شراء سيارة لزوجي
 

السلام عليكم ورحمة الله وبركاته

كلكم تعرفون قصتي انا وزوجي مع سيارتنا .. هههههه .. بصراحة ازدادت سيارتنا سوءا .. وزوجي المسكين يداوم فيها كل 3ايام مسافة500كيلو ذهابا وعودة .. وخلاص ماعاد فيها روح .. هي تمشي بس متعبة صارت مرة .. وماعادت مريحة حتي المكيف يهرب عندي اذا ركبت بجانب زوجي بالسيارة تمتلأ عباتي وثيابي من تحت بموية المكيف... ههههه..

زوجي أمس مر شركة سيارات علي اساس يشتري سيارة بالتقسيط ويخلص اوراقها ويفاجأني بالسيارة الجديدة حسب ماقالي امس .. بس للاسف تفاجأ في التقسيط قال له الموظف نعطيك بقسط يغطي ثلث الراتب بس لابد تدفع دفعة مقدمة 28الف .. طبعا لان زوجي راتبه متدني .. ولان زوجي ماعنده المقدم كنسل الموضوع .. بصراحة زعل زوجي مرة لان كان نفسه نرتاح ويسوي لي مفاجأة ..

سألته لو اخذتها انا لازم ادفع المقدم قالي لا لان راتبك يغطي القسط بالراحة .. قلت خير أن شاءالله..

ابي استشيركم في هذي النقطة .. ما رأيكم هل أدفع الدفعة المقدمة واجعل زوجي يقسط الاقساط؟؟
أم اقسطها أنا وتكون السيارة بأسمي؟

اثابكم الله دلوني في حيرتي..

رد : محتاجة مشورتكم في شراء سيارة لزوجي
 

علي العلم ان زوجي رافض من قبل اخذ سيارة باسمي لاني افكر اطلع قروض واشتري ارض وابنيها .. فيقول الارض والبيت اهم وما ابي اي شي يؤثر علي هالشي .. بس هالشركة اللي ناوين ناخذ منها هي الشركة الوحيدة اللي ماتؤثر في اي قرض راح ادخله وهذا اللي مشجعني افكر اطلع سيارة..

رد : محتاجة مشورتكم في شراء سيارة لزوجي
 

لو طلعتي سيارة بإسمك ، كيف بخصوص مخالفات ساهر ؟
راح تسدديها كل شوية ؟

و كم القسط الشهري ؟

.
.

أنا برأيي ..

احتفظي براتبك ، و اشتري بيت لنفسك و بإسمك أو قطعة أرض بإسمك ..

.
.

أنا مريت بنفس المواقف ، و في الأخير و لله الحمد ..
قدرت أجيب بيت تمليك لي و لأولادي ، و أدفع أقساطها من راتبي للبنك ..

و كنت كم مرة تجي ببالي إني أجيب سيارة لزوجي عشان يرتاح من هم السيارة هذه ..
لكن أرجع و أتراجع ، و الحمد لله إني عرفت أخذ قرار صحيح ..

بفضل الله ثم بفضل الأعضاء هنا ..

وفري كل قرش ، عشان منزل المستقبل ..

رد : محتاجة مشورتكم في شراء سيارة لزوجي
 

كلامك سليم .. بس في نقطتين ابي اوضحها:
الأولي: الشهادة لله زوجي يخاف علي مصلحتي وحقوقي يمكن أكثر مني وهالشي مريحني كثير ولايمكن أشك انه ممكن يستغلني
الثانية: أن دوام زوجي 500كيلو كل3ايام من أجلي .. بأمكان زوجي يظل في المدينة التي يعمل فيها ويجيني كل اسبوع مثلا أو يطالبني انقل بالمدينة اللي يعمل فيها .. بس لأني مرتاحة في وظيفتي هنا وقريبة من أهلي فهو الله يعطيه العافية متحمل التعب عشاني.

رد : محتاجة مشورتكم في شراء سيارة لزوجي
 

بالنسبة للمخالفة تكون حق سائق السيارة و ليس المالك

ة بالنسبة للسيارة، ما تقدروا تصلحوها

لان الاحسن تاخدوا البيت او الارض اللي قيمتها بتظل تزيد مع الوقت اما السيارة فهي تفقج قيمتها السوقية بمجرد ما تشتريها

اذا ما نفع تصلحوها، فخلاص ادفعي المقدم لزوجك و خليه هو يكمل الباقي

رد : محتاجة مشورتكم في شراء سيارة لزوجي
 

بالنسبة للقسط لمدة4سنوات قيمة القسط1500ريال .. وبامكأني اقتسامه مع زوجي او اتفق معه اتحمل الاقساط وهو اللي يدفعها .. وهو ابدا ماعنده مشكلة .. بالنسبة لساهر زوجي ولله الحمد منتبه كثير في قيادته للسيارة وأن جاته مخالفة او شي فهي بالنادر.

