|
اعود دون شروط او يطلقني
(اعود دون شروط او يطلقني)
السلام عليكم موضوعي الاول اغلق ماادري ليش المهم ماابي اطول عليكم الفتره الماضيه كنت استخير وادعي اذا هالشخص فيه خير لي انا وبناتي يرجع واذا مافيه خير الله يفكني منه ويرضيني بنصيبي المهم انه قال لاهلي انه رح يتزوج وبيطلقني اذا مارجعت وبدون شروط حتى!! انا سكتت وقلت لاهلي اصبرو بعطي نفسي فرصه بالاستخاره وبعطيه هو بعد فرصه يمكن الله يهديه لكن اللي صار ان اخوي كلمه وقال له ان زوجتك ماعندها مانع ترجع لكن عندها شروط قال لا لاترجع وخلها تروح تاخذ اغراضها من البيت وبرسل ورقتها!! جد انا مو متخيله انها هانت عليه العشره والبنات لكن الله يكتبلي الخير وين ماكان ويرضيني بنصيبي ارجوكم ادعولي الله يربط على قلبي ويحفظ لي بناتي ولا يحرمني منهن يااارب جزاكم الله خير تمنيت اكتب موضوع يفرح لكن هذي كتبة ربي وان شاء الله انها خيرة والله مو زعلانه عشانه ولاعشان نفسي وربي راضيه واصلا هالشي كان مفروض يصير من زمان لكن بناتي كاسرين خاطري حسبي الله ونعم الوكيل لاتنسوني من دعواتكم بتفريج كربي والله يرزقني بالوظيفه ويحفظ لي بناتي ومايحرمني منهم (تم التعديل ليتناسب مع المضمون) |
رد : مستجداتي مع زوجي
اهلا فيكي اختي انا ما اعرف قصتك واذا هوا بايع انتي كمان بيعيه هذا
ما يستاهل حتى انك تفكري فيه لانو هانت عليه العشره والاولاد دائما رددي حسبي الله ونعم الوكيل الله يفرج همك يارب |
رد : مستجداتي مع زوجي
أسأل الله العظيم رب العرش العظيم أن يسخرلك زوجك ويفرج همك ويصلح بناتك
|
رد : مستجداتي مع زوجي
بقاءك بدون زوج احسن من بقاءك مع شخص كله نكد ومشاكل يجيب لك الامراض ويجيب لبنوتاتك النفسيه..اختي صدقيني احياناً الفراق اكبر نعمه..والخمدلله انو فيه طلاق يصفي حسابات الطرفين
|
رد : مستجداتي مع زوجي
مشكورات حبيباتي الله لايحرمني منكم
بناتي نفسيتهم عند اهلي افضل بكثير من قبل لما كنا مع ابوهم والحمدلله على كل حال عسى ربي يحفظهن ومايبعدهن عني يارب |
رد : مستجداتي مع زوجي
كرري انا لله وانا اليه راجعون اللهم اجرني في مصيبتي واخلفني خيراً منها اسال الله العظيم ان ينزل ع قلبك السكينه ويربط على قلبك وان كان فيه خير لك ولبناتك ربي يهديه ويرجع لكم ويصلح حاله ويسعدك ربي
|
رد : مستجداتي مع زوجي
الله يفرج همك ويصلح بناتك
|
رد : مستجداتي مع زوجي
اللهم آمين جزاكم الله خير
|
رد : مستجداتي مع زوجي
ثقي برب العالمين مراح يضيع صبرك وتحملك له وبيعوضك ربي بالافضل منه واهم شي العيش بكرامه وراحة البال وماحصلتيهامعاه غير النكد والاهانه والله يحفظ بناتك لك ويفرج همك
|
رد : مستجداتي مع زوجي
ونعم بالله الله يعوضني خير انا وبناتي يارب
|
رد : اعود دون شروط او يطلقني
الله يكتب لك الخيرة لك ولبناتك
وفرج الله همك وكربتك |
رد : اعود دون شروط او يطلقني
آمين يارب العالمين
|
رد : اعود دون شروط او يطلقني
انتظرى يا اختى ثبتك الله وسيعلم قدرك وظلمة بيته بدونك وبدون بناته حفظهن الله تعالى ربما يريد ان ينجب ولد وانتى لا تريدى الحمل |
رد : اعود دون شروط او يطلقني
اخي ابو مريم انا صارلي شهر عند اهلي يعني لو بيحس يمديه حس هو بايعني من زمان بس هالمره بايع بقوه وانا حسيت من قبل لان المشاكل كثرت الكم شهر اللي فاتو وكل مااقول له عشان البنات يقول البنات مو اهم عندي من نفسي!!
