|
زوجي يعاقبني ويهيني ولا يعترف بذلك
السلام عليكم
الايام الاخيرة عشت مع زوجي ايام حلوة ربي لك الحمد وصار التواد والمحبة هو اللي يدور فيما بيننا مشكلتي كانت قبل اسبوع بالضبط كنا طالعين انا وزوجي واتصل عليه رقم بيت اهل زوجته وقالي سكتي بنتج وكلم اخت زوجته بموضوع يخص بناته المهم اني تضايقت وبلعتها وسكت قلت يا بنت لا تكبرين الموضوع واحنا راجعين كنت ماسكة تلفوني وقالي هدي التلفون ومسكي بنتج انا الصراحة ما استوعبت كنت لاهية مع الواتس اب فجاة قام حذف التلفون من ايدي سكت ولا قلت شي رجعنا البيت وهو راح عند بناته شوي ودق علي يطفرني كالعادة ويرسل ضحكات مستفزة وقلت له ترى انا اعصابي متوترة لا تطفرني زيادة وما سمع الكلام وقام يطفرني لين الصراحة غلطت عليه هو قام اخذها حجة وانا لازم اعتقبج وانا لازم اربيج - وهو اساسا لو فيه خير جان ربى زوجته مو ياي يستقوي علي- وانا اسبوع ماراح اييج يوم الخميس يقولي اشوفج عاجبج هالاسبوع قلت له اي والله راحة منك قالي تبين اخليهم اسبوعين عادي قلت له عادي ماعاد يهمني شي منك يعني بالله عليه انا متزوجة عشان كل اسبوع والثاني يهدني اليوم تناقشت معاه قلت له اصلا المفروض ما تعاقبني لانك اساسا لسانك وصخ وتسب وانت واعدني جدام امي وامك انت ما تغلط علي قالي انا ما اغلط الا لما معصب قلت له هذا مو مبرر يقولي وانتي بعد لما اغلط عليج تقولين لي لا اتييني اسبوع اقوله وجان زين يكمل اسبوع كلها يومين واتنازل يقولي انا شذنبي يعني بيبينلي اني انا اللي ميتة عليه وهو انا مو هامته قلت له الله يغنيني عنك واللي مستغنى عنه الله يغنيني عنه قالي شنو تبين الحين قلت له ابي اضربك قالي تعالي وضربه وطلعت كل اللي بقلبي وقالي بعد شتبين قلت له انا مو متزوجة عشان تهجرني انا متزوجة ابي حياة اسرية كريمة اذا انت متعود ان الزوج بصوب والزوجة بصوب والعيال بصوب انا مو متعودة ولا ابي هالشي قالي خلاص انتهى الموضوع طلعتي اللي بقلبج وقلتي انج ما تبين اسبوعين قلت له انت ليش تذلني ليش تستانس تذلني قالي ما اذلج بس جذي اسالج كلامي مو مرتب بس صج احسن بالاهانة اني دايما انا اللي اتنازل عن كرامتي عشان بيتي وبنتي تعبني هو فيه صفات وايد زينة وبالمقابل فيه صفات اتييب المرض |
رد : زوجي يعافبني ويهيني ولا يتعرف بذلك
ضربتيه ؟؟
كيف طريقة ضربك له؟ |
رد : زوجي يعافبني ويهيني ولا يتعرف بذلك
ماعليش موهبه وش سوالف الاطفال هذي
ضربيته وهو يسب وطفرني وطفرته منتم صغار حتى الي توهم معرسين مراهقين ماسوو هالحركات |
رد : زوجي يعافبني ويهيني ولا يتعرف بذلك
اتوقع تقصد الضرب بالجو نفسه كان مجرد ضحكة للزوج وكمان ابتسامه لها ..
