هل زوجي لازال يفكر فيها ؟؟
 

السلام عليكم

بيني وبين زوجي خلاف على موضوع وتهاوشنا اليوم عليه

السالفه ان في عائلة يقربون لنا من بعيد انا وزوجي والعائله هذي فيهم جمال ماشاءالله بالذات بنت من بناتهم .. والكل كان يتمنى يتزوجها .. تزوجت الله يستر عليها وعندها عيال .. المشكله ان زوجي المصون اكتشفت انه كان يحبها .. طبعا ماهمني الشي هذا وواثقه من نفسي والحمدلله يحبني واحبه .. الى هنا حلووو ..
السالفه ان اهتمام زوجي باهل البنت هذي واخوانها زايد عن حدة كثيييير كان يجبرني ازورهم واذا رحت عندهم يجيب لي من افخم محلات الحلى واذا وحدة من بناتهم ولدت جاب لي افخم هديه مع اني ماطلبت واذا قلت ليش قال عشانك انتي .. ( على فكرة خالي متزوج منهم ) .. او يقول عشان خالك وامك .. طيب انا ماطلبت
احس تصرفاته يتميلح قدامهم ماني عارف وش يبغى .. يجبرني اطلع اتمشى معاهم ومواقف كثيرة كنت اتضايق بس اقول يمكن صدق عشاني انا .. بس اللي اشوفه انه مو عشاني ولا عشان سواد عيوني
خالاتي واخوالي الباقيين ماعليه منهم ولا يحرص اني اجيب لهم شي حلوو الا خالي هذا اللي متزوج منهم

عاد الاسبوع هذا جا خالي لاهل زوجته ( هو في مدينه وزوجته توظفت عند اهلها في نفس المدينه اللي انا ساكنه فيها ) وخالي ما دريت انه جا الا من امي لا اتصل علي ولا سأل عني وانا عادي مو ماخذة في خاطري .. طبعا بس درى زوجي قال بسوي عزيمة لخالك وبعزمهم كلهم ( طبعا اهل زوجة خالي )
قلت خالي اذا بعزمة بعزمة لحاله وبقعد معاه ليش نعزم اهل زوجته ... وشدينا بالكلام وتهاوشنا


فيه تفاصيل كثيرة للموضوع ومواقف حصلت لانه من يوم تزوجت بس انا اختصرت
ما ادري تحسوني مكبرة الموضوع
او تصرفات زوجي فعلا غريبة
هل ممكن يكون زوجي باقي يفكر في البنت هذي مع انها متزوجة
والله الافكار تروح وتجي في راسي واحس اني كنت غبيه وانا اطاوعه
انا قطعت زياراتي لهم الا في الواجب وبس بس اهو باقي مواصلهم

رد : هل زوجي لازال يفكر فيها ؟؟
 

لا منت مكبرة الموضوع ولا شي،،وكويس انك تداركت الوضع واقتصرت معهم على الواجب،كدة انت ماشية سليم لاعاد تهتمي وتفكري في الموضوع.

رد : هل زوجي لازال يفكر فيها ؟؟
 

زوجي انسان مراوغ جدا ويعرف يطلع نفسه من الموضوع بذكاااء بس ماعاد يمشي علي هالاسلوب

رد : هل زوجي لازال يفكر فيها ؟؟
 

مو شرط يا اختي ، تمنيت انك ما صعدتي معه الموضوع ، يمكن بينه وبين رجالهم معزه ويحبهم ويحبونه وعلشان كذا يحرص على الاجتماع معهم ويحرصون يجتمعون به ، وبعدين الهدايا اللي تقولين ممكن نفس السبب انه يعز رجالهم ..


