قلت متردده من التردد
واللي مثلك مو متمرده حشاك حبيبتي

رد : زاد الجفا وتباعدت روحي عن روحه اكثر واكثر
 

الله يفتح قلب زوجك لك يالمسه. احبك واتمنى لك كل خير وربي الله يجعل بناتك قرة عينا لكما ويحفظهما من كل سوء. ارجعي لبيتكً لمسه والخيره الي يكتبها ربي.

رد : زاد الجفا وتباعدت روحي عن روحه اكثر واكثر
 

لمسة ارجعي بيتك
وعاملي زوجك بأحترام فقط
وهدوء
بدون مايشوف بملامحك الحده ولاتعاتبيه ابد
احترميه بس
وارسلي كل شوي صور البنات له
علقيه باالبنات
مثلا لاجاك اعطيه وحده منهم
ويعنني مشغوله
مافي شي يجي بين يوم وليله
معليش انسي حقوقك مبدئيا
واحترميه
ارسلي له مسجات ادعيه له
فيسات مبتسمه وصبحي عليه
حتى لو طنشك
اطولي بالك وادعي
طولي بالك لو سنه
بدون عتاب بدون هواش وبدون ماتطالبيه بحقوقك
بس حقوق بناتك
من اكل وشرب ولبس
اذا جاك
ابتسمي ورحبي فيه بس

لاتتقربي منو نهائي

اعطيه الاحترام بس
وشوفي

رد : زاد الجفا وتباعدت روحي عن روحه اكثر واكثر
 

جروح سامحيني حبيبتي احيانا اكتب ع عجاله من امري

طيوف الامل حبك ربك يالغاليه وانا بعد احبك


طعن قلبي والله اني احترمه
وكم مره ملكت اعصابي وانا بداخلي احترق
هو يسويلي حركات تسمم بدني ويطلع ويخليني زي المجنونه
صدقيني طعن قلبي عسى الطعنه بعدوينك يارب
يمكن لو مافي امراه اخرى بحياته اتنازل عن كثير امور
بس اشوف غيري ماخذه حقوقها مكمله وانا لا
راح احاول اطبق ماقلتي عليه واجرب عشان المركب تسير من جديد
والله يسخره لي ولبناتي انه على كل شي قدير

رد : زاد الجفا وتباعدت روحي عن روحه اكثر واكثر
 

تدرين طعن قلبي احيانا ينكد علي بس لاقرب وقت دفع الاجار
شريت لبناتي عربيه تؤوم غاليه قال كان اعطينيني حق العربيه ادفعه بالاجار!!
طيب انا شريتها لبناتك المفروض ماتقولي هالكلام وتشكرني
وناويه اشتري بيت واساعده بس كل ماقدمت على خطوة للامام ارجع خطوات للوراء بسبب تعامله وجفاه

رد : زاد الجفا وتباعدت روحي عن روحه اكثر واكثر
 

اي قرار تتوجهي له لازم يكون بعد قناعه تامه وماتندمي بعده وتتحملي تبعاته ..

رجوع لزوجك يعني ( مشاكل مع زوجك ،سلبي وبناتك عايشين مع ابوهم وامهم ايجابي )

طلاق ( راحه لك ايجابي، عدم جلوس بناتك في ظل والدهم والدتهم سلبي)

واستخيري الله حتى لو رجعتي معاه مره مرتين ثلاث عشان تعطي نفسك فرص كثيره ربما تنجحي في احد الفرص ويسخر ربي لك زوجك

وفي نفس الوقت لو استمرت المشاكل ماتندمي ع الطلاق وتقولي طلبته بعد تجارب كثيييييييره معاه







عندي سؤال خارج المشكله بناتك ماشاء الله تبارك الله كيف راح منهم الانيميا .
هل كانت بسبب قلة التغذيه ام وراثه لانها لو وراثه مااعتقد تروح ولو استخدمي شي وراحت فضلاً ارسليه لي لانه ابني الكبير يعاني من الانيميا الوراثيه 💔💔💔الله يشفي جميع ابناء المسلمين

رد : زاد الجفا وتباعدت روحي عن روحه اكثر واكثر
 

رد : زاد الجفا وتباعدت روحي عن روحه اكثر واكثر
 

متفائلة هلا حبيبتي حياك
الاحتمالين لي قلتي عليهم هما لي كاسرين ظهري
واحترت مثل ماتفضلتي راح استخير مرات عده وربي يكتب لي ولبناتي مافيه الخير