وصدقني هو ماقصده الولد زوجي واعرفه زين ولاطلب مني اني احمل اصلا والبنت والولد بيد رب العالمين مو هذا مقصده هو يبي زوجة يتحكم فيها ويتسلط عليها مبسوط بالقوامه وفاهمها غلط كل شي تحكم فيه ويتمشكل معي على كل شي وربي كل شي بدون استثناء حتى كرهني حياتي بمعنى الكلمه وماصدق اني قلتله برجع بشروط بس عشان يوريني انه هو المتحكم والامر الناهي يعني ارجع زي ماكنت معاه او بيرسل ورقتي ! انا طاب خاطري منه وربي وكل اللي اتمناه الله مايحرمني من بناتي ابد يارب |
رد : اعود دون شروط او يطلقني
أظن طلاقك رحمه من الله
افرحي وتفائلي وثقي بالخير القادم وبناتك لا تجعلينهم نقطة ضعفك . بمعنى لا تظهري أي خوف من أخذه لبناتك سيهددك بهذا حاليا لكن مستقبلا لن يتحمل زيادة مسؤليات وهموم عليه |
رد : اعود دون شروط او يطلقني
الخيره فيما اختاره الله والحمدلله ع كل شيء
اتصل باخوي امس وقال مالكم الا اللي يرضيكم ورح اخليها هي وبناتها بشقه استاجرها لهم يعني البيت اللي تعبت فيه معه من اكثر من ثلاث سنوات بدايه بالمخطط حتى وصلنا للبويات كله من تعبي واختياري بيخليه للزوجه الجديده وانا بيرجعني بشقه اجار انا وبناتي انا للحين مو مستوعبه كيف متوقع انه انا ارضى باهانه فوق الاهانه واساسا انا متاكده كلامه كذب ومارح يرضى بالشروط بس يتميلح قدام اهلي مثل كل مره لكن حسبي الله ونعم الوكيل والله العظيم كرهته واتمنى انه مايمر عليه لحظه سعاده بحياته لاهو ولا اهله الله ينتقم منهم صرت لعبه امس يقول بطلقها وخلوها تاخذ اغراضها واليوم يقول برجعها بس بشقه !! الله حسبي ونعن الوكيل .. مقهووووره ادعولي ماانحرم من بناتي بسس |
رد : اعود دون شروط او يطلقني
ربما يكون يريدك لكن مكابر
وأمه لها تأثير عليه والله أعلم هل جربتي أسلوب القوة وفرض الرأي ؟ ولا تليني بالرجوع فورا , أعطيه الوقت ليدرك أخطائه |
رد : اعود دون شروط او يطلقني
اذا جربت اسلوب فرض الراي والقوه يرفع يده بوجهي يعني بيضربني !!
مانفع معه شي وربي حسبي الله بس |
رد : اعود دون شروط او يطلقني
الله يكتبلك الخيره فيما يختاره لك
نفس وضعي من رمضان عند أهلي ويبغاني ارجع بالقوه وبدون شروط مع أنه التقصير منه وهو اللي يغلق ومايحترم لاكبير ولاصغير حسبي الله أنصحك اختي بالاستخاره واكثري من الدعاء والاستغفار |
رد : اعود دون شروط او يطلقني
الموضوع ماعاد فيه استخاره لانه قال ترجع هاليومين لشقتها القديمه او استاجرلها شقه واذا مو راجعه الحين تروح تاخذ اغراضها يعني ع شينه قواة عينه لان انا ماراح ارجع على زوجة ثانيه فوق كل اللي سواه معي وبدل مايرضيني يتزوج علي ويسكنها ببيت العمر اللي بنيته معه طوبه طوبه !!