عموما انتي اعرف بزوجك

رد : هل زوجي لازال يفكر فيها ؟؟
 

الراسي

فعلا انا ادرى بزوجي
كنت اتوقع معزتهم لانهم قرابه لنا بس الموضوع زايد عن حده وماتكلمت الا بعد ماطفح الكيل

رد : هل زوجي لازال يفكر فيها ؟؟
 

انزين اختي حتى ولو كان افتراضك صحيح ،، البنت متسترة عند زوجها ولها حياتها الخاصة خلاص فشنو راح يصير ؟ يبغي يواصلهم خليه يواصلهم وانتي طنشي اذا حبيتي تقومي بالواجب معاهم كان بها وان لا فاذن يكون هذا القرار راجع لك تماما ولك الحرية به ... لا تكبري الموضوع وتخليه يفتح عينه على امور غايبة عن فكره وانتي بطريقة غير مباشرة تنبهيه عليها ... خالك وزوجته اللي عليك تعزميهم فان قبلوا كان بها والا فسينتهي هالموضوع وترتاحين ،،، تفاهمي مع زوجك ان سبب رفضك هو التكلفة لعزيمة العائلة باجمعها لهالسبب اعترضتي فان حب يواصل بالعزبمة فاعطيه الخيار ...

رد : هل زوجي لازال يفكر فيها ؟؟
 

ام مريمي

كلامك صحيح وهذا اللي كنت اسويه اطنش واقول دامها متزوجة ومستوره الله يستر عليها
وانا الحمدلله مرتاحة معاه
بس ما ادري هو يخليني افقد اعصابي باهتمامة

تخيلي مرة اتصل علي يقول كلميهم وقولي لهم اننا بكرة بنجيكم بعشانا معانا ( لاحظي انا واياة عائله صغيرة واهم عائله كبيرة ماشاءالله ) والعشا بيسوي حفلة شواء باربيكيووو في بيتهم وانا اجيب كل شي معي هههههههه شر البلية مايضحك
كل هذا لاننا شفنا مطعم يسوي مشاوي متبله حلوة واقوله خلنا ناخذ لنا منه يوم ونطلع نشوي في حديقه
واهو يفكر فيهم وتقولي ليش ما اعصب 😅

رد : هل زوجي لازال يفكر فيها ؟؟
 

لاعادي خليه يعزم هذا برضو بيته وله حق
بس روحتك لهم بالاسلوب تقدري تبيني انك مو حابه الروحه لهم

رد : هل زوجي لازال يفكر فيها ؟؟
 

مافي أحد يقدر يضمن لك إذا زوجك مازال يفكر فيها أو لا , (( هذا على أساس إنه كان يحبها ))
احتمال زي ما قال الرسمي يعزهم ويحترمهم وارد = وإنه مازال يحبها وارد ~~~ > لو كان هذا احتمال فالمرأة متزوجة وما يقدر يوصل لها .
حدسي يقول زوجك معجب بالعائلة ومبسوط عليهم وحاب المديح منه وانه يكون عندهم مرغوب فقط .
الي عليك الحين :
* لا تشعرينه أبد إنك شاكه
* سوي الواجب بس مع هالعائلة ولا تطيعينه بأمور ما لها داعي ( تكاليف وقطة وجه)
* ولا تخلين الموضوع ياخذ من نفسك لأنه بيأثر على علاقتك وانت ما تحسين , تعوذي من الشيطان الرجيم وانبسطي الله يتمم عليكم.

رد : هل زوجي لازال يفكر فيها ؟؟
 

سكلوتا بكلوتا --> الاسم ضحكني سوري 😄

اعوذ بالله من الشيطان صراحة فقدت اعصابي اليوم معاه
وانه كان يحبها اولا سبق ان شفت دفتر له ايام المراهقه وكاتب حرفها في قلب 😜😂😂 وانحرج مرررة
بس انا واثقه فيه الحين والحمدلله مرتاحة معاه بس هو يندفع بتصرفاته معاهم بالذات ماديا ومعنويا وكل شي
عشان كذا ابغاه يتصرف طبيعي حالهم حال باقي القرايب
واذا عيالهم يعزوة فيه معزة بينهم بس احس عادي ومايحرصون عليه مره عكسة اهووو معاهم

