|
تغيرت معاملة صاحبي بعد ارتباطي
(تغيرت معاملة صاحبي لي بعد ارتباطي)
السلام عليكم ورحمة الله وبركاته .. أخواني / أخواتي .. أنا شخص مقبل على الزواج ملكت قبل يمكن 7 شهور .. وتفأجئت أن أعز أصدقائي تغير علي من بعد أول شهر ملكة 180% درجة .. لا عاد يرد على جوالي ولا رسايلي ويطلع لي في الواتس وأحيان يرد يهاوشني يقول أنت متغير علينا ما عاد تعطينا وجه الله وكبر يعني ما احد في الدنيا بيتزوج إلا أنت !! وأنا أهديه وأعطيه جوه لين يركد وأجي أفهمه ,, ولا هوب راضي يتفهم ومصر إني انا متغير .. ما يدري إني مشغول في ترتيب البناء وفي أمور الحياة والدوام .. المشكلة أنه يعز علي وبيني وبينه عشره عمر .. صدقوني لو شخص ثاني ما همني .. حاولت أجي له وزرته مره ومهوب راضي يتغير علي حتى وجهه يعطي علامات أنه مهوب راضي علي .. مع العلم أقسم بالله إني شكيت اني انا مزعله وانا ما عمري زعلته .. وقلت له انا مزعلك بشيء قال لا ؟!! الزبدة أنا أفكر في إني أجيب هديه او باقه ورد مع إني مانيب غلطان أبد وبقابله شخصياً وبجلس معه شخصياً !! هذي الفكره اللي تدور في راسي حالياً هل تتوقعون أنه بتجدي نفعاً ؟!! إذا عندكم أفكار قولو لا تبخلون علي .. انا الرجال مابي أخسره أبداً لاني بيني وبينه عشره عمر من زمان !! أنتظر فزعتكم .. (تم التعديل ليتناسب مع المضمون) |
رد : شخص عزيز علي
لا تجيب له ورد
لانه رجال خده تقهوى معه، او طلعه استراحه وي ربعكم |
رد : شخص عزيز علي
ورد ماينفع الا مع بنت
ويمكن ملكت على وحدة يبغاها هههه |
رد : شخص عزيز علي
اقتباس:
ادا هيك فما عليك لوم بس احنا البنات بنعمل هدي الحركات على صديقاتنا المملكات احيانا بس لنغلبهم يعني ما تؤخد على محمل الجد الله يتمم لك بخير |
رد : شخص عزيز علي
اقتباس:
|
رد : شخص عزيز علي
رحمت زوجتك من الصاحب هذا
ايش دي الحركات بيعذرك و ﻵ ماهي صحوبية هذي من اﻷساس |
رد : شخص عزيز علي
المفروض الصاحب يعين و يعاون !!
|
رد : شخص عزيز علي
واضح أنها غيران منك مدام ماجاه منك شي فليش الزعل ع الفاضي اتكلم معاه وشوف ايش ردة فعله لو مازال ع حاله خليه بكيفيه اللي يزعل من نفسه يرضى من نفسه
|
رد : شخص عزيز علي
ابد شوفله بنت الحلال وخله ينشغل عنك
|
رد : شخص عزيز علي
عادي
مثل ماصار لي فاتحته اني باتزوج وانا باتعشى معاه الا ويرمى الملعقة زعلان وكيف يصير كذا المهم عدت الايام وامورنا اخر حلاوة واول ماتزوج هو (يمكن بعدي بثلاث سنوات) سحب على العالم كلهم واختفى صار بيت عمل نادي مسجد فقط فنصيحة لا تشيل همه وشيل هم ام عيالك |
رد : شخص عزيز علي
ههههههههههه اول مره اعرف الرجال بينهم هالسوالف
وانهم ممكن يغارو بعد ،،،، عجب |
رد : شخص عزيز علي
اتركه مايشوف شر
وش حركات البنات هذي |
رد : شخص عزيز علي
اقتباس:
|
رد : تغيرت معاملة صاحبي بعد ارتباطي
مكانه الانسب .......
