|
زوجي يهتم بصاحبه اكثر مني
(زوجي يهتم بصاحبه اكثر مني)
الله يسعد اوقاتكم بكل خيير عندي اشكالية وابي رايكم على الاقل اهداء شوي لاني عصبت من الموضوع جدا :19: صديق زوجي طلب من زوجي انه انا ادور له زوجه من قريباتي قريبه من المميزات الي حكى له زوجي عني dg زوجي طلبني وانا ماابغى اتدخل المهم دورت وحصلت له بنت عمتي وصار له اسبوع كامل وهو ساحب زوجي ليليا تحقيقات عن البنت وعن نظام عائلتنا ليليا ويدقون عليا ويسالوني عن اشياء تحرجني مثلا هي جمييله ؟؟ صعبه اقول ايه وصعبه اقول لا واظلمها والبنت جميله بس مو ملكة جمال اضطريت اقول ايه لان زوجي ماعساني مدحت احد الا يجلس يسال طول الوقت وماحب امدح بنات عنده تضايقت من الموضوع وندمت الي هذا بدايته ينخاف من نهايته mhm المهم الليله قال لي زوجي الظهر بنمششي الليله بالممشى لانه انا مفروض امشي خمس ايام بالاسبوع وحضرته لين الحين ماامشينا نام العصر وانا جهزت قهوة المغرب وسويت عشانا صحي المغرب وانا احضر له القهوة شفته يراسل وقال لي بسرعه حضري العشاء بروح لصديقي hfh قلت له وانا cgg والمشي قال انتي بكره dvf تحطمت منه وتندمت قلت خلاص احنا دليناه عليها وانتهت المهمه ولكم اسبوع تسالوني وهي بعد تسال طفشت صراحه قال لي عنده استشارات ضروريه وانا بكيت وصرخت صراحه وعصبت عليه hgh قلت له انا اهم منههم واهم من كل البشر انا اترك الدنيا لعيونك وعشانك وانت هذا قالك تعال وررحت وانا سحبت علي انقهرت مررررررره منهم كلهم ومن اسئلتهم ومن اهتمامه فيه الزائد لما رجع صرررررررررررخت عليه وطلعت الي بقلبي لانه كنت دايم اقوله خلنا نطلع ايام الاسبوع واحنا بس طلعاتنا بالويك اند وكانه عندي عيال يدرسون يقول دوامات وتعب واليوم وهو مواعدني كلمه صديقه طار له ادري الموضوع مايستاهل بس انقهرت منهم المشكلة شلت فراشي وقلت له ماعاد ابيك تلمسني انت لحالك وانا لحالي وتكلمت كلام كثير عليه صراحه ماني ندمانه لانه يستاهل وش رايكم امانه انا غلطانه ولا هو باخليه يشوف ردودكم (تم التعديل ليتناسب مع المضمون) |
رد : زوجي وصاحبه ابغى ردودكم
احس صعبه
صديقة يعطي زوجك مواصفات زوجة المستقبل و يخليك تدورين و هذا غير الاسئلة مثل هل هي جميلة هذي المواضيع حساسة جدا و ما تنقال للزوج حتى لو كان اللي خطبها اخوه مو صديقة |
رد : زوجي وصاحبه ابغى ردودكم
أصلا وصف البنت لزوجك وهو يصفها للرجل , عمل خاطئ المرأة توصف للرجل من مرأة أخرى مباشرة إذا غلب على ظنها أن الرجل جاد في الخطبه بدون أن يدخل رجال آخرون في النقل والوصف وأنت بالطبع لا يحق لك التواصل مع الخاطب مباشرة .. لذلك إبتعدي عن الموضوع تماما , وتصالحي مع زوجك وليكن التواصل بين أهل الخاطب وأهل المخطوبة مباشرة . |
رد : زوجي وصاحبه ابغى ردودكم
اقتباس:
