|
زوجي يخونني
اكتشفت اليوم بالصدفة انو زوجي يخوني مع بنت وبينهم معرفة سابقة
كانت المحادثات كثير ولا شفت الا شوي منها لان الجوال كان مافيه شحن المهم بينهم كلام جنسي قذر جدا و زوجي كان يسألها متى تجين الرياض ومتى اسوي كذا ونفسي اسويلك كذا استنتجت من الكلام بينهم ان بينهم لقاءات وعرفت سبب تصرفاته معاي جواله دايم مقفل ولا يرضى يفتحه لي ابدا حتى لو انا في حاجته بينما جوالي مفتوح ويقرا المحادثات ويشوف كل المضافين عندي وكان يقفل البيت ولا يعطيني مفتاح الحين مادري ايش اسوي معاه،لاني حامل وفي شهوري الاخيره ووللعلم هذا اول طفل لي واحنا صار لنا اقل من سنة متزوجين مابي اي تصرف يتعبني زيادة على تعبي الان لاني راح اضر الجنين معي وولعلم زوجي ماكان مبين عليه انو يخوني مو مقصر معي في شي وكنت احسه يحبني فعلا بس لما راجعت تصرفاته بعض الاحيان معي بعد اكتشافي فهمت ليش كان يسوي كذا ايش اسوي اواجهه؟ واذ تجاهلت ماقدر انسى الي قريته |
رد : زوجي يخونني
ينقل الى القسم الانسب
قسم المتزوجين |
رد : زوجي يخونني
الله يفرج همك على كثر ما اشوف واسمع قصص هي حاجه من اثنين ياتروحين عند اهلك بس لاتفضحينه وتقولين ماابي ارجعلك وانا بستر عليك
ياتسكتين ولاكانك شفتي شئ وتحاولين تقوين الوازع الديني له لو صارحتيه وفي احسن الحالات اعتذر وسامحتيه بيرجع يعيدها الله يكون بعونك ويحفظ زوجك عن الحرام |
رد : زوجي يخونني
الله يفرج همك ويجعل لك من كل ضيق مخرجا
ويلهمك الصواب لحياتك |
رد : زوجي يخونني
اللهم امين يارب، اشكركم ع دعواتكم
وابي اسمع حلول اكثر،، ماوقفت بكاء من امس ولا قررت ايش اسوي معاه ماتحمل اشوفه قدامي ع طول اتذكر كلامه والي يحرقني هو مو مبين عليه بدا حتى لما شافني ابكي يحسبه لشي سبق طلبته هو رفضه قعد يعتذر ويحاول في ،،، و بعد مامر وقت شفته ع الجوال وكان يكتب ويتكلم مع احد ع طول شكيت انه يكلمها الحين اي حركه منه افسرها كذا ايش اسوي تعبت وانا افكر لاني حامل افكر انسى واتجاهل الي صار بس بنفس الوقت ماقدر اشوف وجهه ، او اتكلم معاه ماقدر انسى واعيش واتصرف بشكل طبيعي ونفسي الي اسويه من قلبي اروح عند اهلي واخذ كل اغراضي لاني ماتحمل اشوفه قدامي بس لما افكر بحملي وقريب راح اولد اتردد ياليت تفيدوني سريع بحدد موقفي وارتاااح من التفكير |
رد : زوجي يخونني
انا رأيي و من تجاربي مع زوجي و خياناته ، انه المواجهة لن تنفع حاليا ، و أحسن شيء انك تهتمي بنفسك و تحضيرات البيبي الجاي و غرفته و أشيائه و افرحي بيه مع اهلك و حبايبك لا تخلي احد يسرقلك فرحة استقبال اول أبنائك
بالنسبة لزوجك ممكن معلومات اكثر: يعني هل لاحضتي انه راعي خرابيط و شات و بنات و في هذه الحالة هي عادة من قبل الزواج و ان شاء الله رح تقديري تخلصيه منها الله يربط على قلبك هل يصلي ملتزم يخاف الله في غيابك ام انه يخاف انك تكتشفي فان كان لا يخاف الله فشغلك هو تقوية الوازع الديني هل يحبكي و يشتاق ألك ام انه يتمنى ذهابك لأهلك و هل هو من خطبك و شافك عند اهلك او مغصوب و على كل حال لا تستعجلي بالذهاب ولا المصارحة حتى تعرفي أسبابه من وجهة نضره مهما كانت حتى تقدري تعالجيه يعني عينه زايغة او حب قديم او ملل او ..... حاولي حبيبتي ما تخليه وحده وقت نفاسك و احضري اللي تساعدك و سنة زواج كتيييير قليلة على انك تنسحبي و ان شاء الله رح تكسبي هو يتعود عليك مع الوقت و يارب يبعد بنات الحرام عنه و يهديه لو كان عينه زايغة |
