منتدى عالم الأسرة والمجتمع - انا خائنة لزوجي(حلت- الرد 109)

منتدى عالم الأسرة والمجتمع (http://www.66n.com/forums/index.php)

- المشاكل المحلولة (http://www.66n.com/forums/forumdisplay.php?f=42)

- - انا خائنة لزوجي(حلت- الرد 109) (http://www.66n.com/forums/showthread.php?t=255047)

انا خائنة لزوجي(حلت- الرد 109)

السلام عليكم ورحمة الله وبركاته
قبل اكتب لكم قصتي اقسم بالله انني كرهت مافعلت واندب حظي وساعتي واليوم اللي جيت فيه
عشان هالكارثه اللي سببها الاول انا.

تزوجت من سنه وخمس شهور تقريبا انا عمري 19 زوجي 28.انا انسانه غير اجتماعيه وهاديه دائما اكره االزحمه ولا امون بسرعه وهذا الشيء جاب لي عقده مع اخواته بذات -بس اني مرحه جدا مع اللي امون عليه ومحبوبه -طبعا اي حركه تصدر مني الكل يقول ياي وش هالخفه يعنني دلوعه وش هالبرائه وكان ذا الشيء يحزنني لدرجة البكاء!لاني احس فيها استخفاف..
المهم وضحت الصوره اني بعيون الناس واهل زوجي وزوجي فتاه دلوعه وبريئة ولا احسن التصرف .

زوجي انسان طططيبببب وحنون وكريم وكل صفات العالم الحلوه فيه وفوق كذا يحبني بجنون ولا يرضى لاحد يغلط علي ولا يخلي شيء في نفسي الا وجابه حتى اهلي اقسم بالله طايرين فيه للسماء ولايرضون فيه كلمه وحده!
المهم انا لي صحبات من الثانويه طبعهم جدا متسيب بمعنى ان كل شيء عادي جدا مثل ان البنت اللي مايكون عندها صديق هذي متخلفه؟واللي ماعندها في كل مواقع التواصل حساب هذي مريضه- طبعا انا فترة زواجي تقريبا الخمس شهور الاولى ساحبه عليهم بحجة اني تزوجت وزوجي اولى بالسوالف والضحك-لدرجة حتى لو كان طالع من البيت ماكلمهم اشغل نفسي بترتيب نفسي والبيت واعاني بالمطبخ واتعلم اكلات جديده! الى ان مرت هالخمس شهور وتجيني صاحبتي يابنت اللي يتزوج يسحب ع صديقاته ويعنني متزوجه-وسالفه ورى سالفه ويوم ورى يوم واني رجعت زي ماكنت معاهم انسانه بلا عقل وكاني نسيت اني متزوجه
المصيبه الاولى كانو يسولفون عن برنامج اسمه......؟وكل ماسالهم وينكم قالو احنا بالباث حمليه ولا اقعدي بلحالك طفشنا من .........-طبعا اختكم فالله حملت ذا الباث ولا ادري وش فيه من عله؟حلمته وعلموني عليه واللي صدمني يوم اضفتهم انهم حاطين صورهم الشخصيه ؟كيف وليش ومع الزمن صارت اختكم فالله حاطه صورها زيهم؟ جاء شخص كلمني بالخاص وكان كلامي جداااا محترم ولا فيه اي نوع من الغزل معه وانهيت الكلام في اربع سطور يمكن؟جاء زوجي فتح البرنامج وشاف صورتي صورة عرض والمحادثه مع هذا الشخص؟عصب وجن جنونه وكيف يصدر مني انا الانسانه اللي ماعرف حتى اخالط الناس هذا الشيء
قعد فتره زعلان وانا بس ابكي وحالتي يرثى لها طبعا قلت له الصور مايشوفها الا صديقاتي فقط-وانا كاذبه.
قعد اسبوع يمكن وهو من جاء راضاني وقال سامحتك ومابي تكرر اوعديني؟ووعدته
المهم بعد مرور اسبوعين اختكم فالله اعجبها وضع المدح اللي كان يجيني و انك لو سويتي راح اسوي لك والطلبات وكبار الشخصيات اللي كانو ينهبلون صديقاتي كيف جبتي روسهم ؟ ونسيت ربي واطهر من شافت عيني حبيبي وزوجي ولانه سامحني رحت ........... ادور مصيبه اكبر
فتحت..........وحطيت صوري الشخصيه والله العظيم اشك اني بلا عقل؟بس بامانه ماكان عندي الا صاحباتي واخواتهم ولايتخاوز عددهم ال13 بنت-طلب مني احد ان يرى صوري ورحت عند البنات شوفو من جاء يبي يشوفني؟وكككلهم هبو فيني خليه يشوف يامجنونه انا لو منك انجن انا وانا وانتي وانتي الى ان لحسو مخي وفتحت له وعلق -ع صوره شخصيه لي؟وصورت صاحبتي الشاشه وتعليقه ورسلت بالقروب بنات مو معقول شوفو علق عليها؟زوجي فتح جوالي وشاف الصوره؟ودخل حسابي وحساب اللي عللق؟ وااااااه ياناس ودي مت ولا جاء ذا اليوم حسيت اني كنت نايمه على المصايب اللي سويتها
ترجيته وبكيت وحاولت فيه يسمعني وابداااا رافض اي كلمه مني؟فعلا ................ انا ماستاهله
كل اللي طلع منه بيلف فيك الزمن ويدور واذا لقيتي احد يحبك مثلي ويعاملك مثلي سوي فيه مثل ماسويتي فيني
(اخوه بيتزوج اختي وملكتهم بشهر ثلاثه)
قالي اعتبري نفسك مطلقه لين يتزوج اخوي عشان ماخرب عليه اذا تطلقنا ؟ وقالي كلام يذبحني لدرجة اني افكر انتحر اذا تذكرته؟
وش اسوي ينااااس؟اطلع من حياته؟ولا وشششش؟ تكفون لحد يزيدني انا في هم مايعلم به الا ربي حتى احتباراتي هللاسبوع بالجامعه ماداومته؟كرهت الدنيا احسها بلالون ولا طعم
عطوني مشورتكم وش اسوي فيه اكلمه ولا اسحب نفسي؟ولا ادخل احد؟انا زي ماقلت لكم معرف اتكلم
وهل يعتبر طلاق ماقاله ولا لايقع لانه معلق بشرط فيدوني الله يفرج عنكم

(تم التعديل ليتناسب مع المضمون)

مستجدات

الرد 98
http://www.66n.com/forums/showpost.p...0&postcount=98