وهيئة زوجي تغيرت عن قبل الزواج ووضح الاهتمام فيه والزوج من زوجته ووالزوجه من زوجها وامه واخواته كمان زاروني بالبيت وشافوني على هالاساس قال ابغى زي زوجتك والرجال مواصفاته ذهب ولا كان بالرفض قطعيا وبنت عمتي رااائعه جدا وراح تبيض وجهي معاه بس الي قهرني اهتمام زوجي في الموضوع وزي ماتفضلتي بالسؤال عن جمالها hfh انا عادي علمت بس خلاص كفاية اسئلة اسبوع كامل حتى وانا نايمه يدق الجوال الصباح يكون زوجي صديقه راح له العمل عشان يساله ويخله يدق علي بديت احس بالغثيان ورب الكعبه من الموضوع jytt وكله كوم وسحبت زوجي علي عشانهم |
رد : زوجي وصاحبه ابغى ردودكم
اقتباس:
لا اعوذ بالله مستحييل اتواصل مباشرة معاه طبعا الوسيط زوجي كيف اتصالح معاه وهو سحب علي وراح له ان شاء الله خلاص ماعاد اتدخل انا دليتهم عليها وانتهت مهمتي بس اوقات يسالون عن هل هي مثلا مو اجتماعيه هل هي انطوائيه هل هي عصبيه وشريرة هل هي مااتشتغل بالبيت وتطبخ هل اهلها منتفتحين زياده وصديق زوجي معجب في والدي كثير وسالوا عن والدها هل يتلاقى مع والدي بالتفكير بس الغلط يكمن في وصف شكلها صح انا والله حاولت مااوصفها بس كنت ابي الخير لها وله قولوا انه غلطان لما سحب علي hfh |
رد : زوجي وصاحبه ابغى ردودكم
على فكرة هو مايثق في راي اهله
كذا قال لزوجي وقال لزوجي ابغى من قريباتها ونفس صفاتها زوجي تغير شكليا وصارت صحته افضل بعد الزواج حتى اللبس غيرت لبسه بالكامل صرت انزل واانا الي اختار له كل شي حتى ثوبه واشمغته زملائه كلهم قالوا له ياليت حريمنا زي زوجتك وواضح راحتك معها وهذا عزوبي قاله انا ابغى من قريبات زوجتك والولد صفاته ذهب وبنت عمتي تستاهل بس ازعجني بكثرة الاسئلة و زوجي مررره ساحب علي عشانه اخاف اذا جهز للزواج يروح معاه وينسااني زوجي من النوع الطيب الي ممكن احد يستغل طيبته انا مقهورة انه تركني وانا متفقه معاه عشانه ومن كثرة الاتصالات والتساؤلات واذا قلت له خلاص ماعاد بتدخل قال ليش تغارين منهم لانهم عرسان جددد ggg |
رد : زوجي وصاحبه ابغى ردودكم
والله بتنظلم هالبنت من قبل تتزوج
وأيش يعني قريبتك بتطلع نسخة منك؟! بكره يقارنها فيك أو يجبرها تكون مثلك غلطتي يختي يوم دليتيه ماتدرين يمكن بسبب هالشي تخسرينها وزي مايقولون إذا لك صاحب ﻻتحاسبه وﻻ تناسبه! |
رد : زوجي وصاحبه ابغى ردودكم
اقتباس:
لا ان شاء الله خوفتيني ان شاء الله انها احسن مني وانا واثقه فيها |
رد : زوجي وصاحبه ابغى ردودكم
مرحباً أختي
1- ليس بغلط أن تدلي أحد على الزواج... ولكن الوصف يكون بحدود معقولة مثل الدين والأخلاق والعائلة والسمعة الطيبة... أما المواصفات الشخصية... فهذا شأنه وشأن أهله يبحثون عن ذلك. 2- قد يكون لكِ الحق أن تزعلي لعدم خروجه معك ووفائه بوعده... وقد يكون لكِ حرية التنفيس عن زعلك.. ولكن كل شئ بحدود وبدون غلط أو سوء خلق أو تفعيل المشكلة لمشكلة أخرى 3- لا أنصحك بأن تجعلي زوجك يشاركك في المنتدى... فليس من الحكمة أو اللائق أن يصبح الزوجين يتلقون الآراء والحلول بمشاركات جماعية... مما يفقد الحياة الزوجية للخصوصية ومحاولة إيجاد الحلول من تلقاء أنفسهم... ولا نعتمد أن نكتب كل صغيرة وكبيرة من حياتنا في المنتديات. أعانك الله |