الله يسهل امركم |
رد : زوجي يعافبني ويهيني ولا يتعرف بذلك
خليهم يراهقوا ويستانسو
حوار يدل على عمق المحبة اللي بينهم |
رد : زوجي يعافبني ويهيني ولا يتعرف بذلك
سالته وين تبيني اطقك قالي المكان اللي تبيه
قمت طقيته على جتفه ولما خلصت قالي خلاص انتهينا وصكري الموضوع ولاعاد تفتحينه مرة ثانية اختي مبتعثة والله مو سوالف يهال بس صج احس كرامتي انداست كله انا اللي ابين له اني ابيه وهو رافع الجام ما عمره بين لي ان مشتاق لي حتى لو نكون في ساعات الصفاء واساسا انا راضية اتعاقب لاني فعلا غلطت بس ماله داعي يتفلسف علي ( اخليهم اسبوعين) |
رد : زوجي يعافبني ويهيني ولا يتعرف بذلك
اخوي وليد شلون اضرب بالجو؟؟؟
اخي في الله ؟؟ ومن عمق المحبة بالموضوع؟؟؟؟؟ انا اشوف انه عمق المذلة جان زين توضح لي وجهة نظرك |
رد : زوجي يعافبني ويهيني ولا يتعرف بذلك
اقتباس:
انا مشغول بموضوع اجتثاث الاشواك من اساسها |
رد : زوجي يعافبني ويهيني ولا يتعرف بذلك
منجد شكلكم تموتون ببعض
وحكاية الضرب اكبر دليل:) اقصد لما يوصل الخصام ل اش تبين تقول ابي اضربك يقول يلا اضربيني ^ هذولي مش متخاصمين هذول يحبون بعض ويتغلون ويتدللون على بعض المتخاصمين منجد والله ما يجلسون يسألون بعض كذا وضرب دلع وهو يضحك ويقول خلاص قفلي الموضوع:) الله يتمم عليكم فضله<<ما تقصد الضرب بس حاولي تمسكين لسانك طالما اساس الغلط منك يوم تقولين غلطت عليه ف الحل في لسانك وزوجك طالما فيه صفات وايد حلوه على قولك ف لا تفرطين فيه واقلبي المشاكل دلع ومزح زي اللي صار بينكم في هذي المشكله ولا تسمعين كلام الشيطان يذلك ويحسبني ميته فيه يختي موتي فيه عادي زوجك بس اشغلي نفسك بالصلاة والاستغفار وامسكي لسانك وخليك راقيه بعينه وما تشوفين منه الا كل خير ان شاء الله |
رد : زوجي يعافبني ويهيني ولا يتعرف بذلك
حبيبتي فيلسوفة
ما ادري الصراحة اشلون تشوفونها نموت ببعض انا اغلي من القهر وهو ابرد ما يكون وين الحب بالموضوع؟؟ لما قالي خلاص انتهى الموضوع قلت له يالله تعال لمني يقول خلي يخلص الاسبوع قلت له مادري اسبوعك جم يوم 7 ايام والا 15 يوم وانا ادري شنو في باله يبي يبين لي اني ما استغنى عن الفراش لان عارف نقطة ضعفي بس انا حاطة على قلبي صخرة بس تعبت من صج تعبت اي زواج هذا كل بين اسبوع والثاني باخليج اسبوع وين الاستقرار بالموضوع؟؟ |
رد : زوجي يعافبني ويهيني ولا يتعرف بذلك
انا شفت اللي شافوه الاعضاء
هدي اعصابك وقت طلب منك تضربيه يعني تعالي وانا مسامحك وبحبك وطلعي حرتك فيني حاببه يشعر انك متمسكه فيه وتموتي فيه هم هيك الرجال الله يخليكم لبعض هدي اعصابك هو سعيد فيكي وعارف ومتأكد انك تغاري عليه وهو يستلذ ويرضي غروره والا كان تركك من زمان لهم تفكيرهم ولنا تفكيرنا |
رد : زوجي يعافبني ويهيني ولا يتعرف بذلك
انت زعلتي ليه لما كلمته اخت زوجته في مصلحة تخص بناته ذا اول خطا