رد : محتاجة مشورتكم في شراء سيارة لزوجي
 

والله يا اختي السيارة منتهية .. لدرجة لما نطلع مطب او نجي علي حفرة فالسيارة تحك من تحت .. وعاد الديرة مايحتاج كلها مطبات وحفر ههههههه

رد : محتاجة مشورتكم في شراء سيارة لزوجي
 

انتي اخبر بوضعكم
لكن صعب عليه كرجل زوجته تتحمل البيت و السياره بعد
ساكن في بيت زوجته وراكب سياره زوجته
برضو حلو تكون السياره باسمك
لان اذا دفعتي المقدم بس راح تكون السياره باسمه
استخيري
اذا فعلا غير مقتدر اشتريها انتي ووازني اقساطها مع قرضك بالبنك

رد : محتاجة مشورتكم في شراء سيارة لزوجي
 

برأيي ادفعي له المقدم 28 الف
والباقي يقسطها من راتبه
والسيارة باسمه

رد : محتاجة مشورتكم في شراء سيارة لزوجي
 

طيب وش الحل يا اختي اذا كانت ظروف الرجل علي قده والزوجة كانت مقتدرة خاصة اذا كان الزوج كريم اذا صار معه شي ومايقصر وفي نفس الوقت حنون ومايرد لزوجته طلب .. الشهر الماضي والله مصلح جوالي بأكثر من500ريال بالرغم انه مابقي من راتبه الا الف نصها صلح فيها جوالي والباقي تصارفنا فيه لحد الراتب..

ماشاءالله علي زوجي يشتغل علي نفسه حصل وظيفة حكومية وانتقل عليها وقريبة مني وفي نفس الوقت يكمل دراسته وهو بالصف الثاني من المرحلة الثانوية وفي الصف الاول حصل علي امتياز ومعدل مرتفع .. يعني عنده طموح يكمل جامعة بأذن الله وفرصة في الترقية وتعديل راتبه ممتازة مستقبلا ..

رد : محتاجة مشورتكم في شراء سيارة لزوجي
 

جزاك الله خير .. رأيك علي عيني وراسي ..

رد : محتاجة مشورتكم في شراء سيارة لزوجي
 

رد : محتاجة مشورتكم في شراء سيارة لزوجي
 

ماشاءالله تبارك الله واضح من كلامك ان زوجك شهم و نبيل و ماهو مخطط على راتبك
انا رأيي تساعديه بمبلغ الدفعة و يتحمل هو باقي الاقساط
و لا انك تتحملي القسط كامل لمدة 4 سنوات يعني بكذا انتي شريتي له كامل السيارة لكن في الحالة الاولى انتي ساهمتي معاه
بالتوفيق

رد : محتاجة مشورتكم في شراء سيارة لزوجي
 

بس اعطيه المقدم ال 28 والباقي هو يسدده،،،

رد : محتاجة مشورتكم في شراء سيارة لزوجي
 

زي ماقلتي ماهو مخطط علي راتبي ... هو ظروفه ماتساعده يشتري ارض ويبنيها وهو قالي انا خذلتك في هالشي بس مصاريفنا علي وانتي جمعي راتبك واشتري ارض باسمك وابنيها اقل شي اتطمن عليك بعد ما اموت .. بصراحة متحمل الروحة والرجعة لدوامه عشان استقر في المكان اللي احبه .. متحمل دوامي وهو مو مستفيد شي من راتبي .. راتبه يروح في مصاريف البيت وحتي نفسه ناسيها .. جهازة مكسورة شاشته ومايفكر يصلحها وانا اول ماخرب جهازي راح صلحه..

رد : محتاجة مشورتكم في شراء سيارة لزوجي
 

انا لما استشيركم والله ماني مستخسره ريال في زوجي لانه انسان يستاهل والسيارة راح تخدمني قبل ماتخدمه .. بس محتاره هل اتحمل المقدم واترك الاقساط ازوجي واتفرغ انا للارض والبيت .. او اتحمل الاقساط واوفر المقدم .. والحمدلله الاقساط ماراح تأثر علي اي قرض راح اخذه..

