|
هل تعطي زوجك يشوف صور النسوان؟
السلام عليكم ورحمة الله وبركاته
مرحبا بكم جميعا حبيت اطرح هذا الموضوع واعرف ارائكم يااعضاء .. الصراحه انا تلخبطت المخ عندي ماستوعب ؟؟ مابي اطول عليكم تعرفون ثورة التقنيه والبرامج اللي امتلأت اجهزتنا بها انستقرام وتويتر وسنابشات ولاين و kik و keek وغيره الكثير من البرامج السالفه ومافيها اني اتابع يوميات امرإة كويتيه محتضنه طفل مجهول الابوين المهم كنت اسولف مع زوجي عنها واتكلم عن تجربتها رغم انها قادرة ع الانجاب بس احتظنت طفل والان بتحتضن ثاني ماشاء الله عليها ربي يسعدها* .. مالكم بالطويله وانا اسولف كنت اعرض بعض صور الطفل لزوجي وفديوهاته وسمع صوتها فسألني هل تكشف وجهها قلت اي نعم قال بشوفها رفضت انا قطعا .. هالشي ما أرضاه ابداا ولا عمري اعنت زوجي ع منكر صور نساء ومن هالاشياء .. نفسي تأبي هالشي غير الغيرة اني اعينه على فتنه .. بيشوف هو ذنبه على نفسه اما اقوله شوف هالحرمه ابداا .. تكلمت بهالسالفه عند زوجات اخواني .. وحده قالت ياحليلك انا عطيت اخوك حساب فلانه مررره مرحه وخفيفة ظل خل يستانس.؟؟! انا عيوني 😮😮 يعني عادي قالت عادي واثقه من اخوك طيب والشيطان حريص لالا عادي واثقه ؟! اما الثانيه تقول اللي عندي بالسنابشات بس يتحجبون مايتنقبون عادي اخلي اخوك يشوف طيب بنت خالتك بنت عمتك عادي ؟؟؟؟ عادي هي اصلا ماتتغطى وواثقه باخوك اصلا هم يشوفون بالافلام والمسلسلات وبرا جت على هذولي الحريم؟؟؟ كيفه خليه يشوف .. جيت قلت انا هو يشوف بسلامته بس اني انا اقول شوف ابدااا مستحيل اصلا انا مسلسلات وخرابيط ماحب اشوفها تبيني اجلس مع زوجي بعد واشوف قالت وحده عادي اتناقش انا واخوك احيانا بلبسس الممثله وستايلها ومكياجها ؟؟؟ اندهشت مستحييييل مو بس مايصير اوصف عند الذكور عن امرإه عشان مايتخيلها عاد اروح اوريه صور وين الدين والخوف من الله مين الصح بالله عليكم؟؟؟؟ يعني منتشر هالشي وعااااادي والله استغربت من طريقة فكرهم الله يثبتنا يااارب على القول الثابت... |
رد : هل تعطي زوجك يشوف صور النسوان؟
بصراحه
اتضايق اذا شفت زوجي اهتم لأي امرأه او لقطه مثيره في التلفزيون و غيرها عشان خاطري او عشان لا يفتتن انا ابغاه شبعان و الشبعان ما اظن بيهتز بعد من هذي المناظر يعني ابغاه يشوف بس يقول و زوجتي الأحلى و اللي تشبعني و ظفرها يسواهم يعني هو يكلم نفسه كدا و ي طرد اي اثاره من جواته بيا بس لما نكون نشوف برنامج او شي و يغير >> ازعل لأن اقول لو ما عجبته الحرمه ما غير !! |
رد : هل تعطي زوجك يشوف صور النسوان؟
😳مااتوقع فيه وحده عاقله تعطي زوجها يشوف صور البنت
عووووذه زمن اغبر ايش هاذا مو لهدرجه عاد افرجه علي الصور ليش!!!! لادين ولا حياء ولاغيره ولا منطق يقبل هالتصرف والرجال الي يطلب يشوف صور من زوجه عيونه يبيلها فقس👊👊 مع انه زمن التقنيه ع قولتك صارت هالصور بكل حدب وصوب يامثبت القلوب ثبت قلوبنا علي دينا |
رد : هل تعطي زوجك يشوف صور النسوان؟
مع إحترامي الشديد لهالنوعية ميتة قلوبهم ..!