و مع ذلك اتصل بك يجر ناعم ( يعني يتحركش فيك بطريقته ) و مع ذلك رجعتي غلطي عليه باعترافك و مع ذلك يخاصمك خصام المحب و انت كمان رديتي رد الزوجة المحبة الي بعد شوية راح تجي تقول طاح الحطب عجبتني لهم تفكريهم و لنا تفكيرنا احنا كدهyyy و هم كده jh |
رد : زوجي يعافبني ويهيني ولا يتعرف بذلك
قلت له تعال لمني بعني طاح الحطب
قالي لا لما يكمل الاسبوع |
رد : زوجي يعافبني ويهيني ولا يتعرف بذلك
اطبخي الاكلة الي يحبها و اعزميه علي العشاء
|
رد : زوجي يعافبني ويهيني ولا يتعرف بذلك
لا بعد اكثر من هذا تنازل ما اقدر
صارله اسبوع عند امه مابي اذا ما يا من نفسه الله يحفظه بكيفه |
رد : زوجي يعافبني ويهيني ولا يتعرف بذلك
قوليله ما يجوووووز تعاقبني بحرماني من حقي في الايام اللي لي
يعني ذكريه بربه قولي عاقبني بدون تحرمني من حقي وحاجه ثانيه لو انك يوم قال اش تبين وقلتي اضربك وقال يلا اضربيني رحتي ضميتيه بقوه:) وهو اكيد بيضمك غصب بكذا تكوني اذكى صالحتيه بطريقه غير مباشره وخليتيه يضمك ويمكن يلغي العقاب:) |
رد : زوجي يعافبني ويهيني ولا يتعرف بذلك
كنت وقتها وايد مضايقة وحاقدك عليه اساسا اكلمه وانا ما اطالعه
توني قلت له ابيك يقولي بانت فيلجا يعني انتي ما تصبرين علي قلت له اوكي الله يغنيني عنك قالي لما يخلص الاسبوع يعني يذلني عشان حاجتي نذل كرهته من كل قلبي |
رد : زوجي يعافبني ويهيني ولا يتعرف بذلك
وهذي مو اول مرة يسويها
يذلني ويلوع جبدي عشان حقي هو عنده اللي تلبي طلباته وانا وين اروح ؟؟؟؟ يعني اشكره موهبة شوفيلج غيري |
رد : زوجي يعافبني ويهيني ولا يتعرف بذلك
اثقلي يا بنت دا الثقل صنعةهو
شوفيلك غيري دا تفكيرنا احنا العاطفيات اكيد هو بيقول لنفسه موهبة طيبة و قلبها ابيض و لو أديتها ربنا حيعاقبني بس انت أثقلي , و بطلي اتصالات و خليه هو يبادر للصلح |
رد : زوجي يعافبني ويهيني ولا يتعرف بذلك
ثقلت عليه وايد
الخميس يقولي اشوفج مونسة عمرج بعمرج تبين اخليها اسبوعين قلت له عادي خلها اسبوعين والحين يقولي لا انا ما اذلج بالله الكلام اللي قاله لي شنو مو مذلة؟؟؟ ما يفكر عدل ويقول كلام ما يثمنه |
رد : زوجي يعافبني ويهيني ولا يتعرف بذلك
لا مو مذله
لو مذله ما كلمك اصلا وخلا العقاب يمشي وهو ساكت الساكت سمه ناكت لكن زوجك قاعد يبربر ويطلع اللي بقلبه على حبيبته:) يوم قال اشوفك مستانسه اخليها اسبوعين قالها بعصبيه ولا بمزح وضحك<<اذا بمزح صدقيني ما يقصد يذلك قصده يجرك بالكلام عشان تونسينه بلهفتك عليه عطيه جوه وقولي لا ما اتحمل اسبوعين بعيد عن حبيبي وهو بعد ما يتحمل يبعد عني اكثر<<كلي عقله:) |
رد : زوجي يعافبني ويهيني ولا يتعرف بذلك
كنت اقوله هالكلام يقول لا انا عادي عندي
يقولي اصلا انا الحريم يحبوني <<<<< ما يقولها بصريح العبارة ولكن بتلميح. اختصار كلامه انتي ميتة علي وانا لا |
رد : زوجي يعافبني ويهيني ولا يتعرف بذلك
اممممم
قولي لا حبيبي بعدك ما عرفتني زين يوم اقلب واكره:) واسكتي وقومي عنه بيجلس يدورها براسه اكيد |