رد : زوجي يخونني
لاا واجهيه واتخذي موقف صارم
شوفي وحده هنا كاتبه مشكلة خيانة زوجها لها وانها طنشته بالاخير تزوجها وجاب منها بنت .. الله يفرج همك وهمها بس اقول اتخذي موقف قوووي .. |
رد : زوجي يخونني
أول نقطة يجب أن تفهميها هي أن كونه له علاقة مع وحدة لا يعني أنه لايحبك، وهذا أمر يخلط فيه كثير من النساء، الميل للنساء دافعه شهواني، والرجل يفكر بمنطلقات جنسية، صحيح أن هذا لايبرر عمله أبداً، ولكن لكي نفهم الأمر ونضعه في مكانه الصحيح، المرء قد يضعف ويكون علاقة مع فتاة رغم أنه يحب زوجته، صحيح أن الحب يجب أن يكون مانعاً للعلاقات الأخرى، إلا أن الإنسان قد تأخذه شهواته وأهوائه بعيداً، ويحتاج من يوقفه بالتذكير أو المواجهة أو الحوار، طالماً أنكِ تشعرين أنه يحبك وطالما أن تصرفاته واهتماماته تبين حبه لك فإن حبه لكِ بقلبه، لكن يجب أن تكافحي الآن ضعفه وميله.
أنا أميل لأن تواجهيه، بشرط ألا تتهوري، واجهيه بشكل تكسبي فيه، لأني أتوقع أنه ستضل في داخلك جمرة تتلضى حتى تواجهيه ولو بعد سنة، المواجهة من بدري حلوة، وبعض الناس حين يقع في خطأ ويُكتشف لايعود إلى خطأه أبداً لأنه يصحى من غفوته وسكرته. لا تعذبي نفسك، الكثير والكثير من الحالات التي تمر بها ملايين الزوجات مثل حالتك خصوصاً في هذا الزمن، والحل هو رد فعل حازم مخلوط بالألم والحزن والبكاء ليصحو زوجك من غفوته. |
رد : زوجي يخونني
هل الخياانة جسدية ؟!
|
رد : زوجي يخونني
مستحيل تسكتين طبعا كيف تدرين إن زوجك يسوي كذا ولأتسوين شي مايصير طبعا
والمواجهه أغبى شي حاليا بكل بساطه بينزل لك دمعتين ويعطيك وعد وترجع حليمه لعادتها القديمه أو بيقلب الطاوله عليك ويتهمك بالتجسس إن شلتي أعراضك ورحتي بيت أهلك بتعطينه مجال يلعب زي مايبي الأفضل هالوقت تدعين بكل يقين وإلحاح إن ربي يهديه عطيه حقه الشرعي وإطلبي حتى لو ماتبين أو مالك نفس من هالناحيه أهلكيه لأن مبين يبي هالشي خليك معاه دايم سولفي معه لأ تعطينه مجال يمسك الجوال بين فتره وفتره حاولي بنص كلامكم تذكرين عقوبة الزنا أو تتكلمين عن وحده كفشت زوجها يلعب بذيله حتى لو زوجك ماوصل للزنا بس سكوتك ممكن يوصله على قولتهم وآسفه ع الجرأه أحلبيه |
رد : زوجي يخونني
طالما يحسسك بحبه وغير مقصر لا تواجههيه ماراح تستفيدي شي،
برأيي إذا واجهتيه راح تمري بحالتين: الأولى الاعتذار والوعد بعدم العودة،،والمتوقع غالبا أنه سيعود، هنا ستنتقلي إلى مرحلة الاحساس بالاحباط والخذلان وعدم المقدرة على فعل شيء،لأن في المواجهة الثانية سيستمريء ويعاند ويكابر أكثر. أنصحك بالدعاء وتحري أوقات الاجابة والصدقة والاستغفار وتقوية الوازع الديني لكليكما. |
رد : زوجي يخونني
الله يعينك على ما بلاك
نفسي أعرف كيف قدرتي تصيدين جوال زوجك بدون ما يحس.. أنا زوجي نفس حالة زوجك حاط رقم سري لجواله طبعا ما أعرفه ومستحيل يخليني أمسك جواله أصلا عموما اختي دام انك فهمتي من المحادثات ان بينهم لقاءات على قولتك ما ينفع تسكتي ويمر الموضوع مرور الكرام لازم تواجهي زوجك أولا عشان ترتاحي وثانيا عشان مايتمادى أكثر.. يمكن سبحان الله مواجهتك له تكون سبب في صحوته من غفلته |
رد : زوجي يخونني
الله يهديه