انا بطلع المواقف عشان تعذروني لا عصبت
اذا زاد عندي اكل او فاكهه مثلا طيرااان ياخذهم ويوديها لهم 😓 مع ان عندي جاراتي اولا وفيه
حارس العمارة اعطيه دايم بس وش اقول عاد 😪

رد : هل زوجي لازال يفكر فيها ؟؟
 

نوارة حسيت زوجك حبوب و خفيف ~~> بتشديد الياء
اذا زاد شي عندك من البداية قولي قايلة لجارتي برسله لهم ,,
وخليه يستحي من نفسه شوي قولي له ( فيالمواقف الغير مناسبة الي تصدر منه ), خف شوي خلهم يقدرونك ..
يا ويلك ان حس انك رابطه الموضوع بحب المراهقة بزنطك hgh

رد : هل زوجي لازال يفكر فيها ؟؟
 

نواره سامحيني جاني ضحك من موقف العزيمة انتو شخصين تروحو لعائلة بعشاكم هههههههه
هذه حركات زوجي وهذا يسمونه بعيد عنك الهياااااط
يبي يكشخ فيك وف العشا ههههه
بس هو ترا يمكن مايكون مركز يعني مندفع جدا يبي له بس تفهميه بهدوء لا تعصبي ولا توافقي
سوي الي تبيه بس برغبته
اذا قالك باخذ الفواكهه قولي يوه شفت عندهم فواكهه كثيرة واخر مرة قالو لي لا عاد ترسلين احنا ماناكل كذبه بيضا عشان تصلحي امور بيتك
او مثلا قولي ابي اكلهم بسوي لك عصير كوكتيل يحبه قلبك وصرفي الموضوع ونسيه السالفه وحسسيه انه مو شي كبير ان الفواكهه تكون زائدة اذا انتو ما اكلتوه ياكلوه الجيران

وسالفة تروحي لهم بعشاك هذه يبغالها تفهيم قوليله لو ف مناسبه ممكن بس من غير مناسبه وش يقولون عننا انا لو منهم بستنكر ولا تحط العيون علينا ترا العين حق وحوري ف السالفه لين ينساها

والبنت الي كان يحبها كرهيه فيها بطريقه غير مباشرة قولي مثلا ماشاءلله قد ايش تحب زوجها شفتها حاطة صورته ف جوالها او قولي مثلا مزعجة بس تصرخ ع عيالها بعدين علقي الانثى ما لمفروض تصرخ ماحب كذا هههه عشان لو ف راسه فضول او شي يروح وانتي ترتاحي

مشكلتك يبي لها حيلة وكيد نساء بس اياك تعصبي وتحسسيه انك فاهمته لا تجني ع نفسك

والله يكون ف عونك زوجك ضحكني لانه يشبه زوجي في حركاته
الله يسخره لك ويهديه

رد : هل زوجي لازال يفكر فيها ؟؟
 

سكلوتا بكلوتا

😰😓 والله للاسف اتوقع انه حس
غصبا عني والله انا امرأه في الاخير والغيرة في بعض المواقف تخرب علي
المشكله ودي يكون عندي دهاء واتصرف معاه بذكاء بس الشكوى لله

طيب والحل الحين اهو يبغى يسوي عزيمة كبيرة وانا اقوله خلها مختصرة على خالي فقط
لاني بعد ابغى اجلس مع خالي واسولف واشوفه 😕

رد : هل زوجي لازال يفكر فيها ؟؟
 

يارب نور بصيرتي

ههههههه عادي ياقلبي الموضوع فعلا يضحك وعلى فكرة اكثر من مره يسويها فيني ويحرجني معأهم الله يهديه بس
هو طيب وكريم بس تنقصة الحكمة في بعض المواقف ---> الا كلها 😅