يعني على اي اساس ارسلة حساب وحدة يشوفها وإلا اورية سنابات .. أكيد واثقة فية وواثقة في نفسي بس الشيطان ممكن يزينها في عينة .. يعني موب شرط توصل للخيانة عشان يكون تبريرهم ( واثقين فيهم ) ..! تدخل قلبة ويصير يقارن بينهم او يصير يستمتع بشوفتها أوتعجبة .. أو أو ..... إذا شاف بشكل عرضي في شارع أو تي في مو مشكلة ، مانقدر بعد نسكر على عيونهم لكن أورية بنفسي وابرر بكل غباء انة يشوف في كل مكان ... عجيب والله bfd ع العموم موضوعك جميل أختي ddg |
رد : هل تعطي زوجك يشوف صور النسوان؟
حريم اخوانك عمله نادرة ههههه
انا ممكن اخليه يشوف معاي بتلفوني مقاطع فيها حريم يعني ماجاء ببالي سالفة الغيرة ولا ممكن تزيغ عينه بس تكون مقاطع محترمة ومنتشرة يعني قضايا مجتمع و حروب ولاجئين وزي كذا اما مقاطع خاصة لبنات اعرفهم او قرايب خير ان شاء الله اشوفه غباء وسذاجة او مقاطع مياعة وقلة ادب نو واي حتى لو اثق فيه ماتوصل لهدرجة |
رد : هل تعطي زوجك يشوف صور النسوان؟
والله يختي إذا الحرمه محترمه بلبسها وتصرفاتها
ماأظن في داعي لهالحرص الشديد واللي ذكرتيها مو وحده تقرب لك يعني وش بيسوي لو شافها؟ في صور ماينفع تورينه وفي صور أشوف أنها عاديه وبعدين حتى لو بيطالع مو جاي يستأذنك أعتقد عنده جواله ويقدر يشوف إللي يبي |
رد : هل تعطي زوجك يشوف صور النسوان؟
يؤ عليك بتبتلين تلاحقينه خليك واثقه مو كابته عليه بكرا ينفجر
ياحليلكك بس وين الثقه ! انا عن نفسي تاركه لزوجي كل شيء وايوه اذا جت صوره اوريه طالما البنت راضيه وناشره صورتها وقفت علي يعني ؟؟ |
رد : هل تعطي زوجك يشوف صور النسوان؟
حريم أخوانك ، ترى بس ( كلام ) ..
لإنه مو من صالح الحرمة إنها قدام أخت زوجها تقول و الله أغار عليه و تبين نقطة ضعفها أغلب النساء مثلك .. الطبيعيات ^_^ |
رد : هل تعطي زوجك يشوف صور النسوان؟
مثل هكذا طلبات تجاهليها بذكاء ودلال
استغبي معاه , وغيري الموقف واصرفي ذهنه عن الطلب بيشوف من نفسه هو وربه حسيبه بس أنتِ تعطيه المقاطع وتفرجيه عليها هذا الغلط الرجل مثل الطفل فكوني ذكية في تعاملك معه |
رد : هل تعطي زوجك يشوف صور النسوان؟
والله اذا خليته يشوفها يوم طلب مني فانا باللحظه ذي خليت تفكيره انه بيشوف ام هالطفل وبس
لكن اذا رفضت وخليت من الحبه قبه بينهبل ويستغرب ويقول اكيد تغار واكيد الحرمه حلوه وبيصير يدورها بس عشان يشوف ليه رفضتي وساعتها ممكن تكبر بعينه بسببك .. |
رد : هل تعطي زوجك يشوف صور النسوان؟
مستحيل اخليه يشوف من عندي اشياء مثل هيك مو عدم ثقه بس خوفا من الله مثل مقطع انتشر امرأه تسولف مع بنتها وتضحك او تغني وبعدها يضيفوا عليها صور مسخره ع الصوت هالاشياء حتى ما اعيد ارسالها
واذا شئ مفيد مثل مايكون ببعض مواقع التواصل الاجتماعي من النساء ايضا ما ادله عليهم لان الغالبيه يحطوا صورهم وهالشئ مايجوز |
رد : هل تعطي زوجك يشوف صور النسوان؟
مايحتاج تخليه يشوف صور لان الانترنت والمواقع الاجتماعيه فيها كل شي
|
رد : هل تعطي زوجك يشوف صور النسوان؟
راح تأثم من تفعل ذلك
