|
كيف ازيل هذه الجروح الاخ ابوحكيم/اخي في الله
اذا تفضلت علي بكرمك اخي الفاضل ان افضفض لك بعض مافي قلبي
انا مجروحه من هالرجل كيف ازيل هذه الجروح ؟؟ اصبحت لااريد ان اقول زوجي من شدة كرهي وماسببه لي من تحطيم وتكسير للمجاديف بعد ان شرحت له مشاعري ناحيته وان بقائي معه فقط بسبب طفلي وان يعاملني كأخته اصبحت الحياه معه شبه مستحيله اصبحت فعلا اتخيله اخ لي انفذ مايقول دون اي مشاعر بيننا هل تعتقد ان مثل حياتي ستستمر ام اختصرها بهروبي من المنزل لاني لااود ان ارجع لاهلي واريد ان اوهمهم بان حدث لي مكروه او اي شي حتى ينسوني اعلم ان مااكتبه شي كبير لكن هذا حقا ماافكر به ماذا افعل بماذا تنصحني؟ فانا لااستطيع حتى التفكير عقلي متوقف واريد اي شي اي شي يريح عقلي ونفسيتي من هذا الضغط |
رد : الفاضل ابو حكيم
لاتعلم مدى سعادتي عندما اخبرته بكرهي له واني اريد الطلاق وان بقائي معه لسبب لااعرف لماذا فرحت هذا الفرح الشديد لدرجة اني حمدت الله وشكرا على هذا الشعور وكان جبل ازيح من قلبي بالرغم من ان الموقف لايوحي بسعاده
الحمد لله |
رد : الفاضل ابو حكيم
أهلا بك أختي الكريمه ..
أتذكر مواضيعك جيدا , وخصوصا آخر موضوع الذي شرحت به حالك الذي لا يسر أبدا ومنذ ذلك الوقت وأنا أفكر بمآلك , واسأل الله أن يستر عليك . فضفضي أختي الكريمه , ولا تبقي شيئا بنفسك وبإذن الله أساعدك بما أقدر عليه , ويمكن أن أرشح أخ آخر من أعضاء المنتدى أثق برأيه ليكون معنا هنا . |
رد : الفاضل ابو حكيم
اكثر مايجرحني من هذا الرجل انه مع اهله واهلي واقاربه والناس عموما طيب جدا جدا الا معي انا
منذ ان دخلت بيته وهذه معاملته لي واكثر مايجعلني اكره الرجوع لاهلي لانهم يرونه ملاك وانه اطيب ماعرفوا هذا الرجل بالنسبه لي لايملك قلب فبكائي وضحكي لافرق بينهما عنده انا ابكي وارجووه ولايتاثر ابدا فالمعامله لاتتتغير دائما يشك في نيتي ولا يثق بي ابدا مهما كنت مخلصه وصادقه لايثق بمشاعري اتجاهه يفسر اي تصرف اقوله لمعاني اخرى لااعرف لماذا لايشكك في نوايا الاخرين لماذا فقط معي هذا الشي يجرحني جدا عندما يغضب ينهال علي بالكلام الجاااارح القاااسي يقول اقسى العبارات ولو انطق بكلمه ينهال علي بالضرب انا جدا اخااااف من هذا الرجل انا لااحس بالامان معه ابدا |
رد : الفاضل ابو حكيم
عمله فيه انتشال جثث مقطعه واتوقع انه ورث قسوة القلب من هناك فاصبح لايتاثر لانه لايتاثر ببكائي ابدا
هو لايسامحني في حال حدث بيننا مشكله يقول لي اعتذريلي مره واثنين وثلاثه الى ان ارضى عنك بالرغم من ان الخطا اساسا ليس مني بل بسببه كأن تحدث مشكله بيننا على التنزه خارج المنزل لايريد ان يخرج من البيت ثم اطلبه مره اخرى لايريد ايضا واخرى واخرى ثم اصرخ اريد ان اتنزه كباقي خلق الله فانا اختنق من مكوثي بالبيت فكلمه منه وكلمه مني وتحدث المشكله لانتكلم ايام وايام وايام وهو عادي لااعني له شيء ويستمر احيانا لاسابيع وهو