الله يسعدك ردك حلو واستفدت منه
وفعلا الشغله يبغالها كيد نسوان وشوية دهاء معاه 😈


واذا على البنت مره انفتح موضوع اهلها وسولفنا وتعمدت اجيب طاريها قلت ماشاءالله عليها هي اللي توفقت في زواجها عاد كانت تموت في زوجها من قبل ماتتزوجة واهو بعد يحبها
طبعا اللي عندي طير عيونة 😧 وقال لا من قال 😤😤😤😤
والله لو مامسكت نفسي كان غميتة بالبطانيه وكتمتة 👿😪

رد : هل زوجي لازال يفكر فيها ؟؟
 

بما أن زوجك حس .. فالمرة هذي سوي العزيمة زي ما يبي ..
والمرات الجاية لا تعيدون البشة فيهم والغديات والعشيات الي ما لها داعي ..
وامسكي أعصابك لا تتكلمين عنها لا بخير ولا بشر لان زوجك بيربط بما انك عارفة انه يحبها قبل فأكيد ماراح تقولين عنها الصدق .. عاد إلا إذا كان على وجهه مرة ..
وشيلي الموضوع من بالك .. حسيت حب مراهقة ما له أهمية .. خربوطة الخرابيط ,,

رد : هل زوجي لازال يفكر فيها ؟؟
 

^^^^

انا والله اللي مضايقني اكثر شي تصرفاته واندفاعه احس فيها تقليل قيمة لي وله
وقطة وجه مالها داعي
ودي يكون ثقيل وفارض احترامة .. وان شاءالله يحب عشرة 💔
احسه خفيف معاهم مرة الله يهدية

واذا على التكلف والهدايا اصلا مايشاورني تخيلي اذا قلت بروح لهم واكون مجهزة قهوتي معي
اذا ركبت السيارة ما ادري الا وصحون حلى هو جايبها من نفسه وكمية كبيرة في السيارة يقول نزليها معك 😤😤😤😤😤

رد : هل زوجي لازال يفكر فيها ؟؟
 

ههههه الله يعينك لازم تتعلمي للدهاء وكيد الحريم هذي لو تتطلق من زوجها بتصير ضرتك

رد : هل زوجي لازال يفكر فيها ؟؟
 

خواطر مكسورة

فال الله ولا فالك ياشيخة 💔 😰

رد : هل زوجي لازال يفكر فيها ؟؟
 

حبيبتي ،، الحل الوحيد عشان يخفف هالشي منه ومن نفسه اذا احد منهم عطاه كلام مش تمام او نبههه للي قاعد يسويه هني هو بروحه بيقلل كلشي اذا ماقطعها بسبب انصدامه انهم غير متقبلين للحركات ... ماعليك خليها للزمن وبجي اليوم اللي ممكن هم منزعجين مثلك من كثرة تواصله و اندماجه بعائلتهم لهالدرجة ،،، يعني خلي نفسك مكانهم ؟ ... فانتي عليك التطنيش تماما ولا كأن والعزومة مو شرط يقبلون ممكن يتعذرون فخليها على نار هادية وطنشي وخالك اقعدي معااه وغيري جوو ..،

رد : هل زوجي لازال يفكر فيها ؟؟
 

أم مريمي jyjy

رد : هل زوجي لازال يفكر فيها ؟؟
 

ام مريمي

كلامك حلو الله يسعدك .. يعني اطنش واطول بالي
ممم بس ما اتوقع يجي منهم اكيد مبسوطين عالهدايا والعزايم محد يكرهها

اما العزيمة والله ماودي فيها اولا انا لحالي والشغل كله فوق راسي واهم عايلة هذا غير اللي بيعزمهم احس كبر الموضوع واهو مايسوى .. خالي وامون عليه ومو كبير في العمر شباب يعني الوضع مو رسمي معاه ابداا
بس زوجي اللي ناشب الا يكبرها عشان يعزمهم 😓