اما يالغاليه بالنسبه للانيميا بناتي خدج وانولدوا فيها وكانو يقلون لي ع ست اشهر راح تروح
ومن يوم انولدوا وانا اعطيهم حديد 4 ملي باليوم للوحده فاليوم
مشكلة الانيميا اذا ماتعالجت من الولاده وفي الشهور الاولى ماتتعالج بسرعه مع العلم ان ابوهم عنده انيميا ووحده من خواتهم كنت اعطيهم الحديد في ربع كوب حليب عشان طعمه قوي ويتقبلونه وقالو ع الست اشهر سوي لهم تحليل والحمدلله راحت اليوم ان شاء الله عندي مراجعة لهم اشوف الدكتور لي يباشرهم من ولادتهم هل اوقف الحديد ولا اخليه دعم لين يبدأون بتناول الاطعمه لي فيها حديد
الله يشفي ولدك وكثري له من الكبده والعدس مفيده له
وانا يمكن عشان كنت ارضع بناتي كثير ماشاء الله وانتي عارفه الحليب فيه حديد
بالبدايه وهما صغار كنت كل 3 ساعات حتى بالليل والحين خليتها 4 وبالليل بعد 9 اخليهم ينامون ماشاء الله لين الصباح بس ادوخهم بالشور والمساج

رد : زاد الجفا وتباعدت روحي عن روحه اكثر واكثر
 

صابره طال غيابك يالغاليه
عساك طيبه فديتك
وكيف والدتك واهلك
ياربي يعوضك ياصابرة ويجعلك اسم على مسمى
ويرزقك من حيث لاتحتسبين
الدنيا حبيبتي تجارب وماوقفت على زواج فاشل
وماعند الله خير وابقى وماتدرين يمكن طلاقك منه رحمه لك
والله من الله الا كل خير لنا لكن احنا نقنط ونجزع
سعدت بشوفتك ياحبيبتي

رد : زاد الجفا وتباعدت روحي عن روحه اكثر واكثر
 

حبيبتي لمسة
تتغير اختياراتنا وأولوياتنا بعد إنجابنا
سؤالي: هل تفكرين بالزواج إذا طلقك؟
ربما يعوّض عليك الله بزوج يفرّج عنك ويسعدك!
.....
بالنسبة لي عندما أنجبت كنت في السادسة والعشرين من عمري.. وقررت الاستمرار معه لأنه لا مقدرة مادية عندي بالصرف على توأمي
فكري فيها
التوأم يحتاجون مبالغ كبيرة
ملابس
أكل
سيريلاك
وغدا ستضعينهم في مدارس خاصة
خليه يتكفل بكل هذه الأمور هو
أنا هكذا فعلت
دخلتهم الآن مدارس خاصة لأعوض عن نفسي حرماني منه
ولأنهم مشروعي اللذي خرجت منه من الحياة
ولا أفكر بالمزيد من الأطفال
فالتوأم متعب جدا جدا
وأصبحت اخذ حقوقي المادية منه وهو يضحححححك
الرجال محتاجين طولة بااال

رد : زاد الجفا وتباعدت روحي عن روحه اكثر واكثر
 

متفائلة ولمسة ،، انا اخوي عنده نفس الحالة وهو متزوج وعنده اولاد وانا بعد من صغيرة يقل دمي لنسبة 8! جربت طريقة حلوة وباسبوع تشوفي نسبة الدم رااائعة ولكن تواصلي فيها ..، نوعين من الخضروات ترفع الدم بشكل سريع الطماطم والشمندر ..
اما الطماطم تقدرون تعطونهم مقطع فررش او تعملوه عصير ويحبوه الاطفال عاده من غير اضافات ،،
اما الشمندر فاما تسويه عصير مع جزر وتفاح وبرتقاال ويختفي طعمه تمامااا ولكن لونه يبقى ويحبوه الاطفال اوو تعلمووه تبوولة مع البقدونس والنعناع والبرغل البني لان بعد فيه حديد بنسبة عالية ... جربووه وبتدعون ليي ..

وربي يخفظ لكم اولادكم وتشوفوهم معاااريس ان شاء الله ،،،

رد : زاد الجفا وتباعدت روحي عن روحه اكثر واكثر
 

عزيزتي لمسة غروب الله يحفظ اطفالك متابعة مواضيعك من قبل الحمل باطفالك وبالنسبة لتغير معاملته قبل دفع الاجار هناك حل اشتري منزل لك وتضمنين حقك وحق اطفالك وهو عليه باقي المصاريف وهكذا بتكوني خففتي عنه وربما تتغير معاملته وان لم تتغير بتكوني كسبتي البيت لك ولاطفالك بالمستقبل يعني انتي الكسبانة بالحالتين الاولى ان تساعديه بعدم دفع اجار البيت فقط وربما سيخف الضغط عنه وتتبدل معاملته للاحسن
واما لا تتغير معاملته ولكن كسبتي البيت باسمك
اسأل الله ان يرزقكك السعادة وراحة البال ويسخر زوجك لك ولبناتك وان تقر عينك بشوفتهن وقت فرحن
احترامي

رد : زاد الجفا وتباعدت روحي عن روحه اكثر واكثر
 

ام يوسف كيفك ياعمري
الله يحفظ لك عيالك من كل شر
انا مستحيل كنت بتزوج بدون عيال فما بالك الحين
اموت ولا اجيب رجل غريب لبناتي اعقدهم
بناتي اولى من نفسي ورغباتها
غير ابوهم لايمكن اعيشهم مع رجل اخر