رد : زوجي وصاحبه ابغى ردودكم
مقهوورة من سحبته علي الليله تكفون ردوا عنها
صح مفروض خلاص اعطيناهم الرقم وانتهت مهمتنا |
رد : زوجي وصاحبه ابغى ردودكم
اقتباس:
يشهد الله ماكنت ابغى الا الخير لهما كنت بعرف هل معاي حق ازعل عليه لانه تركني واحنا متواعدين ؟؟؟ ومن كثرة الاسئلة والاستشارات والجلسات وصراحه والله ثقلت بكلاممي عليه للقصد انه يحطني من اول اولوياته لاا لشي اخر ابغاه يهتم لي قبلهم |
رد : زوجي وصاحبه ابغى ردودكم
أنتبهي أنتبي أنتبهي
لا تمدحين إمرأه قدام زوجك لا يتزوج الثانيه عليك جوابي بالمختصر وخلاص دورك انتهى اذا جاد صديق زوجك بالموضوع أمه تتصل على أمها |
رد : زوجي وصاحبه ابغى ردودكم
^^^
كلامها صحيح.. و زوجك ان رجع يسألك مره ثانيه قوليله بشكل جدي انه خلاص دوري انتهى و ما يرضيني أنته تتكلم و لو ل صديقك عن اي امراه و كافي أسئلة الى هنيه و حرصي عليه يطّلعه صديقه من الموضوع .. و نغزيه فالكلام قوليله يعني عادي أسألك اذا هو جميل و ازكرت و ادقق ف صفاته و لو كان لأجل العروس مو لي ..في ذمتك ما بتغار عليه! بس وصلي له الفكرة انك موجودة وانه ما تعجبك هالتداخلات الزايده،، زوجك فيه من زوجي أكثر ضرابتنا لأَنِّي مَش من أولوياته 😭😭😭😭 المهم الحين صالحيه عشان تداركين الوضع وبعدين تناشبي وياه .. الله يوفقك دائماً وأبدا يارب |
رد : زوجي وصاحبه ابغى ردودكم
يعني معاك حق بالزعل لكن ردت فعلك احس كانت عنيفة fgfg
|
رد : زوجي وصاحبه ابغى ردودكم
خلاص شوفه شرعيه والسلام وانتي اطلعي منها وترى هم الأصدقاء الي يضيعون بكره بيتكلم عن تفاصيل حياتهم لزوجك وإذا صاراي مشكله بيرجع لزوجك في كل صغيره وكبيره الأفضل انك تطلعي من الموضوع يعرف بيت أهلها ويسأل عنها
|
رد : زوجي وصاحبه ابغى ردودكم
اقتباس:
لا مستحييل امدح انا اكره انه امدح اي انثى امام زوجي بس لانهم طلبوا مني وترجاني زوجي لانه صديق زوجي المقرب وامه ماتقدر تروح لانهم بمنطقة بعيد اذا بيروحون بس رجال ومايقتنع براي امه واخواته وهذا الي بيصير بالتزم الصمت ماعاد بتكلم لو يموت هو وصديقه |
رد : زوجي وصاحبه ابغى ردودكم
اقتباس:
احس هالموضوع اشغل زوجي بزياده حتى بالدوام يطلع صديقه من دوامه عشان سؤال تذكرة ويروح لزوجي بشركته ويساله صارت محور حديثنا نتقهوى بس يسالني نتعشى بس يسالني سهرانين ننبسط يسالني طالعين نتمشى يسالني وصديقه ماوقف رساائل ارسلي زوجي قبل شوي عن طلب صديقه وش تلبس البنت بالنظره nhg المشكلة يكلمني برسمية عشان هواشنا البارح وانا البارح ماقصرت طلعت كل شي مخشوش بقلبي عشانهم ابني بيتهم على هدام بيتنا |
رد : زوجي وصاحبه ابغى ردودكم
اقتباس:
واقدر اطلع بدونه بس مابي امشي الا معاه ووضحت له |
رد : زوجي وصاحبه ابغى ردودكم
اقتباس:
بالرغم كل واحد فيهم من منطقة يعني انا سبب زواجهم عالعموم ارسلت لها رساله وقلت لها انا اعطيتك مواصفات الخاطب حسب ماوصلني واي حياة زوجية تتخللها مشاكل يعني بكره اذا صارت بينكم مشكلة لاتدعين علي انا دليت عليكم وانتهيت ونفس المسج طلبت من زوجي يوصله لصديقه |