كما هو لايتكلم ثم اضعف انا فليس لدي غيره اتكلم معه لان اهلي في مدينه اخرى وهو كذلك ثم ابدا اتكلم معه ويريدني ان اعتذر واذا اعتذرت لايرضى ثم نستمر ايام اخرى لانه غضبان ثم اعتذر مره اخرى احيانا يرضى واحيانا لايرضى مع ان السبب كما اخبرتك هو انا لي خمس سنوات لم اذهب انا واطفالي لملاهي العاب تخيل لانه لايحب التنزه المكانين التي اذهب اليها البحر ومخطط لايوجد فيه الا نحن وقليل من الناس |
رد : الفاضل ابو حكيم
في المال سبحان الله انا اطلبه لايعطيني واخوه لايطلبه ويقول لااريد ويحلف عليه ليأخذ
ابنائه يريدون مال لايعطيهم واهله يشتري لهم شاشات واجهزه مهما كلف سعرها البيت لايدفع له شي الا الاكل وانا ادفع ثمن الطاولات التحف السجاد المدخل الكنب الموكيت بالرغم من اني لست موظفه واهله لو يريدون اي شي في الحال احضره لهم المنتزهات لايخرجني لها الا اذا حضر الناس اهله اهلي اي احد يريد ان يتمشى فهو يحبها ويذهب اليها واحيانا لايريدون الذهاب ويحلف عليهم بالتنزه خارج البيت اما انا واطفالي فلا احيانا ابكي وارجوه اريد ان اخرج بعد مرور شهور لم اخرج من البيت يقول لا ولااخرج |
رد : الفاضل ابو حكيم
حتى ثمن رسوم الروضه انا من يدفعها فساتيني احيانا لايعطيني فاضطر لدفع ثمنها
عرضت علي وظيفه معلمه ورفض بكيت وبكيت ولم يهتم يقول راتبها قليل انا كنت اريد ان اتنفس قليلا لكنه لم يكترث رجوته ورجوته يقول لا ولم اذهب البيت لم يحضر له ذبيحه منذ خمس سنوات فاللحم غير ضروري بالنسبه اليه وغالي اما اهله فيدفع لهم احار الشقه وخادمتهم كل شهر فهو بخير ويستطيع دفع مايريدون عندما كنت ادرس بالجامعه مكافئتي خمسمائه للسائق وثلاثمائه يرسلها لامه كل شهر وكنت لااستطيع قول شي لانه لايريدني ان اكمل دراستي فسكت لذلك السبب والحمد لله اكملتها |
رد : الفاضل ابو حكيم
تخيل انه مره اخذ اجازه من العمل شهر كامل وانتهى الشهر ولم يخرجني من البيت
|
رد : الفاضل ابو حكيم
اقتباس:
أجيبيني على هذا السؤال فضلا . متابع لك .. أكملي فضفضتك , وبالنسبة للعضو الكريم الذي أرشحه يمكنني أن أرسل لك إسمه عن طريق القسم الإداري , لترين ردوده قبل الموافقة عليه من عدمها تلافيا للإحراج مع الأخ المقصود . |
رد : الفاضل ابو حكيم
هو ياخذ الصرافه ليسحب المكافئه منها ليحاسب السائق ولا يعطيني الثلاثمائه واعرف انه كل شهر يرسل لامه ثلاثمائه ومازال حتى الان يرسل لهم
فكنت اخجل ان اسبب مشكله بيننا بسبب 300 فلااقول شيئا وكنت اريده ان ياخذها ليتركتي ادرس لانه حااول ان لااكمل دراستي ولكني اصريت على ذلك هو لم يقل اني ارسلها لامي فهو سيرسل 300 لامه سواء منً مكافئتي او من راتبه |
رد : الفاضل ابو حكيم
حسنا انا اثق بك ولاني اثق بك افعل ماتراه مناسبا
|
رد : الفاضل ابو حكيم
على السرير ينام في طرف السرير دائما واخبره باني احتاج قربه مني فيقترب ويقول انا احبك ولن اجد مثلك انتي عيوني وانتي وانتي ..الخ ..