رد : هل زوجي لازال يفكر فيها ؟؟
 

ي حبي لك اسسسلوبك مرررة لطيف 😻

خبري زوجك انو مافيك تقومي بالعزيمه

اذا يبي يعزم يتكفل بكامل البيت من تنظيف وتزيين وترتيب وطبيخ


هو يبي يعزم ،، يشمر عن ساعديه ويقوم ،، مو يعزم وينبسط

والكرف عليك ،، قهرني حقيقه 😤 لو يعطيك فلوس الاغراض اللي يشتريهم 👍😒

رد : هل زوجي لازال يفكر فيها ؟؟
 

نوارة ،، لا الا بتجي انتظري بس شوي زوجك كما اتوقعه مجرد على نياته شاف القبول والترحيب منهم ولانه طيب يحب يعطي كلشي بهالسبيل ولكن بعد الطرف الاخر شوي شوي يحس الانفاق او الاهتمام الزايد شي غير طبيعي بالنسبة لهم ويحطوا علامة استفهام حول الموضوع باكمله ... فمثل ماقلت خليها على نار هادية وبتجي لوحدها ،،

العزيمة جاات بوقتها ،، هو مصر مافي مشكلة قولي له ياخذ لهم مشاويي وهالامور وحلويات من جيبه الخاص مع كل الامور الثانوية وانتي ماعليك الا تنظييف المكان فقطططط واذا حصل لك تجيبي خادمة بالساعه تنظف معاك بعد لا تقصرين ،، مرة مرتين بيحس ان الموضوع فوق طاقته فيقتصر الصرف ع موضوع الزيارات فقط .. اذا رفض قولي له العائلة كبيرة وانا لوحدي شلون تبغيني اقوم بهم جميع من تنظيف وطبيخ والخ ؟ انت اللي تبغيهم اذن تكفل بالوجبة ولازم تبيض وجهك ( لزوم التخفيف عشان مايحسها معاند ) وانا بنظف وبرتب المكان وحياهم الله العين توسعهم ،،،

رد : هل زوجي لازال يفكر فيها ؟؟
 

ياحياتي ام مريمي
الله يسعدك ياشيخة 💕

عشان تكوني في الصورة انا قلت له ان العزيمة متعبه وانا لحالي تعب علي وهم كثير قال لك ميزانيه مفتوحة
وبجيب لك شغاله 😪😒😒😒
مدري الطم ولا اشق هدومي

تدري قبل سنه صجججني يقول متفشل منهم قلت مين 😳 قال قرايبنا
قلت ليش عسى ماشر 😳😳😳
قال من زمان ماطلعنا احنا واياهم شكلي بأحجز استراحة وارتب عشا ونطلع سوى معاهم ننبسط
😒😒😒😒😒😒😒😒😒😒😒😒
😱😱😱😱😱

شكلي بأهج واهرب لاهلي اخر حل صراحة بلا عزايم لا هم 🚚🚛🚚🚛

رد : هل زوجي لازال يفكر فيها ؟؟
 

زوجي مافيه حيلة 😭

رد : هل زوجي لازال يفكر فيها ؟؟
 

هههههههههههههههه ،، الله يحفظكم ويخليكم لبعض ... من كلامه يبان انه طيب وكريم يا نوارة مثل اخوي حتى لو ما عنده يعزم ويسوي تقتلني هالحركة ولكن شوي شوي خفت لما شاف الجيب خالي ..،، ماعليك هذا كلام ينقال الحين بعد فترة يتغير ان شاء الله عن تجرربة انتي بس هدي بالك وربي يصبرك وياجرك ان شاء الله ... ماعليه بيجيب شغالة قولي بدل الوحدة ثنتين انا احتاج وانتي ما كذبتي فعلا بتحتاجي اذا العايلة كبييرة ... لا تهربي ولا تروحي يا حبيبة قلبي ترى فيه كثير من نوعية زوجك جد وانا شفتها ببعض اخوتي هذا انا اخته وانبط شلون زوجته ؟! اختي ايضا زوجها كان بنفس هالحال وكانت تغار وتصير مشاكل ولكن اتضح انه بسبب طيبة واي احد يعاملها باسلوب يجذبه ويحسسه بالقبول بووده يشيل نص راتبه ويعطيه بس بعد ما جوا الاولاد وايضا حس بالانزعاج من قبلهم والراتب صار مايكفي ويحتاج والخ تغيرت اولوياته منه ومن نفسه وصارت امورهم تمام ... الله يوفقكم ويديم عليكم محبتكم يااارب ويريح بالك ،،،