حتى بناتي ارحم لهم مليون مره يعيشون عند اهلي من انهم يروحون يسكنون بشقه وحرمه ثانيه ساكنه بيتهم يعني شي مهين ويقهر وربي مسوي نفسه قدام اهلي يبيني لكن رجعتي له فيها اهانه يعني بيوضح لي انك ماتستحقين السكن بالبيت الملك اكيد انا ماراح اتحمل هالشي والطلاق رحمه من هالشخص اللي مايخاف الله ويتفنن بتعذيبي نفسيا انا وهالبنات لذلك هو قال خلاص خلوها تجيب اغراضها وورقتها تجيها واليوم ان شاء الله بروح اجيبهن والله يعوضني ببناتي يارب |
رد : اعود دون شروط او يطلقني
صدقيني الاستخاره تغير مسارات وتفتح أبواب كانت مغلقه
قبل تروحين برضه استخيري واكثري من الاستغفار واحسني الظن بالله والله ماراح يخيب ظنك أسأل الله أن يهديه ويسخرلك زوجك كان فيه خير لك وبناتك ويصرف عنك كل أمر عسير تأني ولاتستعجلين في كل خطوه تاخذينها ادرسيها مع نفسك من جميع النواحي واستشيري من عنده خبره |
رد : اعود دون شروط او يطلقني
والله انا كرهته واهلي طفشو منه ومن مشاكله ونفسيتي تعبت من تزوجته والحين احس براحه عجيبه لما ابتعدت عنه واحس اني مرتاحه جدا لفكرة الطلاق لاني اعرف هالشخص لامجال انه يتغير ابدا وانا ماعاد لي هوى ارجع اعيش معه بالعربي كارهته ومحتقرته لانه اخذ الزواج لعبه مره بيلق ويهدد ومره بيرجع بس بشروط ماني بضاعه انا وماني حاسه بالامان لو رجعت له لان تفكيره وعقليته غريبه لابعد الحدود وعنده اهل بعد ماشاء الله مايحتاج انا من طرفي ماعاد بسال فيه خلاااااص وهو ماهمني راح والا جاء ولا افكر وربي ارجع للدمار النفسي والنكد مره ثانيه ابي استرجع صحتي وحياتي ووظيفتي ونفسيتي وعلاقاتي هذا كله راااح من لما تزوجته وفوقهم كرامتي بعد وش انتظر اكثر وخلال شهر واحد بس باعني ثلاث مرات يقول اخذي اغراضك وتجيك ورقتك والحين صار يبي يرجعني بس بمذله انا لو جابلي كنوز الدنيا بعد اللي شفته منه يمكن ارضى ويمكن لا كيف عاد وهو يشرط وبيسكنني كل العمر بشقه والبيت للجديده..عجب!!
|
رد : اعود دون شروط او يطلقني
حبيبه قلبي
كلامك الاخير معقول بس بالاول و الاخير انت اللي في المواجهة نصيحتي لك ان تقراي تجارب المطلقات و كيف امسين بعد تجربة الطلاق برايي ان مشكلتك مع زوجك هو انه عليه ان يعترف بقيمتك و فضلك عليه و ان يبرح تهديده لك على الطالعة و النازلة، و اللي برايي انه مريض نفسي، لكن بغض النظر عن هذا فهل تستطيعين العيش بدونه الله يوجه لك الخير |
رد : اعود دون شروط او يطلقني
هونيها
زوجك ما رح يطلق براحة يحسب الف حساب لبناته وانت مو مجبورة ترجعين ومثل ماهو يعرف يشرط انت بعد اشترطي البيت الجديد لك ولبناتك من كلامك زوجك ضعيييييف واسلوبه سهل وواضح شدي اذا بايعه ومستبيعه واذا كارهه عمرك معه ، طنشيه ولا تطلقين واذا تزوج ممكن يتغير للافضل اذا ودك تطولين بالك وتصبرين على الضره |
رد : اعود دون شروط او يطلقني
هو ازعج اهلي اني ارجع هاليومين لكن انا ماقدر ارضى بسهوله خاصه انه فوق كل هذا مافكر يراضيني او يسال عني وعن مواعيدي اللي سحب عليها لان صحتي دمااار وكل فتره وانا بالمستشفى ومفروض لي موعد بعد العيد مباشره وموعد هالاسبوع وكلهن طنشهن غير انه ماارسل لي مصروف ابدا يادوب شي يكفي بناته هذا كله ويتشرط علي بعد وبيتزوج وبيستاجر لي انا وبناتي والله انا من قلب كارهته خاصه انه اعطى اخواني مفتاح البيت الخارجي عشان اجيب اغراضي يعني بااايع بقوه لكن ورب الكعبه المكسب لي انا اني افتكيت منه ومن كلامه انه بيجيب ورقتي هالفتره واكيد انا استخرت قبل هذا كله وعطيته فرصه لكنه مايبي اي تغير من ناحيته معصلج ويبيني اتنازل حتى عن كرامتي وفوقها شروط بعد بس عشان يرجعني !!
الخيره فيما اختاره الله وهذا اللي ربي كتبه لي ومتاكده انه الخير بعينه والحمدلله ع كل شيء |
رد : اعود دون شروط او يطلقني
انا ماطلبت الطلاق لكن هو قال ترجع الحين او برسل ورقتها وخلوها تاخذ اغراضها يعني مااعطى نفسه فرصه حتى يبي الموضوع ع كيفه يعني ارضي وارجعي بسرعه وبسهوله وبدون شروط او الطلاق فهمتو علي يعني مافيه لاتطلقين يا ارضى وارجع على قهر او يطلق والخيار الثاني هو الارحم والله والحمدلله يارب
|
| الساعة الآن 02:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©