ثم ياتي اليوم الثاني فيعود لطرف السرير اقتربت منه كثيرا الى ان مللت من قولي له اقترب فاصبحت مثله انام في طرف السرير |
رد : الفاضل ابو حكيم
اقتباس:
جزاك الله خيرا على ثقتك أختي الكريمه .. الإداره أرسلت لك رساله . |
رد : الفاضل ابو حكيم
نعم ارسلت الاداره مشكوره
لك ماتريد اخي الفاضل ابو حكيم واشكرك كعادتك جزاكم الله عني كل خير وجعله في موازين حسناتكم ولك وللاخ الفاضل اخي في الله كل التقدير والاحترام |
رد : الفاضل ابو حكيم
بقول كلام اخاف تزعل مني انا عارفه ان ماينفع لحالتي الا الطلاق بس قلت افضفض لان ثمان سنوات راحت في المحاوله في تغييره ولم تنفع
فيه شي استغربه من زوجي انه مطيع طاعه عمياء لعيال عمه يعني شي مو طبيعي بصراحه مهما قالوا مهما اخطئوا والله انه يفضلهم على اخوانه لو واحد يجي من عيال عمه الود وده يجيبله ذبيحه حتى لو انه صغير يتبع رأيهم بالصغيره والكبيره يعني اذا جوا بصريح العباره ماله اي شخصيه وهم كانوا يبونه ياخذ اختهم وحاولوا معه بس اخذني للاسف |
رد : الفاضل ابو حكيم
على فكره نفسيتي تحسنت من اليوم اللي قلتله جالسه عشان عيالي وبرضه لان صار ينزلي حافز خخخ مع ان حافز ادفع به رسوم دراسة ولدي فهو لايريد ان يدفع
|
رد : الفاضل ابو حكيم
يمكن لان اي مشكله تصير صرت فعلا اتخيله اخوي واسامح فورا ولا اسبب مشكله
ادمنت على لعبه العب فيها بالجوال ليل ونهار عليها واللعبه حروب كل ماضاق صدري رحت هجمت ودمرت اللي اقدر عليه ترتاح نفسيتي والحمد لله وخرجت يقولي ريحي عيونك اشغلتك ذي اللعبه وش ذا قلتله خليني مشغوله فيها احسن من ما انشغل في غيرها |
رد : الفاضل ابو حكيم
اتمنى من الادارة الكريمه اضافة الاخ الفاضل ( اخي في الله) لعنوان موضوعي مع الفاضل ابو حكيم وشكرا
|
رد : الفاضل ابو حكيم
دايما اقله خذ ولدك معاك اذا رايح مكان خله يتعلم علىم الرجال يقلي لا ماابغى اخذه خليه يجلس مع انه ولده الوحيد دايما يخاصمه ويصرخ عليه واكثر مايؤلمني لما يخاصمه قدام الناس سبحان الله مايحن على ولده دايما احزن عليه طريقنا لبيت اهله نمر بملاهي وداااايم كل مامرينا من عندها يجلس يترجاه يابابا ودينا الملاهي يابابا ارجوك يابابا انا احبها والله ان دمعتي في عيني نفسه يروح فيها خله يفرح ياخي هذا ولدك خله ينبسط في طفولته وهو ولاهمه كل ماقله ودني قال ماني فاضي كل مره كل مره ماهو فاضي
احيان يجلس يبكي يبغى يخرج معاه اذا بيروح يشتري من البقاله يابابا بروح معاك يابا ويبكي الولد عند الباب ويروح جري يغير بجامته ويلبس جزمته وهو يشوفه ويقول لا ويقفل الباب ويروح يالله ليش كذا ماتشوف دمعته في عينه مايحزنك مافي قلبك رحمه مانت ابوه ماهو قطعه من كبدك ذاك اليوم ترجيته ياخذه تكفى خذه معك يشتري من الصيدليه ويرجع قال لا بعدين وافق راح طاير ن الفرحه معاه ولما رجع قلي انه قفل عليه باب السياره وراح يشتري من الصيدليه ورجع لقيه نازل من السياره للشارع جلست افكر اقول ذحين انت ماخذه عشان تحبسه في السياره وسكت ماقلت شي |
