|
هدية بسيطة لزوجي
السلام عليكم ورحمة الله
شلونكم يا حلوات حبيباتي واشلونكم اخواني الاعزاء هاليومين نمر انت وزرجي بضائقة مالية ومع هذا زوجي عطاني احر ما تبقى معه من مال وسافر اليوم وبيرجع بعد 4 ايام بصراحة ودي اونسه وابين له ان فلوسه راحت عالفاضي شنو ممكن اسوي قلت باسوي شي خاص فيني له وهم فكرت بهدية بس المبلغ اللي عطاني اياه بسيط جدا شنو تقترحون علي |
رد : هدية بسيطة لزوجي
اكتبي له مسج وانك مقدره الي سواه والله يخليه لكم
اشتري له شي ناقصه واذا رجع اطبخي له الطبخه الي يحبها عشان يدري انك قضيتي للبيت ومالعبتي بالفلوس والله يخليه لكم |
رد : هدية بسيطة لزوجي
ماله داعي الهديه وإنتم تمرون بظروف صعبه مو وقتها أبد وبيشوفها تبذير
حافظي عليها وأصرفيها باﻷشياء الضروريه الكلمه الطيبه والتقدير والإحترام والحنان أعظم هديه تقدمينها له إذا رجع بالسلامه |
رد : هدية بسيطة لزوجي
امممم مثلا اذا المبلغ بسيط ممكن تحجزين له جلسة مساج ف مركز بعد عناء السفر ..
|
رد : هدية بسيطة لزوجي
موهبة على حسب طبع زوجك
اذا كان من النوع الحريص وما يحب بعثرة الفلوس في الهدايا فما يحتاي تشترين له هدية لانه بيقول في خاطره : جان زين ما عطيتها 😉 هالشخصية لا تهدينها ... يكتفو بالتعبير والمواقف الحلوة منج .. واذا اهو من النوع اللي يدلع روحه .. ويحب الكماليات حزتها جوفي شنو الشي اللي ناقصه واشتري له ... |
رد : هدية بسيطة لزوجي
ادا ضائقة مالية بلا ما تضيعيه
خليه لك احسن |
رد : هدية بسيطة لزوجي
اصرفي علي قدر حاجتك ولما يرجع اعطيه الباقي في يده .. اكيد بيكون محتاجها جدا وبيفرح لانك فرجتي عليه .. افضل من الهدية ..
|
رد : هدية بسيطة لزوجي
مافي داعي للهدية .. احسني التصرف و التدبير باامبلغ الي تركلك ياه و هي اكبر هدية
|
رد : هدية بسيطة لزوجي
اشكركم جميعا
ودي اشتريله ويقول صرفتي الفلوس على كماليات باشتري حق بنتي فطعتين وباشتريلي قطعة وحدة عشانه واخاف اردله الفلوس ما يعجبه!!!!! |
رد : هدية بسيطة لزوجي
طيب الفلوس أعطاها مصروف لك أو للبيت .
|
رد : هدية بسيطة لزوجي
اشتري قاتوه والعشاء طبخي الي يحب
لا اسراف ولا تبذير :) |
رد : هدية بسيطة لزوجي
مانصحك بالهديه دام الوضع مضغوط..هديتك له بهالظروف ماراح تزيد بمكانتك عنده
|
رد : هدية بسيطة لزوجي
يكفي التعامل الطيب و اللسان الحلو
لو جبتي هدية له ما راح يعطيك بعد كذا فلوس و يقول هي مو محتاجته و الدليل صرفته على هدايا و لا تعطيها له .. عشان لا يتعود خلاص يشيل يده اصرفيها على اساسيات للبيت و حسسيه انه الفلوس هذه فعلا ساعدتك و انقذتك و فكت عليك أزمة شديدة حسسسسيه انه ( بطل ) لانه اعطاك فلوس |
رد : هدية بسيطة لزوجي
شاكرة لكم مقترحاتكم
دزيت له مسج وقلت له مشكور على الفلوس صج انقذتني |
رد : هدية بسيطة لزوجي
^
ما كأن الرساله ناشفه؟؟:) ما فيها حبيبي عمري الله يخليك لنا تصرف علينا وتكفينا ومن هالحكي لا ان كنتي اختصرتي الرساله هنا.. |
رد : هدية بسيطة لزوجي
فيه اشياء حلوه ببلاش مثل مساج من يدينك الحلوه
واشكريه في لحظتها بتطلع من القلب للقلب🌹😁😁 |
رد : هدية بسيطة لزوجي
بسم الله ماشاءالله
وحشتييني ياموهبه واسعدتني جدا التطورات هذه ربي يسعدكم على طول برايي افضل هديه حاليا انك تستغلي الفلوس في مصروف البيت بشكل جيد ولاطول فترة ممكنة واذا حابه تهديه فلتكن هديه معنويه طبخه يحبها وحلا يحبه رسالة حب تعبري فيها عن حبك وسعادتك معاه ليلة جميله تبدعي فيها ( بشي جديد) وتسعديه وبس ربي يفرجها جيبي هديه غالية يكون هو بحاجتها ربي يسعدك ةويرزقكم ويخلي لكم البنوته يارب |
| الساعة الآن 03:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©