رد : زوجي وصاحبه ابغى ردودكم
ما احب اشبك علاقاتي مع بعض لان بكل بساطه تتولد مشاكل واخسر الكل في حالة حدوث مشكله
|
رد : زوجي وصاحبه ابغى ردودكم
اقتباس:
طلب صديقه وش تلبس بالنظره ؟؟ يعني هو يختار اللبس الي بتلبسه ويحدد عاجبته او لا ؟؟ ملكه معاش حق تزعلين السالفه من بدايتها غلط وكان الكلام يكون بين الحريم افضل من الوصف زوجش بعد غلطان ويستاهل hhر عطيه درسه يا ملووكه |
رد : زوجي وصاحبه ابغى ردودكم
يؤ صديق زوجك زودها حسيته الملك علي غفله علي قد مايستفسر !!'
ايش يعني انت رجل مثل باقي الرجال وهي بنت مثل باقي البنات لكن واضح انه ماينعطي وجه وزوجك عاجبه الوضع ومقدار الفضاوه فيه هالخطيب عجيب .. الحين ماراح يخطبها ومحدد ايش تلبس ! الخوف لو ماصار نصيب بتكرهك ولو صارت مشاكل بتكرهك والي بيصير بينك وبين زوجك بسهوله يوصلها الله يعينك وكل كوم واسالتهم عن البنت حلوه ولا لا والخ كوم ثاني خصوصا قدام زوجك |
رد : زوجي وصاحبه ابغى ردودكم
ملكة انت زعلانة ..انه طلع عنك صح.وسحب عليك على قولتك
وقلتي الموضوع ما يستاهل الموضوع يقهر فعلا.لكن لا يستحق ردة فعل تتخذينها لان الحالة مؤقتة شوية عتاب "بهدوء"لان عتابك السابق بانفعال لن يصل لذهنه بل وصل له فكرة انك صددت عنه لمشوار وبكرا صديقه يتزوج و يسحب عليه. انت عندك شغالة؟؟كم طفل عندك؟؟ |
رد : زوجي وصاحبه ابغى ردودكم
اقتباس:
اي يقول بحكم انهم يمونون على بعض قولها تلبس لي فستان ماسك احمر :16: قلت مالي شغل اذا راح مجلس ابوها وطلبها بتطلع له زي البنات مرره غلطان اعرف وودي على الاقل انه امه هي الي كلمتني بس هو يقول لزوجي انا ماابغى احد يتدخل انا اختارها وعارف اصلها ونسبها زين |
رد : زوجي وصاحبه ابغى ردودكم
اقتباس:
وربي خطرت ببالي ارسل لها واقول الرجال مايصلح لك بس خلاص والبنت تستاهل وهو ماعليه قصور بس حرصه الزايد طفشني وتطنيش زوجي لي قهرني ووترني |
رد : زوجي وصاحبه ابغى ردودكم
اقتباس:
اي صدقتي عتابي كان قووي بس هذا الي ينفع مع زوجي زوجي اذا مازعلت زيادة حبتين ودخلت ضميرة وعاتبته بيرجع لنفس الموال صدقتي والله اذكر واحد من اصحابة العام كان يناشبني على ايام الويك اند لدرجة صرت احبس زوجي بطريقة غير مباشرة كل ويك اند اشغل زوجي معاي وبالبيت وبالولدنا الحين تزوج بعد عيد رمضان ومن تزوج وربي ماايرسل ولا يكلم قلت لزوجي هذا الي كنت اقوله لاتهدم بيتك وتكسر زوجتك عشان صاحب الصاحب بكره بينساك لانه مافي عقد يربطكم هو الزم ماعليه زوجته ونساك والين الحين ساحب على زوجي mjk عندي ولد واحد وماعندي شغاله احب اشتغل بنفسي واخاف على طفلي من الخدم |
رد : زوجي وصاحبه ابغى ردودكم
اقتباس:
كنت ابغى اسوي خير لهم |
رد : زوجي وصاحبه ابغى ردودكم
اقتباس:
احنا عندنا تدخل بعبايه او ثوب واسع وبحجابها |
رد : زوجي وصاحبه ابغى ردودكم
اوف عيب هالكلام اللي قاله صديق زوجك.ما يستحي!!!!
