|
كيف اثق فيه ..! تعبت من الشك
يمكن الثقه والامان .. اساس نجاح اي علاقه بالحياه
من بداية حياتنا كنت اثق به ثقه عمياء ..اكره فكرة تفتيش اغراض الزوج ' مقتنعه ان الاحترام والوضوح والثقه (' تكفي لراحة اي زوجين .. طلب مني اعطيه رقم من جواله وبالصدفه طاحت عيني على اسماء وارقام بنات محادثات قذره وصور اقذر . . ! (دمعه طاحت من عيني وطاح معاها كل ثقه وحب بقلبي . مباشره اعطيته الجوال وبصمت جلست ودموعي تنزل مصدومه . . اعتذر وحلف انها تسليه وكلها قبل الزواج .. قبلت اعتذاره وقلت ماضيه وهو حر . ومادام حلف كل شيء بالنسبه لي انتهى ونبدا بداية جديده .. مرت شهرين لم المس جواله .. دخلت عليه فجاه وجدته يمارس العاده ويشوف افلام خرجت من الغرفه وقررت مااواجهه كي لااحرجه .. راح ادلعه واهتم فيه اطبخ له واضحك معاه والاهم من هذا كله لن اتركه محتاج جنسيا ابدا . حتى لايلجا للافلام وللعاده السيئه صرت اضاعف اهتمامي بنفسي .. نوعت بكل شي شكل طبخ حتى بالعلاقه الخاصه ثقفت نفسي ودخلت مواقع مفيده واتعلمت حاجات كثير .. اشتغلت ع نفسي كثيررر .. احيان اتعمد اساله اذا نفسه بشيء معين لكن يقول انه مرتاح وماينقصه شيء . فجاه بيوم زعلنا زعل كبير فتحت جواله ولقيت محادثه مع بنت (في نهار رمضان ) .. سالته بهدوء ليه ؟ برر بعذر كاذب .. سامحته وطلبت انه نفتح جوالات بعض باي وقت حتى نحس انه ماعندنا شي نخفيه .. وافق ع هالشي لكنه اصبح لايترك جواله واذا نام تحت المخده ! مع اني لاامسكه ابدا بس خوفه وحرصه ع جهازه يدخل الشك بقلبي .. ( لو اخلص لي ليه يخاف ع جهازه ) لكن بعد فتره خرج ونسي جواله بالبيت جاني فضول افتحه لان الشك مايفارقني قلت افتحه واكيد مراح القى شيء وراح ارتاح لكن فتحته وللاسف ايضا لقيت محادثه بعدها باسبوع '! ومحادثه بعد شهر ! هنا انفجرت واجهته وطلبت منه يتركني لاني استحق شخص افضل .. استحق احس بالامان .. استحق شخص يصونني مثل مااصونه .. طلبت منه ننفصل لاني خلاص ماعاد اثق فيه ! كنت انسانه مرحه تحب الحياه والضحك .. صرت اخاف واكره الطيبه والحنيه .. صرت اكره نفسي لان احس انه اقدر احل مشاكل الناس لكن اعجز عن مشكلاتي ! ثقتي به صارت معدومه .. ابغا اثق فيه عشان ارتاح نفسيا مو عشانه . ( ما الحل ؟؟ ) |
رد : كيف اثق فيه ..! تعبت من الشك
اختي كان المفروض من اول موقف توقفيه عند حده
اما تمشيله خيانه بدون ما يحس بالذنب يمكن هو الي خلاه يتمادى |
رد : كيف اثق فيه ..! تعبت من الشك
الحوار الناجح هو الحل
لا تخلي تراكمات بحياتك حلي كل مشاكلك معاه اول باول اجلسي معاه جلسه صراحه وتكوني هاديه ومرتاحه وناقشيه بكل شي لا تسكتي الافلام والعاده والارقام والعلاقات هاي متعود عليها من قبل الزواج واكثر الرجال هيك المهم حاولي اصلاح ما يمكن اصلاحه وارفعي مستوى التدين عنده وتقفي وزيدي بالقراءة بالثقافه الجنسيه والزوجيه الله يفرج همك امين |
رد : كيف اثق فيه ..! تعبت من الشك
اللي ما أخلص لله ماراح يخلص لك،
الزبدة قوي الوازع الديني لكليكما،والله يفرج همك ويصلح حالك. |
رد : كيف اثق فيه ..! تعبت من الشك
توقفه عند حده وش تسوي؟!