رد : هل زوجي لازال يفكر فيها ؟؟
 

تسلميلي حبيبتي ام مريمي 😘
كلامك حلو حسيتك اختي الكبيرة 😘😘

رد : هل زوجي لازال يفكر فيها ؟؟
 

الله يسعدك يانوارة ويخليكم لبعض ومايشوف غييييرك وكما تقول الماما ربي يجعلك جوهرة بين عيونه وسكرة بين سنونه. .ههههه
كلام جميل ام مريمي

رد : هل زوجي لازال يفكر فيها ؟؟
 

صارحيه وقولي له خلاص ماتجبرني على شي من جهتهم ..وقوليله عن شكوكك عشان يبطل يجيب سيرتهم

رد : هل زوجي لازال يفكر فيها ؟؟
 

زهرة

انا صارحتة من فترة وتهاوشنا وتعدل وصرف نظر
بس الحين كأنة ماصدق بجية خالي واخذها عذر عشان يعزمهم مع ان خالي دايم يجي
مو اول مرة

الله يهدي النفوس

رد : هل زوجي لازال يفكر فيها ؟؟
 

قريت الموضوع كله لا وبعد قريت الردود😤
من جد شي يقهر وترا النار ماتحرق الى رجل واطيها

لو انا كان طربقت الدنيا ع راسه

بس تدرين شغلي كيد النساء😏

الي هو


اذا رحتي لهم ورجعتي لبيتك قولي لزوجك شفت فلانه وسولفت معاها وجابت سيرتك
وتقول لسع شكله شين زي اول والى تعدل

وقولي مررره تمدح في زوجها وبتسافر معاه

وكمان قولي شفت اخوانها ماشالله كل واحد احلى من الثاني

وبيني اهتمامك لهم قولي بالله اعزم اخوانها بالذات هما بالذات ماتحلى العزيمه الى فيهم

عاااد كرهيه فيهم ههههههههه بصراحه لو انا كان سويت كذا اعذروني ماتحمل غيوره انا لابعد حد

رد : هل زوجي لازال يفكر فيها ؟؟
 

انتي اجمل

شكرا لردك وفعلا النار ماتحرق الا رجل واطيها


واللي يقولي لاتحسسيه انك فاهمة ... هو اللي المفروض يستحي ويقدرني ولايحسسني باهتمامة المبالغ فيهم
يعني الاعمى يلاحظ .. انا مره شكيت لام زوجي من بعض تصرفاته وتفاجأت مره قالت ليش يسوي كذا
وتقول انا اعرفهم ناس على قد حالهم ليش يبالغ معاهم

المهم اني من امس ما اتكلم معاه .. وجا اليوم وجلس يبرر تصرفاته وانا ماسكت قلت كل شي
واني مو مجبورة فيهم ولا عاد تطريهم قدامي خير شر 😡👊👊👊
واذا مصر تعزم اعزم رجال بسسسسسس حريم ما استقبل
قال ان شاءالله مايصير الا يرضيك


ياما خذت كلام منه وترجع حليمة لعادتها القديمة

بس المرة هذي انا له بالمرصاد
ومايسير الا اللي انا ابغى 👌

رد : هل زوجي لازال يفكر فيها ؟؟
 

واني احاول اكرهه فيهم
انا اصلا كرهت الناس هذي بخيرهم وشرهم ولا ابغى طاريهم
ولا فيني من اختلق مبررات واسباب عشان يكرههم
الله يصرف زوجي عنهم بس