حبيبتي مريم الله يسعدك ع المعلومه فعلا عصير الطماط ممتاز
انا ماشيه لهم على نظام غذائي بالتدريج وتوي صرت اعطيهم خضار وكل 3 ايام ازيد نوع من الخضار
عشان لو في حساسيه اعرف ايش نوع الخضروات لي سببت لهم هالشي
الاطفال على ايش ماعودتيهم يتعودوا
بنتي جوري ماتقبلت الخضار فالبدايه صرت اتحايل عليها بالملعقة لاجاعت كملت لها بالرضاعه
الله يحفظ لنا عيالنا من كل شر ويرزق كل محرومه

رد : زاد الجفا وتباعدت روحي عن روحه اكثر واكثر
 

ميموميا
ان شاء الله اني نطفت معرفك صح ههه
الله يسعدك ياغناتي ومشكورة حبيبتي على دعائك اصلا ماوصلت هالمرحله الا بفضل الله ثم انتم
الله يجمعني فيكم بالجنه ذالك الفوز العظيم
انا فكرت بهالحل وجالسه ابيع بيتي الي بالرياض ماجرته واتنفع من اجاره انتظر يجيب سعر كويس
وبسعره اشتري بجده

رد : زاد الجفا وتباعدت روحي عن روحه اكثر واكثر
 

وديت بناتي مراجعة الدكتور قال وحده منهم عندها نقص بكريات الدم البيضاء
خفت كثير اي شي عنهم ماتحمله
واعطاني ارجع اسوي لها تحليل بعد شهر ان شاء الله
مره خايفه ادعولي الله يحفظ لي بناتي من كل شر

رد : زاد الجفا وتباعدت روحي عن روحه اكثر واكثر
 

اكرر خليك على ذمة زوجك وعيشي حياتك واستمتعي

رد : زاد الجفا وتباعدت روحي عن روحه اكثر واكثر
 

انصحك بعد تخففين الحماية الزائدة لهم لمصلحتهم و مصلحتك .. الا اذا كانوا خدج وكم اعمارهم الان .. الله يحفظهم و اقري الاذكار بانتظام وتوكلي على الله

رد : زاد الجفا وتباعدت روحي عن روحه اكثر واكثر
 

جوري وش اسوي هما كل حياتي وجاوني بعد انتظار طويل
اعمارهم الحين قريب سته شهور باقي عليهم اسبوعين ويكملون الست ان شاء الله
عندك خلفيه عن كريات الدم البيضاء للاطفال؟

رد : زاد الجفا وتباعدت روحي عن روحه اكثر واكثر
 

اذا زادت معناته عندهم التهاب فتزيد للدفاع عن الجسم لكن النقص ماعرف لكن احس انه شيء عادي .. وحالة الجسم متغيرة لو نفحص احنا تلقين اختلافاات عادي .. ولو ترجعي تعطيهم رضاعه طبيعية راح تزيد مناعتهم
بسم الله عليهم صغنونين كثير من الاباء مايحبون الاطفال الا اذا كبروا مو مثلنا

رد : زاد الجفا وتباعدت روحي عن روحه اكثر واكثر
 

مشكوره حبيبتي جوري
الله يحفظهم من كل شر

رد : زاد الجفا وتباعدت روحي عن روحه اكثر واكثر
 

حبيبتي غروب بما انهم خدج فطبيعي حالتهم ولا تخافين مافيهم الا كلللل عافية ،، احنا الكبار بين فترة وفترة تنقص كريات الدم او تكثر فما بالك بالصغار اللي للحين مناعتهم مش قوية اساسا ... وبعض الاحيان انخفاض كريات الدم البيضاء يتزامن مع انخفاص كريات الدم الحمراء ،،،

طبيعيا لدى كل الاطفال تبتدي مناعتهم في النقصان من عمر 6 اشهر من بعد الولاده او 3 اشهر من هالسبب كثير امهات يشتكون من تواصل حالات البرد او ارتفاع الحرارة بشكل ملاحظ الى عمر السنة والسبب ان جسم الطفل قاعد يتخلص من كل المناعه اللي حصلها بجسم امه وهو جنين وقاعد يخلق له مناعه جديدة من صنع جسمه بالتالي يصير انخفاض بالمناعه وممكن تشوفي اطفالك تصير لهم مرحلة تسنين بهالوقت اة اعراض برد وكلها طبيعية ... عليك بعصير البرتقال واي خضار تحتوي على فيتامينات ب اعطيهم لان كلها تساعد الجهاز المناعي ...

ومثل ماقالت الجوري لا تحسسيهم بخوفك الشديد نصيحة لان بنتي بالبداية كنت اسوي لها مثلك وصارت لي خوافة شوي وكله تبغي تلصق فيني وبعدها غيرت الاسلوب وصرت حتى لو تطيح تطالع فيني تشوفني خفت او ركضت لها او لا وبناءا عليه تصيح او تواصل بكائها وكانت فعلا لما اطنش ما تفتكر وتواصل لعب وماشاء الله صارت شخصيتها قوية وشجاعه هههههه ،، انتي بعد علميهم على هالشي عشان يصيروا مثل امهم ... وربي يحفظهم من كل سوء