|
رد : تغيرت معاملة صاحبي بعد ارتباطي
عجيب جدا امر صديقك اخي الفاضل
لا تكثر اعتذارات او توضيحات قم بواجبك تجاهه كصديق من تواصل ونحوه ومع الوقت ستعود الامور الى مجراها الطبيعي باذن الله خصوصا ان راى منك عدم اكتراث لكلامه نسال الله لك الذرية الصالحة والحياة الزوجية السعيدة |
رد : تغيرت معاملة صاحبي بعد ارتباطي
شي غريب
الي يزعل من لا شي يروح اللاشي يراضيه. صديقك حركات بنات هذه وحتى البنات الي يسوونها ما لهن داعي. |
رد : تغيرت معاملة صاحبي بعد ارتباطي
أعوذ بالله من الغيره و الحسد إنتبه تتكلم عن سعادتك و حياتك ياما بيوت تدمرت و زوجين أنفصلوا بسبب الحسد والله الناس ماتعطي خيررر حصن نفسك دايماً إللي يزعل من غير سبب بكيفه الله معه |
رد : تغيرت معاملة صاحبي بعد ارتباطي
يحسب انه خسرك بسبب انشغالك بامور الزواج
عادي اجلس معه او اعزمه جلسه عاديه لا تتعذر ولا شي ومع الكلام بين انك مشغول مره بسبب الزواج حتى يعذر انشغالك |
رد : تغيرت معاملة صاحبي بعد ارتباطي
بس بصراحه استغربت تفكيرك في انك تجيبله ورد!!
من متى الرجال يترضوا بعض بالورد! حسيت من موقفك هذا انك طيب مره ..ف انتبه لا تندلق مره على مرتك لين تمل او تثقل عليك خل مشاعرك وسط لا ترميها كلها مره وحده ولا تحرم نفسك وتحرمها |
رد : تغيرت معاملة صاحبي بعد ارتباطي
اقتباس:
|
رد : تغيرت معاملة صاحبي بعد ارتباطي
شكراً للجميع على الردود والمشاركة
|
رد : تغيرت معاملة صاحبي بعد ارتباطي
اقتباس:
والله يوفقك ويتمم عليك |
رد : تغيرت معاملة صاحبي بعد ارتباطي
اقتباس:
|
رد : تغيرت معاملة صاحبي بعد ارتباطي
وعليكم السلام ورحمة الله وبركاته ..
فلاتهتم لمن يتغير عليك ، من الطبيعي أن تمر بمرحلة بأنك مشغول والصديق الحقيقي من يعذرك .. في مقولة لغادة السمان على ما أظن لها الذي يحبك لن يتركك حتى لو كنت كومه من الاخطاء والذي لايحبك سيتركك حتى لو كلف الامر فهمك خطأ ... وللأسف لم يفهم عذر انشغالك ، لا تعتذر ولاشيء فكون كما أنت . وفقك الله . |
رد : تغيرت معاملة صاحبي بعد ارتباطي
اقتباس:
الله يوفقك ويغفر ذنوبك يارب وذنوبنا جميع ويسترنا وياك دنيا وآخره . |
رد: تغيرت معاملة صاحبي بعد ارتباطي
انا الان تزوجت الحمد لله لكن لا زالت مشكلة خويي انه تغير علي صار ما يرد ولا كأنه يعرفني أبداً . لدرجة أني فقدت الامل أنه يرجع مثل أول ..