اقسم بالله انه داخلي قهر على البنات اللي يصورون نفسهم وايضا الشباب والاستعراض ورقص ابناء المسلمين انا انسانه جاهلة بالتقنية الحديثة ليس تخلف بل احس انها اهدار للوقت واتابع فلانه وصورة زميلتي وصور مدري ميين ليييه بنات المسلمين يضعون صورهن لييه زمييلتك قد لاتكون ثقة وقد تكون ثقه ويشوف جوالها اي احد بالنسبة ليه انا انقهرمن زوجي عشان ام بي سي تو الله يشيلها وخاصة لما اشوف مرة لبسها مو ساتر اقول شيل بسرعه المصيبه يقول افلام على مستوى وتعبانين عليها rfegr وانا مااطالع لهم بشهوة واساسا وقته قليل Tv لانه مشغول وهو لو احط قناة بدايه يينقهر والله ولا همني رجال بس احيانا اقرأ الشرييط او اريد سماع محاضرة او ماابى اشوف مسلسلات او افلام ونادر وجودي على التلفاز سبحان الله انقهر من اي وحدة تحط صورة حرمة في جوالها حتى الواتس احيانا ارسل لها انتي عندك ارقام واكيد في رجال اقلها اخوانك والسواقين كيف تخليييهم يشوفون تقول صح وتشيل وبعضهم حتى لو شالت ترجع ثاني |
رد : هل تعطي زوجك يشوف صور النسوان؟
بصراحة مستحيل ارسل لزوجي او لاخواني صورة او مقطع فيه بنات حتى لو كان محترم جدا ...مو لاني اغار ...اخاف من انتشارها واكسب ذنبها ...
لكن ماتوصل اني ماشوف التلفزيون قدام زوجي عشان مايبصش ...دايم نتفرج افلام سوا ...لكن خوفتوني ..hhf |
رد : هل تعطي زوجك يشوف صور النسوان؟
يعني بصراحة وين المشكلة اذا كان موضوع الفيديو
ما في انحلال بس مرح و ضحك و البنت غير متكشفة و ما في ميوعة حلو يقعدو يضحكو سوا ffhhf و يتابعو فيلم درامي او كوميدي مع بعض بالعكس انا بحس هالشي بيزيدهم قرب من بعض من دون ما يكون هدف الرجال انو بس يبصبص و يقارن او يبدي اعجابه بالممثلة اذا كان هيدا تفكير الرجال كل ما شاف امرأة فأنا بشوف هيدا شخص غير سوي و احسن يشوف معالج سلوك و الرجال اللي بيكون هيك سلوكه ما رح ينتظر يشوف المرأة على التلفزيون أو الموبايل رح يبحث عنها على الانترنت او بكل بساطة و المرأة بكل حشمتها و عباءتها يروح تفكيره لما تحت العباءة صراحة اللي تفكيره مريض ما بيطلع باييد الزوجة شي ما بيغيره غير الوازع الديني و الخوف من الله و تغيير اهتماماته لأشياء أكثر افادة و بالنسبة لأصل الموضوع اكيد انا ما برسل لزوجي صور بنات من دون هدف او موضوع بس حتى ورجيه انو انا ما بغار اكيد غلط ... |
رد : هل تعطي زوجك يشوف صور النسوان؟
لا الحرص الزايد عن اللزوم ينفع ولا الترك التام ايضا ينفع ! اذا شفت شي عجبني راح اخليه يشوف مثل ماهو يطرح علي هالشي ولكن ان اتعمد اني اخليه يشوف إمرأة مثلا او اوصف له واقوله شوف وماشوف ماحس لها داعي بالاساس ،، الصور والاعلانات وغيرها مكتظه بها وسائل الاتصال الاحتماعي فاذا هو حب يشوف او يتابع منه ومن نفسه اذن هو يتحمل مسؤوليته لانه عاقل وفاهم وبالغ ... سواء كنت على ثقة به ام لا ما أأيد فكرة المراقب ! كاني ظل له لا تطالع او ماراح نقعد ع التلفاز تجنبا لمشاهد النساء او او او كانه طفل لان بالنهاية هالشي يجبره او يجيب لعقله الفضول للمشاهدة وايضا مزعج مثل مايكون مزعج لي لو كنت بمكانه !