رد : زوجي يعافبني ويهيني ولا يتعرف بذلك
فيلسوفة قلبي مشكلتي مو بالسيناريو
مشكلتي ان لما اغلط نفس اغلاطه يعاقبني اضعاف مضاعفة ويحرمني حقي الشرعي وطبعا ما يكون بالبيت يروح عند امه وبناته يعني مو كافي انك مو بالبيت هم بعد تحرمني من حقي والله كل شي اطره منه طرارة وان صبرت وسكت يقولي انتي ساكتة يعني راضية لما كان ماخذ حقي في ليلتي كنت احن وازن عليه وبعد ما صار اوكي ينام عندي بليلتي يقولي انتي رضيتي ليش ما رحتي بيت اهلج يعني لازم الموقف يتأزم عنده عشان ابين له اني مو راضية |
رد : زوجي يعافبني ويهيني ولا يتعرف بذلك
اقتباس:
|
رد : زوجي يعافبني ويهيني ولا يتعرف بذلك
اقتباس:
|
رد : زوجي يعافبني ويهيني ولا يتعرف بذلك
زوجته رجعت البيت ولا بعده يروح لها عند اهلها<<مدري اهلها كيف راضين بذا الوضع
|
رد : زوجي يعافبني ويهيني ولا يتعرف بذلك
زوجته قامت اتيي بيتهم بس مو بشكل دايم
والصراحة ما اعرف متى تكون موجودة هو فاصل بيننا بشكل كبير لا انا ادري متى تكون عنده ولا اهي تدري متى يكون عندي |
رد : زوجي يعافبني ويهيني ولا يتعرف بذلك
اختي زهرة والله اصبر واصبر بس خلاص تعبت
يعني هو حتى لو باثقل يلوع جبد الثقل وشااااااااااااااطر بقلب الطاولة |
رد : زوجي يعافبني ويهيني ولا يتعرف بذلك
مالك غير الصبر ثم الصبر ثم الصبر
والدعاء ان يسخره الله لك والانشغال عنه وعلى طول مش كم يوم وترجعين مع القيام بحقه والاحترام والله يهدي سركم |
رد : زوجي يعافبني ويهيني ولا يتعرف بذلك
هههههه يا حياتي موهبة عرفتي تطقينه ولا عرفتي تأخذي حقك منه
الله يهداك كان قدرتي تأخذي حقك الجو ما كان متكهرب بالمرره وبالنسبة للتصرف زوجك غلطان ويأثم ع هجرك بدون سبب قوي الله يهديه علميه الاحكام الشرعية ومتى يجوز له الهجر والتأديب وبصراحة موقفك معاه بالسيارة لا يتكرر منك وخاصة وهو يسوق لا تشتتين تفكيره اسمعي كلامه من البداية .... الله يسعدكم ويهديكم لبعض |
رد : زوجي يعافبني ويهيني ولا يتعرف بذلك
السلام عليكم ورحمة الله وبركاته
اختي الكريمة نسبة كبيرة من خلافاتك مع زوجك تقومين فيها بتضخيمها في راسك وبسرعة هائلة تبدأين بإسقاط الوضع على زوجته الأولى. غالباً ما تذكرين: 1- لديه بديل 2- لا يتجرأ على نفس التصرف بنقس الطريقة مع الأولى 3- يركض خلفها ويسعى لرضاها 4- آخذة حقها وانا لا يعطيني حقوقي. توقفي عن المقارنة بكل اشكالها سواء الأمور الصغيرة او الكبيرة اغلب انفعالاتك هي نتيجة للمقارنة السريعة التي تقومين بها فيأتي رد فعل بحجم المقارنة وليس بحجم الموقف اما بالنسبة لموضوع الهجر والعقاب: عليك تعلم الثقل والرزانة والثباااااااااااااااااااااااااااااااااااات على موقفك إحدى الطرق التي تنفع ولكن لا أدري ان كانت تنفع لزوجك هي التطنييييييييييييييييييييييييييييش اللحظة التي يدرك فيها عدم تأثرك بهذا النوع من العقاب يقفد هذا الأسلوب فعاليته بالنسبة له مرة بعد اخرى سيتوقف عن اعتماد هذا الأسلوب. بالتوفيق ان شاء الله |