رد : محتاجة مشورتكم في شراء سيارة لزوجي
 

خلاص اختي اشتريها انتي باسمك
بكره اذا ترفرت له الماده بيشتري سياره باسمه وانتي بيعيها وضيفيها لقرض البيت

رد : محتاجة مشورتكم في شراء سيارة لزوجي
 

تستطيعي عمل تفويض لزوجك فتصبح المخالفات عليه و مسجله برقم بطاقته بالأحوال المدنية

رد : محتاجة مشورتكم في شراء سيارة لزوجي
 

ليش زوجك ما يسجل في الاسكان ؟؟

رد : محتاجة مشورتكم في شراء سيارة لزوجي
 

سجل في الاسكان والحمدلله طلع اسمه مؤهل وهالشي اللي خلانا نأجل موضوع الارض شوي بالرغم اني لقيت ارض وكلمت البنك في موضوع القرض والامور تمام راح يعطوني مبلغ ممتاز اقدر اشتري وابدأ بالبناء .. بس بعد ماطلع اسم زوجي في الاسكان قررنا ننتظر نشوف وش بيطلع له من الاسكان بنهاية شهر ذي الحجة لان احتمال يطلع له ارض او قرض حسب طلبه ..

رد : محتاجة مشورتكم في شراء سيارة لزوجي
 

زوجك وانتي اعلم به

رد : محتاجة مشورتكم في شراء سيارة لزوجي
 

لو انا مكانك باعطيه الدفعه 28 والباقي هو يتحمله من اقساط والسيارة باسمه

رد : محتاجة مشورتكم في شراء سيارة لزوجي
 

اختي هذا مايبي لها مشوره وانا اخوك
توكلي على الله واعطي زوجك الدفعه وريحيه دامه مريحك هذا زوجك يعني سترك وغطاك بعد الله عزوجل
وش فلوسك ووش فلوسه
وانوي انها لله والله عزوجل مايضيع شي
واتركي كلام بعض الناس اللي الله يهديهم يارب اللي يحاولون يشككونك بابن الحلال وقولت يمكن ويمكن

رد : محتاجة مشورتكم في شراء سيارة لزوجي
 

شوفي يا اختي اذا مترددة لا تطلعين له،

في شركات كثيرة ما يطلبون دفعة اولى و اقساطهم حلوة،

و دام ماديته تعبانة يطلع سيارة على قد حاله لين ربي يفرجها عليه

رد : محتاجة مشورتكم في شراء سيارة لزوجي
 

المشكلة ان راتبه ضعيف وكل الشركات تطلب دفعة مقدمة .. اما السيارة فحنا نبي سيارة جديدة عشان نرتاح من الاعطال .. اذا انتهينا من الاقساط يكون عندنا سيارة نظيفة وجديدة ومرتاحين .. وبعدين زوجي ماعنده فلوس يشتري سيارة كاش عشان كذا هو توجه للاقساط ولا الكاش افضل..

رد : محتاجة مشورتكم في شراء سيارة لزوجي
 

اختي احسبيها كالتالي

ادا راح و رجع بالسلامه يكون هذا هو المكسب ليك
فادفعي القسط و توكلي على الله
ادفعي القسط و خليه بايد ربنا و ان شاء الله ربنا هة اللي حيخلفه ان شاء الله

رد : محتاجة مشورتكم في شراء سيارة لزوجي
 

مثل ماقال ابن.مكه فيه
شركات.ماتطلب مقدم..
واذا بتدفعين اادفعي بس
ال 28 والباقي عليه..
المهم في هذا كله بلاش من عليه..

رد : محتاجة مشورتكم في شراء سيارة لزوجي
 

انتي اللي تعرفين زوجك اذا كان يستحق ام لا ،،، فاقولك اذا كان انسان يستحق فعلا وغير استغلالي حلال زلال عليه ما حبيتي تاخذيه له ... شوفي ليش ما تطلعي قرض واحد هوو وتقسميه بين البيت والسيارة ع اساس يكون الموضوع مدموج وما تضطري تدفعي يمين او يسار وسعر السيارة كااش يكون اقل بكثيير وتحثلي على عرض حلو معاه وبنفس الوقت تشوفي لك ارص او حتى بيت جاهز هذا افضل وبعد السعر ارخص لان البناء حاليا كل ماله بازدياد ...

السيارة اذا حابة تكتبيها باسمه اكتبيها ( اذا فعلا يستاهل ) اما البيت فلازم باسمك لانك مو دافعه فيه كم فلس يهونون ! ...

الطريقة الثانية هو عن طريقة بيت التمويل او التامينات احتا عندنا هالشي فاتوقع انتوا بعد ،، و النقطة الاساسية تكون بان شركة تامينات او بنك تامينات ياخذ لكم البيت او السيارة بس قبلها يجي يفحص ويشوف السيارة والبيت او الارض ويثمنها فاذا كان تستحق السعر يخبرونك ويساعدونك ويشترونها لك وانتي تكوني كالشريك معاهم الى ان يقل سهمهم ويكون سهمك الكفة الاكبر وبهالحال لو حصل امر لا سمح الله يكون البيت او الارض لك كونك المساهمه الاكبر وتقدرين بحسب قظرتك المادية تدفعي بشكل شهري مبلغ اكبر عشان تخلصي ...

