|
هالمره المشكله فيني انا مو في زوجي!
السلام عليكم ورحمه الله وبركاته
دايما اشتكي من تصرفات زوجي وعصبيته لكن هذه المره اشتكي من نفسي لانو حصلت لي ظروف واضطريت اترك عملي وانا الان في البيت وابحث عن عمل ثاني لكن الشغل مايجي بيوم وليله بنتي كبرت وصارت مزعجه جدا وبيتي كبير وماعندي خدامه وكل شغل البيت على راسي هذا غير التكسير والصراخ والقلق اللي تعمله بنتي صرت كارهه البيت والبنت وكارهه نفسي و 24 ساعه معصبه واصرخ: اح/ اوص/ خلاص تعبت منها ومن كل شيء واليوم كنت اطبخ وفجأه لقيت زوجي بالصاله كان راجع بدري من الدوام بدون مايعلمني وانا كنت الحق البنت واصرخ وشكلي كان مزري يعني هيئتي وريحتي وشعري منكووووش تفاجأت لما لقيت زوجي بوجهي وتضايقت لاني ما احبه يشوفني بهالحال لاني دايما اتشيك واتعطر واهتم بمظهري لكن رحت اكمل شغلي.. وسلمت عليه بدون نفس وهو راح ينام بعدين عملت قهوه وجيت اناديه وحطيت له القهوه وانا دخلت الغرفه جاء عندي وهو معصب.. يقول ليه تركتيني ورحتي؟ قلت : تعبانه شوي وابغى ارتاح قال: انتي لك كم يوم تتحاشيني ليه؟ ايش شفتي مني؟ قلت له: مافي شي! قال: امس اقرب منك بالليل قلتي لي تعبانه بنام قلت: بنتك امس جننتني ومانامت الا الساعه وحده! قال: ومن يومين ناديتك تسهري معي واعتذرتي قلت: كنت دايخه وتعبانه من البنت وشغل البيت قال: انتي كارهتني؟ قلت: لا والله.. بس ضغوط الحياة متعبتني وهو كان معصب ويهاجمني وانا مو طايقه نفسي وانا استأذنت منه.. ورحت الغرفه وتركته وسمعت صوت الباب وهو يضربه بقوه.. وطلع وتركني وانا بكيت في الغرفه حاسه بضيق بصدري ومالي رغبه بشي وهو مو فاهمني ولا مستوعب الحاله اللي انا فيها اقول لنفسي: انا ويييين وهو ويييين يهاجمني باشياء غريبة ويحسب اني شايله عليه وانا شايله على وضعي واشك ان حبوب منع الحمل ممكن تكون السبب بتوتري لكن صعب اتركها لاني ما افكر احمل ابدا هالفتره بيتنا صاير نكد بنكد لنا كم يوم واعترف ان السبب غالبا مني.. مو طايقه احد وقرفانه من الكركبه والمسؤوليات وفوضى بنتي وازعاجها |
رد : هالمره المشكله فيني انا مو في زوجي!
هلا حبيبتي كنافه
أكيد الحبوب لها دور في نفسيتك بالصراحه انا ما احب الحبوب واستخدمتها بعد ولادتي بنتي جننتني وكرهت نفسي ودائم معصبه وقلق وكابه وحزن شديد انتي من اول ايش المانع الي كنتي تستخدميه وأول ماشاء الله عليك كنتي موظفه وماشي وضع البيت الحين ايش الي صار يمكن مضايقه عشان الوظيفة آي مشكله في هالدنيا لها حل وان شاء الله مشاكلك تنحل |
رد : هالمره المشكله فيني انا مو في زوجي!
الله يكون بعونك
بس نصيحه شوفيلك مانع غير الحبوب تسبب عصبيه وضيق وربي معاك |
رد : هالمره المشكله فيني انا مو في زوجي!
تاثير الحبوب واضح .. رغم ان ما اايد انك تتركينها ..