المواجهه مو حل اهتمي فيه اكثر عطيه حقوقه الشرعيه كامله بالعربي فرغي طاقته كلها خلي كلامك معاه نفس كلامها معاه |
رد : زوجي يخونني
كلمت زوجي اليوم بعد مارتبت كل اغراضي وقلته برتاح عند اهلي وانا مادري اذ هو مصدق انو علشان اني زعلانه على الشي الي رفضه او لا... المهم حاول في قالي مستحيل اوافق اخليك علشان مشكله بسيطه تروحين احنا مع بعض طول العمر هذا زواج ويقولي من بعد اخر مشكله بيننا(زعل هو و ورحت لبيت اهلي اسبوعين وكان يقول انه بيتركني خلاص) يقول من بعدها ماحب ولا ابي يطول زعلنا ،، جلس جنبي طول الوقت يحاول في ويسمعني كلام ارتحت معه شوي وقتها
وقالي الي تبينه الحين بعطيك وانا قعدت بالكلام اقول انو هو دايم يخطي علي وقلتله ماتعطيني المفتاح وجوالك مقفل وجاب المفتاح وفتح جواله لي وقعدت اقرا وادو اسم الي يكلمها طلع حاذفها المهم فيه رسالة قديمة نسى يحذفها كانت منه لوحده ثانيه تشتغل عنده يهنيها بالعيد شفتها من برا الرسالة في كلام جوا بس ماشفته المهم واول ماشافها اخذ الجوال بسرعه ويقول دقيقه وانا احاول اسحبه وقفل الجوال ورفض يعطيني ويلف ويخبيه عني الى ان حذفها وعطاني الجوال سألته ليش يقول عادي بالعيد الي يهنيني ارد له وبعدين تراها تهنئه بس( هو اصلا فيه كلام جوا الرساله بس انا شفت بداية التهنئه) ويقول انها بس تهنئه قلتله ليش تحذفها طيب وليش خفت قال مابي اسوي مشكله لانها تهنئه عادية ومن الكلام انا ماقلت الي شفته منه امس بس قعدت اقول انو الله مراح يستر عليك طول الوقت ومن كلامي بس. مو مباشرة الومه ع الي شفته امس مرات احس انه عرف اني قريتها ومرات ماادري مر هاذا الشي ويقولي بعدها اللي يهديك علشان( الي طلبته منه قبل ورفض فيه) بتروحين لاهلك هذا شي صغير مايستاهل انا حاسه انه عرف اني كشفته لانه اول شي حذف المحادثه وحذف البنت بعد دورتها ب اسمها ورقمها ماحصلتها المهم مرررره قعد يقولي كلام كثيررر انو يحبني و مايبي يخسرني على اشياء بسيطه وانا ارتحت شوي بعد كل الي صار شوي بس في قلبي شي،،، وصرت اتكلم معه عادي وتقربنا اكثر وصار الي صار نمنا بعدها والحين صحيت ورجعت حالتي قبل بس افكر انو يخوني وجسديا بعد لانو بالرسالة واضح انهم يقابلون بعض انا عارفه مراح انسى الي صار ولا اسوي نفسي ماكأني شفت شي واتصرف عادي قلبي يوجعني وعارفه مع اي اختلاف بسيط بنفجر وازعل عليه ماقدر ارجع زي قبل اتحمل واتغاضى او اقوم من نومي وتعبي بالحمل اسوي شي له احس انو مايستاهل ايش تنصحوني اواجهه خلاص رغم انه شكله عرف اني كشفته ف ايش بتفيد المواجهه بس لما افكر اذا ماواجهتهه مباشرة وهو عارف اني كشفته ومر هالشي بسهولة بيقعد يتمادى فيه لانه شافني سكت له او اطنش الموضوع بس صعب علي واحسه تطنيشي بيخليني انفجر واعصب ع اشياء بسيطه وانحرق من جواتي اذ راح عني او مسك الجوال لان وقتها بفكر انه يكلمها اليوم كلمت امي ترسل اخوي يوديني لاهلي وترسل لي من شوي انو يجيني او لا متردده اطلع من البيت ،، اقوله الي شفته منه... اطنش،،،، ايش اسوي ابي ارتاح لاني مرره ارهقت نفسي وراسي يدوخ من الجوع ولا لي نفس اكل وعارفه هالشي خطر علي وعلى الجنين احسه صار يرفس ويهتز كثيررر بس ايش اسوي نفسيتي وشهيتي صفر اغصب نفسي اكل فواكه بس واشرب مويه علشان الجنين من وقتهاامس لا اكلت زين ولا نمت زين |
رد : زوجي يخونني
احذري تعلمين اهلك ..