نساء اخوتك ،، ماعتقد انهن يفعلن مايقلن لك ! اتوقع غيرتهم حتى اكثر منك ... وبخصوص صور نساء الاقارب هذا اكبر واغبى خطأ ممكن تقع فيه المرأة فشنو يضمنهم ان ازواجهم ما تصير بقلبه هالبنت خصوصا انها كاشفه وجهها يعني على مانقول جاته مقشرة ،، وكم من مشكلة حصلت ووصلت للطلاق والسبب هالشي ! الزوج يشوف صورة اخت زوجته حتى ببعض الروج ، او احد اقاربها ويتعلق بها وينوي الزواج حتى لاتبقى بقلبه ! زوجته سمينة او نحيفة جدا واختها نحيفة او احد اقربائها وهي الذكية عادي توريه الصور وبعدها تقول زوجي تغير ! برايي انتي الصح وماعليك منهم ولا تراويه لان ماله داعي ،،، حب يشوف منه ومن نفيه من غير عزبمة بكيفه ... |
رد : هل تعطي زوجك يشوف صور النسوان؟
انا اخليه يشوف اللي يعجبوني
بالسفر مثلا اقوله شوف هذي تهبل تجنن ويناظر عادي مادري انا اشوف الامر عادي الا اذا صور صديقات او قريبات يتنقبون ومايرضون احد يشوفهم غير كذا عادي جدا |
رد : هل تعطي زوجك يشوف صور النسوان؟
^
شوف هذي تجنن تهبل!!! لا تعلييييييييييييييييق :) |
رد : هل تعطي زوجك يشوف صور النسوان؟
انقهر من المذيعات
وبعد تبغين أوريه خيييير |
رد : هل تعطي زوجك يشوف صور النسوان؟
خوذوا الامور بشكل طبيعي
اللي يحبها زوجها ماراح يأثر فيه مذيعات وكلام فاضي |
رد : هل تعطي زوجك يشوف صور النسوان؟
المهم هنا والفيصل هو الحكم الشرعي لمثل هذه الأمور
نفسي اعرف الحكم الشرعي لو أنا مثلا ارسلت صورة وحدة لزوجي عشان لون صبغتها بشوف رآيه ( هذي صارت لوحدة من قريباتي ) حيرتني الردود و المواقف اللي بذاكرتي ودي اشوف تأصيل شرعي للموضوع .. |
رد : هل تعطي زوجك يشوف صور النسوان؟
^
بختصر لك الموضوع هل زوجك يوم من الايام ارسلك صورة رجل وقالك اش رايك اسوي زي هذي السكسوكه:) |
رد : هل تعطي زوجك يشوف صور النسوان؟
صاحبة المشكلة زوجها قال يبي يشوف شكل المرأة .. وليس حسابها بشكل عام وموضوع احتضانها للطفل ..
في هالحالة ما راح أعطيه يشوفها .. انا ممكن اوريه مقطع فيه وحدة .. بس مش القصد إنه يشوف شكلها ولون شعرها .. لكن مثلا لو تتكلم بموضوع وابيه يسمعها شتقول ممكن عادي.. بس لو حلوة وتلفت النظر مستحييل ..glh والأخت اللي تقول لما نسافر أقول لزوجي شوفها تجنن ؟؟!!! يكفي اللي يشوفهم من نفسه .. أقوم أنا أنبهه عشان ماتفوته مثلا ولا ايش ؟؟ هههه .. بصراحة لا تعليق .. الله يرحم الغيرة بقلوبكم .. |
رد : هل تعطي زوجك يشوف صور النسوان؟
اقتباس:
|
رد : هل تعطي زوجك يشوف صور النسوان؟
م قد صارت لي بسس ممكن لو شاهدت مقطع ولفتني اوريه هو بقصد مشاهدة المقطع
الحمد لله زوجي من النوع اللي ملتفت لنفسه ف هالامور. عشت معاه ف الغربه وم شفت منه موقف يضايقني مع انو الاشياء اللي صادفتنا تخلي العقل يختل من جرائتها |
رد : هل تعطي زوجك يشوف صور النسوان؟
الحرمه اللي توري زوجها صور نساء من الأقارب هاذي أما واثقه من زوجها ثقه عمياء أو تتحداه أن ما يهمني أي شي تشوفه يعني ما عندي غيره أو انها
|
رد : هل تعطي زوجك يشوف صور النسوان؟
نفس هذا الكلام ينطبق على الأزواج الذين يتابعون المسلسلات وخصوصا التركية