لكن مو هي السبب الوحيد .. انت نفسيتك تعبانه والسبب الاكبر وظيفتك .. وباذن الواحد الاحد يبدلك ربي باحسن منها لو تفكري شوي راح تلقين ان وظيفتك الحقيقيه اللي بيسألك عنها ربك هي بيتك وبنتك وزوجك .. هنا المفروض تركزين طاقتك .. اعتبري نفسك اخذتي اجازه من عملك عشان تدللين نفسك وتعوضين زوجك وتهتمين ببنتك .. شغل البيت ما راح يخلص بس يتراكم في عقلك .. هدي نفسك ما احد راح يفتش وراك او يحاسبك |
رد : هالمره المشكله فيني انا مو في زوجي!
كل هذا بسبب تركك للعمل وطبيعي بالبداية لانك ماتعودتي على قعدة البيت يصير كل هذا ،،، لكن حاولي شوي شوي تعودين نفسك و تنظميها على موضوع وجودك بالمنزل من الفترة الصباحية ... بنتك تزيد شيطنتها ايضا بسبب عدم تعودها لوجودك بالصباح وايضا بسبب توترك فهي تتوتر ويظهر بهالشكل ،،، جربي بكرة تصيرين ثللللجة بالتعامل معاها وبدون صراخ وطنشيها وبتشوفين بكرة ما بتسوي اي شي من اللي ذكرتيه ...
بنتي بعد اخذي لاجازتي جم يوم جننتني وكنت احس مثلك الدنيا على راسي والخ ويجي زوجي واعطيه كلام من العيار الثقيل حتى ببداية ايام دواني لعدم اعتياد بنتي على بعدي ايضا كانت بعد الدوام تشتغل علي وانا الضغط عندي الف منها ههههههه ،، بعدها قلت اجرب اصير العكس ممكن العيب فيني وفعلا لما صرت ثلااجة الاحظها والله تقعد على قنوات الاطفال التعليمية بكل هدوء وتقعد تعيد لي كلماتهم بلغتها ! .. ولما اروح اسوي شغلي واطلب منها تطلع من المطبخ مثلا او تساعدني بشي تسمع الكلام اللهم بعض الاحيان اذا تكون تبغي شي او محتاجة شي ،، هالكلام لما بنتي لحين ما وصلت سنتين ... اعطي بنتك العابها وشغلي لها التلفاز واذا سوت شي لا تعصبين مجرد نظرة تبين ان هالشي غلط او حتى كلمة ... وانتي اقضي اشغالك بالتقسيط لا تتعبي نفسك فمثلا الغرفة اللي ماتستخدموها كثير نظفيها على السريع وقفليها وهكذا ،، و خلي طفلتك بمكان واحد فقط بحيث اذا خربته تعدلين هالمكان فقط ،، حبيبتي مسئلة انه رجع وشافك على هالحالة فهالشي اجباري فمثل ما يشوفك باحسن حالاتك مافي مشكلة يشوفك وانت تشتغلين بالبيت ... لا تضغطين نفسك ولا تضايقي نفسك وتضايقي زوجك ... وضعي نفسك مكانه ولو هوو اللي عمل كل هذا لك؟ وخصوصا التقرب منك؟ يعني كوني بمكانه وشنو تتوقعين رده فعلك؟ وهل معاه حق بالزعل او لا؟ |
رد : هالمره المشكله فيني انا مو في زوجي!
وعليكم السلام اختي كنافة
بعتقد الحبوب الها دور فهي لا تناسب كل الاجسام ومن اعراضها ما ذكرتيه في طرح الموضوع اما عن مسألة المنزل فسهلة ولا تحتاج كل هذا الوقت مثلا اذا كان المنزل كبير اغلقي الغرف التي لا تدخلوها وكل اسبوع مرة تنظفيها ولا تستخدموا سوى الصالة وغرفة النوم والمطبخ وحاولي ان تنهي العمل بلحظته لا تتركيه لوقت اخر صديقيني ساعة ونصف صباحا كاف جدا لانهاء الاعمال المنزلية وساعة مساءا وضعي نظاما للطفلة بان ترتب غرفتها وان تتعلم بالاعتماد على نفسها وبمساعدتك وان تكافئيها عند اي انجاز وخصصيلها ساعة الى الساعتين لمشاهدة التلفاز وفي هذه الاثناء استرخي جانبها اقرأي كتب او مارسي اي شيئ تحبيه او استرخي انا تنام الطفلة بعد الظهر من ساعة الى ثلاث ساعات واستغلي هذه الفترة لنفسك حددي يومين بالاسبوع الاكل يكون في الخارج وان امكن حضانة للطفلة كم يوم في الاسبوع ولا تنسي دائما سورة البقرة في البيت لي عودة بإذن لله اسأل الله ان يجعل حياتكن مليئة بالسعادة والفرح وراحة البال |
رد : هالمره المشكله فيني انا مو في زوجي!