|
رد : زوجي وصاحبه ابغى ردودكم
شو يعني فستان ماسك ؟
|
رد : زوجي وصاحبه ابغى ردودكم
ماسك بمعنى يرسم الجسم.ضابط عليها.
|
رد : زوجي وصاحبه ابغى ردودكم
اقتباس:
تدخل وهي مبينة زينتها التي يغلب انها تعجب الناظر وفق الضوابط الشرعية |
رد : زوجي يهتم بصاحبه اكثر مني
نحن خير شر ما يشوفها لين ليلة الصدمة اقصد الدخله
|
رد : زوجي يهتم بصاحبه اكثر مني
اقول يا خوفي تتفركش الخطوبه ويروح زوجك يخطبها من كثر ما تمدحين فيها
وطول يومك في سيرتها.. وبعدين بصراحة مدري كيف ذا الخاطب عقليته طيب فرضنا تزوج البنت الا وعلومها كلها وصفاتها عند زوجك... وشهو من طينة ذا الرجال فكي بنت عمتك منه وضعه مريب.. حتى غيره ماعنده.. |
رد : زوجي يهتم بصاحبه اكثر مني
^^^^
الله يستر كلامك صحيح |
رد : زوجي يهتم بصاحبه اكثر مني
أو احتمال اخر ان الرجل هذا مكار.. وبياخذ علومكم بشكل او بآخر لانه ومن وصفك طول الموضوع والسكه قصيرة ومو معقول يثق بذوقك واختيارك اكثر من اهله وهو ما يعرفك..
|
رد : زوجي يهتم بصاحبه اكثر مني
بتخلين البنت تعجب حتى زوجك
انتبهي |
رد : زوجي يهتم بصاحبه اكثر مني
انتبهي ملكة من الوصف وربي اعرف وحدة حصلت عروس لولدها وقالت لزوجها حصلت لولدي عروس قمر ووصقتها له وراح خطبها قبل ابنه وتزوجها وعنده ابناء منها تخيلي الصدمة وكثير حصلت
|
رد : زوجي يهتم بصاحبه اكثر مني
المثل يقول
امشي في جنازة ولا تمشي في جوازة الله يوفقهم اذا لهم نصيب مع بعض |
رد : زوجي يهتم بصاحبه اكثر مني
اقتباس:
اقتباس:
زوجي طلب وحده من قريباتي وانا رشحت له بنت عمتي وسالنا الخاطب على اساليب زواجاتنا وعادتنا كيف طبيعة اسرتها وحياتهم وبحكم متانة علاقته بزوجي سال فقط حينما سالني عن هل هي جميله رديت انه لاباس بها ولا انا خايفه انه يروح لها لانه عندنا عادة وعرف اجتماعي انه القريبه مااتتزوج زوج قريبتها حتى لو بعد طلاق مراعاه لمشاعرها وانا اثق تماما في زوجي انه مستحيل بيتزوجها او يفكر فيها لاسباب في فكري ومن واقع معاشرتي بزوجي انا فقط زعلي لانه زوجي تركني عشان صديقه وزعلي لانه صار هالموضوع وهو موضوع الخطبة برمتها حديثهم وليس بنت عمتي هي حديثنا |
| الساعة الآن 01:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©