يالله ما ادري وش اسوي المشكله أني أفكر أكلم أخوه وأبي أوصله وأخاف اني اندم اني كلمت أخوه اخاف يقول لي ليش بالاساس تكلم أخوي وتدخله في الموضوع يعلم الله اني صابر عليه الان لي اكثر من 9 شهور ولا ودي أخسره ! أفيدوني الله يرحم والديكم . |
رد: تغيرت معاملة صاحبي بعد ارتباطي
مرحبا اخي العزيز
من الواضح صديقك عندما سمع الخبر اتاه الغيرة اخي العزيز ارى ان تتواصل مع اخاه او والده لكي يبحثو له عن بنت الحلال فاراه الحل الذي ممكن ينور بصيرته والله اعلم دمت |
رد: تغيرت معاملة صاحبي بعد ارتباطي
خلاص كيفه هو قرر يبتعد عنك يمكن ذابحته الغيره
المهم لاتلاحق شخص صاد عنك انشغل بحياتك والله يوفقك بصراحه هالاشكال الي تقلب بدون سبب ماعليها حسوفه ومايسمى صديق لان الصديق ياقف مع صديقه بزواجه مو يسحب عليه |
رد: تغيرت معاملة صاحبي بعد ارتباطي
اقتباس:
بالعكس زواجه راح يبعده عني أكثر وأكثر . اذا هو بيتزوج بكيفه الله يرزقه ببنت الحلال .. بس مهوب معناته ما أحنا أخوان .. gfn |
رد: تغيرت معاملة صاحبي بعد ارتباطي
اقتباس:
واذا سألت عنه قالو توه رايح للمكان الفلاني وتوه جاي من المكان الفلاني .. عموماً ما راح أشغل بالي فيه اذا هو يبيني راح يجيني cgg ::PPP |
رد: تغيرت معاملة صاحبي بعد ارتباطي
عمري ما سمعت بقصة مثل صاحبك هذا
المفروض تحمد ربك انه بان على حقيقته استغفر الله من الحسد و الغيرة المواقف هي اللي تظهر معادن الناس و هو للاسف مفروض يفرح لك و يجي عرسك مو كانه لا احد عيش حياتك و لا عليك منه |
رد: تغيرت معاملة صاحبي بعد ارتباطي
هذا ما هو صديق
|
رد: تغيرت معاملة صاحبي بعد ارتباطي
اقتباس:
|
رد: تغيرت معاملة صاحبي بعد ارتباطي
اقتباس:
|
رد: تغيرت معاملة صاحبي بعد ارتباطي
بصراحة ماشوف في شي اثبت بأنه حاسد أو غيران
اتفق إن تتقابلون في كوفي أو أي مكان وتصارح معاه تكون على بينه أفضل من أنو تتركه بدون أسباب واضحة وماله داعي تدخل الأب أو الأخ وأنت ماقابلت الشخص اساساً ولا هي حلوة بتاتاً الحركة اقتباس:
عجييب أفضل إنك تتقابل معه! يكون سويت إللي عليك وتوضح صورته ونيته أكثر لك |
رد: تغيرت معاملة صاحبي بعد ارتباطي
اقتباس:
أقووووووولك الرجال حاظرني من الواتس أب ! وش السالفه .؟ |
رد: تغيرت معاملة صاحبي بعد ارتباطي
صاحبك مو طبيعي
حاول تتذكر اذا سبق و عرض عليك تاخذ وحده من خواته ؟ او ممكن سبب ثاني ، اجتمع معاه في مكان و اسأله اذا فيه شيء ، انتبه تصير زيه و تقفي كذا |
رد: تغيرت معاملة صاحبي بعد ارتباطي
اقتباس:
انا حاولت أقابله بأي مكان لو قهوه .. المشكله أني قابلته أول ما صارت هالمشكله وقت ملكتي وقابلني اللهم نفس الشكل الخارجي أما أسلوبه فكان متغير 100% يقول هاه بتزوج هاه ..!! المهم مشى مني حتى ما وادعني أنصدمت ولا قال حتى فمان الله ..!! المهم الى الحين أحاول أتواصل معه ومو راضي يرد علي . ngt |
| الساعة الآن 04:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©