ماعندك صبر ع شغل البيت وصراخ وكركبة طفلة وحيدة!!!!
ابعدي عن الحبوب واستخدمي مانع آخر، الوظيفة تتعوض بالسعي والدعاء،،بس حتاخذي وقت. اضغطي ع نفسك حبتين وانتبهي لبيتك وزوجك ،،ترا اأغلب لرجال مايفهمون ولا يقدرون هذه الحالات. |
رد : هالمره المشكله فيني انا مو في زوجي!
الله يكون بعونك
والله مرات الوحدة تتعود ع النكد والمشاكل و لو شافت زوجها كويس معها تصير تفتعل مشاكل و تنكد وهي مو حاسه لانها ماتعودت لازم نتعود ع الهدوء والحب وتعوضين بدل المشاكل بوناسه وخرجات و دوري لك شغاله تساعدك اذا وضعكم المادي كويس وروحي صيفي كم يوم اذا ضروفكم تسمح حاولي تجددين بحياتك و تنبسطين وتبسطين جوزك و المانع انصحك باللولب الغير هرموني ماله مضار و تتعودين عليه بسرعه و احسن من الحبوب الله يهدي سركم |
رد : هالمره المشكله فيني انا مو في زوجي!
صحيح الحبوب تقلب المزاج وتخليك متضايقه
شغل البيت مو لازم تسوينه 100٪ ترا عادي لو خصصتي يومين لراحتك بس ما تطبخين فيها وجيبي الشغاله اللي بالساعه مرتين بالاسبوع ماراح يبقى عندك الا خفايف ونفسيتك بتتعدل بنوتتك لعبيها وعطيها اهتمام بتصير اهدأ انا لا حظت ولدي اذا طنشته يزعجني واذا لعبت معه يصير وديع |
رد : هالمره المشكله فيني انا مو في زوجي!
يا قلبي
باقول شي يمكن ماحد علق عليه بنتك كل ما صرختي عليها ؛ كل ما هي صارت عصبية و عنيدة اول شي لازم تشبعيييييها عشان تهدأ و ما تزعجك و بعد ما تشبع أعطيها عصير في الكوب او الرضاعة المهم تنشغل عنك وتكون شبعانة خلالها انت حاولتي تجهزي الغداء و عبي البانيو شوية موية مع صابون و حطي بنتك داخله و خليك متابعة لهم اول بأول المهم اشغليها عشان تفضي لشغل البيت و مو لازم تنظيف عمييييييق بعدين خذي بنتك واجلسي معاها (ساعة) لعبيها؛ ضحكيها و امزحي معاها |
رد : هالمره المشكله فيني انا مو في زوجي!
احسك ماخذه كل اﻻمور بشددده وبتزمت
وزين انك عارفه عيبك |
رد : هالمره المشكله فيني انا مو في زوجي!
ماعليش اغلب الحريم كل ماتسوء تصرفاتها وسارت نكدية قالت وحام ..ولا حبوب منع الحمل ..او حمل ..او مسؤليه اطفال..تدور لها اعذار وتستسلم لها ..