رد : محتاجة مشورتكم في شراء سيارة لزوجي
 

انا موظفه ولو كنت مكانك راح اعطيه 28 الف المقدم وهو يقسط الباقي والسياره باسمه اعتبريها هديه وبعدين تدفعي 28 الف ولا تدفعي 100 الف. . شي اهون من شي وكذا ضربتي عصفورين بحجر. شريتوا سياره و كسبت زوجك ... وانسيها ولا تذكرينه فيها لاسمح الله وقت الهواش عشان مايقول تمنيين علي

رد : محتاجة مشورتكم في شراء سيارة لزوجي
 

شوفي يا بعد دنيتي
دام زوجك يخاف على مصلحتك ، ويعاملك زين
ادفعي له المقدم 28 الف ريال ، والباقي يقسطه هو
وهالمبلغ ان خسرتيه او لا قدر الله خسرتي زوجك بيوم من الايام ما عليه حسوفه لانه مبلغ بسيط ، وبنفس الوقت ما تطلعين بسواد الوجه.

رد : محتاجة مشورتكم في شراء سيارة لزوجي
 

انا زوجي زي زوجك ماديته ضعيفه ..فاقترضت من البنك مبلغ 180 الف علشان يشتري سياره.يخصم من راتبي مبلغ 3200
وبالنهايه اناني ولا يهمه الا نفسه سفريات وروحات وجيات وانا لو اموووت ما بسفرني ..
وسفرته الجايه بهالاجازه مخطط على اندونيسيا مع شلة الانس وانا طز فيني

فانا اقولك اذا زوجك من نفس نمونة زوجي اناني ولا يهمه الا نفسه فلاتدفعين شئ ..تحملي هالكسره
واذا هو يستاهل فتوكلي على الله واستخيري وساعديه وانو بها خير

رد : محتاجة مشورتكم في شراء سيارة لزوجي
 

طيب
اختي انت ليش مترددة على دفع القسط الأول؟؟

رد : محتاجة مشورتكم في شراء سيارة لزوجي
 

28 ألف ليس مبلغ كبير
وأرى أن تدفعي له الدفعة الأولى وهو يقسط الباقي من راتبه
وبكذا تكوني مسكتي العصا من النص ساعدتي زوجك وحفظتي مالك من متاعب التقسيط
ومتاعب إتكالية الزوج عليك مستقبلاً

رد : محتاجة مشورتكم في شراء سيارة لزوجي
 

ما دام يستاهل
رأيي ادفعيله ال 28 الف والباقي عليه
هذا بس لانه يستاهل ومتعب نفسه بس عشان راحتك

رد : محتاجة مشورتكم في شراء سيارة لزوجي
 

على قد فراشك مد رجليك

لازم سيارة جديده عالزيرو؟؟؟؟؟

خذو سيارة استخدام نظيف سعرها مناسب

ساعديه بقيمتها

ووفرو على انفسكم الاقساط..

خلو الاقساط للبنااء

الله يسعدكم

رد : محتاجة مشورتكم في شراء سيارة لزوجي
 

مادام مشاويره لدوامه عشان انت ماتبغي تنقلي فساعديه بصراحة بكرة لاقدر الله يسير له شيء من تمتير الخط رايح جاي راح تندمي طول عمرك وبصراحة 500 كيلو رايح جاي طول الاسبوع هلاك ليه ماتنقلي عنده انت ؟

رد : محتاجة مشورتكم في شراء سيارة لزوجي
 

عادي لو مكانك اديته مدام معاملته زينه واحبه ليه ﻻ

رد : محتاجة مشورتكم في شراء سيارة لزوجي
 

ادفعي المقدم وهو يقسط الباقي
لكن انتبهي؟؟؟؟؟
اهم شي انك تدفعين المقدم بنفس راضيه وانسي موضوع انك دفعتي المقدم
ولاتجيبين طاريه لاحد ولاتذكريه انك ساعدتيه ابداً
واحتسبي الاجر من الله.

رد : محتاجة مشورتكم في شراء سيارة لزوجي
 

ساعديه ( بشرررررررررررط )

مثل ما قالت جمانة

( انسي ) إنك دفعتي ..

و لا تتخيلي إنه بيشيلها جميل لك ( لآخر العمر )
و لا تضعي تأملات و تخيلات و أحلام ، إنه بيقدر صنيعي هذا و بيعمل لي و يفعل لي ..

تبغي تساعديه ، خلاص ( انسي إنك دفعتي له )

رد : محتاجة مشورتكم في شراء سيارة لزوجي
 

اعتبريها صدقه ودفعه بلا
والله يتقبل منك
وعلى كلام روح صادقه
الرجال ماتشترين غلاهم وحبهم بالفلوس