رد : الفاضل ابو حكيم
اذا سوى شي غلط يناديه ياحمار ياكلب ياوسخ ياعفن
مره دخل الولد اصبعه في الشباك وشقه وجالس يوري ابوه مايدري المسكين يقول يابابا شوف انا شقيته دخلت اصبعي وانشق قام ضربه كف ضرب راسه بالجدار وطاح الولد على الارض انا شفته سكت ودخلت الغرفه ابكي فيها وهو راح للشغاله ضمها وجالس يبكي حزني لما تركنا كلنا وراح يحضن الشغاله انا ماقدرت امسكه كان راسه منتفخ مره وتلون المكان على طول حسيت اني لو ضميته بانهار بكاء وانا ماابغاه يشوفني كذا لانه يخاف مره اذا شافني ابكي |
رد : الفاضل ابو حكيم
اول ماتزوجت في شهر العسل اول مانتخاصم مشكله بسيطه والله يتركني وينام ايام بالمجلس والله اننا بشهر العسل اصلا من ايام الملكه اول مايصير بيننا خصام يقفل جواله ثلاث اربع ايام مايفتحه والسبب لاني قلتله وش رايك نقطع المكالمات لان زواجنا قرب يصير نشتاق لبعض
ياويلي اقفل السماعه لاني زعلانه على طول يجيني البيت يضربني ليش تقفلين الخط بوجهي وفعلا اعطاني كف مع اني كنت حامل وقفلت على نفسي بالحمام وانتم بالكرامه وجلست ساعات ابكي فيه وقافله علي ومره قفلت على نفسي باب الغرفه لاني عارفه انه جاي يبي يضربني ومره شد شعري وضربني كفوف لاني مارضيت افتح له الباب |
رد : الفاضل ابو حكيم
المعامله ذي فقط معايه ومع عياله مع الناس الباقين شخص اخر تماما كريم مزوح مرح يحب يفلها وينبسط يحب يتمشى لو لمدينه بعيده جدا عادي يروح لها
سبحان الله احيان اشك انه مسحور احسه مو طبيعي مع انه يصلي بس تصرفاته غريبه معانا مقارنه مع شخصيته الحقيقيه مع الناس بقول شي حز في نفسي كثير ومازال كل مااتذكره جارحني كثير مره اختي جتني قالتلي وش هالكلام اللي يقوله زوجك عنك قلت خير وش فيه قالت زوجي يقول ترا فلان ذا يقصد زوجي داعس على رقبة اختك مدري وش كان يقله مو لهالدرجه يازوجي ياابو عيالي |
رد : الفاضل ابو حكيم
مره اعطيته 16000 سلف. من زمان ولارجعها
ومره اعطيته 9000 قلتله متى ماجتك رجعها لي لو تقدر ومارجعها مع انه. اخذ قرض من البنك لها سنوات وسنوات |
رد : الفاضل ابو حكيم
الأخ الكريم أخي في الله .. أسعد الله أوقاتك بكل خير
لثقتي الكبيره برأيك وبعد نظرك , لقد رشحتك للأخت الكريمه صباح العود لأن تكون معي في مساعدتها لحل مشكلتها , وها هي الأخت طلبت من الإدارة إضافة إسمك أرجو الله ألا أكون قد أحرجتك وأثقلت عليك , ولكن الأخت صباح مرت بظروف عصيبه وسبق أن كتبت عدة مواضيع , وموضوع معي هنا بقسم ساعدني , ولكن للأسف لا زالت تعاني . __________ الأخت الكريمه صباح يمكنك إدراج روابط مواضيعك القديمه إذا رغبت . متابع لك ... واصلي |
رد : الفاضل ابو حكيم
اقتباس:
الله يحييك ويسعدك ياابو حكيم وياأختي صباح العود اشكر لك اخي ابو حكيم ترشيحي واشكر لكي اختي صباح ثقتك فيني انا ودي استشيركم بشغلة فلنقل طاقتي مثلا متابعة اختين في ساعدني + موضوعي + مواضيع الاخوات فمابالك لو ساعدني اصبحت 3 ! بل 4! وانت الصادق ستكون 5 مع اختي صباح فما هورأيكم بأدائي وقتها وخاصة ان ساعدني تحتاج مني بدلة غوص من اجل الغوص في اعماق العضوة المشتكية! الخلاصة اشكركم وبعنف واعتذر والله فوق طاقتي ومااقدر ولكن بما انه لكل مشكلة حل فانا ارى والرأي لكما اني أؤجل دخولي للموضوع فترة اسبوعين كاملين الى ان ارى ماذا يحدث وقتها والله ابو حكيم على راسي من فوق وكذلك الاخت صباح العود لكن من جد مشغول فكرياً وبنسبة 110٪ فالعذر والسموحة |
رد : الفاضل ابو حكيم
الفاضل (اخي في الله) بالتأكيد سنقدر عذرك اعانك الله وماتفعله في سبيل مساعدة الاخرين اسال الله العظيم ان يكتبه في موازين أعمالك انت والفاضل ابو حكيم وكل من قدم مساعده لاخوته واخواته اهلا بك متى مافرغت ومااردت وان لم تستطع فلاباس نعرف انك لن تتردد في ذلك لو استطعت
انا هنا افضفض لاغير انا كنت باكتب بالعام بس خفت من بعض الردود الجارحه وقلبي مجروح بمايكفي لااستطيع تحمل اي شيء يعني اكتب هنا حتى اضمن انا لااحد سيرد علي ليوجع قلبي بالرغم من ان هناك بعض الاعضاء اللذين كلامهم كالبلسم يداوي ويعالج |
رد : الفاضل ابو حكيم
ماتصدق لو قلتلك انه مغرقني بالكلام المعسول كلام فقط كلام
افعال لاشيء مره انفتح موضوع لو توظفت يقول تدفعين اجار الشقه وملابس عيالك ومره قال تعطيني الفين كل شهر لانك تركتيتي في البيت انا قلت له ماراح اقصر معك بس لاتكون طماع قلتله الشقه مالي دخل فيها انت رجل البيت وانت المسئول وزعل وش بستفيد اجل من وظيفتك تركتي بيتك عيالك ووو.. ووالخ قلت يعني مو ناقصنا الا نتخاصم على شي مدري يجي ولا لا؟ لكني خفت بعدين جلست افكر قلت هو مارحمني وانا ماعندي ولا شي بيرحمني وانا موظفه اخذت نفس عميق وسكت |
رد : كيف ازيل هذه الجروح الاخ ابوحكيم/اخي في
حياك الله أخي الكريم / أخي في الله
يسلم رأسك ورفع الله قدرك وجزاك خيرا . ________ الأخت صباح .. هل كانت طفولة زوجك قاسية , ضرب وتعنيف مثلا ؟ من أكثر شخص يؤثر عليه وينفذ رأيه ويسمع له ؟ هل عرضت عليه فكرة الذهاب لمستشار أسري لحل مشكلتكما ؟ |
رد : كيف ازيل هذه الجروح الاخ ابوحكيم/اخي في
قاسيه جدا ودائما يحكيني عنها ضرب واهانه وظلم من والده
امه بار بها جدا واي شيء مهما كان صعب عليه ينفذه لم اعرض عليه شيء |
رد : كيف ازيل هذه الجروح الاخ ابوحكيم/اخي في
احسه يهتم كثير للناس وش يقولون عنه هل هو شخصيه على زوجته هل هو كريم هل هو قوي هل هو