رد : زوجي يعافبني ويهيني ولا يتعرف بذلك
هلا حبيبتي مرجانة
اي نعم ينفع معاه التطنيش بس لي متى اطنش؟؟؟ يعني مو كافي ان مو في البيت معاي ويكون عند امه يعني امه بتدري ان متهاوشين وانا مابي هالشي فوق هذا يحرمني ادري ان التطنيش وطاف يمشي معاه بس ما اقدر اكمل اصبر اصبر اصبر لي مدة معينة بعدين خلاص افقد الصبر ترى انا انسان ماني جدار والا طوفة الشكوى لله بس |
رد : زوجي يعافبني ويهيني ولا يتعرف بذلك
اقرأي رد مرجانة مرة و اثنين و ثلاثة
ردود فعلك مبالغ فيها زوجك عارف انك ما تتحملي بعده عشان كده يعاقبك بالطريقة الي تجيب نتيجة معك عندك حل من اثنين يا اما تتعلمي التطنيش و قلتي صعب علي , اذن تعلمي تتحكمي في انفعالاتك وقت الغضب و ذا مش صعب |
رد : زوجي يعافبني ويهيني ولا يتعرف بذلك
موهبه لو تتخلين عن التعجل والتسرع
زيدي الثقل حبتين اتركي التقاشات المستمرة استمتعي بوجوده وبدونه اتركي مطاردته هو واثق من وجودك جانبه من كثر ماانتي تطاردين وتحاسبين اختي اذا جاك قللي من الاهتمام الثائر والعتاب الجامح الوسطيه مطلب بكل الامور |
رد : زوجي يعافبني ويهيني ولا يتعرف بذلك
ملكة الاحساس
هذاك قبل اطارده ووووو الحين بالعكس ابي يكون لي جوي لان الدوام ماخذ اكبر وقتي بس طريقته تتعب ادري اني لازم اتعلم التطنيش بس هو متعود على الجو المفكك امس اقوله اذا انت متعود ان الزوج بوادي والزوجة بوادي والعيال بوادي ثاني فانا مو متعودة على هالشي ولا ابيه وهو ترى للعلم واااااااااااااااايد يغلط علي وانا اسامحه واطنش الصراحة الحياة معاه متعبة جدا |
رد : زوجي يعافبني ويهيني ولا يتعرف بذلك
^
المطاره مو شرط بالتلزق والسؤال وينك ومتى تجي احيانا حتى زعلك فيه مطارده لانه عارف انك زعلانه لانه ما جا عندك مثلا لكن لازم لااااازم تتحلين بالصبر والطنااااااش باستمرار حتى لو تعبتي صبري نفسك انها مرحله وتعدي لين يتعود ان اسلوبه هذا ما يجيب معك النتيجه اللي يبغاها |
رد : زوجي يعافبني ويهيني ولا يتعرف بذلك
دعواتج فيلسوفة
ترى طول الاسبوع اللي طاف كنت فعلا مو هامني ومطنشة عالاخر الى امس بس ما قدرت اصبر اكثر واحس خربت على نفسي اهو فعلا يفي التطنيش معاه بشكل كبير يوم الخميس يكلمني مبين مقهور اني مطنشة يقولي اشوفج مو هامج ومونسة نفسج يارب تعييني عالتطنيش |
رد : زوجي يعافبني ويهيني ولا يتعرف بذلك
موهبة سؤال : انت اللي جبتي فكرة او طريقة أتركني أسبوع ؟؟!
اذا نعم هذا خطا كبير مو بسهولة يتعدل حاولي لا تتكرريه |
رد : زوجي يعافبني ويهيني ولا يتعرف بذلك
الصراحة ما اذكر منو بدا فيني
بس كنا نستخدمه لما توصل الامور الى طريق مسدود فحتى يستمر الزواج كنا نستخدمه وفعلا نجح معانا لان بعدها نقبل على بعض وايد |
| الساعة الآن 02:35 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©