مافي الا التطنيش وكانهم مو موجودين في حياتي

رد : هل زوجي لازال يفكر فيها ؟؟
 

اخت صاحبتي زوجها يحب وحده وخطبها وماصار نصيب
المهم انها عرفت وتضايقت وفكرت كيف تخلي زوجها يكرهها
بس بدون ماتسب في البنت من وراها
جات صارت لاجات من عزيمه منهم
قالت ان فلانه اللي يحبها زوجها قالت لي شلون رضيتي تاخذي فلان لو انا مكانك ماوافقت
احسه مو مال زواج
ومره تقول فلانه قالت لي بنتك مو حلوه علي ابوها
قسسم بالله تقول زوجها قام يسب فيها وماوقف
لين هي سكتته واخذ موقف من البنت وصار يكرهها ويحاول يبين لها الكره
شوفي انتي وجربي

رد : هل زوجي لازال يفكر فيها ؟؟
 

الله يعينك و الله صارت الدنيا تخوف و مو مرغوب الا المتزوج رب العيال !! زمن العجايب

بس معليش و الله لا يكثر هياط عندهم و لا شي

وقفيه عند حده بس بذوق

مثل ما قالوا لك شغلي كيد الحريم

رد : هل زوجي لازال يفكر فيها ؟؟
 

حينما

شكرا لمرورك اختي
احس في اوقات يكون الموضوع زايد عن حدة لدرجة لازم ينحط له حد صارم
وهذا اللي انا فيه الحين ،، اسلوب الحيلة والتذاكي ماراح يحل الموضوع باعتقادي
مافي الا كلام مباشر وصريح انه ايششششش فييييه !!!!
الى هنا وستوووووب



عاشقة القهوة

اهلين اختي
المشكله لما تحسني النيه وماتحاولين حتى تفكرين ان ممكن يكون تفكير زوجك وشريك حياتك كذا
وبعدين تنصدمين بالواقع انه لاااا هوه كذاااا
وتتحولين لبركان ثائر بمشاعر مختلطة غيرة على احساس بالاستخفاف بك وانك زي الاطرش في الزفة
هنا ما اتوقع بيكون للاسلوب الذوق اي مكاااان

رد : هل زوجي لازال يفكر فيها ؟؟
 

للاسف يا نواره

كلما جنبتي العواطف كلما كسبتي بإذن الله

ما نقول انه استخفاف بك يا بنت الحلال هو يهايط كرد اعتبار له يمكن و من باب شوفوني

استعراض رجوله لانه كان يحبها

فعلا اوجعيه من باب انه مو شايفته شي و تقول الله يعينك على زوجك !

بالمختصر زوجك يهايط و يستعرض لكن نوايا الحريم في دا الزمن اللي صارت تخوف

و الله اعلم

رد : هل زوجي لازال يفكر فيها ؟؟
 

عاشقة القهوة

كلامك صحيح على ما اعتقد
بس انا وش يزيل الشعور المؤلم اللي بداخلي
من جد احس بقهر
اي متزوجة بتحس بكلامي

رد : هل زوجي لازال يفكر فيها ؟؟
 

انا متزوجه و حاسه فيك حبيبتي

بس ما عليه مثل هذي التصرفات اللي مو ناضجه المفروض انتي انك تكبري مخك و تستوعبيها

زوجك رجال طيب و فيه الخير

لا تجي على شي صغير تخربي نفسيتك و حياتك

خليكي مترفعه عن انك تنكدي على نفسك

انتي زوجك يحبك و يعزك و يغليك و اذا اثرت عليكي هذي بس حركات المهايطه معناها انتي مو واثقه من نفسك

انا ابغاكي اول شي الثقه في نفسك ما تفرطين فيها مهما صار

و هو قلنا لك يحبك بس يحب يستعرض و الخوف من نفسيات بعض الحريم !!

رد : هل زوجي لازال يفكر فيها ؟؟
 

كبرت مخي كثييييير
السالفه لها من يوم تزوجت عشان كذا انفجرت الحين

ونفسيات الحريم الله يكفينا فيها