دايما يقولي الناس تقول عني كذا والناس تمدح فيني وفلان قال عني يعني يضغط علينا وعلى نفسه عشان الناس مثال 16000 اللي اخذها مني مااخذها له هو اخذها لان صاحبه محتاجها يبيها يصير يقولون عنه ماشا الله حق فزعات من يوم تزوجته الى الان وهو غرقااااااان ديون وصل فيه الحال يستلف من هذا عشان يسدد ذاك وكلها ليتها لبيته لا للناس مثلا زارونا اهله او اهلي او اي احد يتكلف بعشا مايقدر عليه يجيب ويجيب شي لازم وشي مو لازم اهم شي يقولون ماشا الله كريم ونعيش بعدها اياااام جحااااف فوق عيشتنا اللي تجيب المرض طبعا مافيه اي فايده انصح ولا لاتنصح ابو طبيع مايترك طبعه اللي يحز نفسي لما ولده يطلبه يقول لا والله العظيم شنطته اللي يداوم فيها مشققه وحالتها حاله مايبي يشتريله شنطه ثانيه يقول ماعندي مدري ماعنده مدري مستخسرها في ولده مدري بخيل ماني عارفه |
رد : كيف ازيل هذه الجروح الاخ ابوحكيم/اخي في
لي سنوااات اطلبه شاشه ابيها في غرفة الولد جننا يبي قنوات اطفال واحنا مانبيها جيبها جيبها لا ماعندي
وذاك اليوم واحنا نزور اهله الا وشاري لهم شاشه هديه انا والله عادي مافيها شي يجيب لاهله بس اول شي يكمل بيته بعدين يعطيهم اللي يبي وبعد فتره الا وامه تقول الشاشه هذي صغيره ونبي اكبر نبي شاشه كبيره شكلها حلو وفورا يروح السوق ويشتري لهم اكبر شاشه في المحل ويجيبها المشكله اننا غرقاانين ديون والله العظيم ان احيان يذبحني الجوع ماالقى شي في الثلاجه اكله يعني لو ان ظروفه تسمح قلت عادي بس معيشنا بالفقر وهناك كرم |
رد : كيف ازيل هذه الجروح الاخ ابوحكيم/اخي في
يمكن لو انها مو الشي اللي انااطلبه اقول ماعليه بس تشتري لهم اللي انا نفسي فيه من سنين
طبعا انتظرته يشتريها عدت السنين ولا شي قمت شريتلي شاشتين وحده بالمجلس ووحده في غرفة ولدي واول ماتزوجنا لقيتلي نجفات اعجبتني حيل والمجلس عندي ماكان في شي قلت طبعا اكيد مابيجيبه فاشتريتها على حسابي وترجيته يركبها ولا شي طيب طيب ولا ركبها. مرت ثلاث سنوات ولاركبها قمت قلت ابركبها انا بغت تضرب فيني الكهرباء لان ضغط الكهرباء فيها طلع عالي لما جاء الكهربائي قال احمدوا ربكم ماولع البيت طبعا برضه ماركبها كرهتها خلاص حطيتها عند الباب قلتله ارميها بالزباله قال يعني ماتبينها قلت لا قام دق على امه قال عندي نجفات جديده الحرمه ماتبيها تبغونهاقالت ايه اذا ماتبونها اعطوني اركبها ببيتي. قال طيب ويوديها لهم وفي نفس اليوم ركبها لهم انا من قو الصدمه ماقدرت اتكلم |
رد : كيف ازيل هذه الجروح الاخ ابوحكيم/اخي في
اقتباس:
هل تعامله معهم يشرفك أمامهم , وهل يتكلف من أجلهم فعلا ؟ هل يقدرهم ويحترمهم , وتشعرين بالفخر أمامهم من معاملته لهم ؟ |
رد : كيف ازيل هذه الجروح الاخ ابوحكيم/اخي في
جدا مشرف ويمدحونه دائما نعم يتكلف ايضا
ودي اسأله سؤال ليش ماتعاملني مثل ماتعامل الناس |
رد : كيف ازيل هذه الجروح الاخ ابوحكيم/اخي في
احس اني بموضوعي ذا مثل اللي يفتح الجرح ويكب عليه ملح