حبيبتي انتي بيدك تخلي بيتك جنه فرفشي ووسعي صدرك ايش هوا ترتيب البيت خصصي له ساعتين باليوم مو اكثر .. والتنضيف العميق جيبي شغاله مرة او مرتين بالاسبوع .. وبنوتتك خصصي لها غرفة خاصة بتلفزيونها والعابها وخليها تكركبها على كيفها مايضر اهم شي ماتشرب وتاكل فيها...وسكري انوار البيت كلها بالصباح واجلسي بغرفتها عشان ماتتطلع وتلعب بالبيت...وحاولي تهدي حيلها عشان تنام بدري ..انا بناتي اعبي لهم البانيوا واخليهم يلعبوا وبنفس الوقت انا عندهم ادلع جسمي او اسوي شعري ..وانا اطبخ اعطيهم خظار يقطعوها كل واحدة تسوي السلطة حقتها ..اهم شي ينشغلوا عني.. bfd واما زوجك عشان تكسبي رضاه ومعاد يطفشك بكلامه.. لما يجي من الدوام تفرغي له ربع ساعة بمساج ودلع وانتي افهم بزوجك..وبالليل نص ساعة اهم شي لاينام إلا وانتي عندة وبنوتتك صرفيها هههههه mhm بعدين بجد حزنت على زوجك وهوا عايش بجو النكد ..احس حرام هوا متخيل قبل الزواج ان يدخل البيت وهوا نضيف وزوجة فرفوشة وينصدم بالواقع ..ترا انا زي عجايز زمان احب ادلع الرجال ماادري ليش هههههههه hh والوظيفه بأذن الله ربي يعوضك ..ولو انا منك اجلها شوي واتفرغ لزوجي وبيتي خاصة بعد الظروف الي مريتي فيها .. والحبوب اتركيها خلاص ولو اني شاكة نفسيتك مو منها.. ونصيحتي ابسطي نفسك باي طريقة وتصنعي الابتسامة والفرح لين ماتسير عادة و العبي وارقصي مع بنتك وربي الحياه ماتستاهل هالنكد وعلى ايه تنضيف وطبخ ولا وظيفة .. والله يهدي بالك ويرزقك طوله البال ياحلوه..sdd |
رد : هالمره المشكله فيني انا مو في زوجي!
كيف كنتي مدبرة أمورك وانتي تشتغلي اضافة لشغل البيت والبنت ؟؟؟ الان لما راح عنك هم الشغل وبقى بس البيت والبنت صرتي تعبانه ومو قادره عليهم ؟ مش فاهمه ؟ معلش كنافه فهميني واشرحيلي شوي
بعدين ترى يا حلوه :) زوجك يكون مبسوط وبنظره قمة الأنوثة لما تكوني معجوقه ومشغوله ببيته وبنته ( أقولها بكل أمانة مو مجاملة ) ... لا تنزعجي لو دخل البيت فجأة وشافك بهذا الوضع .. ولما تخلصي شغلك ترتبي واعملي القهوة وروحي اشربيها معاه بكل فخر لأنه شافك معجوقة مو تنزل نفسيتك وتتضايقي وتعافي الجلسة معاه :) |
رد : هالمره المشكله فيني انا مو في زوجي!
زوجك زوجك زوجك لاتخلينه !!
لو طلبك لاتردينه حتى لو جبدج لايعه ومالج خلقه!! هالشي يهدي الزوج ويحن عليج اكثر!! اما باقي الموضوع فالبنات ماقصروا !! بس في حته صغيره ،،، بنتج اشتريلها حباسه اللي تكون مليااااانه كور⚽️⚽️ تلعب لين تنام وانتي خلصي شغلج عالراحه!! |
رد : هالمره المشكله فيني انا مو في زوجي!
وفي نقطة حبيت انبهك عليها اختي لا تكرري سيناريو السنة الاولى عندما كان زوجك يسعى ورائك وانتي تمتنعي عنه وتذكري ردات الفعل من سنة كيف بعد زوجك واصبح بارد المشاعر بسبب معاملتك سابقا
لذلك اشرحي له ان ما تمرين به بسبب الحبوب وهولا دخل له لاجل ان لا يتكرر السيناريو نفسه وعليكي ان تراجعي طبيبتك ربما السبب من الحبوب لان عمتي مرت بنفس الاعراض التي تمرين بها احترامي |
رد : هالمره المشكله فيني انا مو في زوجي!