تاخذ الجوال منه وتعطيه جوال ابو كشاف؟!!! يا بنت الحلال والله ان اللي ابكتبه لك هو نظرتي للحياة واللي اسويه فعلاً واحد اهلك نفسه بالعادة السرية وتعود عليها، وما عاد له في الحريم اجي احمل نفسي انا المسءولية ليش؟! لو يبي يعف نفسه ، هو اللي المفروض يجتهد ويقطع كل عادة سيءة واذا حس رغبته بهالشي جا للحلال بدل الحرام وتصرفات عدم الرجولة ، لا وفي النهاية يقولون زوجته اللي مقصرة مو مشبعته !!! ليش هو ماله عقل بعد يكف نفسه عن الحرام ويخاف الله والله مشكلة اللي زوجها يسوي كذا وتقول العيب فيني!! خلاص روحي انتحري احسن لانك وين كنتي لما كان مراهق وهالك نفسه بالافلام والعادة لغاية ما انهد حيله وصار ما عاد يشوفك شي الحين ولا تشبعينه!! ذنوبه عليه، وان كانت تجرحني لكن ما تقلل من قيمتي ومن رءويتي لذاتي راعي بنات وخرابيط يعني هو سيء ، واهله ما ربوه زين جالس عندهم اكثر من عشرين سنة مهملينه اهم شي ياكل ويشرب ، وبكره بتجي الحرمة السوبر ومن اللي بتقدر على اللي ما قدر عليه ابوه وامه في عشرين سنة هي تسويه في اقل !!! ويا صبر هالحرمه باختصار مانت مسءولة عن ذنوبه ومعاصية وتربيته الخطء |
رد : كيف اثق فيه ..! تعبت من الشك
اقتباس:
هاتي طريقه اقدر اوقفه فيها عند حده ! |
رد : كيف اثق فيه ..! تعبت من الشك
اقتباس:
اقتباس:
امييين والله جلست وبهدوء وصارحت يعتذر ويوعد .. لكن يخلف وعده مرات ومرات . . |
رد : كيف اثق فيه ..! تعبت من الشك
اقتباس:
تسكت وتعيش عاااااادي كن ما فيه شي..؟ طيب وحقها في الفراش من هذا الزوج ولا تسعى للحل؟ سعيها لحل لا يعني انها مسؤوله عن اخطاء زوجها لكن يعني ان من حقها ان تعيش حياة طبيعيه |
رد : كيف اثق فيه ..! تعبت من الشك
الغلط بعد كان منك انتي لانك كل مره تمشينها عااادي كانه غلط غلطه بسيطه!!! اتخذي معه موقف حازم اهجريه فتره عشان يحس بجدية الموضوع..والا غيري اسلوبك معاه يمكن مايبي اسلوب اللي بس تطامر وراه وتطبطب وتحسسه انها كامله..انتي خلاص ضامنك وضامن حبك له..ابحثي عن دورات د.ناعمه الهاشمي اعتقد بتفيدك كثيررر بموضوعك
|
رد : كيف اثق فيه ..! تعبت من الشك
اقتباس:
بس انا والله ما اقدر اتحمل. المحه يشوف بالغلط مو يكلم و يشوف قدامي بس بقولك انا سمعت لدكتوره تقول الي زوجها مبتلا بهذي الاشياء تملي البيت مرايا .. ما ادري ايش اثرها ولا ايش الحكمه بس كذا سمعت |
رد : كيف اثق فيه ..! تعبت من الشك
اقتباس:
و دكتوره ناعمه الهاشمي هي الي قالت فردي السابق بس نسيته |
رد : كيف اثق فيه ..! تعبت من الشك
اقتباس:
فعلا وهذا الي افكر فيه وجالسه اشتغل عليه بس شوري علي بطرق او افكار او كلام بحيث اقدر اقوي وازعه الديني .! |
رد : كيف اثق فيه ..! تعبت من الشك
اقتباس:
تفكيرك نفس تفكيري وانا بنت .! لكن بعد ماتزوجت اتغيرت صرت اخاف وتغيرت حاجات كثير بشخصيتي اخاف من كل شيء ولااثق باي احد .. اخاف اشكي لاهلي واخاف اتطلق واخاف اضعف واخاف الناس تشمت .. واستحي اني الجأ لاحد خاصه اني قويه بنظر الكل وماابغا هالصوره تتغير عني انتي كلامك صح وانا عارفه هالشي لكن لازم اساعد نفسي بنفسي عشان اقدر اكون مرتاحه وسعيده ماابغا اخد يساعدني الا نفسي .. عشان كذا صابره عليه وقاعده اتحدا نفسي اني اغير الحاجات الي مو مويسه فيه |
رد : كيف اثق فيه ..! تعبت من الشك
اقتباس:
ابدا ماني كذا انا جدا حنونه معاه صح لكن مااركض وراه وانا عارفه اني غلطت بالبدايه .. وجيت هنا ابغا حلول ماابغا اخد يثبت لي انه غلطانه لاني عارفه هالشيء |
رد : كيف اثق فيه ..! تعبت من الشك
ماابغا كلام دكاتره
لاناعمه الهاشمي ولاغيرها . . ! ( هم الي وصلوني للي انا فيه دحين ) ابغا نصايح حريم واقعيين .. ويمكن عانوا نفس معاناتي .. كثيررررر قرأت لدكاتره لكن لما جيت ارض الواقع لقيت كلام الدكاتره وهم ومايتطبق على الكل .... |
رد : كيف اثق فيه ..! تعبت من الشك
أحضري ورقة وقلم وأكتبي فيها أهم
المشاكل التي تؤرقك واتركي تحت كل مشكلة مسافة لكتابة الحلول تحتها مثل: مشكلة العادة السرية الحل - - - مشكلة مشاهدة الأفلام الإباحية الحل: - - - مشكلة العلاقات غير الشرعية الحل - - - واختميها بتساؤل إذا استمرت هذه المشاكل دون حلول لأي مدى ستسمر علاقة الزواج ناجحة أمام هذه العواصف؟! - - - ــــــــــــــــــــــــــــــــــــــــــــــــــ ــــــــــ وفي الوقت الذي تجدين زوجك فيه صافي الذهن اعرضي عليه هذه الورقة قائلة أختك تتعرض لهذه المشاكل وتريد حلها.. واجلسي وراقبيه ولا تقبلي أي حوار حتى يملأ الفراغات بالحلول.. راجعيها واقرئيها ولا تقبلي بحل يلوم الزوجة فيه فهذه المشاكل متأصلة في نفسه قبل معرفتك.. حافظي على هدوءك في كل هذه المراحل.. في النهاية اقلبي الورقة وضعي الحلول الصحيحة لكل مشكلة وأجيبي على السؤال الأخير بصدق واتركي الورقة بين يديه وانصرفي.. |
رد : كيف اثق فيه ..! تعبت من الشك
^
تنكب اخته !! بيقول اش دخلك بمشاكل اختي او بيفهمها على طول ولا رح يجلس يكتبلها حلول لو عنده حلول ما انتظر تجيبله ورقه |
| الساعة الآن 09:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©