مدري بس سؤالك ذا بكاني مدري انا حساسه مدري انا مريضه مدري هو الغلطان مدري انا ماعاد اعرف انا ضايعه والله اكيد بتقول ذولا كلهم غلطانين وانتي اللي صح انا ارجف واقلك صدقني تكفى صدقني اكذب علي وقلي صادقه هو ظلمك هو جرحك هو دمرك |
رد : كيف ازيل هذه الجروح الاخ ابوحكيم/اخي في
لا حول ولا قوة إلا بالله
إستعيني بالله أختي الكريمه وتوكلي عليه فهو نعم المعين , وكفى به وكيلا . هل حصل أي موقف مع زوجك , حتى لو كان قديما وصدر منك خلاله كلاما أو تصرفا أو إشارة تهز رجولته أو فحولته أو ثقته بنفسه سواء كان مقصودا منك هذا التصرف أو غير مقصود ؟ ما هي أبرز ملاحظاته عليك التي يرددها عندما يتضايق أو يغضب منك ؟ هل تشعرين بأنه سيكون آسفا أو نادما لو طلقك ؟ بنظرة عميقة جدا بداخله .. بحدسك الشخصي وإحساسك الأنثوي هل تشعرين حقيقة أنه يحبك , بغض النظر سواء عبر عنه أو لم يعبر ؟ وبحدسك الشخصي أيضا .. هل تشعرين أنه يكرهك ؟ آمل منك نسخ كل سؤال , ووضع الرد الخاص به أسفله . |
رد : كيف ازيل هذه الجروح الاخ ابوحكيم/اخي في
اقتباس:
|
رد : كيف ازيل هذه الجروح الاخ ابوحكيم/اخي في
أعلم بأن بعض الأسئلة قد تكون مكرره , وأجبت عنها في مواضيع سابقه
ولكن محاولة مني لجمع أبرز النقاط في موضوع واحد ليسهل الإحاطة بها . هل أنت تكرهين زوجك حقيقة , أم هو مجرد كلام تقولينه له وقت الغضب ؟ منذ متى وأنت تشعرين بنفورك منه ؟ هل تعرضت لخيانة منه , أو فعل أمر جلل , كان هو نقطة التحول الذي جعلك بهذه الحالة تجاهه ؟ ___________ تكلمت عن سلبيات زوجك , وأريد منك الآن ذكر إيجابياته تجاهك , وليس تجاه الناس أذكريها على شكل نقاط مهما كانت قليله .. 1 2 3 .... |
رد : كيف ازيل هذه الجروح الاخ ابوحكيم/اخي في
اقتباس:
1-احترامه لاهلي |
رد : كيف ازيل هذه الجروح الاخ ابوحكيم/اخي في
اخوانه دايم عيالهم معهم دايما وهو بالقوه ياخذه واذا اخذه جلس يسب فيه قدام الناس
كل ماينحط اكل على طول يقومه من على السفره عشان يجي ياكل معايه حاولت فيه يخليه معه مافيه فايده قمت قلت لولدي اذا قومك ابوك من على السفره لااشوفك جاي عندي مع الحريم كلهم حريم ببناتهم الا ولدي جالس مع البنات وقلت لابوه اذا ماتبيه يتعشا عندكم لاترسله يجيني والله مااقعده بين الحريم خله يلعب ويجلس مع العيال قال بغيتيه يجلس بدون عشا قلت والله وش اسوي فيك انت اللي ماتبيه يجلس ياكل مع ان الولد مو صغير يقدر ياكل بنفسه ويغسل يده وهددت ولدي انه لو يجيني ازعل منه واضربه من بعدها صار ماعاد يرسله علي حتى اذا جا ضيوف على طول يطرده من المجلس ويرسله علي هو الولد شوي شقي بس مو لدرجة انه يعامله كذا مهما كان هو ابوه اذا ماتحملناه ياابوه وامه من يتحمله الولد ذحين صغير مايفهم بس لو يكبر شوي يصير يفهم ويتاثر من هالمعامله |
| الساعة الآن 02:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©