شو قصتك انتي و زوجك متل توم و جيري
انتو التنين نفس الشخصية .. يعني بتقابلو المعاملة الجيدة بالمعاملة السيئة وقت انتي كنتي عمتحتاري شلون ترضيه هو صار يتكبر ومو عاجبو شي و هلا وقت هو صار بس بدو رضاكي انتي ما بقا عاجبك ارقو نفسكم يمكن فيكم عين |
رد : هالمره المشكله فيني انا مو في زوجي!
بالعكس انا ما اشوف المشكله فيك !
اشوف عدم تقدير وتفهم من الزوج .. نفس حالتي وحالة الكثير تجري ليل نهار ورى شغل البيت وتربية العيال ماتلاقي حتى خمس دقايق تفردي ظهرك ويبغاك دايما مبتسمه وهاديه وبأحلى صوره ، مايصير احنا برضو بشر مو آﻻت يعني يسكر الباب بقوه وراه ليه ايش اذنبتي ؟! يبغاك في غيابه تشتغلي ببيته وبعياله وبحضوره تشتغلي فيه طيب انتي متى ترتاحي ! اعرف وحدا قريبتي الله يبارك لها ويهنيها زوجها مصر على وجود خدامه بالبيت .. قال عشان تفضي تدلعيني .. تخلصي من الشعور بالذنب انتي ماغلطتي .. الله يصلح الحال |
رد : هالمره المشكله فيني انا مو في زوجي!
انتبهوا ترى "بعض "الحريم تحط تقصيرها ب العين والحسد
وهي ما فيها الا العافيه بس ترتاح نفسيا لما تلاقي جنبها شماعة تعلق عليها اختي صاحبة الموضوع وشو شغل البيت والعصبيه والصراخ مع طفله وحده !! اجل لوكان ولد او اكثر من طفله بتنتحرين انتبهي لا تكوني من النوع اللي يراكم الاعمال لحد ما تصير صعبة عليه انتي لا تشدين نفسك كل فجر قولي اذكار الصباح ورددي مع نفسك ما فيه شي يستاهل اسد نفس زوجي عشانه ترى الرجال بيصبر ويصبر ويصبر ثم يتزوج :) بحثا عن الراحه فكل شيء يحتمله الا النكدددددددددددددد اعصابك مشدوده ارخيها وخذي نفس عميق واستمتعي حتى وانتي تشتغلين في البيت وبعدين مو لازم اشتغل في البيت وشعري منكوش على قولتك لمي شعرك بطريقة بسيطه واللبسي بجامه بيت يصير لو دخل زوجك فجأة ما تكوني بوضع جدا مزري يكون شكل عادي للشغل ويكون تكشخك بعدها له طعم ترى التنويع حلو هديييييييي ترى الدنيا ما تسوى زعل زوجك وحبيبك اللي يوم تزوجك وهو يمني نفسه بالراحه والحب والابتسامه شخصيا ارحم كل رجل متزوج وحده نكديه وان شاء الله منتي منهم |
رد : هالمره المشكله فيني انا مو في زوجي!
صحي كمام بدي نبهك ع شغلة
ما بصير المرة دايما تورجي زوجها اجمل ما عندها لانو بعدين عينو بيتعود ع هالشي و بصير ما بيعجبو شي خليكي بكامل طبيعتك بالبيت .. بس اشتري بيجامات مرتبات و البسيين بالبيت و خليكي مرتاحة بشكلك خلي المكياج و التجميل للاوقات الخاصة .. او كل فترة و فترة .. منشان اولا يصير تجديد بشكلك اتانيا منشان يحس بالفر. تالتا وقت بتكوني ع شكلك الطبيعي بدون مكياج و بدن تكلف بالملابس و بدون سشوار زوجك رح يحس بالراحة النفسية معك لانك بتكوني ع بساطتك و طبيعتك و عفويتك |
رد : هالمره المشكله فيني انا مو في زوجي!
ماشاءالله اعطوكي حلول الصبايا
فرج الله همك امين |
| الساعة الآن 11:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©