الشي الثاني زوجك عرف انه جاب مصيبه ، اذن رسالتك وصلت ، هو الان ضميره بيجلس يأنبه وانه هالموضوع لو تكرر ممكن يخسرك فلذلك احتمال كبير انه يترك هالامور ، واذا استمر بيكشفه الله ، واذا حصل وكشفتيه لها امر آخر |
رد : زوجي يخونني
احس زوجي يبي يسمع مني كلام غزل كثيررر وكم مره يقولي هالشي
وانو مو كل الحياة جنس جنس بس يبي يحس مني اهتمام يمكن هذا من الاسباب الي خلته يستمر ولا يبطل هالشي بس هذا مو مبرر له لانه من زمااااان يكلمها وكمان مفروض بحكم اننا لسى ماصار لنا ثمان شهور متزوجين مفروض يب اذ ع كلامه مو الحياه كلها جنس ليش يتكلم معاها بكلام جنسي قوي وانا اسوي له اصلا بعض من الي يقوله لها... مرات احسه مرره منجذب لي وقت العلاقة ومرات احسه قاعد يعيش بخياله لانو يطلب مني شي وهذا الشي يخليه يسرح بخياله من ضمن الكلام الي قريته . البنت تقوله وين ام العيال شكلها سحبت عليك وفي كم مره تسأله وهو جاوبها مرة انها بالبيت محبوسة لازم اطلعها وامشيها والله اعلم ايش كان يقول بالمحادثات الكثير لاني ماشفت الا شوي منها يرسلها يصبح عليها في اخر محادثه وكنت وقتها عنده بالسرير ومن بين المحادثات يرسلون لبعض انهم مشتاقين كثيرر لبعض وكلام كثير يحزن اليوم يقولي انو بيعطيني رقم قفل جوالاته خلاص ،، بس هالشيء مو اكيد لانه دايم ماينفذ ولا يثبت ع شي هو مايبيه. ووقتها يصرفني ويأجلها يقول الليلة اعلمك |
رد : زوجي يخونني
والله الزوج اللي ما يردعه دينه ومخافته من الله لان تستطيع الزوجه تغييره بعض الأزواج الخونه تكون الخيانة تجري في عروقهم مهما حاولت الزوجه واجتهدت في تغييره لن تقدر لكن عليكي ب الدعاء له أما مواجهته لن تجدي أرسلي له رسائل من رقم غير معروف له تهديده وتحذريه من علاقاته المحرمة والله يفرج كربتك وييسر أمرك ويسهل ولادتك
|
رد : زوجي يخونني
hghdfhhghيي
|
رد : زوجي يخونني
على العموم توكم جدد ثمان شهور توكم معاريس اصبري لين يجي البيبي ويحس بالابوه يمكن يتغير عطيه مهله بعض الرجال مايتعدل الا بعد كذا سنه
|
رد : زوجي يخونني
غريب امر الي يقول اصبري
ياجماعه وين تصبر على امر فيه زنا اتقوا الله اختي لاتسوين الي سويته وتندمين تصرفي صح لاتسكتين ابد وانسحبي كليا من حياته حتى يتعهد لك ان يترك الغلط شوفي مواضيعي وشوفي اخر موضوع لي ترى موضوع الخيانه ماينسكت عليه لانك لو ماوقفتيه عند حده من الحين لاتحلمين يهدا او يتوب كيف يخليك قلبك تجلسين معاه وانتي تقرائين كلام عن الجنس بينهم انا كارهه زوجي كرررررررره فظيييييييييييييييع عشان كشفته يخوني انتبهي تسكتين انا مااقدر احكي لك وش الطرق الي تتبعينها بس الي اقدر انصحك فيه كافحي هالمرض واستئصليه ومن جذوره اصبح متفشي في شباب المسلمين |
رد : زوجي يخونني
الله يفرج همك وكربتك ويهون حملك
حاولي تقريبه من الله وتذكرينه وخوفيه بالله وقولي له ماتفعله بكره يفعل في ابناءك وكما تدان تدين وانك ماترضين بالشئ في حياتك وحاولي تشبيعنه من كل الجوانب الله يهديه ويهدى هالازواج |
| الساعة الآن 02:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©