فمع كثرة المشاهدة لهذا الابتذال يتعلق قلب كلا الزوجين بأبطال المسلسل فمشهد يبرز الأناقة ومشهد يفيض بالعاطفة ومشهد يثير شهوة الجسد والضحيتان يشاهدان كل هذا بأجساد متجاورة وقلوب وعقول تسبح بعيداً فالزوج يتخيل تلك الغيداء مياسة القد التي أبرزت الشاشة أجمل ما فيها ويقارنها بزوجته في مقارنة معروفة النتائج. والزوجة تشاهد البطل بكامل أناقته ووسامته وبعبارات الحب التي كتبت له بعناية وقلبها يذوب مع كل جملة ينطقها وسحره لا يفارقها حتى في اللحظات الخاصة مع زوجها. المسلسلات ووسائل التواصل الاجتماعي أضافت أسباباً وأبعاداً جديدة للنفور والزهد بين الزوجين بل ولأبغض الحلال في أحيانٍ أخرى. |
رد : هل تعطي زوجك يشوف صور النسوان؟
اقتباس:
تعرفي انك اخذتي اثم اجتهاد زوجك في النظر الى المحرمات سواء مسلات او لا وحدة قريبة لي جميلة وماشاء الله عليها تتفرج على اغاني ومعجبة أحدى الفنانات وتظهر اعجابها بها امام زوجها وتذكر له بالتفصيل شوف شعرها يهبل شوف عيونها ....... الى ان في النهاية في يوم من الايام قارن بينها وبين فنانتها المفضلة ! مع انها البنت جميله لكن هي بتصرفاتها خلت زوجها يقارن حتى لو ما لاححطتي ردة فعل على طول له نتائج سلبية على المدى البعيد فالنهاية امرنا بغض البصر اكيد لحكمة والخارج عن هذا ........hhf |
رد : هل تعطي زوجك يشوف صور النسوان؟
صور من النت عااادي ممكن اوريه ..بس قريبات لي لااا حتى لو كانو عادي يكشفون...ترا كثر الغيره والكبت تولد الانفجار اسالي مجرب وامسكي عصاك من النص انا كنت غيوره لابعد حد والحين تغيرت وبينت له اني واثقه واذا يبي يدور اللي يبي ذنبه على جنبه وهالشي خلاه يتحسن كثيررر عن قبل.
|
رد : هل تعطي زوجك يشوف صور النسوان؟
اقتباس:
هههههههه عاد واذا قارن ..بالنهايه له عيون وبيشوف لو تخبينها الف مره مو طفل هو تاكلين عقله بحلاوه.!!! |
رد : هل تعطي زوجك يشوف صور النسوان؟
عايشين بغربة
وطبيعة شغله كمان يشوف اشكال والوان وحاجات ومحتاجات ماجت على مقطع نت ولا مسلسل بس يمكن اقول كدا لانه ماياخذ باله ولايحب غير الاخبار الحمدلله لو كان من النوع الي بيركز كنت غطيت عيونه خخخخخ |
رد : هل تعطي زوجك يشوف صور النسوان؟
انا الموضوع عجبني
وبصراحه زوجتي اوقات تخليني اشوف صور حريم مو بس متكشفات الا احيان توريني اشياء المفروض ماتنشاف بصراحه اقول بداخلي يعني واثقه مرة اني مثلا ما اقدر اتزوج عليك علشان اوريك الغيرة صح ههههههههههه |
رد : هل تعطي زوجك يشوف صور النسوان؟
اقتباس:
|
رد : هل تعطي زوجك يشوف صور النسوان؟
انا اضحك على مشاعرها ؟
خير ان شاء الله |
رد : هل تعطي زوجك يشوف صور النسوان؟
الله المستعان!!!! اختي اذا كان اغلب من حولك يرين ازواجهن صور النساء ويتحدثن عنهن ويرين ان هذا امر عادي فهذا لايعني انهن على حق ..لاادري أهو استهانة بحرمة هذا الامر ام ماذا؟!..يقول ابن القيم رحمه الله: عليك بطريق الحق ولا تستوحش لقلة السالكين..واياك وطريق الباطل ولا تغتر بكثرة الهالكين
|
| الساعة الآن 09:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©